spot_img
Home Blog Page 5728

ରାଜଧାନୀରେ ଲାଇଭ କିଡନାପ, ଯୁବକଙ୍କୁ ବିଚ୍ ରାସ୍ତାରୁ ଟେକିନେଲେ…

ଭୁବନେଶ୍ୱର: ଦବଙ୍ଗଗିରି, ଦାଦାଗିରି ବା ଗୁଣ୍ଡାରାଜ । ଏମିତି କିଛି ଭାଷାରେ ସମ୍ବୋଧନ କଲେ ବି କମ ହୋଇଯିବ ବୋଧ ହୁଏ । କାରଣ ସୁରକ୍ଷା ବଳୟରେ ଥିବା ରାଜଧାନୀରେ ଅସୁରକ୍ଷିତ ହୋଇପଡିଛି । କାରଣ ଖୋଦ ଭୁବନେଶ୍ୱରରେ ଘଟିଛି ଏମିତି କିଛି ଘଟଣା । ଯାହାକୁ ଲାଇଭ୍‌ କିଡନାପ୍‌ ବୋଲି ମଧ୍ୟ କୁହାଯାଇ ପାରିବ। ଭୁବନେଶ୍ବରରେ ଯୁବକଙ୍କୁ କରାଯାଇଛି ଅପହରଣ ।

ରାଜଧାନୀରେ ବିହାର ଷ୍ଟାଇଲରେ କିଡନାପିଂ । ବିଚରାସ୍ତାରେ ଦାଦାଗିର । ଭୁବନେଶ୍ୱର ଡେଲ୍ଟା ଛକରେ ଯୁବକକୁ କରାଯାଉଛି ଅପହରଣ । ଜଣେ ଯୁବକଙ୍କୁ ୩ ଜଣ ଯୁବକ ଜୋର ଜବରଦସ୍ତ କାରରେ ବସାଇ ଫେରାର ହୋଇଯାଉଛନ୍ତି ।

ନିଜକୁ ବଞ୍ଚାଇବା ପାଇଁ ଯୁବକ ଜଣକ ଖୁବ ଚିତ୍କାର କରୁଛନ୍ତି । ଘଟଣା ପଛରେ ରହିଛି ଟଙ୍କା କାରବାରର କାହାଣୀ । ବକେୟା ଟଙ୍କାକୁ ନେଇ ଖୁଲ୍ଲମଖୁଲା ଦାଦାଗିରି ରାଜଧାନୀରେ ଅପରାହ୍ନରେ ଘଟିଛି ଏଭଳି ଅରାଜକତା । କିଏ ଏହି ଦୁର୍ବୃତ୍ତ ? କାହାକୁ କରାଯାଉଛି ଅପହରଣ ? କ୍ୟାପିଟାଲରେ କିଡନାପିଂ କ୍ରାଇମର ଖୋଲିବ କି ଗୁମର ? ଏନେଇ ନାନା ପ୍ରଶ୍ନ ସୃଷ୍ଟି ହୋଇଛି । ସେପଟେ କିଡନାପ ଭିଡିଓ ଏବେ ସୋସିଆଲ ମିଡ଼ିଆରେ ବେସ ଭାଇରାଲ ହେବାରେ ଲାଗିଛି ।

ସଂକ୍ରମିତ ଶାଶୁର ଉନ୍ମତ୍ତ କାଣ୍ଡ, କହିଲା ‘ମୁଁ ମଲା ପରେ ତୁ ଖୁସି ହେବାକୁ ଚାହୁଁଛୁ ?’

ହାଇଦ୍ରାବାଦ: ମୁଁ ଯଦି ସଂକ୍ରମିତ ତାହାଲେ ତୁ ବି ସଂକ୍ରମିତ ହେବୁ । ଏହା ଆମେ କହୁନୁ ଏ ଜଣେ ସଂକ୍ରମିତ ମହିଳା ତାଙ୍କ ବୋହୂକୁ କହିଛନ୍ତି । ଘଟଣାଟି ହେଉଛି ତେଲେଙ୍ଗାନାର ଏକ ଗାଁର । ଯେଉଁଠି ମହିଳା ଜଣଙ୍କ ସଂକ୍ରମିତ ହେବା ପରେ ତାଙ୍କୁ କେହି ନ ଛୁଇଁବା ସହିତ ତାଙ୍କୁ ଏକ ଘରେ ବନ୍ଦ କରି ରଖାଯାଇଥିଲା । ଆଉ ଏହି କଥାରେ ମହିଳା ଜଣଙ୍କ ଏତେ ରାଗି ଯାଇଥିଲେ ଯେ, ନିଜେ ସଂକ୍ରମିତ ଥିବା ବେଳେ ତାଙ୍କ ବୋହୂକୁ କୁଣ୍ଢାଇ ପକାଇ ତାଙ୍କୁ ମଧ୍ୟ ସଂକ୍ରମିତ କରି ଦେଇଥିଲେ ।

ସୂଚନା ଅନୁସାରେ,ମହିଳାଙ୍କ କରୋନା ଟେଷ୍ଟ ରିପୋର୍ଟ ପଜିଟିଭ୍ ଆସିବା ପରେ ତାଙ୍କୁ ପରିବାର ଲୋକେ ଏକ ଘରେ ଆଇସୋଲେସନରେ ରଖିଥିଲେ । ଏବଂ ଅନ୍ୟ କେହି ସଂକ୍ରମିତ ନ ହୁଅନ୍ତୁ ତେଣୁ ପରିବାର ଲୋକେ ତାଙ୍କ ସହ ମିଳାମିଶା ମଧ୍ୟ ବନ୍ଦ କରିଦେଇଥିଲେ । ଏହି କଥାରେ ମହିଳା ଜଣଙ୍କ ଏତେ ରାଗି ଯାଇଥିଲେ ଯେ, ସେ ତାଙ୍କ ନିଜ ବୋହୂକୁ କୁଣ୍ଢାଇ ଧରି ତାଙ୍କୁ ମଧ୍ୟ ସଂକ୍ରମିତ କରିଦେଇଥିଲେ ।

ବୋହୂ ଜଣଙ୍କ ସ୍ୱାସ୍ଥ୍ୟ ଅଧିକାରୀଙ୍କୁ କହିଥିଲେ ଯେ, ମୋ ଶାଶୁ ମୋତେ କୁଣ୍ଢାଇ କହିଥିଲେ ଯେ ‘ତୁ ମଧ୍ୟ କରୋନା ସଂକ୍ରମିତ ହେବା ଉଚିତ୍ବୋ ।’ କରୋନାରେ ସଂକ୍ରମିତ ହୋଇଥିବା ତାଙ୍କ ଶାଶୁଙ୍କୁ ପରିବାରଠାରୁ ଅଲଗା ରଖାଯାଇଥିଲା ଏବଂ ତାଙ୍କୁ ଏକ ଭିନ୍ନ ସ୍ଥାନରେ ଖାଦ୍ୟ ଦିଆଯାଉଥିଲା । ଏବଂ ତାଙ୍କ ନାତି ନାତୁଣୀଙ୍କୁ ମଧ୍ୟ ତାଙ୍କ ନିକଟକୁ ଯିବାର ଅନୁମତି ଦିଆଯାଇନଥିଲା।

ତେଣୁ ସେ ଅତ୍ୟଧିକ ଦୁଃଖି ହୋଇ ତାଙ୍କ ବୋହୂକୁ ମଧ୍ୟ ସଂକ୍ରମିତ କରିବାକୁ ଚାହିଁଥିଲେ। କେବଳ ସେତିକି ନୁହେଁ ଶାଶୁ ପରିବାରକୁ କହିଥିଲେ ଯେ ମୋର ମୃତ୍ୟୁ ପରେ ତୁମେ ସମସ୍ତେ ଖୁସି ହେବାକୁ ଚାହୁଁଛ ? ଏହା କହି ସେ ନିଜ ବୋହୂକୁ ଜବରଦସ୍ତ କୁଣ୍ଢାଇ ପକାଇଥିଲେ । ଯେଉଁଥିପାଇଁ ବୋହୂ ମଧ୍ୟ ସଂକ୍ରମିତ ହୋଇଥିଲେ। ତାଙ୍କର ଚିକିତ୍ସା ଏବେ ତାଙ୍କ ଭଉଣୀ ଚାଲୁଥିବା ଜଣାପଡ଼ିଛି ।

ଟିକା ନେଲେ ଏଠାରେ ମିଳୁଛି ମାଗଣା ବିରିୟାନୀ ସହ ଆକର୍ଷଣୀୟ ପୁରସ୍କାର

ଚେନ୍ନାଇ: କରୋନା ଟିକାକରଣ ଅଭିଯାନରେ ସମସ୍ତ ଶ୍ରେଣୀର ଲୋକ ଅଂଶଗ୍ରହଣ କରୁଛନ୍ତି । କିନ୍ତୁ କିଛି ଏମିତି ସ୍ଥାନ ଅଛି ଯେଉଁଠାରେ କରୋନା ଟିକା ନେବାକୁ ଲୋକମାନେ ଭୟଭୀତ ହେଉଛନ୍ତି । ତେଣୁ ବିଭିନ୍ନ ସ୍ଥାନରେ ଟିକାକରଣକୁ ପ୍ରୋତ୍ସାହନ ଦିଆଯାଉଛି । ସେହିପରି ଚେନ୍ନାଇର ମତ୍ସ୍ୟଜୀବୀମାନଙ୍କ ଗୋଟିଏ ଗାଁରେ ଲୋକଙ୍କୁ ଟୀକାକରଣ ପାଇଁ ଉତ୍ସାହିତ କରିବା ପାଇଁ ବିରିୟାନୀ ଏବଂ ମାଗଣାରେ ଉପହାର ଦେବା ପାଇଁ ଏକ ଯୋଜନା କରାଯାଇଛି । ତେବେ ଏହି ସ୍କିମ ଲୋକଙ୍କୁ ଟିକା ନେବାକୁ ପ୍ରୋତ୍ସାହିତ କରୁଥିବା କୁହାଯାଉଛି । ଏବଂ ଗାଁରେ ଦିଆଯାଉଥିବା ଟୀକାକରଣ ସଂଖ୍ୟାରେ ମଧ୍ୟ ବୃଦ୍ଧି ହୋଇଛି ।

ତେବେ ଏହି ଗାଁରେ ଜନସଂଖ୍ୟା ୧୪,୩୦୦ ରହିଥିବା ବେଳେ ୬,୪୦୦ଜଣ ୧୮ ବର୍ଷରୁ ଅଧିକ ବୟସ୍କ ଅଛନ୍ତି । ଏସଟିଏସ ଫାଉଣ୍ଡେସନ ଚଳାଉଥିବା ବ୍ୟକ୍ତିଙ୍କ ଅନୁଯାୟୀ, ଦୁଇ ମାସ ମଧ୍ୟରେ ଏଠାରେ କେବଳ ୫୮ଜଣଙ୍କୁ ଟିକା ଦିଆଯାଇଛି । ଏଭଳି ପରିସ୍ଥିତିରେ, ବିଭିନ୍ନ ଫାଉଣ୍ଡେସନର ବ୍ୟକ୍ତିମାନେ ଏକତ୍ରିତ ହୋଇ ଏଭଳି ଏକ ଯୋଜନା ପ୍ରସ୍ତୁତ କରିଛନ୍ତି । ଯେଉଁଥିରେ ଅଧିକରୁ ଅଧିକ ଲୋକେ ଟିକାକରଣରେ ସାମିଲ ହେବେ ।

ଏସଏନ ରାମଦାସ ଫାଉଣ୍ଡେସନ, ଏସଟିଏସ ଫାଉଣ୍ଡେସନ ଏବଂ ଚିରାଜ ଟ୍ରଷ୍ଟର ସ୍ବେଚ୍ଛାସେବୀମାନେ ଏକତ୍ରିତ ହୋଇ ଟୀକାକରଣକୁ ପ୍ରୋତ୍ସାହନ ଦେବାକୁ ମାଗଣାରେ ଖାଦ୍ୟ ଯୋଗାଇ ଲୋକଙ୍କୁ ଆକର୍ଷିତ କରିବାକୁ ନିଷ୍ପତ୍ତି ନେଇଥିଲେ। ଏସଟିଏସ ଫାଉଣ୍ଡେସନ ଟ୍ରଷ୍ଟର ମୁଖ୍ୟ ସୁନ୍ଦର କହିଛନ୍ତି ଯେ, “ଗତ ତିନି ଦିନ ମଧ୍ୟରେ ଆମେ ୩୪୫ ଜଣଙ୍କୁ ଟିକାକରଣ କରିଛୁ ଏବଂ ଏହି ଯୋଜନା ମାଧ୍ୟମରେ ଅନେକ ଲୋକ ଆକର୍ଷିତ ହୋଇଛନ୍ତି । ସେମାନେ ବିରିୟାନୀ ଏବଂ ଉପହାର ପାଇଁ ଟିକା ପାଇବାକୁ ଆଗେଇ ଆସୁଛନ୍ତି।”

କେବଳ ସେତିକି ନୁହେଁ ଏହାକୁ ଅଧିକ କର୍ଷଆଣୀୟ କରିବାକୁ ସ୍ୱେଚ୍ଛାସେବୀ ଦଳ ସାପ୍ତାହିକ ଭାଗ୍ୟଶାଳୀ ପ୍ରତିଯୋଗୀଙ୍କ ନାଁ ଘୋଷଣା କରୁଛନ୍ତି ଯେଉଁଥିରେ ଉକ୍ତ ବ୍ୟକ୍ତିଙ୍କୁ ଗ୍ରାଇଣ୍ଡର୍ ଏବଂ ସୁନା ମୁଦ୍ରା ପରି ମାଗଣା ଉପହାର ଦେବାକୁ ନିଷ୍ପତ୍ତି ନିଆଯାଇଛି । ଏହାସହ ଏକ ବମ୍ପର ଉପହାର ମଧ୍ୟ ରହିଛି ଯେଉଁଠାରେ ବିଜେତାମାନଙ୍କୁ ରେଫ୍ରିଜରେଟର, ୱାସିଂ ମେସିନ୍ ଏବଂ ଏକ ସ୍କୁଟର ସହିତ ପୁରସ୍କାର ଆକାରରେ ଦିଆଯିବାର ବ୍ୟବସ୍ଥା ରହିଛି ।

ଫାଉଣ୍ଡେସନର କହିବା ଅନୁସାରେ ଏଭଳି ଯୋଜନା କରିବା ଦ୍ୱାରା ଅଧିକ ଲୋକ ଆକର୍ଷିତ ହେବା ସହ ଟୀକାକରଣ ପାଇଁ ଆଗକୁ ଆସୁଛନ୍ତି । ଏହିମାଧ୍ୟମରେ ସେମାନେ ଗାଁର ୧୦୦ପ୍ରତିଶତ ଲୋକଙ୍କୁ ଏହି ଟିକାକରଣରେ ସାମିଲ କରିବାକୁ ଲକ୍ଷ୍ୟ ରଖିଛନ୍ତି ।

ସମାଜବାଦୀ ସାଂସଦଙ୍କ ଅଜବ ବୟାନ, ଆଲ୍ଲାଙ୍କ ସାମ୍ନାରେ କାନ୍ଦି କ୍ଷମା ମାଗିଲେ କରୋନା ଯିବ

ସମ୍ଭଲ: ଗୋମୂତ୍ର ପିଇଲେ କରୋନା ହେବ ନାହିଁ ବୋଲି ଜଣେ ବିଜେପି ସାଂସଦ କହିଥିଲେ । ଏବେ ଏଭଳି ବଡବୋଲାଙ୍କ ତାଲିକାରେ ସାମିଲ ହୋଇଛନ୍ତି ସମାଜବାଦୀ ପାର୍ଟିର ଜଣେ ସାଂସଦ । ମୁରାଦାବାଦର ସାଂସଦ ଏସ ଟି ହାସନଙ୍କ ବିବାଦିତ ବୟାନ ପରେ ଏବେ ସମାଜବାଦୀ ପାର୍ଟିର ଆଉ ଜଣେ ସାଂସଦ ଶଫିକୁରରହମାନ ବର୍କ କହିଛନ୍ତି ଯେ, କରୋନା କୌଣସି ରୋଗ ନୁହେଁ । କରୋନା ଯଦି ରୋଗ ହୋଇଥାନ୍ତା ତେବେ ଏହାର ଚିକିତ୍ସା ପଦ୍ଧତି ବାହାରି ସାରନ୍ତାଣି । କରୋନା ସରକାରଙ୍କ ଭୁଲର ପରିଣାମ ବୋଲି ସେ କହିଛନ୍ତି । ଆଲ୍ଲାଙ୍କ ସମ୍ମୁଖରେ କାନ୍ଦି କ୍ଷମା ମାଗିଲେ ଏହି ରୋଗ ଯିବ ବୋଲି ସେ କହିଛନ୍ତି ।

କେନ୍ଦ୍ର ସରକାର ଉପରେ ଆକ୍ରମଣ କରି ସେ କହିଛନ୍ତି ଯେ, ବର୍ତ୍ତମାନର ସରକାର ଶରିୟତ ସହିତ ହିଁ ଖରାପ ବ୍ୟବହାର କରିନାହିଁ । ଏହାମଧ୍ୟ ଝିଅଙ୍କ ସହିତ ଅସଦାଚରଣ କରିବା ସହିତ ଭିଡ ଦ୍ୱାର ହତ୍ୟା ଓ ଅନ୍ୟ ଅତ୍ୟାଚାର କରିଛି । ଯେଉଁଥିପାଇଁ କରୋନା ଆସିଛି । ମୁରାଦାବାଦର ସମାଜବାଦୀ ସାଂସଦ ଏସଟି ହାସନଙ୍କ ବୟାନ ପରେ ଶଫିକୁର ରହମାନଙ୍କ ଏହି ବୟାନ ଆସିଛି । ଏସଟି ହାସନ ତାଙ୍କ ବୟାନରେ କହିଥିଲେ ଯେ, ବିଜେପି ସରକାର ୭ ବର୍ଷ ଭିତରେ ଶରିୟତର ଅପମାନ କରିଥିବାରୁ କରୋନା ରୋଗ ଓ ବାତ୍ୟା ଭଳି ବିପଦ ଆସୁଛି ।

ନିସ୍ତବ୍ଦ ରାଜଧାନୀରେ ଅମ୍ରିତଙ୍କ ଆମ୍ବୁଲାନ୍ସ, ସ୍ୱତନ୍ତ୍ର ଏୟାରଲିଫ୍ଟରେ ଚେନ୍ନାଇ ସ୍ଥାନାନ୍ତର

ଭୁବନେଶ୍ୱର: ରାସ୍ତା ଥିଲା ଶୂନ ଶାନ । କାଁ ଭାଁ ଗାଡି କେଇଟି ଗଡୁଥାଏ । ରାଜଧାନୀ ରାସ୍ତାରେ ସାଇରନ ଦେଇ ମାଡିଚାଲୁଥାଏ ଆମ୍ବୁଲାନ୍ସ । କାରଣ ଭୁବନେଶ୍ୱରରୁ ଚେନ୍ନାଇକୁ ଏୟାରଲିଫ୍ଟ ହେବାକୁ ଥିଲେ ଗୁରୁତର ରୋଗୀ ଅମ୍ରିତ ପ୍ରଧାନ । ଭୁବନେଶ୍ୱର ଏମ୍ସରେ ଚିକିତ୍ସିତ ଅମ୍ରିତଙ୍କୁ ଚେନ୍ନାଇ ସ୍ଥିତ ଆପୋଲୋକୁ ସ୍ଥାନାନ୍ତରଣ କରାଯାଇଛି । ଇକ୍ମୋ ସଂଯୁକ୍ତ ସ୍ବତନ୍ତ୍ର ବିମାନରେ ଆଜି ଅପରାହ୍ନରେ ଅମ୍ରିତଙ୍କୁ ଚେନ୍ନାଇ ନିଆଯାଇଛି।

ପ୍ରଥମେ କୋଭିଡ ସଂକ୍ରମିତ ହୋଇଥିଲେ ଅମ୍ରିତ । ପରେ ତାଙ୍କର ଫୁସଫୁସ କିଛି ମାତ୍ରାରେ ନଷ୍ଟ ହୋଇଥିବା କହିଛନ୍ତି ପରିବାର ଲୋକେ । ଏହା ସାଙ୍ଗକୁ ସେ ନିମୋନିଆ ଓ ସେପଟିସେମିଆରେ ପୀଡ଼ିତ ଅଛନ୍ତି । ଗତ ମାସ ୨ ତାରିଖରେ କୋଭିଡ ପଜିଟିଭ ଚିହ୍ନଟ ହେବା ପରେ ପରେ ସ୍ବାସ୍ଥ୍ୟ ବିଗିଡିବାରେ ଲାଗିଥିଲା । ଏଥିପାଇଁ ଗତ ୧୨ ତାରିଖରୁ ଭେଣ୍ଟିଲେଟରରେ ଅଛନ୍ତି । ସ୍ଥିତି ଜଟିଳ ହେବାରୁ ରୋଗୀକୁ ସ୍ଥାନାନ୍ତରଣ କରିବା ପାଇଁ ଡାକ୍ତରୀ ଦଳ ପରାମର୍ଶ ଦେଇଥିଲେ । ସେପଟେ ଅମ୍ରିତଙ୍କୁ ଏୟାରଲିଫ୍ଟ କରିବା ପାଇଁ ଚେନ୍ନାଇ ଆପୋଲୋରୁ ଆସିଥିଲେ ୬ ଜଣିଆ ଡାକ୍ତରୀ ଦଳ । ଏହି ଟିମ୍ ସହିତ ଏୟାର ଲିଫିଂରେ ଚେନ୍ନାଇ ନିଆଯାଇଛି ।

ଚେନ୍ନାଇ ନେବା ପରେ ପ୍ରଥମେ ଇକ୍ମୋ ଚିକିତ୍ସା ଚାଲିବ । ଆବଶ୍ୟକ ପଡିଲେ ଫୁସଫୁସ ପ୍ରତିରୋପଣ ବି କରାଯାଇପାରେ । ଇକ୍ମୋ ସଂଯୁକ୍ତ ଏୟାରଲିଫ୍ଟ ପାଇଁ ୩୦-୪୦ ଲକ୍ଷ ଖର୍ଚ୍ଚ ହେବ । ସେହିଭଳି ଆଇସିୟୁ , ଇକ୍ମୋ, ଡାକ୍ତରଖାନା ଫିସ ପାଇଁ ୨ ଲକ୍ଷ ଖର୍ଚ୍ଚ ହେବ । ଫୁସଫୁସ ପ୍ରତିରୋପଣ ହେଲେ ୪୫ ଲକ୍ଷ ଖର୍ଚ୍ଚ ହେବ । ଡାକ୍ତରୀ ଦଳର ସୂଚନା ଅନୁଯାୟୀ ୩୦ ଦିନ ଚାଲିବ ଚିକିତ୍ସା । ସେପଟେ ଏତେ ଅର୍ଥ ଖର୍ଚ୍ଚ କରିବାକୁ ପରିବାର ଲୋକ ଅକ୍ଷମ ଥିବାରୁ ରାଜ୍ୟ ସରକାର ଆର୍ଥିକ ସହାୟତା ଦେବାକୁ ଦାବି ମଧ୍ୟ ପରିବାର ଲୋକେ ଗୁହାରୀ କରିଛନ୍ତି।

ଏୟାର ମାର୍ଶଲ ବିବେକ ରାମ ଚୌଧୁରୀଙ୍କୁ ନୂଆ ଦାୟିତ୍ୱ

ନୂଆଦିଲ୍ଲୀ: ଭାରତୀୟ ବାୟୁସେନା (IAF)ର ବରିଷ୍ଠ ଅଧିକାରୀମାନଙ୍କ ମଧ୍ୟରେ ବଦଳି ହୋଇଛି । ଏୟାର ମାର୍ଶଲ ବିବେକ ରାମ ଚୌଧୁରୀଙ୍କୁ ବାୟୁସେନା ମୁଖ୍ୟାଳୟରେ ବାୟୁସେନାର ପରବର୍ତ୍ତୀ ଉପାଧ୍ୟକ୍ଷ ଭାବରେ ନିଯୁକ୍ତି ଦିଆଯାଇଛି । ଏହାସହ ଦୁଇଜଣ ନୂଆ କମାଣ୍ଡର-ଇନ୍-ଚିଫ୍ ମଧ୍ୟ ସେମାନଙ୍କର ନୂଆ କାର୍ଯ୍ୟଭାର ଗ୍ରହଣ କରିବେ। ଏୟାର ଅପରେସନ୍ସର ମହାନିର୍ଦ୍ଦେଶକ ଏୟାର ମାର୍ଶଲ ବଲ୍ଲଭ ରାଧା କୃଷ୍ଣ ଦିଲ୍ଲୀର ପଶ୍ଚିମ କମାଣ୍ଡରେ ଚୌଧୁରୀଙ୍କ ସ୍ଥାନ ନେବେ । ଏହାସହ ଏୟାର ମାର୍ଶଲ ଆରଜେ ଡକବର୍ଥ ପ୍ରୟାଗରାଜରେ ଏୟାର କମାଣ୍ଡର ଦାୟିତ୍ୱ ଗ୍ରହଣ କରିବେ ।

ବିବେକ ରାମ ଚୌଧୁରୀ ସେହି ସମୟରେ ଉପାଧ୍ୟକ୍ଷ ଭାବରେ ଦାୟିତ୍ୱ ଗ୍ରହଣ କରିଥିଲେ ଯେଉଁ ସମୟରେ ଭାରତୀୟ ବାୟୁସେନା ପୂର୍ବ ଲଦାଖ ଅଞ୍ଚଳରେ ରାତି ସମୟରେ ଏୟାର ପାଟ୍ରୋଲିଂ କରୁଥିଲା । ନ୍ୟାସନାଲ ଡିଫେନ୍ସ ଏକାଡେମୀର ପୁରାତନ ଛାତ୍ର ଏୟାର ମାର୍ଶଲ ଚୌଧରୀଙ୍କୁ ଡିସେମ୍ବର ୨୯, ୧୯୮୨ରେ ଭାରତୀୟ ବାୟୁସେନାର ଯୁଦ୍ଧବିମାନ ଷ୍ଟ୍ରିମରେ ସାମିଲ କରାଯାଇଥିଲା।

ଏୟାର ମାର୍ଶଲ ବିବେକ ରାମ ଚୌଧୁରୀ ପ୍ରାୟ ୩୮ ବର୍ଷ ଧରି କ୍ୟାରିୟରରେ ବିଭିନ୍ନ ପ୍ରକାରର ଯୁଦ୍ଧ ବିମାନ ଏବଂ ପ୍ରଶିକ୍ଷକ ବିମାନ ଉଡ଼ାଇଛନ୍ତି। ତାଙ୍କର MiG-21, MiG-23 MF, MiG-29 ଏବଂ ସୁଖୋଇ -30 MKI ଯୁଦ୍ଧ ବିମାନ ଉଡ଼ାଇବାର ଅଭିଜ୍ଞତା ରହିଛି । ତାଙ୍କ ପାଖରେ ୩,୮୦୦ ଘଣ୍ଟାରୁ ଅଧିକ ଉଡ଼ାଣ ମଧ୍ୟ ଅଭିଜ୍ଞତା ଅଛି । ଏୟାର ମାର୍ଶଲ ଚୌଧୁରୀ ଅନେକ ଗୁରୁତ୍ୱପୂର୍ଣ୍ଣ ପଦବୀରେ କାର୍ଯ୍ୟ କରିଛନ୍ତି। ସେ ଜଣେ ଫ୍ରଣ୍ଟଲାଇନ ଯୁଦ୍ଧ ବିମାନର କମାଣ୍ଡର ମଧ୍ୟ ରହିଛନ୍ତି । ଜଣେ ଏୟାର ମାର୍ଶଲ ଭାବରେ ସେ ବାୟୁସେନାର ଉପାଧ୍ୟକ୍ଷ ପଦବୀ ମଧ୍ୟ ସମ୍ଭାଳିଛନ୍ତି ।

ସୂଚନାଯୋଗ୍ୟ ଯେ, ଏହାପୂର୍ବରୁ ପଶ୍ଚିମ ଏୟାର କମାଣ୍ଡର ମୁଖ୍ୟ ଭାବରେ ଏୟାର ମାର୍ଶଲ ବିବେକ ଚୌଧରୀଙ୍କୁ ଦାୟିତ୍ୱ ଦିଆଯାଇଥିଲା । ଯେତେବେଳେ ପୂର୍ବ ଲଦାଖ (LAC) ରେ ଭାରତ ଏବଂ ଚୀନ୍ ମଧ୍ୟରେ ବିବାଦ ବଢିଯାଇଥିଲା । ଏବଂ ଏହା ବ୍ୟତୀତ ପାକିସ୍ତାନ ମଧ୍ୟ କ୍ରମାଗତ ଭାବରେ ସୀମାରେ ଘୃଣ୍ୟ କାର୍ଯ୍ୟକଳାପ କରୁଥିଲା।

 

ଇଏ କେମିତିକା ହାକିମି: ବୃଦ୍ଧଙ୍କୁ ମାରିଲେ, ମାପଯନ୍ତ୍ର ଛଡାଇନେଲେ

ଝାରସୁଗୁଡା: ମାନବିକତା ଭୁଲିଗଲେ ତହସିଲଦାର । କଥାରେ ଅଛି ଯେମିତି କୁଜି ଅସରପା ଉପରେ କାଣି ବିରାଢି  ଷଣ୍ଢ  । ଠିକ ସେହିପରି ବୃଦ୍ଧାଙ୍କ ଉପରେ ଦବଙ୍ଗଗିରି ଦେଖାଇଲେ ଉକ୍ତ ତହସିଲଦାର  । ବୃଦ୍ଧ ତରଭୁଜ ବିକାଳିଙ୍କୁ ମାରିଲେ ମାଡ । ଅନେକ ସ୍ଥାନରେ କୋଭିଡ ନିୟମ ଆଳରେ ନିରୀହ ଲୋକଙ୍କ ଉପରେ ଅତ୍ୟାଚାର ହେଉଥିବା ଦୃଶ୍ୟ ସାମ୍ନାକୁ ଆସୁଛି । ଆଜି ପୁଣି ଏଭଳି ଆଉ ଏକ ଚିତ୍ର ଆସିଛି ଝାରସୁଗୁଡା ସହରରୁ ଆସିଛି।

ସୂଚନା ମୁତାବକ ବମ୍ବେ ଛକରେ ଝାରସୁଗୁଡା ଅତିରିକ୍ତ ତହସିଲଦାର ଯୋବିତା ତିର୍କୀ ଜଣେ ବୃଦ୍ଧ ତରଭୁଜ ବିକାଳିଙ୍କୁ ବାଡିରେ ମାଡ ମାରୁଥିବା ଭିଡିଓ ଭାଇରଲ ହେଉଛି । ଏହାପରେ ବୁଢା ତରଭୁଜ ବିକାଳି ଜଣକ ଗଣମାଧ୍ୟମ ସମ୍ମୁଖରେ ଅତିରିକ୍ତ ତହସିଲଦାରଙ୍କ ଦାଦାଗିରି ବାବଦରେ ମୁହଁ ଖୋଲିଛନ୍ତି । ଅଭିଯୋଗ ମୁତାବକ ସେ ଆଜି ପୂର୍ବାହ୍ଣ ୧୧ଟାରେ ତରଭୁଜ ଦୋକାନ ବନ୍ଦ କରୁଥିବାବେଳେ ଅତିରିକ୍ତ ତହସିଲଦାର ଯୋବିତା ତିର୍କୀ ପହଁଚି ତାଙ୍କୁ ଗାଳି କରିବାସହ ତାଙ୍କ ବଟକରା ଓ ମାପଯନ୍ତ୍ର ଜବତ କରୁଥିଲେ ।

ବୁଢା ତରଭୁଜ ଦୋକାନୀ ଜଣକ ଏହାକୁ ବିରୋଧ କରିବାପରେ ଅତିରିକ୍ତ ତହସିଲଦାର ତାଙ୍କୁ ୧୦ରୁ୧୨ ଥର ବାଡ଼ିରେ ମାରିଥିବା ସେ ଅଭିଯୋଗ କରିଛନ୍ତି । ଏହାସହ ପାଖରେ ଥିବା ତାଙ୍କ ନାବାଳକ ପୁଅକୁ ମଧ୍ୟ ଅତିରିକ୍ତ ତହସିଲଦାର ମାଡ ମାରିଥିବା କହିଛନ୍ତି ଦୋକାନୀ ଜଣକ । ସେପଟେ ତହସିଲଦାର ମାଡ ମାରୁଥିବା ସମୟର ଦୃଶ୍ୟ ଏବେ ସୋସିଆଲ ମଡିଆରେ ଭାିରାଲ ହେବାରେ ଲାଗିଛି  ।

ପାଞ୍ଚ ରାଜ୍ୟ ପାଇଁ କଂଗ୍ରେସର ସହପ୍ରଭାରୀ ଘୋଷଣା, ସପ୍ତଗିରି ଉଲାକାଙ୍କୁ ଛତିଶଗଡ଼ ଭାର

ନୂଆଦିଲ୍ଲୀ: ପାଞ୍ଚୋଟି ରାଜ୍ୟ ପାଇଁ କଂଗ୍ରେସର ସହ ପ୍ରଭାରୀ ଘୋଷଣା । କଂଗ୍ରେସ ସାଧାରଣ ସଂପାଦକ କେସି ବେଣୁଗୋପାଲ ଏହି ରାଜ୍ୟ ମାନଙ୍କ ପାଇଁ ସହ ପ୍ରଭାରୀଙ୍କ ନାମ ଘୋଷଣା କରିଛନ୍ତି । ଓଡିଶାରୁ ଲୋକସଭା ଯାଇଥିବା ସପ୍ତଗିରି ଉଲ୍ଲାକା ନାମ ମଧ୍ୟ ଏହି ତାଲିକାରେ ସାମିଲ ହୋଇଛି । ଛତିଶଗଡ ପାଇଁ ସପ୍ତଗିରି ଉଲ୍ଲାକାଙ୍କୁ ସହ ପ୍ରଭାରୀ ଭାବେ ନିଯୁକ୍ତ କରିଛି କଂଗ୍ରେସ ।

ସେହିପରି ବିଧାୟିକା ଦିପିକୀ ପାଣ୍ଡେଙ୍କୁ ଉତ୍ତରାଖଣ୍ଡ କଂଗ୍ରେସ ପାଇଁ ସହପ୍ରଭାରୀ , ସଞ୍ଜୟ ଦତ୍ତଙ୍କୁ ହିମାଞ୍ଚଳ ପ୍ରଦେଶ ସହ ତାମିଲନାଡ଼ୁ ଏବଂ ପୁଡୁଚେରୀ ପାଇଁ ମଧୟ ସହପ୍ରଭାରୀ ଦାୟିତ୍ୱ ହସ୍ତାନ୍ତର କରାଯାଇଛି । ଅନ୍ୟପଟେ ଇମ୍ରାନ ମାସୁଦଙ୍କୁ ଦିଲ୍ଲୀ ଏବଂ ବ୍ରିଜଲାଲ ଖାବ୍ରୀଙ୍କୁ ବିହାର ସହପ୍ରଭାରୀ ଭାବେ ନିଯୁକ୍ତ କରିଛି କଂଗ୍ରେସ ।

ଭୀମସାର ହସ୍ପିଟାଲରେ କଳା କନା ବୁଲାଇଲେ ଦୁର୍ବୁତ୍ତ, ଟେକି ନେଇଗଲେ AC

ସମ୍ବଲପୁର: ଭୀମସାର କ୍ୟାନ୍ସର ବିଭାଗରୁ ଲକ୍ଷାଧିକ ଟଙ୍କାର ସାମଗ୍ରୀ ଚୋରି ହୋଇଥିବା ଅଭିଯୋଗ। ଗତକାଲି ବିଳମ୍ବିତ ରାତିରେ ଭୀମସାର କ୍ୟାନ୍ସର ବିଭାଗରୁ ତିନୋଟି AC ସହ ବିଭିନ୍ନ ଆସବାବପତ୍ର ଚୋରି ହୋଇଥିବାର ଅଭିଯୋଗ ହୋଇଛି। ଚୋରି ହୋଇଥିବା ସାମଗ୍ରୀ କୁ ଆକଳନ କଲେ ଲକ୍ଷାଧିକ ଟଙ୍କା ହେବ ବୋଲି ଜଣାପଡିଛି।

ବିଗତ କିଛି ଦିନ ତଳେ ଭୀମସାର ର 25 ଟି ତାଲା ଭାଙ୍ଗି ଲକ୍ଷାଧିକ ଟଙ୍କାର ସାମଗ୍ରୀ  ଚୋରି କରାଯାଇଥିବା ବେଳେ ଏବେ ପୁଣି ଥରେ ଏଭଳି ଚୋରି ସୁରକ୍ଷା ବ୍ୟବସ୍ଥା ପ୍ରତି ଆଙ୍ଗୁଳି ନିର୍ଦେଶ କରୁଛି। ଏହି ହସ୍ପିଟାଲ ମାନଙ୍କୁ ସୁରକ୍ଷା ପାଇଁ ଲକ୍ଷାଧିକ ଟଙ୍କା ଖର୍ଚ୍ଚ ହେଉଥିବା ବେଳେ କିଭଳି ଏତେ ସୁରକ୍ଷା ବଳୟ ଭିତରୁ ଚୋରି ହେଲା ତାହା ଏବେ ସାଧାରଣ ରେ ପ୍ରଶ୍ନ ସୃଷ୍ଟି ହୋଇଛି।

କିଭଳି ଭାବରେ ଏତେ ସଂଖ୍ୟକ ସୁରକ୍ଷା କର୍ମୀ ନିୟୋଜିତ ହୋଇଥିବା ବେଳେ ତିନିଟି AC ଚୋରି ହୋଇଗଲା ତାହା ସୁରକ୍ଷା ବ୍ୟବସ୍ଥା ର ଢୀଲାପଣକୁ ଦର୍ଶାଇଛି। ଯଦି ସରକାର ସୁରକ୍ଷା କର୍ମୀଙ୍କୁ ସୁରକ୍ଷା ବ୍ୟବସ୍ଥା ଦାୟିତ୍ବ ଦେଇ ନିଶ୍ଚିନ୍ତ ହେଉଛନ୍ତି ତା ହେଲେ ନିଶ୍ଚିତ ଚିନ୍ତାର ବିଷୟ। ବାରମ୍ବାର ଏଭଳି ଚୋରି ହେଉଥିବା ବେଳେ କେମିତି ଚୁପ ରହିଛନ୍ତି କର୍ତ୍ତୃପକ୍ଷ ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି ହେଉଛି।

ସ୍ପୁଟନିକ-ଭି ଉତ୍ପାଦନ କରିବା ପାଇଁ ଲାଇସେନ୍ସ ମାଗିଲା ସେରମ ଇନଷ୍ଟିଚ୍ୟୁଟ କମ୍ପାନୀ

ନୂଆଦିଲ୍ଲୀ: କୋଭିସିଲଡ଼ି ଉତ୍ପାଦନ କରୁଥିବା ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ କମ୍ପାନୀ ବିଦେଶୀ ଟିକା ପ୍ରସ୍ତୁତ କରିବା ନେଇ ଆବେଦନ କରିଛି । ଅର୍ଥାତ ରୁଷିଆ କମ୍ପାନୀ ଦ୍ୱାରା ପ୍ରସ୍ତୁତ ହୋଇଥିବା କୋଭିଡ ଟିକା ସ୍ପୁଟନିକ୍- ଭି ଉତ୍ପାଦନ କରିବାକୁ DCGIଙ୍କୁ ଅନୁମତି ମାଗିଛି ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ । ପୂର୍ବରୁ ଦେଶରେ କେବଳ ଦୁଇଟି ଟିକାକୁ ବ୍ୟବହାର ଲାଗି ଅନୁମତି ଦେଇଥିଲେ ଡିସିଜିଆଇ । ଉକ୍ତ କମ୍ପାନୀ ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ ଦ୍ୱାରା ନିର୍ମିତ କୋଭିସିଲଡି ଏବଂ ଭାରତ ବାଓଟେକ ଦ୍ୱାରା ପ୍ରସ୍ତୁତ ହୋଇଥିବା କୋଭାକ୍ସିନକୁ ବ୍ୟବହାର ପାଇଁ ଅନୁମତି ଦେଇଥିଲେ ଡିସିଜିଆଇ ।

ଭାରତରେ ରୁଷିଆ ଟିକା ପ୍ରସ୍ତୁତ ବର୍ତ୍ତମାନ ମଧ୍ୟ ଜାରି ରହିଛି । ହାଇଦ୍ରାବାଦ ସ୍ଥିତ ଡକ୍ଟର ରେଡ୍ଡୀ ଲ୍ୟାବରେ ଜାରି ରହିଛି ସ୍ପୁଟନିକ-ଭି ଭ୍ୟାକସିନ । କିନ୍ତୁ ଏବେ ଭାରତରେ ଏହି ଟିକାକୁ ନିର୍ମାଣ କରିବା ପାଇଁ SII ଡିସିଜିଆଇଙ୍କ ନିକଟରେ ଆବେଦନ କରିଛନ୍ତି । ରୁଷିଆନ୍ କମ୍ପାନୀ ସହଭାଗିତା ଜରିଆରେ ଭାରତରେ ଟିକା ପ୍ରସ୍ତୁତ କରିବା ଏବଂ ବିତରଣ କରିବା ପାଇଁ ଅନୁମତି ମାଗିଛନ୍ତି ।

ଭାରତ ବାୟୋଟେକ ପ୍ରସ୍ତୁତ କରୁଥିବା କୋଭାକ୍ସିନ ଏବଂ ସେରମ ଇନଷ୍ଟଚ୍ୟୁଟ ପ୍ରସ୍ତୁତ କରୁଥିବା କୋଭିସିଲଡି ଟିକା ଏବେ ଦେଶରେ ଜାରି ରହିଛି  । ଏହା ସହିତ DRDO ମଧ୍ୟ ଏକ କୋଭିଡ ଟିକା ଉଦ୍ଭାବନା କରିଛି  । ଯାହା ଦେଶରେ ବିତରଣ ଜାରି ରହିଛି  । ଆଜି ସେରମ ଇନଷ୍ଟଚ୍ୟୁଟ କମ୍ପାନୀ ପୁନର୍ବାର ସ୍ପୁଚନିକ-ଭି ପ୍ରସ୍ତୁତ କରିବା ପାଇଁ DCGIଙ୍କ ନିକଟରେ ଲାଇସେନ୍ସ ପାଇଁ ଅନୁମତି ମାଗିଛି  ଉକ୍ତ କମ୍ପାନୀ  ।