spot_img
Home Blog Page 5718

ଗାଡ଼ି ଇଣ୍ଡିକେଟର ନ ଦେବାରୁ ଶ୍ୱଶୁର ଘର ସାମ୍ନାରେ ଜ୍ୱାଇଁଙ୍କୁ ପିଟିପିଟି ହତ୍ୟା

ଉଦଳା: କପ୍ତିପଦା ଥାନା ନୂଆସାହି ଗ୍ରାମରେ ଅଭାବନୀୟ ଘଟଣା । ଶ୍ବଶୁର ଘର ସାମ୍ନାରେ ଜ୍ବାଇକୁ ପିଟି ପିଟି ମାରିଦେଲେ ଦୁର୍ବୃତ୍ତ । ମୃତକ ହେଲେ ବାଲେଶ୍ବର ଅଞ୍ଚଳର ରଣଜିତ ପ୍ରଧାନ । ସୂଚନା ଅନୁସାରେ, ଗତକାଲି ରାତିରେ ରଣଜିତ ଗାଡି ବୁଲାଉଥିଲେ । କିନ୍ତୁ ଏହି ସମୟରେ ପଛରୁ ଆସୁଥିବା ୩ ଜଣ ଯୁବକ ଗାଡି ସାଇଡ କରି ରଣଜିତଙ୍କ ସହିତ ଝଗଡା କରିଥିଲେ । ଗାଡି ଇଣ୍ଡିକେଟର କାହିଁକି ଦେଇନଥିଲ କହି ଝଗଡା କରିବା ନିସ୍ତୁକ ମାଡ ମାରିଥିଲେ । ପାଟି ଶୁଣି ଶ୍ବଶୁର ଘର ଲୋକେ ଲୋକଙ୍କୁ ଡାକିଥିଲେ । ପରେ ଗୁରୁତର ଅବସ୍ଥାରେ ରଣଜିତଙ୍କୁ ଉଦଳା ଡାକ୍ତରଖାନାକୁ ନିଆଯାଇଥିଲା । ହେଲେ ଡାକ୍ତର ତାଙ୍କୁ ମୃତ ଘୋଷଣଶ କରିଥିଲେ । ଖବର ପାଇ କପ୍ତିପଦା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ, ୩ ଜଣଙ୍କୁ ଅଟକ ରଖିଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ୭ ହଜାର ୨ଜଣ ନୂଆ କରୋନା ଆକ୍ରାନ୍ତ ଚିହ୍ନଟ

ରାଜ୍ୟରେ ୭ ହଜାର ୨ଜଣ ନୂଆ କରୋନା ଆକ୍ରାନ୍ତ ଚିହ୍ନଟ

ଭୁବନେଶ୍ୱର: ରାଜ୍ୟରେ କ୍ରମାଗତ ଭାବରେ କମିବାରେ ଲାଗିଛି କରୋନା ସଂକ୍ରମିତଙ୍କ ସଂଖ୍ୟା । ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ୭ହଜାର ୨ ଜଣ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି  । କ୍ୱାରେଣ୍ଟାଇନ୍‌ରୁ ୩ହଜାର ୯୨୧ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ସ୍ଥାନୀୟ ଅଞ୍ଚଳରୁ ୩ହଜାର ୮୧ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ସର୍ବାଧିକ ୧୧୬୭ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ କଟକରୁ ୭୭୧, ଯାଜପୁରରୁ ୪୮୬, ଅନୁଗୁଳରୁ ୩୮୮, ମୟୂରଭଞ୍ଜରୁ ୩୭୦, ବାଲେଶ୍ବରରୁ ୩୩୧, ପୁରୀରୁ ୩୦୬, ଭଦ୍ରକରୁ ୨୬୭, ସୁନ୍ଦରଗଡ଼ରୁ ୨୪୩, ଜଗତସିଂହପୁରରୁ ୨୩୨, ରାୟଗଡ଼ାରୁ ୨୨୨, ଷ୍ଟେଟପୁଲରୁ ୨୦୭ ସଂକ୍ରମିତ ଚିହ୍ନଟ ହୋଇଛନ୍ତି । ନବରଙ୍ଗପୁରରୁ ୧୯୮, ନୟାଗଡ଼ରୁ ୧୯୬, କେନ୍ଦ୍ରାପଡ଼ାରୁ ୧୮୮, କୋରାପୁଟରୁ ୧୫୮, କେନ୍ଦୁଝରରୁ ୧୪୮, ବୌଦ୍ଧରୁ ୧୩୪, ବରଗଡ଼ରୁ ୧୧୭, ସମ୍ବଲପୁରରୁ ୧୦୭, ଢେଙ୍କାନାଳରୁ ୧୦୬, କଳାହାଣ୍ଡିରୁ ୧୦୩ ସଂକ୍ରମିତ ଚିହ୍ନଟ ହୋଇଛନ୍ତି । ଝାରସୁଗୁଡାରୁ ୯୭, ମାଲକାନଗିରିରୁ ୯୫, ବଲାଙ୍ଗୀରରୁ ୮୯, ଗଞ୍ଜାମରୁ ୭୪, ଦେଓଗଡ଼ରୁ ୬୪, ସୋନପୁରରୁ ୫୯, ଗଜପତିରୁ ୪୮, ନୂଆପଡାରୁ ୨୮, କନ୍ଧମାଳରୁ ୩ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୮ଲକ୍ଷ୧୩ହଜାର ୯୬ ସଂକ୍ରମିତ ଚିହ୍ନଟ ହୋଇଥିବା ବେଳେ ମୋଟ୍ ସୁସ୍ଥ ହୋଇଛନ୍ତି ୭ଲକ୍ଷ୩୨ହଜାର ୧୮ଥିବା ବେଳେ ଆକ୍ଟିଭ କେସ୍ ୭୮ହଜାର ୩୧ ।

ଏଥିସହିତ ପଢ଼ନ୍ତୁ: ବିଦେଶ ଯିବାକୁ ଥିବା ଛାତ୍ରଛାତ୍ରୀଙ୍କୁ ଅଗ୍ରାଧିକାର ଭିତ୍ତିରେ କରାଯିବ ଟିକାକରଣ

ବିଦେଶ ଯିବାକୁ ଥିବା ଛାତ୍ରଛାତ୍ରୀଙ୍କୁ ଅଗ୍ରାଧିକାର ଭିତ୍ତିରେ କରାଯିବ ଟିକାକରଣ

ଭୁବନେଶ୍ୱର: ଆଜିଠୁ ବିଦେଶରେ ରହି ପାଠପଢୁଥିବା ଛାତ୍ରଛାତ୍ରୀଙ୍କ ପାଇଁ ଟିକାକରଣ ଆରମ୍ଭ । ବିଦେଶରେ ପାଠ ପଢୁଥିବା ଛାତ୍ରଛାତ୍ରୀଙ୍କ ପାଇଁ ୧୯୨୯ରେ ପଞ୍ଜୀକରଣ କରାଯିବ । ଏହି ଛାତ୍ରଛାତ୍ରୀମାନେ ବିଦେଶକୁ ଯିବା ପାଇଁ ଟିକାକରଣ ବାଧ୍ୟତାମୂଳକ ଥିବାରୁ ତାଙ୍କ ପାଇଁ ଏହି କାର୍ଯ୍ୟକ୍ରମ ଆରମ୍ଭ ହେଉଛି । ଛାତ୍ରଛାତ୍ରୀଙ୍କ ଟିକାକରଣ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଛି । ଏହାସହ ରାଜଧାନୀ ଭୁବନେଶ୍ବରରେ କରୋନା ପଜିଟିଭିଟି ରେଟ ହ୍ରାସ ପାଇଛି । ଲକଡାଉନ୍ ଓ ସଟଡାଉନ୍ ଏହା ସଫଳ ହୋଇପାରିଛି । ଏଥି ପାଇଁ ଭୁବନେଶ୍ବରବାସୀଙ୍କୁ ଧନ୍ୟବାଦ ଦେଇଛନ୍ତି ବିଏମସି କମିଶନର ସଞ୍ଜୟ ସିଂ । ବିଏମସି ଅଞ୍ଚଳରେ ମାର୍କେଟ ଏରିଆରେ ଗହଳି ସ୍ଥାନରେ ଆରଟିପିସିଆର ଓ ଆଣ୍ଟିଜେନ ଟେଷ୍ଟ କରାଯାଉଛି । ଆଗାମୀ ଦିନରେ ଅନ୍ୟ ଗହଳି ସ୍ଥାନରେ ମୋବାଇଲ ଭ୍ୟାନ ଜରିଆରେ ବାଧ୍ୟତାମୂଳକ ଟେଷ୍ଟିଂ କରାଯିବ । ଭୁବନେଶ୍ବରରେ ହସ୍ପିଟାଲରେ ବେଡ ଉପରୁ ଚାପ ହ୍ରାସ ପାଇଛି । ୨ହଜାରରୁ ଅଧିକ ବେଡ ଖାଲି ରହିଛି । ୭୫ରୁ ଅଧିକ ଆଇସିୟୁ ବେଡ ମଧ୍ୟ ଖାଲି ରହୁଛି । ବିଏମସିକୁ ସରକାର ୧୦୦ ଟି ଅକ୍ସିଜେନ କନସେନଟ୍ରେଟର ଦେଇଛନ୍ତି । ଏଥିପାଇଁ ଏକ ଆପ ପ୍ରସ୍ତୁତ କରାଯାଇଛି । ଲୋକେ ଫୋନ କରି ବୁକ କଲେ ବିଏମସି ତରଫରୁ ଘରେ ଅକ୍ସିଜେନ କନସେନଟ୍ରେଟର ଯୋଗାଇଦିଆଯିବ । ଦୈନିକ ୪ହଜାରରୁ ଅଧିକ ଟେଷ୍ଟ ହେଉଛି । ୬୦ ବର୍ଷରୁ ଅଧିକ, ଗର୍ଭବତୀ ଓ ଭିନ୍ନକ୍ଷମଙ୍କୁ ଡୋର ଷ୍ଟେପ ଟେଷ୍ଟିଂ ଚାଲୁଛି । ଜୁନ୍ ୪ ତାରିଖ ସୁଦ୍ଧା ୮ ଲକ୍ଷ ୫୭ ହଜାର ୩୩୦ ଟିକା ଦିଆସରିଥିବା ସୂଚନା ଦେଇଛନ୍ତି ବିଏମସି କମିଶନର ।

ଏଥିସହିତ ପଢ଼ନ୍ତୁ: ଜୁନ ୧୦ରେ ବର୍ଷର ପ୍ରଥମ ତଥା ଶେଷ ସୂର୍ଯ୍ୟ ପରାଗ

ଓଟିଟି ପ୍ଲାଟଫର୍ମରେ ଓଡ଼ିଆ ଡକ୍ୟୁମେଣ୍ଟାରୀ, ଦ ମାଉଣ୍ଟେନ ହକି ଦ ଲ୍ୟାଣ୍ଡ ଅଫ୍ ଓଡ଼ିଶା

ଭୁବନେଶ୍ୱର: ଓଟିଟି ପ୍ଲାଟଫର୍ମରେ ରିଲିଜ ହେଲେ ଓଡ଼ିଆ ଡକ୍ୟୁମେଣ୍ଟାରୀ ଚଳଚ୍ଚିତ୍ର ଦ ମାଉଣ୍ଟେନ ହକି ଦ ଲ୍ୟାଣ୍ଡ ଅଫ୍ ଓଡ଼ିଶା । ଜଣେ ଆଦିବାସୀ ଝିଅଙ୍କୁ ହକି ଶିକ୍ଷା ପାଇଁ ଅଣ୍ଟା ଭିଡ଼ିଥିବା ଜଣେ ଶିକ୍ଷକଙ୍କ କାହାଣୀ ଉପରେ ଆଧାରିତ ଏହି ଫିଲ୍ମ l ଡିଜନି ପ୍ଲସ ହଟଷ୍ଟାରରେ ଚଳଚ୍ଚିତ୍ରକୁ ରିଲିଜ କରାଯାଇଛି ।

ଚଳଚ୍ଚିତ୍ରଟି ସମ୍ବଲପୁର ଜିଲ୍ଲା ବାମରା ବ୍ଲକ ଅମଲିଖମନ୍ ଗାଁର ମିଶ୍‌ନାରୀ ସ୍କୁଲ ପ୍ରିନ୍ସପାଲ ରାଜେନ୍ଦ୍ର କୁଜୁରଙ୍କ ଜୀବନିକୁ ନେଇ ନିର୍ମାଣ କରାଯାଇଛି । ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଅବିନାଶ ପ୍ରଧାନ, ଦେବାଶିଷ ମହାପାତ୍ର ଓ ବ୍ରଜରାଜ ବେହେରା । ସେହିପରି ରାଜକିଶୋର ହୋତା, ମନୀଷ ଭୂଷଣ ଏବଂ ସୁବ୍ରଜିତ୍ ପ୍ରଧାନ ଫିଲ୍ମର ପ୍ରଯୋଜନା କରିଛନ୍ତି ।

ବିଶ୍ୱ ପରିବେଶ ଦିବସ: ଓଡ଼ିଶା ମୋ ପରିବାର ପକ୍ଷରୁ ବୃକ୍ଷ ରୋପଣ

ଭୁବନେଶ୍ୱର: ବିଶ୍ୱ ପରିବେଶ ଦିବସ ଅବସରରେ ଓଡିଶା ମୋ ପରିବାର ପକ୍ଷରୁ ବୃକ୍ଷରୋପଣ କାର୍ଯ୍ୟର ଶୁଭାରମ୍ଭ କରାଯାଇଛି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଓଡିଶା ମୋ ପରିବାର ପକ୍ଷରୁ ବୃକ୍ଷ ରୋପଣ କାର୍ଯ୍ୟକ୍ରମକୁ ବ୍ୟାପକ କରାଯାଇଛି । ଆଜି ସିଆରପି ଛକଠାରୁ ବରମୁଣ୍ଡା ହାଇସ୍କୁଲ ପର୍ଯ୍ୟନ୍ତ ଏବଂ କ୍ୟାପିଟାଲ ହସ୍ପିଟାଲ ପରିସରରେ ବୃକ୍ଷ ରୋପଣ କରାଯାଇଛି ।

ସଂପ୍ରତି କୋଭିଡ ମହାମାରୀ ସମୟରେ ଅମ୍ଳଜାନର ଘୋର ଅଭାବରୁ ରୋଗୀ ମାନେ ମୃତ୍ୟୁ ମୁଖରେ ପଡୁଛନ୍ତି । ତେଣୁ ବାୟୁମଣ୍ଡଳରୁ ମୁକ୍ତ ଅମ୍ଳଜାନ ପାଇବା ପାଇଁ ଏବଂ ପରିବେଶରେ ସନ୍ତୁଳନ ରକ୍ଷା କରିବା ପାଇଁ ବୃକ୍ଷ ରୋପଣକୁ ବ୍ୟାପକ କରାଯିବ ବୋଲି ଓଡିଶା ମୋ ପରିବାରର ଆବାହକ ଅରୂପ ପଟ୍ଟନାୟକ କହିଛନ୍ତି । ପରିବେଶର ଦାୟିତ୍ୱ , ସମାଜର ସେବା  ଜାରି ରଖିଥିବା ଓଡ଼ିଶା ମୋ ପରିବାର ନିଜର ଦାୟିତ୍ୱକୁ ସୂଚାରୁ ରୂପେ ନିର୍ଭ

ଓଡ଼ିଶା ଆସୁଛି କେନ୍ଦ୍ରୀୟ ଟିମ୍, ବାତ୍ୟାଞ୍ଚଳରେ କରିବେ କ୍ଷୟକ୍ଷତି ଆକଳନ

ଭୁବନେଶ୍ୱର: ଆସନ୍ତାକାଲି ବାତ୍ୟା କ୍ଷୟକ୍ଷତି ଆକଳନ ନେଇ ଭୁବନେଶ୍ୱରରେ ପହଞ୍ଚିବେ କେନ୍ଦ୍ରୀୟ ଟିମ୍ । କ୍ଷୟକ୍ଷତି ଆକଳନ ପାଇଁ ଆସୁଛନ୍ତି ୭ଜଣିଆ ଟିମ । ଗୃହ ମନ୍ତ୍ରାଳୟର ଯୁଗ୍ମ ସଚିବ ସୁନୀଲ ବଂଶଓ୍ୱାଲଙ୍କ ନେତୃତ୍ୱରେ ଏହି ଟିମ ଗଠନ କରାଯାଇଛି । ଦୁଇଦିନ ଧରି ବାତ୍ୟା ପ୍ରଭାବିତ ଅଞ୍ଚଳ ବୁଲି ଦେଖିବାର କାର୍ଯ୍ୟକ୍ରମ ହୋଇଛି । SRC ଓ ମୁଖ୍ୟ ଶାସନ ସଚିବଙ୍କ ସହ କ୍ଷୟକ୍ଷତି ନେଇ ଆଲଚନା କରିବେ ଏହି ଟିମ ।

ବାତ୍ୟା ସାୟରେ ସର୍ବାଧିକ କ୍ଷତିଗ୍ରସ୍ତ ହୋଇଥିବା ଜିଲ୍ଲା ଗୁଡ଼ିକ ପରିଦର୍ଶନ କରିବ ଏହି ଟିମ୍  । ପ୍ରଧାନମନ୍ତ୍ରୀ ନରେନ୍ଦ୍ର ମୋଗଦି ପୂର୍ବରୁ ଓଡ଼ିଶା ଗସ୍ତରେ ଆସି ବାତ୍ୟାଞ୍ଚଳ ବୁଲି ଦେଖିବା ସହ ମୁଖ୍ୟମନ୍ତ୍ରୀ ଏବଂ ରାଜ୍ୟ ସରକାରଙ୍କ ପ୍ରତିନିଧି ମଣ୍ଡଳୀ ସହ ସମୀକ୍ଷା ବୈଠକ କରିଥିଲେ  । ଏହାପରେ ଦିଲ୍ଲୀ ଫେରି ଓଡ଼ିଶାକୁ ୫ଶହ କୋଟିର ଅତିରିକ୍ତ ସହାୟତା ରାଶି ପ୍ରଦାନ କରିଥିଲେ  । ଏବଂ କେନ୍ଦ୍ରୀୟ ଟିମ ସମୀକ୍ଷା କରିବା ପରେ ବାକି ସହାୟତା ଅର୍ଥ ପ୍ରଦାନ କରାଯିବ ବୋଲି ଘୋଷଣା କରିଥିଲେ ପ୍ରଧାନମନ୍ତ୍ରୀ  ।

ଯୁକ୍ତ ଦୁଇ ମୂଲ୍ୟାୟନ ପାଇଁ ଟିମ ଗଠନ , CHSE ପକ୍ଷରୁ ୧୪ ଜଣିଆ କମିଟି

ଭୁବନେଶ୍ୱର: ଯୁକ୍ତ ଦୁଇ ମୂଲ୍ୟାୟନ ପାଇଁ ଗଠନ ହୋଇଛି ଟିମ୍‌ । ଉଭୟ ରେଗୁଲାର ଓ ଏକ୍ସ ରେଗୁଲାର ପାଇଁ ଟିମ୍‌ ଗଠନ କରିଛି ସିଏଚଏସଇ । ସିଏଚଏସଇ ପକ୍ଷରୁ ୧୪ ଜଣିଆ କମିଟି ଗଠନ ହୋଇଛି । ଗୁରୁତ୍ବପୂର୍ଣ୍ଣ କମିଟିରେ ସ୍ଥାନ ପାଇଛନ୍ତି ଶିକ୍ଷାବିତ୍‌ । କୋଭିଡ ସ୍ଥିତିରେ ପରୀକ୍ଷା ହେବା ଅନୁଚିତ ମଣିବା ପରେ ରାଜ୍ୟ ସରକାର ପରୀକ୍ଷାକୁ ବାତିଲ କରିଥିଲେ ।

ପରୀକ୍ଷା ନହେବା ନେଇ ସରକାର ଘୋଷଣା କରିଥିଲେ । ଏହାପରେ ଆଜି ମୂଲ୍ୟାୟନ ପାଇଁ ଟିମ ଗଠନ କରିଛନ୍ତି । ଏହି ଟିମ୍ ୧୦ ଦିନ ମଧ୍ୟରେ ମୂଲ୍ୟାୟନ ଖସଡା ରିପୋର୍ଟ କମିଟି ଦେବ । ଏହି କମିଟିରେ ଶିକ୍ଷାବିତ ମାନେ ରହିଥିବାବେଳେ ଉଭୟ ରେଗୁଲାର ଓ ଏକ୍ସ ରେଗୁଲାର ପରୀକ୍ଷା ଖାତା ମୂଲ୍ୟାୟନ ପାଇଁ ଟିମ ଗଠନ ହୋଇଛି ।

ଛେପ ପକାରୁ ମାରପିଟ୍, ଜଣେ ମୃତ୍ୟୁ ୪ ଆହତ

ବାଲେଶ୍ୱର: ସାମାନ୍ୟ ଛେପ ପକାକୁ କେନ୍ଦ୍ରକରି ଆକ୍ରମଣ, ଆକ୍ରମଣରେ ଜଣଙ୍କର ମୃତ୍ୟୁ ଘଟିଥିବା ବେଳେ ଚାରିଜଣ ଗୁରୁତର ହୋଇଛନ୍ତି  । ଏଭଳି ଏକ ଭୟଙ୍କର ଘଟଣା ଦେଖିବାକୁ ମିଳିଛି ଚାନ୍ଦବାଲି ବ୍ଲକ ଅନ୍ତର୍ଗତ ଘଣ୍ଟେଶ୍ୱର ଅଞ୍ଚଳ ଗୋପୀନାଥପୁର ପଞ୍ଚାୟତରେ  । କଳହକୁ କେନ୍ଦ୍ର କରି ମାରପିଟ  । ପୁୁଣି ଏମିତି ମାରପିଟ ଯେ ରକ୍ତାକ୍ତ ସଂଘର୍ଷ  ହୋଇଛି  । ଫଳରେ ଜଣଙ୍କର ମୃତ୍ୟୁ ହୋଇଥିବାବେଳେ ୪ ଜଣ ଆହତ ହୋଇଛନ୍ତି  ।

ସୂଚନା ମୁତାବକ ୨ ପରିବାର ମଧ୍ୟରେ ଛେପ ପକାଇବାକୁ କେନ୍ଦ୍ର କରି ଘଟଣାର ସୂତ୍ରପାତ ହୋଇଥିବା ଜଣା ପଡିଛି  । ତେବେ ଜଣଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ ଉଭୟ ପକ୍ଷରୁ ପାଞ୍ଚ ଜଣ ଗୁରୁତର ହୋଇଛନ୍ତି  । ସମସ୍ତଙ୍କୁ ଚାନ୍ଦବାଲି ଓ ତିହିଡି ମେଡିକାଲରେ ଭର୍ତ୍ତି କରାଯାଇଛି  । ସେପଟେ ଅଭିଯୋଗ ପରେ ପୋଲିସ ଘଟଣନାର ଅନୁସନ୍ଧାନ ଜାରି ରଖିଛି  ।

ନାଇଜେରିଆରେ ବ୍ୟାନ୍, ଭାରତରେ ବିବାଦ

ଟୁଇଟର ଓ ଭାରତ ସରକାରଙ୍କ ମଝିରେ ବିବାଦ ଥମିବାର ନାଁ ଧରୁନି । ଭାରତ ସରକାରଙ୍କ ନୂଆ ଆଇଟି ନିୟମାବଳୀକୁ ଟୁଇଟର କରୁଛି ଅବମାନନା । ଟ୍ୱିଟରକୁ ଶନିବାର ଭାରତ ସରକାର ଅନ୍ତିମ ଚେତାବନୀ ମଧ୍ୟ ଦେଇଛନ୍ତି । ସରକାର କହିଛନ୍ତି ନିୟମ ମାନ ନହେଲେ କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତ ରୁହ । ଭାରତ ସରକାରଙ୍କ କହିବା ହେଉଛି, ଅଭିଯୋଗ ଶୁଣାଣି ପାଇଁ ଟ୍ୱିଟର ଖୁବଶିଘ୍ର ଜଣେ ସ୍ଥାନୀୟ ଅଭିଯୋଗ ଅଧିକାରୀ ଓ ଜଣେ ନୋଡାଲ ଯୋଗାଯୋଗ ଅଫିସରଙ୍କୁ ନିଯୁକ୍ତି କରୁ ଓ ସେ ବିଷୟରେ ସରକାରଙ୍କ ସହ ଆଲୋଚନା ମଧ୍ୟ କରୁ । କିନ୍ତୁ ଭାରତ ସରକାରଙ୍କ କଥା ମାନିବା ପରିବର୍ତ୍ତେ ଲାଗୁଛି ସ୍ୱଘୋଷିତ ସ୍ୱାଧିନ ଅଭିବ୍ୟକ୍ତିର ପତାକାଧାରୀ ଟ୍ୱିଟର ଭାରତ ସରକାରଙ୍କ କ୍ଷମତା ଓ ଦେଶର ସାର୍ବଭୌମତ୍ୱକୁ ଚ୍ୟାଲଂଜ୍ କରୁଛି । ଟ୍ୱିଟର ଯେଉଁଭଳି ଭାବେ ମନମାନି କରୁଛି ସେଥିରୁ ଅତିକମରେ ଏହାହିଁ ଲାଗୁଛି ।

ଉଦାହରଣ ଭାବେ ଶନିବାରର ଘଟଣାକ୍ରମକୁ ନିଅନ୍ତୁ । ମାଇକ୍ରୋବ୍ଲଗିଂ ପ୍ଲାଟଫର୍ମ ଟ୍ୱିଟର ଉପରାଷ୍ଟ୍ରପତି ଏମ୍. ଭେଙ୍କିଆ ନାଇଡୁଙ୍କ ଟ୍ୱିଟର ଆକାଉଣ୍ଟରୁ ଦୁଇ ଘଣ୍ଟା ପାଇଁ ବ୍ଲୁଟିକ୍ ହଟାଇବା ପରେ ରାଷ୍ଟ୍ରୀୟ ସ୍ୱୟଂ ସେବକ ସଂଘ ମୁଖ୍ୟ ମୋହନ ଭାଗବତଙ୍କ ଆକାଉଣ୍ଟକୁ ଅନ୍ ଭେରିଫାଇଡ୍ କରିଦେଇଛି । ଅର୍ଥାତ ଭଗବତଙ୍କ ଆକାଉଣ୍ଟରୁ ବ୍ଲୁଟିକ୍ ହଟିଯାଇଛି । କେବଳ ଭଗବତ ନୁହନ୍ତି ଆରଏସଏସର ପୂର୍ବତନ ସରକାର୍ଯ୍ୟବାହକ ଭୟାଜି ଜୋଷୀ,ପୂର୍ବତନ ସହ ସରକାର୍ଯ୍ୟବାହକ ସୁରେଶ ସୋନି ଓ ସର କାର୍ଯ୍ୟବାହକ ଅରୁଣ କୁମାରଙ୍କ ଆକାଉଣ୍ଟକୁ ମଧ୍ୟ ଟ୍ୱିଟର ଅନଭେରିଫାଇଡ୍ କରିଦେଇଛି । ଉପରାଷ୍ଟ୍ରପତିଙ୍କ ଆକାଉଣ୍ଟରୁ ବ୍ଲୁଟିକ୍ ହଟିବା ପରେ ହଙ୍ଗାମା ହୋଇଥିଲା । ଟ୍ୱିଟର ପକ୍ଷରୁ କୁହାଯାଇଥିଲା ଯେ, ଉପରାଷ୍ଟ୍ରପତିଙ୍କ ଆକାଉଣ୍ଟ ଗତ ୬ ମାସ ଧରି ଅପଡେଟ୍ ହେଉନଥିବାରୁ ବ୍ଲୁଟିକ୍ ହଟାଯାଇଥିଲା । ଉପରାଷ୍ଟ୍ରପତିଙ୍କ ଆକାଉଣ୍ଟରୁ ବ୍ଲୁଟିକ୍ ହଟାଯିବାକୁ ନେଇ କେନ୍ଦ୍ର ସରକାରଙ୍କ ଆଇଟି ବିଭାଗ ଅସନ୍ତୁଷ୍ଠ ଥିଲା ବୋଲି କୁହାଯାଉଥିଲା । ଟ୍ୱିଟର ଓ ସରକାରଙ୍କ ମଧ୍ୟରେ ଚାଲିଥିବା ଲଢେଇର ଏହା ଅଂଶ ବୋଲି କୁହାଯାଉଛି ।

ଏବେ ମୋହନ ଭାଗବତଙ୍କ ଆକାଉଣ୍ଟରୁ ବ୍ଲୁଟିକ୍ ସେହି ଏକା କାରଣରୁ ହଟାଯାଇଥିବା ଅନୁମାନ କରାଯାଉଛି । କାରଣ ଭଗବତଙ୍କ ଆକାଉଣ୍ଟ୍ ୨୦୧୯ରେ ତିଆରି ହୋଇଥିଲା କିନ୍ତୁ ଗତ ୬ମାସରୁ ଅଧିକ ଦିନ ଧରି ଏହା ନିଷ୍କ୍ରିୟ ଅଛି । ଟ୍ୱିଟରର ନୀତିକୁ ନେଇ କେବଳ ଭାରତ ସରକାର ଅସନ୍ତୁଷ୍ଟ ବୋଲି କହି ହେବ ନାହିଁ । ଖୋଦ ଟ୍ୱିଟରର ଘର ଆମେରିକାରେ ମଧ୍ୟ ଅସନ୍ତୋଷ ରହିଛି । ଆମେରିକାରେ ଟ୍ୱିଟର ଯେମିତି ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଆଇଡିକୁ ବ୍ଲକ୍ କରିଛି ତାକୁ ନେଇ ବିବାଦ ରହିଛି । ଟ୍ରମ୍ପଙ୍କ ଆକାଉଣ୍ଟ୍ ବ୍ଲକ୍ କରି ଟ୍ୱିଟର ତାଙ୍କ ସ୍ୱାଧିନ ଅଭିବ୍ୟକ୍ତିର ଅଧିକାରର ଉଲ୍ଲଂଘନ କରିଛି ବୋଲି ଅଭିଯୋଗ ହେଉଛି । ଏହି ଅଭିଯୋଗରେ କିଛିଟା ସତ୍ୟତା ମଧ୍ୟ ରହିଛି । ପ୍ରଶ୍ନ ହେଉଛି,ଟ୍ୱିଟର ଆରମ୍ଭ ହୋଇଥିଲା ଲୋକଙ୍କୁ ନିଜ ଭାବନା ପ୍ରକାଶ ପାଇଁ ପ୍ଲାଟଫର୍ମ ଦେବାର ଘୋଷଣା ସହିତ । କିନ୍ତୁ ପ୍ରଶ୍ନ ହେଉଛି ଜଣକ ମତ ଠିକ୍ ନୁହେଁ ବୋଲି କହିବାକୁ ଟ୍ୱିଟର କିଏ ? ଟ୍ୱିଟର ବାମପନ୍ଥୀଙ୍କ ଆଡ୍ଡା ପାଲଟିଛି ବୋଲି ଅଭିଯୋଗ ହେଉଛି । ଟ୍ୱିଟରରେ ଦକ୍ଷୀଣପନ୍ଥୀଙ୍କ କଣ୍ଠରୋଧ ହେଉଛି । ସେମାନଙ୍କୁ ବ୍ଲକ୍ କରାଯାଉଛି । ଯଦି ସ୍ୱାଧୀନ ଅଭିବ୍ୟକ୍ତିର ଅଧିକାର ସମସ୍ତଙ୍କ ପାଇଁ ସମାନ ତେବେ ଏହି ଭେଦଭାବ କ’ଣ ପାଇଁ ?

ନିକଟରେ ନାଇଜେରିଆ ମଧ୍ୟ ଟ୍ୱିଟରକୁ ନିଜ ଦେଶରେ ବ୍ୟାନ୍ କରିଛି । କାରଣ ହେଉଛି ଯେ, ଏହା ସେଠାକାର ରାଷ୍ଟ୍ରପତିଙ୍କ ଗୋଟିଏ ଟ୍ୱିଟକୁ ଡିଲିଟ୍ କରି ଦେଇଥିଲା । ଟ୍ୱିଟର ପକ୍ଷରୁ ଡିଲିଟ୍ କରିବାର କାରଣ ରଖା ଯାଇଥିଲା । କୁହାଯାଇଥିଲା ଯେ, ଏହା ତା’ର କମ୍ୟୁନିଟି ଗାଇଡ୍ ଲାଇନ ଉଲ୍ଲଂଘନ କରୁଛି । ନାଇଜେରିଆ ରାଷ୍ଟ୍ରପତିଙ୍କ ଟ୍ୱିଟ୍ ଗୋଟିଏ ସମୁଦାୟର ଭାବନାକୁ ଆହତ କରିଛି । ତେବେ ରାଷ୍ଟ୍ରପତି କ’ଣ ଟ୍ୱିଟ୍ କରିଥିଲେ ? ନାଇଜେରିଆରେ ସକ୍ରିୟ ଥିବା ବିଛିନ୍ନତାବାଦୀଙ୍କୁ ସେଠାକାର ରାଷ୍ଟ୍ରପତି ସମାଲୋଚନା କରିଥିଲେ । ଗୋଟିଏ ସ୍ୱାଧୀନ ଦେଶର ରାଷ୍ଟ୍ରପତି ଭାବେ ନିଜ ଦେଶର ସାର୍ବଭୌମତ୍ୱର ରକ୍ଷା କରିବା ତାଙ୍କ କର୍ତ୍ତବ୍ୟ । ଟ୍ୱିଟର ହିସାବରେ ଯଦି ରାଷ୍ଟ୍ରପତିଙ୍କ ଗୋଟିଏ ଟ୍ୱିଟ୍ କିଛି ଲୋକଙ୍କ ଭାବନାକୁ ବାଧିତ କରୁଥିଲା ତେବେ ତାଙ୍କୁ ବ୍ୟାନ୍ କରିବା କ’ଣ ତାଙ୍କ ସ୍ୱାଧିନ ଅଭିବ୍ୟକ୍ତିର ଅଧିକାର ଉପରେ ଆକ୍ରମଣ ନୁହେଁ କି ?

ଚୀନ୍ ଭଳି ଦେଶରେ ଟ୍ୱିଟର ନାହିଁ । ସେଠାରେ ଟ୍ୱିଟରର ଚାଇନା ଭର୍ସନ୍ ୱେଇବୋ ରହିଛି । ଟ୍ୱିଟର ଯଦି ସେଠାରେ ଅପରେସନ୍ ଚଳାଉଥାନ୍ତା ତେବେ ଚୀନ୍ ସରକାରଙ୍କୁ ସମାଲୋଚନା କରୁଥିବା ଆକାଉଣ୍ଟକୁ ଚାଲିବାକୁ ଦେଇଥାନ୍ତା କି ? ଏହାର ଉତ୍ତର ଏତେ ସିଧା ନୁହେଁ । ହୁଏତ ଟ୍ୱିଟର ସେଠାରେ ନିଜ ରୁଲ୍ ଅଫ୍ ଏନଗେଜମେଣ୍ଟ୍ ବଦଳାଇ ଦେଇଥାନ୍ତା । କାରଣ ଟ୍ୱିଟର ଭଲ ଭାବେ ଜାଣିଛି ଯେ, ଚୀନ କମ୍ୟୁନିଷ୍ଟ ସରକାର ତାକୁ ଏଣ୍ଟରଟେନ୍ କରିବ ନାହିଁ । ଆମେରିକୀୟ ଟେ୍କ ଓ ସୋସିଆଲ ମିଡିଆ କମ୍ପାନୀଙ୍କ ଦୋମୁହାଁ ନୀତିର ଆଉ ଗୋଟିଏ ଉଦାହରଣ ନିଅନ୍ତୁ । ଶୁକ୍ରବାର ଦିନ ୧୯୮୯ ଚୀନର ତିଆନମେନ୍ ସ୍କୋୟାର ବିଦ୍ରୋହକୁ ୩୨ ବର୍ଷ ପୁରିଛି । ସେହିଦିନ ମାଇକ୍ରୋସଫଟର ବିଙ୍ଗୋ ସର୍ଚ୍ଚ ଇଂଜିନରେ କିଛି ବ୍ୟକ୍ତି ଟ୍ୟାଙ୍କ ମ୍ୟାନ୍ ସର୍ଚ୍ଚ କରିଥିଲେ । କିନ୍ତୁ ସେମାନେ ସେହି ପ୍ରସିଦ୍ଧ ଚିତ୍ର ଯେଉଁଥିରେ ଟ୍ୟାଙ୍କ୍ ଆଗରେ ଜଣେ ବ୍ୟକ୍ତି ଛିଡା ହୋଇଥିବାର ଦୁନିଆ ୩୨ ବର୍ଷ ତଳେ ଦେଖିଥିଲା,ତାହା ଦେଖି ପାରିନଥିଲେ । କାରଣ ତାହା ଆଉ ନଥିଲା ।

ମାଇକ୍ରୋସଫ୍ଟ କହିଲା ମାନବୀୟ ତ୍ରୁଟିରୁ ଏମିତି ହୋଇଛି । କିନ୍ତୁ ସତ ହେଉଛି ଚୀନ ଭଳି ବଡ ବଜାରର ମାଲିକ ଚୀନ କମ୍ୟୁନିଷ୍ଟ୍ ପାର୍ଟିକୁ ଅସନ୍ତୁଷ୍ଟ କରିବାକୁ ଚାହୁଁନଥିବା ମାଇକ୍ରୋସଫ୍ଟ ଏହି ଫଟୋକୁ ହଟାଇ ଦେଇଥିଲା । ଅବଶ୍ୟ ବିରୋଧ ପରେ ପୁଣିଥରେ ବିଙ୍ଗୋ ସର୍ଚ୍ଚ ଇଂଜିନକୁ ଟ୍ୟାଙ୍କ ମ୍ୟାନଙ୍କ ପ୍ରତ୍ୟାବର୍ତ୍ତନ ହୋଇଥିଲା । ଏଇଥିରୁ ଜଣା ପଡୁଛି ଆମେରିକୀୟ ଟେକ୍ କମ୍ପାନୀଙ୍କ ସ୍ୱାଧିନ ଅଭିବ୍ୟକ୍ତି ସ୍ଲୋଗାନ୍ କେତେ ଫମ୍ପା । ଏଥର ଆସନ୍ତୁ କେଉଁ ପରିସ୍ଥିତିରେ ଟ୍ୱିଟର ବ୍ଲୁଟିକ୍ ହଟାଇ ଥାଏ । ଟ୍ୱିଟର ବିନା ନୋଟିସରେ ଗୋଟିଏ ଆକାଉଣ୍ଟରୁ ବ୍ଲୁଟିକ୍ ହଟାଇ ପାରେ । ବ୍ଲୁ ଭେରିଫାଇଡ୍ ବ୍ୟାଜ୍ ଓ ଭେରିଫାଇଡ୍ ଷ୍ଟାଟସ ହଟାଇବା ପାଇଁ ଟ୍ୱିଟର ନୋଟିସ ଦେବାକୁ ବାଧ୍ୟ ନୁହେଁ । କୌଣସି ଆକାଉଣ୍ଟ ନିଜ ନାମ ବଦଳାଇଲେ କିମ୍ବା ନିଷ୍କ୍ରିୟ ରହିଲେ ଅଥବା ଯଦି ଆକାଉଣ୍ଟ ଅସମ୍ପୂର୍ଣ୍ଣ ରହିଥାଏ ତେବେ ଟ୍ୱିଟର ବ୍ଲୁଟିକ୍ ହଟାଇ ଦେଇଥାଏ । କମ୍ପାନୀ ଅନୁସାରେ ବ୍ଲୁ ଟିକ୍ ହଟାଇବା ଅର୍ଥ ହେଉଛି ଆକାଉଣ୍ଟ୍ ଜନହିତ ସହ ଜଡିତ ଓ ଏହା ଏକ ବାସ୍ତବିକ ଆକାଉଣ୍ଟ ।

ବିଏମସି ଫୋକସରେ ଭିକ୍ଷୁକ, ସ୍ୱତନ୍ତ୍ର ଡ୍ରାଇଭରେ ନେଲେ ଟିକା

ଭୁବନେଶ୍ୱର: ବାସହୀନଙ୍କ ପରେ ଭିକ୍ଷୁକଙ୍କୁ ଗୁରୁତ୍ବ । ସମ୍ବେଦନଶୀଳ ବର୍ଗଙ୍କ ଉପରେ ବିଏମସିର ଫୋକସ୍ । ଆଗକୁ କିନ୍ନର ଓ ଦିଵ୍ୟାଙ୍ଗଙ୍କ ପାଇଁ ହେବ ସ୍ବତନ୍ତ୍ର ଡ୍ରାଇଭ । ଟିକାର ଅଭାବକୁ ନେଇ ଚିନ୍ତାରେ ରାଜଧାନିବାସୀ । କାରଣ ରାଜ୍ୟରେ କେବଳ ଭୁବନେଶ୍ବରରେ ଦିଆଯାଉଛି କୋଭକ୍ସିନ । ଟିକାର ଅଭାବ ସତ୍ତ୍ବେ କେହି ଯେପରି ଟିକାକରଣରୁ ବାଦ ନପଡନ୍ତି ସେଥିପାଇଁ ବିଏମସି ପକ୍ଷରୁ ସ୍ୱତନ୍ତ୍ର ଧ୍ୟାନ ଦିଆଯାଇଛି ।

ବାସହୀନଙ୍କ ସାମୁହିକ ଟିକାକରଣ ପରେ ସ୍ୱତନ୍ତ୍ର ଡ୍ରାଇଭ ଜରିଆରେ ଭିକ୍ଷୁକଙ୍କର କରାଯାଇଛି ଟିକାକରଣ । 3ଟି ଆଶ୍ରୟ ସ୍ଥଳରେ 138 ଜଣଙ୍କକରାଯାଇଛି ଟିକାକରଣ କରାଯାଇଛି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ବିଭିନ୍ନ ସ୍ତରରେ ସ୍ବତନ୍ତ୍ର ଟିମ୍ ଜରିଆରେ ଚାଲିଥିବା ଏହି କାର୍ଯ୍ୟ ସର୍ବୋପରି ବିଏମସିର ଏଭଳି ପଦକ୍ଷେପକୁ ପ୍ରଶଂସା କରିଛନ୍ତି ଭୁବନେଶ୍ୱର ବିଧାୟକ ତଥା ପୂର୍ବତନ ମେୟର ଅନନ୍ତ ନାରାୟଣ ଜେନା । ପୂର୍ବରୁ ଭିକ୍ଷାବୃତି କରୁଥିଲେ । ବିଏମସି ପକ୍ଷରୁ ରାଜଧାନୀକୁ ଭିକାରୀ ମୁକ୍ତ କରିବା ପ୍ରୟାସରେ ସ୍ୱତନ୍ତ୍ର ଆଶ୍ରୟସ୍ଥଳରେ ଥଇଥାନ କରାଯାଇଛି ।

ଆଶ୍ରୟ ସ୍ଥଳରେ ସବୁ ସୁବିଧା ଥିଲେ ସୁଦ୍ଧା ଟିକା ସେମାନଙ୍କୁ ମିଳିବ କି ନାହିଁ ସନ୍ଦେହରେ ଥିଲେ । ତେବେ ପ୍ରଥମ ଡୋଜ ଟିକା ନେବାପରେ ଖୁସି ବ୍ୟକ୍ତ କରିଛନ୍ତି ସମସ୍ତେ । ସେପଟେ ବାସହୀନ ଓ ଭିକ୍ଷୁକଙ୍କ ପରିଚୟପତ୍ର ନଥିବା ସତ୍ତ୍ୱେ ସେମାନଙ୍କ ପାଇଁ ବିଏମସିର ଏହି ସ୍ୱତନ୍ତ୍ର ଅଭିଯାନ ନିଶ୍ଚିତ ଭାବେ ଏକ ଭଲ ପଦକ୍ଷେପ ବୋଲି କହିଛନ୍ତି ଓଡିଶା ପତିତା ଉଦ୍ଧାର ସମିତି ସମ୍ପାଦିକା  ସୋମବାର ଠାରୁ ଦିବ୍ୟାଙ୍ଗଙ୍କ ସମେତ କିନ୍ନର ଓ ଅନ୍ୟ ଅବହେଳିତ ବର୍ଗଙ୍କ ପାଇଁ ଟିକାକରଣର ସ୍ୱତନ୍ତ୍ର କାର୍ଯ୍ୟକ୍ରମ ବିଏମସି ପକ୍ଷରୁ ହାତକୁ ନିଆଯିବ ।