spot_img
Home Blog Page 5770

ସହରାଞ୍ଚଳର ବୁଲା ପଶୁଙ୍କ ପାଇଁ ମୁଖମନ୍ତ୍ରୀଙ୍କ ରିଲିଫ୍ ପାଣ୍ଠିରୁ ୫୫ ଲକ୍ଷ ଟଙ୍କାର ସହାୟତା

ଭୁବନେଶ୍ୱର: କୋଭିଡ଼ ମହାମାରୀ ନିୟନ୍ତ୍ରଣ ପାଇଁ ବର୍ତ୍ତମାନ ସାରା ରାଜ୍ୟରେ ଲକ୍ ଡାଉନ୍ ଜାରି ରହିଛି । ଏହି ପରିପ୍ରେକ୍ଷୀରେ ବୁଲା ଗାଈ ଗୋରୁ କୁକୁର ଆଦି ପ୍ରାଣମାନେ ଖାଦ୍ୟ ସମସ୍ୟାର ସମ୍ମୁଖୀନ ହେଉଛନ୍ତି । ଏହାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କ ରିଲିଫ ପାଣ୍ଠିରୁ ପାଞ୍ଚ ମହାନଗର ନିଗମ, ୪୮ଟି ମ୍ୟୁନିସପାଲଟି ଓ ୬୧ ଟି ଏନ୍ଏସିମାନଙ୍କୁ ୫୫ଲଷ ଟଙ୍କା ସହାୟତା ମଞ୍ଜୁର କରିଛନ୍ତି । ଏହି ଅର୍ଥରେ ସେମାନେ ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନ ମାନଙ୍କ ଜରିଆରେ ବୁଲା ପ୍ରାଣୀମାନଙ୍କୁ ଖାଦ୍ୟ ଯୋଗାଇ ଦେବେ । ନିର୍ଦ୍ଦେଶ ଅନୁଯାୟୀ ଭୁବନେଶ୍ୱର ମହାନଗର ନିଗମ ଏଥିପାଇଁ ଦୈନିକ କୋଡିଏ ହଜାର ଟଙ୍କା ,କଟକ, ବ୍ରହ୍ମପୁର, ସମ୍ବଲପୁର ଓ ରାଉରକେଲା ମହାନଗର ନିଗମରେ ଦୈନିକ ଦଶହଜାର ଟଙ୍କା , ମ୍ୟୁନିସପାଲଟି ମାନେ ଦୈନିକ ପାଞ୍ଚ ହଜାର ଟଙ୍କା ଓ ଏନଏସିମାନେ ଦୈନିକ ଦୁଇ ହଜାର ଟଙ୍କା ଖର୍ଚ୍ଚ କରିପାରିବେ । ସୂଚନାଯୋଗ୍ୟ ଯେ ଗତ ୯ ତାରିଖ ଦିନ ଏହି ଉଦ୍ଦେଶ୍ୟରେ । ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠି ରୁ ଷାଠିଏ ଲଷ ଟଙ୍କା ମଞୁର କରାଯାଇଥିଲା । ଗତବର୍ଷ ଲକ୍‌ଡାଉନ୍ ସମୟରେ ମଧ୍ୟ ମୁଖ୍ୟମନ୍ତ୍ରୀ ବୁଲା ପଶୁ ମାନଙ୍କୁ ଖାଦ୍ୟ ଯୋଗାଇ ଦେବା ନେଇ ଆର୍ଥିକ ସହାୟତା ପ୍ରଦାନ କରିଥିଲେ ।
ଏଥିସହିତ ପଢ଼ନ୍ତୁ: ଅବପାତର ରୂପ ନେବ ଲଘୁଚାପ: କାଲି ସାଇକ୍ଳୋନ୍ ଷ୍ଟର୍ମରେ ପରିଣତ ହେବ

ଛତିଶଗଡ଼ ଜିଲ୍ଲାପାଳଙ୍କୁ ଦାଦାଗିରି ପଡିଲା ମହଙ୍ଗା, ଦାୟିତ୍ୱରୁ ହଟାଇଲେ ସରକାର

ରାୟପୁର: କୋଭିଡ୍ ପାଇଁ ଦେଶର ଅନେକ ଅଂଚଳରେ ଲକଡାଉନ୍ ଜାରି ରହିଛି । ଏଭଳି ପରିସ୍ଥିତିରେ କିଛି ଅମାନିଆ ଲକଡାଉନ୍ ଉଲ୍ଲଂଘନ କରି ସଂକ୍ରମଣ ପ୍ରସାର କରିବାରେ ମୁଖ୍ୟ ଭୂମିକା ନିର୍ବାହ କରୁଛନ୍ତି ।ପ୍ରଶାସନ ଲକଡାଉନକୁ କଠୋରତାର ସହ ଲାଗୁ କରିବା ପାଇଁ ଉଦ୍ୟମ କରୁଛି । କିନ୍ତୁ ତାହାର ଅର୍ଥ ନୁହେଁ ଗୋଟିଏ ଜିଲ୍ଲାର ସର୍ବୋଚ୍ଚ ଅଧିକାରୀ ନିଜ ପଦମର୍ଯ୍ୟଦାକୁ ଭୁଲିଯିବେ । ଛତିଶଗଡ଼ର ସୁରଜପୁରର ଜିଲ୍ଲାପାଳ ରଣବୀର ଶର୍ମା ନିଜ ପଦର ମର୍ଯ୍ୟଦାକୁ ଭୁଲି ଯାହା କରିଛନ୍ତି ଏବେ ତା’ର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଜିଲ୍ଲାପାଳ ଜଣେ ଯୁବକଙ୍କୁ ଚାପୁଡା ମାରୁଥିବା ଦେଖିବାକୁ ମିଳୁଛି । ଭିଡିଓ ଭାଇରାଲ ହେବା ପରେ ଛତିଶଗଡ଼ ସରକାର ଡ୍ୟାମେଜ୍ କଣ୍ଟ୍ରୋଲ ମୋଡକୁ ଆସିଛନ୍ତି । ଜିଲ୍ଲାପାଳ ରଣବୀରଙ୍କୁ ମୁଖ୍ୟମନ୍ତ୍ରୀ ଭୁପେଶ ବଘେଲ ତୁରନ୍ତ ହଟାଇବାକୁ ନିର୍ଦ୍ଦେଶ ଦେଇଛନ୍ତି ।

सूरजपुर के कलेक्टर रणबीर शर्मा ने सरेराह एक युवक को थप्पड़ जड़ दिया था. (फोटो-ANI)

ଘଟଣା କ’ଣ ଥିଲା ?
ଜିଲ୍ଲାପାଳ ରଣବୀର ଶର୍ମା ସୁରଜପୁର ସହର ଦେଇ ଯାଉଥିବା ବେଳେ ଜଣେ ଯୁବକଙ୍କ ଲକଡାଉନ୍ ମଧ୍ୟରେ ଗାଡି ନେଇ ଯାଉଥିବା ଦେଖିବାକୁ ପାଇଥିଲେ । ସେ ନିଜ ଗାଡି ଅଟକାଇ ଯୁବକଙ୍କୁ ବାହାରକୁ ବାହାରିବାର କାରଣ ପଚାରିଥିଲେ । ଯୁବକ ଜଣକ ଔଷଧ କିଣିବାକୁ ବାହାରିଥିବା କହିଥିଲେ । ଯୁବକଙ୍କ କଥା ଶୁଣିବା ଜିଲ୍ଲାପାଳ ଚାଲିଯାଇଥିଲେ । ତେବେ ଗାଡି ନିକଟରୁ ଫେରି ଆସି ସେ ଯୁବକଙ୍କୁ ମେଡିସିନ୍ ପ୍ରେସକ୍ରିପସନ ଦେଖାଇବାକୁ କହିଥିଲେ । ଆଉ ମଧ୍ୟ ଯୁବକଙ୍କ ଫୋନ୍ ମାଗି ତଳକୁ ଫୋପାଡି ଭାଙ୍ଗି ଦେଇଥିଲେ । ଯୁବକ ଜଣକ ଭିଡିଓ ସୁଟିଂ କରୁଥିବା ଜିଲ୍ଲାପାଳ ଅଭିଯୋଗ କରିଥିଲେ ।ତେବେ ଯୁବକ ସେ ଭିଡିଓ ସୁଟିଂ କରୁନଥିବା କହିଥିଲେ । ଏହାପରେ ଜିଲ୍ଲାପାଳ ନିଜେ ଯୁବକଙ୍କୁ ଚାପୁଡା ମାରିବା ସହିତ ପାଖରେ ଥିବା ସିପାହୀଙ୍କୁ ଯୁବକଙ୍କୁ ମାରିବା ପାଇଁ କହିଥିଲେ । ଏହି ଘଟଣାର ଭିଡିଓ ପରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଥିଲେ ।

ଜିଲ୍ଲାପାଳ ମାଗିଲେ କ୍ଷମା
ଭିଡିଓ ଭାଇରାଲ ହେବା ପରେ ଜିଲ୍ଲାପାଳ ରଣବୀର ଶର୍ମା ଭୁଲ ପାଇଁ କ୍ଷମା ମାଗିଛନ୍ତି । ସେ ଗୋଟିଏ ଭିଡିଓ ପୋଷ୍ଟ୍ କରି ଆବେଗରେ ଆସି ଏପରି କରିଥିବା କହିଛନ୍ତି । ଅନ୍ୟପକ୍ଷରେ ଆଇଏସ ସଂଘ ଘଟଣାକୁ ନିନ୍ଦା କରି ଟ୍ୱିଟ୍ କରିଛି । ସୁରଜପୁର ଜିଲ୍ଲାପାଳଙ୍କ ବ୍ୟବହାର ଉଚିତ ନଥିଲା ବୋଲି ସଂଘ ପକ୍ଷରୁ କୁହାଯାଇଛି । ପ୍ରଶାସନିକ ଅଧିକାରୀ ମାନେ ସବୁବେଳେ ବିଶେଷକରି ବର୍ତ୍ତମାନର କଠିନ ସମୟରେ ଅଧିକ ସମ୍ବେଦନଶୀଳ ହେବାର ଆବଶ୍ୟକତା ରହିଛି ବୋଲି ସଂଘ କହିଛି ।

ସୋସିଆଲ ମିଡିଆରେ ନିନ୍ଦା
ଜିଲ୍ଲାପାଳ କ୍ଷମା ମାଗି ସାରିଲା ପରେ ମଧ୍ୟ ସୋସିଆଲ ମିଡିଆରେ ତାଙ୍କୁ ସମାଲୋଚନା ଜାରି ରହିଛି । ସୋସିଆଲ ମିଡିଆରେ ଟ୍ୱଇଟ୍ ଓ ପୋଷ୍ଟ ଜରିଆରେ ତାଙ୍କୁ ତାଙ୍କ ବ୍ୟବହାର ପାଇଁ ନିନ୍ଦା କରାଯାଉଛି । ଆଦିତ୍ୟ ରାଜ କୌଲ ନାମକ ୟୁଜର ଟ୍ୱିଟ୍ କରି ପଚାରିଛନ୍ତି ଯେ, ରାସ୍ତା ଉପରେ ଯଦି ଜଣେ ଜିଲ୍ଲାପାଳ ଏପରି ବ୍ୟବହାର କରିପାରୁଛନ୍ତି ତେବେ ଘରେ ସେ କେଉଁଭଳି ବ୍ୟବହାର କରୁଥିବେ ? ମୁଁ ଏହି ଜିଲ୍ଲାପାଳଙ୍କ ପରିବାର କଥା ଭାବି ଦୁଃଖିତ

ବାଲିଚନ୍ଦ୍ରପୁର ଜଗନ୍ନାଥଙ୍କ ମନ୍ଦିରରୁ ଲକ୍ଷାଧିକ ଟଙ୍କାର ଗହଣା ଓ ନଗଦ ଟଙ୍କା ଲୁଟ୍

ଯାଜପୁର: ବାଲିଚନ୍ଦ୍ରପୁର ସ୍ଥିତ ଜଗନ୍ନାଥଙ୍କ ମନ୍ଦିରରୁ ଚୋରି । ବିଳମ୍ବିତ ରାତିରେ କେହି ଦୁର୍ବୁତ୍ତ ମନ୍ଦିର ଗେଟ ତାଲା ଭାଙ୍ଗି ଠାକୁରଙ୍କ ରୁପା ମୁକୁଟ, ତୁରୀ, ଝାଞ୍ଜ ବିଭିନ୍ନ ସାମଗ୍ରୀ ଓ ହୁଣ୍ଡୀ ବାକ୍ସ ଭାଙ୍ଗି ନଗଦ ଟଙ୍କା ଲୁଟି ନେଇଛନ୍ତି ଦୁର୍ବୁତ୍ତ । ଯାହାର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କାର ହେବ ବୋଲି ଜଣାପଡିଛି । ହୁଣ୍ଡି ବାକ୍ସକୁ ଭାଙ୍ଗି ସେଥିରୁ ଟଙ୍କା ନେଇ ରାସ୍ତାକଡ଼କୁ ବାକ୍ସ ପକାଇ ଫେରାର ହୋଇଯାଇଛନ୍ତି ଦୁର୍ବୁତ୍ତ । ରାତିରେ ଆଳତି ପରେ ଗେଟ ତାଲା ପକାଇ ଘରକୁ ଫେରିଯାଇଥିଲେ ପୂଜକ । ସକାଳୁ ପୂଜକ ମନ୍ଦିରକୁ ପୂଜା କରିବାକୁ ଆସିଥିବା ବେଳେ ମନ୍ଦିରର ମୁଖ୍ୟ ଫାଟକରେ ପକାଯାଇଥିବା ତାଲା ତାଲା ଭାଙ୍ଗିଯାଇଛି । ଏହା ପରେ ସଙ୍ଗେସଙ୍ଗେ ବାଲିଚନ୍ଦ୍ରପୁର ପୋଲିସକୁ ଜଣାଇବା ସହ ଲିଖିତ ଅଭିଯୋଗ କରିଛନ୍ତି  । ଏହାପରେ ପୋଲିସ ଘଟଣା ସ୍ଥଳରେ ପହଞ୍ଚି ସନ୍ଧନୀ କୁକୁର ବୁଲାଇ ଘଟଣାର ଅଧିକ ତଦନ୍ତ ଚଳାଇଛି।

ଏଥିସହିତ ପଢ଼ନ୍ତୁ: ସୁପରମୁନ୍ କ’ଣ: ଜାଣନ୍ତୁ ମେ’ ୨୬ କାହିଁକି ଦେଖାଯିବ ଚଳିତ ବର୍ଷର ଶେଷ ସୁପରମୁନ୍

ବାତ୍ୟା ଆଶ୍ରୟସ୍ଥଳୀକୁ ଆସୁଥିବା ଲୋକଙ୍କ ହେବ ରାପିଡ୍ ଆଣ୍ଟିଜେନ୍ ଟେଷ୍ଟ

ଭୁବନେଶ୍ୱର: ରାଜ୍ୟରେ କରୋନା ଟେଷ୍ଟିଂ ବଢ଼ିଛି ତେଣୁ ସଂକ୍ରମଣ ହାର ମଧ୍ୟ ବଢୁଛି। ହେଲେ ଗତ ୪ରୁ ୫ ଦିନ ଭିତରେ ଏହା ସ୍ଥିର ଅଛି । ସମାନ୍ତରଳ ସ୍ଥିତିରେ ଚାଲିଛି । କଟକ ଓ ଭୁବନେଶ୍ୱରରେ ପ୍ରବସୀ ଫେରିବା ବନ୍ଦ ହୋଇନି ଏହା ମଧ୍ୟ ସଂକ୍ରମଣ ବଢ଼ିବାର ଆଉ ଏକ କାରଣ । ରାଜ୍ୟରେ ଉପଲବ୍ଧ ମୋଟ ଆଇସିୟୁ ମଧ୍ୟରୁ ୮୦ ପ୍ରତିଶତ ଆଇସିୟୁରେ ରୋଗୀ ଚିକିତ୍ସିତ ହେଉଥିଲ । ଆଜି ଏହି ସଂଖ୍ୟା ୭୯ ପ୍ରତିଶତକୁ ହ୍ରାସ ହୋଇଛି । ସେହିଭଳି ୫୦ ପ୍ରତିଶତ ଭେଣ୍ଟିଲେଟରରେ ଗୁରୁତର ରୋଗୀ ଚିକିତ୍ସିତ ହେଉଛନ୍ତି । ସେମାନେ ମଧ୍ୟରୁ କିଏ ୧୦ ଦିନ, କିଏ ୧୫ ଦିନ ଓ କିଏ ୨୦ ଦିନ ହେଲା ଚିକିତ୍ସିତ ହେଉଛନ୍ତି । ଚିହ୍ନଟ ୧୦୦ ସଂକ୍ରମିତଙ୍କ ମଧ୍ୟରୁ ୮୦ ଜଣ ଲକ୍ଷ୍ୟଣବିହୀନ, ୧୫ ଜଣଙ୍କ ସାମାନ୍ୟରୁ ମଧ୍ୟମଧରଣର ଲକ୍ଷଣ ଓ ୫ ଜଣଙ୍କ ଅବସ୍ଥା ଗୁରୁତର ଥାଏ ବୋଲି କହିଛନ୍ତି ସ୍ୱାସ୍ଥ୍ୟ ବିଭାଗ ନିର୍ଦ୍ଦେଶକ ବିଜୟ ମହାପାତ୍ର ।

ଅପରପକ୍ଷରେ ମହାମାରୀ କାଳରେ ମହାବାତ୍ୟାର ମୁକାବିଲା ନେଇ ମଧ୍ୟ ପ୍ରତିକ୍ରିୟା ରଖିଛନ୍ତି ଶ୍ରୀ ମହାପାତ୍ର । ସେ କହିଛନ୍ତି, ବାତ୍ୟା ମୁକାବିଲା ନେଇ SOP ଜାରି ହୋଇଛି । ଜିଲ୍ଲାପାଳମାନଙ୍କୁ ଭିତ୍ତିଭୂମି ଅନୁଧ୍ୟାନ ନେଇ SRC ନିର୍ଦ୍ଦେଶ ଦେଇଛନ୍ତି । ଯଦି ଅସୁବିଧା ଅଛି, ତାହାଲେ ତଳିଆ ଅଞ୍ଚଳ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯିବ। କୋଭିଡ ହସ୍ପିଟାଲରେ ଯେଭଳି ବିଦ୍ୟୁତ ଓ ପାଣି ସବୁବେଳେ ରହିବ ସେଥିଲାଗି ଧ୍ୟାନ ଦିଆଯିବାକୁ କୁହାଯାଇଛି । ଆନୁଷଙ୍ଗିକ ସାମଗ୍ରୀ ଅଛି, ଆବଶ୍ୟକ ପଡ଼ିଲେ, କୋଭିଡ ହସ୍ପିଟାଲ ପାଖ ହସ୍ପିଟାଲରେ ବି ବ୍ୟବହାର ହେବ। ବାତ୍ୟା ଆଶ୍ରୟସ୍ଥଳୀରେ କୋଭିଡ ନିୟମ ପାଳନ ନେଇ ଚେଷ୍ଟା କରାଯିବ । ସେଠାକୁ ଆସୁଥିବା ଲୋକଙ୍କ ରାପିଡ୍ ଆଣ୍ଟିଜେନ୍ ଟେଷ୍ଟ ହେବ । ଏହା ଆମ ପାଇଁ ବଡ଼ ଚ୍ୟାଲେଞ୍ଜ ସୃଷ୍ଟି କରିବ । ଏ ନେଇ ଜିଲ୍ଲାସ୍ତରୀୟ ପ୍ଲାନ ପ୍ରସ୍ତୁତ ହେଉଛି ।

ଏଥିସହିତ ପଢ଼ନ୍ତୁ: ଅବପାତର ରୂପ ନେବ ଲଘୁଚାପ: କାଲି ସାଇକ୍ଳୋନ୍ ଷ୍ଟର୍ମରେ ପରିଣତ ହେବ

ଦେଶରେ ୨ ଲକ୍ଷ ୪୦ ହଜାର ୮୪୨ କରୋନା ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ ଧିରେଧିରେ କମୁଛି ସଂକ୍ରମଣ । ଅଢେଇ ଲକ୍ଷ ତେଳେ ରହିଛି ଦୈନିକ ସଂକ୍ରମଣ । ଆଜି ଗୋଟିଏ ଦିନରେ ୨ ଲକ୍ଷ ୪୦ହଜାର ୮୪୨ ସଂକ୍ରମିତ ଚିହ୍ନଟ ହୋଇଛନ୍ତି । ୩ହଜାର ୭୪୧ଜଣଙ୍କ ଜୀବନ ନେଇଛି କିଲର କରୋନା । ୨୪ ଘଣ୍ଟାରେ କରୋନାରୁ ସୁସ୍ଥ ହେଲେଣି ୩ଲକ୍ଷ ୫୫ହଜାର ୧୦୨ ଜଣ । ଦେଶରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୨କୋଟି ୬୫ଲକ୍ଷ ୩୦ହଜାର ୧୩୨ଥିବା ବେଳେ ମୋଟ୍ ସୁସ୍ଥ ହେଲେଣି ୨କୋଟି ୩୪ଲକ୍ଷ 2୫ହଜାର ୪୬୭ । ମୋଟ୍ କରୋନା ମୃତ୍ୟୁସଂଖ୍ୟା ୨ଲକ୍ଷ ୯୯ହଜାର ୨୬୬ ଥିବା ବେଳେ ଆକ୍ଟିଭ କେସ୍ ରହିଛି ୨୮ଲକ୍ଷ ୫ହଜାର ୩୯୯ । ଦେଶର ସବୁ ସ୍ଥାନରେ ଭ୍ୟାକ୍ସିନେସନ ଚାଲିଥିବା ବେଲେ ବର୍ତ୍ତମାନ ସୁସ୍ଥ ୧୯କୋଟି ୫୦ ଲକ୍ଷ ୪ହଜାର ୧୮୪ଜଣଙ୍କୁ ଟିକା ଦିଆଯାଇଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୧୨ ହଜାର ୮୫୨ କରୋନା ସଂକ୍ରମିତ ଚିହ୍ନଟ

ଅନ୍‌ଲାଇନ୍‌ ମୋବାଇଲ୍ ଗେମ୍‌ରେ ଟଙ୍କା ହାରିବା ପରେ ଆତ୍ମହତ୍ୟା

ବାସୁଦେବପୁର: କାଳ ହେଲା ମୋବାଇଲ ଗେମ୍ । ପବ୍‌ଜି ଓ ଫ୍ରି ଫାୟାର ଗେମ୍‌ରେ ହାରିବା ପରେ ଜୀବନ ହାରିଛନ୍ତି ଯୁବକ । ବାସୁଦେବପୁର ବ୍ଲକ ଗୋପବନ୍ଧୁନଗର ଗଦି ଗାଁରେ ଦେଖିବାକୁ ମିଳିଛି ଏଭଳି ଘଟଣା । ନରେନ୍ଦ୍ର ନାୟକଙ୍କ ୧୮ ବର୍ଷୀୟ ପୁଅ ଶ୍ରୀତମ  ନିଜ ସାଙ୍ଗ ସାଥିଙ୍କ ସହ ମିଶି ଗତକାଲି ପବ୍‌ଜି ଓ ଫ୍ରି ଫାୟାର ଗେମ୍‌ ଖେଳୁଥିଲେ । ହେଲେ ଏହି ଅନ୍‌ଲାଇନ୍‌ ଗେମରେ ଟଙ୍କା ହାରିବା ପରେ ମାନସିକ ଭାରସାମ୍ୟ ହରାଇ ଘର ପାଖରେ ଥିବା ଏକ ଗଛରେ ରସି ଲଗାଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ଭୋରରୁ ପରିବାର ଲୋକ ଶ୍ରୀତମଙ୍କ ଝୁଲନ୍ତା ଅବସ୍ଥାରେ ଦେଖିବାକୁ ପାଇଥିଲେ । ଖବର ପାଇ କସିଆ ସାମୁଦ୍ରିକ ଥାନାର ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ଏଥିସହିତ ପଢ଼ନ୍ତୁ: ଋଣ ଟଙ୍କା ସୁଝି ନପାରିବାରୁ ସାନ ସଡ଼ୁକୁ ହତ୍ୟା କଲା ବଡ଼ ସଡ଼ୁ

ରାଜ୍ୟରେ ଆଉ ୧୨ ହଜାର ୮୫୨ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଆଉ ୧୨ହଜାର ୮୫୨ ସଂକ୍ରମିତ ଚିହ୍ନଟ ହୋଇଛନ୍ତି । ସର୍ବାଧିକ ୨୮ଜଣଙ୍କ ଜୀବନ ନେଇ କିଲର ଭାଇରାସ୍ । ଖୋର୍ଦ୍ଧାରୁ ସର୍ବାଧିକ ୫ ଜଣଙ୍କ ମୃତ୍ୟୁ ହୋଇଥିବା ବେଳେ କଳାହାଣ୍ଡି ଓ ସୁନ୍ଦରଗଡରୁ ୪ଜଣ ଲେଖାଏଁଙ୍କ ମୃତ୍ୟୁ ହୋଇଛି । ଅନୁଗୁଳ ଓ କେନ୍ଦ୍ରାପଡାରୁ ୩ଜଣ ଲେଖାଏଁ, ପୁରୀ , ରାୟଗଡା ଓ ନବରଙ୍ଗପୁରରୁ ୨ଜଣ ଲେଖାଏଙ୍କ ମୃତ୍ୟୁ । ଗଞ୍ଜାମ, ଗଜପତି ନୂଆପଡାରୁ ଜଣେ ଲେଖାଏଁଙ୍କ ମୃତ୍ୟୁ ହୋଇଛି । ୨୪ ଘଣ୍ଟାରେ ୧୦ହଜାର ୬୦୧ ଆକ୍ରାନ୍ତ ସୁସ୍ଥ ହୋଇଛନ୍ତି । କ୍ବାରେଣ୍ଟାଇନରୁ ୭୧୯୫, ଲୋକାଲ କେସ୍ ୫୬୫୭ । ଖୋର୍ଦ୍ଧାରୁ ୧୯୦୯, କଟକରୁ ୧୦୭୩, ଅନୁଗୁଳରୁ ୯୮୪, ସୁନ୍ଦରଗଡ଼ରୁ ୮୪୮ ସଂକ୍ରମିତ ଚିହ୍ନଟ ହୋଇଛନ୍ତି । କଳାହାଣ୍ଡିରୁ ୬୬୮, ମୟୂରଭଞ୍ଜରୁ ୫୮୬, ବାଲେଶ୍ବରରୁ ୫୦୮ ସଂକ୍ରମିତ ଚିହ୍ନଟ ହୋଇଛନ୍ତି । ଢେଙ୍କାନାଳରୁ ୪୮୨, ପୁରୀରୁ ୪୭୨, ବରଗଡ଼ରୁ ୪୬୧ ସଂକ୍ରମିତ ଚିହ୍ନଟ । ଝାରସୁଗୁ଼ଡାରୁ ୩୯୯, ସମ୍ବଲପୁରରୁ ୩୫୫, ବୌଦ୍ଧରୁ ୩୪୭, ନବରଙ୍ଗପୁରରୁ ୩୪୪, ଗଞ୍ଜାମରୁ ୩୪୦, ଯାଜପୁରରୁ ୩୩୭, ଷ୍ଟେଟପୁଲରୁ ୩୩୩, ନୟାଗଡ଼ରୁ ୩୩୧, ଜଗତସିଂହପୁରରୁ ୩୦୦ ସଂକ୍ରମିତ ଚିହ୍ନଟ । କେନ୍ଦ୍ରାପଡାରୁ ୨୮୫, ବଲାଙ୍ଗୀରରୁ ୨୭୪, କୋରାପୁଟରୁ ୨୭୨ସଂକ୍ରମିତ ଚିହ୍ନଟ ହୋଇଥିବା ବେଳେ ରାୟଗଡ଼ାରୁ ୧୯୮, କେନ୍ଦୁଝରରୁ ୧୮୦, ଭଦ୍ରକରୁ ୧୫୧, ମାଲକାନଗିରିରୁ ୧୧୪, ଦେଓଗଡ଼ରୁ ୧୦୫, କନ୍ଧମାଳରୁ ୧୦୪ ସଂକ୍ରମିତ ଚିହ୍ନଟ । ଗଜପତିରୁ ୭୭, ନୂଆପଡାରୁ ୭୦, ସୋନପୁରରୁ ୫୫ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୪ଲକ୍ଷ ୯୨ହଜାର ୩୮୨ ଥିବା ବେଳେ ମୋଟ୍ ସୁସ୍ଥ ହେଲେଣି ୫ଲକ୍ଷ ୭୭ହଜାର ୯୮୩ସଂକ୍ରମିତ ।