spot_img
Home Blog Page 5866

ଦସ୍ତଖତକୁ ନେଇ ନର୍ସ-ଡାକ୍ତର ହାତାହାତି

ଲକ୍ଷ୍ନୗେ: ଦସ୍ତଖତକୁ ନେଇ ନର୍ସ-ଡାକ୍ତର ହାତାହାତି ହୋଇଥିବା ଅଭିଯୋଗ ହୋଇଛି। ଏକ ମୃତ୍ୟୁ ପ୍ରମାଣପତ୍ରରେ ଡାକ୍ତରଙ୍କ ଦସ୍ତଖତକୁ ନେଇ ଉଭୟଙ୍କ ମଧ୍ୟରେ ମାରପିଟ୍ ହୋଇଛି। ପ୍ରଥମେ ପରସ୍ପରକୁ ଗାଳିଗୁଲଜ କରିବା ପରେ ନର୍ସ ଜଣକ ଡାକ୍ତରଙ୍କୁ ଏକ ଚାପୁଡ଼ା ମାରିଥିଲେ । ଯାହାପରେ ଡାକ୍ତର ମଧ୍ୟ ଉତ୍ତ୍ୟକ୍ତ ହୋଇ ନର୍ସଙ୍କୁ ମାଡ଼ ମାରିବାକୁ ପଛାଇନଥିଲେ। ଘଟଣା ଘଟିଛି ଉତ୍ତରପ୍ରଦେଶର ରାମପୁର ଜିଲ୍ଲାରେ।

ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ହସ୍ପିଟାଲରେ ଆଡମିଟ୍ ଥିବା ଜଣେ କରୋନା ରୋଗୀଙ୍କ ମୃତ୍ୟୁ ପରେ ତାଙ୍କ ସମ୍ପର୍କୀୟ ମୃତ୍ୟୁ ପ୍ରମାଣପତ୍ର ମାଗିଥିଲେ । ପ୍ରମାଣ ପତ୍ରରେ ଡାକ୍ତରଙ୍କ ଦସ୍ତଖତ ମାଗିବାରୁ ଡାକ୍ତର ମନା କରିଦେଇଥିଲେ । ଯାହାକୁ ନେଇ ନର୍ସ ଡାକ୍ତରଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ପରିସ୍ଥିତି ଏଭଳି ହୋଇଥିଲା ଯେ, ଲୋକଙ୍କ ସାମ୍ନାରେ ଗାଳିଗୁଲଜ ଓ ମାରପିଟ କରିବାକୁ ପଛାଇନଥିଲେ ଡାକ୍ତର ଓ ନର୍ସ।

ସୂଚନା ଅନୁଯାୟୀ, ଘଟଣାଟି ଘଟିଛି ସୋମବାର ରାତିରେ । ଭିଡ଼ିଓଟି ଭାଇରାଲ୍ ହେବାପରେ ଡିଏମ୍ ମାମଲାର ତଦନ୍ତ ନିର୍ଦ୍ଦେଶ ଦେଇଛନ୍ତି । ତେବେ ଦୁଇ ଜଣଙ୍କୁ ଡକାଯାଇ ବୁଝାଶୁଝା କରାଯାଉଥିବା ଜଣାପଡିଛି । ଏନେଇ ସିଟି ମାଜିଷ୍ଟ୍ରେଟ୍ କହିଛନ୍ତି ଯେ ଦୁଇ ଜଣଙ୍କର ଭିନ୍ନ ଭିନ୍ନ ଅଭିଯୋଗ ରହିଛି । ହସ୍ପିଟାଲରେ ପ୍ରବଳ ଭିଡ଼ ଯୋଗୁଁ ଚାପଗ୍ରସ୍ତ ପରିସ୍ଥିତି ରହୁଛି । ଆଉ ଯେଉଁ ଘଟଣା ଘଟିଛି ତାହା ଅତ୍ୟନ୍ତ ଦୁର୍ଭାଗ୍ୟଜନକ । ଏହାର ସମ୍ପୂର୍ଣ୍ଣ ତଦନ୍ତ ହେବ ଏବଂ ଆଗାମୀ ଦିନରେ ଏଭଳି ଅପ୍ରିତିକର ପରିସ୍ଥିତି ଯେପରି ନହେବ ସେଥିପ୍ରତି ଧ୍ୟାନ ଦିଆଯିବ ।

କରୋନା ସଙ୍କଟ ନେଇ କେନ୍ଦ୍ରକୁ ସୁପ୍ରିମ କୋର୍ଟଙ୍କ ଭର୍ସନା; ଶୁକ୍ରବାର ସୁଦ୍ଧା ଯବାବ ରଖିବ କେନ୍ଦ୍ର

ନୂଆଦିଲ୍ଲୀ: ଦେଶରେ କରୋନା ମହାମାରୀ ପରିଚାଳନା ସହ ଜଡିତ ଅକ୍ସିଜେନର ଅଭାବ ଏବଂ ଅନ୍ୟାନ୍ୟ ପ୍ରସଙ୍ଗରେ ସୁପ୍ରିମକୋର୍ଟ ମଙ୍ଗଳବାର ଦିନ ଶୁଣାଣି କରିଛନ୍ତି। ସର୍ବୋଚ୍ଚ ଅଦାଲତ ଟିକା ମୂଲ୍ୟ, ଟିକା ଉପଲବ୍ଧତା, ଅକ୍ସି୍ଜେନ ସମେତ ଅନ୍ୟ କେତେକ ପ୍ରସଙ୍ଗରେ କୋର୍ଟ କେନ୍ଦ୍ର ସରକାରଙ୍କଠାରୁ ଉତ୍ତର ମାଗିଛନ୍ତି।

ତେବେ ଏ ନେଇ ଏପ୍ରିଲ 30 ଶୁକ୍ରବାର ଶୁଣାଣି ହେବ ବୋଲି ତିନିଜଣିଆ ଖଣ୍ଡପୀଠ କହିଛନ୍ତି। ଅନ୍ୟପଟେ କେନ୍ଦ୍ର ସରକାର ମଧ୍ଯ ଶୁକ୍ରବାର ସୁଦ୍ଧା ସମସ୍ତ ପ୍ରସଙ୍ଗରେ ଉତ୍ତର ରଖିବେ ବୋଲି କହିଛନ୍ତି।

ଲୋକଙ୍କ ଜୀବନ ରକ୍ଷା ପାଇଁ ସୁପ୍ରିମ କୋର୍ଟ ହସ୍ତକ୍ଷେପ କରିବ:

ମଙ୍ଗଳବାର ଶୁଣାଣି କରି ଜଷ୍ଟିସ୍ ଡି.ଚନ୍ଦ୍ରଚୁଡ଼ କହିଛନ୍ତି ଯେ ଯେବେ ଆମେ ଅନୁଭବ କରିବୁ ଯେ ଲୋକଙ୍କ ଜୀବନ ରକ୍ଷା ପାଇଁ ସୁପ୍ରିମ କୋର୍ଟକୁ ହସ୍ତକ୍ଷେପ କରିବା ଉଚିତ, ସେତେବେଳେ ଆମେ ହସ୍ତକ୍ଷେପ କରିବୁ। ଜଷ୍ଟିସ୍ ଏସ୍ ରବିନ୍ଦ୍ର ଚାନ୍ଦ କେନ୍ଦ୍ରକୁ ପ୍ରଶ୍ନ କରିଛନ୍ତି ଯେ, ମହାମାରୀ ସଙ୍କଟକୁ ମୁକାବିଲା କରିବା ପାଇଁ କେନ୍ଦ୍ରର ଜାତୀୟ ଯୋଜନା କ’ଣ ?  ଏବଂ ଏହାର ମୁକାବିଲା ପାଇଁ ଟୀକାକରଣ ମୁଖ୍ୟ ବିକଳ୍ପ କି?

ନିରବଦ୍ରଷ୍ଟା ସାଜିପାରିବନି ସୁପ୍ରିମ କୋର୍ଟ:

ଜଷ୍ଟିସ ଚନ୍ଦ୍ରଚୂଡ଼ କହିଛନ୍ତି ଯେ କେତେକ ଜାତୀୟ ପ୍ରସଙ୍ଗରେ ସୁପ୍ରିମକୋର୍ଟ ହସ୍ତକ୍ଷେପ କରିବା ଆବଶ୍ୟକ। ଏହା ବ୍ୟତୀତ ସୁପ୍ରିମକୋର୍ଟ ଜାତୀୟ ସଙ୍କଟ ସମୟରେ ନିରବଦ୍ରଷ୍ଟା ହୋଇପାରିବେ ନାହିଁ। ଯଦି ଆଞ୍ଚଳିକ ସୀମା ହେତୁ ହାଇକୋର୍ଟର କୌଣସି ସମସ୍ୟାର ମୁକାବିଲା କରିବାରେ ଅସୁବିଧା ହୁଏ, ତେବେ ଆମେ ସାହାଯ୍ୟ କରିବୁ।

ଜଷ୍ଟିସ ରବିନ୍ଦ୍ର ଭଟ ମଧ୍ଯ ଟିକା ମୂଲ୍ୟ ନେଇ କେନ୍ଦ୍ରସରକାରଙ୍କୁ ପ୍ରଶ୍ନ କରିଛନ୍ତି। ଜଷ୍ଟିସ ଭଟ ପଚାରିଛନ୍ତି ଯେ ‘ଟୀକାର ବିଭିନ୍ନ ନିର୍ମାତା ବିଭିନ୍ନ ମୂଲ୍ୟ ନେଇ ଆସୁଛନ୍ତି। କେନ୍ଦ୍ର ସରକାର ଏହା ବିଷୟରେ କ’ଣ କରୁଛନ୍ତି? ଜଷ୍ଟିସ ଭଟ କହିଛନ୍ତି ଯେ ପେଟେଣ୍ଟ ଆକ୍ଟର ଧାରା 6 ଅନୁଯାୟୀ ଡ୍ରଗ୍ କଣ୍ଟ୍ରୋଲର୍ ଆକ୍ଟର କ୍ଷମତା ରହିଛି। ଏହା ମହାମାରୀ ଏବଂ ଜାତୀୟ ସଙ୍କଟର ସମୟ। ତେବେ ଏହି କ୍ଷମତା ବ୍ୟବହାର କରିବାର ଏହା ଠିକ୍ ସମୟ ନୁହେଁ କି? ଏହାର ସମୟ ଆଉ କେବେ ଆସିବ?’

କେନ୍ଦ୍ର ସପକ୍ଷରେ ସଲିସିଟରଙ୍କ ଯୁକ୍ତି:

ଅନ୍ୟପଟେ କେନ୍ଦ୍ର ସରକାରଙ୍କୁ ସମର୍ଥନ କରୁଥିବା ସଲିସିଟର ଜେନେରାଲ ତୁଷାର ମେହେଟ୍ଟା ଅମ୍ଳଜାନର ଅଭାବ ଏବଂ କରୋନା ମହାମାରୀର ପରିଚାଳନା ନେଇ କହିଛନ୍ତି ଯେ ଆମେ ପରିସ୍ଥିତିକୁ ଅତି ସତର୍କତାର ସହ ପରିଚାଳନା କରୁଛୁ। ଉଚ୍ଚ ସ୍ତରୀୟ କମିଟି ଏହା ଉପରେ କାର୍ଯ୍ୟ କରୁଛି ଏବଂ ପ୍ରଧାନମନ୍ତ୍ରୀ ନିଜେ ପରିସ୍ଥିତି ଉପରେ ନଜର ରଖିଛନ୍ତି। ସେ କହିଛନ୍ତି ଯେ ଏହା ଏକ ଜାତୀୟ ପ୍ରସଙ୍ଗ ଏବଂ ଦେଶ ଏକାଠି ଛିଡା ହୋଇଛି। ଏହା ଆପ, ବାମ ଦଳ କିମ୍ବା ଅନ୍ୟ କୌଣସି ଦଳର ପ୍ରସଙ୍ଗ ନୁହେଁ। ସେ କହିଛନ୍ତି ଯେ ହାଇକୋର୍ଟ ହେଉ କିମ୍ବା ସୁପ୍ରିମକୋର୍ଟ ହେଉ କୌଣସି ସାମ୍ବିଧାନିକ ଅଦାଲତକୁ କେନ୍ଦ୍ର ବିରୋଧ କରିବ ନାହିଁ। କେନ୍ଦ୍ର ଉଚ୍ଚ ସ୍ତରୀୟ କମିଟି ସହିତ ସମସ୍ୟାର ସମାଧାନ କରୁଛି। ପ୍ରତ୍ୟେକ ଘଣ୍ଟାର ସ୍ଥିତିକୁ ଆଧାର କରି ବର୍ତ୍ତମାନର ପରିସ୍ଥିତିକୁ ନିୟନ୍ତ୍ରଣ କରାଯାଉଛି।

 

Hanuman Jayanti: କିଏ ଥିଲେ ହନୁମାନଙ୍କ ପିତା ? ଜାଣନ୍ତୁ ତାଙ୍କ ଜନ୍ମ ସମ୍ପର୍କରେ…

ହନୁମାନଙ୍କ ଅଦ୍ଭୁତ ଶକ୍ତି ଓ ପ୍ରଭୁ ରାମଚନ୍ଦ୍ରଙ୍କ ପ୍ରତି ଥିବା ତାଙ୍କର ଭକ୍ତିକୁ ନେଇ ଅନେକ ପୌରାଣିକ କାହାଣୀ ରହିଛି । ହେଲେ ଜାଣିଛନ୍ତି କି କିପରି ହୋଇଥିଲା ସଙ୍କଟମୋଚନ ହନୁମାନଙ୍କ ଜନ୍ମ । ଯାହାକୁ ନେଇ ଭିନ୍ନ ଭିନ୍ନ ମାନ୍ୟତା ରହିଛି । ହନୁମାନ ଜୟନ୍ତୀ ଅବସରରେ ଆସନ୍ତୁ ଜାଣିବା ତାଙ୍କ ସମ୍ପର୍କରେ…

କୁହାଯାଏ ହନୁମାନଙ୍କ ଜନ୍ମ ଏକ ବାନର ରୂପରେ ହାେଇଥିଲା । ଆଉ ତାଙ୍କ ମାତାଙ୍କ ଅଞ୍ଜନା ଜଣେ ଅପସରି ଥିଲେ। ଆଉ ଏକ ଅଭିଶାପ କାରଣରୁ ସେ ମର୍ତ୍ତ୍ୟରେ ବାନର ରୂପେ ଜନ୍ମ ହୋଇଥିଲେ। ଖାଲି ଏତିକି ନୁହେଁ ସେ ଜଣେ ବାନରକୁ ଜନ୍ମ ଦେବାପରେ ଶାପମୁକ୍ତ ହେବା ସଙ୍ଗେସଙ୍ଗେ ପୂର୍ବ ରୂପ ଫେରିପାଇବେ।

ବାଲ୍ମିକି ରାମାୟଣ ଅନୁଯାୟୀ ହନୁମାନଙ୍କ ପିତା କେଶରୀ ବୃହସ୍ପତିଙ୍କ ପୁତ୍ର ଥିଲେ। ଯିଏକି ସ୍ୱୟଂ ରାମଙ୍କ ସେନାରେ ମିଶି ରାବଣ ବିରୋଧରେ ଲଢେଇ କରିଥିଲେ । ଉଭୟ ଅଞ୍ଜନା ଓ କେଶରୀ ପୁତ୍ର ପ୍ରାପ୍ତି ପାଇଁ ଭଗବାନ ଶିବଙ୍କୁ ଆରାଧନା କରିଥିଲେ ଆଉ ତାଙ୍କ ଆଶିର୍ବାଦରୁ ପୁତ୍ର ଲାଭ ହୋଇଥିଲା । ଅନ୍ୟଏକ କାହାଣୀ ଅନୁସାରେ ଶିବଙ୍କ ଅବତାର ହେଉଛନ୍ତି ହନୁମାନ ।

ପୌରାଣିକ କଥା ଅନୁଯାୟୀ ବାୟୁ ଅଞ୍ଜନୀଙ୍କ କାନ ଦେଇ ଶରୀର ଭିତରେ ପ୍ରବେଶ କରିଥିଲେ ଯାହାପରେ ସେ ଗର୍ଭବତୀ ହୋଇଥିଲେ ।

ବିଷ୍ଣୁ ପୁରାଣ ଓ ନାରଦ ପୁରାଣ କଥାନୁସାରେ, ନାରଦ ଜଣେ ରାଜକୁମାରୀଙ୍କ ଉପରେ ବିମୋହିତ ହୋଇ ବିଷ୍ଣୁଙ୍କ ପାଖରେ ପହଞ୍ଚିଥିଲେ । ଆଉ ତାଙ୍କୁ ହରିଙ୍କ ମୁଖମୁଣ୍ଡଳ ଦେବା ପାଇଁ ଅନୁରୋଧ କରିଥିଲେ । ହେଲେ ଭଗବାନ ବିଷ୍ଣୁ ନାରଦକୁ ତାଙ୍କ ରୂପ ବଦଳରେ ଏକ ବାନରର ରୂପ ଦେଇଥିଲେ ।

ସ୍ୱୟମ୍ବରରେ ଜଣେ ବାନରକୁ ଦେଖି ସମସ୍ତେ ହସିବାରେ ଲାଗିଥିଲେ । ପୂରା ସଭାରେ ନାରଦ ପାଇଥିବା ଅପମାନକୁ ସହିନପାରି ସେ ବିଷ୍ଣୁଙ୍କୁ ଅଭିଶାପ ଦେଇଥିଲେ । ଦିନେନା ଦିନେ ଭଗବାନ ବିଷ୍ଣୁଙ୍କୁ ଜଣେ ବାନର ଉପରେ ନିର୍ଭର କରିବାକୁ ପଡିବ ବୋଲି ଅଭିଶାପ ଦେଇ ବସିଲେ।

ପ୍ରବାସୀଙ୍କ ପାଇଁ ଭୋକରେ ରହିଲେ ସବ୍ୟସାଚୀ

ଭୁବନେଶ୍ୱର: ଭୋକିଲା ରଖିଲା ଭୂତାଣୁ । ବେଙ୍ଗଳୁରୁରେ ଲଡକାଉନ୍ ଲାଗୁ ହୋଇଥିବା ବେଳେ ଠପ୍ ହୋଇଯାଇଛି କାମଧନ୍ଦା । ଭୂତାଣୁ ଭୟରେ ଘରେ ବନ୍ଦୀ ହୋଇ ରହିଛନ୍ତି ପ୍ରବାସୀ ଶ୍ରମିକ । କରୋନା ପାଇଁ କିଏ ମେଡିକାଲରେ ବାହାରେ ଘଣ୍ଟା ଘଣ୍ଟା ଧରି ବେଡ୍, ଅକ୍ସିଜେନ୍ ପାଇଁ ସଂଘର୍ଷ କରୁଛି ତ ଆଉ କିଏ ପେଟପାଟଣା ପାଇଁ । ଏଭଳି ଦୁଃସମୟରେ ଓଡ଼ିଆଙ୍କୁ ସାହାଯ୍ୟର ହାତ ବଢ଼ାଇଛନ୍ତି ସବ୍ୟସାଚୀ ।

ବେଙ୍ଗଳୁରୁର ଏକ କମ୍ପାନୀରେ କାମ କରୁଥିବା ୫ ଜଣଙ୍କ ପାଖରେ ଟଙ୍କା ସରିଯିବା ସହ ରୋଷେଇ ଗ୍ୟାସ୍ ସରି ଯାଇଥିଲା । ଫଳରେ ସେମାନେ ଭୋକ ଉପାସରେ ୩ ଦିନ କାଟିବା ପରେ ସବ୍ୟସାଚୀଙ୍କୁ ଟ୍ୱିଟ୍ କରିଥିଲେ । ଯାହା ପରେ ସବ୍ୟସାଚୀ ବଢ଼ାଇଥିଲେ ସହାୟତାର ହାତ । ସେମାନଙ୍କ ଲାଗି ଅନଲାଇନରେ ବିରିୟାନୀ ଅର୍ଡର କରିବା ସହ ସେମାନେ ଖାଇବା ପର୍ଯ୍ୟନ୍ତ ଅପେକ୍ଷା କରିଥିଲେ ସବ୍ୟସାଚୀ । ପ୍ରବାସୀଙ୍କ ପାଖରେ ବିରିୟାନୀ ପହଞ୍ଚିଲା । ସେମାନେ ଖାଇବା ପରେ ସବ୍ୟସାଚୀ ଖାଇଥିଲେ ।

Actor Sabyasachi Mishra Was Starving For Migrants

ଏତିକି ନୁହେଁ କର୍ଣ୍ଣାଟକରେ ସଂକ୍ରମଣ ପିକରେ ରହିଥିବା ବେଳେ କାମଧନ୍ଦା ବନ୍ଦ ଥିବାରୁ ସେମାନଙ୍କୁ ଚଳିବା ଲାଗି ସବ୍ୟସାଚୀ ମିଶ୍ର ଟଙ୍କା ମଧ୍ୟ ପଠାଇଛନ୍ତି । ପୁନଶ୍ଚ କାମଧନ୍ଦା ଆରମ୍ଭ ହେବା ଯାଏ ସବ୍ୟସାଚୀ ସେମାନଙ୍କ ଖାଇବା, ପିଇବା କଥା ବୁଝିବେ ବୋଲି କହିଛନ୍ତି । ସବ୍ୟସାଚୀଙ୍କ ଠାରୁ ସାହାଯ୍ୟ ପାଇବେ ପରେ ପ୍ରବାସୀ ଓଡ଼ିଆ ସେମାନଙ୍କୁ ଧନ୍ୟବାଦ ଜଣାଇଛନ୍ତି ।

Actor Sabyasachi Mishra Was Starving For Migrants

ବେଙ୍ଗଳୁରୁରେ ଫସିଥିବା ଏହି ୫ ଜଣ ନୁହେଁ ଏମିତି ଦେଶର ବିଭିନ୍ନ ସ୍ଥାନରେ କରୋନା ପାଇଁ ହଇରାଣ ହେଉଥିବା ପ୍ରବାସୀ ଓଡ଼ିଆଙ୍କୁ ସହାୟତାର ହାତ ବଢ଼ାଇଛନ୍ତି ସବ୍ୟସାଚୀ ମିଶ୍ର । ଆବଶ୍ୟକତା ଅନୁସାରେ କୋଭିଡ୍ ଆକ୍ରାନ୍ତଙ୍କୁ ବେଡ୍ ସହ ଔଷଧ ଯୋଗାଇ ଦେଉଛନ୍ତି ସବ୍ୟସାଚୀ । କରୋନାର ପ୍ରଥମ ଲହର ବେଳେ ସବ୍ୟସାଚୀ ମଧ୍ୟ ଅସହାୟଙ୍କୁ ସହାୟତାର ହାତ ବଢ଼ାଇଥିଲେ । ଏବେ ସହାୟତା ଲାଗି ସବ୍ୟସାଚୀ ଅନଲାଇନ୍ ଫର୍ମ ଲିଙ୍କ୍ ଦେଇଛନ୍ତି । https://bit.ly/patient_details_urgent ଲିଙ୍କରେ କ୍ଲିକ୍ କରି ଆପଣ ବି ସହାୟତା ପାଇପାରିବେ ।

ଗାଙ୍ଗଟକରେ ଚାଲିଛି ସୁସ୍ମିତାଙ୍କ ନୂଆ ଗୀତର ସୁଟିଂ

ଭୁବନେଶ୍ୱର: ଲୋକପ୍ରିୟ ଗାୟିକା ସୁସ୍ମିତା ଦାସଙ୍କ ‘ଅୟଗିରି ନନ୍ଦିନୀ’ ଓ ‘ପ୍ରେମର ଭାଷା’ର ସଫଳତା ପରେ ଆଉ ଏକ ନୂଆ ପ୍ରୋଜେକ୍ଟ ପାଇଁ ଅଣ୍ଟା ଭିଡ଼ିଛନ୍ତି । ଏହାର ନୂଆ ଗୀତ ସୁଟିଂ ପାଇଁ ସୁସ୍ମିତା ଓ ତାଙ୍କ ଟିମ୍ ଜୋରସୋରରେ ଲାଗି ପଡିଛନ୍ତି।

ପୂର୍ବରୁ ସେ ‘ପ୍ରେମର ଭାଷା, ହାତୀ ସଯ କର, ମାୟା ଦର୍ପଣ, ନୂଆ ଲୁହ ପୁରୁଣା ଲୁହ’ ଆଦିର ନୂଆ ଭିଡ଼ିଓ ରୂପାନ୍ତରିତ କରୁଥିବା ନେଇ ସେ ସୂଚନା ଦେଇଥିଲେ । ଆଉ ଗାଙ୍ଗଟକରେ ଚାଲିଥିବା ଗୀତ ସୁଟିଂ ତାହା ମଧ୍ୟରେ ଗୋଟିଏ ବୋଲି ସୁତ୍ରରୁ ପ୍ରକାଶ।

ସୁସ୍ମିତାଙ୍କ ନୂଆ ଗୀତ ମଧ୍ୟ ଦର୍ଶକଙ୍କ ମନକୁ ଛୁଇଁ ପାରିବ ବୋଲି ଆଶା କରାଯାଉଛି ।

 

ମଞ୍ଚରୁ ସମସ୍ତଙ୍କୁ ହସାଉଥିଲେ, ଆଜି କନ୍ଦାଇ ଚାଲିଗଲେ

ଭୁବନେଶ୍ୱର: ଆଉ ନାହାନ୍ତି ଓଡ଼ିଆ ଯାତ୍ରା ଜଗତର ବର୍ଷିଆନ୍‌ ହାସ୍ୟ କଳାକାର ଜଗବନ୍ଧୁ ରାଉତ ଓରଫ ଜଗାବୁଢ଼ା । କରୋନାରେ ତାଙ୍କର ଦେହାନ୍ତ ହୋଇଛି । ଜଗବନ୍ଧୁ କରୋନାରେ ଆକ୍ରାନ୍ତ ହୋଇ ମେଡିକାଲରେ ଚିକିତ୍ସାଧୀନ ଥିଲେ । ମୃତ୍ୟୁବେଳକୁ ତାଙ୍କୁ ୮୪ ବର୍ଷ ବୟସ ହୋଇଥିଲା । ଯାତ୍ରା ଜଗତର ଆଗଧାଡ଼ିର ହାସ୍ୟ କଳାକାର ଭାବେ ସେ ନିଜର ପରିଚୟ ସୃଷ୍ଟି କରିଥିଲେ ।

ସାତସଙ୍ଖ, କୋଣାର୍କ, କଳିଙ୍ଗ ଗଣନାଟ୍ୟରେ ସେ କାମ କରିଥିଲେ । ଦୀର୍ଘ ୬୨ ବର୍ଷର ଅଭିନୟ ଭିତରେ ଯାତ୍ରା ଜଗତ ପ୍ରତି ତାଙ୍କର ଅତୁଳନୀୟ ଅବଦାନ ରହିଛି । ସମସ୍ତେ ତାଙ୍କୁ ସ୍ନେହରେ ଜଗା ମଉସା ବୋଲି ଡାକନ୍ତି । ଜିଭ ଆଗରେ ଅସଜଡ଼ା କଥା କହି ହସିହସି ବେଦମ କରାନ୍ତି ଦର୍ଶକଙ୍କୁ । ଲଣ୍ଠନ ଯାତ୍ରାରୁ କ୍ୟାରିଅର ଆରମ୍ଭ କରିଥିବା ଜଗା ପରବର୍ତ୍ତୀ ସମୟରେ ଗୋଟିଏ ପରେ ଗୋଟିଏ ଯାତ୍ରା ଦର୍ଶକଙ୍କୁ ଭେଟି ଦେଇଥିଲେ । ରାଜଧାନୀ ତତେ ଦୂରୁ ଜୁହାର, କହଲୋ ବଉଳ କିଏ ତୋ ବର, ନକହିଲେ କୂଳ ଭାସି ଯାଉଛି, ଆକାଶ କଇଁଆ ଚିଲିକା ମାଛ, କାଗଜ ଫୁଲ, ବୋହୂ ଆଣିଥିଲି ବେଶ୍ୟା ପଡ଼ାରୁ ଭଳି ବହୁ ଯାତ୍ରା କରି ସେ ଦର୍ଶକଙ୍କ ବେଶ୍ ମନୋରଞ୍ଜନ କରାଇଛନ୍ତି । ୧୦ ବର୍ଷ ଛୋଟମୋଟ ପାର୍ଟିରେ ଅଭିନୟ କରିବା ପରେ ୧୯୬୮ ମସିହା‌ରେ ସାତଶଙ୍ଖ ଅପେରାକୁ ଆସିଲେ । ୩୫ ବର୍ଷ କାଳ ସାତଶଙ୍ଖ ଅପେରାରେ ନିଜ ହସର ପରଶ ବୁଣି ଚାଲିଥିଲେ । ସମ୍ପ୍ରତି କଳିଙ୍ଗ ଗଣନାଟ୍ୟରେ ଅଭିନୟ କରୁଥିଲେ ।

ଯାତ୍ରା ପାଇଁ ଘର ଛାଡ଼ିଥିବା ଜଗା ଆଜି କରୋନା ପାଇଁ ତାଙ୍କର ଅଗଣିତ ପ୍ରଶଂସକଙ୍କୁ ଛାଡ଼ି ପରପାରିକୁ ଚାଲିଯାଇଛନ୍ତି । ଜଗବନ୍ଧୁ ରାଉତଙ୍କ ବିୟୋଗ ଯାତ୍ରା ଜଗତ ପ୍ରତି ଅପୂରଣୀୟ କ୍ଷତି ପହଞ୍ଚାଇଛି । କରୋନା ସଂକ୍ରମିତ ହେବା ପରେ ତାଙ୍କୁ ପ୍ରଥମେ ୨୨ ତାରିଖରେ ପୁରୀ କଲରା ହସ୍ପିଟାଲ ଓ ପରେ ୨୫ ତାରିଖ ଦିନ ଭୁବନେଶ୍ୱର ନିଆ ଯାଇଥିଲା । ଆଜି ମୃତ୍ୟୁ ହୋଇଛି । ଜଗାଙ୍କ ଅବର୍ତ୍ତମାନେର ଯାତ୍ରା ଜଗତରେ ଶୋକର ଛାୟା ଖେଳି ଯାଇଛି ।

ଭାଇର ହତ୍ୟା ମାମଲାରେ ଅଭିନେତ୍ରୀ ଗିରଫ

ବେଙ୍ଗାଲୁରୁ: କନ୍ନଡ଼ ଅଭିନେତ୍ରୀ ଶନୟା କାଟୱେଙ୍କୁ ପୁଲିସ ଗିରଫ କରିଛି। ସନାୟାଙ୍କୁ ତାଙ୍କ ଭାଇଙ୍କ ହତ୍ୟା ମାମଲାରେ କର୍ଣ୍ଣାଟକର ହୁବଲି ପୁଲିସ୍ ଗିରଫ କରିଛି। ଖବର ଅନୁଯାୟୀ, ନିକଟରେ ଅଭିନେତ୍ରୀଙ୍କ ଭାଇ ରାକେଶଙ୍କର କଟା ମୁଣ୍ଡ ଜଙ୍ଗଲରୁ ମିଳିଛି। ଏବଂ ତାଙ୍କ ଶରୀରର ବିଭିନ୍ନ ଅଂଶ ଗାଦାଗ ରୋଡ ଏବଂ ହୁବଲିର ବିଭିନ୍ନ ସ୍ଥାନରୁ ଉଦ୍ଧାର କରାଯାଇଛି।

ଖବର ଅନୁଯାୟୀ ଶନାୟା, ନୟାଜ ଅହମ୍ମଦ ନାମକ ଯୁବକଙ୍କ ସହ ପ୍ରେମ ସମ୍ପର୍କରେ ଥିଲେ ଏବଂ ତାଙ୍କ ଭାଇ ଏହାକୁ ପସନ୍ଦ କରୁନଥିଲେ। କୁହାଯାଉଛି ଯେ ଭାଇ ଓ ଭଉଣୀଙ୍କ ମଧ୍ୟରେ ଏହାକୁ ନେଇ ଝଗଡ଼ା ହୋଇଥିଲା ଯାହା ଫଳରେ ଏହି ଘଟଣା ଘଟିଛି।

ରାକେଶଙ୍କୁ ତାଙ୍କ ଘରେ ହୁବଲିରେ ହତ୍ୟା କରାଯାଇଛି। ତେବେ ଶାନୟା ତାଙ୍କର ନୂଆ ଚଳଚ୍ଚିତ୍ରର ପ୍ରମୋସନ ପାଇଁ ସହରରେ ପହଞ୍ଚି ରାକେଶଙ୍କ ସହ ରହିଥିଲେ। ଏବଂ କୁହାଯାଉଛି ଯେ ସେଇଠି ହିଁ ସେ ରାକେଶଙ୍କ ମୃତ୍ୟୁ ପାଇଁ ଏକ ଯୋଜନା ପ୍ରସ୍ତୁତ କରିଥିଲେ। ତେବେ ଏହି ମାମଲାରେ ପୋଲିସ ଚାରି ଜଣ ଅଭିଯୁକ୍ତଙ୍କୁ ଗିରଫ କରିଛି।

ସୂଚନାଯୋଗ୍ୟ, ଶନାୟା ହେୁଛନ୍ତି ଜଣେ କନ୍ନଡ଼ ଫିଲ୍ମ ଅଭିନେତ୍ରୀ। ସେ 2018ରେ ‘ଇଜମ୍ ପ୍ରେମମ୍ ଜୀବନମ୍’ରୁ ଡେବ୍ୟୁ କରିଥିଲେ। ଏହାପରେ ସେ ଅନେକ ହିଟ୍ ସିନେମାରେ କାମ କରିଛନ୍ତି। ନିକଟରେ ସେ ନିଜ ନୂଆ ଫିଲ୍ମ ‘ଓନଡୁ ଘାଣ୍ଟେୟ କାଥେ’ର ପ୍ରମୋଶନ ବି କରୁଥିଲ। ଏହି ଫିଲ୍ମରେ ଅଜୟ ରାଜ ଏବଂ ସବତୀ ଶର୍ମାଙ୍କ ପରି ଜଣାଶୁଣା କଳାକାର ଲ୍ିଡ୍ ରୋଲରେ ଅଭିନୟ କରିଛନ୍ତଚି। ତେବେ କନ୍ନଡ ସିନେମାର ବହୁ ପ୍ରତୀକ୍ଷିତ ଫିଲ୍ମର ମଧ୍ୟରୁ ଏହା ଅନ୍ୟତମ।

ବାହାର ରାଜ୍ୟକୁ ଅକ୍ସିଜେନ୍ ପଠାଉଛି ଓଡ଼ିଶା, ଏଯାଏଁ ପଠାଇଲାଣି ୯୦ ଟ୍ୟାଙ୍କର ଅମ୍ଲଜାନ

ନୂଆଦିଲ୍ଲୀ: କରୋନା ସଂକଟ ସମୟରେ ଦେଶକୁ ସାହାଯ୍ୟ କରୁଛି ଓଡ଼ିଶା । ୮ ରାଜ୍ୟକୁ ଓଡ଼ିଶାରୁ ଅକ୍ସିଜେନ୍ ପଠାଯାଇଛି । ୯୦ଟି ଟ୍ୟାଙ୍କରରେ ୧୬୭୫.୭ ମେଟ୍ରିକ ଟନ୍ ଅକ୍ସିଜେନ୍ ପଠାଇଛି ଓଡ଼ିଶା । ତେଲଙ୍ଗାନାକୁ  ୧୯ଟି ଟ୍ୟାଙ୍କରରେ ୩୨୪.୦୭୯ ମେଟ୍ରିକ ଟନ୍ ଅକ୍ସିଜେନ୍ ପଠାଯାଇଥିବା ବେଳେ ଆନ୍ଧ୍ର ପ୍ରଦେଶକୁ ୩୦ଟି ଟ୍ୟାଙ୍କରରେ ୬୪୪.୭୨ ମେଟ୍ରିକ୍ ଟନ୍, ତାମିଲନାଡୁକୁ ଗୋଟିଏ ଟ୍ୟାଙ୍କରରେ ୧୫.୯୮ ମେଟ୍ରିକ ଟନ୍ ଅକ୍ସିଜେନ୍ ପଠାଯାଇଛି ।

ହରିୟାଣାକୁ ୮ଟି ଟ୍ୟାଙ୍କରରେ ୧୮୭. ୫୧ ମେଟ୍ରିକ ଟନ୍ ଅକ୍ସିଜେନ୍ ପଠାଯାଇଛି । ସେହିପରି ମହାରାଷ୍ଟ୍ରକୁ ୬ଟି ଟ୍ୟାଙ୍କରରେ ୧୧୨.୬, ମଧ୍ୟପ୍ରଦେଶକୁ ୧୫ଟି ଟ୍ୟାଙ୍କରରେ ୨୧୫. ୮୨ ମେଟ୍ରିକ ଟନ୍ ଅକ୍ସିଜେନ୍ ପଠାଯାଇଛି । ଛତିଶଗଡ଼କୁ ୪ଟି ଟ୍ୟାଙ୍କରରେ ୬୧.୪୪ ଓ ଉତ୍ତରପ୍ରଦେଶକୁ ୭ଟି ଟ୍ୟାଙ୍କରରେ ୧୧୪.୧୭ ମେଟ୍ରିକ ଟନ୍ ଅକ୍ସିଜେନ୍ ପଠାଯାଇଛି । ଏସବୁ ଅକ୍ସିଜେନ୍ ଟ୍ୟାଙ୍କର ଅନୁଗୁଳ, ଢେଙ୍କାନାଳ, ଯାଜପୁର ଓ ରାଉରକେଲାରୁ ଯାଇଛି ।

ଅନୁଗୁଳ ଜିଲ୍ଲାରୁ ମୋଟ ୧୬ ଟ୍ୟାଙ୍କରରେ ୨୩୩.୮୨ ମେଟ୍ରିକ୍ ଟନ୍ ଅକ୍ସିଜେନ୍ ପଠା ଯାଇଥିବା ବେଳେ ଢେଙ୍କାନାଳରୁ ୧୨ଟି ଟ୍ୟାଙ୍କରରେ ୧୯୯.୬୬ ମେଟ୍ରିକ୍ ଟନ୍, ଯାଜପୁରରୁ ୨୫ଟି ଟ୍ୟାଙ୍କରରେ ୫୩୯.୯୨ ମେଟ୍ରିକ୍ ଟନ୍, ରାଉରକେଲାରୁ ୩୭ଟି ଟ୍ୟାଙ୍କରରେ ୭୦୨.୩୮୧ ମେଟ୍ରିକ୍ ଟନ୍ ଅକ୍ସିଜେନ୍ ପଠାଯାଇଛି । ପ୍ରତି ଅକ୍ସିଜେନ୍ ଟ୍ୟାଙ୍କରକୁ ସ୍ୱତନ୍ତ୍ର କରିଡରରେ ଓଡ଼ିଶା ପୋଲିସ ଏସକର୍ଟ କରି ନେଉଛି ।

ସାମାଜିକ ଦୂରତା ପାଳନ ନକଲେ ୪୦୬ ଲୋକଙ୍କୁ ସଂକ୍ରମିତ କରିପାରେ ଜଣେ ବ୍ୟକ୍ତି: କେନ୍ଦ୍ର ସରକାର

ନୂଆଦିଲ୍ଲୀ: ଯଦି କୌଣସି କରୋନା ସଂକ୍ରମିତ ବ୍ୟକ୍ତି ମାକ୍ସ ପିନ୍ଧୁନାହିଁ ଏବଂ ସାମାଜିକ ଦୂରତା ପାଳନ କରୁନାହିଁ ତେବେ ସେ ୩୦ ଦିନ ମଧ୍ୟରେ ୪୦୬ ସୁସ୍ଥ ଲୋକଙ୍କୁ ସଂକ୍ରମିତ କରିପାରେ । କେନ୍ଦ୍ରସରକାରଙ୍କ ପକ୍ଷରୁ ଏହି ସୂଚନା ଦିଆଯାଇଛି । ଏହା ସହିତ ବିଶେଷଜ୍ଞଙ୍କ କହିବା ଅନୁଯାୟୀ, ଆପଣଙ୍କ ଘରେ କେହି ସମକ୍ରମିତ ନଥିଲେ ମଧ୍ୟ ଘରେ ମାସ୍କ ପିନ୍ଧିରହିବା ଉଚିତ । କେନ୍ଦ୍ର ସରକାରଙ୍କ ସୂଚନା ଅନୁଯାୟୀ ଏବେ ମଧ୍ୟ ମାସ୍କ ପିନ୍ଧିବା ଏବଂ ସାମାଜିକ ଦୂରତା ଅବଲମ୍ବନ କରିବା ନିହାତି ଜରୁରୀ । ସ୍ୱାସ୍ଥ୍ୟ ମନ୍ତ୍ରଣାଳୟର ଯୁଗ୍ମ ସଚିବ ଲବ ଅଗ୍ରୱାଲ ସୂଚନା ଦେଇଛନ୍ତି ଯେ ଅନେକ ବିଶ୍ୱବିଦ୍ୟାଳୟର ରିସର୍ଚ୍ଚରେ ଏହି ତଥ୍ୟ ସାମ୍ନାକୁ ଆସିଛି ଯେ, ସାମାଜିକ ଦୂରତା ଅବଲମ୍ବନ ନକଲେ ଜଣେ ସଂକ୍ରମିତ ବ୍ୟକ୍ତି ୪୦୬ ସୁସ୍ଥ ବ୍ୟକ୍ତିଙ୍କୁ ସଂକ୍ରମିତ କରିପାରିବ ।

ଏହା ବ୍ୟତୀତ ଯଦି କରୋନା ସଂକ୍ରମିତ ଏବଂ ସୁସ୍ଥ ବ୍ୟକ୍ତି ମାନେ ମାସ୍କ ପିନ୍ଧନ୍ତି ତେବେ ସଂକ୍ରମଣ ପ୍ରସାରର ଆଶଙ୍କା ୧.୫ ପ୍ରତିଶତ ହିଁ ରହିବ । ଅଗ୍ରୱାଲଙ୍କ କହିବା ଅନୁଯାୟୀ, ଯଦି ସଂକ୍ରମିତ ବ୍ୟକ୍ତି ନିଜ ଏକ୍ସପୋଜର ୫୦ ପ୍ରତିଶତ କମ କରନ୍ତି ତେବେ ସେ ଏକ ମାସରେ ୪୦୬ ବ୍ୟକ୍ତି ବ୍ୟତୀତ ମାତ୍ର ୧୫ ଜଣଙ୍କୁ ସଂକ୍ରମିତ କରିପାରିବ । ଏହା ବ୍ୟତୀତ ଯଦି ଏକ୍ସପୋଜର ୭୫ ପ୍ରତିଶତ ପର୍ଯ୍ୟନ୍ତ କମ କରାଯାଏ ତେବେ ସଂକ୍ରମିତ ବ୍ୟକ୍ତି ମାସେ ଭିତରେ ମାତ୍ର ୨ ଜଣ ବ୍ୟକ୍ତିଙ୍କୁ ସଂକ୍ରମିତ କରିପାରିବ । ମାସ୍କର ବ୍ୟବହାରରେ ଜୋର ଦେଇ ସେ କହିଛନ୍ତି ଯେ, ଗୋଟେ ପଟେ ଆମକୁ କ୍ଲିନିକାଲ ମ୍ୟାନେଜମେଣ୍ଟର ଆବଶ୍ୟକତା ଥିବାବେଳେ ଅନ୍ୟପଟେ ସାମାଜିକ ଦୂରତା ନିୟମର ପାଳନ କରିବା ମାସ୍କ ପିନ୍ଧିବା ମଧ୍ୟ ଜରୁରୀ ଅଟେ ।

 ଅନୁସନ୍ଧାନରୁ ଜଣାପଡ଼ିଛି ଯେ, ଯଦି ସଂକ୍ରମିତ ବ୍ୟକ୍ତି ୬ ମିଟର ଦୂରତାରେ ରହୁଛି, ତେବେ ମଧ୍ୟ ସଂକ୍ରମଣ ବ୍ୟାପିବାର ଆଶଙ୍କା ରହିଛି । ହୋମ ଆଇସୋଲେସନ ସ୍ଥିତିରେ ମଧ୍ୟ ଘରେ ଏଭଳି ହୋଇପାରେ । ଯଦି ମାସ୍କକୁ ସଠିକ ଭାବରେ ନପିନ୍ଧାଯାଏ ତେବେ, ୯୦ ପ୍ରତିଶତ ଆଶଙ୍କା ରହିଛି ଯେ ସଂକ୍ରମିତ ବ୍ୟକ୍ତି ଅନ୍ୟ ବ୍ୟକ୍ତିଙ୍କୁ କରୋନା ଭୂତାଣୁ ଦେଇପାରିବ । ସଂକ୍ରମିତ ହେଉ ବା ସୁସ୍ଥ ସମସ୍ତଙ୍କ ପାଇଁ ମାସ୍କ ପିନ୍ଧିବା ନିହାତି ଜରୁରୀ । ଯଦି ସୁସ୍ଥ ବ୍ୟକ୍ତି ମାସ୍କ ପିନ୍ଧୁଛି କିନ୍ତୁ ସଂକ୍ରମିତ ବ୍ୟକ୍ତି ପିନ୍ଧୁନାହିଁ ତେବେ ଇନଫେକସନର ଆଶଙ୍କା ୩୦ ପ୍ରତିଶତ ବଢ଼ିଯାଇଥାଏ ।

୮ ଟି ରାଜ୍ୟରେ କରୋନା ସଂକ୍ରମଣର ଏକ ଲକ୍ଷରୁ ମଧ୍ୟ ଅଧିକ ଆକ୍ଟିଭ ମାମଲା

ସୂଚନା ଅନୁଯାୟୀ ଦେଶରେ କରୋନା ସଂକ୍ରମଣ ମାମଲା ଦୃତ ଗତିରେ ମାଡ଼ି ଚାଲିଛି । ବିଗତ ଏକ ସପ୍ତାହ ହେବ କରୋନା ସଂକ୍ରମଣର ୩ ଲକ୍ଷରୁ ଅଧିକ ନୂଆ କରୋନା ମାମଲା ସାମ୍ନାକୁ ଆସିଛି । ଉତ୍ତର ପ୍ରଦେଶ, କର୍ଣ୍ଣାଟକ, ମହାରାଷ୍ଟ୍ର, ପଞ୍ଜାବ ସମେତ ଦେଶର ୮ ରାଜ୍ୟ ରହିଛି, ଯେଉଁଠି କରୋନା ସଂକ୍ରମଣର ୧ ଲକ୍ଷରୁ ଅଧିକ ଆକ୍ଟିଭ କେସ ରହିଛି ।

କରୋନା ଭ୍ୟାକ୍ସିନର ଅଲଗା ଅଲଗା ଦାମକୁ ନେଇ ପ୍ରଶ୍ନ ଉଠାଇଲେ ସୁପ୍ରିମକୋର୍ଟ

ନୂଆଦିଲ୍ଲୀ: ଦେଶରେ କରୋନା ସ୍ଥିତିକୁ ନେଇ ସୁପ୍ରିମକୋର୍ଟରେ ଶୁଣାଣି ଚାଲିଛି । ଶୁଣାଣି ବେଳେ ସୁପ୍ରିମକୋର୍ଟ ଭ୍ୟାକ୍ସିନର ଭିନ୍ନ ଭିନ୍ନ ଦାମକୁ ନେଇ ପ୍ରଶ୍ନ ଉଠାଇଛନ୍ତି । ଭ୍ୟାକ୍ସିନର ଅଲଗା ଅଲଗା ଦରକୁ ନେଇ କେନ୍ଦ୍ର ସରକାରଙ୍କୁ ପ୍ରଶ୍ନ କରିଛନ୍ତି ସୁପ୍ରିମକୋର୍ଟ ।

କୋର୍ଟ କହିଛନ୍ତି- ଡ୍ରଗ୍ କଣ୍ଟ୍ରୋଲର ଆକ୍ଟ ଓ ପେସେଣ୍ଟ ଆକ୍ଟ ଅନୁସାରେ ସରକାରଙ୍କ ପାଖରେ କ୍ଷମତା ରହିଛି । କେନ୍ଦ୍ର ସରକାରଙ୍କ ସୈନ୍ୟ ବଳ, ଅର୍ଦ୍ଧ ସୈନ୍ୟ ବଳ ଏବଂ ରେଲୱେ ଥିବାବେଳେ କିଭଳି ବ୍ୟବହାର କରାଯାଉଛି ବୋଲି କୋର୍ଟ ପ୍ରଶ୍ନ କରିଛନ୍ତି । ସମସ୍ତ ସମ୍ବଳର ବ୍ୟବହାର କରାଯାଉଥିବା କେନ୍ଦ୍ର ସରକାର କୋର୍ଟଙ୍କୁ ଜଣାଇଛନ୍ତି ।

Supreme Court Raises Question On Different Pricing Of Ccoronavirus Vaccine

କରୋନା ସ୍ଥିତିକୁ ନେଇ ଅଲଗା ଅଲଗା ହାଇକୋର୍ଟରେ ମଧ୍ୟ ଶୁଣାଣି ଚାଲିଛି । ଏହାକୁ ନେଇ କୋର୍ଟ ଆଉଥରେ ପ୍ରଶ୍ନ କରିଛନ୍ତି ସ୍ଥାନୀୟ ପରିସ୍ଥିତି ନେଇ ହାଇକୋର୍ଟ ଭଲଭାବେ ଅବଗତ । ଏଥିପାଇଁ ଆମେ ଶୁଣାଣିକୁ ବନ୍ଦ କରିବୁ ନାହିଁ ।

ଗତ ଶୁଣାଣି ବେଳେ ପୂର୍ବତନ ପ୍ରଧାନ ବିଚାରପତି ଜଷ୍ଟିସ୍ ଏସ୍.ଏ ବୋବଡେ, ଜଷ୍ଟିସ୍ ଏଲ୍ ନାଗେଶ୍ୱର ରାୱ ଏବଂ ଏସ୍ ରବୀନ୍ଦ୍ର ଭଟ୍ଟ କହିଥିଲେ କୌଣସି ହାଇକୋର୍ଟରେ ଚାଲିଥିବା ଶୁଣାଣି ରୋକିବା ସେମାନଙ୍କ ଉଦ୍ଦେଶ୍ୟ ନୁହେଁ । ସେମାନଙ୍କ ଚେଷ୍ଟା କେବଳ ଜାତୀୟ ସ୍ତରରେ ଆବଶ୍ୟକ ଔଷଧ ଓ ଉପକରଣ ଉତ୍ପାଦନ ଓ ଆମଦାନୀକୁ ନେଇ ଦେଖା ଦେଉଥିବା ଅସୁବିଧାକୁ ସହଜ କରିବ ।

ଏଥିସହ ପଢ଼ନ୍ତୁ- କରୋନା ଠାରୁ ବର୍ତ୍ତିବା ଲାଗି ସରକାରଙ୍କ ପାଖରେ କଣ ରହିଛି ଜାତୀୟ ଯୋଜନା ? ସୁପ୍ରିମକୋର୍ଟରେ ଆଜି ଶୁଣାଣି