spot_img
Home Blog Page 5908

ଫେରାର ହେବାରେ କାହାର ଥିଲା ହାତ ପଚରାଉଚରା କରିବ ପୋଲିସ, ଡେମୋ ଦେଖାଇବ ଗ୍ୟାଙ୍ଗଷ୍ଟର

କଟକ: କଟକରେ ପହଞ୍ଚିଲା ଗ୍ୟାଙ୍ଗଷ୍ଟର ହାଇଦର । କଟକରୁ ଫେରାର ହୋଇ ତେଲେଙ୍ଗାନାରୁ ଗିରଫ ପରେ ଆଜି ଓଡ଼ିଶା ଅଣାଯିବା ପରେ କଟକ ନିଆଯାଇଛି । ହାଇଦରକୁ ଏସଡିଜେଏମ୍ କୋର୍ଟରେ ହାଜର କରିବ ପୋଲିସ । ଗତକାଲି ତେଲେଙ୍ଗାନା ପୋଲିସର ସହାୟତାରେ ସାଙ୍ଗାରେଡ୍ଡିରୁ ହାଇଦରକୁ ଗିରଫ କରାଯାଇଥିଲା । ବାଇକରେ ଯାଉଥିବା ବେଳେ ମାଡି ବସିଥିଲା ପୋଲିସ ।

ଭୁବନେଶ୍ୱରରେ ପହଞ୍ଚିବା ପରେ କୋର୍ଟରେ ହାଇଦରକୁ ହାଜର କରାଯିବ । ସେ କିଭଳି ଏସସିବିରୁ ଖସିଲା, ଏହା ପଛରେ କାହାର ହାତ ରହିଛି, ଷଡଯନ୍ତ୍ର ହୋଇଥିଲା କି ସେ ନେଇ ପଚରାଉଚରା କରିବ ପୋଲିସ । ସବୁଠୁ ଗୁରୁତ୍ବପୂର୍ଣ୍ଣ କଥା ହାଇଦରକୁ ଖସାଇବାରେ କଟକ ଯୋବ୍ରାରୁ ହୋଇଥିଲା ଯୋଜନା । ହାଇଦରକୁ ଦେଖିବା ପରେ ମାଡି ବସିଥିଲା ତେଲେଙ୍ଗାନା ଟାସ୍କଫୋର୍ସ । ପାଟ୍ରୋଲିଂ କଡାକଡି କରିବା ସହ ସମସ୍ତ ପୋଲିସ ଆଲର୍ଟ ରହିଥିଲେ ।

ଏହାପରେ ଧରା ପଡିଥିଲା କୁଖ୍ୟାତ ଅପରାଧୀ । ଗତ ୧୦ ତାରିଖରେ ଚିକିତ୍ସାଧୀନ ଅବସ୍ଥାରେ ଏସସିବିରୁ ଫେରାର ହୋଇଯାଇଥିଲା ହାଇଦର । ସୁରକ୍ଷାକର୍ମୀଙ୍କୁ ବେହୋସ୍ କରି ଫେରାର ହୋଇଯାଇଥିଲା । ଗ୍ୟାଙ୍ଗଷ୍ଟରକୁ ଧରିବା ପାଇଁ ସ୍ୱତନ୍ତ୍ର ଟିମ୍ ଗଠନ କରିଥିଲା ଓଡ଼ିଶା ପୋଲିସ । ୫ ଦିନ ପରେ ହାଇଦରକୁ ଧରିବାରେ ସଫଳ ହୋଇଛି ପୋଲିସ ।

ବାଲେଶ୍ୱରରେ ଲଜ୍ଜା, ଭିନ୍ନକ୍ଷମ ନାବାଳିକାଙ୍କୁ ବିବାହର ପ୍ରଲୋଭନ ଦେଖାଇ ଦୁଷ୍କର୍ମ ଅଭିଯୋଗ

ଭୁବନେଶ୍ୱର: ବାଲେଶ୍ୱର ଜିଲ୍ଲା ଖଇରାରେ ଲଜ୍ଜା । ଭିନ୍ନକ୍ଷମ ନାବାଳିକାକୁ ବିବାହର ପ୍ରଲୋଭନ ଦେଖାଇ ଦୁଷ୍କର୍ମ ଅଭିଯୋଗ । ନାବାଳିକା ୬ମାସର ଗର୍ଭବତୀ ଥିବା ମଧ୍ୟ ଅଭିଯୋଗ ହୋଇଛି । ଯୁବକ ଫେରାର ଥିବା ବେଳେ ଥାନରେ ଦ୍ୱାରସ୍ଥ ହେଲେ ପିଡିତା ସହିତ ତାଙ୍କ ଭାଇ ଭାଉଜ । ଅଭିଯୋଗ ପରେ ଅଭିଯୁକ୍ତର ବାପାକୁ ଅଟକ ରଖି ତଦନ୍ତ ଚଳାଇଛି ପୋଲିସ ।

ସୂଚନାଅନୁସାରେ ନାବାଳିକା ସହିତ ଖଇରା ଥାନା ଗଡ଼ପୋଖରୀ ପଞ୍ଚାୟତ ଶରତ ଗ୍ରାମର ସମ୍ପର୍କୀୟ ଦାଦା ପ୍ରଦୀପ ସେଠି ଦୀର୍ଘ ୬ମାସରୁ ଅଧିକ ଦିନ ଶାରିରୀକ ସମ୍ପର୍କରେ ଥିଲା । ନାବାଳିକା ଜଣଙ୍କ ଗର୍ଭବତୀ ହେବା ପରେ ଗର୍ଭପାତ କରିବା ପାଇଁ ବାଧ୍ୟ କରିଥିଲା ଅଭିଯୁକ୍ତ । ପରେ ନାବାଳିକା ଭାଇ ଭାଉଜଙ୍କୁ ଜଣାଇବା ପରେ ଫେରାର ହୋଇଯାଇଥିଲା ଅଭିଯୁକ୍ତ ।

ଓଡ଼ିଶାରେ ପହଞ୍ଚିଲା ହାଇଦର, କଡ଼ା ସୁରକ୍ଷା ଭିତରେ ଭୁବନେଶ୍ୱର ଆଣିଲା ପୋଲିସ

ଭୁବନେଶ୍ୱର: ଓଡ଼ିଶାରେ ପହଞ୍ଚିଲା ଗ୍ୟାଙ୍ଗଷ୍ଟର ହାଇଦର । କଡ଼ା ସୁରକ୍ଷା ମଧ୍ୟରେ ହାଇଦରକୁ ଭବନେଶ୍ୱର ଅଣାଯାଇଛି । ଏହାପରେ ହାଇଦରକୁ କୋର୍ଟରେ କରାଯିବ ହାଜର କରାଯିବ । ହାଇଦର ଫେରାର ପଛରେ କାହାର ହାତ ଥିଲା ସେନେଇ ଜେରା କରିବ ପୋଲିସ । ତେଲେଙ୍ଗାନା ସାଙ୍ଗାରେଡ୍ଡିରୁ ଗତକାଲି ଗିରଫ ହୋଇଥିଲା ଗାଙ୍ଗଷ୍ଟର ହାଇଦର । ଗତକାଲି କମିଶନରେଟ୍ ପୋଲିସର ସ୍ୱତନ୍ତ୍ର ଟିମ୍ କୁଖ୍ୟାତ ଗ୍ୟାଙ୍ଗଷ୍ଟର ହାଇଦରକୁ ଗିରଫ କରିଥିବା ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ପ୍ରେସମିଟରେ ସୂଚନା ଦେଇଥିଲେ । ହାଇଦରକୁ ତେଲଙ୍ଗାନାରୁ କଟକ ପୋଲିସର ସ୍ୱତନ୍ତ୍ର ଟିମ୍ ଧରିଛି ।

କଟକ ପୋଲିସର ସ୍ୱତନ୍ତ୍ର ଟିମ୍ ତେଲଙ୍ଗାନା ପୋଲିସ ସହଯୋଗରେ ସାଙ୍ଗାରେଡ୍ଡୀ ଜିଲ୍ଲାରୁ ହାଇଦରକୁ ଧରିଥିଲା । ଶେଖ୍ ହାଇଦର ୧୬ ବର୍ଷ ଧରି ଜେଲରେ ଥିଲା । ଚିକିତ୍ସା ବାହାନାରେ ୨୩ ମାର୍ଚ୍ଚରେ ହାଇଦର କଟକ ଏସସିବିରେ ଭର୍ତ୍ତି ହୋଇଥିଲା । ଏପ୍ରିଲ୍ ୧୦ ତାରିଖ ୪ଟା ୩୦ ପାଖାପାଖି ହାଇଦର ସୁରକ୍ଷାକର୍ମୀଙ୍କୁ ନିଶା ଦେଇ ହାଇଦର ଖସି ଯାଇଥିଲା । ହାଇଦରକୁ ଧରିବା ପାଇଁ ୬ଟି ଟିମ୍ ଗଠନ କରାଯାଇଥିଲା । ରାଜ୍ୟ ସହ ବାହାର ଜିଲ୍ଲାର ବିଭିନ୍ନ ସ୍ଥାନରେ ପୋଲିସ ହାଇଦରକୁ ଧରିବା ପାଇଁ ରେଡ୍ କରିଥିଲା । ତେଲଙ୍ଗାନା ପୋଲିସ ସହାୟତାରେ ଆଜି ହାଇଦରକୁ କଟକ ପୋଲିସର ସ୍ୱତନ୍ତ୍ର ଟିମ୍ ଗିରଫ କରିଛି । ଖୁବଶୀଘ୍ର ହାଇଦରକୁ ଓଡ଼ିଶା ଅଣାଯାଇ କୋର୍ଟରେ ପ୍ରଡ୍ୟୁସ୍ କରାଯିବ ବୋଲି ପୋଲିସ କମିଶନର କହିଛନ୍ତି ।

ଗତ ୧୦ ତାରିଖରେ ହାଇଦର ଏସସିବିରୁ ଫେରାର୍ ପରେ ସମ୍ବଲପୁର ଏସପି କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ । ହାଇଦର ସୁରକ୍ଷାରେ ନିୟୋଜିତ ୬ ଜଣ ପୋଲିସ କର୍ମଚାରୀଙ୍କୁ ନିଲମ୍ବିତ କରାଯାଇଥିଲା ।

କରୋନାର ଦ୍ୱିତୀୟ ସଂକ୍ରମଣ ଆତଙ୍କ: ପରବର୍ତ୍ତୀ ନିର୍ଦ୍ଦେଶ ଯାଏଁ ବନ୍ଦ ରହିବ କୋଣାର୍କ ମନ୍ଦିର

ଭୁବନେଶ୍ୱର: କରୋନାର ଦ୍ୱିତୀୟ ସଂକ୍ରମଣ ଆତଙ୍କ ଖେଳାଇଥିବା ବେଳେ, ବନ୍ଦ ହେଲା ପ୍ରତ୍ନତତ୍ତ୍ୱ ବିଭାଗ ଅଧୀନରେ ଥିବା ସମସ୍ତ ଐତିହସ୍ଥଳୀ ଓ ସଂଗ୍ରହାଳୟ । ଏହି କ୍ରମରେ ଆଜିଠୁ କୋଣାର୍କ ସୂର୍ଯ୍ୟ ମନ୍ଦିରକୁ ଆଜି ବନ୍ଦ ରଖାଯାଇଛି । ଫଳରେ ସକାଳୁ ସୂର୍ଯ୍ୟମନ୍ଦିର ବୁଲିବାକୁ ଆସିଥିବା ପର୍ଯ୍ୟଟକ ନିରାଶ ହୋଇ ଫେରିଛନ୍ତି । ସଂକ୍ରମଣ ବୃଦ୍ଧି ପାଉଥିବାରୁ ଏପ୍ରିଲ ୧୫ ଠାରୁ ମେ ୧୫ ତାରିଖ କିମ୍ବା ପରବର୍ତ୍ତୀ ନିର୍ଦ୍ଦେଶନାମା ନଆସିବା ପର୍ଯ୍ୟନ୍ତ କୋଣାର୍କ ବନ୍ଦ ରହିବ । କରୋନା କଟକଣା ପାଇଁ ୮ ମାସ ଧରି ସୂର୍ଯ୍ୟ ମନ୍ଦିର ବନ୍ଦ ରହିବା ଯୋଗୁଁ ଏଠାକାର ସମସ୍ତ ଛୋଟବଡ଼ ବ୍ୟବସାୟୀ ପ୍ରଭାବିତ ହୋଇଥିଲେ । ଏବେ ପୁଣି ପୂର୍ବ ସୂଚନା ନଦେଇ ପର୍ଯ୍ୟଟନସ୍ଥଳୀ ବନ୍ଦ କରାଯାଇଥିବାରୁ ଜୀବନଜୀବିକା ସଂକଟରେ ପଡ଼ିଛି ।

ରାଜ୍ୟରେ ବଢ଼ୁଥିବା କୋଭିଡ୍ ସଂକ୍ରମଣ ମାମଲାକୁ ନେଇ ସରକାର କଡ଼ା ପଦକ୍ଷେପ ନେଇଛନ୍ତି । ପୂର୍ବରୁ ପଶ୍ଚିମ ଓଡ଼ିଶାର ୧୦ଟି ଜିଲ୍ଲାରେ ସରକାର ରାତ୍ରୀକାଳୀନ କର୍ଫ୍ୟୁ ଲଗାଇଥିଲେ । ଏଥିରେ ପରିବର୍ତ୍ତନ କରାଯାଇଛି । ଶନିବାର ଠାରୁ ପଶ୍ଚିମ ଓଡ଼ିଶାର ୧୦ଟି ଜିଲ୍ଲାରେ ସନ୍ଧ୍ୟା ୬ଟାରୁ ଭୋର୍ ୫ଟା ଯାଏ ନାଇଟ୍ କର୍ଫ୍ୟୁ ଲାଗୁ ହେବ । ଏନେଇ ସାମ୍ବଦିକ ସମ୍ମିଳନୀରେ ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ।

ଛତିଶଗଡ଼ ସୀମାନ୍ତ ଜିଲ୍ଲା ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର, ବରଗଡ଼, ନୂଆପଡ଼ା, କଳାହାଣ୍ଡି, ବଲାଙ୍ଗିର, କୋରାପୁଟ, ନବରଙ୍ଗପୁର ଏବଂ ମାଲକାନଗିରିର ସହରାଞ୍ଚଳରେ ଆସନ୍ତାକାଲିଠାରୁ ରାତ୍ରୀକାଳୀନ କର୍ଫ୍ୟୁ ସମୟ ପରିବର୍ତ୍ତନ ହେବ । ୧୦ ଜିଲ୍ଲାର ସହରାଞ୍ଚଳରେ ସନ୍ଧ୍ୟା ୬ଟାରୁ ଭୋର୍ ୫ଟା ଯାଏ ନାଇଟ୍ କର୍ଫ୍ୟୁ ଲାଗୁ ହେବ । ଏହାବ୍ୟତୀତ ଓଡ଼ିଶାର ଅନ୍ୟ ୨୦ ଜିଲ୍ଲାର ସମସ୍ତ ସହରାଞ୍ଚଳରେ ରାତ୍ରୀକାଳୀନ କର୍ଫ୍ୟୁ ଲାଗୁ ହେବ । ସମସ୍ତ ସହରାଞ୍ଚଳରେ ରାତ୍ରୀକାଳୀନ କର୍ଫ୍ୟୁ ରାତି ୯ଟାରୁ ସକାଳ ୫ଟା ଯାଏ ଶନିବାର ଠାରୁ ଅନିର୍ଦ୍ଦିଷ୍ଟ ସମୟ ପାଇଁ ଲାଗୁ ହେବ ।

ଛତିଶଗଡ଼ ଓ ଝାଡ଼ଖଣ୍ଡ ସୀମାନ୍ତରେ ଥିବା ୧୦ ଜିଲ୍ଲାର ସହରାଞ୍ଚଳରେ ସପ୍ତାହନ୍ତ ସଟଡାଉନ୍ କରାଯିବ । ପ୍ରତି ଶନିବାର ଓ ରବିବାର ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର, ବରଗଡ଼, ନୂଆପଡ଼ା, କଳାହାଣ୍ଡି, ବଲାଙ୍ଗିର, କୋରାପୁଟ, ନବରଙ୍ଗପୁର ଏବଂ ମାଲକାନଗିରିର ସହରାଞ୍ଚଳରେ ୱିକେଣ୍ଡ ସଟଡାଉନ୍ ଲାଗୁ ହେବ । ଆସନ୍ତା ଶନିବାର ଓ ରବିବାର ଠାରୁ ଏହି ସାପ୍ତାହିକ ସଟଡାଉନ୍ ଲାଗୁ ହେବ ବୋଲି ମୁଖ୍ୟ ଶାସନ ସଚିବ ସୂଚନା ଦେଇଛନ୍ତି ।

ଓଡ଼ିଶାରେ ଉପରମୁହାଁ ମହାମାରୀ କରୋନା, ୨୪ ଘଣ୍ଟାରେ ୩୧୦୮ ପଜିଟିଭ୍ ଚିହ୍ନଟ

ଭୁବନେଶ୍ୱର: ହଜାର ନୁହେଁ, ଦୁଇ ହଜାର ନୁହେଁ ଏବେ ୩ ହଜାର ଟପିଛି କୋଭିଡ ମାମଲା । ଆଜି ରାଜ୍ୟରୁ ଦୈନିକ ସଂକ୍ରମଣ ୩୦୧୮ ଚିହ୍ନଟ ହୋଇଛନ୍ତି । ଷ୍ଟେଟପୁଲରୁ ୧୧୮ ସଂକ୍ରମିତ ଚିହ୍ନଟ ହୋଇଛନ୍ତି ।

ଅନୁଗୁଳୁରୁ ୪୪, ବାଲେଶ୍ୱରରୁ ୧୫୧, ବରଗଡ଼ରୁ ୧୩୨, ଭଦ୍ରକରୁ ୫୩, ବଲାଙ୍ଗିରରୁ ୧୩୩, ବୌଦ୍ଧରୁ ୯, କଟକରୁ ୧୬୩, ଦେଓଗଡ଼ରୁ ୧୯, ଢେଙ୍କାନାଳରୁ ୧୬, ଗଜପତିରୁ ୧୮, ଗଞ୍ଜାମରୁ ୫୫, ଜଗତସିଂହପୁରରୁ ୨୯, ଯାଜପୁରରୁ ୭୫, ଝାରସୁଗୁଡ଼ାରୁ ୮୯, କଲାହାଣ୍ଡିରୁ ୫୫, କନ୍ଧମାଳରୁ ୧୦, କେନ୍ଦ୍ରପଡ଼ାରୁ ୨୨, କେଉଁଝରରୁ ୧୦୫, ଖୋର୍ଦ୍ଧାରୁ ୫୩୪, କୋରାପୁଟରୁ ୨୩, ମାଲକାନଗିରିରୁ ୩, ମୟୁରଭଞ୍ଜରୁ ୭୧, ନବରଙ୍ଗପୁରରୁ ୧୫୬, ନୟାଗଡ଼ରୁ ୧୪୦, ପୁରୀରୁ ୧୧୪, ରାୟଗଡ଼ାରୁ ୩୮, ସମ୍ବଲପୁରରୁ ୧୫୩, ସୋନପୁର ୪୨, ସୁନ୍ଦରଗଡ଼ରୁ ୫୨୩ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି ।

ସିନିୟର ଏସିଆନ ଓ୍ୱେଟଲିପ୍ଟିଂ ଚାମ୍ପିୟନସିପରେ ଓଡ଼ିଶାରୁ ୨ ଜଣ ମହିଳା ଭାରଉତ୍ତଳନକାରୀ

ଭୁବନେଶ୍ୱର: ସିନିୟର ଏସିଆନ ଓ୍ୱେଟଲିପ୍ଟିଂ ଚାମ୍ପିୟନସିପରେ ଓଡ଼ିଶାରୁ ୨ ଜଣ ମହିଳା ଭାରଉତ୍ତଳନକାରୀ । ଉଜବେକିସ୍ତାନର ତାସକେଣ୍ଟରେ ଏସିଆନ ଓ୍ୱେଟଲିପ୍ଟିଂ ଚାମ୍ପିୟନସିପ ଅନୁଷ୍ଠିତ ହେବାକୁ ଯାଉଥିବା ବେଳେ ଓଡ଼ିଶାରୁ ୨ ଜଣ ମହିଳା ଭାରଉତ୍ତଳନକାରୀ ଝିଲି ଦଳବେହେରା ଓ ସ୍ନେହା ସୋରେନ ଏହି ପ୍ରତିଯୋଗିତା ଖେଳିବା ପାଇଁ ଉଜବେକିସ୍ତାନର ତାସକେଣ୍ଟରେ ପହଞ୍ଚିଛନ୍ତି । ଆସନ୍ତା ଶନିବାର ଦିନ ଦୁଇ ଓଡ଼ିଆ ଭାରଉତ୍ତଳନକାରୀ ଝିଲି ଦଳବେହେରା ଓ ସ୍ନେହା ସୋରେନଙ୍କ ପ୍ରତିଯୋଗିତା ରହିଛି । ପ୍ରତିଯୋଗିତାରେ ଏହି ଦୁଇ ଓଡ଼ିଆ ଭାରଉତ୍ତଳନକାରୀ ନିଜ ଦେଶ ପାଇଁ ମେଡାଲ ଆଣିବେ ବୋଲି ଆଶା କରାଯାଉଛି ।

୫ଦିନ ପରେ ତେଲେଙ୍ଗାନାରୁ ଧରାପଡ଼ିଲା ମୋଷ୍ଟ ୱାଣ୍ଟେଡ୍, ବାଇକରେ ଯାଉଥିବା ବେଳେ ମାଡିବସିଲା ପୋଲିସ

ଭୁବନେଶ୍ୱର: ଆଜି ଓଡ଼ିଶା ଫେରିବ ଗ୍ୟାଙ୍ଗଷ୍ଟର ହାଇଦର । କଟକରୁ ଫେରାର ହୋଇ ତେଲେଙ୍ଗାନାରୁ ଗିରଫ ପରେ ଆଜି ହାଇଦରକୁ ଭୁବନେଶ୍ୱର ଅଣାଯିବ । ଗତକାଲି ଗିରଫ ହୋଇଛି ଗ୍ୟାଙ୍ଗଷ୍ଟର ହାଇଦର । ହାଇଦର ଗିରଫ ହେବା ନେଇ ସୂଚନା ଦେଇଛନ୍ତି କମିଶନରେଟ ପୋଲିସ । ତେଲେଙ୍ଗାନା ପୋଲିସର ସହାୟତାରେ ସାଙ୍ଗାରେଡ୍ଡିରୁ ହାଇଦରକୁ ଗିରଫ କରାଯାଇଛି । ବାଇକରେ ଯାଉଥିବା ବେଳେ ମାଡିବସିଥିଲା ପୋଲିସ । ଭୁବନେଶ୍ୱରରେ ପହଞ୍ଚିବା ପରେ କୋର୍ଟରେ ହାଇଦରକୁ ହାଜର କରାଯିବ ।

 

ଓଡ଼ିଶା ଆଣିବା ପରେ ହାଇଦରକୁ ପଚରାଉଚରା କରାଯିବ । ସେ କିଭଳି ଏସସିବିରୁ ଖସିଲା, ଏହା ପଛରେ କାହାର ହାତ ରହିଛି , ଷଡଯନ୍ତ୍ର ହୋଇଥିଲା କି ସେ ନେଇ ପଚରାଉଚରା ହେବ ବୋଲି କହିଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ । ହାଇଦର ଗିରଫ ହେବା ପରେ କମିଶନରେଟ୍ ପୋଲିସକୁ ସାବାସୀ ଦେଇଛନ୍ତି ପୋଲିସ ଡିଜି ଅଭୟ । ଟୁଇଟ୍ ଜରିଆରେ ପ୍ରଶଂସା କରିଛନ୍ତି ଡିଜିପି । ସେପଟେ ହାଇଦର ଗିରଫ ନେଇ ସୂଚନା ଦେଇଛନ୍ତି ହାଇଦ୍ରାବାଦ ପୋଲିସ କମିଶନର ଅଞ୍ଜନୀ କୁମାର । ହାଇଦ୍ରାବାଦର ଜହିରାବାଦରୁ ଗିରଫ ହୋଇଛି ହାଇଦର । ଦେଖିଲା ପରେ ହାଇଦରକୁ ମାଡି ବସିଥିଲା ତେଲେଙ୍ଗାନା ଟାସ୍କଫୋର୍ସ ।

ପାଟ୍ରୋଲିଂ କଡାକଡି କରିବା ସହ ସମସ୍ତ ପୋଲିସ ଆଲର୍ଟ ରହିଥିଲେ । ଏହା ପରେ ଧରା ପଡିଥିଲା ହାଇଦର୍ । ଗତ ୧୦ ତାରିଖରେ ଚିକିତ୍ସାଧୀନ ଅବସ୍ଥାରେ ଏସସିବିରୁ ଫେରାର ହୋଇଯାଇଥିଲା ହାଇଦର । ସୁରକ୍ଷାକର୍ମୀଙ୍କୁ ବେହୋସ୍ କରି ଫେରାର ହୋଇଯାଇଥିଲା ହାଇଦର । ଗ୍ୟାଙ୍ଗଷ୍ଟରକୁ ଧରିବା ପାଇଁ ସ୍ୱତନ୍ତ୍ର ଟିମ୍ ଗଠନ କରିଥିଲା ଓଡ଼ିଶା ପୋଲିସ । ୫ ଦିନ ପରେ ହାଇଦରକୁ ଧରିବାରେ ସଫଳ ହୋଇଛି ପୋଲିସ ।

ଶେଷ ଓଭରରେ ଜିତିଲା ରାଜସ୍ଥାନ ରୟାଲ୍ସ, ମ୍ୟାଚ୍ ଜିତାଇଲେ ମୋରିସ୍

ମୁମ୍ବାଇ: ଆଇପିଏଲର ସପ୍ତମ ମ୍ୟାଚରେ ରାଜସ୍ଥାନ ରୟାଲ୍ସ-ଦିଲ୍ଲୀ କ୍ୟାପିଟାଲ୍ସ ମୁହାଁମୁହିଁ ହୋଇଥିଲେ । ଟସ୍ ଜିତି ପ୍ରଥମେ ଫିଲ୍ଡିଂ କରିଥିଲା ରାଜସ୍ଥାନ ରୟାଲ୍ସ । ନିର୍ଦ୍ଧାରିତ ୨୦ ଓଭରରେ ଋଷଭ ପନ୍ତଙ୍କ ୩୨ ବଲରେ ୫୧ ରନ ବଳରେ ଦିଲ୍ଲୀ କ୍ୟାପିଟାଲ୍ସ ୮ ୱିକେଟ୍ ହରାଇ ୧୪୭ ରନ୍ କରିଥିଲା । ଜବାବରେ ବ୍ୟାଟିଂ ଆରମ୍ଭ କରିଥିବା ରାଜସ୍ଥାନ ରୟାଲ୍ସ ୧୯.୪ ଓଭରରେ ୩ ୱିକେଟରେ ମ୍ୟାଚକୁ ଜିତି ନେଇଛି ।

Rajasthan Royals won by 3 wickets Against Delhi Capitals

ପ୍ରଥମ ୪ ଓଭରରେ ୧୭ ରନ୍ କରି ୩ ୱିକେଟ୍ ହରାଇଥିଲା ରାଜସ୍ଥାନ ରୟାଲ୍ସ । ଶେଷ ୯ ବଲରେ ରାଜସ୍ଥାନ ରୟାଲ୍ସକୁ ୨୧ ରନ୍ ଆବଶ୍ୟକତା ଥିଲା । କ୍ରିସ୍ ମୋରିସ୍ ଏକ ଛକା ମାରିବା ସହ ରାଜସ୍ଥାନକୁ ବଳ ଦେଇଥିଲେ । ଶେଷ ଓଭରର ଦ୍ୱିତୀୟ ବଲରେ ମୋରିସ୍ ଆଉ ଏକ ଛକା ମାରିଥିଲେ । ଚତୁର୍ଥ ବଲରେ ଆଉ ଏକ ଛକା ମାରି ଦଳକୁ ରୋମାଞ୍ଚକର ବିଜୟ ଭେଟି ଦେଇଥିଲେ ମୋରିସ୍ ।

Rajasthan Royals won by 3 wickets Against Delhi Capitals

୧୯.୪ ବଲରେ ରାଜସ୍ଥାନ ରୟାଲ୍ସ ୭ ୱିକେଟ୍ ହରାଇ ୧୫୦ ରନ୍ କରି ୩ ୱିକେଟରେ ମ୍ୟାଚ ଜିତିଛି । ଦଳ ପକ୍ଷରୁ କ୍ରିସ୍ ମୋରିସ୍ ଅପରାଜିତ ୧୮ ବଲରେ ୪ଟି ଛକା ମାରି ୩୬ ରନ୍ କରିଥିଲେ । ଅନ୍ୟମାନଙ୍କ ମଧ୍ୟରେ ଡେଭିଡ୍ ମିଲର ୪୩ ବଲରେ ସର୍ବାଧିକ ୬୨ ରନ୍ କରିଥିଲେ । ବିଜୟ ସହ ରାଜସ୍ଥାନ ଆଇପିଏଲ୍ ପଏଣ୍ଟ ଟେବୁଲରେ ପଞ୍ଚମ ସ୍ଥାନକୁ ଉଠିଥିବା ବେଳେ ପରାଜୟ ସତ୍ତ୍ୱେ ଦିଲ୍ଲୀ କ୍ୟାପିଟାଲ୍ସ ଚତୁର୍ଥ ସ୍ଥାନରେ ରହିଛି ।

ଦିଲ୍ଲୀର ମେଦାନ୍ତ ହସ୍ପିଟାଲରେ ଭର୍ତ୍ତି ହେଲେ ପିସିସି ସଭାପତି

ଭୁବନେଶ୍ୱର: ପିସିସି ସଭାପତି ନିରଞ୍ଜନ ପଟ୍ଟନାୟକ ଦିଲ୍ଲୀର ମେଦାନ୍ତ ହସ୍ପିଟାଲରେ ଭର୍ତ୍ତି ହୋଇଛନ୍ତି । ହାର୍ଟର ରୋଟିନ ଚେକ୍ ଅପ୍ ପାଇଁ ନିରଞ୍ଜନ ଦିଲ୍ଲୀର ମେଦାନ୍ତ ହସ୍ପିଟାଲରେ ଆଡମିଟ୍ ହୋଇଥିବା ଜଣାପଡ଼ିଛି ।

OPCC President Niranjan Patnaik Admitted In Delhi Medanta Hospital

ପିସିସି ସଭାପତି ନିରଞ୍ଜନ ପଟ୍ଟନାୟକ କିଛି ଦିନ ତଳେ ହୋମ୍ ଆଇସୋଲେସନରେ ଥିବାବେଳେ କରୋନା ପରୀକ୍ଷା କରାଇଥିଲେ । ତାଙ୍କର କୋଭିଡ୍ ଟେଷ୍ଟ ରିପୋର୍ଟ ନେଗେଟିଭ ଆସିଥିଲା ।

ଅନ୍ୟ ଜାତିରେ ଝିଅ ବାହାହେଲା ବୋଲି ପରିବାର ସାମାଜିକ ବାସନ୍ଦ

ନବରଙ୍ଗପୁର (ଅଜିତ ନାୟକ): ପ୍ରେମ କରି ଅନ୍ୟ ଜାତିରେ ବିବାହ କରିବାରୁ ସାମାଜିକ ବାସନ୍ଦ । ଗୋଟିଏ ପରିବାରକୁ ୩ ମାସ ହେଲା ନିଆଁ ପାଣିରୁ ବାସନ୍ଦ କରାଯାଇଛି । ନବରଙ୍ଗପୁର ଜିଲ୍ଲା ପାପଡ଼ାହାଣ୍ଡି ବ୍ଲକ ଆଉଁଳି ଗାଁର ବାସୁଦେବ କୁର୍ମାଙ୍କ ପରିବାର ସହୁଛନ୍ତି ବାସନ୍ଦ କଷ୍ଟ । ସ୍ତ୍ରୀ, ଗୋଟିଏ ପୁଅ ଏବଂ ଦୁଇ ଝିଅଙ୍କୁ ନେଇ ବାସୁଦେବଙ୍କ ୬ ପ୍ରାଣୀର କୁଟୁମ୍ବ ।

Social Restriction On Family For Daughter Married Other Caste In Nabarangpur

ଦୁଇ ଝିଅ ନିଜ ଇଚ୍ଛାରେ ଘରୁ ପଳାଇ ପ୍ରେମ ବିବାହ କରିଛନ୍ତି । ଏଥିପାଇଁ ବାସନ୍ଦ ସଜା ଭୋଗୁଛନ୍ତି ବାସୁଦେବଙ୍କ ପରିବାର । ବାସୁଦେବଙ୍କ ୨ ଝିଅଙ୍କ ବିବାହ ନେଇ କୁର୍ମୀ ସମାଜ ଗାଁରେ ପ୍ରଜାକୋର୍ଟ କରିଥିଲା । ଏଥିରେ ପରିବାରକୁ ଦୋଷୀ କରି ନିଆଁ ପାଣିରୁ ବାସନ୍ଦ ଭଳି କୋଠର ନିଷ୍ପତ୍ତି ନିଆଯାଇଛି । ଆଉ ଗୋଟିଏ ଝିଅ ପାଇଁ ୬ ହଜାର ଟଙ୍କା ଅନ୍ୟ ଗୋଟିଏ ଝିଅ ପାଇଁ ୧୦ ହଜାର ଟଙ୍କାର ଜରିମାନା କରାଯାଇଛି ।

Social Restriction On Family For Daughter Married Other Caste In Nabarangpur

ବାସୁଦେବଙ୍କ ଆର୍ଥିକ ସ୍ଥିତି ଭଲ ନଥିବାରୁ ପଞ୍ଚାୟତ ଆଗରେ ୧୬ ହଜାର ଟଙ୍କା ବଦଳରେ ଜରିମାନା ଅର୍ଥ କମ୍ କରିବାକୁ ଗୁହାରି କରିଥିଲେ । ସମାଜ ଜରିମାନା କମ୍ କରିନଥିଲା । ଅର୍ଥ ଦେଇ ନପାରିବାରୁ ଦୀର୍ଘ ୩ ମାସ ହେଲା ଏମିତି ବାସନ୍ଦ ହୋଇ ଦିନ କାଟୁଛନ୍ତି କୁର୍ମା ପରିବାର । ଦୁଇ ଝିଅ ନିଜ ଜାତି ସମାଜକୁ ନ ଜଣାଇ ବିବାହ କରିଥିବାରୁ ଗାଁର କୌଣସି କାର୍ଯ୍ୟ ବିବାହ କି ଦଶାହରେ ପରିବାରକୁ ନିମନ୍ତ୍ରଣ କରାଯାଉନାହିଁ । ଏମତିକି ଗାଁର ନଳକୂଅ ବ୍ୟବହାର ଉପରେ ପରିବାରକୁ ରୋକ୍ ଲଗାଇଛି ସମାଜ ।

Social Restriction On Family For Daughter Married Other Caste In Nabarangpur

ଏନେଇ ପରିବାର ଜିଲ୍ଲାପାଳ ଏବଂ ଏସପିଙ୍କୁ ମଧ୍ୟ ଅଭିଯୋଗ କରିଛନ୍ତି ତଥାପି କିଛି ସୁଫଳ ମିଳିନାହିଁ । ଫଳରେ ପରିବାର ଜିଲ୍ଲା ଆଇନ୍ ସେବା ପ୍ରାଧିକରଣର ଦ୍ୱାରସ୍ଥ ହୋଇଛନ୍ତି । ଘଟଣା ସମ୍ପର୍କରେ ନନ୍ଦିଘୋଷ ଟିଭି ନବରଙ୍ଗପୁର ଉପ ଜିଲ୍ଲାପାଳଙ୍କୁ ଅବଗତ କରାଇବା ପରେ ପାପଡ଼ାହାଣ୍ଡି ଥାନା ଅଧିକାରୀଙ୍କୁ ଏହା ଉପରେ ଗୁରୁତର ସହ ତଦନ୍ତ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ଏଭଳି କୁସଂସ୍କାରକୁ ପ୍ରରୋଚନା ଦେଉଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଉପ ଜିଲ୍ଲାପାଳ ।