spot_img
Home Blog Page 5860

ଦିଲ୍ଲୀରେ ଉପ-ରାଜ୍ୟପାଳଙ୍କ ରାଜ୍, କେନ୍ଦ୍ରର ବିଜ୍ଞପ୍ତି ଜାରି

ନୂଆଦିଲ୍ଲୀ: ଆଜିଠୁ ଦିଲ୍ଲୀରେ ଲେଫ୍ଟେନାଣ୍ଟ ଗଭର୍ଣ୍ଣର ରାଜ୍। ଯାହା ଫଳରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ କ୍ଷମତା କମିଲା। ଜାତୀୟ ରାଜଧାନୀ ଅଞ୍ଚଳ ଶାସନ ସଂଶୋଧନ ଆଇନ ୨୦୨୧ କାର୍ଯ୍ୟକାରୀ ନେଇ କେନ୍ଦ୍ର ସରକାର ଏସମ୍ପର୍କରେ ଏକ ବିଜ୍ଞପ୍ତି ଜାରି କରିଛନ୍ତି।

ଗତ କାଲିଠାରୁ ଏହାକୁ ଲାଗୁ କରିବା ପାଇଁ ଉଲ୍ଲେଖ ରହିଛି। ପୂର୍ବରୁ ସଂସଦରେ ଏନ୍‌ସିଟି ବିଲ୍ ପାରିତ ହୋଇଥିଲା । ଏହା ପରେ ମାର୍ଚ୍ଚ ୨୮ରେ ରାଷ୍ଟ୍ରପତି ରାମନାଥ କୋବିନ୍ଦ ଏଥିରେ ମୋହର ମାରିଥିଲେ । ସଂଶୋଧିତ ଆଇନ ଅନୁସାରେ ଦିଲ୍ଲୀରେ ଏଣିକି ଉପ-ରାଜ୍ୟପାଳଙ୍କ ବିନା ମଂଜୁରୀରେ କୌଣସି ପଦକ୍ଷେପ ନିଆଯାଇ ପାରିବନାହିଁ।

ସୂଚନା ଅନୁଯାୟୀ ଏଣିକି ନିର୍ବାଚିତ ସରକାରଙ୍କ ଚିଠା ପ୍ରସ୍ତାବକୁ ୧୫ ଦିନ ଆଗରୁ ଓ ପ୍ରଶାସନିକ ପ୍ରସ୍ତାବକୁ ୭ ଦିନ ଆଗରୁ ଉପ-ରାଜ୍ୟପାଳଙ୍କ ନିକଟକୁ ମଂଜୁରୀ ପାଇଁ ପଠାଇବାକୁ ପଡ଼ିବ । ଯେଉଁ ଆଇନକୁ ପୂର୍ବରୁ ଅରବିନ୍ଦ କେଜ୍ରିଓ୍ବାଲ ସରକାର ବିରୋଧ କରିଆସୁଛନ୍ତି । ଏମିତିକି ରାଜ୍ୟ ସଭାରେ ବିଲ୍ ପାରିତ ହେବା ପରେ ଏହା ଦିଲ୍ଲୀ ଜନତାଙ୍କ ପାଇଁ ଅପମାନ ବୋଲି କହିଥିଲେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ୍।

ପୁଟିନଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ନୂଆଦିଲ୍ଲୀ: ଦେଶରେ ବଢୁଥିବା ସଂକ୍ରମଣ ଭିତରେ ଋଷ ରାଷ୍ଟ୍ରପତି ବ୍ଲାଦିମିର୍ ପୁଟିନଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦୁଇ ନେତା ଅନେକ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଫୋନରେ କଥା ହୋଇଥିବା ସୂଚନା ମିଳିଛି।

ବିଶେଷ କରି କରୋନାକୁ ନେଇ ଭାରତ ସଂଘର୍ଷ କରୁଥିବାବେଳେ ଏହି ବିଷୟରେ ଆଲୋଚନା ହୋଇଛି । କରୋନା ମହାମାରୀ ସ୍ଥିତିରେ ଖୁବଶୀଘ୍ର ଭାରତକୁ ମିଳିବାକୁ ଯାଉଛି ଋଷ ନିର୍ମାଣ କରୁଥିବା କରୋନା ଟିକା ସ୍ପୁଟିନିକ୍-ଭି। ସେହିଭଳି ଦୁଇ ଦେଶ ମଧ୍ୟରେ ସାମରିକ କ୍ଷେତ୍ରକୁ ମଜବୁତ୍ କରିବା ପାଇଁ ଆଲୋଚନା ହୋଇଛି ।

ଦୁଇ ଦେଶ ମଧ୍ୟରେ ବିଦେଶ ଓ ରକ୍ଷା ମନ୍ତ୍ରୀଙ୍କୁ ନେଇ ଟୁ ପ୍ଲସ୍ ଟୁ ବୈଠକ ହେବା ନେଇ ସହମତି ପ୍ରକାଶ ପାଇଛି । ଏ ନେଇ ଟୁଇଟ୍ ଯୋଗେ ସୂଚନା ଦେଇଛନ୍ତି ପ୍ରଧାନମନ୍ତ୍ରୀ ମୋଦି ।

୧ ଲକ୍ଷ ଅକ୍ସିଜେନ କନସେନଟ୍ରେଟର କିଣିବେ କେନ୍ଦ୍ର ସରକାର; PM କେୟାର୍ସ ଫଣ୍ଡରୁ ଖର୍ଚ୍ଚ ହେବ ଟଙ୍କା

ନୂଆଦିଲ୍ଲୀ: କରୋନା ମହାମାରୀ ଯାେଗୁଁ ଦେଶରେ ଅକ୍ସିଜେନର ସଙ୍କଟ ଦେଖାଦେଇଛି। ଏଭଳି ପରିସ୍ଥିତିରେ  କେନ୍ଦ୍ର ୧ ଲକ୍ଷ ଅକ୍ସିଜେନ କନସେନଟ୍ରେଟର କଣିବ ବୋଲି ବୁଧବାର ଦିନ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଯେଉଁଥିପାଇଁ ପିଏମ କେୟାର ପାଣ୍ଠିରୁ ଟଙ୍କା ଖର୍ଚ୍ଚ ହେବ ।

କୋଭିଡ-୧୯ ପରିଚାଳନା ପାଇଁ ତରଳ ମେଡିକାଲ ଅମ୍ଳଜାନ (ଏଲଏମଓ) ଯୋଗାଣରେ ଉନ୍ନତି ଆଣିବା ପାଇଁ ଆବଶ୍ୟକ ପଦକ୍ଷେପ ଉପରେ ଆଲୋଚନା କରିବାକୁ ପିଏମ ମୋଦୀଙ୍କ ଅଧ୍ୟକ୍ଷତାରେ ଏକ ଉଚ୍ଚ ସ୍ତରୀୟ ବୈଠକ ଅନୁଷ୍ଠିତ ହୋଇଥିଲା ।

PM Cares Fund ଅଧୀନରେ ପୂର୍ବରୁ ଅନୁମୋଦିତ ୭୧୩ PSA ପ୍ଲାଣ୍ଟ ବ୍ୟତୀତ, PM CARES ପାଣ୍ଠିରୁ ୫୦୦ ନୂତନ ପ୍ରେସର ସ୍ୱିଙ୍ଗ୍ ଆଡସୋର୍ସେସନ୍ ଅକ୍ସିଜେନ ପ୍ଲାଣ୍ଟକୁ ମଞ୍ଜୁରୀ ଦିଆଯାଇଛି। ଏନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଟ୍ୱିଟ୍ କରାଯାଇଛି। କେନ୍ଦ୍ରର ଏଭଳି ନିଷ୍ପତ୍ତି ଫଳରେ ଦେଶରେ ଅକ୍ସିଜେନ୍ ଅଭାବ ଦୂର ହେବ ବୋଲି ଜଣାପଡିଛି ।

 

ପୁରୁଷୋତ୍ତମ ସ୍ପେଶିଆଲ୍ ଏକ୍ସପ୍ରେସରେ ଆଉ ମିଳିବନି କ୍ୟାଟରିଂ ସୁବିଧା

ଭୁବନେଶ୍ୱର: କରୋନା ସଂକ୍ରମଣ ବୃଦ୍ଧି ତଥା ଯାତ୍ରୀ ସଂଖ୍ୟା କମୁଥିବାରୁ ଏବେ ୦୨୮୦୧/୦୨୮୦୨ ପୁରୀ-ନୂଆଦିଲ୍ଲୀ-ପୁରୀ ପୁରୁଷୋତ୍ତମ ସ୍ପେଶିଆଲ୍ ଏକ୍ସପ୍ରେସରେ ଖାଦ୍ୟ ସୁବିଧା ପ୍ରଦାନ କରାଯିବ ନାହିଁ ବୋଲି ପୂର୍ବତଟ ରେଳବାଇ ପକ୍ଷରୁ ଘୋଷଣା କରାଯାଇଛି।

ପୁରୀ-ନୂଆଦିଲ୍ଲୀ-ପୁରୀ ପୁରୁଷୋତ୍ତମ ସ୍ପେଶିଆଲ୍ ଏକ୍ସପ୍ରେସ ପୁରୀରୁ ଏପ୍ରିଲ୍ ୨୮ ତାରିଖରୁ ବାହାରି ନୂଆଦିଲ୍ଲୀରେ ଏପ୍ରିଲ୍ ୩୦ ତାରିଖରେ ପହଞ୍ଚିବ। ଏହି ସମୟରେ ଯାତ୍ରୀଙ୍କୁ କ୍ୟାଟରିଂ ସୁବିଧା ମିଳିବ ନାହିଁ ବୋଲି ରେଳବାଇ ପକ୍ଷରୁ ସୂଚନା ଦିଆଯାଇଛି।

ଯେଉଁଥିପାଇଁ ପୁରୁଷୋତ୍ତମ ଏକ୍ସପ୍ରେସରେ ଯାତ୍ରା କରିବାକୁ ଥିବା ଯାତ୍ରୀ ମାନେ ନିଜେ ନିଜର ଖାଦ୍ୟ ବ୍ୟବସ୍ଥା କରିନେବାକୁ ରେଳବାଇ ପରାମର୍ଶ ଦେଇଛି । ତେବେ ପରବର୍ତ୍ତୀ ନିର୍ଦ୍ଦେଶ ଆସିବା ଯାଏଁ ଏହା ବଳବତ୍ତର ରହିବ ବୋଲି ରେଳବାଇ ପ୍ରକାଶ କରିଛି ।

ତ୍ରାହି ଅଚ୍ୟୁତ ଆଶ୍ରମରେ କ୍ରାଇମବ୍ରାଞ୍ଚର ଖୋଳତାଡ

ବାଲିପାଟଣା: ବାଲିପାଟଣା ଥାନା ଅଧୀନ ତ୍ରାହି ଅଚ୍ୟୁତ ଆଶ୍ରମରେ କ୍ରାଇମବ୍ରାଞ୍ଚର ଖୋଳତାଡ ଆରମ୍ଭ କରିଛି। ସ୍ଵର୍ଗତ ସୁରବାବାଙ୍କ ବଡପୁଅ ତ୍ରିଲୋଚନ ମିଶ୍ରଙ୍କୁ ପଚରା ଉଚରା କରିଛି କ୍ରାଇମବ୍ରାଞ୍ଚ ।

ପ୍ରାପ୍ତ ସୂଚନା ଅନୁଯାୟୀ, ଜଗତସିଂହପୁରର ଅଜିତ ସେନାପତିଙ୍କ ନିଖୋଜ ନେଇ ଖୋଳତାଡ କରିଛି କ୍ରାଇମବ୍ରାଞ୍ଚ । ୨୦୧୧ ମସିହାରୁ ଆଶ୍ରମରୁ ନିଖୋଜ ଥିଲେ ଅଜିତ। ଅଜିତ ଆଶ୍ରମ ଭିତରେ ପୋତା ହୋଇଥିବା ସନ୍ଦେହରେ ଆଶ୍ରମର ବିଭିନ୍ନ ସ୍ଥାନରେ ଜେସିବି ଖୋଳାଖୋଳି କରିଛି କ୍ରାଇମବ୍ରାଞ୍ଚ।

ତେବେ ଏହି ତଦନ୍ତ ବେଳେ କ୍ରାଇମବ୍ରାଞ୍ଚ ଡିଏସପି ଦେବଦତ ଚକ୍ର ଓ ଏସିପି ରଜତ ରାୟଙ୍କ ସମେତ ବାଲିଅନ୍ତ ବାଲିପାଟଣା ଥାନା ଅଧିକାରୀ ମଧ୍ୟ ଉପସ୍ଥିତ ଥିଲେ।

ସିଲ ହେଲା ମାର୍କେଟ ବିଲ୍ଡିଂ , କଟକଣା ମାନୁନଥିଲେ ଲୋକେ

ଭୁବନେଶ୍ୱର: ମାର୍କେଟ ବିଲ୍ଡିଂକୁ ସିଲ  କରିଛି ବିଏମସି । କୋଭିଡ କଟକଣାଙ୍କୁ କୈଣସି ଲୋକେ ମାନୁନଥିବାରୁ କାର୍ଯ୍ୟାନୁଷ୍ଠାନ ଗ୍ରହଣ କରିଛି ଭୁଭନେଶ୍ୱର ମହାନଗର ନିଗମ । ରାଜ୍ୟରେ ଗୋଟେପଟେ ଦୈନିକ ସଂକ୍ରମଣ ବୃଦ୍ଧି ଘଟୁଥିବାବେଳେ ସେପଟେ କୋଭିଡ କଟକଣାକୁ ଫୁ କରାଯାଉଥିବା ଦେଖାଯାଇଥିଲା ।

ଭୁବନେଶ୍ୱର ଡିସିପି ଏବଂ MBC ଜୋନାଲ କମିସନଙ୍କ ଉପସ୍ଥିତିରେ ମାର୍କେଟ ବିଲ୍ଡିଂ ସିଲା କରାଯାଇଛି । ସୂଚନା ମୁତାବକ ୪୮ ଘଣ୍ଟା ପାଇଁ କଟକଣା ବଳବତ୍ତର କରାଯାଇଛି । ଅର୍ଥାତ ଦୁଇ ଦିନ ବନ୍ଦ ରହିବ ସମ୍ପୂର୍ଣ୍ଣ ମାର୍କେଟ ବିଲ୍ଡିଂ ଅଞ୍ଚଳ ।

ସେପଟେ ଭୁବନେଶ୍ୱର ଓ କଟକରେ କମ୍ୟୁନିଟି ଟ୍ରାନ୍ସମିସନ ପରି ସ୍ଥିତି ଉଜପଜିଲାଣି । ଯେହେତୁ ଏଠି ପ୍ରବାସୀ ଅଧିକ, ତେଣୁ ସଂକ୍ରମଣ ବଢୁଛି ବୋଲି କହିଛନ୍ତି ସ୍ବାସ୍ଥ୍ୟ ବିଭାଗ ନିର୍ଦ୍ଦେଶକ ବିଜୟ ମହାପାତ୍ର । ଜଣେ ଲୋକ ଏକାଧିକ ଲୋକଙ୍କୁ ସଂକ୍ରମିତ କରିପାରେ । ଆଜି 8 ହଜାର କାଲି ସଂକ୍ରମଣ କମିପାରେ କି ବଢିବି ପାରେବୋଲି କହିଛନ୍ତି ବିଜୟ ମହାପାତ୍ର ।

କମିଲା କୋଭିସିଲ୍ଡ ଟିକା ଦାମ୍, ଏଣିକି ୩୦୦ ଟଙ୍କାରେ ମିଳିବ

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ବଢୁଥିବା ବେଳେ ବୁଧବାର ଦିନ କୋଭିସିଲ୍ଡ ଟିକାର ଦାମ କମାଯାଇଛି। କୋଭିସିଲ୍ଡ ଟିକା ଦାମ କମିବା ନେଇ ସେରମ ମୁଖ୍ୟ ଟୁଇଟ କରି ସୂଚନା ଦେଇଛନ୍ତି । ପୂର୍ବରୁ ଏହା ୪୦୦ ଟଙ୍କା ଥିବା ବେଳେ ରାଜ୍ୟ ପାଇଁ ଡୋଜ ପିଛା ୧୦୦ ଟଙ୍କା କମିଛି ଦର।

ଯାହା ଫଳରେ ରାଜ୍ୟକୁ ୩୦୦ ଟଙ୍କା ଦାମରେ କୋଭିସିଲ୍ଡ ଟିକା ମିଳିବ। ପୂର୍ବରୁ ରାଜ୍ୟକୁ ଡୋଜ ପିଛା ୪୦୦ ଟଙ୍କାର ଦର ଧାର୍ଯ୍ୟ କରିଥିଲା ସେରମ । କେବଳ ସରକାରୀ ହସ୍ପିଟାଲ୍ ଲାଗି ଏହି ନୂଆ ଦାମ୍ ଘୋଷଣା କରାଯାଇଥିବା ବେଳେ ଘରୋଇ ମେଡିକାଲ ପାଇଁ ପୂର୍ବ ଦର ଅପରିବର୍ତ୍ତିତ ରହିଛି ।

ଏନେଇ ସେରମ ମୁଖ୍ୟ ଆଦର ପୁନାୱାଲା କହିଛନ୍ତି ଯେ, ଏହି ନିଷ୍ପତ୍ତି ଦ୍ୱାରା ରାଜ୍ୟର କୋଟି କୋଟି ଟଙ୍କା ପାଣ୍ଠି ସଞ୍ଚୟ ହୋଇପାରିବ । ଏଥିଯୋଗୁଁ ଅଧିକ ସଂଖ୍ୟାରେ ଟିକାକରଣ ହେବା ସଙ୍ଗେସଙ୍ଗେ ଜନସାଧାରଣଙ୍କ ମୂଲ୍ୟବାନ ଜୀବନକୁ ରକ୍ଷା କରାଯାଇପାରିବ ।

କମ୍ପାନୀ ପକ୍ଷରୁ ଏହି ନିଷ୍ପତ୍ତି ସେତେବେଳେ ହୋଇଛି ଯେତେବେଳେ କେନ୍ଦ୍ର ପକ୍ଷରୁ ଉଭୟ ସେରମ୍ ଇନଷ୍ଟିଚ୍ୟୁଟ୍ ଓ ଭାରତ ବାୟୋଟେକକୁ ସେମାନଙ୍କ ଟିକାର ଦାମ୍ ଉପରେ ଆଉଥରେ ଚିନ୍ତା କରିବାକୁ ନିବେଦନ କରାଯାଇଥିଲା । କାରଣ ୧୮ ବର୍ଷରୁ ଉର୍ଦ୍ଧ୍ୱ ବ୍ୟକ୍ତିଙ୍କୁ ଟିକାକରଣ ଅଭିଯାନ ଆରମ୍ଭ ହେବାକୁ ଯାଉଛି ।

ଟିକା ନେବା ପରେ ବି ନିୟମ ମାନିବା ଜରୁରି: RMRC ନିର୍ଦ୍ଦେଶିକା

ଭୁବନେଶ୍ୱର: ଚିନ୍ତା ବଢାଇଛି ନୂଆ ଭେରିଆଣ୍ଟ । ସଚେତନ ଅଭାବରୁ ରାଜ୍ୟରେ ମାଡି ଚାଲିଛି କରୋନା ମହାମାରୀ । ଏଣୁ ନିୟମ ମାନିବା ସହ ଅଧିକ ସତର୍କତା ନିହାତି ଜରୁରୀ ବୋଲି ବୁଧବାର ଦିନ କହିଛନ୍ତି RMRC ନିର୍ଦ୍ଦେଶିକା ସଂଘମିତ୍ରା ପତି।

ଏକ ସାମ୍ବାଦିକ ସମ୍ମିଳନୀରେ RMRC ନିର୍ଦ୍ଦେଶିକା କହିଛନ୍ତି ଯେ  ନୂଆ ଭେରିଆଣ୍ଟ ପାଇଁ ଦେଶରେ ଏବେ ଦ୍ରୁତ ଗତିରେ ସଂକ୍ରମଣ ବଢିବାରେ ଲାଗିଛି। ଯଦି ଆପଣ ଆକ୍ରାନ୍ତଙ୍କ ସଂସ୍ପର୍ଶରେ ଆସିଛନ୍ତି ତେବେ ରକ୍ତ ନମୁନା ପରୀକ୍ଷା ତୁରନ୍ତ କରାନ୍ତୁ। ରିପୋର୍ଟ ନ ଆସିବା ପର୍ଯ୍ୟନ୍ତ କୋଭିଡ଼ ନିୟମ କଡ଼ାକଡ଼ି ଭାବେ ପାଳନ କରିବାକୁ ପଡ଼ିବ ଏବଂ ଏନେଇ କୗେଣସି ପ୍ରକାର ଖାମଖୁଆଲ ମନୋଭବ ଠିକ୍ ନୁହେଁ ।

ସେ ଆହୁରି ମଧ୍ୟ କହିଛନ୍ତି, ଲକ୍ଷଣ ଥିଲେ ପ୍ରଥମେ ଡାକ୍ତରଙ୍କ ପରାମର୍ଶ ନେବା ସହ ୩ରୁ ୫ ଦିନ ମଧ୍ୟରେ ଟେଷ୍ଟ କରାଇବା ଜରୁରୀ ଅଟେ । ଏପରିକି ଘରେ ରହିଲେ ବି ମାସ୍କ ପିନ୍ଧିବା ଓ ସାମାଜିକ ଦୂରତା ଆବଶ୍ୟକ ଅଟେ । ଲକ୍ଷଣ ଥାଇ ଟେଷ୍ଟ ନେଗେଟିଭ୍ ଆସିଲେ ବି ଡାକ୍ତରଙ୍କ ପରାମର୍ଶ ନିଅନ୍ତୁ । ପରାମର୍ଶ ଅନୁସାରେ ମେଡିସନ୍ ଖାଆନ୍ତୁ । କରୋନା ଡୋଜ୍ ନେବା ପରେ ବି ନିୟମ ମାନିବା ଉଚିତ୍ ।

ତେବେ କରୋନାରୁ ସୁସ୍ଥ ହେବା ପରେ ୬ରୁ ୭ ସପ୍ତାହ ମଧ୍ୟରେ ଟିକା ନେଇ ପାରିବେ। ଦ୍ୱିତୀୟ ଲହରକୁ ନେଇ ଅଧିକ ଭୟଭୀତ ହେବାର କାରଣ ନାହିଁ। ଦ୍ୱିତୀୟ ଲହରରେ ସତର୍କ, ସଞ୍ଜମତା ସହ ସଚେତନତା ଆବଶ୍ୟକ ବୋଲି ସେ ପ୍ରକାଶ କରିଛନ୍ତି ।

ରାଜ୍ୟରେ ସୁସ୍ଥ ହେଲେ ୪୫୨୧ ଜଣ ନୂଆ କରୋନା ରୋଗୀ

ଭୁବନେଶ୍ୱର: ରାଜ୍ୟରେ କରୋନା ଭୟ ଭିତରେ ଆଶ୍ୱସ୍ତୀ ଦେଉଛି କରୋନା ସୁସ୍ଥଙ୍କ ହାର। ରାଜ୍ୟରେ କରୋନା ସଂକ୍ରମଣ ସହ ବଢ଼ିବାକୁ ଲାଗିଛି କରୋନା ସୁସ୍ଥଙ୍କ ସଂଖ୍ୟା । ରାଜ୍ୟରେ ଆଜି ଆଉ ୪ ହଜାର ୫୨୧ ଜଣ କରୋନା ରୋଗୀ ସୁସ୍ଥ ହୋଇଛନ୍ତି । ଏନେଇ ସୂଚନା ଦେଇଛି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ରାଜ୍ୟରେ ମୋଟ ସୁସ୍ଥଙ୍କ ସଂଖ୍ୟା ୩ ଲକ୍ଷ ୭୫ ହଜାର ୭୨୧ ଜଣ ସୁସ୍ଥ ହୋଇଛନ୍ତି ।

ସୁସ୍ଥଙ୍କ ମଧ୍ୟରୁ ସୁନ୍ଦରଗଡ଼ରୁ ସର୍ବାଧିକ ୭୨୧  ଜଣ ସୁସ୍ଥ ହୋଇଥିବା ବେଳେ ଖୋର୍ଦ୍ଧାରୁ ୫୯୬, ନୂଆପଡ଼ାରୁ ୩୬୬, ବଲାଙ୍ଗିରରୁ ୩୨୦, କଳାହାଣ୍ଡିରୁ ୨୭୨, କଟକରୁ ୨୫୩ ଜଣ, ସମ୍ବଲପୁରରୁ ୨୪୧, ବରଗଡ଼ରୁ ୧୯୧, ଝାରସୁଗୁଡ଼ାରୁ ୧୬୮, ନବରଙ୍ଗପୁରରୁ ୧୫୦, କେନ୍ଦୁଝରରୁ ୧୦୧, ଯାଜପୁରରୁ ୯୩, ମୟୂରଭଞ୍ଜରୁ ୮୬, କେନ୍ଦ୍ରାପଡ଼ାରୁ ୮୫, ରାୟଗଡ଼ାରୁ ୮୫, ନୟାଗଡ଼ରୁ ୭୨, ଗଞ୍ଜାମରୁ ୫୭, ଜଗତସିଂହପୁରରୁ ୪୯, ଅନୁଗୁଳ, ଭଦ୍ରକ ଓ ଗଜପତିରୁ ୪୩ ଲେଖାଏଁ, ସୋନପୁରରୁ ୪୨, ବାଲେଶ୍ୱରରୁ ୩୯, କୋରାପୁଟରୁ ୨୭, ଦେବଗଡ଼ରୁ ୨୧, କନ୍ଧମାଳରୁ ୨୦, ଢ଼େଙ୍କାନାଳରୁ ୧୯, ମାଲକାନାଗିରିରୁ ୧ ଓ ଷ୍ଟେଟ୍ ପୁଲରୁ ୧୨୫ କରୋନା ରୋଗୀ ସୁସ୍ଥ ହୋଇଛନ୍ତି ।

ଅଭିନେତା ଜିମି ଶେର୍ଗିଲ ଗିରଫ: କର୍ଫ୍ୟୁ ବେଳେ କରୁଥିଲେ ଶୁଟିଂ

ଲୁଧିଆନା : ଦେଶରେ କୋଭିଡ ସଂକ୍ରମଣ ଦିନକୁ ଦିନ ବଢ଼ିବାରେ ଲାଗିଛି। ସେଥିପାଇଁ ଅନେକ ରାଜ୍ୟରେ ରାତ୍ରୀକାଳୀନ କର୍ଫ୍ୟୁ ଲାଗୁ କରାଯାଇଛି। ହେଲେ ବଲିଉଡ ଅଭିନେତା ଜିମି ଶେର୍ଗିଲ ଏହି କଟକଣା ଉଲଂଘନ କରିଥିବାରୁ ତାଙ୍କୁ ପୋଲିସ୍ ଗିରଫ କରିଛି।

ମଙ୍ଗଳବାର ରାତିରେ ପଞ୍ଜାବର ଲୁଧିଆନାରେ ବଲିଉଡ ଅଭିନେତା ଜିମି ଶେର୍ଗିଲ, କର୍ଫ୍ୟୁ ଉଲ୍ଲଂଘନ କରି ଏକ ୱେବ୍ ସିରିଜ୍ ଶୁଟିଂ କରୁଥିଲେ। ତେବେ ଶୁଟିଂ ଶେଟ୍ ରୁ ପୋଲିସ ଜିମି, ନିର୍ଦ୍ଦେଶକ ଇଶ୍ୱର ନିୱାସ ଏବଂ ଅନ୍ୟ ୩୫ ଜଣଙ୍କୁ ଗିରଫ କରିଛି। ଅଭିନେତାଙ୍କ ସମେତ ଅନ୍ୟ ୪ ଜଣଙ୍କ ବିରୋଧରେ ଏ ନେଇ ମାମଲା ରୁଜୁ ହୋଇଛି।

ପଞ୍ଜାବୀ ୱେବ୍ ସିରିଜର ଏହି ଟିମ୍ ଗତ ୩ ଦିନ ଧରି ଆର୍ଯ୍ୟ ବିଦ୍ୟାଳୟରେ ଶୁଟିଂ କରୁଥିଲେ। ତେବେ ସୋମବାର ଦିନ କେହି ଜଣେ ପୋଲିସକୁ ଖବର ଦେଇଥିଲେ ଯେ ଶୁଟିଂ ସ୍ଥାନରେ ମାସ୍କ ପିନ୍ଧାଯାଉ ନାହିଁ ଏବଂ ସାମାଜିକ ଦୂରତା ଅନୁସରଣ କରାଯାଉନାହିଁ । ଏହାପରେ ପୋଲିସ ସେହି ସ୍ଥାନରେ ପହଞ୍ଚି ଦୁଇ ଜଣଙ୍କ ଚାଲାଣ କାଟିଥିଲା।

ସୋମବାର ଚାଲାଣ କାଟିବା ପରେ ମଧ୍ୟ ୱେବ୍ ସିରିଜର ଟିମ୍ ପୁଣିଥରେ କରୋନା କଟକଣା ନିୟମ ଉଲ୍ଲଂଘନ କରି ରାତିରେ ଫିଲ୍ମର ଶୁଟିଂ କରୁଥିବା ଓ ସେଠାରେ ପ୍ରାୟ ୧୫୦ ଲୋକ ଉପସ୍ଥିତ ଥିବା ପୋଲିସ ସୂଚନା ପାଇଥିଲା। ଯାହାପରେ ପୋଲିସ ଘଟଣାସ୍ଥଳରେ ପହଞ୍ଚି ଜିମି ଶେର୍ଗିଲ ନିର୍ଦ୍ଦେଶକ ଈଶ୍ୱର ନିୱାସଙ୍କ ସମେତ ଟିମ୍ ର ୩୫ଜଣ ସଦସ୍ୟଙ୍କୁ ଗିରଫ କରିନେଇଛି। ଏବଂ ଏମାଙ୍କ ବିରୋଧରେ ମହାମାରୀ ପ୍ରୋଟୋକଲ ଉଲ୍ଲଂଘନ ମାମଲା ରୁଜୁ କରିଛି।