ରେଢାଖୋଲ : ଆସନ୍ତାକାଲି ରେଢାଖୋଲ ବନ୍ଦ ଡାକରା। ରେଢାଖୋଲର ବିଭିନ୍ନ ସମସ୍ଯା ନେଇ ବନ୍ଦ ଡାକରା ଦେଇଛି ରେଢାଖୋଲ ବିଜେଡି। ସମ୍ବଲପୁର-କଟକ ୫୫ ନମ୍ବର ଏନଏଚ ୨୦୧୭ରୁ ଆରମ୍ଭ ହୋଇଥିବାବେଳେ ସରିବାର ନାଁ ଧରୁନାହିଁ।ରେଢ଼ାଖୋଲ ସହର ଦେଇ ଯାଇଥିବା NH-55ର ୬ କିଲୋମିଟର ରାସ୍ତା ସମ୍ପ୍ରସାରଣ ହେବ ନା ବାଇପାସ୍ ହେବ ତାହା ଆଜି ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ସହର ଭିତରେ ପ୍ରତ୍ୟେକ ଦିନ ଶହ ଶହ ପାଉଁଶ ବୋଝେଇ ଟ୍ରକ ଯାଆସ କରୁଛି। ଧୂଆଁ ଧୂଳିରେ ପରିବେଶ ପ୍ରଦୂଷଣ ହୋଇ ଜନଜୀବନ ଅସ୍ତବ୍ୟସ୍ତ ହୋଇପଡିଛି। ଯେଉଁ ସ୍ଥାନରେ କାମ ଚାଲିଛି ସେ ସ୍ଥାନରେ ପାଣି ପକାଉ ନଥିବାରୁ ଧୂଳିଧୁଆଁରେ ରାସ୍ତା ପରିପୂର୍ଣ ହୋଇ ଯିବା ଆସିବା ବହୁତ କଷ୍ଟକର ହେଉଛି।ରେଢ଼ାଖୋଲରୁ ୨୦କିମି ଭିତରେ ଟୋଲଗେଟ ସମ୍ପୂର୍ଣ୍ଣ ଟିକସ ମୁକ୍ତ କରିବାକୁ ଦାବି ହୋଇଛି। ହାତୀ କରିଡର ଗୁଡିକରେ ଗ୍ରାମ ଗୁଡିକୁ ରାସ୍ତା ନିର୍ମାଣ କରାଯିବା ସହିତ ବିଭିନ୍ନ ଦାବି ନେଇ ନେଇ ଆଗାମୀ ଅଗଷ୍ଟ ୨୨ ତାରିଖରେ ରେଢ଼ାଖୋଲ ବନ୍ଦ ଡାକରା ଦେଇଛି ରେଢ଼ାଖୋଲ ବିଜେଡି।ଏହି ବନ୍ଦ ଡାକରାରେ ଜରୁରୀକାଳୀନ ସେବାକୁ ଛାଡି ଦେଲେ ସମ୍ପୂର୍ଣ୍ଣ ବନ୍ଦ ହେବ ବୋଲି ରେଢ଼ାଖୋଲ ବିଜେଡି ବିଧାୟକ ପ୍ରସନ୍ନ ଆଚାର୍ଯ୍ଯ ପ୍ରେସମିଟ କରି ସୂଚନା ଦେଇଛନ୍ତି।
OTET ପ୍ରଶ୍ନପତ୍ର ଲିକ୍ ଘଟଣା, ୨ ଅଭିଯୁକଙ୍କୁ ରିମାଣ୍ଡରେ ନେଲା କ୍ରାଇମବ୍ରାଞ୍ଚ
କଟକ : ସ୍ୱତନ୍ତ୍ର ଓଟିଇଟି ପ୍ରଶ୍ନପତ୍ର ଲିକ ଘଟଣାରେ ଆଉ ଦୁଇ ଅଭିଯୁକ୍ତଙ୍କୁ ରିମାଣ୍ଡରେ ନେଇଛି କ୍ରାଇମବ୍ରାଞ୍ଚ। ରାମଜୀ ପ୍ରସାଦ ଗୁପ୍ତା ଏବଂ ସନାତନ ବିଷୋୟୀଙ୍କୁ ୨୪ ଘଣ୍ଟିଆ ରିମାଣ୍ଡରେ ନେଇଛି କ୍ରାଇମବ୍ରାଞ୍ଚ। ପୂରା ଘଟଣା କେମିତି ଘଟାଇଥିଲେ, କାହାଠାରୁ ପ୍ରଶ୍ନପତ୍ର ଆସିଥିଲା ଏବଂ ଅନ୍ୟ କାହାକୁ ସବୁ ଏହି ପ୍ରଶ୍ନପତ୍ର ଦେଇଥିଲେ। ଏ ସଂପର୍କରେ ପଚରାଉଚରା କରିପାରେ କ୍ରାଇମବ୍ରାଞ୍ଚ। ପୂର୍ବରୁ ଅଗଷ୍ଟ ୧୧ ଓ ୧୨ ତାରିଖ ଦୁଇଦିନ ଧରି ବୋର୍ଡ ଡାଟା ଏଣ୍ଟ୍ରି ଅପରେଟର ଜୀତନ ମହାରଣା ଓ ବିଜୟ ମିଶ୍ରଙ୍କୁ ରିମାଣ୍ଡରେ ନେଇ ପଚରାଉଚରା କରିସାରିଛି କ୍ରାଇମବ୍ରାଞ୍ଚ। ଘଟଣାରେ ମୋଟ ୮ ଜଣଙ୍କୁ ଗିରଫ କରିଛି କ୍ରାଇମବ୍ରାଞ୍ଚ।
ମୌସୁମୀ ଅଧିବେଶନ ଅନିର୍ଦ୍ଦିଷ୍ଟ କାଳ ଯାଏଁ ମୁଲତବି
ନୂଆଦିଲ୍ଲୀ : ସଂସଦର ମୌସୁମୀ ଅଧିବେଶନ ଅନିର୍ଦ୍ଦିଷ୍ଟ କାଳ ଯାଏଁ ମୁଲତବି। ନିର୍ଦ୍ଧାରିତ ସମୟ ସୀମାରେ ଶେଷ ହୋଇଛି ଅଧିବେଶନ। ଗତ ଜୁଲାଇ ୨୧ରୁ ଆରମ୍ଭ ହୋଇଥିଲା ଅଧିବେଶନ। ଏହା ସହ ଆଜି ରାଜ୍ୟସଭାରେ ଗୃ଼ହିତ ହୋଇଛି ଅନଲାଇନ ଗେମିଂ ବିଲ। ଗତକାଲି ଲୋକସଭାରେ ଗୃହିତ ହୋଇଥିଲା ବିଲ୍। ଚଳିତ ଅଧିବେଶନରେ ବିହାର ଏସଆଇଆର ପ୍ରସଙ୍ଗରେ ଗୃହ ହୋଇଥିଲା ବାରମ୍ବାର ମୁଲତବି। ଏହି ଅଧିବେଶନ କାଳରେ ଲୋକସଭାରେ ଗୃହିତ ହୋଇଥିଲା ୧୨ଟି ବିଲ୍। ଏହା ସହ ଅନେକ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ହୋଇଥିଲା ଆଲୋଚନା। ଅଧିବେଶନ କାଳରେ ଅପରେସନ ସିନ୍ଦୂର ପ୍ରସଙ୍ଗରେ ହୋଇଥିଲା ଘମାଘୋଟ ଆଲୋଚନା। ସେହିପରି ଉପରାଷ୍ଟ୍ରପତି ପଦରୁ ଜଗଦୀପ ଧନଖଡ଼ଙ୍କ ଇସ୍ତଫାକୁ ନେଇ ବି ଗୃହରେ ଦେଖାଦେଇଥିଲା ଅଚଳାବସ୍ଥା। ବିହାର ଏସଆଇଆର ପ୍ରସଙ୍ଗରେ ଲଗାତାର ଗୃହରେ ସୃଷ୍ଟି ହୋଇଥିଲା ଝଡ଼। ଏସଆଇଆର ପ୍ରସଙ୍ଗରେ ଗୃହ ବାରମ୍ବାର ହୋଇଥିଲା ମୁଲତବି। ଗତ ଜୁଲାଇ ୨୧ରୁ ଆରମ୍ଭ ହୋଇଥିଲା ଅଧିବେଶନ। ଗତକାଲି କେନ୍ଦ୍ର ଗୃହ ମନ୍ତ୍ରୀ ଅମିତ ଶାହା ଗୃହରେ ଆଗତ କରିଥିଲେ କେତେକ ଗୁରୁତ୍ବପୂର୍ଣ୍ଣ ବିଲ୍। ସେଥିରେ ଥିଲା ଜାମ୍ମୁ କାଶ୍ମୀର ପୁନର୍ଗଠନ ସଂଶୋଧନ ବିଲ୍ ୨୦୨୫, କେନ୍ଦ୍ର ଶାସିତ ଅଞ୍ଚଳ ସରକାର ବିଲ୍ ୨୦୨୫ ଓ ୧୩୦ତମ ସମ୍ବିଧାନ ସଂଶୋଧନ ବିଲ୍ ।
ସେପ୍ଟେମ୍ବର ୧୮ରୁ ବିଧାନସଭା ମୌସୁମୀ ଅଧିବେଶନ
ଭୁବନେଶ୍ବର : ଆସନ୍ତା ସେପ୍ଟେମ୍ବର ୧୮ରୁ ବିଧାନସଭା ମୌସୁମୀ ଅଧିବେଶନ। ସେପ୍ଟେମ୍ବର ୨୫ ତାରିଖ ଯାଏ ଚାଲିବ ଅଧିବେଶନ। ମୌସୁମୀ ଅଧିବେଶନ ନେଇ ବାଚସ୍ପତିଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି। ସାଧାରଣତଃ ଜୁଲାଇ ଦ୍ବିତୀୟ ସପ୍ତାହରୁ ଅଗଷ୍ଟ ଦ୍ବିତୀୟ ସପ୍ତାହ ଭିତରେ ବିଧାନସଭାର ମୌସୁମୀ ଅଧିବେଶନ ବସି ଶେଷ ହୋଇଥାଏ । ହେଲେ ଏଥର ବିଳମ୍ବରେ ମୌସୁମୀ ଅଧିବେଶନ ବସିବାକୁ ଯାଉଛି । ଏଥର ଏହା ସ୍ବଳ୍ପ ସମୟ ପାଇଁ ବସିବାକୁ ଯାଉଥିବାବେଳେ ଗୃହ ବେଶ ସରଗରମ ରହିବ ।
ଭାରତକୁ ଆସିବା ପରେ ଅଭିଜ୍ଞତା ବଖାଣିଲେ ମହାକାଶଚାରୀ ଶୁଭାଂଶୁ ଶୁକ୍ଳା
ନନ୍ଦିଘୋଷ ବ୍ୟୁରୋ: ଭାରତକୁ ଆସିବା ପରେ ଅଭିଜ୍ଞତା ବଖାଣିଛନ୍ତି ମହାକାଶଚାରୀ ଶୁଭାଂଶୁ ଶୁକ୍ଳା। ଆଇଏସଏସ ଯାଇ ଭାରତ ଲାଗି ଗୌରବ ସାଉଁଟିଥିଲେ ଶୁଭାଂଶୁ। ସେ କହିଛନ୍ତି ଆଜି ବି ମହାକାଶରୁ ଭାରତ ଅତି ସୁନ୍ଦର ଦେଖାଯାଉଛି। ଭାରତର ଗଗନଯାନ ମିଶନ ଲାଗି ସେ ସହାୟକ ହେବେ ବୋଲି କହିଛନ୍ତି। ଆଜି ସେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କୁ ଭେଟି ନିଜ ଅନୁଭୂତି ବଖାଣିଥିଲେ। ଗତ ଜୁନ ୨୫ରେ ସେ ମହାକାଶକୁ ଯାଇଥିବାବେଳେ ଗତ ଜୁଲାଇ ୧୫ ତାରିଖରେ କାଲିଫର୍ଣ୍ଣିଆରେ ଅବତରଣ କରିଥିଲେ। ଆଇଏସଏସରେ ୧୮ ଦିନ ରହିବା ପରେ ସେ ଗତ ଜୁଲାଇରେ ପୃଥିବୀକୁ ଫେରିଥିଲେ। ଭାରତ ଲାଗି ଉଦ୍ଦିଷ୍ଟ ୭ଟି ଗବେଷଣା ସହ ସେ ଅନ୍ୟାନ୍ୟ ଗବେଷା କରିଥିଲେ। ଭାରତୀୟ ବାୟୁସେନାର ଗ୍ରୁପ କ୍ୟାପଟେନ ଶୁଭାଂଶୁ ଦ୍ଵିତୀୟ ଭାରତୀୟ ଭାବେ ସୃଷ୍ଟି କରିଛନ୍ତି ଇତିହାସ।
ଇଣ୍ଡି ମେଣ୍ଟ ପ୍ରାର୍ଥୀ ବି. ସୁଦର୍ଶନ ରେଡ୍ଡୀଙ୍କ ନାମାଙ୍କନ
ନନ୍ଦିଘୋଷ ବ୍ୟୁରୋ: ଇଣ୍ଡି ମେଣ୍ଟ ପ୍ରାର୍ଥୀ ବି. ସୁଦର୍ଶନ ରେଡ୍ଡୀଙ୍କ ନାମାଙ୍କନ। ଉପରାଷ୍ଟ୍ରପତି ପଦ ଲାଗି ନାମାଙ୍କନ ଭରିଲେ ବି. ସୁଦର୍ଶନ ରେଡ୍ଡୀ। ନାମାଙ୍କନ ବେଳେ ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେ, ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧି, ସୋନିଆ ଗାନ୍ଧିଙ୍କ ସମେତ ବହୁ ବରିଷ୍ଠ ନେତା ଉପସ୍ଥିତ ଥିଲେ। ବାଲକ୍ରିଷ୍ଣ ସୁଦର୍ଶନ ରେଡ୍ଡୀଙ୍କ ଜନ୍ମ ୮ ଜୁଲାଇ ୧୯୪୬ରେ । ଆନ୍ଧ୍ରପ୍ରଦେଶର ରଙ୍ଗାରେଡ୍ଡୀ ଜିଲ୍ଲା ଅକୁଲା ମିଲାରାମ ଗ୍ରାମରେ ତାଙ୍କର ଜନ୍ମ ହୋଇଥିଲା। ଓସମାନିଆ ୟୁନିଭର୍ସିଟିରୁ ଆଇନ ଶିକ୍ଷା ଲାଭ କରିଛନ୍ତି ସୁଦର୍ଶନ। ଆନ୍ଧ୍ରପ୍ରଦେଶ ହାଇକୋର୍ଟ ବାର୍ ଆସୋସିଏସନର ସଭାପତି। ୨ ମେ ୧୯୯୨ରେ ଆନ୍ଧ୍ରପ୍ରଦେଶ ହାଇକୋର୍ଟର ବିଚାରପତି ନିଯୁକ୍ତ ହୋଇଥିଲେ। ୨୦୦୫ରେ ଗୁଆହାଟି ହାଇକୋର୍ଟର ମୁଖ୍ୟବିଚାରପତି ହୋଇଥିଲେ। ପରେ ୨୦୦୭ରୁ ୨୦୧୧ ଥିଲେ ସୁପ୍ରିମକୋର୍ଟ ବିଚାରପତି। ସାମାଜିକ ଓ ରାଜନୈତିକ ନ୍ୟାୟ କ୍ଷେତ୍ରରେ ସମ୍ମାନ ସାଉଁଟିଛନ୍ତି ସୁଦର୍ଶନ।.
ସାନଖେମୁଣ୍ଡିରେ ଲଜ୍ଜା, ଜଣେ ଯୁବତୀଙ୍କୁ ୨ ଜଣ ଯୁବକ ଦୁଷ୍କର୍ମ କରିଥିବା ଅଭିଯୋଗ
ନନ୍ଦିଘୋଷ ବ୍ୟୁରୋ: ଗଞ୍ଜାମ ଜିଲ୍ଲା ସାନଖେମୁଣ୍ଡିରେ ଲଜ୍ଜା । ଜଣେ ଯୁବତୀଙ୍କୁ ୨ ଜଣ ଯୁବକ ଦୁଷ୍କର୍ମ କରି କୋର୍ଟ ଚାଲାଣ ହୋଇଛନ୍ତି । ଯୁବତୀଙ୍କୁ ଦୁଇ ସାଙ୍ଗ ବିବାହ ଏବଂ ଚାକିରି କରାଇ ଦେବା କହି ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଯୁବତୀ ଜଣଙ୍କ ଏନେଇ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ୨ ଯୁବକଙ୍କୁ ପାଟପୁର ପୋଲିସ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ଦ୍ବୟ ହେଲେ ଶେରଗଡ଼ ଥାନା ଅଞ୍ଚଳର ବସନ୍ତ ଦାସ ଓ ଶଙ୍କର ପ୍ରଧାନ ।
ସୁରକ୍ଷାକର୍ମୀଙ୍କ ହାତରେ ଧରାପଡିଲେ ୫ ହାର୍ଡକୋର ମାଓବାଦୀ
ନନ୍ଦିଘୋଷ ବ୍ୟୁରୋ: ମାଲକାନଗିରି ଛତିଶଗଡ ସୀମାନ୍ତ ବିଜାପୁର ଜିଲ୍ଲାର ବାଙ୍ଗୋଲିର ଜଙ୍ଗଲରେ କମ୍ବିଂ ଅପରେସନ ଜୋରଦାର। ସୁରକ୍ଷାକର୍ମୀଙ୍କ ହାତରେ ଧରାପଡିଲେ ୫ ହାର୍ଡକୋର ମାଓବାଦୀ। ଡିଆରଜି ବାହିନୀର କମ୍ବିଂ ଅପରେସନ ଚାଲିଥିବାବେଳେ ଧରାପଡିଲେ । ସେମାନଙ୍କ ମୁଣ୍ଡ ଉପରେ ୬ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା। ଗିରଫ ମାଓବାଦୀ ମାନେ ଦୀର୍ଘ ଦିନ ଧରି ମାଓ ସଂଗଠନରେ ସକ୍ରିୟ ସଦସ୍ଯ ଭାବେ କାର୍ଯ୍ୟ କରୁଥିଲେ । ସେମାନଙ୍କ ନିକଟରୁ ବିପୁଳ ମାତ୍ରାରେ ବିସ୍ଫୋରକ ସାମଗ୍ରୀ ଜବତ କରାଯାଇଛି । ଗିରଫ ମାଓବାଦୀଙ୍କ ମଧ୍ଯରୁ ଲକ୍ଷ୍ମୀ ଫାର୍ସା ଓ ସୁଖରାମ ହେମଲା ଓଡିଶାର ବୋଲି ଜଣା ପଡିଛି । ଏମାନଙ୍କ ନିକଟରୁ ଟିଫିନ୍ ବୋମା, କୋର୍ଡେକ୍ସ ତାର, ବିଦ୍ୟୁତ ତାର, ବ୍ୟାଟେରୀ, ମାଟି ଖୋଳିବା ଉପକରଣ ଓ ଅନ୍ୟାନ୍ୟ ବିସ୍ଫୋରକ ସାମଗ୍ରୀ ଜବତ କରାଯାଇଛି।
ଏଫବିଆଇ କବଜାରେ ଆମରିକାର ମୋଷ୍ଟ ଓ୍ବାଣ୍ଟେଡ ସିଣ୍ଡି ରଡ୍ରିଗ ସିଂ
ନନ୍ଦିଘୋଷ ବ୍ୟୁରୋ: ଏଫବିଆଇ କବଜାରେ ଆମରିକାର ମୋଷ୍ଟ ଓ୍ବାଣ୍ଟେଡ ସିଣ୍ଡି ରଡ୍ରିଗ ସିଂ । ଆମେରିକାର ଟପ ଟେନ ମୋଷ୍ଟ ଓ୍ବାଣ୍ଟେଡ ପଳାତକ ତାଲିକାରେ ଥିଲେ ସିଣ୍ଡି । ମାମଲାର ସମ୍ମୁଖୀନ ହେବା ପୂର୍ବରୁ ବେଆଇନ ଭାବେ ଭାରତ ଚାଲିଆସିବା ଘଟଣାରେ ତାଙ୍କୁ ଗିରଫ କରାଯାଇଛି । ୬ ବର୍ଷ ବୟସ୍କ ତାଙ୍କ ସନ୍ତାନ ନୋଏଲ ରଡ୍ରିଗ ଆଲଭାରେଜଙ୍କ ମୃତ୍ୟୁ ଘଟଣାରେ ଟେକ୍ସାସ ଷ୍ଟେଟ ପକ୍ଷରୁ ତାଙ୍କ ବିରୋଧରେ ଓ୍ବାରଣ୍ଟ ଜାରି ହୋଇଥିଲା । ପୁଅକୁ ହତ୍ୟା କରିବା ଘଟଣାରେ ମାମଲାର ସମ୍ମୁଖୀନ ହେବାକୁ ଏଡାଇବା ଲାଗି ସେ ଆମେରିକା ଛାଡି ଭାରତ ଚାଲିଆସିଥିଲେ । ଗତବର୍ଷ ଅକ୍ଟୋବର ୩ରେ ତାଙ୍କ ବିରୋଧରେ ଇଣ୍ଟରପୋଲ ରେଡ ନୋଟିସ ଜାରି ହୋଇଥିଲା ଏବଂ ଭାରତ ସମେତ ସମସ୍ତ ସଦସ୍ୟ ରାଷ୍ଟ୍ରଙ୍କୁ ଏହି ସର୍କୁଲାର ପଠାଯାଇଥିଲା ।
ଏହା ସହ ପ୍ରତ୍ୟର୍ପଣ ଲାଗି ଭାରତ ନିକଟରେ ଦାବି କରାଯାଇଥିଲା । ତାଙ୍କୁ ଗିରଫ କରିବା ଲାଗି ଭାରତ ସରକାର ଓ ଇଣ୍ଟରପୋଲ ସହ ଏଫବିଆଇ ଯୋଗସୂତ୍ରରେ ଥିଲା । ଗିରଫ ପରେ ତାଙ୍କୁ ଟେକ୍ସାସ ନିଆଯାଇଛି । ଗିରଫଦାରୀ ସମ୍ପର୍କରେ ସୂଚନା ଦେଇଛନ୍ତି ଏଫବିଆଇ ନିର୍ଦ୍ଦେଶକ କାସ୍ ପଟେଲ । ପୁଅକୁ ହତ୍ୟା କରିବା ଘଟଣା ସମ୍ପର୍କରେ ଜଣାପଡିଥିଲା ଗତ ୨୦୨୩ ମାର୍ଚ୍ଚ ୨୦ରେ । ସିଣ୍ଡିଙ୍କ ପୁଅ ସମ୍ପର୍କରେ ଖୋଳତଡ଼ କରିବା ଲାଗି ଟେକ୍ସାସର ପରିବାର ଓ ସୁରକ୍ଷା ସେବା ବିଭାଗକୁ ଟେକ୍ସାସ ପୋଲିସ ନିର୍ଦ୍ଦେଶ ଦେବା ପରେ ଏହି ଖବର ପଦାକୁ ଆସିଥିଲା । ଗତ ୨୦୨୨ ଅକ୍ଟୋବରରୁ ପୁଅର କୌଣସି ଖୋଜଖବର ମିଳି ନଥିଲା । ପିଲାଟିର ଅନେକ ପ୍ରକାର ସ୍ବାସ୍ଥ୍ୟ ସମସ୍ୟା ଥିଲା । ତେବେ ଯାଞ୍ଚ ସମୟରେ ପୁଅ ସମ୍ପର୍କରେ ସିଣ୍ଡି ଅନେକ ଭ୍ରାନ୍ତ ତଥ୍ୟ ପ୍ରଦାନ କରିଥିଲେ । ଏପରିକି ବାପାଙ୍କ ସହ ମେକ୍ସିକୋରେ ସେ ନଭେମ୍ବର ୨୦୨୨ରୁ ରହିଛି ବୋଲି ସିଣ୍ଡି କହିଥିଲେ । ୨୦୨୩ ମାର୍ଚ୍ଚ ୨୨ରେ ସିଣ୍ଡି, ତାଙ୍କ ସ୍ବାମୀ ଅର୍ଶଦୀପ ସିଂ ଓ ଅନ୍ୟ ୬ ସନ୍ତାନ ଭାରତ ଚାଲିଆସିଥିଲେ । ତେବେ ସେମାନଙ୍କ ମଧ୍ୟରେ ନିଖୋଜ ସନ୍ତାନ ନଥିଲା । ଗତ ଜୁଲାଇରେ ତାଙ୍କୁ ଏଫବିଆଇର ପଳାତକ ତାଲିକାରେ ସ୍ଥାନୀତ କରାଯାଇଥିଲା । ସିଣ୍ଡିଙ୍କ ଉପରେ ଏଫବିଆଇ ୨, ୫୦,୦୦୦ ଡଲାର ପୁରସ୍କାର ଘୋଷଣା କରିଥିଲା ।
ପୁଣି ଜଣେ ମହିଳା ହେଲେ ନିର୍ଯାତନାର ଶିକାର : ବ୍ୟାଙ୍କ ମ୍ୟାନେଜର ଗିରଫ
ନନ୍ଦିଘୋଷ ବ୍ୟୁରୋ: ପୁଣି ଜଣେ ମହିଳା ହେଲେ ନିର୍ଯାତନାର ଶିକାର । ଯୌନ ନିର୍ଯାତନା ମାମଲା ରେ ଗିରଫ ହେଲେ ବ୍ୟାଙ୍କ ମ୍ୟାନେଜର । ବରଗଡ଼ ପଦ୍ମପୁର ଥାନାରେ ମାମଲା ରୁଜୁ ପରେ ଗିରଫ ହୋଇଛନ୍ତି। ଗିରଫ ପରେ ଜେଲ ଗଲେ ସମ୍ବଲପୁର ଜିଲ୍ଲା ସମବାୟ କେନ୍ଦ୍ର ବ୍ୟାଙ୍କର ପୂର୍ବତନ ବ୍ୟାଙ୍କ ମ୍ୟାନେଜର ତଥା ବର୍ତମାନ ସୋହେଲା ସମବାୟ ବ୍ୟାଙ୍କ ମ୍ୟାନେଜର ପ୍ରଭଞ୍ଜନ ମାଝୀ। କାର୍ଯ୍ୟରତ ମହିଳାଙ୍କୁ ଅସଦାଚରଣ ଅଭିଯୋଗରେ ଗିରଫ ହୋଇଥିବା ବେଳେ ଗିରଫ ପରେ ଚାକିରୀରୁ ନିଲମ୍ବିତ ହୋଇଛନ୍ତି।