spot_img
Home Blog Page 5910

ସ୍ୱେରେଜରେ କେମିତି ହେଲା ୨ ଜଣଙ୍କ ମୃତ୍ୟୁ ? ମିଳିତ ତଦନ୍ତ ନିର୍ଦ୍ଦେଶ

ଭୁବନେଶ୍ୱର: କଟକ ସିଡିଏ ସେକ୍ଟର ୧୦ରେ ସ୍ୱେରେଜରେ ଫସି ୨ ଜଣ ଶ୍ରମିକଙ୍କ ମୃତ୍ୟୁ ଘଟଣାର ତଦନ୍ତ ନିର୍ଦ୍ଦେଶ । ଗୃହ ଏବଂ ନଗର ଉନ୍ନୟ ବିଭାଗର ପ୍ରମୁଖ ଶାସନ ସଚିବ ଜି. ମଠି ଭାଥନନ ମିଳିତ ତଦନ୍ତ ନିର୍ଦ୍ଦେଶ ଦେଇଛନ୍ତି । କଟକ ତହସିଲଦାର ଓ ସିଏମସିର ଡେପୁଟି କମିଶନର ଏନଫୋର୍ସମେଣ୍ଟ ମିଳିତ ତଦନ୍ତ କରି ରିପୋର୍ଟ ଦେବେ ।

Joint Enquiry Ordered On Two workers died In Sewerage Line Cuttack

ସ୍ୱେରେଜ୍ କାମ ବେଳେ ୨ ଶ୍ରମିକ କେମିତି ଭିତରେ ଫସିଗଲେ ? କେଉଁ ପରିସ୍ଥିତିରେ ଏଭଳି ଘଟିଲା ? ସ୍ୱେରେଜ୍ ଭିତରେ କିଛି ବିଷାକ୍ତ ଗ୍ୟାସ୍ ନିର୍ଗତ ହୋଇଛି କି ? ଏସବୁର ମିଳିତ ତଦନ୍ତ କରି ରିପୋର୍ଟ ଦେବାକୁ ଗୃହ ଏବଂ ନଗର ଉନ୍ନୟନ ବିଭାଗର ପ୍ରମୁଖ ଶାସନ ସଚିବ ନିର୍ଦ୍ଦେଶ ଦେଇଛନ୍ତି ।

Joint Enquiry Ordered On Two workers died In Sewerage Line Cuttack

ସ୍ୱେରେଜ ଭିତରେ ଅଣନିଶ୍ୱାସୀ ହୋଇ କଟକର ଟି .ଶଙ୍କର ଓ ବଡ଼ମ୍ବାର ବିଷ୍ଣୁ ନାୟକଙ୍କ ମୃତ୍ୟୁ ହୋଇଥିବା ବେଳେ ଶିବା ଗୁରୁତର ଅଛନ୍ତି । କଟକ ଏସସିବି ମେଡିକାଲରେ ଶିବାଙ୍କ ଚିକିତ୍ସା ଚାଲିଛି । ସ୍ୱେରେଜ ମଧ୍ୟକୁ ଟି.ଶଙ୍କର ଓ ବିଷ୍ଣୁ ଯିବା ପରେ ପ୍ରାୟ ୨୦ ମିନିଟ୍ ଧରି ଫେରି ନଥିଲେ । ଫଳରେ ଶିବା ସ୍ୱେରେଜ୍ ଭିତରକୁ ଯାଇଥିଲା । ସେ ମଧ୍ୟ ଅଣନିଶ୍ୱାସୀ ହୋଇ ପଡ଼ିଥିଲା ।

ଏଥିସହ ପଢ଼ନ୍ତୁ- ସ୍ୱେରେଜରେ ଅଣନିଶ୍ୱାସୀ ହୋଇ ୨ ମୃତ, ଜଣେ ଗୁରୁତର

ଦୈନିକ ‘ସକାଳ’ର ସମ୍ବଲପୁର ସଂସ୍କରଣରେ ଅତ୍ୟାଧୁନିକ ଅଫସେଟ୍ ପ୍ରିଣ୍ଟିଂ ପ୍ରେସ୍ ଉଦଘାଟିତ

ସମ୍ବଲପୁର: ଦୈନିକ ଖବର କାଗଜ ‘ସକାଳ’ର ସମ୍ବଲପୁର ସଂସ୍କରଣରେ ଅତ୍ୟାଧୁନିକ ଅଫସେଟ୍ ପ୍ରିଣ୍ଟିଂ ପ୍ରେସ୍ ଆଜି ଉଦଘାଟିତ ହୋଇଯାଇଛି । ଏହି ପ୍ରେସରୁ ଖବର କାଗଜ ମୁଦ୍ରିତ ହୋଇ ୧୦ଟି ଜିଲ୍ଲାରେ ପହଞ୍ଚିବ । ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ ଏହି ପ୍ରେସ୍‌କୁ ଉଦଘାଟନ କରିଛନ୍ତି ।

Offset Printing Press Of Odia Daily Sakal Inaugurated In Sambalpur

ଉଦଘାଟନୀ କାର୍ଯ୍ୟକ୍ରମରେ ଦୈନିକ ‘ସକାଳ’ର ସିଇଓ ସୁବ୍ରତ ଦାଶ, ପ୍ରକାଶକ ଅମିତ ମଲ୍ଲିକ, ସମ୍ବଲପୁର ସଂସ୍କରଣର ଶାଖା ପରିଚାଳକ ନରୋତ୍ତମ ଗୁରୁ, କର୍ମକର୍ତ୍ତା ଓ ସମଲେଶ୍ବରୀ ମନ୍ଦିର ଟ୍ରଷ୍ଟ ବୋର୍ଡର ସଭାପତି ସଂଜୟ ବାବୁ ପ୍ରମୁଖ ଉପସ୍ଥିତ ଥିଲେ ।

Offset Printing Press Of Odia Daily Sakal Inaugurated In Sambalpur

ଖୁବଶୀଘ୍ର ଭୁବନେଶ୍ବର, ଜୟପୁର ଓ ପାଣିକୋଇଲି ଠାରେ ଏଭଳି ଅତ୍ୟାଧୁନିକ ପ୍ରିଣ୍ଟିଂ ପ୍ରେସ୍ ପ୍ରତିଷ୍ଠା କରିବାକୁ ପରିଚାଳନା କର୍ତ୍ତୃପକ୍ଷ ଲକ୍ଷ୍ୟ ରଖିଛନ୍ତି । ଖୁବ୍ କମ୍ ଦିନ ମଧ୍ୟରେ ଲୋକଙ୍କ ଦ୍ବାରା ଆଦୃତି ପାଇଥିବା ଦୈନିକ ଓଡ଼ିଆ ଖବର କାଗଜ ‘ସକାଳ’ ଏବେ ଘରେ ଘରେ ଖୁବ୍ ପରିଚିତି ପାଇଛି ।

https://youtu.be/it4kjiVXnvA

ସ୍ୱେରେଜରେ ଅଣନିଶ୍ୱାସୀ ହୋଇ ୨ ମୃତ, ଜଣେ ଗୁରୁତର

କଟକ: ସିଡିଏ ସେକ୍ଟର-୧୦ରେ ସ୍ବେରେଜ୍ କାମବେଳେ ଅଘଟଣ । ସ୍ୱେରେଜ କାମ ବେଳେ ଅଣନିଶ୍ୱାସୀ ହୋଇ ୨ ଜଣଙ୍କ ମୃତ୍ୟୁ ହୋଇଛି । ଅନ୍ୟ ଜଣେ ଗୁରୁତର ଅଛନ୍ତି । ତାଙ୍କୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି । ମଣ୍ଟେଶ୍ବରୀ ଗଡ଼ା ନିକଟରେ ଏହି ଅଘଟଣ ଘଟିଛି ।

 2 Died During Swerej Work In Cuttack

ମୃତକ କଟକର ଟି .ଶଙ୍କର ଓ ବଡ଼ମ୍ବାର ବିଷ୍ଣୁ ନାୟକ ବୋଲି ଜଣାପଡ଼ିଛି । ଆହତ ଶିବାଙ୍କର ଚିକିତ୍ସା ଚାଲିଛି । ସ୍ୱେରେଜ ମଧ୍ୟକୁ ଟି.ଶଙ୍କର ଓ ବିଷ୍ଣୁ ଯିବା ପରେ ପ୍ରାୟ ୨୦ ମିନିଟ୍ ଧରି ଫେରି ନଥିଲେ । ଫଳରେ ଶିବା ସ୍ୱେରେଜ୍ ଭିତରକୁ ଯାଇଥିଲା । ସେ ମଧ୍ୟ ଅଣନିଶ୍ୱାସୀ ହୋଇ ପଡ଼ିଥିଲା ।

 2 Died During Swerej Work In Cuttack

ସେ ସଙ୍ଗେ ସଙ୍ଗେ ବାହାରକୁ ଆସି ଏନେଇ ସମସ୍ତଙ୍କୁ ସୂଚନା ଦେଇଥିଲା । ପରେ ଅଗ୍ନିଶମ ବାହିନୀ ସେଠାରେ ପହଞ୍ଚି ୨ ଜଣଙ୍କୁ ଭିତରୁ ଉଦ୍ଧାର କରିବା ସହ କଟକ ଏସସିବିରେ ଭର୍ତ୍ତି କରିଥିଲେ । ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି ।

ଚାଲାଣ କାଟିବାକୁ ବାଉଳା, ବୋଲେରୋକୁ ହେଲମେଟ୍ ପାଇଁ ଜରିମାନା

ଭୁବନେଶ୍ୱର: ଦୁର୍ଘଟଣା ରୋକିବାକୁ ମୋଟର ଯାନ ଆଇନକୁ କଡ଼ାକଡ଼ା କରାଯାଇଛି । ବିଭିନ୍ନ ସ୍ଥାନରେ ଆରଟିଓ ଓ ଟ୍ରାଫିକ୍ ପୋଲିସ ପକ୍ଷରୁ ଯାଞ୍ଚ କରାଯାଉଛି । ହେଲମେଟ୍ ନପିନ୍ଧି ଗାଡ଼ି ଚଳାଇବା, ଫୋନରେ କଥା ହୋଇ ଗାଡ଼ି ଚଳାଇବା, ସିଟ୍ ବେଲ୍ଟ ନବାନ୍ଧିବା, ଦ୍ରୁତଗତିରେ ଗାଡ଼ି ଚାଳନା ଆଦି ନିୟମ ଉଲ୍ଲଂଘନକାରୀଙ୍କ ବିରୋଧରେ ଅନଲାଇନରେ ଚାଲାଣ କଟାଯାଉଛି ।

Bolero Fined 1k For Driving Without Helmet In Khordha

ତେବେ ଖୋର୍ଦ୍ଧା ଟ୍ରାଫିକ୍ ପୋଲିସ କାଟିଥିବା ଏକ ଚାଲାଣକୁ ନେଇ ଚର୍ଚ୍ଚା ଜୋର୍ ଧରିଛି । ଖୋର୍ଦ୍ଧା ଟ୍ରାଫିକ ପୋଲିସ ଏକ ବୋଲେରୋ (OD21 4999)କୁ ହେଲମେଟ୍ ଚାଲାଣ କାଟିଛି । ୧୪ ଏପ୍ରିଲ୍ ୨୦୨୧ରେ ଚାଲାଣ କଟାଯାଇଥିବା ବେଳେ ଚାଲାଣ ନମ୍ବର ହେଉଛି- OR65944210414180213 । ଯେଉଥିରେ ସ୍ପଷ୍ଟ ଭାବରେ ଲେଖାଯାଇଛି ବିନା ହେଲମେଟରେ ଗାଡ଼ି ଚାଳନା ପାଇଁ ୧୯୪(ଡି) ଅନୁସାରେ ୧ ହଜାର ଟଙ୍କା ଚାଲାଣ କଟାଯାଇଛି ।

Bolero Fined 1k For Driving Without Helmet In Khordha

ପ୍ରଶ୍ନ ଉଠୁଛି ବୋଲେରୋକୁ ହେଲମେଟ୍ ପାଇଁ ଚାଲାଣ କାଟିଥିବା ସରକାରୀ ଅଧିକାରୀ ବ୍ରହ୍ମାନନ୍ଦ ସ୍ୱାଇଁ ଜାଣିପାରିଲେନି କେମିତି ? ଚାଲାଣ କାଟିବା ବେଳେ ଅଧିକାରୀ ଜଣଙ୍କ ଗାଡ଼ିର ନମ୍ବର ପ୍ଲେଟକୁ ଭଲ ଭାବେ ଦେଖିଥିଲେ ତ ? ନା କୌଣସି ବାଇକ୍ ଆରୋହୀ ବୋଲେରୋ ନମ୍ବର ପ୍ଲେଟରେ ଗାଡ଼ି ଚଳାଉଥିଲେ । ଏନେଇ ଚାଲାଣ କାଟିଥିବା ଅଧିକାରୀଙ୍କ ପ୍ରତିକ୍ରିୟା ମିଳିପାରିନାହିଁ । ତେବେ, ଭୁଲ୍ ଜଣାପଡ଼ିବା ପରେ କଟାଯାଇଥିବା ଚାଲାଣକୁ ବିଭାଗ ୱେବସାଇଟରୁ ହଟାଇ ଦେଇଛି ।

ପନ୍ତ ନା ସାମସନ୍, ଦୁଇ ଯୁବ କ୍ୟାପ୍ଟେନଙ୍କ ମଧ୍ୟରୁ କିଏ ମାରିବ ବାଜି?

0

ମୁମ୍ବାଇ: ଆଇପିଏଲର ୧୪ ତମ ସଂସ୍କରଣର ଗୁରୁବାର ଖେଳାଯିବ ସପ୍ତମ ମ୍ୟାଚ୍ । ଯେଉଁଥିରେ ମୁହାଁମୁହିଁ ହେବେ ଦିଲ୍ଲି କ୍ୟାପିଟାଲ୍ସ ଓ ଚେତନ ସାକାରିଆ। ରାଜସ୍ଥାନ ଟିମ୍ ପ୍ରଥମ ପରାଜୟ ପରେ ଆଜି ବିଜୟ ଟାଇଟଲ ନିଜ ନାଁରେ କରିବାକୁ ଚେଷ୍ଟା କରିବ । ଅନ୍ୟପଟେ ପ୍ରଥମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସକୁ ହରାଇ ବିଜୟୀ ହୋଇଥିବା ଦିଲ୍ଲୀ କ୍ୟାପିଟାଲ୍ସ  ମଧ୍ୟ ନିଜର ବିଜୟ ଧାରାକୁ ବଜାୟ ରଖିବାକୁ ଚେଷ୍ଟା କରିବ।

ରାଜସ୍ଥାନ ଦଳର ଷ୍ଟାର ଖେଳାଳୀ ବେନ ଷ୍ଟୋକ୍ସସ ଆଇପିଏଲରୁ ବାହାରିବା ପରେ କ୍ୟାପ୍ଟେନ ସଞ୍ଜୁ ସାମସନଙ୍କୁ ଏକ ବଡ଼ ଚ୍ୟାଲେଞ୍ଜର ସାମ୍ନା କରିବାକୁ ପଡ଼ିପାରେ। ଆଜି ସନ୍ଧ୍ୟା ସାଢ଼େ ୭ଟାରେ ମୁମ୍ବାଇର ୱାଙ୍ଖେଡ଼େ ଷ୍ଟାଡିଆମରେ ଖେଳାଯିବ ଏହି ମ୍ୟାଚ୍ । ତେବେ ପନ୍ତ ନା ସାମସନ୍ ଦୁଇ ଯୁବ କ୍ୟାପ୍ଟେନଙ୍କ ମଧ୍ୟରୁ କିଏ ମାରିବ ବାଜି?

କ’ଣ କହୁଛି ରେକର୍ଡ଼: ଆଇପିଏଲ ରେକର୍ଡ଼ ମୁତାବକ ରାଜସ୍ଥାନ ରୟାଲ୍ସ ରାଜସ୍ଥାନ ରୟାଲ୍ସ ଏବଂ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଏପର୍ଯ୍ୟନ୍ତ ୨୨ଟି ମ୍ୟାଚ୍ ହୋଇଛି। ଉଭୟ ଦଳ ୧୧ଟି ଲେଖାଏଁ ମ୍ୟାଚ୍ ଜିତିଛନ୍ତି। କିନ୍ତୁ ଗତ ୫ଟି ମ୍ୟାଚ୍‌ରେ ଦିଲ୍ଲୀ ଅଗ୍ରଣୀ ହାସଲ କରିଛି। ରାଜସ୍ଥାନ ରୟାଲ୍ସ ବିପକ୍ଷରେ ଶେଷ ପାଞ୍ଚଟି ମ୍ୟାଚ୍ ଦିଲ୍ଲୀ କ୍ୟାପିଟାଲ୍ସ ଜିତିଛି।

ଗତ ମ୍ୟାଚରେ ପଞ୍ଜାବ ଦେଇଥିବା ୨୨୨ ରନ ଲକ୍ଷ ପିଛା କରି ରାଜସ୍ଥାନ ଦଳର କ୍ୟାପ୍ଟେନ ସଞ୍ଜୁ ସାମସନ ଶେଷ ପର୍ଯ୍ୟନ୍ତ କ୍ରିଜରେ ରହିଥିଲେ ଓ ପ୍ରଥମ ମ୍ୟାଚରେ ହିଁ ଟୁର୍ଣ୍ଣାମେଣ୍ଟର ପ୍ରଥମ ଶତକ ବି ମାରିଥିଲେ । ତଥାପି ଦଳକୁ ସେ ଜିତାଇ ପାରି ନଥିଲେ। ଜିତୁଥିବା ମ୍ୟାଚ୍ କୁ ହାରିଯିବା ପରେ ଦଳକୁ ଲାଗିଛି ଏକ ଶକ୍ତ ଝଟକା । ତେବେ ଆଜି ଦଳ ପୁଣିଥରେ ଏକ ଭଲ କମବ୍ୟାକ କରିବ ବୋଲି ଆଶା କରାଯାଉଛି ।

ମିଡିଲ ଅଡର ଉପରେ ଗୁରୁତ୍ୱ: ଆହତ ହେବା ଯୋଗୁ ବେନ୍ ଷ୍ଟୋକ୍ସ ଟୁର୍ଣ୍ଣାମେଣ୍ଟରୁ ବାହାରି ଯାଇଛନ୍ତି। ତେବେ ତାଙ୍କ ଅନୁପସ୍ଥିତିରେ ଜୋସ ବଟଲର, ଶିଭମ ଦୁବେ ଓ ରିୟାନ ପରାଗଙ୍କ ଉପରେ ଭଲ ପ୍ରଦର୍ଶନ ଓ ସ୍କୋର କରିବାରେ କ୍ୟାପ୍ଟେନକୁ ସହଯୋଗ କରିବାର ଚାପ ରହିବ। ଅନ୍ୟପଟେ ଦଳର ସବୁଠୁ ବଡ଼ ସମସ୍ୟା ହେଉଛି ବୋଲିଂ। ଗତ ମ୍ୟାଚରେ ବି ଦଳର ବୋଲିଂ ଭଲ ନଥିଲା। କେବଳ ନିଜର ଡେବ୍ୟୁ ଆଇପିଏଲ ମ୍ୟାଚରେ ମାତ୍ର ୩୧ ରନ ଦେଇ ୩ଟି ୱିକେଟ ହାତେଇଥିବା ଦ୍ରୁତ ବୋଲର୍ ଚେତନ ସାକାରିୟାଙ୍କ ବ୍ୟତୀତ ଦଳର ଅନ୍ୟ କୌଣସି ବୋଲର ଭଲ ପ୍ରଦର୍ଶନ କରି ନଥିଲେ।  ତେବେ ଯି ଦଳ ମ୍ୟାଚ ଜିତିବାକୁ ଚାହୁଁଛି ତେବେ ଆଜି ବ୍ୟାଟିଂ ସହ ବୋଲିଂରେ ବି ଭଲ ପ୍ରଦର୍ଶନ କରିବାକୁ ପଡ଼ିବ। କାରଣ ଦିଲ୍ଲୀ ଉଭୟ ବ୍ୟାଟିଂ ଓ ବୋଲିଂରେ ଭଲ ପ୍ରଦର୍ଶନ କରୁଛି।

ସାମ୍ଭାବ୍ୟ ପ୍ଲେଇଂ ଇଲେଭେନ:

ରାଜସ୍ଥାନ ରୟାଲ୍ସ: ମନନ୍ ବୋହରା, ଜୋସ୍ ବଟଲର୍, ସଞ୍ଜୁ ସାମସନ୍ (ୱିକେଟକିପର କ୍ୟାପ୍ଟେନ), ଲିଆମ୍ ଲିଭିଙ୍ଗଷ୍ଟୋନ୍ / ଡେଭିଡ ମିଲର, ଶିବମ ଦୁବେ, ରାହୁଲ ତେୱତିଆ, ରିୟାନ ପାରାଗ, କ୍ରିସ ମୋରିସ, ଶ୍ରେୟସ ଗୋପାଳ, ମୁସ୍ତାଫିଜୁର ରହମାନ, ଚେତନ ସାକରିୟା।

ଦିଲ୍ଲୀ କ୍ୟାପିଟାଲ୍ସ: ଶିଖର ଧୱନ, ପୃଥ୍ୱୀ ଶ, ଅଜିଙ୍କ୍ୟ ରାହାଣେ, ଋଷଭ ପନ୍ତ(ୱିକେଟକିପର କ୍ୟାପ୍ଟେନ), ମର୍କସ ଷ୍ଟୋଇନିସ୍, ଶିମରନ୍ ହେଟମେୟର୍, କ୍ରିଶ୍ ୱକ୍ସ, ଟମ୍ କରନ/ କାଗିଲୋ ରବାଡ଼ା, ରଭିଚନ୍ଦ୍ର ଅଶ୍ୱିନ, ଅମିତ ମିଶ୍ର, ଅଭେଶ୍ ଖାନ୍

ମାଙ୍ଗାଲୋରରେ ବନ୍ଧା ପଡ଼ିଛନ୍ତି ୮ ଦାଦନ: ଉଦ୍ଧାର କରିବାକୁ ଭିଡିଓ ବାର୍ତ୍ତାରେ କଲେ ଆକୁଳ ନିବେଦନ

ଗୁଣୁପୁର: ମାଙ୍ଗାଲୋରରେ ବନ୍ଧା ପଡ଼ିଛନ୍ତି ଗୁଣୁପୁରର ୮ଜଣ ଦାଦନ । ଉଦ୍ଧାର କରିବାକୁ ଭିଡିଓ ବାର୍ତ୍ତାରେ ଆକୁଳ ନିବେଦନ । ରାୟଗଡ଼ା ଗୁଣୁପୁର ବ୍ଳକ ଜଲତାର ପଞ୍ଚାୟତ ଲୁଙ୍ଗୁରତାଲର ୫ ଜଣ ଓ ଘନନ୍ତ୍ରୀ ପଞ୍ଚାୟତ ସମ୍ଫେନିର ୩ ଶ୍ରମିକ ମାଙ୍ଗାଲୋର କାର୍ଯ୍ୟ କରିବାକୁ ଯାଇଥିଲେ  । ଭଲ କଂପାନୀରେ ଚାକିରି ଦେବାକୁ କହି ବଣ୍ଡାଗୁଡିର ବାଲଜୀ ଗମାଙ୍ଗ ସମସ୍ତଙ୍କୁ ଗତ ମାର୍ଚ୍ଚ ୨୭ରେ କର୍ଣ୍ଣାଟକ ନେଇଥିଲେ । ମାତ୍ର ମାଙ୍ଗାଲୋରର ମରିନା ପ୍ରୋଜେକ୍ଟରେ ଶ୍ରମିକ ଭାବେ ଛାଡି ଦେଇ ପଳାଇଥିବା ଅଭିଯୋଗ ହୋଇଛି । ଅଧିକ ସମୟ କାର୍ଯ୍ୟରେ ଲଗାଇବା ସହ ନିର୍ଯାତନା ଦିଆଯାଉଥିବା ଅଭିଯୋଗ ହୋଇଛି  । ସେପଟେ ଏନେଇ ଅଭିଯୋଗ ପରେ ପ୍ରଶାସନକୁ ଅବଗତ କରାଇଛନ୍ତି ଶ୍ରମିକ ନେତା  ।

ଏଥିସହିତ ପଢ଼ନ୍ତୁ: ମହିଳାଙ୍କ ଉପରେ ସବାର ମୃତ ଝିଅର ଆତ୍ମା କହୁଛି ଦୁଷ୍କର୍ମ ଓ ହତ୍ୟାର କାହାଣୀ

 

ରାଜ୍ୟରେ ହେବାକୁ ଥିବା ସମସ୍ତ ବୋର୍ଡ ପରୀକ୍ଷାକୁ ସ୍ଥଗିତ ରଖିବା ପାଇଁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ

ଭୁବନେଶ୍ୱର: ବର୍ତ୍ତମାନର କରୋନା ମହାମାରୀ ପରିପ୍ରେକ୍ଷୀରେ ଛାତ୍ରଛାତ୍ରୀମାନଙ୍କର ସ୍ବାସ୍ଥ୍ୟ ନିରାପତ୍ତାକୁ ଦୃଷ୍ଟିରେ ରଖି ରାଜ୍ୟର ସମସ୍ତ ଦଶମ ଓ ଦ୍ବାଦଶ ବୋର୍ଡ ପରୀକ୍ଷାକୁ ସ୍ଥଗିତ ରଖିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି । ତଦନୁଯାୟୀ ରାଜ୍ୟ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ବାରା    ୧୮.୫.୨୧ ରିଖ ଠାରୁ ଆରମ୍ଭ ହେବାକୁ ଥିବା ଦ୍ବାଦଶ ଶ୍ରେଣୀ ପରୀକ୍ଷାକୁ ମଧ୍ୟ ସ୍ଥଗିତ ରଖାଯାଇଛି । କୋଭିଡ-୧୯ ପରିସ୍ଥିତିରେ ଉନ୍ନତି ଆସିବା ପରେ ପରୀକ୍ଷା ସମ୍ପର୍କରେ ନିଷ୍ପତ୍ତି ଗ୍ରହଣ କରାଯିବ। ଜୁନ୍‌ ୨୦୨୧ ପ୍ରଥମ ସପ୍ତାହରେ ରାଜ୍ୟ ସରକାର ଏବଂ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପରୀକ୍ଷା କରାଯିବା ସମ୍ପର୍କରେ ସମୀକ୍ଷା କରିବେ ଏବଂ ଛାତ୍ରଛାତ୍ରୀମାନଙ୍କୁ ଉପଯୁକ୍ତ ସମୟ ଦିଆଯାଇ ପରୀକ୍ଷା କରାଯିବା ପାଇଁ ପରବର୍ତ୍ତୀ ନିଷ୍ପତ୍ତି ନିଆଯିବ।

ସେହିପରି ରାଜ୍ୟ ମାଧ୍ୟମିକ ଶିକ୍ଷା ବୋର୍ଡ ଦ୍ବାରା ୩ ମଇ ୨୦୨୧ରେ ଅନୁଷ୍ଠିତ ହେବାକୁ ଥିବା ପରବର୍ତ୍ତୀ ଦଶମ ଶ୍ରେଣୀ ପରୀକ୍ଷାକୁ ମଧ୍ୟ ସ୍ଥଗିତ ରଖାଯାଇଛି । ମହାମାରୀ ସ୍ଥିତିରେ ଉନ୍ନତି ଆସିବା ପରେ ପରୀକ୍ଷା ସମ୍ବନ୍ଧୀୟ ନିଷ୍ପତ୍ତି ନିଆଯିବ। ୨୦୨୦-୨୧ ଶିକ୍ଷାବର୍ଷରେ ନବମ ଓ ଏକାଦଶ ଶ୍ରେଣୀରେ ପାଠ ପଢୁଥିବା ସବୁ ଛାତ୍ରଛାତ୍ରୀଙ୍କୁ ଯଥାକ୍ରମେ ଦଶମ ଏବଂ ଦ୍ବାଦଶ ଶ୍ରେଣୀକୁ ଉତ୍ତୀର୍ଣ୍ଣ କରାଯିବ। ଏଥିପାଇଁ ସେମାନଙ୍କୁ କୌଣସି ପରୀକ୍ଷା ଦେବାକୁ ପଡ଼ିବ ନାହିଁ ।

ବର୍ତ୍ତମାନ ୨୦୨୦-୨୧ ଶିକ୍ଷାବର୍ଷର ଦଶମ ଓ ଦ୍ବାଦଶ ଶ୍ରେଣୀର ସମସ୍ତ କ୍ଲାସ ଆସନ୍ତା ୧୯.୪.୨୧ରିଖ ଠାରୁ ବନ୍ଦ ରଖିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଏହି ସମୟରେ ସ୍କୁଲରେ କୌଣସି ପ୍ରକାର ଶୈକ୍ଷିକ କାର୍ଯ୍ୟକ୍ରମ କରାଯାଇ ପାରିବ ନାହିଁ । ଏହି ନିଷ୍ପତ୍ତି ଓଡିଶା ରାଜ୍ୟ ମାଧ୍ୟମିକ ଶିକ୍ଷା ବୋର୍ଡ ଓ ଓଡିଶା ଆଦର୍ଶ ବିଦ୍ୟାଳୟ ସଂଗଠନ ସହ ସହବନ୍ଧିତ ରାଜ୍ୟର ସମସ୍ତ ସରକାରୀ, ସରକାରୀ ଅନୁଦାନପ୍ରାପ୍ତ ତଥା ଘରୋଇ ବିଦ୍ୟାଳୟ କ୍ଷେତ୍ରରେ ଲାଗୁ ହେବ ।

ସେହିପରି CBSE ଏବଂ ଓଡିଶା ଆଦର୍ଶ ବିଦ୍ୟାଳୟ ସହ ସହବନ୍ଧିତ ରାଜ୍ୟର ସମସ୍ତ ଇଂରାଜୀ ମାଧ୍ୟମ ବିଦ୍ୟାଳୟ ନିମନ୍ତେ ୧୪.୪.୨୧ରୁ CBSE ପକ୍ଷରୁ ଜାରି ହୋଇଥିବା ନିର୍ଦ୍ଦେଶ କାର୍ଯ୍ୟକାରୀ ହେବ। ଆସନ୍ତା ୧୯.୦୪.୨୧ ଠାରୁ ରାଜ୍ୟର ସମସ୍ତ ଇଂରାଜୀ ମାଧ୍ୟମ ସ୍କୁଲ ଓ ସେମାନଙ୍କ ଦ୍ବାରା ପରିଚାଳିତ ହଷ୍ଟେଲ ଗୁଡିକ ମଧ୍ୟ ବନ୍ଦ ରହିବ ବୋଲି ନିର୍ଦ୍ଦେଶ ଦିଆଯାଇଛି ।

ଆସନ୍ତା ଜୁନ ୧୭ ତାରିଖରୁ ଓଡ଼ିଶା ଜଏଣ୍ଟ ଏଣ୍ଟ୍ରାନ୍‌ସ

ଭୁବନେଶ୍ୱର: ଆସନ୍ତା ଜୁନ ୧୭ ତାରିଖରୁ ଓଡ଼ିଶା ଜଏଣ୍ଟ ଏଣ୍ଟ୍ରାନ୍‌ସ ଏଗ୍‌ଜାମିନେସନ-OJEE ହେବ। ଅନଲାଇନରେ ହେବ OJEE । ପରୀକ୍ଷା ଜୁନ ୧୭ ତାରିଖରୁ ୨୪ମଧ୍ୟରେ ହେବ। ଓଡ଼ିଶା ଜଏଣ୍ଟ ଏଣ୍ଟ୍ରାନ୍‌ସ ଏଗ୍‌ଜାମିନେସନ-OJEE କମ୍ପ୍ୟୁଟର ବେସ୍‌ଡ ଟେଷ୍ଟ -CBT ମୋଡ୍‌ରେ ହେବ  ହେବ ବୋଲି ସୂଚନା ମିଳିଛି। ବିଫାର୍ମା, ଏମବିଏମ, ଏମସିଏ ପାଇଁ ହେବ ଏଣ୍ଟ୍ରାନ୍‌ସ ଏଗ୍‌ଜାମ୍‌ ହେବ। ଓଜେଇଇ ୱେବସାଇଟରେ ଛାତ୍ରଛଆତ୍ରୀ ଆବେଦନ କରିପାରିବେ । ଜୁନ୍ ପ୍ରଥମ ସପ୍ତାହରୁ ମିଳିବ ଆଡମିଟ କାର୍ଡ । କମ୍ପ୍ୟୁଟର ବେସଡ ସିଷ୍ଟମ ମାଧ୍ୟମରେ ହେବ ପରୀକ୍ଷା ।

ଦିଲ୍ଲୀରେ ସପ୍ତାହନ୍ତ କର୍ଫ୍ୟୁ ଲାଗୁ, ମଲ,ସ୍ପା ଓ ଜିମ୍‌ ଆଦି ବନ୍ଦ କରିବାକୁ ନିଷ୍ପତ୍ତି

ନୂଆଦିଲ୍ଲୀ:   ଦେଶବ୍ୟାପୀ କରୋନା ସଂକ୍ରମଣ ବଢୁଥିବା ବେଳେ କୋଭିଡ ସଙ୍କଟକୁ ଦୂର କରିବା ପାଇଁ ଅରବିନ୍ଦ କେଜ୍ରିଓ୍ୱାଲ ସରକାର ଦିଲ୍ଲୀରେ ସପ୍ତାହନ୍ତ କର୍ଫ୍ୟୁ ଲାଗୁ କରିଛନ୍ତି । ଗଣମାଧ୍ୟମକୁ ସମ୍ବୋଧନ ବେଳେ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ୱାଲ ଆଶ୍ୱାସନା ଦେଇଛନ୍ତିଯେ, ଦିଲ୍ଲରେ ହସ୍ପିଟାଲର କୌଣସି ଅଭାବ ନାହିଁ ଏବଂ ପର୍ଯ୍ୟାପ୍ତ ଔଷଧ ଯୋଗାଇ ଦେବାପାଇଁ ଉଦ୍ୟମ କରାଯାଉଛି । ତେବେ କରୋନା ସଂକ୍ରମଣ ଚେନ୍‌ଭାଙ୍ଗିବା ଏହାର ଏକ ମୂଳ ଲକ୍ଷ୍ୟ ବୋଲି କହିଛନ୍ତି ମୁଖ୍ୟମନ୍ତ୍ରୀ । ତେବେ କର୍ଫ୍ୟୁ ସମୟରେ ଆପାତକାଳୀନ ସେବା ଜାରି ରହିବ ବୋଲି ସେ କହିଛନ୍ତି ।

ସର୍ବସାଧାରଣ ସ୍ଥାନରେ ମଲ, ସ୍ପା, ଅଡିଟୋରିୟମ ଏବଂ ଜିମ ବନ୍ଦ କରିବା ପାଇଁ ଆଦେଶ ଦିଆଯାଇଛି । ଅବଶ୍ୟ ସିନେମା ହଲ ୩୦ ପ୍ରତିଶତ ଦର୍ଶକଙ୍କୁ ନେଇ ଚାଲିପାରିବ । କେବଳ ସେତିକି ନୁହେଁ ବରଂ ନିୟମ ଉଲଙ୍ଘନ କରୁଥିବା ବ୍ୟକ୍ତିଙ୍କ ପ୍ରତି କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଆଦେଶ ଦିଆଯାଇଛି । ହସ୍ପିଟାଲରେ ଯେପରି ରୋଗୀଙ୍ଗୁ ଔଷଧ ଯୋଗାଇବାରେ କୌଣସି ସମସ୍ୟା ନ ହୁଏ ସେଥିପ୍ରତି ଦୃଷ୍ଟି ଦିଆଯିବା ସହିତ ପର୍ଯ୍ୟାପ୍ତ ଔଷଧ ଯେଗାଇ ଦିଆଯିବାର ବ୍ୟବସ୍ଥାକୁ ଗୁରୁତ୍ୱ ଦିଆଯାଇଛି ।

ଏହି ନିଷ୍ପତ୍ତି ଗୁରୁବାର ଉପ ରାଜ୍ୟପାଳ ଅନିଲ ବୈଜଲଙ୍କ ଅଧ୍ୟକ୍ଷତାରେ ହୋଇଥିବା ଏକ ବୈଠକରେ ନିଷ୍ବତ୍ତି ନିଆଯାଇଛି । ଶନିବାର ଏବଂ ରିବାର ସଂପୂର୍ଣ୍ଣ ତାଲାବନ୍ଦ ପାଇଁ ପ୍ରସ୍ତାବ ରଖିଛନ୍ତି ।

ମହିଳାଙ୍କ ଉପରେ ସବାର ମୃତ ଝିଅର ଆତ୍ମା କହୁଛି ଦୁଷ୍କର୍ମ ଓ ହତ୍ୟାର କାହାଣୀ

ଯାଜପୁର: ଆତ୍ମା କହୁଛି ମୃତ୍ୟୁ କାହାଣୀ ! ସତ ହେଉ କି ମିଛ, ବିଶ୍ବାସ ହେଉ କି ଅନ୍ଧବିଶ୍ବାସ, କି ପ୍ରହେଳିକା । ଆତ୍ମା କହୁଛି ତାକୁ ଦୁଷ୍କର୍ମ ଓ ହତ୍ୟା କାହାଣୀ । ୪ମାସ ତଳୁ ନିଖୋଜ ଥିବା ଝିଅର କଙ୍କାଳ ମିଳିବା ପରେ ଗାଁର ଜଣେ ମହିଳାଙ୍କ ଉପରେ ତା’ ଆତ୍ମା ସବାର ହେଉଥିବା କୁହାଯାଉଛି । ଆଉ ମହିଳା ଜଣକ କହୁଛନ୍ତି ନିଖୋଜ ଝିଅର ଦୁଷ୍କର୍ମ ଓ ହତ୍ୟା କାହାଣୀ । ଯାଜପୁର ଜିଲା ଖଣ୍ଡରା ଗାଁରେ ଏଭଳି ଏକ ଘଟଣା ନଜରକୁ ଆସିଛି । ଗତ ୮ ତାରିଖରେ ଯାଜପୁର ସଦର ଥାନା ଅନ୍ତର୍ଗତ କପିଳେଶ୍ୱର ଗାଁର ଏକ ପୋଖରୀରୁ ଏକ କଙ୍କାଳ ମିଳିଥିଲା । କଙ୍କାଳ ବେକରେ ଥିବା ଓଢ଼ଣୀରୁ ଦେଖି ତାହା ଅହଲ୍ୟା ରାଉତଙ୍କ ଝିଅ ଶୁଭଶ୍ରୀଙ୍କର ବୋଲି ପରିବାର ଲୋକ କହିଥିଲେ ।

ଗାଁର ଜଣେ ସମ୍ପର୍କୀୟ ଖୁଡ଼ିଙ୍କ ଦେହରେ ଶୁଭଶ୍ରୀଙ୍କ ଆତ୍ମା ସବାର ହେବା ସହ ତାଙ୍କୁ କିପରି ଦୁଷ୍କର୍ମ ଓ ହତ୍ୟା କରାଯାଇଛି ସେ ସମ୍ପର୍କରେ କାନ୍ଦି କାନ୍ଦି କହୁଛନ୍ତି ବୋଲି ପରିବାର ଲୋକ କହିଛନ୍ତି । ଶୁଭଶ୍ରୀଙ୍କୁ ଦୁଷ୍କର୍ମ ପରେ ଦୁର୍ବୃତ୍ତମାନେ ତାଙ୍କୁ ହତ୍ୟା କରିଛନ୍ତି ବୋଲି ତାଙ୍କ ଖୁଡ଼ି କାନ୍ଦି କାନ୍ଦି କହୁଛନ୍ତି । ଏହାର ଏକ ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେବାର ଲାଗିଛି । ସେପଟେ ବିନା ଡିଏନ୍‌ଏ ଟେଷ୍ଟରେ କଙ୍କାଳକୁ ଶୁଭଶ୍ରୀଙ୍କ ପରିବାର ଲୋକଙ୍କୁ ହସ୍ତାନ୍ତର କରିଯାଇଥିଲା । ଏହା ପୋଲିସର କାର୍ଯ୍ୟଦକ୍ଷତା ଉପରେ ପ୍ରଶ୍ନ ଉଠାଇଛି । ଏହାଛଡ଼ା ପରିବାର ଲୋକ ଦୁଇ ଜଣଙ୍କ ନାଁରେ ଥାନାରେ ଏତଲା ଦେଇଥିଲେ ବି ପୋଲିସ ସେମାନଙ୍କୁ ଏଯାଏ ଗିରଫ କରିନି । ଘଟଣାର ତଦନ୍ତ ଚାଲିଛି, ଖୁବ୍‌ଶୀଘ୍ର ଅଭିଯୁକ୍ତଙ୍କୁ ଧରାଯିବ ବୋଲି ଯାଜପୁର ଏସ୍‌ଡିପିଓ କହିଛନ୍ତି । ତେବେ ସମ୍ପୃକ୍ତ ମହିଳାଙ୍କ କଥା କେତେ ସତ କେତେ ମିଛ ତାହା ଜଣାପଡ଼ି ନଥିବା ବେଳେ ପେଲିସର ତଦନ୍ତ ନେଇ ପ୍ରଶ୍ନ ଉଠାଇଛନ୍ତି ପରିବାର ଲୋକ । ନ୍ୟାୟ ନ ମିଳିଲେ ଗାଁଲୋକ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ।