ନୀଳଗିରି: ଔଷଧ କିଣିବାକୁ କହି ୨ ଲକ୍ଷ ଟଙ୍କା ଧରି ଛୁ’ ମାରିଲା ବୋହୂ । ଏପରି ଏକ ଅଭାବନୀୟ ଘଟଣା ଘଟିଛି ନୀଳଗିରି ଥାନା ଅନ୍ତର୍ଗତ ଶ୍ୟାମସୁନ୍ଦର ପୁର ଅଞ୍ଚଳରେ । ଝିଅ ବାହାଘର ପରେ ଧାର ସୁଝିବାକୁ ଜମିବିକ୍ରି କରି ରଖିଥିବା ୨ ଲକ୍ଷ ଟଙ୍କାକୁ ଧରି ଛୁ ମାରିଛି ବୋହୂ, ନ୍ୟାୟ ପାଇଁ ଥାନାରେ ଦ୍ୱାରସ୍ଥ ହେଲେ ଶ୍ୱଶୂର । ଶ୍ୟାମସୁନ୍ଦର ଅଞ୍ଚଳର ରମେଶ ମଲ୍ଲିକଙ୍କ ପୁଅ ବିଜୟ ୩ ବର୍ଷ ପୂର୍ବେ ଖନ୍ତାପଡ଼ା ଥାନା ଶ୍ରୀଜଙ୍ଗ ଗାଁର ମଦନ ମଲ୍ଲିକଙ୍କ ଝିଅକୁ ବିବାହ କରିଥଲେ। ରମେଶ ମଲ୍ଲିକ ନିଜ ଝିଅ ବାହାଘର ପରେ ହୋଇଥିବା ଋଣକୁ ଶୁଝିବା ପାଇଁ ବାରିପଦା ଅଞ୍ଚଳରେ ଥିବା ଜମିକୁ ବିକ୍ରିକରି ୨ଲକ୍ଷ ଟଙ୍କା ନିଜ ବୋହୂ ମମତା ମଲ୍ଲିକଙ୍କୁ ରଖିବାକୁ ଦେଇଥିଲେ। ଘରଲୋକ କାମକରିବାକୁ ଯାଇଥିବାବେଳେ ଉକ୍ତ ଦୁଇଲକ୍ଷ ଟଙ୍କାକୁ ଧରି ବାପ ଘର ଲୋକଙ୍କ ସହ ଛୁ ମାରିଥିବା ଅଭିଯୋଗ ହୋଇଛି। ଶଶୁର ଘରଲୋକ କାମରୁ ଫେରି ବୋହୂକୁ ଫୋନ କଲେ ଅଶ୍ରାବ୍ୟ ଭାଷାରେ ଗାଳି ଦେଉଥିବା ଅଭିଯୋଗ କରିଛନ୍ତି ଶ୍ୱଶୂର ।ତେବେ ଔଷଧ କିଣିବା ବାହାନାରେ ବହୁ ଟଙ୍କା ନେଇ ଛୁ ମାରିଥିବା ଘଟଣା କୁ ନେଇ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ସେପଟେ ନ୍ୟାୟ ପାଇବା ପାଇଁ ଥାନାରେ ଦ୍ବାରସ୍ଥ ହୋଇଛନ୍ତି ଶ୍ୱଶୂର ରମେଶ । ତେବେ ଏ ଯାଏଁ ବୋହୂ ଏଭଳି ଟଙ୍କା ନେଇ ଚମ୍ପଟ ମାରିଥିବାର କାରଣ ସ୍ପଷ୍ଟ ହୋଇନଥିଲେ ମଧ୍ୟ ପାରିବାରିକ କଳହରୁ ଏଭଳି କରିଥାଇପାରନ୍ତି ବୋଲି ଅନୁମାନ କରାଯାଉଛି ।
Flying kiss is sexual offence : ଆଖି ମାରିବା ଓ ଫ୍ଲାଇଁ କିସ୍ ଦେବା ଯୌନ ନିର୍ଯାତନା, ଯୁବକଙ୍କୁ ବର୍ଷେ ଜେଲ
ମୁମ୍ବାଇ : ଜଣେ ନାବାଳିକାଙ୍କୁ ଆଖି ମାରିବା ଓ ଫ୍ଲାଇଂ କିସ୍ କରିବା ଅଭିଯୋଗରେ ମୁମ୍ବାଇର ଜଣେ ୨୦ ବର୍ଷୀୟ ଯୁବକଙ୍କୁ ଏକ ବର୍ଷର ଜେଲ ଦଣ୍ଡାଦେଶ ହୋଇଛି। ପୋକ୍ସୋ (ପ୍ରୋଟେକ୍ସନ୍ ଅଫ୍ ଚିଲ୍ଡ୍ରେନ ଫ୍ରମ୍ ସେକ୍ସୁଆଲ ଅଫେନ୍ସ) ଆକ୍ଟ ଅନୁସାରେ ଏହି ସଜ୍ଜା ଅଦାଲତ ଶୁଣାଇଛନ୍ତି। ଏଥିସହିତ ବ୍ୟକ୍ତିଜଣକ ୧୫ ହଜାର ଟଙ୍କାର ଫାଇନ ବି ଦେଇଛନ୍ତି।
୨୯ ଫେବୃଆରୀ ୨୦୨୦ରେ ନାବାଳିକା ଜଣକ ତାଙ୍କ ମା’ଙ୍କୁ ଜଣେ ବ୍ୟକ୍ତି ତାଙ୍କୁ ଆଖି ମାରିଥିବା ଓ ଅନେକ ଥର ଫ୍ଲାଇଂ କିସ୍ କରିଥିବା କଥା କହିଥିଲେ । ଏହାପରେ ନାବାଳିକାଙ୍କ ପରିବାର ପକ୍ଷରୁ ମୁମ୍ବାଇର ଏଲଟି ମାର୍ଗ ଥାନାରେ ଏନେଇ ମାମଲା ରୁଜ୍ଜ କରାଯାଇଥିଲା । ପୋଲିସ ତତ୍କାଳ ପଦକ୍ଷେପ ସ୍ୱରୁପ ସଂପୃକ୍ତ ଯୁବାକଙ୍କୁ ଗିରଫ କରିଥିଲା । ସେବେଠାରୁ ଯୁବକ ଜଣକ ଜେଲରେ ଅଛନ୍ତି।
ଗିରଫ ବ୍ୟକ୍ତି ଅଦାଲତରେ ଦାବି କରିଥିଲେ ଯେ, ସେ ଅଲଗା ସମ୍ପ୍ରଦାୟର ହୋଇଥିବାରୁ ତାଙ୍କ ସହ କଥା ନହେବାକୁ ନାବାଳିକାଙ୍କୁ ତାଙ୍କ ମା’ କହୁଥିଲେ । ଏହା ସହିତ ତାଙ୍କୁ ମିଥ୍ୟା ମାମଲାରେ ଫଶା ଯାଇଛି ବୋଲି ସେ ଅଭିଯୋଗ କରିଥିଲେ।
ଅଦାଲତ ନାବାଳିକା, ତାଙ୍କ ମା’ ଓ ପରିବାରର ଅନ୍ୟ ସଦସ୍ୟଙ୍କ ବୟାନକୁ ପ୍ରମାଣ ଭାବେ ନେଇଥିଲେ । ନିଜ ରାୟରେ ଅଦାଲତ କହିଛନ୍ତି ଯେ, ତିନି ଜଣଙ୍କ ବୟାନ ଅଭିଯକ୍ତଙ୍କୁ ଦୋଷୀ ସାବ୍ୟସ୍ତ କରିବାକୁ ଯଥେଷ୍ଟ। ନାବାଳିକାଙ୍କୁ ଆଖି ମାରିବା ଓ ଫ୍ଲାଇଂ କିସ୍ କରିବା ଯୌନ ନିର୍ଯାତନା ଭିତରେ ଆସୁଛି
Cooch Behar Firing : ମମତାଙ୍କ ନିର୍ବାଚନ କମିଶନଙ୍କ ଉପରେ ଆକ୍ରମଣ,ମୋତେ ରୋକିବା ପାଇଁ ୭୨ ଘଣ୍ଟାର ବ୍ୟାନ୍
କୋଲକତା: ଶନିବାର ଦିନ ପଶ୍ଚିମବଙ୍ଗର କୁଚବିହାର ଜିଲ୍ଲାର ଏକ ମତଦାନ କେନ୍ଦ୍ରରେ ସିଆଇଏସଫ ଦ୍ୱାର ହୋଇଥିବା ଗୁଳିକାଣ୍ଡକୁ ପରେ ରାଜନୈତିକ ଝଡ଼ ସୃଷ୍ଟି ହୋଇଛି । ନିର୍ବାଚନ କମିଶନ କୁଚବିହାରକୁ କୌଣସି ଦଳର ନେତା ଆସନ୍ତା ୭୨ ଘଣ୍ଟା ପାଇଁ ଯାଇ ପାରିବେ ନାହିଁ ବୋଲି ଆଦେଶ ଦେବା ପରେ ଟିଏମସି ସୁପ୍ରିମୋ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀ ଆକ୍ରାମକ ହୋଇଛନ୍ତି । ନିର୍ବାଚନ କମିଶନଙ୍କୁ ନିଶାନାକୁ ନେଇ ମମତା କହିଛନ୍ତି ଯେ, ତାଙ୍କୁ ରୋକିବା ପାଇଁ ଏହି ୭୨ ଘଣ୍ଟାର ବ୍ୟାନ୍ ଲାଗୁ କରାଯାଇଛି । ସେ କହିଛନ୍ତି ଯେ, ନିର୍ବାଚନ କମିଶନଙ୍କ MCC(Model Code of Conduct) ହେଉଛି ମୋଦି କୋଡ୍ ଅଫ୍ କଣ୍ଡକ୍ଟ ।
ରବିବାର ଦିନ ଏକ ସାମ୍ବାଦିକ ସମ୍ମିଳନୀରେ ସେ କହିଛନ୍ତି ଯେ, ନିର୍ବାଚନ କମିଶନ ତାଙ୍କୁ କୁଚବିହାର ଯିବାରୁ ରୋକିବା ପାଇଁ ୭୨ ଘଣ୍ଟାର ବ୍ୟାନ୍ ଲଗାଇଛନ୍ତି । ନିର୍ବାଚନ କମିଶନ ତଥ୍ୟକୁ ଲୁଚାଇବା ପାଇଁ ଉଦ୍ୟମ କରୁଛି । ସିତଲକୁଚିରେ ଗ୍ରାମବାସୀଙ୍କ ଉପରକୁ ଗୁଳି ଚଳାଗଲା । କୁଚବିହାର ଯିବାରୁ ନେତାଙ୍କୁ ରୋକିବା ପାଇଁ ନିର୍ବାଚନ କମିଶନଙ୍କ ପଦକ୍ଷେପ ଅଦ୍ଭୁତପୂର୍ବ । ମୁଁ ସିତଲକୁଚି ଯିବାକୁ ଚାହୁଁଛି ।
ଜାଣିଶୁଣି ଗୁଳିମାଡ଼ ହୋଇଛି
ମମତା ଏହା ମଧ୍ୟ କହିଛନ୍ତି ଯେ, ଲୋକଙ୍କ ଉପରକୁ ଜାଣିଶୁଣି ଗୁଳି ଚଳା ଯାଇଥିଲା । କୁଚବିହାର ଗୁଳିକାଣ୍ଡକୁ ସେ ନରସଂହାର ବୋଲି କହିଛନ୍ତି । ସେ କହିଛନ୍ତି ଯେ,ସୁରକ୍ଷାକର୍ମୀ ପାଦ କିମ୍ବା ଶରିରର ନିମ୍ନଭାଗକୁ ଗୁଳି ମାରିବାର ଥିଲା । କିନ୍ତୁ ସେମାନ ଶରିର ଉପରକୁ ଚାରି ପଟୁ ଗୁଳି ମାଡ କରିଛନ୍ତି । ଯେଉଁ ଲୋକମାନଙ୍କର ଏହି ଘଟଣାରେ ମୃତ୍ୟୁ ହୋଇଛି ସେମାନଙ୍କ ଗାଲ ଓ ଛାତିରେ ଗୁଳି ଲାଗିଛି ।
ସିଆଡି ତଦନ୍ତ ହେବ
ଆତ୍ମରକ୍ଷା ପାଇଁ ସିଆଇଏସଏଫ ଗୁଳି ମାରିଥିବା ଦାବିକୁ ମୁଖ୍ୟମନ୍ତ୍ରୀ ମମତା ଖାରଜ କରି ଘଟଣାର ସିଆଇଡି ତଦନ୍ତ କରାଯିବ ବୋଲି କହିଛନ୍ତି । ସେ କହିଛନ୍ତି ଯେ, ସିଆଇଏସଏଫ୍ ଯେଉଁ ଦାବି କରୁଛି ତାକୁ ନେଇ କୌଣସି ଭିଡିଓ ପ୍ରମାଣ କିମ୍ବା ଅନ୍ୟ ପ୍ରମାଣ ନାହିଁ । ସୂଚନାଯୋଗ୍ୟ ଯେ, ନିର୍ବାଚନ କମିଶନଙ୍କ ପକ୍ଷରୁ ସିଆଇଏସଏଫ୍ ଆତ୍ମରକ୍ଷା ପାଇଁ ଗୁଳି ଚଳାଇଥିଲା ବୋଲି କୁହାଯାଇଛି । ନିର୍ବାଚନ କମିଶନ ଅନୁସାରେ ୩ଶହରୁ ୪ଶହ ଲୋକ ସୁରକ୍ଷାବଳଙ୍କ ଉପରେ ଆକ୍ରମଣ କରିଥିଲେ । ଫଳରେ ସେମାନଙ୍କୁ ଆତ୍ମରକ୍ଷା ପାଇଁ ଗୁଳି ଚଳାଇବାକୁ ପଡିଥିଲା ।
‘ଟିକା ଉତ୍ସବ ଆରମ୍ଭ’: ଦେଶବାସୀଙ୍କୁ ୪ଟି ଅନୁରୋଧ କଲେ ପ୍ରଧାନମନ୍ତ୍ରୀ
ନୂଆଦିଲ୍ଲୀ: କରୋନା ସଂକ୍ରମଣକୁ ମାତ୍ ଦେବା ପାଇଁ ସାରା ଦେଶରେ ଜାରି ରହିଛି ଟିକାକରଣ। ଆଜିଠୁ ଆରମ୍ଭ ହେଭଛି ଟିକା ଉତ୍ସବ। ଆସନ୍ତା ୧୪ ତାରିଖ ଯାଏ ସାରା ଦେଶରେ ଟିକା ଉତ୍ସବ ପାଳନ କରାଯିବ। ସବୁ ରାଜ୍ୟର ମୁଖ୍ୟମନ୍ତ୍ରୀମାନଙ୍କ ସହ ଆଲୋଚନା କରି ଟିକା ଉତ୍ସବ ପାଳନ କରିବାକୁ ଆହ୍ୱାନ ଦେଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ।
ତେବେ ଆଜି ଏ ନେଇ ପ୍ରଧାନମନ୍ତ୍ରୀ ମୋଦୀ ଟ୍ୱିଟ୍ କରି କହିଛନ୍ତି, ‘ଆମେ ଆଜି ସାରା ଦେଶରେ ‘ଟିକା ଉତ୍ସବ’ ଆରମ୍ଭ କରିବାକୁ ଯାଉଛୁ। ମୁଁ ଦେଶବାସୀଙ୍କୁ ଅପିଲ କରିବାକୁ ଚାହୁଁଛି ଯେ ସେମାନେ ଏହି ୪ ଟି ଜିନିଷ ଅନୁସରଣ କରନ୍ତୁ। ପ୍ରଥମେ, ଯେଉଁମାନେ ଟୀକାକରଣରେ ସାହାଯ୍ୟ ଆବଶ୍ୟକ କରୁଛନ୍ତି ସେମାନଙ୍କୁ ସାହାଯ୍ୟ କରନ୍ତୁ। ଦ୍ୱିତୀୟରେ, କୋଭିଡ ଚିକିତ୍ସାରେ ଲୋକଙ୍କୁ ସାହାଯ୍ୟ କରନ୍ତୁ। ତୃତୀୟତଃ ମାସ୍କ ପିନ୍ଧନ୍ତୁ ଏବଂ ଅନ୍ୟମାନଙ୍କୁ ବି ମାସ୍କ ପିନ୍ଧିବାକୁ ପ୍ରେରିତ କରନ୍ତୁ। ଏବଂ ଚତୁର୍ଥରେ, ଯଦି କୌ ଣସି ଅଞ୍ଚଳରେ କେହି ବ୍ୟକ୍ତି କରୋନା ପଜିଟିଭ ବାହାରୁଛନ୍ତି ତେବେ ତେବେ ସେଠାରେ ଏକ ମାଇକ୍ରୋ-କଣ୍ଟେନମେଣ୍ଟ ଜୋନ୍ ନିର୍ମାଣ କରିବାରେ ସାହାଯ୍ୟ କରନ୍ତୁ।
ମହାମାରୀ ଭୂତାଣୁକୁ ପ୍ରତିହତ କରିବା ପାଇଁ ଆସିଛି ଭ୍ୟାକସିନ୍ । ଅଦୃଶ୍ୟ ଶତ୍ରୁ ବିରୋଧରେ କରୋନା ଟିକା ଫଳପ୍ରଦ ହେଉଛି । ହେଲେ ଅନେକ ରାଜ୍ୟର ଆବଶ୍ୟକ ମୁତାବକ ଟିକା ନଥିବାରୁ ଚିନ୍ତା ବଢିବାରେ ଲାଗିଛି । ଏଭଳିକି ଅନେକ ସ୍ଥାନରେ ଟିକାକେନ୍ଦ୍ର ମଧ୍ୟ ବନ୍ଦ ହୋଇଗଲାଣି । ଓଡ଼ିଶାରେ ମଧ୍ୟ ସମାନ ସ୍ଥିତି ଦେଖାଦେଇଛି । ରାଜ୍ୟ ସରକାର ୧୦ ଦିନ ପାଇଁ ୨୫ଲକ୍ଷ ଟିକା ଦାବି କରିଥିବା ବେଳେ କେନ୍ଦ୍ର ଗତକାଲି ମାତ୍ର ଅଢ଼େଇ ଲକ୍ଷ ଟିକା ଦେଇଛି । ଯଦି ତୁରନ୍ତ ଆଉ ଟିକା ନଆସେ ତେବେ ଆସନ୍ତାକାଲିଠାରୁ ଓଡ଼ିଶାରେ ଟିକାକରଣ ବାଧାପ୍ରାପ୍ତ ହେବା ଆଶଙ୍କା ରହିଛି ।
ହାର୍ଡକୋର ହାଇଦର ପାଇଁ ହାଇଆଲର୍ଟ: ଡିଜି ଅଭୟଙ୍କ ଅଧ୍ୟକ୍ଷତାରେ ଉଚ୍ଚସ୍ତରୀୟ ବୈଠକ
ଭୁବନେଶ୍ୱର: କୁଆଡ଼େ ଗଲା ହାର୍ଡକୋର ହାଇଦର । ଏସ୍ସିବି ମେଡିକାଲରୁ ଫେରାର ହୋଇଯାଇଥିବା ଗ୍ୟାଙ୍ଗଷ୍ଟର ହାଇଦରକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ କରୁଛି ପୋଲିସ । ଘଟଣାରେ ପୋଲିସ ଡିଜି ଅଭୟ କରିଛନ୍ତି ଉଚ୍ଚସ୍ତରୀୟ ବୈଠକ । ବୈଠକରେ କ୍ରାଇମବ୍ରାଞ୍ଚ ଏଡିଜି ଯଶଓ୍ୱନ୍ତ ସିଂ ଜେଠଓ୍ବା ସାମିଲ । ସେହିପରି ରାଜ୍ୟ ବାହାରକୁ ଯାଉଥିବା ଟ୍ରେନ୍ରେ ତଲାସି ସହ ବିମାନ ବନ୍ଦରରେ ଚେକିଂ କରାଯାଇଛି । ସେହିପରି ସୀମାନ୍ତରେ ଥିବା ଫାଟକରେ ଜାରି କରାଯାଇଛି ହାଇଆଲର୍ଟ । ଏନେଇ କମିଶନରେଟ ପୋଲିaସ ପକ୍ଷରୁ ସୂଚନା ଦିଆଯାଇଛି । ଗ୍ୟାଙ୍ଗଷ୍ଟର ହାଇଦର ଫେରାର ହେବା ପରେ କଟକ ସହରର ସମସ୍ତ ସୀମାକୁ ସିଲ୍ କରାଯାଇଛି । ବିଭିନ୍ନ ସ୍ଥାନରେ ନାକାବନ୍ଦୀ କରି ଗାଡ଼ି ଯାଞ୍ଚ କରୁଛି ପୋଲିସ । ହାଇଦରର ବିଭିନ୍ନ ଆଡ୍ଡା ଉପରେ ପୋଲିସ ଚଢ଼ାଉ କରିଛି । କଟକ ଡିସିପିଙ୍କ ସମେତ ୩ ଏସପିଙ୍କ ନେତୃତ୍ୱରେ ଜାରି ରହିଛି ଚଢ଼ାଉ । ହାଇଦର ଅସୁସ୍ଥ ଥିବାରୁ ତାକୁ କଟକ ଏସସିବିର ସର୍ଜରୀ ବିଭାଗରେ ଭର୍ତ୍ତି କରାଯାଇଥିଲା । ୧୨ ଦିନ ତଳେ ମେଡିକାଲରେ ଭର୍ତ୍ତି ହୋଇଥିଲା ହାଇଦର । ଖଣି ବ୍ୟବସାୟୀ ରଶ୍ମୀରଞ୍ଜନ ମହାପାତ୍ରଙ୍କୁ ଅପହରଣ ଓ ହତ୍ୟା ଏବଂ ସୁଲେମାନ ହତ୍ୟା ମାମଲାରେ ସମ୍ବଲପୁର ଜେଲରେ ସଜା କାଟୁଥିଲା ହାଇଦର । ଅସୁସ୍ଥ ହେବାରୁ ତାକୁ ପ୍ରଥମେ ବୁର୍ଲା ମେଡିକାଲରେ ଭର୍ତ୍ତି କରାଯାଇଥିଲା । ପରେ କଟକ ଏସ୍ସିବିକୁ ରେଫର ହୋଇଆସିଥିଲା । ଏଠାରୁ ସେ ଫେରାର ମାରିଛି ।
ଏଥିସହିତ ପଢ଼ନ୍ତୁ: ହାଇଦର ଫେରାର୍ ପଛରେ ପରିବାର ! କଟକ ସହ ସଂଲଗ୍ନ ଜିଲ୍ଲାରେ ପୋଲିସର ରେଡ୍
ଦେଶରେ ଦେଢ଼ ଲକ୍ଷ ଟପିଲା ଦୈନିକ କରୋନା ସଂକ୍ରମଣ
ନୂଆଦିଲ୍ଲୀ: ଦେଶରେ ବେକାବୁ କରୋନା ଭୂତାଣୁ । ଦେଢ଼ ଲକ୍ଷ ଟପିଲା ଦୈନିକ କରେନା ସଂକ୍ରମଣ । ଗତ ୨୪ ଘଣ୍ଟାରେ ଦେଶରେ ୧ ଲକ୍ଷ ୫୨ ହଜାର ୮୭୯ କରୋନା ରୋଗୀ ଚିହ୍ନଟ ହୋଇଛନ୍ତି । ସେହିଭଳି ୮୩୯ ଜଣକ ମୃତ୍ୟୁ ହୋଇଛି । ଅନ୍ୟପଟେ ୯୦ ହଜାର ୫୮୪ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଦେଶରେ ଏବେ ମୋଟ ସଂକ୍ରମିତଙ୍କ ସଂଖ୍ୟା ୩୩ ଲକ୍ଷ ୫୮ ହଜାର ୮୦୫ରେ ଥିବାବେଲେ ଆକଟିଭ୍ କେସ୍ ରହିଛି ୧୦ ଲକ୍ଷ ୪୬ ହଜାର ୬୩୧।
ମହାରାଷ୍ଟ୍ରରେ ସ୍ଥିତି ସାଂଘାତିକ ରୂପ ନେବାରେ ଲାଗିଛି । ଗୁଜରାଟ, ଛତିଶଗଡ, ମଧ୍ୟପ୍ରଦେଶ ଓ ଉତ୍ତର ପ୍ରଦେଶରୁ ଦୈନିକ ହଜାର ହଜାର କରୋନା ସଂକ୍ରମିତ ଚିହ୍ନଟ ହେଉଛନ୍ତି । ଦେଶରେ ଆକ୍ଚିଭ୍ କେସ୍ ୮ ପ୍ରତିଶତ ଥିବାବେଳେ ମୃତ୍ୟୁ ହାର ୧ ଦଶମିକ ୨୭ ପ୍ରତିଶତ ରହିଛି । ସେହିଭଳି ସୁସ୍ଥ ହାର ରହିଛି ୯୧ ପ୍ରତିଶତ । ଏପଟେ ଟିକାକରଣ ଅଭିଯାନ ମଧ୍ୟ ଜାରି ରହିଛି । ଦେଶରେ ଏଯାବତ୍ ୧୦ କୋଟି ୧୫ ଲକ୍ଷ ୯୫ ହଜାର ୧୪୭ ଡୋଜ୍ ଟିକା ଦିଆସରିଛି।

