spot_img
Home Blog Page 5862

କରୋନା ତାଣ୍ଡବ ଭିତରେ ଦିଲ୍ଲୀରେ ଖେଲାଯିବ ପ୍ରଥମ IPL ମ୍ୟାଚ୍

0

ନୂଆଦିଲ୍ଲୀ: ବୁଧବାର ଦିଲ୍ଲୀ ଇଣ୍ଡିଆନ୍ ପ୍ରିମିୟର ଲିଗ୍ (IPL)ର ପ୍ରଥମ ମ୍ୟାଚ୍ ଆୟୋଜନ କରୁଛି। ଦିଲ୍ଲୀରେ କରୋନା ମାମଲା ହୁ ହୁ ହୋଇ ବଢ଼ୁଥିବାରୁ ବର୍ତ୍ତମାନ ସମ୍ପୂର୍ଣ୍ଣ ଲକଡାଉନ ରହିଥିବାବେଳେ ଡାକ୍ତରଖାନାରେ ଶଯ୍ୟା ଅଭାବ ଓ ଅମ୍ଳଜାନ ଅଭାବରୁ ଅନେକ ରୋଗୀ ମୃତ୍ୟୁବରଣ କରୁଛନ୍ତି।

ଗତ 24 ଘଣ୍ଟାରେ ଦିଲ୍ଲୀରେ 24 ହଜାର 149ଜଣ କରୋନା ସଂକ୍ରମିତ ହୋଇଥିବାବେଳେ  3ଶହରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଦିଲ୍ଲୀରେ ଅମ୍ଳଜାନ ଯୋଗାଣ ପରିସ୍ଥିତି ଏତେ ଗୁରୁତର ଯେ ଦିଲ୍ଲୀ ହାଇକୋର୍ଟ ମଙ୍ଗଳବାର ଦିନ ଦିଲ୍ଲୀ ସରକାର ରୋଗୀମାନଙ୍କ ପାଇଁ ଅମ୍ଳଜାନ ସିଲିଣ୍ଡର ପରିଚାଳନା କରିବାରେ ଅସମର୍ଥ ବୋଲି କହଛନ୍ତି। ଏବଂ କୋର୍ଟ ଅମ୍ଳଜାନ ଯୋଗାଣ ପରିଚାଳନା ଦାୟିତ୍ୱ ବହନ କରିବାକୁ କେନ୍ଦ୍ର ସରକାରଙ୍କୁ କହିବେ ବୋଲି ମଧ୍ଯ କହିଛନ୍ତି।

ବୁଧବାର ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମର ଫେରୋଜ ଶାହା କୋଟଲା ଗ୍ରାଉଣ୍ଡରେ ଚେନ୍ନାଇ ସୁପର କିଙ୍ଗ୍ସ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ସନ୍ଧ୍ୟା 7.30 ରୁ ଆରମ୍ଭ ହେବ ମ୍ୟାଚ୍।

ତେବେ ବର୍ତ୍ତମାନ ପ୍ରଶ୍ନ ଉଠୁଛି ଯେ ମହାମାରୀରେ ଦେଶରେ ହା ହା କାର ହେଉଥିବାବେଳେ, ଆଇପିଏଲ୍ ମ୍ୟାଚ୍ ଆୟୋଜନ କରିବା ଠିକ୍ କି?  ତେବେ ଏଭଳି ପରିସ୍ଥିତିରେ ବିସିସିଆଇ କିନ୍ତୁ ପୂର୍ବ ନିର୍ଦ୍ଧାରିତ ସମୟରେ ମ୍ୟାଚଗୁଡିକୁ କରିବାକୁ କହିଛି।

ଏକ ଆଇପିଏଲ୍ ମ୍ୟାଚ୍ ସାଧାରଣତଃ  ସାଢ଼େ ତିନି ଘଣ୍ଟା ଧରି ଚାଲିଥାଏ। ଚଳିତ ବର୍ଷ ଆଇପିଏଲରେ ଷ୍ଟାଡିୟମ ଭିତରକୁ ଦର୍ଶକଙ୍କୁ ଅନୁମତିଦିଆଯାଇ ନାହିଁ। ଆଇପିଏଲ ସମ୍ପୂର୍ଣ୍ଣ ସୁରକ୍ଷିତ ଭାବେ ଏ କଠୋର ବାୟୋ-ବବଲ୍ ଭିତରେ ଚାଲିଛି। ତେଣୁ ମଙ୍ଗଳବାର ଦିଲ୍ଲୀ ଏବଂ ଜିଲ୍ଲା କ୍ରିକେଟ୍ ଆସୋସିଏସନ୍ (ଡିଡିସିଏ) ବୁଧବାର ମ୍ୟାଚ୍ ନିର୍ଦ୍ଧାରିତ ସମୟରେ ହେଲେ କିଛି ଅସୁବିଧା ନାହିଁ ବୋଲି କହିଛି।

ଆସନ୍ତା ମେ 7 ପର୍ଯ୍ୟନ୍ତ ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ 4ଟି ଦଳର ମ୍ୟାଚ ରହିଛି। ତେବେ ଶେଷ ମ୍ୟାଚ୍ ପର୍ଯ୍ୟନ୍ତ ଡିଡିସିଏ ଦଳଗୁଡ଼ିକର ଅଭ୍ୟାସ ଅଧିବେଶନ ପାଇଁ ପୂରୁଣା ଦିଲ୍ଲୀର ରୋଶନାରା କ୍ଲବ ଗ୍ରାଉଣ୍ଡ ବୁକ୍ କରିଛି। ଏହା ମଧ୍ଯ ସୁରକ୍ଷିତ ବାୟୋ-ବବଲ୍ ଭିତରେ ରହିଛି।

ତେବେ ଡିଡିସିଏ ମୁତାବକ ଗ୍ରାଉଣ୍ଡର ସମସ୍ତ କର୍ମଚାରୀ ମଧ୍ଯ ବୋୟୋ-ବବଲରେ ରହିଛନ୍ତି ଏବଂ ସେମାନଙ୍କର ପ୍ରତ୍ୟେକ 2ଦିନରେ ଥରେ କୋଭିଡ ପରୀକ୍ଷା ମଧ୍ଯ କରାଯାଉଛି।

ଏକ ମ୍ୟାଚ୍ ସମୟରେ ଷ୍ଟାଡିୟମରେ 700 ରୁ ଅଧିକ ଲୋକ ରହିବେ ନାହିଁ। ଡିଡିସିଏ କର୍ମଚାରୀ, ଡାକ୍ତର ଏବଂ ଅଗ୍ନିଶମ ବାହିନୀଙ୍କୁ ମିଶାଇ ପ୍ରାୟ 200 ଜଣ,  400 ପୋଲିସ୍ କର୍ମଚାରୀ ରହିବା ସହ ବିସିସିଆଇ, ଫ୍ରାଞ୍ଚାଇଜ୍ ଅଧିକାରୀ ଏବଂ ପ୍ରସାରଣକାରୀଙ୍କୁ ମିଶାଇ ପ୍ରାୟ 100 ଜଣ ରହିବେ ବୋଲି ଡିଡିସିଏ ସୂଚନା ଦେଇଛି।

ଭ୍ୟାକ୍ସିନର ପାର୍ଶ୍ୱ ପ୍ରତିକ୍ରିୟା ଦେଖା ନ ଦେବାର ଅର୍ଥ କ’ଣ ହୋଇପାରେ?

ନୂଆଦିଲ୍ଲୀ: ଭାରତରେ ଅଧିକାଂଶ ସ୍ଥାନରେ କରୋନାର ଦ୍ୱିତୀୟ ପ୍ରବାହ ଆତଙ୍କ ସୃଷ୍ଟି କରିଛି । ଏଥିରୁ ବର୍ତ୍ତିବା ପାଇଁ ଲୋକ ଭ୍ୟାକ୍ସିନ ନେବାକୁ ଶ୍ରେୟ ମନେ କରୁଛନ୍ତି । କିନ୍ତୁ କେତେକ ରାଜ୍ୟରେ ଲକଡାଉନ ହେତୁ ଟୀକାକରଣ ପ୍ରକ୍ରିୟା କ୍ଷିପ୍ର ହୋଇ ଯାଇଛି । ଗୋଟିଏ ପଟେ ଭ୍ୟାକ୍ସିନର ପାର୍ଶ୍ୱ ପ୍ରତିକ୍ରିୟା ଦେଖା ଦେଉଥିବାରୁ ଲୋକଙ୍କ ମନରେ ଅନେକ ଆଶଙ୍କା ସୃଷ୍ଟି ହେଉଥିବା ବେଳେ ଅନ୍ୟପଟେ ପାର୍ଶ୍ୱ ପ୍ରତିକ୍ରିୟା ଦେଖା ଦେଉନଥିବାରୁ ମଧ୍ୟ ଲୋକଙ୍କ ମନରେ ସନ୍ଦେହ ସୃଷ୍ଟି ହେଉଛି ।

ଲୋକଙ୍କୁ ବାରମ୍ବାର କୁହାଯାଉଛିଯେ, ଯଦି ଭ୍ୟାକ୍ସିନ ନେବା ପରେ ଭ୍ୟାକ୍ସିନ ନେଇଥିବା ସ୍ଥାନରେ ଯନ୍ତ୍ରଣା, ,ଶରୀରରେ କ୍ଲାନ୍ତ ଅନୁଭବ, ଜ୍ୱର ଏବଂ ବମିଟିଂ ଭଳି ଭଳି ପାର୍ଶ୍ୱ ପ୍ରତିକ୍ରିୟା ନଜର ଆସୁଛି ତେବେ ଏହାକୁ ନେଇ ଚିନ୍ତିତ ହେବାଭଳି କୌଣସି କାରଣ ନାହିଁ । ବିଶେଷଜ୍ଞଙ୍କ କହିବା ହେଉଛି ଏହା ରୋଗ ପ୍ରତିରୋଧକ ତନ୍ତ୍ରକୁ ସକ୍ରିୟ କରୁଛି । ଅନ୍ୟପଟେ କିଛି ଲୋକଙ୍କ ନିକଟରେ ପାର୍ଶ୍ୱ ପ୍ରତିକ୍ରିୟା ଦେଖିବାକୁ ମିଳୁନାହିଁ । ଯାହା ଲୋକଙ୍କୁ ଏକ ପ୍ରକାରର ଚିନ୍ତାରେ ପକାଇଛି । ଅର୍ଥାତ୍‌ଲୋକ ଭାବୁଛନ୍ତିଯେ, ଯଦି ପାର୍ଶ୍ୱ ପ୍ରତିକ୍ରିୟା ଦେଖା ଯାଉନାହିଁ ରୋଗ ପ୍ରତିରୋଧକ ଶକ୍ତି ଉପରେ କୌଣସି ପ୍ରଭାବ ପଡ଼ୁନାହିଁ । ଯାହା ଏକ ବିରାଟ ସମସ୍ୟା ସୃଷ୍ଟି କଲାଣି ।

କିନ୍ତୁ ଏହାକୁ ନେଇ ବିଶେଷଜ୍ଞ କହୁଛନ୍ତିଯେ, ପାର୍ଶ୍ୱ ପ୍ରତିକ୍ରିୟା ଦେଖା ନଦେବା ଏକ ସାମାନ୍ୟ କଥା । କରୋନା ଭ୍ୟାକ୍ସିନ ଟ୍ରାଏଲ ସମୟରେ ଏହା ପ୍ରମାଣିତ ହୋଇ ଯାଇଥିଲା । ଫାଇଜର ଦ୍ୱାରା ହୋଇଥିବା କ୍ଲିନିକାଲ ଟ୍ରାଏଲରୁ ଜଣାପଡ଼ିଥିଲାଯେ, ୫୦ ପ୍ରତିଶତଙ୍କ ନିକଟରେ କୌଣସି ପ୍ରକାରର ପାର୍ଶ୍ୱ ପ୍ରତିକ୍ରିୟା ଦେଖାଯାଇନଥିଲା । କିନ୍ତୁ ଏହି ପରୀକ୍ଷଣ ସମୟରେ ୯୦ ପ୍ରତିଶତଙ୍କ ନିକଟରେ ରୋଗ ପ୍ରତିରୋଧକ ଶକ୍ତି ସୃଷ୍ଟି ହୋଇ ସାରିଥିଲା । ମଡର୍ଣ୍ଣା ମଧ୍ୟ ଠିକ୍‌ଏହିଭଳି କହିଥିଲା । ମଡର୍ଣ୍ଣା ଅନୁସାରେ ୧୦ ଜଣକ ମଧ୍ୟରୁ ଜଣକ ନିକଟରେ ପାର୍ଶ୍ୱ ପ୍ରତିକ୍ରିୟା ଦେଖାଯାଏ । ଏବଂ ୯୦ ପ୍ରତିଶତଙ୍କ ନିକଟରେ ଏହା ସଫଳ ପ୍ରମାଣିତ ହୋଇଥିଲା ।

ବିଶେଷଜ୍ଞ ଆଉ ମଧ୍ୟ କୁହନ୍ତିଯେ, ଅଧିକାଂଶ କୋଭିଡ ଭ୍ୟାକ୍ସିନ ସ୍ପାଇକ ପ୍ରୋଟିନ ନାମକ ଏକ ଭାଇରାଲ ପ୍ରୋଟିନ ବ୍ୟବହାର କରିଥାଏ । ଭ୍ୟାକ୍ସିନ ନେଲେ ରୋଗ ପ୍ରତିରୋଧକ ତନ୍ତ୍ର ଏହି ସ୍ପାଇକ ପ୍ରୋଟିନ ଉପରେ ଆକ୍ରମଣ କରେ । ଯେଉଁଥିପାଇଁ ଯନ୍ତ୍ରଣା, ଜ୍ୱର ଆଦି ପାର୍ଶ୍ୱ ପ୍ରତିକ୍ରିୟା ଦେଖାଯାଏ । କିନ୍ତୁ ଏହାର ଅର୍ଥ ନୁହେଁଯେ ଭ୍ୟାକ୍ସିନ କାମ କରୁନାହିଁ ।

ଅଙ୍ଗାଡ଼ିଆ ସ୍କିମର ଆନ୍ତଃ ରାଜ୍ୟ ଲିଙ୍କ୍, ୩ ପୋଲିସ ସହ ୮ ଗିରଫ

ଭୁବନେଶ୍ୱର: ଏକ ବଡ଼ ଠକେଇ ଘଟଣାର ପର୍ଦ୍ଦାଫାସ୍ କରିଛି କମିଶନରେଟ୍ ପୋଲିସ । ମାମଲାରେ ପୋଲିସ ମୋଟ 8 ଜଣଙ୍କୁ ଗିରଫ କରିଛି । ଅଙ୍ଗାଡ଼ିଆ ସ୍କିମ୍ ନାଁରେ ଏହି ଠକେଇ ଚାଲିଥିଲା ବଡ଼ ବଡ଼ ବ୍ୟବସାୟୀଙ୍କୁ ଟାର୍ଗେଟ୍ କରୁଥିଲେ ଠକ । ବେଆଇନ୍ ଟଙ୍କାକୁ ଆଇନତଃ ବୈଧ କରି ଡବଲ୍ କରି ଆକାଉଣ୍ଟରେ କ୍ରେଡିଟ୍ ମଧ୍ୟ କରୁଥିଲେ । ଆଇପିଏଲ୍ ବେଟିଂ ରେଡ୍ ବେଳେ ପୋଲିସ ହାତରେ ଧରାପଡ଼ିଛନ୍ତି ଏହି ହାଇପ୍ରୋଫାଇଲ୍ ଠକ । ଏନେଇ ପ୍ରେସମିଟରେ ସୂଚନା ଦେଇଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାସ ।

ପ୍ରଶାନ୍ତ ପଣ୍ଡା ନାମକ ବ୍ୟକ୍ତି ଅଙ୍ଗାଡ଼ିଆ ଠକେଇର ମାଷ୍ଟର ମାଇଣ୍ଡ । ପୋଲିସ ପ୍ରଶାନ୍ତ ପଣ୍ଡା ସହିତ ମୋଟ ୮ ଜଣଙ୍କୁ ଗିରଫ କରିଛି । ଗିରଫଙ୍କ ମଧ୍ୟରେ କମିଶନରେଟ୍ ପୋଲିସର ୩ କର୍ମଚାରୀ ମଧ୍ୟ ଅଛନ୍ତି । ଅଙ୍ଗାଡ଼ିଆ ସ୍କିମରେ ଟଙ୍କା ଡବଲ୍ ହେବାର ଲୋଭ ଦେଖାଇ ପ୍ରଶାନ୍ତ ପଣ୍ଡା ଓ ତାଙ୍କ ସହଯୋଗୀ ବ୍ୟବସାୟୀ କମଲ୍ ଶାହଙ୍କୁ ଟାର୍ଗେଟ୍ କରିଥିଲେ । କମଲ୍ କୋଟିଏ ଟଙ୍କା କ୍ୟାସ୍ ଦେଲେ ସେମାନେ ଏହାକୁ ଆକାଉଣ୍ଟରେ ଦେଢ଼ କୋଟି କରି ଦେବା ସହ ସମସ୍ତ କାଗଜପତ୍ର ଦେବେ ବୋଲି କହିଥିଲେ ।

 commissionerate police Arrested 9 In Angadia Scheme

ସେହି ଅନୁସାରେ ଅଢ଼େଇ ଲକ୍ଷ ଟଙ୍କାର ୪୦ଟି ବଣ୍ଡଲ୍ କରି ବ୍ୟବସାୟୀ କମଲ୍ ଶାହ ଆସିଥିଲେ । ଠକ ଅଙ୍ଗାଡ଼ିଆ ଗ୍ୟାଙ୍ଗର ମୁଖ୍ୟ ପ୍ରଶାନ୍ତ ପଣ୍ଡା ଷଡ଼ଯନ୍ତ୍ର ରଚିଥିଲେ । କମଲଙ୍କ ଉପରେ ରେଡ୍ କରି ଟଙ୍କା ନେଇ ଖସିଯିବାକୁ ବସିଥିଲେ । କରଞ୍ଜିଆର ବ୍ୟବସାୟୀ କମଲ ଶାହଙ୍କୁ ପୋଲିସ ପଚରାଉଚରା କରିବା ପରେ ଅଙ୍ଗାଡ଼ିଆ ଅନଲାଇନ୍ ଠକେଇ ବାବାଦରେ ଜଣାପଡ଼ିଛି । ପୋଲିସ ଗଣିଲା ପରେ ୩୧ଟି ବଣ୍ଡଲ୍ ମିଳିଥିଲା । ତଦନ୍ତ ପରେ ରେଡରେ ସାମିଲ୍ ଥିବା ପୋଲିସଙ୍କ ଠାରୁ ୯ଟି ବଣ୍ଡଲ ମିଳିଛି । ଗୋଟିଏ ବଣ୍ଡଲରେ ୫୦ ହଜାର ଟଙ୍କା କମ ଥିବା ଡିସିପି ସୂଚନା ଦେଇଛନ୍ତି ।

ମାମଲାରେ ମହେଶ୍ୱର ସାହୁ, ପ୍ରଶାନ୍ତ ପଣ୍ଡା, ପ୍ରଶାନ୍ତ ପାଢ଼ୀ, ରାଜ ରାୟ ବାହାଦୂର, ଅଭିଶେକ ସେଠୀଙ୍କ ସହ ଭୁବନେଶ୍ୱର କମିଶନରେଟ୍ ପୋଲିସର ଦିଲ୍ଲୀପ ମଲ୍ଲିକ, ସନ୍ଦୀପ୍ତ ପୃଷ୍ଟି ଓ କଟକ କମିଶନରେଟ ପୋଲିସର ପ୍ରଫୁଲ୍ଲ କୁମାର ଭୂୟାଁଙ୍କୁ ଗିରଫ କରାଯାଇଛି । ରାକେଟର ମୁଖ୍ୟ ପ୍ରଶାନ୍ତ ପଣ୍ଡା ମଧ୍ୟ ଧରାପଡ଼ିଛନ୍ତି । ଏଥିରେ ଜଡ଼ିତ ବହୁତ ଲୋକ ଫେରାର୍ ଅଛନ୍ତି । ଭୁବନେଶ୍ୱରର ସହ ବାହାରା ରାଜ୍ୟର ଲୋକ ସାମିଲ୍ ଥିବା ଭୁବନେଶ୍ୱର ଡିସିପି ସୂଚନା ଦେଇଛନ୍ତି ।

ଠକେଇ ମାମଲାର ତଦନ୍ତ ଜାରି ରହିଛି । ଦରକାର ପଡ଼ିଲେ ରିମାଣ୍ଡରେ ଅଣାଯିବ ବୋଲି କହିଛନ୍ତି ଡିସିପି । ଅଙ୍ଗାଡ଼ିଆ ସ୍କିମ୍ ମାଧ୍ୟମରେ ଠକେଇ କରାଯାଉଥିଲା । ଏଗ୍ରିମେଣ୍ଟ ପେପର୍ସ ଦେଖାଇ ଠକିବାକୁ ଚେଷ୍ଟା କରୁଥିଲେ ଠକ । ବେଆଇନ୍ ଟଙ୍କାକୁ ନେଇ ଆଇନତଃ ଉପାୟରେ ଆୟକର ଦେଇ କାରବାର କରୁଥିଲେ ।

ରାଜ୍ୟରେ ମେ’ ପହିଲାରୁ ୧୮ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ ଟିକା ଦିଆଯିବ ନା ନାହିଁ ?

ଭୁବନେଶ୍ୱର: ଆଜି ଆସିବ କୋଭିସିଲ୍ଡ ଟିକା । ଅପରାହ୍ଣ ୨ଟା ୩୦ରେ ୯୦ ହଜାର କୋଭିସିଲ୍ଡ ଟିକା ଆସି ପହଞ୍ଚିବ । ୫୪ ହଜାର କୋଭିସିଲ୍ଡ ଟିକା ଏବେ ମହଜୁଦ୍ ଅଛି । ୩.୫ କୋଭାକ୍ସିନ ଅଛି । ପୂର୍ବଭଳି ୪୫ ବର୍ଷରୁ ଅଧିକ ଲୋକଙ୍କ ଟିକାକରଣ ଚାଲିଛି । ଗତକାଲି  ୬୧୭ଟି ସେସନ୍ ସାଇଟରେ ୬୫ ହଜାର ୭୬୬ ଜଣଙ୍କୁ ଟିକା ଦିଆଯାଇଛି । ଆଜି ଯାଏ ସମୁଦାୟ ୫୭ ଲକ୍ଷ ୪ ହଜାର ୯୧୬ ଜଣଙ୍କୁ ଟିକା ଦିଆଯାଇଛି । ଆଜି ଯାଜପୁର, କେନ୍ଦୁଝରରେ ବନ୍ଦ ରହିଛି ଟିକାକରଣ । ଆଜି ୪୬୪ ସେସନ୍ ସାଇଟରେ ଟିକାକରଣ ଚାଲିଛି ।

Odisha May Vaccinate 18 Years Plus From 1st May

କେନ୍ଦ୍ର ଦେଉଥିବା ଟିକାରେ ୪୫ ବର୍ଷରୁ ଅଧିକଙ୍କ ପାଇଁ । ସେଥିରେ ୧୮ରୁ ୪୪ ବର୍ଷ ଯାଏ ଦିଆ ଯାଇପାରିବ ନାହିଁ । ସେଥିପାଇଁ ଆମେ କମ୍ପାନୀମାନଙ୍କୁ ଚିଠି ଲେଖିଛୁ । ରାଜ୍ୟ ସରକାର ଯୋଗାଯୋଗରେ ଅଛନ୍ତି । ଏ ଯାଏ ପୋର୍ଟାଲରେ କାମ ଚାଲିଛି । ଟିକା ନ ଆସିବା ଯାଏ କହି ହେବନି ଯେ ମେ ପହିଲାରୁ ୧୮ରୁ ୪୪ ବର୍ଷ ଯାଏ ଟିକାକରଣ ହେବେ ନା ନାହିଁ ।

Odisha May Vaccinate 18 Years Plus From 1st May

ସନ୍ଧ୍ୟା ସୁଦ୍ଧା କାମ ସରିଲେ ୧୮ରୁ ୪୪ ବର୍ଷ ପଞ୍ଜିକରଣ ଆରମ୍ଭ ହେବ । ହେଲେ ନିର୍ଦ୍ଦିଷ୍ଟ ସମୟ କହି ହେବନି । ଟିକା ମିଳିବା ଉପରେ ପ୍ଲାନିଂ ନିର୍ଭର କରେ । ଭିତ୍ତିଭୂମି ପ୍ରସ୍ତୁତ ଅଛି । ଟିକା ଆସିବା ମାତ୍ରେ କାର୍ଯ୍ୟକାରୀ କରାଯିବ । ସେସନ୍ ସାଇଟ୍ ବଢ଼ାଯିବ । ହେଲେ ଏବେ ବୃଦ୍ଧିର ଆବଶ୍ୟକତା ପଡ଼ିନି ବୋଲି କହିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ।

ମାସକରେ ମଲେଣି ୨୨ ମେଣ୍ଢା, ମାରୁଛି କିଏ ? ଖୋଜି ପାଉନି ବନ ବିଭାଗ

ନିଆଳି: ନିଆଳିରେ ପୁଣି ମେଣ୍ଡା ମଡ଼କ । ଗୋଟିଏ ମାସରେ ଚତୁର୍ଥ ଥର ପାଇଁ ମେଣ୍ଡା ମୃତ୍ୟୁ ଘଟିଛି । ଗୋଟିଏ ମାସରେ ଗଲାଣି ୨୨ ମେଣ୍ଢାଙ୍କ ଜୀବନ । ଗତକାଲି ବିଳମ୍ୱିତ ରାତିରେ ନିଆଳି ବ୍ଳକ ବାଘମାର ଗାଁର ଶରତ ଚନ୍ଦ୍ର କାଠୁଆଙ୍କ ଗୁହାଳରେ ୬ଟି ମେଣ୍ଢା ମରିପଡିଥିବା ଦେଖିବାକୁ ମିଳିଥିଲା । ଏହାସହ ୫ ମେଣ୍ଡା ଆହତ ହୋଇଛନ୍ତି ।

22 Sheep Killed In Niali Ver One Month Till Suspension

ମେଣ୍ଡା ମାନଙ୍କ ବେକ ଓ ପେଟରେ ଗଭୀର ଆଘାତ ଲାଗିଛି । ତେଣୁ ଅଜଣା ଜନ୍ତୁ ଆତଙ୍କ ନେଇ ଲୋକେ ଭୟଭୀତ ହୋଇ ପଡ଼ିଛନ୍ତି । ଘଟଣାସ୍ଥଳରେ ପହଞ୍ଚି ବନ ବିଭାଗ ଟିମ୍ ଅନୁଧ୍ୟାନ କରୁଛନ୍ତି । ତେବେ ଅଜଣା ଜନ୍ତୁକୁ ଧରିବାରେ ବନ ବିଭାଗ ବିଫଳ ହୋଇଥିବାରୁ ମେଣ୍ଢା ଚାଷୀଙ୍କ ଭିତରେ ଅସନ୍ତୋଷ ବୃଦ୍ଧି ପାଉଛି ।

ଏପ୍ରିଲରେ ଏମିତି ହେବ କିଏ ବା ଜାଣିଥିଲା ? କରୋନାର କେତେ କାହାଣୀ…

ଭୁବନେଶ୍ୱର: ଆକାଶରେ ଉଡ଼ି ବୁଲୁଥିବା ଜୀବନ ଆଜି ଅନ୍ଧାରି ପଞ୍ଜୁରୀରେ ବନ୍ଦୀ ହେଲାଭଳି ମନେ ହେଉଛି। ମନେହେଉଛି ନୁହେଁ ଆମେ ଆଜି ସମସ୍ତେ କରୋନା କାରାଗାରରେ ବନ୍ଦୀ। ଜୀବନ ଆଜି ମଶାଣିର ଜୁଇରେ ହୁତହୁତ ହୋଇ ଜଳୁଛି। ମଣିଷ ତିଆରି କାରଖାନା ଅସହାୟ ହୋଇ ନିଜକୁ ଧିକାରୁଛି। ସ୍ମଶାନ ଆଜି ଶହଶହ ଜୁଇରେ ରୁନ୍ଧି ହୋଇଯାଉଛି। ଯେଉଁଠି ସମୟ ହସଖୁସିରେ କଟୁଥିଲା ସେ ସମୟ କେମିତି ଭଲରେ ବିତିବ ସେହି ଚିନ୍ତାରେ ଦିନ କଟୁଛି। ସମ୍ପର୍କ ଆଜି କରୋନା ପାଇଁ ପର ହୋଇଯାଇଛି।  କରୋନାର କରାଳ ରୂପ ଆଙ୍କି ଚାଲିଛି ଗୋଟିଏ ପରେ ଗୋଟିଏ ହୃଦୟ ବିଦାରକ ଦୃଶ୍ୟ। ଯାହାକୁ ଦେଖିଲେ ଛାତି ଫାଟି ପଡ଼ିବ ଆଖିରେ ଲୁହ ଅଟକିବନି।

କେଉଁଠି କରୋନାରେ ଅମ୍ଳଜାନ ଅଭାବରୁ ଜୀବନ ଯାଉଛି ତ ପୁଣି କେଉଁଠି ଜୀବନ ଗଲାପରେ ସ୍ମଶାନ ମିଳୁନି। କାଉଁଠି ମାଆ ଥାଉ ଥାଉ ପୁଅର ଚିତା ଜଳୁଛି ତ ପୁଣି କେଉଁଠି ବାପାର ଅନ୍ତି ସତ୍କାର ପୁଅ କରିପାରୁନି। ଏପ୍ରିଲରେ ଏମିତି ହେବ କିଏ ବା ଜାଣିଥିଲା ? ଲେଉଟାଣି କରୋନାରେ ଏତେ ମୃତ୍ୟୁ ହେବ କାହାକୁ ବା ଜଣାଥିଲା ? ଦେଶରେ ହୁ ହୁ ହୋଇ କରୋନା ମୃତ୍ୟୁସଂଖ୍ୟା ବଢ଼ିଚାଲିଛି। ମୃତ୍ୟୁର ଛାତିଥରା ଦୃଶ୍ୟ ଯାହା ଆପଣ ମାନେ ଆଗରୁ କେବେ ଦେଖିବି ନଥିବେ। ଯେଉଁଠି କରୋନା ପୂର୍ବରୁ ଗୋଟିଏ ଦୁଇଟି ଜୁଇ ଜଳୁଥିଲା ସେଠି ଆଜି ଶହ ଶହ ସଂଖ୍ୟା ଜଳୁଛି ଜୁଇ। ଦିଲ୍ଲୀରେ ମୃତ୍ୟୁ ପରେ ସ୍ମଶାନରେ ଲାଗୁଛି ଲମ୍ବା ଲାଇନ୍‌। ରାଜଧାନୀ ଦିଲ୍ଲୀରେ ସଂକ୍ରମଣ ସଂଖ୍ୟା ବଢ଼ିବା ସହ ମୃତ୍ୟୁସଂଖ୍ୟା ବି ବଢ଼ି ଚାଲିଛି।

ସେପଟେ କରୋନା ଚିକିତ୍ସା ପାଇଁ ହନ୍ତସନ୍ତ ହେଉଛନ୍ତି ରୋଗୀ। କରୋନାରେ ସ୍ୱାସ୍ଥ୍ୟ ବ୍ୟବସ୍ଥା ମଧ୍ୟ ଫେଲ ମାରୁଛି। କେଉଁଠି ରୋଗୀଙ୍କ ଚିକିତ୍ସା ପାଇଁ ବେଡ୍‌ ମିଳୁନିତ ପୁଣି କେଉଁଠି ଅକ୍ସିଜେନ୍‌ ଅଭାବରୁ ରୋଗୀଙ୍କ ମୃତ୍ୟୁ ହେଉଛି। କରୋନାର ଦ୍ୱିତୀୟ ଲହରରେ ଅଧିକାଂଶ ରୋଗୀ ଅକ୍ସିଜେନ୍‌ ଅଭାବରୁ ମରିଚାଲିଛନ୍ତି। ଆଜିର ଦିନରେ ଅକ୍ସିଜେନ ଅଭାବର ବିକଳ ଚିତ୍ର ସମସ୍ତଙ୍କୁ ଆତଙ୍କିତ କରିଛି। ଏବେ ଟଙ୍କା ଦେଇ ନିଶ୍ୱାସ କିଣିବାକୁ ପଡ଼ୁଛି। ଖାଲି ସେତିକି ନୁହେଁ ଡହଡହ ଖରାରେ ଘଣ୍ଟାଘଣ୍ଟା ଛିଡ଼ା ହେଲା ପରେ ମିଳୁଛି ଅକ୍ସିଜେନ।

ମଧ୍ୟପ୍ରଦେଶର ଇନ୍ଦୋରରେ ଥିବା ଚିରାୟୁ ମେଡିକାଲରେ ରୋଗୀଙ୍କୁ ମିଳିଲାନି ଅକ୍ସିଜେନ୍। ଦୁଇ ଝିଅ ଅଧିକ ଖର୍ଚ୍ଚ ଅଭିଯୋଗ କରିବା ପରେ ରୋଗୀଙ୍କୁ ଲଗାଯାଇଥିବା ଅକ୍ସିଜେନ ସିଲିଣ୍ଡର ହଟାଇ ନେଇଥିଲେ ହସ୍ପିଟାଲ କର୍ମଚାରୀ। ମେକଓ୍ୱେଲ କୋଭିଡ୍ ହସ୍ପିଟାଲରେ ୪୩ ଜଣ ରୋଗୀ ଭର୍ତ୍ତି ହୋଇଥିବା ବେଳେ ଅକ୍ସିଜେନ ଅଭାବରୁ ସ୍ଥିତି ଅତ୍ୟନ୍ତ ଦୁର୍ବିସହ ହୋଇଛି। ଲକ୍ଷ୍ନୌରେ ବି ସମାନ ସ୍ଥିତି। ଆମ୍ବୁଲାନ୍ସରେ ରୋଗୀଙ୍କୁ ମିଳୁନି ଅକ୍ସିଜେନ ସପୋର୍ଟ। ସେ ଅଟୋ ହେଉ କି ବାଇକ। କରୋନା ରୋଗୀ ଏବେ ସାଙ୍ଗରେ ଅକ୍ସିଜେନ ବାନ୍ଧି ନେଉଥିବାର ଦୃଶ୍ୟ ସମସ୍ତଙ୍କୁ ଚମକାଇ ଦେଇଛି।

ସେପଟେ କରୋନା କାଳରେ ସାମ୍ନାକୁ ଆସୁଛି ଦାରୁଣ ଦୃଶ୍ୟ। ମାହାମାରୀ ସହ ଦେଶ ଯୁଝୁଥିବା ବେଳେ ଆତଙ୍କରେ ମଣିଷପଣିଆ ଭୁଲି ଯାଉଛନ୍ତି ଲୋକ। ତେଲେଙ୍ଗାନାରୁ ଆସିଛି ଛାତିଥରାଇ ଦେବା ଭଳି ଚିତ୍ର। ତେଲେଙ୍ଗାନାର କାମାରେଡୀରେ ଜଣେ ମହିଳାଙ୍କର କରୋନାରେ ମୃତ୍ୟୁ ହେବା ପରେ କାନ୍ଧ ଦେଲେନି ପଡ଼ୋଶୀ। ଆମ୍ବୁଲାନ୍ସ ବି ମିଳିଲାନି। ସ୍ତ୍ରୀର ଶବକୁ କାନ୍ଧରେ ବୋହି ୩ କିଲୋମିଟର ଚାଲି ଚାଲି କବରସ୍ଥାନରେ ପହଞ୍ଚିଲେ ସ୍ୱାମୀ। ୭ ଜନ୍ମର ସାଥି ପାଇଁ ପ୍ରତିଶ୍ରୁତି ଦେଇଥିଲେ। ଆଉ ଚାଲିଗଲା ପରେ କ’ଣ କେହି କାନ୍ଧ ଦେଲେନି ବୋଲି ଏକା ଛାଡ଼ିଦେଇଥାନ୍ତେ।

ଆମ୍ବୁଲାନ୍ସ ଅଭାବ ଏବେ ଆଉ ଗୋଟିଏ ସମସ୍ୟା ହୋଇ ଉଭା ହୋଇଛି। ଏବେ ସହଜରେ ଆମ୍ବୁଲାନ୍ସ ମିଳୁନଥିବା ବେଳେ ଜଦି କେଉଁଠି ଆମ୍ବୁଲାନ୍ସ ମିଳୁଛି ତେବେ ଭଡ଼ା ହଜାର ହଜାର ଟଙ୍କାରେ ଲୁଟି ଚାଲିଛନ୍ତି। ମହାରାଷ୍ଟ୍ରରେ ମୃତଦେହ ନେବାକୁ ମିଳୁନି ଆମ୍ବୁଲାନ୍ସ। ଗୋଟିଏ ଆମ୍ବୁଲାନ୍ସରେ ୨୪ ଶବ ଭର୍ତ୍ତି କରାଯାଇ କବରସ୍ଥାନ ଓ ମଶାଣିକୁ ନିଆଯାଉଥିବାର ହୃହୟ ବିଦାରକ ଦୃଶ୍ୟ ଦେଖିବାକୁ ମିଳିଛି।

ଗାଜିଆବାଦର ହିଡନ ମୋକ୍ଷ ଶ୍ମଶାନରେ ଅନ୍ତ୍ୟେଷ୍ଟି ଅପେକ୍ଷାରେ ପଡ଼ିଥିଲା ଶବ। ହେଲେ ବିଳମ୍ବ ହେବାରୁ ଶବର ନାକ ଝୁଣିନେଲେ କୁକୁର। ଆଉ କେଉଁ ଏବେ ଶବ ପୋଡ଼ା ହେବା ପାଇଁ ଦେଶରେ ସ୍ମଶାନର ଅଭାବ ହେଲାଣି। କେହିଳ କେବେ ଭାବି ନଥିବା ଘଟଣା ଏବେ ସାମାନ୍ୟ ହୋଇଛି। ଦିଲ୍ଲୀ ସରକାର ରାଜଧାନୀର ବିଭିନ୍ନ ସ୍ଥାନରେ ଥିବା ପାର୍କରେ ଅନ୍ତିମ ସଂସ୍କାର ପାଇଁ କିଛି ପାର୍କକୁ ମଶାଣୀ ଭାବେ ବ୍ୟବହାର ପାଇଁ ବ୍ୟବସ୍ଥା କରିଛନ୍ତି । ଦିଲ୍ଲୀର ସରେଇ କଲେଖାନ ଅଂଚଳରେ ଗୋଟିଏ ପାର୍କରେ ୭୦ଟି ଇଲେକ୍ଟ୍ରି ଚୁଲା ନିର୍ମାଣ କରାଯାଉଛି । କେବେ ଦୂର ହେବ ଭୂତାଣୁ ଭୟ ? କେବେ କମିବ କରୋନା ପ୍ରକୋପ ? ସାରା ଦେଶବାସୀ ଏହି ଅପେକ୍ଷାରେ।

ଦିନ ୨ଟାରୁ ସକାଳ ୫ଟା ଯାଏ ସହରାଞ୍ଚଳରେ ବନ୍ଦ ରହିବ ବଜାର

ବ୍ରହ୍ମପୁର: ବଢ଼ୁଥିବା କୋଭିଡ୍ ସଂକ୍ରମଣକୁ ଦେଖି ଗଞ୍ଜାମ ବ୍ୟବସାୟୀ ସଂଘ ନେଇଥିବା ନିଷ୍ପତ୍ତିକୁ ଜିଲ୍ଲାପାଳ ସ୍ୱାଗତ କରିଛନ୍ତି । ଜିଲ୍ଲାର ବ୍ୟବସାୟୀ ସଂଘ ଓ ବୁଲା ବିକାଳି ସଂଘ ସହରାଞ୍ଚଳରେ ଦିନ ୨ଟାରୁ ସକାଳ ୫ଟା ଯାଏ ଦୋକାନ ବନ୍ଦ ରଖିବାକୁ ନିଷ୍ପତ୍ତି ନେଇଛନ୍ତି । ସଂଘର ଏଭଳି ନିଷ୍ପତ୍ତିକୁ ଟ୍ୱିଟ୍ କରି ପ୍ରଶଂସା କରିଛନ୍ତି ଗଞ୍ଜାମ ଜିଲ୍ଲାପାଳ ।

ଆଜିଠାରୁ ମେ ୯ ତାରିଖ ଯାଏ ଜିଲ୍ଲାର ସମସ୍ତ ସହରାଞ୍ଚଳରେ ଏହି ନିଷ୍ପତ୍ତି କାର୍ଯ୍ୟକାରୀ ହେବ । ଗଞ୍ଜାମ ଜିଲ୍ଲା ବ୍ୟବସାୟୀ ସଂଘର ଏଭଳି ପଦକ୍ଷେପକୁ ଜିଲ୍ଲାବାସୀ ସହଯୋଗ କରିବାକୁ ଜିଲ୍ଲାପାଳ ଆହ୍ୱାନ୍ ଦେଇଛନ୍ତି । ସମସ୍ତେ ଏକାଠି ମିଳିମିଶି କରୋନା ବିରୋଧରେ ଲଢ଼ିଲେ ଆମେ ଜିତି ପାରିବା ।

ଗଞ୍ଜାମ ଜିଲ୍ଲାରେ ଏବେ ଯାଏ କରୋନାରେ ୨୪ ହଜାର ୪୯ ଜଣ ଆକ୍ରାନ୍ତ ହୋଇଥିବା ବେଳେ ୨୫୮ ଜଣଙ୍କ ମୃତ୍ୟୁ ହୋଇଛି । କରୋନାକୁ ୨୨ ହଜାର ୫୫୧ ଜଣ ମାତ୍ ଦେଇ ସୁସ୍ଥ ହୋଇଛନ୍ତି । ଏବେ ଜିଲ୍ଲାରେ ୧୨୩୨ଟି ସକ୍ରିୟ ସଂକ୍ରମଣ ମାମଲା ରହିଛି ।

ଦେଶରେ ୨ ଲକ୍ଷ ଟପିଲା କରୋନା ମୃତ୍ୟୁ, ୨୪ ଘଣ୍ଟାରେ ୩ ଲକ୍ଷ ୬୦ ହଜାରରୁ ଅଧିକ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ମାମଲା ଥମିବାର ନାଁ ନେଉନି । ଲଗାତାର ସପ୍ତମ ଦିନରେ ଦେଶରେ ୩ ଲକ୍ଷରୁ ଅଧିକ ସଂକ୍ରମଣ ମାମଲା ଚିହ୍ନଟ ହୋଇଛି । ପ୍ରତିଦିନ କରୋନା ନୂଆ ନୂଆ ରେକର୍ଡ କରୁଛି । ସ୍ୱାସ୍ଥ୍ୟ ମନ୍ତ୍ରଣାଳୟର ତାଜା ତଥ୍ୟ ଅନୁସାରେ, ବିଗତ ୨୪ ଘଣ୍ଟାରେ ୩ ଲକ୍ଷ ୬୦ ହଜାର ୯୬୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି କରୋନାରେ ୩ ହଜାର ୨୯୩ ଜଣ ଆଖି ବୁଜିଛନ୍ତି । ୨୪ ଘଣ୍ଟାରେ କରୋନାକୁ ୨ ଲକ୍ଷ ୬୧ ହଜାର ୧୬୨ ଜଣ ମାତ୍ ଦେଇଛନ୍ତି । ସୋମବାର ଦେଶରେ ୩ ଲକ୍ଷ ୨୩ ହଜାର ୨୩ଟି ମାମଲା ଚିହ୍ନଟ ହୋଇଥିଲା ।

ଦେଶରେ କରୋନା ସ୍ଥିତି

ମୋଟ କରୋନା ଆକ୍ରାନ୍ତ- ୧ କୋଟି ୭୯ ଲକ୍ଷ ୯୭ ହଜାର ୨୬୭

ମୋଟ ସୁସ୍ଥ- ୧ କୋଟି ୪୮ ଲକ୍ଷ ୧୭ ହଜାର ୩୭୧

ସକ୍ରିୟ ସଂକ୍ରମଣ ମାମଲା- ୨୯ ଲକ୍ଷ ୭୮ ହଜାର ୭୦୯

ମୋଟ ମୃତ୍ୟୁସଂଖ୍ୟା- ୨ ଲକ୍ଷ ୧ ହଜାର ୧୮୭

ରାଜ୍ୟରେ କରୋନା ନେଲା ଆଉ ୧୦ ଜୀବନ, ମୃତ୍ୟୁସଂଖ୍ୟା ୨୦୧୭କୁ ବୃଦ୍ଧି

ଭୁବନେଶ୍ୱର: ରାଜ୍ୟରେ ବିଗତ ୨୪ ଘଣ୍ଟାରେ ୮ ହଜାରରୁ ଅଧିକ ସଂକ୍ରମିତ ଚିହ୍ନଟ ହୋଇଥିବା ବେଳେ କରୋନାରେ ୧୦ ଜଣଙ୍କ ମୃତ୍ୟୁ ହୋଇଛି । ବୌଦ୍ଧରୁ ଜଣେ, ଗଞ୍ଜାମରୁ ଜଣେ, ଖୋର୍ଦ୍ଧାରୁ ଜଣେ, ପୁରୀରୁ ୩ ଜଣ, ରାୟଗଡ଼ାରୁ ୩ ଜଣ, ସୁନ୍ଦରଗଡ଼ରୁ ଜଣେ କୋଭିଡ୍ ଆକ୍ରାନ୍ତଙ୍କ ମୃତ୍ୟୁକୁ ମିଶାଇ ରାଜ୍ୟରେ ମୋଟ ମୃତ୍ୟୁ ସଂଖ୍ୟା ୨ ହଜାର ୧୭କୁ ବୃଦ୍ଧି ପାଇଛି ।

ଗୋଟିଏ ମୃତ୍ୟୁ ମିଶାଇ ବୌଦ୍ଧ ଜିଲ୍ଲାରେ ମୃତ୍ୟୁସଂଖ୍ୟା ୧୩କୁ ବୃଦ୍ଧି ପାଇଛି । ସେହିଭଳି ଗଞ୍ଜାମ ଜିଲ୍ଲାରେ ଗୋଟିଏ କୋଭିଡ୍ ମୃତ୍ୟୁକୁ ମିଶାଇ ୨୫୮ରେ ପହଞ୍ଚିଛି । ଜିଲ୍ଲାରେ ଏବେ କରୋନାର ୧୨୩୨ଟି ସକ୍ରିୟ ସଂକ୍ରମଣ ମାମଲା ରହିଛି । ଖୋର୍ଦ୍ଧାରେ ଗୋଟିଏ କୋଭିଡ୍ ମୃତ୍ୟୁକୁ ମିଶାଇ ମୃତ୍ୟୁସଂଖ୍ୟା ୩୫୨କୁ ବୃଦ୍ଧି ପାଇଛି ।

ପୁରୀରେ ୩ କୋଭିଡ୍ ମୃତ୍ୟୁକୁ ମିଶାଇ ମୋଟ ମୃତ୍ୟୁସଂଖ୍ୟା ୧୨୩କୁ ବୃଦ୍ଧି ପାଇଥିବା ବେଳେ ଜିଲ୍ଲାରେ ଏବେ ୨୨୧୩ଟି ସକ୍ରିୟ ସଂକ୍ରମଣ ମାମଲା ରହିଛି । ରାୟଗଡ଼ାରେ ୩ଟି ମୃତ୍ୟୁ ମାମଲାକୁ ମିଶାଇ ଜିଲ୍ଲାରେ ମୋଟ ମୃତ୍ୟୁସଂଖ୍ୟା ୫୫ରେ ପହଞ୍ଚିଛି । ସେହଭଳି ସୁନ୍ଦରଗଡ଼ ଜିଲ୍ଲାରେ ଗୋଟଏ ମୃତ୍ୟୁକୁ ମିଶାଇ ଜିଲ୍ଲାରେ ମୋଟ ମୃତ୍ୟୁ ୧୮୬କୁ ବୃଦ୍ଧି ପାଇଛି । ଏବେ ଜିଲ୍ଲାରେ ୬ ହଜାର ୩୩୦ ଜଣ ସକ୍ରିୟ ସଂକ୍ରମିତ ରହିଛନ୍ତି ।

ଶିଳ୍ପ ସମୃଦ୍ଧ ରାଜ୍ୟ ଗଠନ ସହ ଓଡ଼ିଆ ଭାଷା, ଶିକ୍ଷା ଓ ସାହିତ୍ୟ କ୍ଷେତ୍ରରେ ବହୁମୂଲ୍ୟ ଅବଦାନ ପାଇଁ ଚିରସ୍ମରଣୀୟ ରହିବେ ମଧୁବାବୁ

ଭୁବନେଶ୍ୱର: ଓଡ଼ିଆ ଜାତିର ପ୍ରଣମ୍ୟ ପୁରୁଷ, ଚିରସ୍ମରଣୀୟ ବ୍ୟକ୍ତିତ୍ୱ ହେଉଛନ୍ତି ଉତ୍କଳ ଗୌରବ ମଧୁସୂଦନ ଦାସ । ଓଡ଼ିଆ ଜନମାନସରେ ସେ ମଧୁବାବୁ ଏବଂ ମଧୁବାରିଷ୍ଟର ଭାବେ ପରିଚିତ । କଟକ ଜିଲ୍ଲାର ସତ୍ୟଭାମାପୁର ଗାଁରେ ୧୮୪୮ ମସିହା ଏପ୍ରିଲ ୨୮ ତାରିଖରେ ସେ ଜନ୍ମଗ୍ରହଣ କରିଥିଲେ ।

Anniversary Of Utkal Gourab Madhusudan Das

ପିତା ଚୌଧୁରୀ ରଘୁନାଥ ଦାସ ଓ ମାତା ପାର୍ବତୀ ଦେବୀଙ୍କ କୋଳ ମଣ୍ଡନ କରିଥିଲେ ମଧୁବାବୁ । ଗାଁ ପାଠଶାଳାରୁ ଶିକ୍ଷାଲାଭ କରି ସେ କଟକ ହାଇସ୍କୁଲରେ ଶିକ୍ଷାଲାଭ କରିଥିଲେ । ୧୮୭୦ ମସିହାରେ କଲିକତା ଯାଇ ଓଡ଼ିଶାର ପ୍ରଥମ ଗ୍ରାଜୁଏଟ୍‌ ଭାବେ ବିଏ ପାସ୍‌ କରିଥିଲେ । ୧୮୭୩ ମସିହାରେ ଏମ.ଏ ଓ ପରେ ବି.ଏଲ ପାସ୍ କରି କଲିକତାରେ ପ୍ରଥମ ଓଡ଼ିଆ ଭାବେ ଓକିଲାତି କରିଥିଲେ ମଧୁବାବୁ । ତାଙ୍କ ମନ ଭିତରେ ଓଡ଼ିଆ ତଥା ଓଡ଼ିଶା ପାଇଁ ସ୍ୱତନ୍ତ୍ର ସ୍ଥାନ ଥିଲା । ୧୯୦୩ ମସିହାରେ ମଧୁବାବୁଙ୍କ ପ୍ରଚେଷ୍ଟାରେ ଆତ୍ମପ୍ରକାଶ କରିଥିଲା ଉତ୍କଳ ସମ୍ମିଳନୀ । ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନ ନିମନ୍ତେ ମଧୁବାବୁ ଲଣ୍ଡନ ଯାତ୍ରା କରି ଇଂରେଜ ସରକାରଙ୍କ ନିକଟରେ ନିଜର ବଳିଷ୍ଠ ଯୁକ୍ତି ରଖିଥିଲେ । କୁଟୀର ଶିଳ୍ପର ବିକାଶ, କୃଷି, ବାଣିଜ୍ୟ, ଶିକ୍ଷା ଓ ସଂସ୍କୃତି କ୍ଷେତ୍ରରେ ଏକ ନୂତନ ଜାଗରଣ ସୃଷ୍ଟି କରିବା ପାଇଁ ମଧୁବାବୁ ଥିଲେ ଉଦ୍ୟମରତ । ସେ ଦୁଇଥର ଉତ୍କଳ ସମ୍ମିଳନୀର ସଭାପତି ଓ ବିହାର ଓଡ଼ିଶା ବ୍ୟବସ୍ଥାପକ ସଭାର ସଦସ୍ୟ ଭାବେ ମନୋନୀତ ହୋଇଥିଲେ ।

୧୯୨୧ରେ ବିହାର ଓଡ଼ିଶା ସରକାରରେ ସ୍ୱାୟତ୍ତ ଶାସନ ମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିଥିଲେ ସେ । ଶିଳ୍ପର ଉନ୍ନତି ପାଇଁ ସେ ପ୍ରତିଷ୍ଠା କରିଥିଲେ ଉତ୍କଳ ଟ୍ୟାନେରୀ ଓ ଓଡ଼ିଶା ଆର୍ଟ ଓୟାର । ଲଣ୍ଡନରେ ଓଡ଼ିଶାର କାରିଗରୀ ଶିଳ୍ପ ଓ ଚମଡ଼ା ଶିଳ୍ପର ବିକାଶ ପାଇଁ ଏକ ପ୍ରଦର୍ଶନୀର ଆୟୋଜନ କରିଥିଲେ ସେ । ଓଡ଼ିଆଙ୍କ ପ୍ରାଣରେ ଜାତୀୟତା ଭାବର ଉଦ୍ରେକ କରିବା ପାଇଁ ସେ ବହୁ କବିତା ଓ ସାହିତ୍ୟ ସୃଷ୍ଟି କରିଥିଲେ । ଓକିଲାତି ସମୟରେ ନିଜ ବିଚକ୍ଷଣ ବୁଦ୍ଧିମତ୍ତାର ପରିଚୟ ଦେଇଥିଲେ ମଧୁବାବୁ ।

Anniversary Of Utkal Gourab Madhusudan Das

ପୁରୀ ଜଗନ୍ନାଥ ମନ୍ଦିର ମକଦ୍ଦମା, ରାମଚନ୍ଦ୍ର ଦେବଙ୍କ ପୋଷ୍ୟପୁତ୍ର ମକଦ୍ଦମା, କେନ୍ଦୁଝର ରାଜାଙ୍କ ମକଦ୍ଦମା ଲଢ଼ି ଜିତିବା ସହ ଓକିଲ ହୋଇ ମଧୁବାବୁ ଭାବେ ମଧ୍ୟ ସେ ବେଶ୍ ଖ୍ୟାତି ଅର୍ଜନ କରିଥିଲେ । ପ୍ରକୃତରେ ମଧୁବାବୁ ଥିଲେ ଓଡ଼ିଆ ଜାତିର ସ୍ୱାଭିମାନ ଓ ଓଡ଼ିଆ ଜାତିର ଗୌରବ ।