ଭୁବନେଶ୍ୱର: ମାଟ୍ରିକ ପରୀକ୍ଷା ବାତିଲ ପରେ ଗଣଶିକ୍ଷା ମନ୍ତ୍ରୀ ଙ୍କୁ ଭେଟିଲେ୧୦ମ ଶ୍ରେଣୀ ଛାତ୍ର। କରୋନା ସମୟରେ ଏଭଳି ନିଷ୍ପତ୍ତି ନେଇଥିବାରୁ ମନ୍ତ୍ରୀ ସମୀର ରଞ୍ଜନ ଦାଶ ଙ୍କୁ ଛାତ୍ର ମାନେ ଧନ୍ୟବାଦ ଜଣାଇଛନ୍ତି। ମନ୍ତ୍ରୀ ଙ୍କ ସରକାରୀ ବାସଭବନରେ ଭେଟି ଫୁଲତୋଡା ଦେଇ ଧନ୍ୟବାଦ ଜଣାଇଛନ୍ତି। ଏହାସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମଧ୍ୟ ଛାତ୍ର ମାନେ ଧନ୍ୟବାଦ ଜଣାଇଛନ୍ତି। ସିବିଏସଇ ମାଟ୍ରିକ ପରୀକ୍ଷା ବାତିଲ କରିବା ପରେ ଗତ ବୁଧବାର ଭୁବନେଶ୍ୱର ସରକାରୀ ବିଦ୍ୟାଳୟର ଛାତ୍ର ଛାତ୍ରୀ ମାନେ ଆନ୍ଦୋଳନ କୁ ଓହ୍ଲାଇ ଥିଲେ। ସଂକ୍ରମଣ ବଢୁଥିବାରୁ ପରୀକ୍ଷା ବାତିଲ କରିବା ପାଇଁ ଛାତ୍ର ମାନେ ଦାବି କରିଥିଲେ।
କେନ୍ଦ୍ର ସରକାରଙ୍କୁ ଦିଲ୍ଲୀ ହାଇକୋର୍ଟଙ୍କ କଡ଼ା ନିର୍ଦ୍ଦେଶ, ଯାହାବି କର ଲୋକଙ୍କୁ ଅକ୍ସିଜେନ ଦିଅ
ନୂଆଦିଲ୍ଲୀ: ଚୋରି କର, ଉଧାର ଆଣ, ଯାହାବି କର ଲୋକଙ୍କୁ ଅକ୍ସିଜେନ ଆଣି ଦିଅ। କାରଣ ଆଉ ଏ ମୃତ୍ୟୁ ଦେଖି ହେବନି । ଅଣନିଶ୍ୱାସୀ ହୋଇପଡୁଥିବା ଦିଲ୍ଲୀକୁ ଅକ୍ସିଜେନର ଆବଶ୍ୟକତା ଥିବାବେଳେ ବିଭିନ୍ନ ହସ୍ପିଟାଲରେ ଅକ୍ସିଜେନର ଅଭାବକୁ ନେଇ କେନ୍ଦ୍ରକୁ ଏଭଳି ନିର୍ଦ୍ଦେଶ ଦେଇଛନ୍ତି କୋର୍ଟ। ମାକ୍ସ ହସ୍ପିଟାଲ ପକ୍ଷରୁ ଦାୟର ହୋଇଥିବା ଆବେଦନ ଉପରେ ଶୁଣାଣି କରି କଡା ଟିପ୍ପଣୀ କରିଛନ୍ତି ଦିଲ୍ଲୀ ହାଇକୋର୍ଟ।
ଶିଳ୍ପ ସଂସ୍ଥାକୁ ଆଉ ଅକ୍ସିଜେନ୍ ନଦେଇ ଲୋକଙ୍କୁ ପ୍ରାଥମିକତା ଦୃଷ୍ଟିରେ ଅକ୍ସିଜେନ୍ ଯୋଗାଇଦେବାକୁ କେନ୍ଦ୍ର ସରକାରକୁ କହିଛନ୍ତି କୋର୍ଟ। ଦିଲ୍ଲୀରେ ଚିକିତ୍ସିତ ହେଉଥିବା କରୋନା ସଂକ୍ରମତିଙ୍କୁ ଉତ୍ତମ ସ୍ୱାସ୍ଥ୍ୟ ସେବା ଯୋଗାଇ ଦେବା ପାଇଁ ଅକ୍ସିଜେନର ଆବଶ୍ୟକତା ଜରୁରୀ ଅଟେ। ଏଥି ପ୍ରତି କେନ୍ଦ୍ର ଦୃଷ୍ଟି ଦେବାର ଆବଶ୍ୟକତା ରହିଛି। ଯଦି ଟାଟା କମ୍ପାନୀ ଅକ୍ସିଜେନ୍ ଯୋଗାଇ ପାରୁଛି, ତେବେ ଅନ୍ୟ କମ୍ପାନୀ କାହିଁକି ଏହା କରିପାରିବେ ନାହିଁ। କଣ ମଣିଷ ପଣିଆର କିଛି ବି ମାନେ ନାହିଁ। କେନ୍ଦ୍ର ସରାକର କଣ ପାଇଁ ଏହି ବିଷୟକୁ ଗମ୍ଭୀରତାର ସହ ନେଉ ନାହାଁନ୍ତି ବୋଲି ପ୍ରଶ୍ନ କରିଛନ୍ତି କୋର୍ଟ।
ଜଷ୍ଟିସ୍ ବିପିନ ସିଂ ଓ ରେଖା ପଲି ମାମଲାର ଶୁଣାଣି କରି ଏଭଳି ରାୟ ଦେଇଛନ୍ତି। ଆଜି ଅପରାହ୍ନ ୩ଟାରେ ଏହି ମାମଲାର ଆଉ ଥରେ ଶୁଣାଣି ହେବ। ମହାମାରୀର ମୁକାବିଲା କରିବାରେ ଫେଲ୍ ମାରିଛନ୍ତି କେନ୍ଦ୍ର ସରକାର। ବିଭିନ୍ନ ରାଜନୈତିକ ଦଳ ଏଭଳି ଅଭିଯୋଗ ଆଣୁଥିବାବେଳେ ଏବେ ଦିଲ୍ଲୀ ହାଇକୋର୍ଟ କେନ୍ଦ୍ର ସରକାରଙ୍କୁ ସମାଲୋଚନା କରିଛନ୍ତି।
ଜମିବାଡ଼ି ବିବାଦକୁ କେନ୍ଦ୍ର କରି ଦୁଇ ଗୋଷ୍ଠୀଙ୍କ ମଧ୍ୟ୍ୟରେ ଟାଙ୍ଗିଆରେ ଆକ୍ରମଣ
ଚାନ୍ଦବାଲି: ଜମିବାଡ଼ି ବିବାଦକୁ କେନ୍ଦ୍ର କରି ଦୁଇ ଗୋଷ୍ଠୀ ମୁହାଁ ମୁହିଁ । ଚାନ୍ଦବାଲି ବ୍ଲକ ବାଂଶଡ଼ା ଥାନା ଅଧିନସ୍ଥ ବଜରାପୁର ପଞ୍ଚାୟତରେ ଦୁଇ ଗୋଷ୍ଠୀଙ୍କ ମଧରେ ମୁହାଁ ମୁହିଁ । ଗୋଟିଏ ଗୋଷ୍ଠୀର ଟାଙ୍ଗିଆ ମାଡ଼ରେ ଲହୁଲୁହାଣ ହୋଇ ୪ଜଣ ଗୁରୁତର। ଗୁରୁତରଙ୍କୁ ପ୍ରଥମେ ତିହିଡି ମେଡିକାଲ ଓ ପରେ ଭଦ୍ରକ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
ଏପରିକି ଖବର ପରିବେଷଣ କରୁଥିବା ସମୟରେ ଗଣମାଧ୍ୟମ ପ୍ରତିନିଧିଙ୍କୁ ଆକ୍ରମଣ କରିଥିଲେ ଗଣ୍ଡଗୋଳକାରୀ। ଏପରି ଘଟଣାକୁ ନେଇ ତୀବ୍ର ନିନ୍ଦା କରିଛି ଚାନ୍ଦବାଲି ପ୍ରେସକ୍ଲବ। ତାହାସହ ଆକ୍ରମଣକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ବାଂଶଡା ଥାନା ପୋଲିସ ନିକଟରେ ଦାବି କରିଛନ୍ତି ସାମ୍ବାଦିକମାନେ।
ରାଜ୍ୟରେ ସଙ୍ଗୀନ ହେଉଛି କରୋନା ସ୍ଥିତି, ୬୧୬୪ କରୋନା ସଂକ୍ରମିତ ଚିହ୍ନଟ
ଭୁବନେଶ୍ୱର: ରାଜ୍ୟରେ ପ୍ରତିଦିନ ରେକର୍ଡ ସଂଖ୍ୟକ କରୋନା ସଂଖ୍ୟକ କରୋନା ସଂକ୍ରମିତ ଚିହ୍ନଟ ହେଉଛନ୍ତି । ରାଜ୍ୟରେ ଦିନକୁ ଦିନ ରେକର୍ଡ କରୁଛି କରୋନା। ଗତକାଲି ୪୮୫୧ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଗୁରୁବାର ୬ ହଜାର ୧୬୪ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। କ୍ୱାରେଣ୍ଟାଇନ ସେଣ୍ଟରରୁ ୩୫୭୫ ଜଣ ଚିହ୍ନଟ ହୋଇଥିବା ବେଳେ ଲୋକାଲ କଣ୍ଟାକ୍ଟ ରହିଛି ୨୫୮୯ ।
ତେବେ ଖେର୍ଦ୍ଧାରୁ ସର୍ବାଧିକ ୧୧ ଶହ ୩୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ଅନୁଗୁଳରୁ ୧୩୬, ବାଲେଶ୍ୱରରୁ ୭୮, ବରଗଡ଼ରୁ ୨୩୬, ଭଦ୍ରକରୁ ୭୧, ବଲାଙ୍ଗୀରରୁ ୨୨୬, ବୌଦ୍ଧରୁ ୩୮, କଟକରୁ ୩୬୦, ଦେଓଗଡ଼ରୁ ୩୧, ଢ଼େଙ୍କାନାଳରୁ ୧୭, ଗତପତିରୁ ୫୫, ଗଞ୍ଜାମରୁ ୧୩୫, ଜଗତସିଂହପୁରରୁ ୬୩, ଯାଜପୁରରୁ ୧୩୪, ଝାରସୁଗୁଡ଼ାରୁ ୩୫୫, କଳାହାଣ୍ଡିରୁ ୪୫୨, ଗନ୍ଧମାଳରୁ ୨୩, କେନ୍ଦ୍ରାପଡ଼ାରୁ ୪୮, କେଉଁଝରରୁ ୨୦୫, କୋରାପୁଟରୁ ୪୫, ମାଲକାନାଗିରିରୁ ୧୬, ମୟୂରଭଞ୍ଜରୁ ୧୩୬, ନବରଙ୍ଗପୁରରୁ ୨୦୭, ନୟାଗଡ଼ରୁ ୯୯, ନୂଆପଡ଼ାରୁ ୪୫୯, ପୁରୀରୁ ୨୮୬, ରାୟଗଡ଼ାରୁ ୧୦୫, ସମ୍ବଲପୁରରୁୁ ୨୨୯, ସୋନପୁରରୁ ୯୯, ସୁନ୍ଦରଗଡ଼ରୁ ୪୨୭ ଏବଂ ଷ୍ଟେଟ୍ପୁଲରୁ ୨୪୧ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି।
ଏବେ ରାଜ୍ୟରେ ମୋଟ ୩ ଲକ୍ଷ ୮୮ ହଜାର ୪୭୯ ଜଣ କରୋନାରେ ସଂକ୍ରମିତ ହୋଇଛନ୍ତି । ସେଥି ମଧ୍ୟରୁ ୩ ଲକ୍ଷ ୫୧ ହଜାର ୩୮୬ ଜଣ ସୁସ୍ଥ ହୋଇଛନ୍ତି । ତେବେ ରାଜ୍ୟରେ ଏବେ ୩୫ ହଜାର ୭୫ ଜଣ କରୋନାରେ ସଂକ୍ରମିତ ହୋଇ ଚିକିତ୍ସିତ ହୋଇଛନ୍ତି।
ଏପର୍ଯ୍ୟନ୍ତର ସବୁ ରେକର୍ଡକୁ ଭାଙ୍ଗିଦେଲା କରୋନା, ୨୪ ଘଣ୍ଟାରେ ୩ ଲକ୍ଷରୁ ଅଧିକ କରୋନା ସଂକ୍ରମିତ ଚିହ୍ନଟ
ନୂଆଦିଲ୍ଲୀ: କରୋନା ସଂକ୍ରମଣର ଅନିୟନ୍ତ୍ରିତ ବୃଦ୍ଧି ଥମିବାର ନାମ ନେଉନାହିଁ। ଗତ କିଛି ଦିନ ହେବ ଭାରତରେ ରେକର୍ଡ ପଜିଟିଭ୍ ମାମଲା ଆସୁଛି। ଗତ୨୪ ଘଣ୍ଟା ମଧ୍ୟରେ ଦେଶରେ ୩.୧୫ ଲକ୍ଷରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଯାହା ବିଶ୍ୱରେ ରେକର୍ଡ କରିଛି ଭାରତି କରୋନା ସଂକ୍ରମିତଙ୍କ ସଂଖ୍ୟା । ସେପଟେ କ୍ରମାଗତ ଦ୍ୱିତୀୟ ଦିନ ମୃତ୍ୟୁ ସଂଖ୍ୟା ବୃଦ୍ଧି ପାଇଛି। ସର୍ବଶେଷ ତଥ୍ୟ ଅନୁଯାୟୀ, ଗୋଟିଏ ଦିନରେ କରୋନା ମହାମାରୀ ଯୋଗୁଁ ୨୧୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଛି। ଭାରତରେ ଏଭଳି ବୃଦ୍ଧି ଏବେ ଭୟଙ୍କର ପରିସ୍ଥିତି ସୃଷ୍ଟି କରିଛି।
ଏହାପୂର୍ବରୁ, ଆମେରିକାରେ ବିଶ୍ୱରେ ଗୋଟିଏ ଦିନରେ ସର୍ବାଧିକ ନୂଆ ସଂକ୍ରମିତ ହେବାର ରେକର୍ଡ ଥିଲା। ଜାନୁଆରୀ ୮, ୨୦୨୧ ରେ, ଆମେରିକାରେ ୩ ଲକ୍ଷ ୭ ହଜାର ୫୭୦ ନୂଆ ସଂକ୍ରମିତ ଚିହ୍ନଟ ହୋଇଥିଲେ।
ଗତ ୨୪ ଘଣ୍ଟା ମଧ୍ୟରେ ଦେଶରେ ୨୧୦୦ ଲୋକ ପ୍ରାଣ ହରାଇଥିବା ବେଳେ ବୁଧବାର ଦିନ ୧ ଲକ୍ଷ ୭୯ ହଜାର ୩୭୨ ରୋଗୀ ଆରୋଗ୍ୟ ଲାଭ କରିଛନ୍ତି। ବର୍ତ୍ତମାନ ପର୍ଯ୍ୟନ୍ତ କରୋନା ସଂକ୍ରମଣ ହେତୁ ଏକ ଲକ୍ଷ ୮୪ ହଜାର ୬୭୨ ଜଣଙ୍କର ମୃତ୍ୟୁ ହୋଇଛି। ଏପର୍ଯ୍ୟନ୍ତ ସମୁଦାୟ ସଂକ୍ରମିତ କରୋନା ସଂଖ୍ୟା ୧ କୋଟି ୫୯ ଲକ୍ଷ ୨୪ ହଜାର ୭୩୨ କୁ ବୃଦ୍ଧି ପାଇଛି। ବର୍ତ୍ତମାନ ଦେଶରେ ୨୨ ଲକ୍ଷ ୮୪ ହଜାର ୨୦୯ ରୋଗୀ ଚିକିତ୍ସିତ ହେଉଛନ୍ତି।
ସ୍ମାର୍ଟସିଟିର ସମସ୍ତ ପାର୍କରେ ବିଏମ୍ସି ତରଫରୁ ଲାଗିଲା କଟକଣା, ସେପଟେ ପୂର୍ବଭଳି ହାଟ ହେଲା ସ୍ଥାନାନ୍ତର
ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ପ୍ରତିଦିନ ରାଜ୍ୟରୁ ୪ ହଜାରରୁ ଅଧିକ ସଂକ୍ରମିତ ଚିହ୍ନଟ ହେଉଥିବା ବେଳେ ଭୁବନେଶ୍ୱରରୁ ୪ଶହରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି। ତେବେ ବଢ଼ୁଥିବା ସଂକ୍ରମଣକୁ ଦୃଷ୍ଟିରେ ରଖି କଠୋର ହୋଇଛି ବିଏମ୍ସି। କରୋନା ସଂକ୍ରମଣକୁ ଦୃଷ୍ଟିରେ ରଖି ବିଏମ୍ସି ଆଉ ଏକ ବଡ଼ ପଦକ୍ଷେପ ନେଇଛି। ସ୍ମାର୍ଟସିଟିର ସମସ୍ତ ପାର୍କରେ ବିଏମ୍ସି ତରଫରୁ ଲାଗିଲା କଟକଣା।
ମୁକ୍ତ ବ୍ୟାୟାମ କେନ୍ଦ୍ର ଓ ପିଲାଙ୍କ ଖେଳଣା ସାମଗ୍ରୀ ବ୍ୟବହାର ଉପରେ ଲାଗିଲା ରୋକ। ସବୁ ପାର୍କରେ ବିଏମସି ପକ୍ଷରୁ ଲାଗିଲା ନୋଟିସ। ବିନା ମାସ୍କରେ ପାର୍କରେ ପ୍ରବେଶ ଉପରେ ରୋକ ଲଗାଇଛି ବିଏମ୍ସି। ପାର୍କରେ ଦୁଇ ଜଣ ବ୍ୟକ୍ତିଙ୍କ ମଧ୍ୟରେ ୬ଫୁଟ ଦୂରତା ବାଧ୍ୟତାମୂଳକ। ପାର୍କ ଭିତରେ ଗୁଟଖା ଓ ପାନ ଖାଇ ଅଥବା ଏଣେତେଣେ ଛେପ ପକାଇବା ମନା। ପରବର୍ତ୍ତୀ ନିର୍ଦେଶନାମା ପର୍ଯ୍ୟନ୍ତ ବଳବତ୍ତର ରହିବ ଏହି କଟକଣା। ବିଏମ୍ସି କମିଶନର ପ୍ରେମ ଚନ୍ଦ୍ର ଚୌଧୁରୀଙ୍କ ସୂଚନା।
ସେପଟେ ପୂର୍ବଭଳି ବିଭିନ୍ନ ହାଟ ଗୁଡିକ ସ୍ଥାନାନ୍ତର କରାଯାଉଛି। ୟୁନିଟ-୧ ହାଟ, ୪ନମ୍ବର ହାଟ, ଇନ୍ଦ୍ରଧନୁ ନଗର ହାଟ, ନୟାପଲ୍ଲୀ ଓ ସୁନ୍ଦରପଦା ଆଦି ହାଟକୁ ସ୍ଥାନାନ୍ତର କରାଯାଉଛି। ଏଣିକି ଖୋଲା ସ୍ଥାନରେ ବ୍ୟବସାୟ କରାଯିବ। ଲୋକଙ୍କ ଗହଳିକୁ ଦୃଷ୍ଟିରେ ରଖି ଏପରି ନିଷ୍ପତ୍ତି ନେଇଛି ବିଏମ୍ସି। ହାଟରେ ସାମାଜିକ ଦୂରତାକୁ କଡ଼ାକଡ଼ି ପାଳନ ସହିତ ମାସ୍କ ଓ ସାନିଟାଇଜ୍ ବ୍ୟବସ୍ଥାକୁ ଗୁରୁତ୍ୱ ଦିଆଯାଇଛି ।
ଏହି ରାଜ୍ୟରେ ଆଜି ରାତି ୮ଟାରୁ ଲାଗୁ ହେବ ଲକ୍ଡାଉନ୍, ୨ ଘଣ୍ଟାରେ ବାହାଘର ସାରିବାକୁ ନିର୍ଦ୍ଦେଶ
ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ଦିନକୁ ଦିନ ଅତି ଭୟଙ୍କର ଭାବରେ ବୃଦ୍ଧି ପାଇବାରେ ଲାଗିଛି। ପ୍ରତି ଦିନ ଏକ ଲକ୍ଷରୁ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି। ଏବେ ମହାରାଷ୍ଟ୍ର କରୋନା ହଟସ୍ପଟରେ ରହିଛି। କାରଣ କରୋନାର ଦ୍ୱିତୀୟ ଲହରରେ ବହୁତ ଭୟଙ୍କର ଭାବରେ ଶୀକାର ହୋଇଛି ମହାରାଷ୍ଟ୍ର। ରାଜ୍ୟରେ କରୋନା ଭାଇରସ ସଂକ୍ରମଣର ବୃଦ୍ଧି ପାଉଥିବା ମାମଲାକୁ ଦୃଷ୍ଟିରେ ରଖି ମହାରାଷ୍ଟ୍ର ସରକାର ରାଜ୍ୟରେ ନିୟମ କଡ଼ା କରାଯାଇଛି। ଆଜି ରାତି ୮ ଟାରୁ ୧ ମେ ପର୍ଯ୍ୟନ୍ତ ମହାରାଷ୍ଟ୍ରର ହେବ ଲକ୍ଡାଉନ। ପ୍ରକାଶିତ ନୂଆ ନିର୍ଦ୍ଦେଶାବଳୀ ଅନୁଯାୟୀ ସମସ୍ତ ସରକାରୀ କାର୍ଯ୍ୟାଳୟ କେବଳ ୧୫ ପ୍ରତିଶତ କର୍ମଚାରୀଙ୍କ ଉପସ୍ଥିତିରେ ଚାଲିବ। ଏହା ପୂର୍ବରୁ ୫୦ ପ୍ରତିଶତ ଥିଲା।
ସରକାରୀ ନିର୍ଦ୍ଦେଶ ଅନୁଯାୟୀ ବର୍ତ୍ତମାନ ବିବାହ ଉତ୍ସବ ପାଇଁ ମାତ୍ର ଦୁଇ ଘଣ୍ଟା ଅନୁମତି ଦିଆଯିବ। ଏକ ବିବାହରେ କେବଳ ୨୫ ଜଣ ଲୋକ ଯୋଗ ଦେଇ ପାରିବେ। ଏହି ନିୟମକୁ ଉଲ୍ଲଂଘନ କରୁଥିବା ଲୋକଙ୍କୁ ପଚାଶ ହଜାର ଜୋରିମାନା ଦେବାକୁ ପଡିବ। ନୂତନ ପ୍ରତିବନ୍ଧକ ଅନୁଯାୟୀ ସରକାରୀ ବସ୍ ୫୦ ପ୍ରତିଶତ କ୍ଷମତାରେ ଚାଲିବ। ଠିଆ ହେବା ସମୟରେ ଯାତ୍ରା ଉପରେ ଏକ ନିଷେଧାଦେଶ ଅଛି। ଏହା ବ୍ୟତୀତ ବେସରକାରୀ ବସ୍ ଗୁଡ଼ିକ ଗୋଟିଏ ଜିଲ୍ଲାରୁ ଅନ୍ୟ ଜିଲ୍ଲାକୁ ଯିବାବେଳେ ପ୍ରଥମେ ସ୍ଥାନୀୟ DMA କୁ ଜଣାଇବା ଆବଶ୍ୟକ ହେବ, ଏବଂ ଯାଉଥିବା ଲୋକଙ୍କ ହାତରେ ୧୪ ଦିନିଆ କ୍ୱାରେଣ୍ଟାଇନ ଷ୍ଟାମ୍ପ ମାରିବା ଘରୋଇ ବସ୍ ଦାୟିତ୍। ୨୧ ଏପ୍ରିଲରେ, ମୁମ୍ବାଇରେ ୭୬୮୪ ଟି କରୋନା ମାମଲା ରୁଜୁ ହୋଇଥିଲା। ଏଥିସହିତ କରୋନା ଯୋଗୁଁ ୬୨ ଜଣଙ୍କର ମୃତ୍ୟୁ ହୋଇଥିଲା।
ପଶ୍ଚିମବଙ୍ଗରେ ଆରମ୍ଭ ହୋଇଛି ଷଷ୍ଠ ପର୍ଯ୍ୟାୟରେ ମତଦାନ, ମୈଦାନରେ ୩୦୬ ଜଣ ପ୍ରାର୍ଥୀ
ନୂଆଦିଲ୍ଲୀ: ଆଜି ପଶ୍ଚିମବଙ୍ଗ ବିଧାନସଭା ନିର୍ବାଚନର ଷଷ୍ଠ ପର୍ଯ୍ୟାୟ ମତଦାନ। ୪ଟି ଜିଲ୍ଲାର ୪୩ଟି ଆସନ ପାଇଁ ଭୋଟିଂ ଆରମ୍ଭ ହୋଇଛି। ପ୍ରାୟ ୧୦ ହଜାର ୮୯୭ଟି ବୁଥ୍ରେ ମତଦାନ ପ୍ରକ୍ରିୟା ଚାଲିଥିବା ବେଳେ ସୁରକ୍ଷା ବ୍ୟବସ୍ଥା କଡ଼କଡ଼ି କରାଯାଇଛି। ୩୦୬ ଜଣ ପ୍ରାର୍ଥୀଙ୍କ ଆଜି ଭାଗ୍ୟ ପରୀକ୍ଷା ହେଉଛି। ଏକ କୋଟିରୁ ଅଧିକ ଭୋଟର ପ୍ରାର୍ଥୀଙ୍କ ଭାଗ୍ୟ ପରୀକ୍ଷା କରିବେ। ବିଜେପି ଓ ଟିଏମସି ୪୩ଟି ଯାକ ଆସନରେ ପ୍ରାର୍ଥି ଦେଇଥିବା ବେଳେ କଂଗ୍ରେସ ୧୨ଟି ଏବଂ ସହଯୋଗୀ ଦଳ ସିପିଆଇଏମ ୨୩ଟି ଆସନରେ ଠିଆ ହୋଇଛନ୍ତି। ଏହି ପର୍ଯ୍ୟାୟ ମତଦାନରେ କିଛି ଭିଆଇପି ପ୍ରାର୍ଥୀଙ୍କର ଭାଗ୍ୟ ପରୀକ୍ଷା ହେଉଛି।
ଟିଏମସି ନେତା ଉଜ୍ଜଲ ବିଶ୍ୱାସ କ୍ରିଷ୍ଣ ନଗର ଦକ୍ଷିଣରୁ ଛିଡା ହୋଇଛନ୍ତି। ବିଜେପି ନେତା ମୁକୁଲ ରାୟ କ୍ରିଷ୍ଣ ନଗର ଉତ୍ତରରୁ ପ୍ରାର୍ଥୀ ହୋଇଛନ୍ତି। ଆସନ୍ତା ୨୬ ଓ ୨୯ ତାରିଖରେ ସପ୍ତମ ଓ ଅଷ୍ଟମ ପର୍ଯ୍ୟାୟ ମତଦାନ ହେବ। ମେ ୨ରେ ଫଳାଫଳ ପ୍ରକାଶ ପାଇବ। କରୋନା ପାଇଁ ମତଦାନର ୭୨ ଘଣ୍ଟା ପୂର୍ବରୁ ପ୍ରଚାର ଶେଷ କରିବାକୁ ନିର୍ବାଚନ କମିଶନ ନିର୍ଦ୍ଦେଶ ଦେଇଥିଲେ। ଏଥିପାଇଁ ପ୍ରଚାର ସମୟ କମିଯାଇଛି । ମତଦାନର ଶେଷ ଏକ ଘଣ୍ଟାରେ କୋଭିଡ ସଂକ୍ରମିତ ବ୍ୟକ୍ତି ଭୋଟ ଦେବାର ବ୍ୟବସ୍ଥା କରାଯାଇଛି ।
ସମ୍ବଲପୁର ବିଶ୍ବବିଦ୍ୟାଳୟର କୁଳପତିଙ୍କ ସହ ଅନ୍ୟ ୨ ଜଣଙ୍କ ନାଁରେ ଏତଲା
ସମ୍ବଲପୁର: ସମ୍ବଲପୁର ବିଶ୍ବବିଦ୍ୟାଳୟର ଠିକା କର୍ମଚାରୀ ଦୀନବନ୍ଧୁ ମିଶ୍ରଙ୍କ ମୃତ୍ୟୁ ମାମଲା । ଭିସି ପ୍ରଫେସର ସଂଜୀବ ମିତ୍ତଲଙ୍କ ସମେତ ଅନ୍ୟ ଅଧିକାରୀଙ୍କ ନାଁରେ ମାମଲା ରୁଜୁ କରାଯାଇଛି । ଅନ୍ୟ ଦୁଇଜଣ ହେଲେ ପିଇଓ ଅବିନାଶ କର ଓ ୱାର୍ଡନ ବିଶ୍ବଜିତ ଶତପଥୀ । ଦୀନବନ୍ଧୁଙ୍କ ମୃତ୍ୟୁ ପାଇଁ ଭିସି ଦାୟୀ ବୋଲି ଅଭିଯୋଗ ଆଣି ବୁର୍ଲା ଥାନାରେ ଏତଲା ଦେଇଛନ୍ତି ଦୀନବନ୍ଧୁଙ୍କ ପୁଅ ଅଭିଷେକ ।
୨୭ ବର୍ଷ ଚାକିରି ପରେ ସ୍ଥାୟୀ କରିବା ପାଇଁ ବାରମ୍ବାର ଗୁହାରି କରୁଥିଲେ । ଗତକାଲି କୁଳପତିଙ୍କ ସହ ବଚସା ପରେ କ୍ୟାମ୍ପସ ଭିତରେ ହିଁ ଆତ୍ମାହୁତି କରିଥିଲେ ଦୀନବନ୍ଧୁ । ଏସସିବି ନେବା ବାଟରେ ତାଙ୍କର ମୃତ୍ୟୁ ହୋଇଥିଲା । ତାଙ୍କ ମୃତଦେହ ବିଶ୍ବବିଦ୍ୟାଳୟରେ ପହଞ୍ଚିବା ପରେ ଉତ୍ତେଜନା ଦେଖାଦେଇଥିଲା। ତେବେ ପୁଅକୁ ଚାକିରି ଓ ୫ ଲକ୍ଷ କ୍ଷତିପୂରଣ ନେଇ ପ୍ରତିଶ୍ରୁତି ପରେ ମୃତଦେହ ଉଠାଯାଇଥିଲା ।
ଏଥିସହ ପଢ଼ନ୍ତୁ- ସମ୍ବଲପୁର ବିଶ୍ବବିଦ୍ୟାଳୟର ଠିକା କର୍ମଚାରୀ ଦୀନବନ୍ଧୁ ମିଶ୍ରଙ୍କ ମୃତ୍ୟୁ ପାଇଁ ଦାୟୀ କିଏ ?
ଦିଲ୍ଲୀରେ ଅକ୍ସିଜେନ୍ ଅଭାବ ନେଇ କେନ୍ଦ୍ରକୁ ପୁଣି କୋର୍ଟଙ୍କ ଭତ୍ସନା, ପରିଚାଳନା କୌଶଳ ନେଇ ଦେଲେ ଓଡ଼ିଶା ଉଦାହରଣ
ନୂଆଦିଲ୍ଲୀ: ଦିଲ୍ଲୀରେ ଅକ୍ସିଜେନ୍ ଅଭାବ ଲାଗି ରହିଛି । ପାଟପରଗଞ୍ଜ ମ୍ୟାକ୍ସ ହସ୍ପିଟାଲରେ ଭର୍ତ୍ତି ଗୁରୁତର କରୋନା ରୋଗୀଙ୍କ ଚିକିତ୍ସା ଲାଗି ଅକ୍ସିଜେନ୍ ସରି ଯାଇଥିବା ପିଟିସନର ଜରୁରୀ ଶୁଣାଣି କରିଛନ୍ତି ଦିଲ୍ଲୀ ହାଇକୋର୍ଟ । ଜଷ୍ଟିସ୍ ବିପିନ୍ ସାଂଘି ଓ ଜଷ୍ଟିସ୍ ରେଖା ପଲ୍ଲୀଙ୍କ ଦୁଇ ଜଣିଆ ଖଣ୍ଡପୀଠ ଅକ୍ସିଜେନ୍ ନେଇ କେନ୍ଦ୍ର ସରକାରଙ୍କୁ କଡ଼ା ଭାଷାରେ ଭର୍ତ୍ସନା କରିଛନ୍ତି ।
ଗୁରୁତର କରୋନା ରୋଗୀଙ୍କ ଜୀବନ ବଞ୍ଚାଇବା କେନ୍ଦ୍ର ସରକାରଙ୍କ ଦାୟିତ୍ୱ । ମେଡିକାଲ ଅକ୍ସିଜେନ୍ ଯୋଗାଣ ବିଳମ୍ବ କରିବା ଅର୍ଥ କଣ ବୋଲି ପ୍ରଶ୍ନ କରିଛନ୍ତି କୋର୍ଟ । ହସ୍ପିଟାଲ ଗୁଡ଼ିକରେ କରୋନା ରୋଗୀଙ୍କ ଚିକିତ୍ସା ନେଇ ଅକ୍ସିଜେନ୍ ଆବଶ୍ୟକ ଥିବା ବେଳେ କେନ୍ଦ୍ର ସରକାର ଏନେଇ କାହିଁକି ଗମ୍ଭୀର ନାହାଁନ୍ତି ? ଏହାକୁ ନେଇ ଦିଲ୍ଲୀ ହାଇକୋର୍ଟ ସ୍ତବ୍ଧ ହୋଇଯାଇଛନ୍ତି ।
ସରକାର ଚାହିଁଲେ ସହଜରେ ଇସ୍ପାତ ଓ ପେଟ୍ରୋଲିୟମ ଶିଳ୍ପ ପାଇଁ ବ୍ୟବହୃତ ଅକ୍ସିଜେନ୍ ଯୋଗାଣ କରିପାରିବେ । ଶିଳ୍ପ ଦିନେ ଦୁଇଦିନ ବନ୍ଦ ହୋଇଗଲେ କିଛି ହେବନି । କିନ୍ତୁ ଲୋକଙ୍କୁ ଅକ୍ସିଜେନ୍ ଯୋଗାଣ ବନ୍ଦ କରିହେବ ନାହିଁ ବୋଲି କୋର୍ଟ ଟିପ୍ପଣୀରେ କହିଛନ୍ତି । ଲୋକ ଅକ୍ସିଜେନ୍ ଅଭାବରୁ ମୃତ୍ୟୁବରଣ କରୁଥିବା ବେଳେ ସରକାର ଶିଳ୍ପ କଥା ଚିନ୍ତା କରୁଛନ୍ତି । ଶିଳ୍ପ ଅକ୍ସିଜେନ୍ ପାଇଁ ୨ ସପ୍ତାହ ଅପେକ୍ଷା କରିପାରିବ । କାହିଁକି ସରକାର ଏନେଇ ଭାବୁନାହାଁନ୍ତି ।
ଗତକାଲି ଭଳି ଆଜି ମଧ୍ୟ ଶୁଣାଣି ବେଳେ ଓଡ଼ିଶାର ଅକ୍ସିଜେନ୍ ପରିଚାଳନା ଦକ୍ଷତାକୁ ଦିଲ୍ଲୀ ହାଇକୋର୍ଟ ପ୍ରଶଂସା କରିଛନ୍ତି । ଅକ୍ସିଜେନ୍ ପରିଚାଳନା କିଭଳି ହୁଏ ତାହା ଅନ୍ୟମାନେ ଓଡ଼ିଶାଠାରୁ ଶିଖିବା ଆବଶ୍ୟକ ବୋଲି କୋର୍ଟ କହିଛନ୍ତି । ଓଡ଼ିଶା ନିଜେ ଅକ୍ସିଜେନ୍ ବ୍ୟବହାର କରିବା ସହ ଅନ୍ୟ ରାଜ୍ୟର ଆବଶ୍ୟକତା ପୂରଣ କରୁଛି ।