spot_img
Home Blog Page 5732

ଦ୍ୱିତୀୟ ପ୍ରବାହ ଭଳି ଭୟଙ୍କର ହେବ କରୋନାର ତୃତୀୟ ପ୍ରବାହ,SBI ରିପୋର୍ଟ କଲା ସତର୍କ

ନୂଆଦିଲ୍ଲୀ: କରୋନାର ଦ୍ୱିତୀୟ ପ୍ରବାହ ଦ୍ୱାରା ଭାରତର ସ୍ୱାସ୍ଥ୍ୟ ବ୍ୟବସ୍ଥା ଭୁସୁଡି ପଡିଥିବା ବେଳେ ତୃତୀୟ ପ୍ରବାହର ବିପଦ ଆଗକୁ ଆସୁଛି । ଏସବିଆଇ ଦ୍ୱାରା ପ୍ରସ୍ତୁତ ରିପୋର୍ଟ ଅନୁସାରେ କରୋନାର ସମ୍ଭାବିତ ତୃତୀୟ ପ୍ରବାହ ଦ୍ୱିତୀୟ ପ୍ରବାହଠାରୁ ଅଧିକ ବିପଜ୍ଜନକ ହେବ । ରିପୋର୍ଟରେ ତୃତୀୟ ପ୍ରବାହ ୯୮ ଦିନ ଧରି ଲାଗି ରହିବ ବୋଲି ଅନୁମାନ କରାଯାଇଛି ।
ଅନ୍ତର୍ଜାତୀୟ ସ୍ତରରେ ଆସିଥିବା ତୃତୀୟ ପ୍ରବାହ ଧାରାରୁ ଏହି ଅନୁମାନ କରିଛି ଏସବିଆଇ । ରିପୋର୍ଟରେ କୁହାଯାଇଛି ଯେ, ତୃତୀୟ ପ୍ରବାହ ଦ୍ୱିତୀୟ ପ୍ରବାହଠାରୁ ଅଧିକ ଅଲଗା ହେବନାହିଁ । ତେବେ ପୂର୍ବ ପ୍ରସ୍ତୁତି ଯଦି ଠିକ୍ ରୁହେ ତାହେଲେ ମୃତ୍ୟୁ ସଂଖ୍ୟା କମ ହେବ । ରିପୋର୍ଟରେ କୁହାଯାଇଛି ଯେ,ବିଶ୍ୱର ପ୍ରମ୍ମୁଖ ରାଷ୍ଟ୍ରରେ ଆସିଥିବା କରୋନାର ତୃତୀୟ ପ୍ରବାହ ୯୮ ରହିଥିଲା । ଅନ୍ୟପକ୍ଷରେ ଦ୍ୱିତୀୟ ପ୍ରବାହ ୧୦୮ ଦିନ ଧରି ଲାଗି ରହିଥିଲା । ଦ୍ୱିତୀୟ ପ୍ରବାହରୁ ଶିକ୍ଷା ଲାଭ କରିଥିବା ରାଜ୍ୟ ଓ କେନ୍ଦ୍ର ସରକାର ତୃତୀୟ ପ୍ରବାହ ପାଇଁ ପ୍ରସ୍ତୁତି ଆରମ୍ଭ କରି ସାରିଲେଣି । ଏମିତିରେ ଏହି ଅନୁମାନ ମହତ୍ୱ ରଖେ ।

ଏହି ରିପୋର୍ଟ ଅନୁସାରେ ତୃତୀୟ ପ୍ରବାହରେ ଗମ୍ଭୀର ମାମଲାକୁ ୫ ପ୍ରତିଶତକୁ ଆଣି ମୋଟ ମୃତ୍ୟୁ ସଂଖ୍ୟାକୁ ୪୦ ହଜାର ମଧ୍ୟରେ ସୀମିତ ରଖା ଯାଇପାରେ ।ଯେତେବେଳେ କି ଦ୍ୱିତୀୟ ପ୍ରବାହରେ ଗମ୍ଭୀର ମାମଲା ୨୦ ପ୍ରତିଶତ ଥିଲା । ଯେଉଁଥିରେ ଏପର୍ଯ୍ୟନ୍ତ ମୋଟ ୧ ଲକ୍ଷ ୭୦ ହଜାର ପ୍ରାଣ ହରାଇଲେଣି । ସୂଚନାଯୋଗ୍ୟ ଯେ, ଭାରତରେ କରୋନାର ଦ୍ୱିତୀୟ ପ୍ରବାହ ଆତଙ୍କ ସୃଷ୍ଟି କରିଛି । ଦ୍ୱିତୀୟ ପ୍ରବାହରେ ଦୈନିକ ସଂକ୍ରମଣ ମାମଲା ୪ ଲକ୍ଷ ୧୪ ହଜାରରେ ପହଂଚିଥିଲା । କେବଳ ମେ ’ ମାସରେ କରୋନାର ୯୦ ଲକ୍ଷରୁ ଅଧିକ ନୂଆ ମାମଲା ସାମ୍ନାକୁ ଆସିଥିଲା । ଏହା ମଧ୍ୟ ବିଶ୍ୱରେ ସର୍ବାଧିକ ଥିଲା । ବିଶ୍ୱର କୌଣସି ଦେଶରେ ଆଜି ପର୍ଯ୍ୟନ୍ତ ଗୋଟିଏ ମାସରେ ଏତେ ସଂଖ୍ୟକ କରୋନା ସଂକ୍ରମିତଙ୍କୁ ଚିହ୍ନଟ କରାଯାଇନଥିଲା ।ଦ୍ୱିତୀୟ ପ୍ରବାହର ଭୟାବହତାକୁ ଦୃଷ୍ଟିରେ ରଖି କେନ୍ଦ୍ର ସରକାର ଏବେ ଦୈନିକ ଏକ କୋଟି ଟିକା କରଣର ଲକ୍ଷ୍ୟ ଧାର୍ଯ୍ୟ କରିଛନ୍ତି । ଜାନୁଆରୀରୁ ଟିକାକରଣ ଆରମ୍ଭ ହେବା ପରଠାରୁ ଏପର୍ଯ୍ୟନ୍ତ ଜନସଂଖ୍ୟାର ୧୨ ପ୍ରତିଶତଙ୍କୁ କରୋନା ଟିକାର ପ୍ରଥମ ଡୋଜ୍ ଦିଆ ସରିଥିବା ବେଳେ ୩.୨୭ ପ୍ରତିଶତଙ୍କୁ ଦୁଇ ଡୋଜ୍ ଟିକା ମିଳି ସାରିଛି ।

ଏଥିସହିତ ପଢ଼ନ୍ତୁ: ପୂର୍ବତନ ମନ୍ତ୍ରୀ ବିଜୟଶ୍ରୀ ରାଉତରାୟଙ୍କ ପରଲୋକ, କିଛି ଦିନ ପୂର୍ବେ କରୋନା ସଂକ୍ରମିତ ଚିହ୍ନଟ ହୋଇଥିଲେ

ବାବା ଆଖଣ୍ଡଳମଣି ପୀଠରେ ଦେବ ଦମ୍ପତି ବିବାହ ପାଇଁ ଉଠିଲା ଲଗ୍ନଥାଳି

ଆରଡ଼ି:  ଜୁନ ୧୫ରେ ବାବା ଆଖଣ୍ଡଳମଣିଙ୍କ ମନ୍ଦିରରେ ଦେବଦମ୍ପତିଙ୍କ ବିବାହ ଉତ୍ସବ। ଏଥିପାଇଁ ଚନ୍ଦନ ପୂର୍ଣ୍ଣିମା ଦିନ ବରପିତା ଓ କନ୍ଯାପିତା ଚୟନ ପ୍ରକ୍ରିୟା ସମ୍ପନ୍ନ ହୋଇଥିଲା। ଚଳିତବର୍ଷ ବରପିତା ଭାବେ ସେବାୟତ ବାଙ୍କବିହାରୀ ପାଢୀଙ୍କ ପୁତ୍ର ସୌଭାଗ୍ଯ ଲାଭ କରିଥିବା ବେଳେ କନ୍ଯାପିତା ଭାବେ ସେବାୟତ ଚନ୍ଦ୍ରମଣି ପାଢୀଙ୍କ ଜଜମାନ ବ୍ରହ୍ମପୁର ନିବାସୀ ଚନ୍ଦ୍ରଶେଖର ଦାଶ ସୌଭାଗ୍ଯ ପ୍ରାପ୍ତ ହୋଇଛନ୍ତି। ଆଜି ବୁଧବାର ବିଧିବିଧାନ ଅନୁଯାୟୀ ଲଗ୍ନଥାଳ ଉଠା କାର୍ଯ୍ଯ ସମ୍ପନ୍ନ ହୋଇଛି। ଏଥିପାଇଁ ଆଜି ଦିନତମାମ ମନ୍ଦିରରେ ସ୍ବତନ୍ତ୍ର ନୀତିକାନ୍ତି କରାଯିବା ସହ ମଧ୍ଯାହ୍ନରେ ବରପିତାଙ୍କ ଘରୁ ଏକ ସୁସଜ୍ଜିତ ଲଗ୍ନଥାଳି କନ୍ଯାଘର ଅଭିମୁଖେ ବାହାରିଥିଲା। କନ୍ଯାଘର ପକ୍ଷରୁ ମନ୍ଦିର କାର୍ଯ୍ଯାଳୟ ପରିସରରେ ସୁସଜ୍ଜିତ ବେଦିରେ ବ୍ରାହ୍ମଣମାନଙ୍କ ଦ୍ବାରା ଲୋକାଚାରରେ ଲଗ୍ନକାର୍ଯ୍ଯ ଅନୁଷ୍ଠିତ ହୋଇଥିଲା। ଜ୍ଯୋତିଷ୍ଯଙ୍କ ଦ୍ବାରା ତାଳପତ୍ର ଓ ଲେଖନୀ ଦ୍ବାରା ଲଗ୍ନ ଚିଟାଉ ଲେଖାଯିବା ପରେ ଉଭୟ ବରକର୍ତ୍ତା ଓ କନ୍ଯାକର୍ତ୍ତାଙ୍କ ଉପସ୍ଥିତିରେ ପଠନ କରାଯାଇଥିଲା , ପରେ କନ୍ଯାପିତା ଚନ୍ଦ୍ରମଣି ପାଢୀ ଲଗ୍ନଥାଳକୁ ବରପିତାଙ୍କ ହସ୍ତକୁ ସମର୍ପିତ କରିଥିଲେ। ଏପରିକି ବିଧିବିଧାନ ଅନୁଯାୟୀ କନ୍ଯାପିତା ବରପକ୍ଷଙ୍କୁ ଯୌତୁକ ମୁତାବକ ୧୦୦୧ଟଙ୍କା ସହ ୪ହଳ ନାଗନାଗୁଣୀ, ୨ହଳ ଷଣ୍ଢ ଦେବା ପାଇଁ ସର୍ବସମତି କ୍ରମେ କହିଥିଲେ। ଚଳିତବର୍ଷ ମହାମାରୀ କରୋନାର ସଂକ୍ରମଣକୁ ଦୃଷ୍ଟିରେ କୋଭିଡ ନିୟମ ଅନୁଯାୟୀ ସମସ୍ତ ମାଙ୍ଗଳିକ ନୀତି ସମ୍ପନ୍ନ ନିମନ୍ତେ ଜିଲାପାଳ ପରାମର୍ଶ ଦେଇଛନ୍ତି। ତାହାସହ ମନ୍ଦିରର ବରିଷ୍ଠ ସେବାୟତ, ମନ୍ଦିର ପରିଚାଳନା କମିଟର ଟ୍ରଷ୍ଟି ତଥା ଭଦ୍ରକ ଉପଜିଲାପାଳ, ମ୍ଯାନେଜରଙ୍କ ସହ ଭର୍ଚୁଆଲ ମାଧ୍ଯମରେ ଜିଲାପାଳ ଜ୍ଞାନ ଦାସ ଆଲୋଚନା କରିବା ସହ ସମସ୍ତ କାର୍ଯ୍ଯର ସମୀକ୍ଷା କରିଥିଲେ।

ଏଥିସହିତ ପଢ଼ନ୍ତୁ: ପୂର୍ବତନ ମନ୍ତ୍ରୀ ବିଜୟଶ୍ରୀ ରାଉତରାୟଙ୍କ ପରଲୋକ, କିଛି ଦିନ ପୂର୍ବେ କରୋନା ସଂକ୍ରମିତ ଚିହ୍ନଟ ହୋଇଥିଲେ

ପୂର୍ବତନ ମନ୍ତ୍ରୀ ବିଜୟଶ୍ରୀ ରାଉତରାୟଙ୍କ ପରଲୋକ, କିଛି ଦିନ ପୂର୍ବେ କରୋନା ସଂକ୍ରମିତ ଚିହ୍ନଟ ହୋଇଥିଲେ

ଭୁବନେଶ୍ୱର: ବିଜୁ ଜନତା ଦଳର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ଓ ବାସୁଦେବପୁର ପୂର୍ବତନ ବିଧାୟକ ବିଜୟଶ୍ରୀ ରାଉତରାୟଙ୍କ ଦେହାନ୍ତ । ରାଜଧାନୀର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କ ପରଲୋକ ଘଟିଛି । ସେ ମେ’ ୪ ତାରିଖରେ କରୋନା ସଂକ୍ରମିତ ହୋଇଥିବା ବେଳେ ପରବର୍ତ୍ତୀ ସମୟରେ ସେ କରୋନା ସଂକ୍ରମଣରୁ ମୁକ୍ତ ହୋଇସାରିଥିଲେ । କିନ୍ତୁ କରୋନା ପରବର୍ତ୍ତୀ ସ୍ୱାସ୍ଥ୍ୟ ସମସ୍ୟା ବିଶେଷକରି ଫୁସ୍‌ଫୁସ୍ ଓ ରକ୍ତଚାପ ଜନିତ ସମସ୍ୟା ଯୋଗୁଁ ଚିକିତ୍ସାଧୀନ ଥିଲେ । ଆଜି ସକାଳୁ ତାଙ୍କ ସ୍ୱାସ୍ଥ୍ୟାବସ୍ଥାରେ ଦ୍ରୁତ ଅବନତି ଘଟିଥିବା ବେଳେ ସନ୍ଧ୍ୟାରେ ତାଙ୍କ ମୃତ୍ୟୁ ଘଟିଥିବା ସୂଚନା । ମୃତ୍ୟୁବେଳକୁ ତାଙ୍କୁ ୬୮ ବର୍ଷ ହୋଇଥିଲା । ପୂର୍ବତନ ମୁଖ୍ୟମନ୍ତ୍ରୀ ନୀଳମଣି ରାଉତରାୟଙ୍କ ପୁତ୍ର ହେଉଛନ୍ତି ବିଜୟଶ୍ରୀ ରାଉତରାୟ।  ବିଜୟଶ୍ରୀ ୨ ଥର ଜନତା ଦଳ ଟିକେଟରେ ଓ ୪ଥର ବିଜେଡି ଟିକେଟରେ ବିଧାନସଭାକୁ ନିର୍ବାଚିତ ହୋଇଥିଲେ । ସେ ୬ ଥର ବାସୁଦେବପୁର ନିର୍ବାଚନ ମଣ୍ଡଳିର ପ୍ରତିନିଧିତ୍ୱ କରିଥିଲେ । ୧୯୫୩ ମସିହାରେ ଜନ୍ମିତ ବିଜୟଶ୍ରୀ ଭୂଗୋଳରେ ଏମଏ କରିଥିଲେ । ୧୯୮୦ ମସିହାରେ ସେ ସକ୍ରିୟ ରାଜନୀତିରେ ସାମିଲ ହୋଇଥିଲେ । ରେଭେନ୍ସା କଲେଜରେ ଅଧ୍ୟାପକ ଥିବା ବିଜୟଶ୍ରୀ ୧୯୮୦ରେ ଚାକିରିରୁ ଇସ୍ତଫା ଦେଇ ସକ୍ରିୟ ରାଜନୀତିରେ ପ୍ରବେଶ କରିଥିଲେ । ପ୍ରଥମ ଥର ପାଇଁ ୧୯୯୦ରେ ସେ ଭଦ୍ରକର ବାସୁଦେବପୁରରୁ ନିର୍ବାଚନ ମଣ୍ଡଳିରୁ ଜନତା ଦଳ ଟିକେଟରେ ନିର୍ବାଚନ ଲଢିଥିଲେ ଓ ଜିତିଥିଲେ । ବିଜୟଶ୍ରୀ ରାଉତରାୟଙ୍କ ଦେହାନ୍ତରେ ପିସିସି ସଭାପତି ନିରଞ୍ଜନ ପଟ୍ଟନାୟକ, ବିଜେଡିର ନେତ୍ରୀ ଶ୍ରୀମୟୀ ମିଶ୍ର ଶୋକବ୍ୟକ୍ତ କରିଛନ୍ତି ।

ଏଥିସହିତ ପଢ଼ନ୍ତୁ: ବିଜୟଶ୍ରୀଙ୍କ ଦେହାନ୍ତରେ ମୁଖ୍ୟମନ୍ତ୍ରୀଙ୍କ ସମେତ ଅନ୍ୟ ମନ୍ତ୍ରୀ ଓ ବିଧାୟକଙ୍କ ଶୋକ: ‘ଜନପ୍ରିୟ ନେତା ଓ ଅମାୟିକ ବ୍ୟକ୍ତିତ୍ୱ ଥିଲେ’

ଟିକା କିଣା ନେଇ କେନ୍ଦ୍ରକୁ ମୁଖ୍ୟମନ୍ତ୍ରୀ ଦେଇଥିବା ପ୍ରସ୍ତାବକୁ ମମତାଙ୍କ ସମର୍ଥନ

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରସ୍ତାବକୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସମର୍ଥନ ।  ବିଶ୍ୱବଜାରରୁ ଟିକା କିଣିବା ନେଇ ଉପୁଜୁଥିବା ସମସ୍ୟାର ସମାଧାନ ଦିଗରେ ନବୀନ କେନ୍ଦ୍ରକୁ ଦେଇଥିବା ପ୍ରସ୍ତାବକୁ ସମର୍ଥନ କରିଛନ୍ତି ମମତା । ଏଥିସହିିତ ଟିକାକରଣ କାର୍ଯ୍ୟକ୍ରମକୁ କାର୍ଯ୍ୟକାରୀ କରିବା ଦିଗରେ କ୍ଷମତାର ବିକେନ୍ଦ୍ରୀକରଣ ନେଇ ମୁଖ୍ୟମନ୍ତ୍ରୀ ଦେଇଥିବା ପ୍ରସ୍ତାବକୁ ମଧ୍ୟ ସମର୍ଥନ କରିଛନ୍ତି ମମତା । ଏ ସମ୍ପର୍କରେ ନବୀନ ତାଙ୍କ ସହ ଫୋନ୍ ଯାେଗେ କଥା ହୋଇଛନ୍ତି ଏବଂ ଏହି ପ୍ରସ୍ତାବକୁ ସେ ସମର୍ଥନ କରିଛନ୍ତି ବୋଲି କହିଛନ୍ତି ।

ସୂଚନା ଯୋଗ୍ୟ ଯେ, ବିଶ୍ୱବଜାରରୁ ଟିକା କିଣିବା ନେଇ ଉପୁଜୁଥିବା ସମସ୍ୟାର ସମାଧାନ ଲାଗି ସବୁ ରାଜ୍ୟ ମିଳିତ ଭାବେ ଉଦ୍ୟମ କରିବା ପାଇଁ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ସବୁ ରାଜ୍ୟକୁ ଆହ୍ବାନ ଦେଇଛନ୍ତି । କେନ୍ଦ୍ର ସରକାର ଭ୍ୟାକ୍ସିନ କିଣିବାକୁ ଚାହୁଁଥିବା ରାଜ୍ୟମାନଙ୍କ ପାଇଁ ବିଶ୍ବ ବଜାରରୁ ଟିକା କିଣି ରାଜ୍ୟଗୁଡିକ ମଧ୍ୟରେ ଯଥାଶୀଘ୍ର ବିତରଣ କରନ୍ତୁ । ଏ ପ୍ରସ୍ତାବ ଉପରେ ରାଜ୍ୟମାନେ ସହମତ ହେଲେ ତୃତୀୟ ଲହର ଆସିବା ପୂର୍ବରୁ ଲୋକଙ୍କ ଜୀବନ ରକ୍ଷା କରାଯାଇପାରିବ ବୋଲି ମୁଖ୍ୟମନ୍ତ୍ରୀ ଚିଠିରେ ଉଲ୍ଲେଖ କରିଛନ୍ତି। ମୁଖ୍ୟମନ୍ତ୍ରୀମାନଙ୍କୁ ଲେଖିଥିବା ଚିଠିରେ ନବୀନ ଦୁଇଟି କଥା ଉପରେ ଗୁରୁତ୍ୱ ଦେଇଛନ୍ତି । ଗୋଟିଏ ହେଲା କେନ୍ଦ୍ର ସରକାର ଟିକା କିଣି ରାଜ୍ୟମାନଙ୍କ  ଯୋଗାଇ ଦିଅନ୍ତୁ। ଦ୍ୱିତୀୟଟି ହେଲା ଟିକାକାରଣ ଯୋଜନାର ବିକେନ୍ଦ୍ରିକରଣ ସାଙ୍ଗକୁ ଟିକାଦାନ ପଦ୍ଧତ୍ତିକୁ ସରଳିକାରଣ କରି ରାଜ୍ୟକୁ ନିଷ୍ପତ୍ତି ନେବା ପାଇଁ ସୁଯୋଗ ଦେବା । ଉଦାହରଣ ସ୍ୱରୂପ ଆଭ୍ୟନ୍ତରୀଣ ଓ ପାର୍ବତ୍ୟ ଅଞ୍ଚଳରେ ରହୁଥିବା ଲୋକଙ୍କ ପାଖରେ ଯଥେଷ୍ଟ ଇଣ୍ଟରନେଟ ସୁବିଧା ନଥିବାରୁ ଟିକା ନେବାପାଇଁ ଅନଲାଇନ ପଞ୍ଜୀକରଣ କରିପାରୁନାହାନ୍ତି । ତେଣୁ ସେମାନଙ୍କୁ ଟିକା ପ୍ରଦାନ ପାଇଁ ରାଜ୍ୟ ସରକାର ନିଜସ୍ୱ ନୀତି ଗ୍ରହଣ କରିବାକୁ ଅନୁମତି ପ୍ରଦାନ କରିବା ଆବଶ୍ୟକ । ଏହି ଦୁଇଟି ପ୍ରସ୍ତାବକୁ ଗୁରୁତ୍ୱ ଦେଇ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସବୁ ରାଜ୍ୟ ମୁଖ୍ୟମନ୍ତ୍ରୀଙ୍କୁ ପତ୍ର ଲେଖିବା ସହ ୬ ଜଣ ମୁଖ୍ୟମନ୍ତ୍ରୀଙ୍କ ସହିତ ବ୍ୟକ୍ତିଗତ ଭାବେ ଟେଲିଫୋନରେ କଥା ହୋଇଛନ୍ତି । ଏହି ୬ଜଣ ମୁଖ୍ୟମନ୍ତ୍ରୀଙ୍କ ମଧ୍ୟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିବାଲ ମଧ୍ୟ ଅଛନ୍ତି ।

ଏଥିସହିତ ପଢ଼ନ୍ତୁ: ‘ଟିକାକରଣ କାର୍ଯ୍ୟକ୍ରମକୁ କାର୍ଯ୍ୟକାରୀ କରିବା ଦିଗରେ ରାଜ୍ୟକୁ ଦିଆଯାଉ କ୍ଷମତା’

ରାଜଧାନୀରୁ ୫ଲକ୍ଷ ଟଙ୍କାର ବ୍ରାଉନସୁଗାର ଜବତ

ଭୁବନେଶ୍ୱର: ପୁଣି ରାଜଧାନୀରୁ ଜବତ ହେଲା ଧଳାଜହର । ବ୍ରାଉନସୁଗାର କାରବାର ହବ୍ କୁହାଯାଉଥିବା ରାଜଧାନୀର ହଳଦିପଡ଼ିଆ ବସ୍ତିରୁ ବ୍ରାଉନସୁଗାର ଜବତ କରିଛି ପୋଲିସ  । ୫୧ ଗ୍ରାମ ବ୍ରାଉନସୁଗାର ଜବତ ଯାହାର ଆନୁମାନିକ ମୂଲ୍ୟ ରହିଛି ୫ ଲକ୍ଷ ଟଙ୍କା । ୨ ଜଣକୁ ଗିରଫ କଲା ଲଷ୍ମୀସାଗର ଥାନା ପୋଲିସ । ଫୋନ୍ ଯୋଗେ  ଡିଲ ପରେ ବିକ୍ରି କରିବାକୁ ଜଗିଥିଲା ୨ ବେପାରୀ । ଆଉ ଠିକ୍ ସେହି ସମୟରେ ଖବର ପାଇଁ ଚଢ଼ାଉ କରିଥିଲା ପୋଲିସ । ଘଟଣାସ୍ଥଳରୁ ଗୋଟିଏ ମୋଟର ସାଇକେଲ ଓ ୨ ଟି ମୋବାଇଲ ଫୋନ୍ ଜବତ । ଦୁଇ ଅଭିଯୁକ୍ତ ଡମ୍ୱରୁ ଧଳ ବିଶ୍ୱାଳ ଓ ଶେଖ ୟାସୀନ୍‌ଙ୍କୁ କାବୁ କରିଛି ପୋଲିସ ।

ଏଥିସହିତ ପଢ଼ନ୍ତୁ: ଗୋଟିଏ ନୁହେଁ ଦୁଇଟି ପ୍ରାଇଭେଟ୍ ଜେଟ୍ ଓହ୍ଲାଇଥିଲା ଡୋମିନିକାରେ,ମେହୁଲଙ୍କ ଭାଇଙ୍କ ଉପସ୍ଥିତିକୁ ନେଇ ଉଠିଲା ପ୍ରଶ୍ନ

‘ଟିକାକରଣ କାର୍ଯ୍ୟକ୍ରମକୁ କାର୍ଯ୍ୟକାରୀ କରିବା ଦିଗରେ ରାଜ୍ୟକୁ ଦିଆଯାଉ କ୍ଷମତା’

ଭୁବନେଶ୍ୱର:ବିଶ୍ୱବଜାରରୁ ଟିକା କିଣିବା ନେଇ ଉପୁଜୁଥିବା ସମସ୍ୟାର ସମାଧାନ ଲାଗି ସବୁ ରାଜ୍ୟ ମିଳିତ ଭାବେ ଉଦ୍ୟମ କରିବା ପାଇଁ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ସବୁ ରାଜ୍ୟକୁ ଆହ୍ବାନ ଦେଇଛନ୍ତି । କେନ୍ଦ୍ର ସରକାର ଭ୍ୟାକ୍ସିନ କିଣିବାକୁ ଚାହୁଁଥିବା ରାଜ୍ୟମାନଙ୍କ ପାଇଁ ବିଶ୍ବ ବଜାରରୁ ଟିକା କିଣି ରାଜ୍ୟଗୁଡିକ ମଧ୍ୟରେ ଯଥାଶୀଘ୍ର ବିତରଣ କରନ୍ତୁ । ଏ ପ୍ରସ୍ତାବ ଉପରେ ରାଜ୍ୟମାନେ ସହମତ ହେଲେ ତୃତୀୟ ଲହର ଆସିବା ପୂର୍ବରୁ ଲୋକଙ୍କ ଜୀବନ ରକ୍ଷା କରାଯାଇପାରିବ ବୋଲି ମୁଖ୍ୟମନ୍ତ୍ରୀ ଚିଠିରେ ଉଲ୍ଲେଖ କରିଛନ୍ତି। ମୁଖ୍ୟମନ୍ତ୍ରୀମାନଙ୍କୁ ଲେଖିଥିବା ଚିଠିରେ ନବୀନ ଦୁଇଟି କଥା ଉପରେ ଗୁରୁତ୍ୱ ଦେଇଛନ୍ତି । ଗୋଟିଏ ହେଲା କେନ୍ଦ୍ର ସରକାର ଟିକା କିଣି ରାଜ୍ୟମାନଙ୍କ  ଯୋଗାଇ ଦିଅନ୍ତୁ। ଦ୍ୱିତୀୟଟି ହେଲା ଟିକାକାରଣ ଯୋଜନାର ବିକେନ୍ଦ୍ରିକରଣ ସାଙ୍ଗକୁ ଟିକାଦାନ ପଦ୍ଧତ୍ତିକୁ ସରଳିକାରଣ କରି ରାଜ୍ୟକୁ ନିଷ୍ପତ୍ତି ନେବା ପାଇଁ ସୁଯୋଗ ଦେବା । ଉଦାହରଣ ସ୍ୱରୂପ ଆଭ୍ୟନ୍ତରୀଣ ଓ ପାର୍ବତ୍ୟ ଅଞ୍ଚଳରେ ରହୁଥିବା ଲୋକଙ୍କ ପାଖରେ ଯଥେଷ୍ଟ ଇଣ୍ଟରନେଟ ସୁବିଧା ନଥିବାରୁ ଟିକା ନେବାପାଇଁ ଅନଲାଇନ ପଞ୍ଜୀକରଣ କରିପାରୁନାହାନ୍ତି । ତେଣୁ ସେମାନଙ୍କୁ ଟିକା ପ୍ରଦାନ ପାଇଁ ରାଜ୍ୟ ସରକାର ନିଜସ୍ୱ ନୀତି ଗ୍ରହଣ କରିବାକୁ ଅନୁମତି ପ୍ରଦାନ କରିବା ଆବଶ୍ୟକ । ଏହି ଦୁଇଟି ପ୍ରସ୍ତାବକୁ ଗୁରୁତ୍ୱ ଦେଇ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସବୁ ରାଜ୍ୟ ମୁଖ୍ୟମନ୍ତ୍ରୀଙ୍କୁ ପତ୍ର ଲେଖିବା ସହ ୬ ଜଣ ମୁଖ୍ୟମନ୍ତ୍ରୀଙ୍କ ସହିତ ବ୍ୟକ୍ତିଗତ ଭାବେ ଟେଲିଫୋନରେ କଥା ହୋଇଛନ୍ତି । ଏହି ୬ଜଣ ମୁଖ୍ୟମନ୍ତ୍ରୀଙ୍କ ମଧ୍ୟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିବାଲ ମଧ୍ୟ ଅଛନ୍ତି । ସ୍ବାଧୀନତା ଆନ୍ଦୋଳନ ପରେ ସମ୍ଭବତଃ କରୋନା ବିରୁଦ୍ଧରେ ଲଢେଇ ଦେଶବାସୀଙ୍କ ପାଇଁ ଦ୍ଵିତୀୟ ସର୍ବବୃହତ ସଂଘର୍ଷ ଭାବେ ଉଭା ହୋଇଛି । ଏଭଳି ଘଡିସନ୍ଧି ମୁହୂର୍ତ୍ତରେ ରାଜନୈତିକ ଓ ବ୍ୟକ୍ତିଗତ ଦ୍ୱେଷ ବିଦ୍ୱେଷରୁ ଉର୍ଦ୍ଧ୍ୱକୁ ଉଠି ସମବାୟ ସଂଘୀୟ ବ୍ୟବସ୍ଥା ଆଧାରରେ ଲୋକଙ୍କ ଜୀବନ ବଞ୍ଚାଇବା ପାଇଁ ସମସ୍ତେ ଆଗେଇଆସିବା ଉଚିତ । ସୂଚନାଯୋଗ୍ୟ ଯେ, ଟୀକାକରଣ ବାବଦରେ କେନ୍ଦ୍ର ସରକାରଙ୍କ ତୃତୀୟ ନୀତି ଅର୍ଥାତ ୧୮ ବର୍ଷରୁ ଉର୍ଦ୍ଧ୍ବ ବୟସ୍କଙ୍କୁ ଟୀକାକରଣ କରିବା ଘୋଷଣା ପରେ ଟିକାର ଆବଶ୍ୟକତା ବଢିଛି । ଫଳରେ ଟିକାର ଚାହିଦା ମେଣ୍ଟାଇବା ପାଇଁ ବିଭିନ୍ନ ରାଜ୍ୟ ସରକାର ବିଶ୍ବ ବଜାରରୁ ଟିକା କିଣିବା ପାଇଁ ଗ୍ଲୋବାଲ ଟେଣ୍ଡର ଆହ୍ୱାନ କରିଥିଲେ । ତେବେ ଟିକା ପ୍ରସ୍ତୁତ କରୁଥିବା ଆନ୍ତର୍ଜାତିକ ସଂସ୍ଥାମାନେ ରାଜ୍ୟ ସରକାରଙ୍କ ସହିତ ଟିକା କାରବାର ପାଇଁ କେନ୍ଦ୍ର ସରକାରଙ୍କ ଅନୁମତି ଓ ପ୍ରତିଶ୍ରୁତି ବା ଗ୍ୟାରେଣ୍ଟି ଆବଶ୍ୟକ କରୁଛନ୍ତି। ଆନ୍ତର୍ଜାତିକ ସଂସ୍ଥାମାନେ ସିଧାସଳଖ ରାଜ୍ୟ ସରକାରମାନଙ୍କ ସହ ଟିକା କାରବାର କରିବାକୁ ଚାହିଁ ନାହାନ୍ତି । ଅପରପକ୍ଷରେ ଦେଶ ଭିତରେ ଥିବା ଟିକା ପ୍ରସ୍ତୁତକରି ସଂସ୍ଥାମାନେ ଆବଶ୍ୟକ ପରିମାଣର ଟିକା ଯୋଗାଇବା ପାଇଁ ଅସମର୍ଥ ହେଉଛନ୍ତି । ତେଣୁ ଏଭଳି ଦୁଇଟି ରାସ୍ତାରେ ଟିକା ସମସ୍ୟାର ସମାଧାନ କରାଯାଇପାରିବ ବୋଲି ଓଡିଶା ମୁଖ୍ୟମନ୍ତ୍ରୀ ତାଙ୍କ ଚିଠିରେ ଉଲ୍ଲେଖ କରିଛନ୍ତି। ସେ କହିଛନ୍ତି ଯେ, କରୋନାରୁ ରକ୍ଷା ପାଇବାର ଏକ ମାତ୍ର ରାସ୍ତା ହେଉଛି ଟିକାକରଣ । ଯେଉଁ ଦେଶଗୁଡିକ ଟିକାକରଣଙ୍କୁ ଗୁରୁତ୍ୱ ଦେଉଛନ୍ତି ସେହି ଦେଶରେ କରୋନା ସ୍ଥିତିରେ ସୁଧାର ଆସିଛି । ତେଣୁ ରାଜ୍ୟ ସରକାରମାନେ ଟୀକାକରଣକୁ ନେଇ ପରସ୍ପର ମଧ୍ୟରେ ପ୍ରତିଯୋଗିତା କରିବା ଅପେକ୍ଷା ଯଥାଶୀଘ୍ର କିଭଳି ସମସ୍ତଙ୍କୁ ଟିକା ମିଳିବ ସେ ଦିଗରେ ଉଦ୍ୟମ କରିବା ଆବଶ୍ୟକ ରହିଛି । ସେଥିପାଇଁ ଓଡିଶା ମଧ୍ୟ ବିଶ୍ଵାବଜାରରୁ ଟିକା କିଣିବା ଲାଗି ଗ୍ଲୋବାଲ ଟେଣ୍ଡର ଆହ୍ୱାନ କରିଥିଲା । ସେଥିରେ ବିଶେଷ ସଫଳତା ନମିଳିବାରୁ ରାଜ୍ୟ ପାଇଁ। କେନ୍ଦ୍ର ବିଶ୍ଵବଜାରୁ ଟିକା ରାଜ୍ୟକୁ ଯୋଗାଇଦେବା ପାଇଁ ଗତକାଲି ସ୍ୱାସ୍ଥ୍ୟମନ୍ତ୍ରୀ ନବକିଶୋର ଦାସ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡାକ୍ତର ହର୍ଷବର୍ଧନଙ୍କୁ ଚିଠି ଲେଖିଥିଲେ । ମୁଖ୍ୟମନ୍ତ୍ରୀ ଆଜି ଏସଂକ୍ରାନ୍ତରେ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ବ୍ୟକ୍ତିଗତ ଭାବେ ଆଲୋଚନା କଲାବେଳେ ସମସ୍ତେ ସମାନ ଭାବରେ ଟିକା ପ୍ରସଙ୍ଗକୁ ନେଇ ଉଦବେଗ ପ୍ରକାଶ କରିଥିବା ଜଣାପଡ଼ିଛି । ନବୀନଙ୍କ ଚିଠି ସହିତ ଅନ୍ୟ ରାଜ୍ୟମାନେ ସହମତ ହେଲେ କେନ୍ଦ୍ର ସରକାରଙ୍କ ଉପରେ ଏକ ବଡ ଚାପି ସ୍ତୁଷ୍ଟି ହେବ ଏବଂ କେନ୍ଦ୍ର ସରକାର ଟିକା ବାବଦରେ ନବୀନଙ୍କ ପ୍ରସ୍ତାବକୁ ଗ୍ରହଣ କରିପାରନ୍ତି। ବୋଲି ଆଶା କରାଯାଉଛି । ସମଗ୍ର ଦେଶ ପାଇଁ ଟିକା ବ୍ୟବସ୍ଥା କ୍ଷେତ୍ରରେ ନବୀନଙ୍କ ଏହି ପଦକ୍ଷେପ ପୁଣି ନବୀନଙ୍କୁ ରାଷ୍ଟ୍ରନାୟକତ୍ୱକୁ ପ୍ରମାଣିତ କରିଛି ।

ଏଥିସହିତ ପଢ଼ନ୍ତୁ: ଟିକା ଅଭାବ ଦୂର କରିବାକୁ ଓଡ଼ିଶାର ପ୍ରସ୍ତାବ: ବିଦେଶରୁ ଟିକା କିଣିଦେଲେ ରାଜ୍ୟ ସରକାର ଦେବେ ଟଙ୍କା

ପାକିସ୍ତାନ ଲଞ୍ଚ କଲା କୋଭିଡ୍ ଟିକା,କିନ୍ତୁ ଦେଲାନି ତଥ୍ୟ

ଇସଲାମାବାଦ: ପାକିସ୍ତାନ ତା’ର ନିଜ କୋଭିଡ୍ ଟିକା ଲଞ୍ଚ କରିଛି । ଯାହାର ନାମ ହେଉଛି ପାକ୍ ଭାକ୍ (pakvac) । ଏନେଇ ବୁଧବାର ଦିନ ପାକିସ୍ତାନ ସରକାର ଘୋଷଣା କରିଛନ୍ତି । ଚୀନ ଟିକାରେ ଏପର୍ଯ୍ୟନ୍ତ କାମ ଚଳାଉଥିବା ପାକିସ୍ତାନ ପାଇଁ ଏହା ବଡ଼ ଉପଲବ୍ଧି । କିନ୍ତୁ ପାକିସ୍ତାନୀ ଟିକାକୁ ଖୋଦ ତା’ରି ନାଗରିକ ପ୍ରଶ୍ନ କରିବା ଆରମ୍ଭ କଲେଣି । ଟିକାକୁ ପାକିସ୍ତାନୀ ନାଗରିକ ସନ୍ଦେହ କରିବାର କାରଣ ହେଉଛି ଯେ, ଟିକା କେମିତି ତିଆରି ହୋଇଛି,ଏହାର ଟ୍ରାଏଲ କେତେ ଜଣଙ୍କ ଉପରେ ହୋଇଥିଲା କିମ୍ବା ଟ୍ରାଏଲ ସମୟରେ କ’ଣ ସବୁ ପାର୍ଶ୍ୱ ପ୍ରତିକ୍ରିୟା ଆସିଥିଲା ସେ ସମ୍ବନ୍ଧରେ କୌଣସି ତଥ୍ୟ ଦିଆଯାଇ ନାହିଁ । ଏହା ସହିତ ଟିକା କେତେ ପ୍ରଭାବଶାଳୀ ସେ କଥା ମଧ୍ୟ ପାକ୍ ସରକାରଙ୍କ ପକ୍ଷରୁ କୁହାଯାଇ ନାହିଁ ।

ପାକିସ୍ତାନର ନ୍ୟାସନାଲ କମାଣ୍ଡ୍ ଆଣ୍ଡ୍ ଅପରେସନ୍ ସେଣ୍ଟର ପ୍ରମ୍ମୁଖ ଅସଦ ଉମର ଭ୍ୟାକ୍ସିନ ଲଂଚି ବାବଦରେ ଘୋଷଣା କରିଛନ୍ତି ସେ କହିଛନ୍ତି ଯେ, ପାକିସ୍ତାନ ମଧ୍ୟ ଖୁବଶୀଘ୍ର କରୋନା ବିରୋଧରେ ଏକ ମହତ୍ୱପୂର୍ଣ୍ଣ ଔଷଧ ତିଆରି କରିବାରେ ସକ୍ଷମ ହେବାକୁ ଯାଉଛି । ସେ କହିଛନ୍ତି ଯେ, ପାକିସ୍ତାନରେ ତିଆରି ହୋଇଥିବା ଏହି ଟିକା କଠୋର ପରୀକ୍ଷଣ,ଗୁଣବତ୍ତା ଯାଞ୍ଚ୍ ବ୍ୟବସ୍ଥା ଦେଇ ଗତି କରିଛି । ତେବେ କ୍ଲିନିକାଲ ଟ୍ରାଏଲରେ କେତେଜଣ ଭାଗ ନେଇଥିଲେ,ଏହି ଭ୍ୟାକ୍ସିନର ପ୍ରଭାବ କ’ଣ ଓ ଏହା କେତେ ପ୍ରଭାବଶାଳୀ ସେ ବାବଦରେ କିଛି ମଧ୍ୟ ସୂଚନା ଦେଇନାହାନ୍ତି ଉମର ।

Covid-19: Pakistan to launch locally-made Chinese vaccine from next week

ତେବେ ଉମର କହିଛନ୍ତି ଯେ, ଜୁଲାଇ ଶେଷରେ ପଡୁଥିବା ଇଦ୍ ଉଲ୍ ଅଜହା (ବକରିଦ) ବେଳକୁ ଯେମିତି ଲକଡାଉନ୍ ନହୁଏ ସେଥିପାଇଁ ଟିକାକରଣ କାର୍ଯ୍ୟକ୍ରମକୁ ଜୋରଦାର କରାଯିବ । ସୂଚନାଯୋଗ୍ୟ ଯେ, ୨୨ କୋଲି ଲୋକସଂଖ୍ୟା ବିଶିଷ୍ଟ ପାକିସ୍ତାନର ୭୦ ଲକ୍ଷ ଲୋକଙ୍କର ଏପର୍ଯ୍ୟନ୍ତ ଟିକାକରଣ ହୋଇପାରିଛି । ଚୀନ୍ ଓ ଗରିବ ରାଷ୍ଟ୍ରଙ୍କ ପାଇଁ ମାଗଣା ଟିକା କାର୍ଯ୍ୟକ୍ରମରେ ପାକିସ୍ତାନକୁ ଏହି ଟିକା ମିଳିଥିଲା ।

ଏଥିସହିତ ପଢ଼ନ୍ତୁ: ସୁରକ୍ଷା ଏଜେନ୍ସୀରୁ ଅବସର ନେଇଥିବା ଅଧିକାରୀ ବିନା ଅନୁମତିରେ ତଥ୍ୟ ପ୍ରକାଶ କରିପାରିବେ ନାହିଁ

ଏବେ ପାକିସ୍ତାନ ନିଜ ଟିକା ତିଆରି କରିଥିବା ଦାବି କରିଥିବେ ବେଳେ କିନ୍ତୁ ତା’ର ନିଜ ନାଗରିକ ଟିକାର ବିଶ୍ୱସନିୟତାକୁ ପ୍ରଶ୍ନ କରିବା ଆରମ୍ଭ କଲେଣି । ଟିକାର ପରୀକ୍ଷାକୁ ନେଇ ବିସ୍ତୃତ ବିବରଣୀର ଅଭାବ ଏହାର କାରଣ । ଏମିତିରେ ପାକିସ୍ତାନରେ ଚୀନ ଟିକାକୁ ମଧ୍ୟ ଲୋକ ବିଶ୍ୱାସ କରୁନାହାନ୍ତି । ଭାରତ ନିଜ ଟିକା ଲଂଚ୍ କରିବା ପରେ ଭାରତରୁ ଟିକା ଆମଦାନୀ ପାଇଁ ସେଠାରେ ସରକାର ଉପରେ ଚାପ ପଡିଥିଲା ।

ଗୋଟିଏ ନୁହେଁ ଦୁଇଟି ପ୍ରାଇଭେଟ୍ ଜେଟ୍ ଓହ୍ଲାଇଥିଲା ଡୋମିନିକାରେ,ମେହୁଲଙ୍କ ଭାଇଙ୍କ ଉପସ୍ଥିତିକୁ ନେଇ ଉଠିଲା ପ୍ରଶ୍ନ

ଡୋମିନିକା: ଫେରାର ଭାରତୀୟ ବ୍ୟବସାୟୀ ମେହୁଲ ଚୋକସି ଡୋମିନିକା ଜେଲରେ ବନ୍ଦ ଥିବା ବେଳେ ଭାରତ ତା’ର ପ୍ରତ୍ୟାର୍ପଣ ପାଇଁ ଉଦ୍ୟମ ଜାରି ରଖିଛି । ଏହାରି ଭିତରେ ଏଣ୍ଟିଗୁଆ ଓ ବାରବୁଡା ପ୍ରଧାନମନ୍ତ୍ରୀ ଗେଷ୍ଟନ ବ୍ରାଉନ୍ ମେହୁଲ ଚୋକସି ଭାରତୀୟ ନାଗରିକ ହୋଇଥିବାରୁ ତାକୁ ତୁରନ୍ତ ଭାରତ ହାତରେ ପ୍ରତ୍ୟାର୍ପଣ କରିବାକୁ କହିଛନ୍ତି । ଏହାସହିତ ବ୍ରାଉନ୍ ବିରୋଧି ଦଳ ମିଳିତ ପ୍ରଗତିଶିଳ ପାର୍ଟି (ୟୁପିପି) ବିରୋଧରେ ଗମ୍ଭୀର ଅଭିଯୋଗ ଆଣିଛନ୍ତି । ୟୁପିପି ମେହୁଲର ଭାଇଠାରୁ ଟଙ୍କା ନେଇ ପ୍ରତ୍ୟାର୍ପଣ ପଥ ଅବରୋଧ କରିବାକୁ ଉଦ୍ୟମ କରୁଛି ବୋଲି ସେ କହିଛନ୍ତି ।
ଅନ୍ୟପକ୍ଷରେ ମେହୁଲ ଚୋକସିର ଭାଇ ଚେତନ ଚୋକସି ମେ ୨୯ରେ ଏକ ପ୍ରାଇଭେଟ୍ ଜେଟରେ ଡୋମିନିକା ପହଂଚିଥିବା ଖବର ମିଳୁଛି । କୁହାଯାଉଛି ଯେ, ଚେତନ୍ ଡୋମିନିକାର ବିରୋଧୀ ଦଳ ନେତା ଲେନୋକ୍ସ ଲିଣ୍ଟନଙ୍କୁ ସାକ୍ଷାତ କରିଥିଲେ । ଏସୋସିଏଟସ୍ ଟାଇମ୍ସ ନାମକ ଖବର କାଗଜ ଅନୁସାରେ ଚେତନ ଲିଣ୍ଟନଙ୍କୁ ଲାଂଚ ଭାବେ ୨ ଲକ୍ଷ ଆମେରିକୀୟ ଡଲାର ଦେଇଛନ୍ତି । ମେହୁଲ ଚୋକସି ପ୍ରସଙ୍ଗକୁ ସଂସଦରେ ଉଠାଇ ତାର ପ୍ରତ୍ୟାର୍ପଣ ରୋକିବା ପାଇଁ ଏହି ଟଙ୍କା କାରବାର ହୋଇଥିବା କୁହାଯାଉଛି ।

ଏଥିସହିତ ପଢ଼ନ୍ତୁ: ରୋଗୀ ମୃତ୍ୟୁକୁ ନେଇ ଉତ୍ତେଜନା: ଡାକ୍ତରଙ୍କୁ ନିର୍ଧୁମ ମାରିଲେ ସମ୍ପର୍କୀୟ

ମେହୁଲକୁ ବିରୋଧି ଦଳ ରାଜନୈତିକ ଫଣ୍ଡିଂ ପାଇଁ ସମର୍ଥନ କରୁଛନ୍ତି ବୋଲି ଅଭିଯୋଗ କରି ଆଣ୍ଟିଗୁଆ ପ୍ରଧାନମନ୍ତ୍ରୀ କହିଛନ୍ତି ଯେ, ମେହୁଲ ଏହା ମଧ୍ୟରେ ନିଜ ଓକିଲ ବଦଳାଇ ଦେଇଛନ୍ତି । ଏବେ ଯିଏ ତାଙ୍କର ଓକିଲ ଅଛନ୍ତି ସିଏ ବିରୋଧି ଦଳ ୟୁପିପିର ଜଣେ ପ୍ରଭାବଶାଳୀ ନେତା । ୟୁପିପିର ନିର୍ବାଚନ ଫଣ୍ଡିଂ ପାଇଁ ପ୍ରତିଶ୍ରୁତି ଦେଇଥିବାରୁ ସେମାନେ ଚୋକସିଙ୍କୁ ନେଇ ଆକ୍ରାମକ ହୋଇଛନ୍ତି ବୋଲି ସେ ଅଭିଯୋଗ କରିଛନ୍ତି ।
ଅନ୍ୟପକ୍ଷରେ ବିରୋଧି ଦଳଙ୍କ ଅଭିଯୋଗ ଯେ, ବ୍ରାଉନ୍ ଭାରତର ଚାପରେ କାମ କରୁଛନ୍ତି । ମେହୁଲଙ୍କୁ ଭାରତକୁ ସିଧାସଳଖ ପ୍ରତ୍ୟାର୍ପଣ କରିବାକୁ ଡୋମିନିକାକୁ ପରାମର୍ଶ ଦେଇ ସେ ଚୋକସିଙ୍କ ସାମ୍ବିଧାନିକ ଅଧିକାରର ଉଲ୍ଲଂଘନ କରିଛନ୍ତି । ଅନ୍ୟପକ୍ଷରେ ବେଆଇନ ଭାବେ ଗେୋଟିଏ ଦେଶ ମଧ୍ୟକୁ ପ୍ରବେଶ କରିଥିବା ଚୋକସିଙ୍କର ସାମ୍ବିଧାନିକ ଅଧିକାର କେଉଁଆଡୁ ଆସିଲା ବୋଲି ପାଲଟା ପ୍ରଶ୍ନ କରିଛନ୍ତି ବ୍ରାଉନ୍ ।

ରୋଗୀ ମୃତ୍ୟୁକୁ ନେଇ ଉତ୍ତେଜନା: ଡାକ୍ତରଙ୍କୁ ନିର୍ଧୁମ ମାରିଲେ ସମ୍ପର୍କୀୟ

ଗୌହାଟୀ: ଆସାମର ହୋଜାଇ ଜିଲ୍ଲାରେ ରୋଗୀ ମୃତ୍ୟୁକୁ ନେଇ ଉତ୍ତେଜନା ଦେଖାଦେଇଛି। ମୃତ ରୋଗୀଙ୍କ ସମ୍ପର୍କୀୟ ଡାକ୍ତରଙ୍କୁ ନିର୍ଧୁମ ମାଡ଼ ମାରିଥିବା ଅଭିଯୋଗ ହୋଇଛି। ଗୌହାଟିରୁ ପ୍ରାୟ ୧୪୦ କିଲୋମିଟର ଦୂରରେ ଥିବା ଉଦାଲୀ ମଡେଲ ହସ୍ପିଟାଲରେ ଘଟିଛି ଏହି ଘଟଣା। ଅକ୍ସିଜେନ୍ ଅଭାବନରୁ ଜଣେ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିଲା । ପରେ ଉତ୍ତ୍ୟକ୍ତ ହୋଇ ମୃତକଙ୍କ ସମ୍ପର୍କୀୟ ଓ ସ୍ଥାନୀୟ ଲୋକ ମିଶି ଡାକ୍ତରଙ୍କୁ ଦୁର୍ବ୍ୟବହାର କରିବା ସହ ବିଧା, ଚାପୁଡା ଓ ଗୋଇଠା ମାରିଥିଲେ। ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ଘଟଣାରେ ମୁଖ୍ୟ ଅଭିଯୁକ୍ତଙ୍କ ସହ ୨୪ ଜଣଙ୍କୁ ଗିରଫ କରାଯାଇଛି। ଘଟଣା ଦିନ ଡାକ୍ତର ସେଉଜ୍ କୁମାର ସେନାପତି ଡ୍ୟୁଟିରେ ଥିଲେ। ପିପିଲ୍ ପୁଖୁରି ଗାଁର ଜିୟାଜ୍ ଉଦ୍ଦିନ୍ ନାମକ ଜଣେ କୋଭିଡ ଆକ୍ରାନ୍ତ ଅକ୍ସିଜେନ୍ ଅଭାବବରୁ ମଙ୍ଗଳବାର ମୃତ୍ୟୁବରଣ କରିଥିଲେ। ପରିବାରକୁ ଜଣାଇବା ପରେ ଡାକ୍ତରଙ୍କ ଉପରେ ବର୍ଷିଥିଲେ ସମ୍ପର୍କୀୟ। ଡାକ୍ତର ସେନାପତିଙ୍କ ଉପରେ ମାଡ଼ ହେଲା ପରେ ଅନ୍ୟ ମେଡିକାଲ କର୍ମଚାରୀ ନିଜକୁ ସୁରକ୍ଷିତ ରଖିବାକୁ ଖସି ଚାଲିଯାଇଥିଲେ। ଡାକ୍ତର ଏକ ରୁମ୍‌ରେ ପଶି କବାଟ ବନ୍ଦ କରିଦେଇଥିବା ବେଳେ ଉତ୍ୟକ୍ତ ଲୋକେ କବାଟ ଭାଙ୍ଗି ଡାକ୍ତରଙ୍କୁ ଟଣା ଘୋଷଡ଼ା କରି ମାଡ ମାରିଥିଲେ। ଗୁରୁତର ଡାକ୍ତର ଏବେ ମେଡିକାଲରେ ଭର୍ତ୍ତି ହୋଇଛନ୍ତି ।

ଘଟଣାକୁ ନେଇ ଏବେ ଡାକ୍ତରଙ୍କ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ସବୁ ସରକାରୀ ମେଡିକାଲରେ ଓପିଡି ସେବା ଆଜି ବନ୍ଦ କରାଯାଇଛି। ଜରୁରିକାଳୀନ ସେବା ଓ କୋଭିଡ ଡ୍ୟୁଟି ଜାରି ରହିବ। କଳାବ୍ୟାଜ୍ ପିନ୍ଧି ପ୍ରତିବାଦ କରୁଛନ୍ତି ଡାକ୍ତରମାନେ। ଘଟଣାରେ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ତଦନ୍ତ ନିର୍ଦ୍ଦେଶ ଦେବା ସହ, ସମ୍ମୁଖ ଯୋଦ୍ଧାଙ୍କ ଉପରେ ଏପରି ନିର୍ଯାତନାକୁ ବରଦାସ୍ତ କରାଯିବନି ବୋଲି କହିଛନ୍ତି।

ସୁରକ୍ଷା ଏଜେନ୍ସୀରୁ ଅବସର ନେଇଥିବା ଅଧିକାରୀ ବିନା ଅନୁମତିରେ ତଥ୍ୟ ପ୍ରକାଶ କରିପାରିବେ ନାହିଁ

ନୂଆଦିଲ୍ଲୀ: ଦେଶର ସୁରକ୍ଷାକୁ ନେଇ କେନ୍ଦ୍ର ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି । ଏହା ଅନୁସାରେ ଗୁଇନ୍ଦା ଓ ଅନ୍ୟ ସୁରକ୍ଷା ଏଜେନ୍ସୀରୁ ଅବସର ନେଇଥିବା ଅଧିକାରୀ ନିଜ ବିଭାଗ କିମ୍ବା ଅନ୍ୟକୌଣସି ଅଧିକାରୀଙ୍କ ବାବଦରେ ତଥ୍ୟ ବିନା ଅନୁମତିରେ ସାର୍ବଜନୀନ କରିପାରିବେ ନାହିଁ । କୌଣସି ମଧ୍ୟ ତଥ୍ୟ ସାର୍ବଜନୀନ କରିବା ପୂର୍ବରୁ ସେମାନଙ୍କୁ ବିଭାଗ ମୁଖ୍ୟଙ୍କ ଅନୁମତି ନେବାକୁ ପଡିବ । ଏନେଇ ୩୧ ମେ’ରେ କାର୍ମିକ,ଜନ ଅଭିଯୋଗ ଓ ପେନସନ୍ ମନ୍ତ୍ରଣାଳୟ ତରଫରୁ ଆଦେଶ ଜାରି କରାଯାଇଛି ।

ଗୁଇନ୍ଦା ଓ ସୁରକ୍ଷା ଏଜେନ୍ସୀ ସହିତ ଜଡିତ ଥିବା ଅବସରପ୍ରାପ୍ତ ଅଧିକାରୀ ନିଜ ବିଭାଗ,ବିଭାଗର କୌଣସି ଅଧିକାରୀ,ତାଙ୍କ ପଦ ସମ୍ପର୍କରେ କୌଣସି ତଥ୍ୟ ସେପର୍ଯ୍ୟନ୍ତ ସାର୍ବଜନୀନ କରିପାରିବେ ନାହିଁ ଯେପର୍ଯ୍ୟନ୍ତ ଏଥିପାଇଁ ତାଙ୍କୁ ଅନୁମତି ମିଳି ନାହିଁ । ବିଭାଗରେ କାର୍ଯ୍ୟ କରୁଥିବା ବେଳର ଅନୁଭବ ବର୍ଣ୍ଣନା ପାଇଁ ମଧ୍ୟ ତାଙ୍କୁ ଅନୁମତି ନେବାକୁ ପଡିବ ।

ଦେଶର ସୁରକ୍ଷା,ସାର୍ବଭୌମତ୍ୱ ପ୍ରତି ବିପଦ ସୃଷ୍ଟି କରିବାର ଆଶଙ୍କା ଥିବା ସୂଚନା କୌଣସି ଅବସରପ୍ରାପ୍ତ ଅଧିକାରୀ ଦେଇ ପାରିବେ ନାହିଁ । ଏହାବ୍ୟତିତ କୂଟନିତୀ,ବୈଜ୍ଞାନିକ କିମ୍ବା ଆର୍ଥିକ ହିତ ସହିତ ସମ୍ପର୍କ ରଖିଥିବା କୌଣସି ସୂଚନା ସାର୍ବଜନୀନ କରିବା ପୂର୍ବରୁ ମଧ୍ୟ ଅନୁମତି ନେବାକୁ ପଡିବ । ଅନ୍ୟ ଦେଶ ସହିତ ଭାରତର ସମ୍ପର୍କ ସମ୍ବନ୍ଧିତ ସୂଚନା ମଧ୍ୟ ଏହା ଭିତରେ ଆସୁଛି।

ବିଭାଗର ମୁଖ୍ୟ ହିଁ ନିଷ୍ପତ୍ତି ନେଇ ପାରିବେ ଯେ, ଯେଉଁ ସୂଚନା ପାଇଁ ଅନୁମତି ମଗାଯାଉଛି ତାହା ଦେଶ ସୁରକ୍ଷା ଦୃଷ୍ଟିରୁ ସମ୍ବେଦନଶୀଳ କି ନୁହେଁ ।
ନିୟମ ଭାଙ୍ଗିଲେ କାର୍ଯ୍ୟାନୁଷ୍ଠାନ।

ନିୟମ ଭାଙ୍ଗିଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ରିଟାୟରମେଣ୍ଟ୍ ନେଉଥିବା ବେଳେ ଅଧିକାରୀଙ୍କଠାରୁ ଏକ ଶପଥପତ୍ରରେ ଦସ୍ତଖତ ନିଆଯିବ । ଯେଉଁଥିରେ ଅଧିକାରୀ ବଚନ ଦେବେ ଯେ, ତାଙ୍କ କାର୍ଯ୍ୟକାଳ ବେଳେ ସେ ଯେଉଁ ସବୁ ସୂଚନା ପାଇଛନ୍ତି ତାକୁ ବିନା ଅନୁମତିରେ ସାର୍ବଜନୀନ କରିବେ ନାହିଁ । ଯଦି ସେ ଆଇନ୍ ଉଲ୍ଲଂଘନ କରନ୍ତି ତେବେ ତାଙ୍କ ପେନସନ୍ ଆଂଶିକ କିମ୍ବା ସମ୍ପୂର୍ଣ୍ଣ ବନ୍ଦ କରାଯିବ ।