spot_img
Home Blog Page 5863

୬.୪ ତୀବ୍ରତାର ଭୂମିକମ୍ପରେ ଥରିଲା ଆସାମ

ଗୁଆହାଟି: ଆସାମର ଗୁଆହାଟି ସମେତ ପୂର୍ବ ଭାରତରେ ଭୂମିକମ୍ପ ଝଟକା ଅନୁଭୂତ ହୋଇଛି । ସକାଳ ୭ଟା ୫୫ ମିନିଟରେ ଅନୁଭୂତ ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୬.୪ ରହିଥିବା ଜଣାପଡ଼ିଛି । ଏହି ଭୂମିକମ୍ପର କେନ୍ଦ୍ରବିନ୍ଦୁ ଆସାମର ସୋନିତପୁର ବୋଲି ଜଣାପଡ଼ିଛି । ଭୂମିକମ୍ପ ଝଟକା କିଛି ସମୟ ଧରି ଅନୁଭୂତ ହୋଇଥିବା ବେଳେ ଲୋକ ଘର ଭିତରୁ ବାହାରକୁ ଚାଲି ଆସିଥିଲେ ।

ଭୂମିକମ୍ପର ପ୍ରଭାବ ଆସାମ ସମେତ ଉତ୍ତର ପଶ୍ଚିମବଙ୍ଗରେ ମଧ୍ୟ ଅନୁଭୂତ ହୋଇଛି । ଗୁଆହାଟିର କେତେକ ସ୍ଥାନରେ ଭୂମିକମ୍ପ ପରେ ବିଦ୍ୟୁତ୍ କଟି ଯାଇଛି । ସୂଚନା ଅନୁସାରେ ଭୂମିକମ୍ପ ଝଟକା ୨ଥର ଅନୁଭୂତ ହୋଇଛି । ପ୍ରଥମ ଝଟକା ୭ଟା ୫୫ରେ ହୋଇଥିବା ବେଳେ ଏହାର କିଛି ସମୟ ପରେ ଦ୍ୱିତୟ ଥର ଭୂମିକମ୍ପ ହୋଇଥିଲା ।

ଭୂମିକମ୍ପ ଝଟକାରେ ଆସାମରେ କ୍ଷୟକ୍ଷତି ହୋଇଛି । ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ହିମନ୍ତା ବିସ୍ୱା ସରମା ୨ଟି ଫଟୋ ସେୟାର୍ କରିଛନ୍ତି । ପ୍ରଥମେ ୬.୪ ତୀବ୍ରତାର ଭୂମିକମ୍ପ ପରେ ଆଉ ୨ଟି ଝଟକା ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୪.୩ ଓ ୪.୪ ରହିଛି । ପଶ୍ଚିମବଙ୍ଗରେ ମଧ୍ୟ ଭୂମିକମ୍ପ ଝଟକା ଅନୁଭୂତ ହୋଇଛି । ଦାର୍ଜିଲିଂରେ ଭୂମିକମ୍ପ ପରେ ଲୋକ ଘର ବାହାରକୁ ଚାଲି ଆସିଛନ୍ତି ।

ହସ୍ପିଟାଲ ପିଛା ଛାଡ଼ୁନି ଅଗ୍ନିକାଣ୍ଡ, ପୁଣି ନିଆଁ ଲାଗି ୪ ରୋଗୀଙ୍କ ମୃତ୍ୟୁ

ମୁମ୍ବାଇ: କରୋନା ସଂକଟ ମଧ୍ୟରେ ମହାରାଷ୍ଟ୍ରର ହସ୍ପିଟାଲରେ ଅଗ୍ନିକାଣ୍ଡ ଘଟଣା ବଢ଼ ବଢ଼ି ଚାଲିଛି । ଥାନେର ପ୍ରାଇମ୍ କ୍ରିଟିକେୟାର୍ ହସ୍ପିଟାଲରେ ବୁଧବାର ବିଳମ୍ବିତ ରାତିରେ ନିଆଁ ଲାଗିଥିଲା । ଅଗ୍ନିକାଣ୍ଡ ପରେ ହସ୍ପିଟାଲରୁ ରୋଗୀଙ୍କୁ ଅନ୍ୟ ମେଡିକାଲ ସ୍ଥାନାନ୍ତର କରାଯାଇଛି । ଅଗ୍ନିକାଣ୍ଡ ପରେ ଧୂଆଁରେ ଅଣନିଶ୍ୱାସୀ ହୋଇ ୪ ଜଣ ରୋଗୀଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।

ଥାନେ ମହାନଗର ନିଗମର ଅଧିକାରୀଙ୍କ ଅନୁସାରେ, ଭୋର୍ ପ୍ରାୟ ୩ଟା ୪୦ ସମୟରେ ଥାନେର ମୁମ୍ବ୍ରାସ୍ଥିତ ପ୍ରାଇମ୍ କ୍ରିଟିକେୟାର୍ ହସ୍ପିଟାଲରେ ନିଆଁ ଲାଗିଥିଲା । ୨ଟି ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ ପାଇଁ ଉଦ୍ୟମ କରିଥିଲେ । ରୋଗୀଙ୍କୁ ଅନ୍ୟ ହସ୍ପିଟାଲକୁ ସ୍ଥାନାନ୍ତରିତ କରିବା ବେଳେ ୪ ଜଣଙ୍କ ମୃତ୍ୟୁ ହୋଇଛି ।

Maharashtra Thane Mumbra Prime Criticare Hospital Fire 4 Patients Died

ଏହା ପୂର୍ବରୁ ମୁମ୍ବାଇ ନିକଟସ୍ଥ ବିରାର ଅଞ୍ଚଳର ବିଜୟ ବଲ୍ଲଭ କୋଭିଡ୍ ହସ୍ପିଟାଲରେ ନିଆଁ ଲାଗି ୧୪ ଜଣଙ୍କ ମୃତ୍ୟୁ ହୋଇଥିଲା । ହସ୍ପିଟାଲର ଆଇସିୟୁରେ ୧୭ କରୋନା ଆକ୍ରାନ୍ତ ଥିଲେ । ଯେଉଁଥିରୁ ୧୪ ଜଣ ପ୍ରାଣ ହରାଇଥିଲେ । ଅଗ୍ନିକାଣ୍ଡ ବେଳେ ହସ୍ପିଟାଲରେ ୯୦ ଜଣ ରୋଗୀ ଥିବାବେଳେ ତିନୋଟି ଆଇସିୟୁର ରୋଗୀଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଇଥିଲା ।

ରାଜ୍ୟରେ ୮ ହଜାର ଡେଇଁଲା ଦୈନିକ କରୋନା ସଂକ୍ରମଣ, ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର: ହୁ ହୁ ହୋଇ ବଢ଼ି ଚାଲିଛି କରୋନା ମାମଲା । ଗତ ୬ ଦିନ ଧରି ରାଜ୍ୟରେ ୬ ହଜାରରୁ ଅଧିକ ସଂକ୍ରମିତ ଚିହ୍ନଟ ହେଉଥିବା ବେଳେ ଗତ ୨୪ ଘଣ୍ଟାରେ ସଂକ୍ରମଣ ସବୁ ରେକର୍ଡ ଭାଙ୍ଗିଛି । ଗତ ୨୪ ଘଣ୍ଟାରେ ରାଜ୍ୟରୁ ୮ ହଜାର ୩୮୬ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୪ ହଜାର ୭୮୧ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୩ ହଜାର ୬୦୫ଟି ମାମଲା ହେଉଛି ସ୍ଥାନୀୟ ସଂକ୍ରମଣ । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୮୪୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ଅନୁଗୁଳରୁ ୩୪୭ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୨୦୨ ଜଣ, ବରଗଡ଼ର ୨୫୭ ଜଣ, ଭଦ୍ରକରୁ ୬୭ ଜଣ, ବଲାଙ୍ଗିରରୁ ୩୫୮ ଜଣ, ବୌଦ୍ଧରୁ ୮୩ ଜଣ, କଟକରୁ ୪୯୬ ଜଣ, ଦେବଗଡ଼ରୁ ୬୧ ଜଣ, ଢେଙ୍କାନାଳରୁ ୨୧ ଜଣ, ଗଜପତିରୁ ୯୬ ଜଣ, ଗଞ୍ଜାମରୁ ୨୦୯ ଜଣ, ଜଗତସିଂହପୁରରୁ ୧୨୯, ଯାଜପୁରରୁ ୨୭୦ ଜଣ, ଝାରସୁଗୁଡ଼ାରୁ ୪୩୩ ଜଣ, କଳାହାଣ୍ଡିରୁ ୧୨୬ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି କନ୍ଧମାଳରୁ ୫୩ ଜଣ, କେନ୍ଦ୍ରାପଡ଼ାରୁ ୪୯ ଜଣ, କେନ୍ଦୁଝରରୁ ୧୭୫ ଜଣ, କୋରାପୁଟରୁ ୬୯ ଜଣ, ମାଲକାନଗିରିରୁ ୨୪ ଜଣ, ମୟୂରଭଞ୍ଜରୁ ୨୮୯ ଜଣ, ନବରଙ୍ଗପୁରରୁ ୩୮୮ ଜଣ, ନୟାଗଡ଼ରୁ ୧୨୨ ଜଣ, ନୂଆପଡ଼ାରୁ ୨୩୩ ଜଣ, ପୁରୀରୁ ୨୫୯ ଜଣ, ରାୟଗଡ଼ାରୁ ୭୫ ଜଣ, ସମ୍ବଲପୁରରୁ ୩୦୭ ଜଣ, ସୋନପୁରରୁ ୬୭ ଜଣ, ସୁନ୍ଦରଗଡ଼ରୁ ୯୩୩ ଜଣ ଏବଂ ଷ୍ଟେଟ ପୁଲରୁ ୩୪୮ ଜଣ ଚିହ୍ନଟ ହୋଇଛନ୍ତି ।

ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇ ୪ ଲକ୍ଷ ୨୮ ହଜାର ୫୧୫ରେ ପହଞ୍ଚିଛି । ଏବେ ରାଜ୍ୟରେ ୫୫ ହଜାର ୨୪୫ଟି ସକ୍ରିୟ ସଂକ୍ରମଣ ମାମଲା ରହିଥିବା ବେଳେ ୩ ଲକ୍ଷ ୭୧ ହଜାର ୨୦୦ ଜଣ କରୋନାକୁ ମାତ୍ ଦେଇଛନ୍ତି ।

ଟିକା ନେବା ପାଇଁ ଆଜିଠୁ ପଞ୍ଜିକରଣ କରିପାରିବେ ୧୮ ବର୍ଷରୁ ଊର୍ଦ୍ଧ୍ୱ ବୟସ୍କ

ଭୁବନେଶ୍ୱର: ମେ’ ୧ ତାରିଖରୁ ଟିକା ନେବେ ୧୮ ବର୍ଷରୁ ଊର୍ଦ୍ଧ୍ୱ ବୟସ୍କ । ଏ ନେଇ ଆଜିଠୁ ଆରମ୍ଭ ହେବ ପଞ୍ଜିକରଣ । କିନ୍ତୁ ସ୍ଲଟ୍‌ କାହାକୁ ଦିଆଯିବ ନାହିଁ । କାରଣ ରାଜ୍ୟର ୩୦ ଜିଲ୍ଲାରେ କୋଭିସିଲ୍ଡ ଟିକା ନାହିଁ । ପର୍ଯ୍ୟାପ୍ତ କୋଭାକ୍ସିନ ଥିବାରୁ କେବଳ ଭୁବନେଶ୍ବର ମହାନଗର ନିଗମ ଅଞ୍ଚଳରେ ହିଁ ମେ’ ପହିଲାରୁ ତୃତୀୟ ପର୍ଯ୍ୟାୟ ଟିକାକରଣ ହୋଇପାରିବ । ଅଧିକ ଟିକା ଦେବା ପାଇଁ କେନ୍ଦ୍ରକୁ ଚିଠି ଲେଖିଛନ୍ତି ସରକାର । ତେବେ ଟିକା ଅଭାବ କାରଣରୁ ଧିରେ ଧିରେ ବନ୍ଦ ହେଉଛି ଟିକାକରଣ କେନ୍ଦ୍ର ।

COVID-19: Vaccination registration for all adults starts today

ମୁଖ୍ୟତଃ କୋଭିସିଲ୍ଡ ଟିକା ଅଭାବରୁ ଲୋକ ଟିକା କେନ୍ଦ୍ରରୁ ଫେରୁଛନ୍ତି । ଗୋଟିଏ କି ୨ଟି ସ୍ଥାନ ନୁହେଁ, ବିଭିନ୍ନ ସ୍ଥାନରେ କୋଭିସିଲ୍ଡ ଟିକା ଅଭାବରୁ ଟିକାକରଣ ବାଧାପ୍ରାପ୍ତ ହୋଇଛି । ଯେଉଁ ୧ ଲକ୍ଷ ୨୩ ହଜାର ଟିକା ଅଛି, ତାହା ଆଜି ହିଁ ସରିଯିବାର ସମ୍ଭାବନା ରହିଛି । ତୁରନ୍ତ ଟିକା ନ ଆସିଲେ, ସାରା ରାଜ୍ୟରେ ଟିକାକରଣ ବନ୍ଦ ହୋଇପାରେ । ସେପଟେ ଟିକା ଅଭାବ ଯୋଗୁ ମେ’ ପହିଲାରୁ ଆରମ୍ଭ ହେବାକୁ ଥିବା ୧୮ରୁ ୪୪ ବର୍ଷ ବୟସ୍କଙ୍କ ଟିକାକରଣ ନେଇ ସନ୍ଦେହ ଦେଖାଦେଇଛି ।

ସାମାନ୍ୟ କାଶ ଓ ଛିଙ୍କ ହେଲେ ଭୁବନେଶ୍ବର ନଆସିବାକୁ ପରାମର୍ଶ ଦେଇଛନ୍ତି ଜନସ୍ବାସ୍ଥ୍ୟ ନିର୍ଦ୍ଦେଶକ

ଭୁବନେଶ୍ୱର: କରୋନା ମୁକାବିଲା ପାଇଁ ସବୁ ଜିଲ୍ଲାରେ କୋଭିଡ ହସ୍ପିଟାଲର ପର୍ଯ୍ୟାପ୍ତ ବ୍ୟବସ୍ଥା ହୋଇଛି। ତଥାପି ସଂକ୍ରମଣର ସ୍ପିଡ ଦେଖି ଆଶଙ୍କାରେ ଲୋକେ। ଅଧିକ ସଂଖ୍ୟକ ଶଯ୍ୟା ସହ ଆନୁଷଙ୍ଗିକ ବ୍ୟବସ୍ଥା କରିବାକୁ ଦାବି ହେଉଛି। ଡରଉଛି ଦିଲ୍ଲୀ ଓ ମହାରାଷ୍ଟ୍ରର ସ୍ଥିତି। ସାମାନ୍ୟ କାଶ ଓ ଛିଙ୍କ ହେଲେ ହସ୍ପିଟାଲରେ ଭର୍ତ୍ତି ହୋଇ ଅଯଥାରେ କୃତ୍ରିମ ସମସ୍ୟା ସୃଷ୍ଟି କରୁଥିବା ଦେଖିବାକୁ ମିଳିଛି। ଜିଲ୍ଲାସ୍ତରରେ କୋଭିଡ ହସ୍ପିଟାଲ ଓ କୋଭିଡ କେୟାର ସେଣ୍ଟର ଥିବା ସତ୍ତ୍ବେ ଭୁବନେଶ୍ବରକୁ ଆସିବାକୁ ପ୍ରାଥମିକତା ଦେଉଛନ୍ତି ରୋଗୀ। ଏପରିକି ରାଜ୍ୟ ବାହାରୁ ମଧ୍ୟ ରୋଗୀ ଆସୁଥିବାରୁ ଚିନ୍ତା ବଢୁଛି।

ରାଜ୍ୟରେ ପର୍ଯ୍ୟାପ୍ତ ପରିମାଣର କେବଳ ଅକ୍ସିଜେନ୍ ମହଜୁଦ ଅଛି ଏହା ନୁହଁ ବରଂ ଭିତ୍ତିଭୂମି ମଧ୍ୟ ରହିଛି। ଆବଶ୍ୟକ ସ୍ଥଳେ ଏହାକୁ ବୃଦ୍ଧି କରିବାକୁ ପ୍ରସ୍ତୁତ ଅଛନ୍ତି ରାଜ୍ୟ ସରକାର। ରାଜ୍ୟରେ ବିଭିନ୍ନ ହସ୍ପିଟାଲରେ ମୋଟ ୮,୮୯୪ ଶଯ୍ୟାର ଶତକଡା ୩୩ ଭାଗ ଅର୍ଥାତ୍ ୨,୯୪୨ଟି ବେଡ୍ ବ୍ୟବହାର ହୋଇଛି। ୨,୧୭୦ଟି ଆଇସିୟୁ ମଧ୍ୟରୁ ୧,୦୬୦ ବ୍ୟବହାର ହୋଇଥିବା ବେଳେ ୮୫୮ଟି ଭେଣ୍ଟିଲେଟର ମଧ୍ୟରୁ ମାତ୍ର ୨୨୩ଟି ବ୍ୟବହୃତ ହୋଇଛି। ଅର୍ଥାତ୍ ବର୍ତ୍ତମାନ ସ୍ଥିତିରେ ଯଥେଷ୍ଟ ପରିମାଣର ଭିତ୍ତିଭୂମି ରହିଛି।

ସେହିଭଳି ଭୁବନେଶ୍ବରରେ ୬ଟି ହସ୍ପିଟାଲ ଓ ୪ଟି କୋଭିଡ କେୟାର ସେଣ୍ଟରରେ ମୋଟ ୨,୦୨୮ ଜେନେରାଲ ବେଡ ମଧ୍ୟରୁ କେବଳ ୭୯୬ଟି ବେଡରେ ରୋଗୀ ଥିବା ବେଳେ ୩୯୪ ଆଇସିୟୁ ମଧ୍ୟରୁ ୨୮୬ଟି ବ୍ୟବହୃତ ହୋଇଛି। ୪୨୩ ଏଚଡିୟୁରୁ ୨୩୮ଟି ଓ ୨୮୨ଟି ଭେଣ୍ଟିଲେଟର ମଧ୍ୟରୁ ମାତ୍ର ୮୬ଟି ବ୍ୟବହୃତ ହୋଇଛି। ଅର୍ଥାତ୍ ବର୍ତ୍ତମାନ ମଧ୍ୟ ଯଥେଷ୍ଟ ସଂଖ୍ୟକ ଭିତ୍ତିଭୂମି ରହିଥିବା ସ୍ପଷ୍ଟ ହୋଇଛି। ସେପଟେ ଗୁରୁତର ନଥିଲେ କୌଣସି ରୋଗୀ ଅଯଥାରେ ଭୁବନେଶ୍ବର ନଆସିବାକୁ ପରାମର୍ଶ ଦେଇଛନ୍ତି ଜନସ୍ବାସ୍ଥ୍ୟ ନିର୍ଦ୍ଦେଶକ।

ଆଜିର ଦିନରେ କେବଳ ରାଜ୍ୟରେ କାହିଁକି ଦେଶରେ ସଂକ୍ରମଣ ହାର ହ୍ରାସ ପାଇଥିବା ପରିଲକ୍ଷିତ ହୋଇଛି। ଏଣୁ ଆତଙ୍କିତ ହେବା ପରିବର୍ତ୍ତେ ସଜାଗ ଓ ସଚେତନ ହେବା ଜରୁରୀ।

ମନୋଜ ଦାସଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ

ଭୁବନେଶ୍ୱର: ଯଶସ୍ବୀ ସାରସ୍ବତ ସାଧକ ମନୋଜ ଦାସଙ୍କ ବିୟୋଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି। କିମ୍ବଦନ୍ତୀ ସାହିତ୍ୟିକ ମନୋଜ ଦାସଙ୍କ ଦେହାନ୍ତ ବିଷୟରେ ଜାଣି ଅତ୍ୟନ୍ତ ମୁଁ ଅତ୍ୟନ୍ତ ଦୁଃଖିତ ଟୁଇଟ କରି ଜଣାଇଛନ୍ତି ମୁଖ୍ୟମନ୍ତ୍ରୀ। ସ୍ବର୍ଗତ ମନୋଜ ଦାସଙ୍କ ଅମଳିନ ପ୍ରତିଭା ସାହିତ୍ୟ ଓ ଦର୍ଶନ ଜଗତ ପାଇଁ ସବୁବେଳେ ଏକ ଆଲୋକ ସ୍ତମ୍ଭ ହେଇ ରହିଥିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ତାଙ୍କ ବିୟୋଗରେ ଉତ୍କଳ ଜନନୀ ତାର ଅନ୍ୟତମ ସୁଯୋଗ୍ୟ ସନ୍ତାନକୁ ହରାଇଛି ବୋଲି ମୁଖ୍ୟମନ୍ତ୍ରୀ କହିଛନ୍ତି।

ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇ ମୁଖ୍ୟମନ୍ତ୍ରୀ ଅମର ଆତ୍ମାର ସଦ୍‌ଗତି କାମନା କରିଛନ୍ତି। ସେପଟେ ରାଷ୍ଟ୍ରୀୟ ସମ୍ମାନ ସହ  ସ୍ବର୍ଗତ ମନୋଜ ଦାସଙ୍କ ଶେଷକୃତ୍ୟ କରିବା ପାଇଁ  ଓଡ଼ିଶା ସରକାରଙ୍କ ପକ୍ଷରୁ ପଣ୍ଡିଚେରୀ ସରକାରଙ୍କୁ ଅନୁରୋଧ କରାଯାଇଛି। ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ରାଜ୍ୟ ସରକାରଙ୍କ ପକ୍ଷରୁ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ସ୍ବର୍ଗତ ଦାସଙ୍କ ଶେଷକୃତ୍ୟରେ ଯୋଗ ଦେବେ।

ଜଜଙ୍କ ଲାଗି ପଞ୍ଚତାରକା ହୋଟେଲରେ ବେଡ୍ ମାଗିନୁ: ଦିଲ୍ଲୀ ହାଇକୋର୍ଟ

ନୂଆଦିଲ୍ଲୀ: ହାଇକୋର୍ଟର ବିଚାରପତିଙ୍କ ପାଇଁ ଅଶୋକ ହୋଟେଲରେ ରୁମ୍ ବୁକିଂ କରିବା ନେଇ ସରକାରଙ୍କ ଉପରେ ବର୍ଷିଛନ୍ତି ଦିଲ୍ଲୀ ହାଇକୋର୍ଟ । ଦିଲ୍ଲୀ ହାଇକୋର୍ଟ କହିଛନ୍ତି ଯେ ବିଚାରପତିଙ୍କ ପାଇଁ ପଞ୍ଚ ତାରକା ହୋଟେଲରେ ୧୦୦ ବେଡର ସୁବିଧା  କେବେ ମଗାଯାଇନଥିଲା ।

ଆମେ ଗଣମାଧ୍ୟମ ଜରିଆରେ ଏସମ୍ପର୍କରେ ଖବର ପାଇଲୁ ବୋଲି ହାଇକୋର୍ଟ କହିଛନ୍ତି । ଯେଉଁ ଜାଗାରେ ଲୋକଙ୍କୁ ବେଡ୍ ମିଳିପାରୁନି ସେଭଳି ସ୍ଥିତିରେ ଆମେ ଏଭଳି ଦାବି କେବେ କରିପାରିବୁ କି? ଆପଣ ନିଜେ ଭାବନ୍ତୁ । ଗଣମାଧ୍ୟମ ଭୁଲ୍ ହୋଇପାରିବ ନାହିଁ, ସରକାରଙ୍କ ନିର୍ଦ୍ଦେଶ ଭୁଲ୍ । କରୋନା ସଙ୍କଟ ବେଳେ ଆପଣ କୌଣସି ଗୋଟିଏ ବର୍ଗକୁ କିଭଳି ସୁବିଧା ଯୋଗାଇ ପାରିବେ । ଏନେଇ ଦିଲ୍ଲୀ ସରକାରଙ୍କୁ ନୋଟିସ୍ କରାଯାଇଥିବା ବେଳେ ଜବାବ ଦାଖଲ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ।

ହେଲେ ଏହା ପଛରେ କୗେଣସି ମନ୍ଦ ଉଦ୍ଦେଶ୍ୟ ନାହିଁ ବୋଲି ସରକାର କହିଛନ୍ତି । ତେବେ ଏହି ନିର୍ଦ୍ଦେଶ ତୁରନ୍ତ ପ୍ରତ୍ୟାହାର କରିନେବା ଭଲ ହେବ ବାେଲି ହାଇକୋର୍ଟ କହିଛନ୍ତି। ଯାହା ପରେ ଏହି ନିର୍ଦ୍ଦେଶ ତୁରନ୍ତ ପ୍ରତ୍ୟାହାର କରିବୁ ବୋଲି ସରକାର କହିଥିବା ବେଳେ ଗୁରୁବାର ଦିନ ଏହି ମାମଲାର ଶୁଣାଣି ହେବ।

ଅମ୍ଳଜାନ ଅଭାବରୁ ପ୍ରାଣ ହରାଇଥିବା ରୋଗୀଙ୍କ ତଥ୍ୟ ହାଇକୋର୍ଟ ଦିଲ୍ଲୀ ସରକାରଙ୍କୁ ମାଗିଛନ୍ତି । ସରକାର ରୋଗୀଙ୍କ ନାମ, ୱାର୍ଡ/କୋଠରୀ, ସମୟ ଏବଂ ମୃତ୍ୟୁର କାରଣ ଆଦିକୁ ଚାରି ଦିନ ମଧ୍ୟରେ ଏକ ଆଫିଡେଭିଟରେ ଦେବାକୁ କହିଛନ୍ତି । ସେମାନଙ୍କୁ କ୍ଷତିପୂରଣ ଦେବାକୁ ପଡ଼ିବ ବୋଲି ହାଇକୋର୍ଟ କହିଛନ୍ତି।

ସମସ୍ତ ଫାର୍ମାସିରୁ ରେମିଡିସିଭିର, ଡେକ୍ସାମେଥାସୋନ ଏବଂ ଫେବିଫ୍ଲୁ ଯୋଗାଣର ରେକର୍ଡ ନେବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ଏବଂ ଯେପରି କୗେଣସି କଳାବଜାରୀ ନହୁଏ ସେନେଇ ଅଡିଟ୍ କରିବାକୁ କହିଛନ୍ତି।

ପରଲୋକରେ ବିଶିଷ୍ଟ ସାହିତ୍ୟିକ ମନୋଜ ଦାସ

ଭୁବନେଶ୍ୱର: ବିଶିଷ୍ଟ ସାହିତ୍ୟିକ ତଥା ଔପନ୍ୟାସିକ ମନୋଜ ଦାସ ମଙ୍ଗଳବାର ଦିନ ଶେଷ ନିଶ୍ୱାସ ତ୍ୟାଗ କିଛନ୍ତି । ସେ ଏକାଧାରରେ ଥିଲେ ଜଣେ ସାହିତ୍ୟକ, କଥାକାର, ଗାଳ୍ପିକ ଓ ଔପନ୍ୟାସିକ । ମୃତ୍ୟୁ ବେଳକୁ ତାଙ୍କୁ ୮୭ ବର୍ଷ ବୟସ ହୋଇଥିଲା । ସେ ୧୯୬୩ ମସିହାରୁ ପଣ୍ଡିଚେରୀର ଶ୍ରୀ ଅରବିନ୍ଦ ଆଶ୍ରମଠାରେ ଅବସ୍ଥାନ କରୁଥିଲେ ।

୧୯୩୪ ମସିହା ଫେବୃଆରୀ ୨୭ ତାରିଖରେ ବାଲେଶ୍ୱର ଜିଲ୍ଲା ଶଙ୍ଖାରି ଗାଁରେ ସେ ଜନ୍ମ ଗ୍ରହଣ କରିଥିଲେ । ବାପା ମାଆଙ୍କର ପଞ୍ଚମ ସନ୍ତାନ ହେଉଛନ୍ତି ମନୋଜ ଦାସ । ଯାହାଙ୍କର ଡାକ ନାମ ଥିଲା ମଣ୍ଟୁ। ମନୋଜ ଦାସଙ୍କ ପରିଚୟ ସେ ନିଜେ କେବଳ ମନୋଜ ଦାସ । ଏକ ଧାଡ଼ିରେ କହିଲେ ସର୍ଜନାର ମହାକାଶ ମନୋଜ ଦାସ ସରସ୍ଵତୀ ସମ୍ମାନ ଠୁ ଆରମ୍ଭ କରି ପଦ୍ମଶ୍ରୀ ଓ ପଦ୍ମଭୂଷଣ ଭଳି ଅନେକ ସମ୍ମାନ ପାଇଛନ୍ତି କହିଲେ ଭୁଲ ହେବ ନାହିଁ ।

ଓଡ଼ିଶା ସାହିତ୍ୟ ଏକାଡ଼େମୀର ସର୍ବୋଚ୍ଚ ଅତିବଡ଼ି ଜଗନ୍ନାଥ ଦାସ ସମ୍ମାନ, ସରସ୍ୱତୀ ସମ୍ମାନ ମଧ୍ୟ ଅର୍ଜନ କରିଛନ୍ତି ମନୋଜ ଦାସ। ମାତା କାଦମ୍ବିନୀ ଦେବୀଙ୍କ ପ୍ରଭାବରେ ବାଲ୍ୟକାଳରୁ ମନୋଜ ଦାସଙ୍କ ରାମାୟଣ ଓ ମହାଭାରତ ପ୍ରତି ଶ୍ରଦ୍ଧା ଜାତ ହୋଇଥିଲା । ବାଲେଶ୍ୱର ଜିଲ୍ଲା ସ୍କୁଲରେ ପଢିବା ସମୟରେ ତାଙ୍କ ବ୍ୟକ୍ତିତ୍ୱର ବିଭିନ୍ନ ଦିଗ ବିକଶିତ ହୋଇଥିଲା ।

ବାଲେଶ୍ୱରରେ ଅଧ୍ୟୟନ କରୁଥିବା ସମୟରେ ତାଙ୍କର ପ୍ରଥମ ଗ୍ରନ୍ଥ ସଂକଳନ ‘ସମୁଦ୍ରର କ୍ଷୁଧା’ ପ୍ରକାଶ ପାଇଥିଲା । ସେହି ସମୟରେ ‘ଦିଗନ୍ତ’ ପତ୍ରିକା ସମ୍ପାଦନା ଆରମ୍ଭ କରିଥିଲେ । ପରେ ସେ ବାମପନ୍ଥୀ ଆନ୍ଦୋଳନ ସହିତ ଯୋଗ ଦେଇଥିଲେ । ୧୯୫୨ ମସିହାରେ ଫକୀର ମୋହନ ମହାବିଦ୍ୟାଳୟରେ ପ୍ରଥମ ବର୍ଷର ଛାତ୍ର ସମୟରେ ସେ ଛାତ୍ର ୟୁନିୟନର ସଭାପତି ଏବଂ ରାଜ୍ୟ ଛାତ୍ର ଫେଡେରେସନର ଉପସଭାପତି ଭାବେ ନିର୍ବାଚିତ ହୋଇଥିଲେ । ୧୯୫୫ ମସିହାରେ ପୁରୀ ସାମନ୍ତ ଚନ୍ଦ୍ରଶେଖର ମହାବିଦ୍ୟାଳୟରୁ ସ୍ନାତକ ଡିଗ୍ରୀ ହାସଲ କରି କଟକରେ ଆଇନ ଅଧ୍ୟୟନ କଲେ ।

୧୯୫୬ ମସିହାରେ ଉତ୍କଳ ବିଶ୍ୱବିଦ୍ୟାଳୟ ଆଇନ କଲେଜର ଛାତ୍ର ସଂଘର ସଭପତି ରୂପେ ଇଣ୍ଡୋନେସିଆରେ ଆୟୋଜିତ ଛାତ୍ର ସମ୍ମିଳନୀରେ ଯୋଗ ଦେଇଥିଲେ । ରେଭେନ୍ସା ମହାବିଦ୍ୟାଳୟରୁ ଇଂରାଜୀ ସ୍ନାତକୋତ୍ତର ଅଧ୍ୟୟନ ପରେ ୧୯୫୯ ମସିହାରେ ଖ୍ରୀଷ୍ଟ ମହବିଦ୍ୟାଳୟରେ ଅଧ୍ୟାପନା ଆରମ୍ଭ କରିଥିଲେ। ସେହି ବର୍ଷ ହିଁ ସେ କୁଜଙ୍ଗ ରାଜପରିବାରର କନ୍ୟା ପ୍ରତିଜ୍ଞା ଦେବୀଙ୍କ ସହ ବିବାହ କରିଥିଲେ । ପରେ ୧୯୬୩ ମସିହାରେ ମନୋଜ ଦାସ ପଣ୍ଡିଚେରୀ ଶ୍ରୀ ଅରବିନ୍ଦ ଆଶ୍ରମରେ ଇଂରାଜୀ ସାହିତ୍ୟର ଅଧ୍ୟାପକ ଏବଂ ପ୍ରତିଜ୍ଞା ଦେବୀ ମନସ୍ତତ୍ୱ ବିଭାଗରେ ଅଧ୍ୟାପିକା ଭାବେ ଯୋଗ ଦେଲେ । ୧୯୬୫ ମସିହାରେ ତାଙ୍କର ଗଳ୍ପ ‘ଶେଷ ବସନ୍ତର ଚିଠି’ ପାଇଁ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାରରେ ପାଇଥିଲେ ମନୋଜ ।

କୋଭିଡ ସ୍ଥିତି ସମୀକ୍ଷା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ୱର: ରାଜ୍ୟରେ କୋଭିଡ୍ ସ୍ଥିତିର ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଦୃଢ଼ ମୁକାବିଲା ପାଇଁ ଯୋଜନାବଦ୍ଧ ଭାବେ କାମ କରିବାକୁ ଜିଲ୍ଲାପାଳ ଏବଂ ଏସପିଙ୍କୁ ନିର୍ଦ୍ଦେଶ। ମୁଖ୍ୟ ଶାସନ ସଚିବ ଏସବୁ କାର୍ଯ୍ୟର ତଦାରଖ କରି ପରବର୍ତ୍ତୀ ବୈଠକରେ ଜଣାଇବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ବର୍ତ୍ତମାନ ସ୍ଥିତିରେ କିଛି ବ୍ୟବସାୟୀ ସଙ୍ଗଠନ ବାଣିଜ୍ୟ ସମୟସୀମା ହ୍ରାସ କରି କୋଭିଡ ପରିଚାଳନାରେ ସହଯୋଗ କରୁଥିବାରୁ ମୁଖ୍ୟମନ୍ତ୍ରୀ ଖୁସି ପ୍ରକାଶ କରିଛନ୍ତି। ଏହିଭଳି ସଂଗଠନଗୁଡ଼ିକୁ କୋଭିଡ ପରିଚାଳନାରେ ଅଂଶୀଦାର କରିବାକୁ ଜିଲ୍ଲାପାଳମାନଙ୍କୁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି। ଲୋକଙ୍କ ଜୀବନ ରକ୍ଷା ପାଇଁ ପର୍ଯ୍ୟାପ୍ତ ଔଷଧ, ଅମ୍ଳଜାନ ଠିକ ସମୟରେ ଯୋଗାଇଦେବା ସହ ଏହାର ସୁବନ୍ଦୋବସ୍ତ କରିବା ଉପରେ ମୁଖ୍ୟମନ୍ତ୍ରୀ ଗୁରୁତ୍ୱ ଦେଇଛନ୍ତି। କରୋନାର ଦ୍ଵିତୀୟ ଲହରୀକୁ ପ୍ରତିହତ କରିବାକୁ କୋଭିଡ ନିୟମର କଡ଼ା ଅନୁପାଳନ ସହ ସଂକ୍ରମଣ ନିୟନ୍ତ୍ରଣ ପାଇଁ ପ୍ରସ୍ତୁତ ରହିବାକୁ ମୁଖ୍ୟମନ୍ତ୍ରୀ କହିଛନ୍ତି।

ପ୍ରତିଟି ବହୁମୂଲ୍ୟ ଜୀବନର ସୁରକ୍ଷା ପାଇଁ ଆମ ଡାକ୍ତର, ମେଡ଼ିକାଲ କର୍ମଚାରୀମାନେ ଉତ୍ସର୍ଗୀକୃତ କାର୍ଯ୍ୟ କରୁଛନ୍ତି। ସେମାନଙ୍କ ନିଷ୍ଠାପର ସେବାକୁ ସମ୍ମାନ ଜଣାଇବା ସହ କୋଭିଡ ଯୁଦ୍ଧକୁ ଆହୁରି ଦୃଢ଼ କରିବାକୁ ମାସ୍କ ପରିଧାନ, ସାମାଜିକ ଦୂରତା ରକ୍ଷା ସହ ଏକ ସଚେତନ ନାଗରିକର ଦାୟିତ୍ୱ ତୁଲାଇବାକୁ ମୁଖ୍ୟମନ୍ତ୍ରୀ ଆହ୍ବାନ କରିଛନ୍ତି। ସ୍ବାସ୍ଥ୍ୟ ବ୍ୟବସ୍ଥା ଉପରେ ଯେପରି ଚାପ କମ୍‌ ରହିବ, ସେଥିପାଇଁ ଆମକୁ ଦାୟିତ୍ବପୂର୍ଣ୍ଣ ଭାବରେ କାମ କରିବାକୁ ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ସଂକ୍ରମଣ ସଂଖ୍ୟା ବୃଦ୍ଧି ସତ୍ତ୍ବେ ଆମେ ନିରନ୍ତର ଭାବେ ସେବା କରିଚାଲିଛୁ। କିନ୍ତୁ କେତେକ ଜିଲ୍ଲାରେ ସଂକ୍ରମଣର ସ୍ଥିତି ଆମ ପାଇଁ ଉଦ୍ ବେଗ ସୃଷ୍ଟି କରିଛି। ଭାଇରସ୍‌ର ଡବଲ ଓ ଟ୍ରିପଲ ମ୍ୟୁଟାଣ୍ଟ ଦ୍ରୁତ ଗତିରେ ବ୍ୟାପୁଛି। ଏହି ଦ୍ବିତୀୟ ଲହରରେ ଆମର ଯୁବଗୋଷ୍ଠୀ ବିଶେଷ ଭାବରେ ସଂକ୍ରମିତ ହେଉଛନ୍ତି। କେତେକ କ୍ଷେତ୍ରରେ ସେମାନଙ୍କ ସ୍ବାସ୍ଥ୍ୟ ଜଟିଳତା ଦେଖା ଦେଉଛି ବୋଲି ମୁଖ୍ୟମନ୍ତ୍ରୀ ଉଦ୍‌ବେଗ ପ୍ରକାଶ କରିଛନ୍ତି ।

ଏପରି ସ୍ଥିତିରେ ପ୍ରାକୃତିକ ବିପର୍ଯ୍ୟୟର ସଫଳ ମୁକାବିଲା ପରି ସବୁଠାରୁ ଖରାପ ପରିସ୍ଥିତିକୁ ସାମ୍‌ନା କରିବା ପାଇଁ ଆମେ ପ୍ରସ୍ତୁତ ରହିବା ଦରକାର ବୋଲି ନବୀନ ଅପିଲ କରିଛନ୍ତି। ଏଥିପାଇଁ ତ୍ରୁଟିଶୂନ୍ୟ ଯୋଜନା ପ୍ରସ୍ତୁତ କରିବା ପାଇଁ ମୁଖ୍ୟମନ୍ତ୍ରୀ ଜିଲ୍ଲାପାଳ ଓ ଏସ୍‌.ପି ମାନଙ୍କୁ ନିର୍ଦ୍ଦେଶ ଦେଇଛନ୍ତି। କୋଭିଡ ନିୟମାବଳୀକୁ ଠିକ୍‌ ଭାବରେ ପାଳନ କରିବା, ତେବେ କୋଭିଡର ପରାଜୟ ସୁନିଶ୍ଚିତ। ସବୁବେଳେ ଠିକ୍‌ ଭାବରେ ମାସ୍କ ପିନ୍ଧିବା, ସାମାଜିକ ଦୂରତା ରକ୍ଷା କରିବା ଓ ହାତ ଧୋଇବା ଆଦି କୋଭିଡ ନିୟମାବଳୀର ସଠିକ୍‌ ଅନୁପାଳନ ପାଇଁ ମୁଖ୍ୟମନ୍ତ୍ରୀ ଅନୁରୋଧ କରିଛନ୍ତି। ୩୦ ପ୍ରତିଶତ ଶଯ୍ୟାରେ ଅକ୍‌ସିଜେନ ବ୍ୟବସ୍ଥା କରାଯାଇଛି ଏବଂ ଏହାକୁ ୩୫ ପ୍ରତିଶତକୁ ବୃଦ୍ଧି କରିବା ପାଇଁ ପଦକ୍ଷେପ ନିଆଯାଉଛି ବୋଲି କହିଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର। ବେଡ୍‌ ପରିଚାଳନା ଲାଗି ଅନ୍‌ଲାଇନ ରିଅଲ ଟାଇମ୍‌ ମେଡ୍‌ ମ୍ୟାନେଜମେଣ୍ଟ ସାଇଟ କାର୍ଯ୍ୟକାରୀ କରାଯିବା ନେଇ ସେ ଗୁରୁତ୍ବ ଦେଇଛନ୍ତି।

୫୦ ଦିନ ପରେ ଜୀବିତ ଫେରିଲା ସ୍ୱାମୀ, ହତ୍ୟା ଅଭିଯୋଗରେ ତିନି ଜଣଙ୍କୁ ଜେଲ

ପାକୁଡ଼: ଝାଡ଼ଖଣ୍ଡର ପାକୁଡ଼ରେ ଶବ ନେବାକୁ ଅଡ଼ି ବସିଥିବା ପତ୍ନିକୁ ମିଳିଲା ଜୀବିତ ସ୍ୱାମୀ । ହଠାତ୍ମୃତ ଭାବି ନେଇଥିବା ସ୍ୱାମୀଙ୍କୁ ଦେଖିବା ପରେ ମହିଳାଙ୍କ ହୋଶ୍ଉଡ଼ିଗଲା ।

ପାକୁଡ଼ର ଅମଡ଼ାପାଡ଼ା ଥାନାର ବୋହଡ଼ା ଗାଁର ବାସିନ୍ଦା ମହେଶ୍ୱର ଟୁଡୁଙ୍କୁ ପୋଲିସ ଜୀବିତ ଅବସ୍ଥାରେ ଅଦାଲତରେ ହାଜର କଲା । ଅଦାଲତରେ ହାଜର କରିବା ପରେ ମହେଶ୍ୱରଙ୍କୁ ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ।

ଗତ ମାର୍ଚ୍ଚ ମାସଠାରୁ ଚର୍ଚ୍ଚାରେ ଅଛନ୍ତି ମହେଶ୍ୱର । ମହେଶ୍ୱରଙ୍କୁ ହତ୍ୟା କରାଯାଇଥିବା ନେଇ ତାଙ୍କ ପତ୍ନି ଓ ପରିବାରବର୍ଗ ଉମଡ଼ପାଡ଼ା ଥାନାରେ ଅଭିଯୋଗ କରିଥିଲେ । ଏହା ସହିତ କିଛି ସମ୍ପର୍କୀୟଙ୍କ ଉପରେ ହତ୍ୟା ଅଭିଯୋଗ ଆଣିଥିଲେ ମହେଶ୍ୱରଙ୍କ ପରିବାର । ଆଶ୍ଚର୍ଯ୍ୟର କଥା ହେଉଛି ପୋଲିସ ତିନି ନିର୍ଦ୍ଦୋଷ ସମ୍ପର୍କୀୟଙ୍କୁ ହତ୍ୟା ଅଭିଯୋଗରେ ଜେଲକୁ ପଠାଇଥିଲା ।

ମହେଶ୍ୱରଙ୍କ ମୃତଦେହ ନମିଳିବାରୁ ମହେଶ୍ୱରଙ୍କ ପତ୍ନି,ପରିବାର ଓ ସମ୍ପର୍କୀୟ ଦୁଇ ଦୁଇ ଥର ରାସ୍ତା ଅବରୋଧ କରିଥିଲେ । ମହେଶ୍ୱରଙ୍କ ପରିବାର ଓ ତାଙ୍କ ଗାଁ ଲୋକଙ୍କ ଚାପ ପଡ଼ିବାରୁ ପୋଲିସ ମହେଶ୍ୱରଙ୍କ ତିନି ସମ୍ପର୍କୀୟଙ୍କୁ ଗିରଫ କରିଥିଲା । ଏହାକୁ ନେଇ ଏସପି ମଣିପାଲ କହିଛନ୍ତିଯେ, ମହେଶ୍ୱର ଟୁଡୁଙ୍କ ପରିବାର ସମ୍ପତ୍ତି ଲୁଟ୍ଉଦ୍ଦେଶ୍ୟରେ ମହେଶ୍ୱରଙ୍କୁ ଗୁପ୍ତ ଭାବରେ ବାଙ୍ଗାଲୁରୁ ପଠାଇ ଦେଇଥିଲେ । ପ୍ରାୟ ଦୁଇ ମାସ ପରେ ସେଠାରୁ ଆସି ଅନ୍ୟ ଜଣେ ସମ୍ପର୍କୀୟଙ୍କ ଘରେ ଲୁଚିଥିଲେ ମହେଶ୍ୱର । ମହେଶ୍ୱରଙ୍କ ବିଷୟରେ ସୁରାକ୍ମିଳିବା ପରେ ସମସ୍ତ ରାଜ୍ଖୋଲିଛି ।