spot_img
Home Blog Page 5911

ରାଜ୍ୟରେ ଦଶମ ଶ୍ରେଣୀ ପରୀକ୍ଷା ନେଇ ନିଷ୍ପତ୍ତି ନେବେ ମୁଖ୍ୟମନ୍ତ୍ରୀ

ଭୁବନେଶ୍ୱର: ସଂକ୍ରମିତଙ୍କ ସଂଖ୍ୟା ବଢ଼ିବା ପରେ ରାଜ୍ୟରେ ଦଶମ ଶ୍ରେଣୀ ପରୀକ୍ଷା କିଭଳି ହେବ । ପରୀକ୍ଷା ସମ୍ପୂର୍ଣ୍ଣ ବାତିଲ୍ ହେବ କି ପରବର୍ତ୍ତୀ ସମୟରେ ପରୀକ୍ଷା ହେବ । ଏ ନେଇ ନିଷ୍ପତ୍ତି ନେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।  ନିଷ୍ପତ୍ତି ନେବେ ପରେ ଘୋଷଣା କରିବେ ମୁଖ୍ୟମନ୍ତ୍ରୀ । ଏ ସମ୍ପର୍କରେ ସୂଚନା ଦେଇଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାସ । ଗତକାଲି ସିବିଏସଇ ଦଶମ ବୋର୍ଡ ପରୀକ୍ଷା ବାତିଲ କରିଥିଲା କେନ୍ଦ୍ର । ଏଥିସହିତ ଦ୍ବାଦଶ ପରୀକ୍ଷା ସ୍ଥଗିତ ରଖାଯାଇଛି ।

ଏଥିସହିତ ପଢ଼ନ୍ତୁ: ବାତିଲ୍ ହେଲା ସିବିଏସ୍‌ଇ ପରୀକ୍ଷା: ଜାଣନ୍ତୁ କିଭଳି ପ୍ରକାଶ ପାଇବ ପରୀକ୍ଷା ଫଳ

ଅନୁଭବ-ବର୍ଷା ବିବାଦ: କଟକ ଜିଲ୍ଲା କୋର୍ଟଙ୍କ ଦ୍ୱାରସ୍ଥ ହେଲେ ଅନୁଭବ

କଟକ: ଅନୁଭବ-ବର୍ଷା ପାରିବାରିକ ବିବାଦବ । କଟକ ଏସଡିଜେଏମ କୋର୍ଟଙ୍କ ନିର୍ଦେଶକୁ ଚ୍ୟାଲେଞ୍ଜ କରି କଟକ ଜିଲ୍ଲା ଜଜ୍ କୋର୍ଟଙ୍କ ଦ୍ବାରସ୍ଥ ହେଲେ ଅନୁଭବ । ଘରୋଇ ହିଂସା ଓ ଭରଣପୋଷଣ ନେଇ ମାମଲା କରିଛନ୍ତି ବର୍ଷା । ପରେ ଅନ୍ୟ ଘଟଣାଗୁଡିକୁ ମାମାଲାରେ ସଂଯୋଗ କରିବାକୁ ଆବେଦନ କରିଥିଲେ ବର୍ଷା । ବର୍ଷାଙ୍କ ଆବେଦନକୁ କୋର୍ଟ ଅନୁମତି ଦେଇଥିଲେ । ଏହା ବିରୋଧରେ ଅନୁଭବ କଟକ ଜିଲ୍ଲା ଜଜ୍‌ କୋର୍ଟଙ୍କ ଦ୍ବାରସ୍ଥ ହୋଇଛନ୍ତି ।

ଏଥିସହିତ ପଢ଼ନ୍ତୁ: ମହିଳା କମିଶନରଙ୍କୁ ଫେରାଦ ହେଲେ ବର୍ଷା ପ୍ରିୟଦର୍ଶିନୀ

ଅଜିତ ମଙ୍ଗରାଜଙ୍କ ଦେହାନ୍ତ: ନିର୍ବାଚନ ଆୟୋଗଙ୍କୁ ଅବଗତ କରାଇଲେ ସିଇଓ

ଭୁବନେଶ୍ୱର: କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ଦେହାନ୍ତ ନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ (ସିଇଓ) ନିର୍ବାଚନ ଆୟୋଗଙ୍କୁ ଆବଗତ କରିଛନ୍ତି । ପିପିଲି ଉପ-ନିର୍ବାଚନରେ କଂଗ୍ରେସ ପ୍ରାର୍ଥୀ ହୋଇଥିବା ଅଜିତ ମଙ୍ଗରାଜଙ୍କ ଦେହାନ୍ତ ପରେ ଆଇନତଃ ରିଟର୍ଣ୍ଣିଂ ଅଫିସର ଉପ-ନିର୍ବାଚନକୁ ସ୍ଥଗିତ ରଖିଥିଲେ । ଏହାପରେ ଏ ନେଇ ଗତକାଲି ହିଁ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ପକ୍ଷରୁ ଚିଠି ଲେଖି ଅବଗତ କରାଯାଇଛି । ଏହା ପରେ ନିର୍ବାଚନ ଆୟୋଗ ନୂଆ ତାରିଖ ଘୋଷଣା କରିବେ ବୋଲି କହିଛନ୍ତି ସିଇଓ ଶ୍ରୀ ଲୋହାନୀ । ନୂଆ କରି ବିଜ୍ଞପ୍ତି ଜାର ହେବା ପରେ ଯେଉଁ ଦଳର ପ୍ରାର୍ଥୀଙ୍କ ମୃତ୍ୟୁ ଘଟିଛି କେବଳ  ସେହି ଦଳ ପ୍ରାର୍ଥୀ ଦେଇପାରିବ ବୋଲି ମୁଖ୍ୟ ନିର୍ବାଚନ ଅଧିକାରୀ ସୂଚନା ଦେଇଛନ୍ତି । ତେବେ ୪ ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ପ୍ରଦେଶ ନିର୍ବାଚନ ଫଳାଫଳ  ମଇ ୨ରେ ପ୍ରକାଶ ପାଇବାକୁ ଥିବା ବେଳେ ଏହାରି ମଧ୍ୟରେ ନିର୍ବାଚନ ତାରିଖ ଘୋଷଣା କରାଯାଇପାରିବେ ବୋଲି ଆଶା କାରାଯାଉଛି ।

ଏଥିସହିତ ପଢ଼ନ୍ତୁ: ଅଜିତ ମଙ୍ଗରାଜଙ୍କ ଦେହାନ୍ତ ପରେ କ’ଣ ହେବ?

ଆଇପିଏଲ୍ ଆଚରଣ ବିଧି ଭାଙ୍ଗି ଅଡ଼ୁଆରେ କୋହଲି

0

ଚେନ୍ନାଇ: ଅଡ଼ୁଆରେ ଆରସିବି ଅଧିନାୟକ ବିରାଟ କୋହଲି। ଗତକାଲି ଚେନ୍ନାଇର ଏମ ଏ ଚିଦାମ୍ବରମ ଷ୍ଟାଡିୟମରେ ସନ ରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚରେ  ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଚମତ୍କାର ପ୍ରଦର୍ଶନ କରି ୬ ରନରେ  ବିଜୟ ହାସଲ କରିଛି। କିନ୍ତୁ ଏହି ବିଜୟ ପରେ ଆରସିବିର ସମସ୍ୟା ବଢ଼ିପାରେ । କାରଣ ଏହି ମ୍ୟାଚ ସମୟରେ ଆରସିବି ଅଧିନାୟକ ବିରାଟ କୋହଲି ଆଇପିଏଲର ଆଚରଣ ବିଧି ଉଲଙ୍ଘନ କରିଥିବା ସାମ୍ନାକୁ ଆସିଛି।

ସନ ରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚ ଶେଷ ହେବା ପରେ କୋହଲିଙ୍କର ଏକ ଭିଡ଼ିଓ ଭାଇରାଲ ହେଉଛି । ଯେଉଁଥିରେ କୋହଲି ଆଉଟ ହେବା ପରେ ପାଭିଲିୟନକୁରେ ପହଞ୍ଚି ନିଜ ରାଗ ଉତାରୁଥିବା ଦେଖିବାକୁ ମିଳିଛି । ସେ ପୁଣଇ ଚେୟାର ଉପରେ । ଭିଡିଓରେ ବିରାଟ୍ ରାଗିଯାଇ ପାଭିଲିୟନର ଚେୟାରକୁ ବ୍ୟାଟ୍ ରେ ମାରୁଥିବା ଦେଖାଯାଇଛି। କୋହଲିଙ୍କ ଏଭଳି ଆଚରଣ ଆଇପିଏଲ୍ ଆଚରଣ ବିଦ୍ଧିର ବିରୁଦ୍ଧରେ ଯାଉଛି ।

ଆଇପିଏଲ କୋଡ୍ ଅଫ କଣ୍ଡକ୍ଟ ବା ଆଚରଣ ବିଧି ଅନୁଯାୟୀ ଖେଳାଳି ମଇଦାନର କୌଣ,ସି ବି ସାମଗ୍ରୀ ଭଙ୍ଗାରୁଜା କରିପାରିବେ ନାହିଁ । ବିରାଟଙ୍କ ବିରୁଦ୍ଧରେ ଅଫେନ୍ସ 2.2ର ଲେଭଲ୍ 1 ମାମଲା ହୋଇଛି । ବିରାଟ ମଧ୍ୟ ନିଜେ ଆଚରଣ ବିଧି ଉଲଙ୍ଘନ କରିଥିବା କଥା ମାନିଛନ୍ତି।

ତେବେ ବର୍ତ୍ତମାନ ଏହି ମାମଲାରେ କୋହଲିଙ୍କୁ ତାଗିଦ୍ କରାଯାଇଛି । ଏବଂ ଏ ନେଇ ମ୍ୟାଚ୍ ରେଫରି ଯାହା ନିଷ୍ପତ୍ତି ନେବେ ତାହା ହିଁ ଚୂଡ଼ାନ୍ତ ନିଷ୍ପତ୍ତି ହେବ।

 

ଆଉ ଦେଢ଼ ଦିନ ପାଇଁ ରାଜ୍ୟରେ ମହଜୁଦ୍ ରହିଛି କରୋନା ଟିକା: ବିଜୟ ପାଣିଗ୍ରାହୀ

ଭୁବନେଶ୍ୱର: ଗତକାଲି ୫୫୬ କେନ୍ଦ୍ରରେ ୭୧୪୭୧ଜଣଙ୍କୁ ଟିକା ଦିଆଯାଇଛି। ଏ ଯାଏଁ ୪୬ଲକ୍ଷ ୫୬ହଜାର ୪୫୦ ଡୋଜ ଟିକା ଦେଇସାରିଛୁ। ସବୁ ସ୍ଥାନରେ ଟିକାକରଣ ଚାଲିଛି। ଆଜି ପ୍ରାୟ ୧ ହାଜର ଟିକା କେନ୍ଦ୍ରରେ ଟିକାକରଣ ଚାଲିଛି। ଗତକାଲି ୧୦ ଜିଲ୍ଲାରେ ଟିକାକରଣ ବନ୍ଦ ଥିଲା। ଟିକା କମ୍ ଅଛି। ଆଜି ସୁଦ୍ଧା ୨ ଲକ୍ଷ ଡୋଜ କୋଭିସିଲ୍ଡ ଓ କୋଭାକ୍ସିନ୍ ଅଛି। ଏହା ଆଉ ଦେଢ଼ ଦିନ ଯାଏ କାମ କରିବ। ଗତ ୧୨ ତାରିଖରେ ୨ଲକ୍ଷ ୭୧ହଜାର ଟିକା ଆସିଥିଲା। ଏ ଯାଏଁ କେନ୍ଦ୍ର କିଛି ଚିଠି ଦେଇନାହାନ୍ତି ବୋଲି କହିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ।

ଅପରପକ୍ଷରେ ବଲାଙ୍ଗୀର ଜିଲ୍ଲାରେ କରୋନା ଭୀଷଣ ରୂପ ଧାରଣ କରିବାରେ ଲାଗିଛି । ଗତ କିଛି ଦିନ ହେଲା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ସଂକ୍ରମିତଙ୍କ ସଂଖ୍ୟା ବଢ଼ୁଥିବା ବେଳେ ଜିଲ୍ଲାରେ କରୋନା ଟିକାଦାନ କେନ୍ଦ୍ର ଗୁଡ଼ିକରେ ତାଲା ଝୁଲୁଛି । ଟିକା ଅଭାବରୁ ଜିଲ୍ଲାର ୫୬ଟି ଟିକାଦାନ କେନ୍ଦ୍ର ସମ୍ପୂର୍ଣ୍ଣ ବନ୍ଦ ହୋଇଯାଇଛି । ଆଜି ଟିକା ନେବା ପାଇଁ ବିଭିନ୍ନ ଟିକା କେନ୍ଦ୍ରକୁ ଆସିଥିବା ଲୋକେ ଗେଟରେ ତାଲା ଝୁଲୁଥିବା ଦେଖି ଅସନ୍ତୋଷ ପ୍ରକାଶ କରି ଫେରି ଯାଇଛନ୍ତି । ତେବେ ପୁଣି କେବେ ଟିକା ଆସିବ ଓ ଲୋକେ ନେବେ ତାହାକୁ ନେଇ ଜିଲ୍ଲା ସ୍ୱାସ୍ଥ୍ୟ ବିଭାଗ ମଧ୍ୟ ଠିକ୍ ଭାବରେ କିଛି ସ୍ପଷ୍ଟ କରିପାରୁନାହିଁ । ଗତ ସପ୍ତାହରେ ପ୍ରଧାନମନ୍ତ୍ରୀ ମୋଦି ୧୧ ତାରିଖରୁ ୧୪ ତାରିଖ ପର୍ଯ୍ୟନ୍ତ ଟିକା ଉତ୍ସବ ପାଳନ ନେଇ ଘୋଷଣା କରିଥିଲେ । ତେବେ ବଲାଙ୍ଗିରରେ ଟିକା ଅଭାବରୁ ଏହି ଉତ୍ସବରେ ପୂର୍ଣ୍ଣଚ୍ଛେଦ ପଡ଼ିଛି ।

ଏଥିସହିତ ପଢ଼ନ୍ତୁ: ମିଳିଲାନି ଭ୍ୟାକ୍ସିନ୍, ବଲାଙ୍ଗିର ଜିଲ୍ଲାରେ ସମସ୍ତ ୫୬ କେନ୍ଦ୍ରରେ ଟିକାକରଣ ବନ୍ଦ

ଦେଶରେ ୨ ଲକ୍ଷ ଟପିଲା ଦୈନିକ କରୋନା ସଂକ୍ରମଣ ସଂଖ୍ୟା

ନୂଆଦିଲ୍ଲୀ: ଦେଶରେ କଲବଲ କଲାଣି କରୋନା । ଦିନକରେ ୨ଲକ୍ଷ ଟପିଲା ଦୈନିକ ସଂକ୍ରମଣ । ୨୪ଘଣ୍ଟାରେ ଦେଶରେ ୨ଲକ୍ଷ ୭୩୯ ନୂଆ ପଜିଟିଭ୍ ଚିହ୍ନଟ ହୋଇଛି । ଏହା ସହିତ ଆଉ ୧ ହଜାର ୩୮ଜଣଙ୍କର କରୋନାରେ ମୃତ୍ୟୁ ହୋଇଛି । ଦିନକରେ ୯୩ହଜାର ୫୨୮ ଜଣ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଥିବା କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି । ଦେଶରେ ମୋଟ୍ କରୋନା ଆକ୍ଟିଭ କେସ୍ ୧୪ଲକ୍ଷ ୭୧ହଜାର ୮୭୭ ଥିବା ବେଳେ ମୋଟ୍ ମୃତ୍ୟୁସଂଖ୍ୟା ଲକ୍ଷେ ୭୩ହଜାର ୧୨୩ରେ ପହଞ୍ଚିଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ୨୯୮୯ ନୂଆ କରୋନା ସଂକ୍ରମିତ ଚିହ୍ନଟ

ଜନଶତାଦ୍ଦୀ ଏକ୍ସପ୍ରେସରେ ଲାଗିଲା ନିଆଁ: ସମସ୍ତ ଯାତ୍ରୀ ସୁରକ୍ଷିତ

ସୋର: ଜନଶତାବ୍ଦୀ ଏକ୍ସପ୍ରେସରେ ଲାଗିଲା ନିଆଁ । ମାର୍କୋଣା ନିକଟରେ ଟ୍ରେନର ଏକ ବଗିରେ ଲାଗିଲା ନିଆଁ । ସୋର ଷ୍ଟେସନରେ ନିଆଁକୁ ଆୟତ୍ତ କଲା ରେଳ କର୍ମଚାରୀ । ଯାତ୍ରୀ ସୁରକ୍ଷିତ । ଭୁବନେଶ୍ବରରୁ ହାଓଡ଼ା ଯାଉଥିବାବେଳେ ମାର୍କୋଣା ନିକଟରେ ଏକ ବଗିରେ ନିଆଁ ଲାଗିଯାଇଥିଲା । ଟ୍ରେନ ଟଏଲେଟ୍ ଡଷ୍ଟବିନ ମଧ୍ୟରେ କେହି ସିଗାରେଟ୍ ପକାଇଦେଇଥିବାରୁ ନିଆଁ ଲାଗିଥିବା ସୂଚନା । ଟ୍ରେନର ବେଗ ଅଧିକ ଥିବାରୁ ସମ୍ପୁର୍ଣ୍ଣ ବଗିରେ ଧୁଆଁ ଖେଳିଯାଇଥିଲା । ଯାତ୍ରୀମାନେ ଭୟଭୀତ ହୋଇ ରେଳ ବିଭାଗକୁ ଜଣାଇଲା ପରେ ସୋର ଷ୍ଟେସନ ନିକଟରେ ଟ୍ରେନ ଅଟକାଇ ନିଆଁକୁ ଆୟତ୍ତ କରାଯାଇଛି । ସୁରକ୍ଷା ବ୍ୟବସ୍ଥା ଯାଞ୍ଚପରେ ୨୦ମିନିଟ୍ ବିଳମ୍ବରେ ଟ୍ରେନ ଛାଡିଥିଲା ।

ଏଥିସହିତ ପଢ଼ନ୍ତୁ: ରାଜ୍ୟରେ ୨୯୮୯ ନୂଆ କରୋନା ସଂକ୍ରମିତ ଚିହ୍ନଟ

ଭିସୁଟ୍‌ରେ ହେବ ଅନ୍‌ଲାଇନ୍ ପରୀକ୍ଷା

ବୁର୍ଲା: ଭିସୁଟରେ ଅଫ୍‌ଲାଇନ୍ ପରୀକ୍ଷା ବାତିଲ । ଅନ୍‌ଲାଇନ୍‌ରେ ହେବ ସମସ୍ତ ଶ୍ରେଣୀର ପରୀକ୍ଷା । ଆସନ୍ତା ୧୭ରୁ ଅନଲାଇନରେ ହେବ ପାଠପଢା । କରୋନା ସଂକ୍ରମଣକୁ ଦୃଷ୍ଟିରେ ରଖି କର୍ତ୍ତୃପକ୍ଷ ଏହି ନିଷ୍ପତ୍ତି ନେଇଛନ୍ତି । ଅଫ୍‌ଲାଇନ୍ ପରୀକ୍ଷା ବନ୍ଦ କରିବାକୁ ଗତ ୧୦ ତାରିଖରେ ଛାତ୍ରଛାତ୍ରୀ ବିକ୍ଷୋଭ କରିଥିଲେ । ଭିସୁଟରେ ଲଗାତାର ଛାତ୍ରଛାତ୍ରୀ ଓ ବିଭିନ୍ନ ବିଭାଗର ଅଧ୍ୟାପକ ଓ କର୍ମଚାରୀ ମାନେ କରୋନା ସଂକ୍ରମଣର ଶିକାର ହେଉଛନ୍ତି । ତେଣୁ ଛାତ୍ରଛାତ୍ରୀଙ୍କ ସୁରକ୍ଷା ତଥା କରୋନା ସଂକ୍ରମଣ ବୃଦ୍ଧିରେ ବ୍ରେକ୍ ଲଗାଇବାକୁ ଭିସୁଟ କୁଳପତି ବି. ବି. ପତି ଅଫ୍‌ଲାଇନ୍ ପରୀକ୍ଷା ବାତିଲ କରିବାକୁ ନିଷ୍ପତ୍ତି ନେଇଛନ୍ତି ।

ଏଥିସହିତ ପଢ଼ନ୍ତୁ: ରାଜ୍ୟରେ ୨୯୮୯ ନୂଆ କରୋନା ସଂକ୍ରମିତ ଚିହ୍ନଟ

ରାଜ୍ୟରେ ୨୯୮୯ ନୂଆ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରେକର୍ଡ ମୋଡରେ କରୋନା ସଂକ୍ରମଣ । ରାଜ୍ୟରେ ଦିିନକୁ ଦିନକୁ ବଢ଼ି ଚାଲିଛି କରୋନା ସଂକ୍ରମିତଙ୍କ ସଂଖ୍ୟା । ଗତ କିଛି ଦିନ ହେଲା ରାଜ୍ୟରେ ୧୭ଶହରୁ ଊର୍ଦ୍ଧ୍ୱ ସଂକ୍ରମିତ ଚିହ୍ନଟ ହେଉଥିବା ବେଳେ ଆଜି ପାଖାପାଖି ୩ହଜାର ସଂକ୍ରମିତ ଚିହ୍ନଟ ହୋଇଛନ୍ତି ।  ଆଜି ରାଜ୍ୟରୁ ୨୯୮୯ ସଂକ୍ରମିତ ଚିହ୍ନଟ ହୋଇଥିବା ବେଳେ କ୍ବାରେଣ୍ଟାଇନରୁ ୧୭୩୩, ଲୋକାଲ କେସ୍ ୧୨୫୬ । ୯ଜିଲ୍ଲାରେ ଦୈନିକ ସଂକ୍ରମଣ ଶହେ ଉପରେ ରହିଛି । ସୁନ୍ଦରଗଡ଼ରୁ ସର୍ବାଧିକ ୬୩୧, ଖୋର୍ଦ୍ଧାରୁ ୪୩୮, କଳାହାଣ୍ଡିରୁ ୨୬୦, କଟକରୁ ୨୦୮, ନୂଆପଡାରୁ ୧୫୧, ସମ୍ବଲପୁରରୁ ୧୪୮, ବରଗଡ଼ରୁ ୧୨୬, ପୁରୀରୁ ୧୧୨ , ବଲାଙ୍ଗୀରରୁ ୧୧୦ ସଂକ୍ରମିତ ଚିହ୍ନଟ ହୋଇଛନ୍ତି ।

ଟ୍ରକ୍‌ ସହ ପିଟିହେଲା ପ୍ରବାସୀଙ୍କ ବସ୍ : ଦୁର୍ଘଟଣାରେ ଡ୍ରାଇଭର ମୃତ, ପ୍ରବାସୀ ଯାତ୍ରୀ ଆହତ

ଟାଙ୍ଗୀ: ୧୬ନଂ ଜାତୀୟ ରାଜପଥ ଟାଙ୍ଗୀ ବାଇପାସ୍ ନିକଟରେ ଯାତ୍ରୀବାହୀ ବସ୍ ସହ ଟ୍ରକ୍ ମୁହାଁମୁହିଁ ଧକ୍କା । ଦୁର୍ଘଟଣାରେ ଟ୍ରକ୍ ଚାଳକଙ୍କ ମୃତ୍ୟୁ । ବସ୍‌ଟି  କେରଳରୁ ଓଡିଶା ଫେରୁଥିଲା । କେରଳର କୁର୍ଣ୍ଣରୁ ଅଞ୍ଚଳରୁ ପ୍ରଵାସୀ ଓଡ଼ିଆ ଶ୍ରମିକମାନଙ୍କୁ ନେଇ ଆସୁଥିଲା ବସ୍ । ରାସ୍ତା ପ୍ରଶସ୍ତିକରଣ  କାମ ଚାଲୁଥିବାରୁ ବସ୍ ଓ ଟ୍ରକ୍ ଗୋଟିଏ ରୁଟ୍ରେ ଯାଉଥିଲେ । ଟ୍ରକ୍‌ଟି ବସ୍ ସାମ୍ନାପଟୁ ଧକ୍କା ଦେଇଥିଲା । ଫଳରେ ବସ୍‌ଟି ଡିଭାଇଡର ଡେଇଁ  ପଛକୁ ଚାଲିଯାଇଛି । ବସ୍‌ରେ ଥିବା ପ୍ରଵାସୀ ଶ୍ରମିକମାନଙ୍କ ମଧ୍ୟରୁ କିଛି ଜଣ  ଆହତ ହୋଇଥିବା ବେଳେ ଟ୍ରକ୍ ଚାଳକଙ୍କ ମୃତ୍ୟୁ ଘଟିଛି । ପ୍ରଵାସୀ ଶ୍ରମିକମାନେ କଟକ କେନ୍ଦ୍ରାପଡ଼ା ଜିଲ୍ଲାର ବୋଲି ଜଣାପଡ଼ିଛି । ସ୍ଥାନୀୟ ଟାଙ୍ଗୀ ପୋଲିସ୍ ଘଟଣା ସ୍ଥଳରେ ପହଞ୍ଚି ବସ୍ ଯାତ୍ରୀମାନଙ୍କୁ ଉଦ୍ଧାର କରି ଅନ୍ୟ ବସ୍ ଯୋଗେଁ ଘରକୁ ପଠାଇ ଦେଇଛି । ଟ୍ରକ୍ ଚାଳକର ପରିଚୟ ମିଳିପାରିନାହିଁ । ପୋଲିସ୍  ତଦନ୍ତ ଜାରି ରଖିଛି । ଏବେବି ଟ୍ରକ୍ର କ୍ୟାବିନ୍ ଭିତରେ ଟ୍ରକ୍ ଚାଳକର ମୃତଦେହ ଝୁଲି ରହିିଛି ।