spot_img
Home Blog Page 5943

ନାମଫଳକରେ ନାଁ ନଥିବାରୁ ଲଙ୍କାକାଣ୍ଡ

ନୀଳଗିରି: ନାମଫଳକରେ ନାଁ ନଥିବାରୁ ଲଙ୍କାକାଣ୍ଡ। ଲଙ୍କାକାଣ୍ଡ କରିଛନ୍ତି କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀଙ୍କ ସମର୍ଥକ। ନୀଳଗିରି ଉପଖଣ୍ଡରେ ଚିକିତ୍ସାଳୟରେ ଭଙ୍ଗାରୁଜା ବି କରିଛନ୍ତି। ଏତିକିରେ ସମର୍ଥକଙ୍କ ରାଗ ଶାନ୍ତ ହୋଇନଥିଲା, ପରେ ଏସଡିଏମଓଙ୍କୁ ଘେରିଥିଲେ ସମର୍ଥକ। ଖବର ଅନୁସାରେ ନୀଳଗିରି ଉପଖଣ୍ଡ ଚିକିତ୍ସାଳୟରେ ଟ୍ରକ ଆସୋସିଏସନ ସହାୟତାରେ ଏକ କ୍ୟାବିନ ଗୃହର ଉଦଘାଟନ କାର୍ଯ୍ୟକ୍ରମ ଥିଲା।

ହେଲେ ନାମଫଳକରେ ମନ୍ତ୍ରୀଙ୍କ ନାଁ ନଥିବାରୁ ବିରୋଧ କରିଥିଲେ ସମର୍ଥକ। ସେପଟେ ବିଧାୟକ କ୍ୟାବିନର ଉଦଘାଟନ କରିବା ପରେ ଫଳକକୁ ଭାଙ୍ଗି ଦେଇଥିଲେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀଙ୍କ ସମର୍ଥକ।

ଦୁର୍ବୃତ୍ତଙ୍କ ସହ ମିଶି ଲୋକଙ୍କଠୁ ଟଙ୍କା ଆଦାୟ କରୁଥିଲା ନକଲି ପୋଲିସ, ସମସ୍ତଙ୍କୁ ବାନ୍ଧିଲା ବାଲିଗୁଡ଼ା ପୋଲିସ

ବାଲିଗୁଡ଼ା: ପୁଣି ଦୁଇଜଣ ନକଲି ପୋଲିସକୁ ଧରିଲା ଅସଲି ପୋଲିସ। ଗତ ମାର୍ଚ୍ଚ ୫ତାରିଖ ବିଳମ୍ବିତ ରାତିରେ ବଡ଼ ଧରଣର ଡକାୟତି ଉଦ୍ୟମକୁ ପଣ୍ଡ କରିଥିଲା ବାଲିଗୁଡ଼ା ପୋଲିସ। ଘଟଣାରେ ଦୁଇଜଣ ଫେକ୍ ପୋଲିସ୍ ଅଫିସରକୁ ଗିରଫ କରିଥିବା ବେଳେ ଅନ୍ୟ ତିନିଜଣ ଘଟଣାସ୍ଥଳରୁ ଫେରାର୍ ହୋଇଯାଇଥିଲେ। ବାଲିଗୁଡ଼ା ପୋଲିସ ରାତ୍ରୀ କାଳୀନ ପେଟ୍ରୋଲିଂ କରୁଥିବା ବେଳେ ଖଡ଼ଗନଦୀ ପୋଲ ନିକଟ ଏକ ଅନ୍ଧାରୁଆ ସ୍ଥାନରେ କିଛି ସନ୍ଦିଗ୍ଧ ଲୁଚି ରହିଥିବା ଦେଖିବାକୁ ପାଇଥିଲା ପୋଲିସ୍।

ପୋଲିସକୁ ଦେଖି ଦୌଡ଼ି ପଳାଇବା ବେଳେ ପିଛା କରି ଦୁଇଜଣଙ୍କୁ ପୋଲିସ୍ କାବୁ କରିବାରେ ସକ୍ଷମ ହୋଇଥିବା ବେଳେ ଅନ୍ୟ ତିନିଜଣ ଘଟଣାସ୍ଥଳରୁ ଫେରାର୍ ହୋଇଯାଇଥିଲେ। ଗିରଫ ଦୁଇଜଣ ପୋଲିସ୍ ଏଏସ୍ ଆଇ ପୋଷାକ ପିନ୍ଧି ନିଜକୁ ପୋଲିସ୍ ସଜେଇ କିଛି ସ୍ଥାନୀୟ ଦୁର୍ବୃତ୍ତଙ୍କ ସହ ମିଶି ସେହି ରାସ୍ତା ଦେଇ ଯାଉଥିବା ଗାଡ଼ି ଓ ଲୋକମାନଙ୍କ ଠାରୁ ଡକାୟତି କରିବା ପାଇଁ ଏକ ବଡ଼ ଷଡ଼ଯନ୍ତ୍ର କରୁଥିଲେ ବୋଲି ପୋଲିସ କହିଛି। ସେପଟେ ଦୁଇ ଫେକ୍ ପୋଲିସ୍ ନିକଟରୁ ଗୋଟିଏ ମାରୁତି ସୁଇଫ୍ଟ ଡିଜାଏର କାର୍, ଗୋଟିଏ ଲୁହା ରଡ୍, ଦୁଇଟି ବେତ ଲାଠି, ଦୁଇହଳ ପୋଲିସ୍ ଡ୍ରେସ୍, ଗୋଟିଏ ଖେଳଣା ପିସ୍ତଲ୍, ସାତୋଟି ପୋଲିସ୍ ଟୋପି ସହ ବିଭିନ୍ନ ମାରଣାସ୍ତ୍ର ଜବତ୍ କରିଥିଲା ପୋଲିସ।

କଟକ ଜିଲ୍ଲା ଚଣ୍ଡୀ ଛକ ଓ କନିକା ଛକ ଅଞ୍ଚଳର ଦୁଇଜଣ ନକଲି ପୋଲିସକୁ ଗିରଫ କରିଥିଲା ବାଲିଗୁଡ଼ା ପୋଲିସ। ୧ମାସ ପରେ ଘଟଣାରେ ସମ୍ପୃକ୍ତ ପୁଣି ଦୁଇଜଣଙ୍କୁ ଗିରଫ କରିବାରେ ସକ୍ଷମ ହୋଇଥିବା ବେଳେ ଅନ୍ୟ ଜଣେ ଏବେବି ଫେରାର ଥିବା ଜଣାପଡ଼ିଛି। ଗିରଫ ଦୁଇଜଣ ବାଲିଗୁଡ଼ା ଥାନା ତେମାଙ୍ଗି ଓ ସିନ୍ଦ୍ରିଗାଁ ଅଞ୍ଚଳର ସିଦ୍ଧାନ୍ତ ମଲ୍ଲିକ ଓ ସୁଦର୍ଶନ ବିନ୍ଧାଣୀ ହୋଇଥିବା ପୋଲିସ୍ ପକ୍ଷରୁ ସୂଚନା ମିଳିଛି ।

ଛତିଶଗଡ଼ ନକ୍ସଲ ଆକ୍ରମଣରେ ସହିଦ ଯବାନଙ୍କୁ ‘ବେତନଭୋଗୀ’ କହି ଲେଖିକା ଗିରଫ

ଗୌହାଟୀ: ଛତିଶଡରେ ନକ୍ସଲଙ୍କ ବର୍ବର ଆକ୍ରମଣରେ ସହିଦ ହୋଇଥିବା ଯବାନଙ୍କୁ କ’ଣ ପାଇଁ ମିଡିଆ ସହିଦ ଆଖ୍ୟା ଦେଉଛି ? ସେମାନେ ନିଜ କାମ ପାଇଁ ଦରମା ପାଉଥିଲେ ତେଣୁ ସେମାନଙ୍କୁ ସହିଦ ବୋଲି କହିବା ଠିକ୍ ନୁହେଁ । ଫେସବୁକରେ ଏମିତି କିଛି ପୋଷ୍ଟ୍ କରି ଆମେରିକାର ଜଣେ ତଥାକଥିତ ବୁଦ୍ଧିଜୀବି ତଥା ଲେଖିକା ଗିରଫ ହୋଇଛନ୍ତି । ଛତିଶଗଡରେ ନକ୍ସଲ ଆକ୍ରମଣର ଶିକାର ଯବାନଙ୍କୁ ଯେଉଁଭଳି ଭାବେ ସହିଦ କୁହାଯାଉଛି ତାହା ଠିକ୍ ନୁହେଁ ବୋଲି ଶିଖା ଶର୍ମା ତାଙ୍କ ପୋଷ୍ଟରେ ଲେଖିଥିଲେ । ତେବେ ତାଙ୍କର ଏହି ପୋଷ୍ଟକୁ ଅନେକ ୟୁଜର୍ସ ବିରୋଧ କରିଥିଲେ । ଏହାକୁ ନେଇ ସୋସିଆଲ ମିଡିଆରେ ତାଙ୍କୁ ବିରୋଧର ସମ୍ମୁଖୀନ ହେବାକୁ ପଡିଥିଲା । ନିଜ ପୋଷ୍ଟରେ ଶିଖା ଶର୍ମା ସହିଦ ଯବାନଙ୍କୁ ‘ବେତନଭୋଗୀ ପେଶାଦାର’ ବୋଲି କହିଥିଲେ ।

ଶିଖା କ’ଣ କହିଛନ୍ତି ?
ଡ୍ୟୁଟି କାଳରେ ମୃତ୍ୟୁବରଣ କରିଥିବା ବେତନଭୋଗୀ ପେଷାଦାରଙ୍କୁ ସହିଦ ବୋଲି କୁହାଯାଇ ପାରିବ ନାହିଁ । ଏହି ତର୍କ ଆଧାରରେ ବିଦ୍ୟୁତ ବିଭାଗର କୌଣସି କର୍ମଚାରୀ କାମ ବେଳେ ମୃତ୍ୟୁ ବରଣ କଲେ ତାଙ୍କୁ ମଧ୍ୟ ସହିଦ କୁହାଯିବା ଉଚିତ । ମିଡିଆ ଲୋକଙ୍କ ଭାବନା ସହିତ ଖେଳିବା ଉଚିତ ନୁହେଁ ବୋଲି ଶିଖା ତାଙ୍କ ଅଜବ ଯୁକ୍ତିରେ ଦର୍ଶାଇ ଥିଲେ ।

ଦେଶଦ୍ରୋହ ମାମଲାରେ ଗିରଫ

ନିଜକୁ ଲେଖିକା ବୋଲି କହୁଥିବା ଏହି ତଥାକଥିତ ବୁଦ୍ଧିଜୀବୀ ଶସସ୍ତ୍ର ବାହିନୀର ଯବାନ ଓ ବେସାମରିକ କର୍ମଚାରୀଙ୍କ ମଧ୍ୟରେ କୌଣସି ଫରକ ମଧ୍ୟ ଦେଖି ପାରିନଥିଲେ । ତାଙ୍କ ପୋଷ୍ଟ୍ ଭାଇରାଲ ହେବା ପରେ ଗୌହାଟି ହାଇକୋର୍ଟର ଦୁଇଜଣ ଓକିଲ ଉମି ଡେକା ଓ କଙ୍ଗକନା ଗୋସ୍ୱାମୀ ଦିସପୁର ଥାନାରେ ଏତଲା ଦେଇଥିଲେ । ଦିସପୁର ପୋଲିସ ଶିଖାଙ୍କୁ ଦେଶଦ୍ରୋହ ଅଭିଯୋଗରେ ଗିରଫ କରିଛି । ଏପ୍ରିଲ ୮ ତାରିଖରେ ତାଙ୍କୁ ଅଦାଲତରେ ହାଜର କରାଯିବ । ସୂଚନାଯୋଗ୍ୟ ଯେ, ଶିଖା ପୂର୍ବରୁ ଅଲ ଇଣ୍ଡିଆ ରେଡିଓ ପାଇଁ କାମ କରୁଥିଲେ ।

ଦିଲ୍ଲୀ ହାଇକୋର୍ଟଙ୍କ ରାୟ,ଏକୁଟିଆ କାର ଚଲାଉଥିବା ବେଳେ ବି ମାସ୍କ ଜରୁରୀ

ନୂଆଦିଲ୍ଲୀ: ଏକୁଟିଆ କାର ଚଳାଉଥିଲା ବେଳେ ମଧ୍ୟ ମାସ୍କ ପିନ୍ଧିବା ଜରୁରୀ । ଏକୁଟିଆ କାର ଚଳାଇ ଯାଉଥିବା ବେଳେ ଚାଳକ ମାସ୍କ ପିନ୍ଧିବାକୁ ବାଧ୍ୟ କି ନାହିଁ ଏହା ଉପରେ ରାୟ ଦେଇ ଦିଲ୍ଲୀ ହାଇକୋର୍ଟ ମହତ୍ୱପୂର୍ଣ୍ଣ ଟିପ୍ପଣୀ କରିଛନ୍ତି । ହାଇକୋର୍ଟ କହିଛନ୍ତି ଯେ, ଡ୍ରାଇଭର ଏକୁଟିଆ ଗାଡି ଚଳାଇ ଯାଉଥିଲେ ମଧ୍ୟ ମାସ୍କ ପିନ୍ଧିବା ଜରୁରୀ । କାରଣ ଏହା କୋଭିଡ୍-୧୯ ପ୍ରସାର ରୋକିବାରେ ସହାୟକ ହେବ । ସୂଚନାଯୋଗ୍ୟ ଯେ, ଦିଲ୍ଲୀରେ କରୋନା ସଂକ୍ରମଣ ମାମଲା ବୃଦ୍ଧି ପାଇବା ସହିତ ସରକାର ସେଠାରେ ନାଇଟ୍ କର୍ଫ୍ୟୁ ଲାଗୁ କରିଛନ୍ତି । ରାତି ୧୦ରୁ ସକାଳ ୫ ପର୍ଯ୍ୟନ୍ତ ନାଇଟ୍ କର୍ଫ୍ୟୁ ଜାରି ରହିବ ।

ସୂଚନାଯୋଗ୍ୟ ଯେ, ଦିଲ୍ଲୀ ସରକାର ସର୍ବସାଧାରଣରେ ମାସ୍କ ପିନ୍ଧିବାକୁ ନେଇ କଠୋର ଆଭିମୁଖ୍ୟ ଗ୍ରହଣ କରିଛନ୍ତି । କାରରେ ଏକାକି ଥିବା ବ୍ୟକ୍ତି ମାସ୍କ ପିନ୍ଧିନଥିଲେ ୨ ହଜାର ଟଙ୍କାର ଚାଲଣ କଟାଯାଉଛି । ଯାହାକୁ ଅଦାଲତରେ ଚ୍ୟାଲେଞ୍ଜ କରାଯାଇଥିଲା । ବୁଧବାର ଦିନ ଏହି ମାମଲା ଉପରେ ଶୁଣାଣି କରି ବିଚାରପତି ପ୍ରତିଭା ସିଂହ ଏକୁଟିଆ ଡ୍ରାଇଭିଂ କରୁଥିବା ବେଳେ ମାସ୍କ ନପିନ୍ଧିଥିଲେ ଚାଲଣ କଟାଯିବ ବୋଲି ଦିଲ୍ଲୀ ସରକାରଙ୍କ ନିଷ୍ପତ୍ତି ଉପରେ କୌଣସି ପ୍ରକାରର ହସ୍ତକ୍ଷେପ କରିବାକୁ ମନା କରିଦେଇଛନ୍ତି । ଅଦାଲତ କହିଛନ୍ତି ଯେ, ମହାମାରୀ କାଳରେ ମାସ୍କ ସୁରକ୍ଷା କବଚ ଭଳି ।
ଦିଲ୍ଲୀରେ ଏକାକି କାର ଚଳାଉଥିବା ବ୍ୟକ୍ତି ମାସ୍କ ନପିନ୍ଧିଥିଲେ ୨ ହଜାର ଟଙ୍କାର ଚାଲଣ କଟା ଯାଉଛି । ଯାହାକୁ ନେଇ ଅନେକ ସମୟରେ ପୋଲିସ ସହିତ ବିବାଦ ମଧ୍ୟ ସୃଷ୍ଟି ହୋଇଛି । ତେବେ ଦିଲ୍ଲୀ ହାଇକୋର୍ଟଙ୍କ ରାୟ ପରେ ଚିତ୍ର ସ୍ପଷ୍ଟ ହୋଇଯାଇଛି । କାରରେ ଏକାକୀ ଥିଲେ ମଧ୍ୟ ମାସ୍କ ପିନ୍ଧିବାକୁ ବାଧ୍ୟ ଓ ନପିନ୍ଧିଥିଲେ ଚାଲଣ କଟିବ । କେବଳ ଏତିକି ନୁହେଁ ହାଇକୋର୍ଟ ମଧ୍ୟ ବରିଷ୍ଠ ନାଗରିକ ଯେମିତି ଘରେ ଥିବା ବେଳେ ମଧ୍ୟ ମାସ୍କ ପିନ୍ଧିବେ ସେନେଇ ପଦକ୍ଷେପ ନେବାକୁ ସରକାରଙ୍କୁ କହିଛନ୍ତି ।

ଏଥିସହିତ ପଢ଼ନ୍ତୁ: ୨ଦିନ ମଧ୍ୟରେ ଟିକା ନ ଦେଲେ ରାଜ୍ୟରେ ବନ୍ଦ ହେବ ଟିକାକରଣ

 

ବନ୍ଦୀ ଯବାନଙ୍କ ଫଟୋ ଜାରି କଲେ ମାଓବାଦୀ: କହିଲେ, ମଧ୍ୟସ୍ଥିଙ୍କ ନାଁ ଘୋଷଣା କର

ମାଓବାଦୀଙ୍କ କବଜାରେ ଥିବା କୋବ୍ରା ଯବାନ ରାଜେଶ୍ୱର ସିଂହଙ୍କ ଫଟୋ ଆସିଛି । ମାଓବାଦୀ ତାଙ୍କୁ ବନ୍ଧକ ରଖିଥିବା ବେଳେ ଆଜି ତାଙ୍କର ଏକ ଫଟୋ ସାମ୍ନାକୁ ଆସିଛି। ଏହାସହ ତାଙ୍କୁ ଛାଡ଼ିବା ପାଇଁ ସରକାର ମଧ୍ୟସ୍ଥଙ୍କ ନାଁ ଘୋଷଣା କରିବାକୁ କହିଛନ୍ତି ମାଓବାଦୀ। ଛତିଶଗଡ଼ରେ ମାଓ ହମଲା ପରେ ଜମ୍ମୁର ଯବାନ ରାଜେଶ୍ୱର ନିଖୋଜ ହୋଇଯାଇଥିଲେ । ତେବେ ତାଙ୍କୁ ମାଓବାଦୀମାନେ ବନ୍ଧକ ରଖିଛନ୍ତି । ଅପହୃତ ଯବାନଙ୍କ ଦେହରେ ଗୁଳି ବାଜିଛି । ତାଙ୍କର ଚିକିତ୍ସା କରାଯାଉଥିବା ବେଳେ ଦୁଇ ଦିନ ମଧ୍ୟରେ ମାଓମାଦୀ ତାଙ୍କୁ ଛାଡ଼ିଦେବେ ବୋଲି ସୂଚନା ଦେଇଛନ୍ତି। ଏପଟେ ଦୁଃଖରେ ଭାଙ୍ଗି ପଡିଛି ରାକେଶଙ୍କ ପୂରା ପରିବାର । ରାକେଶଙ୍କୁ ମାଓବାଦୀଙ୍କ କବଳରୁ ମୁକାଳିବାକୁ ସରକାରଙ୍କ ତରଫରୁ କିଛି ଉଦ୍ୟମ କରାଯାଉନି। ତୁରନ୍ତ ଏ ଦିଗରେ ପଦକ୍ଷେପ ନିଆଯାଇ ରାକେଶଙ୍କୁ ଫେରାଇ ଆଣିବାକୁ ନିବେଦନ କରିଛନ୍ତି ପରିବାର ଲୋକେ ।

ଏଥିସହିତ ପଢ଼ନ୍ତୁ: ରକେଟ୍ ଲଞ୍ଚର ଓ ଲାଇଟ୍ ମେସିନ୍ ଗନରୁ ଆକ୍ରମଣ କରିଥିଲା ହିଡମା ବାହିନୀ, ୨୨ ଯବାନ ସହିଦ

ପିପିଲି ଉପ-ନିର୍ବାଚନ: ଭର୍ଚୁଆଲ୍ ମାଧ୍ୟମରେ ପ୍ରଚାର କରିବେ ମୁଖ୍ୟମନ୍ତ୍ରୀ

ପିପିଲି: ଉପ-ନିର୍ବାଚନ ପାଇଁ ପ୍ରଚାର କରିବେ ମୁଖ୍ୟମନ୍ତ୍ରୀ । ଭର୍ଚୁଆଲ୍ ମାଧ୍ୟମରେ ପ୍ରଚାର କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।  ଜିଲ୍ଲା ପରିଷଦ ଜୋନ ଅନୁଯାୟୀ ପ୍ରଚାର ହେବ । LED ବ୍ୟବସ୍ଥା ହେବ । କେଉଁ ତାରିଖରେ ପ୍ରଚାର କରିବେ ତାହା ଆଜି ସନ୍ଧ୍ୟାରେ ଚୂଡ଼ାନ୍ତ ହେବ। ଏବଂ ୩୫ ହଜାରରୁ ଅଧିକ ଭୋଟ ବ୍ୟବଧାନରେ ବିଜେଡି ଜିତିବ।ଏ ନେଇ ସୂଚନା ଦେଇଛନ୍ତି ବିଜେଡି ବିଧାୟକ ଉମା ସାମନ୍ତରାୟ ।

ସୂଚନା ଯୋଗ୍ୟ ଯେ, ପୂର୍ବରୁ ଦଳର ନମ୍ୱର ଓ୍ୱାନ ଷ୍ଟାର ପ୍ରଚାର ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପିପିଲି ଯିବାର କାର୍ଯ୍ୟକ୍ରମ ଥିଲା । କିନ୍ତୁ କରୋନା କାରଣରୁ ଭର୍ଚୁଆଲ ମାଧ୍ୟମରେ ପ୍ରଚାର କରିବେ ବୋଲି ଅନୁମାନ କରାଯାଉଛି । ଅପରପକ୍ଷରେ ଉପନିର୍ବାଚନ ପାଇଁ ଏବେ ଜମିଛି ପିପିଲି ପ୍ରଚାର। ସବୁ ଦଳ ପ୍ରାର୍ଥୀ ଓ ନେତା ଘର ଘର ବୁଲି ଲୋକଙ୍କୁ ନିଜ ଆଡକୁ ଆକୃଷ୍ଟ କରିବା ପାଇଁ ଚେଷ୍ଟା କରୁଛନ୍ତି । ଭର୍ଚୁଆଲ ମାଧ୍ୟମରେ ଖୋଦ୍ ମୁଖ୍ୟମନ୍ତ୍ରୀ ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀଙ୍କ ପାଇଁ କ୍ୟାମ୍ପେନିଂ କରିବେ ।

ଏଥିସହିତ ପଢ଼ନ୍ତୁ: ପଦାରେ ପଡ଼ିଲା ଆଶ୍ରିତଙ୍କ ଅସଲ ଚେହେରା: ‘୫୦ ଲକ୍ଷ ଟଙ୍କା’ ଅଭିଯୁକ୍ତଙ୍କ ସହ ରହିଛି ଲିଙ୍କ୍

ପଶ୍ଚିମ ଓଡ଼ିଶାରେ ଆରମ୍ଭ ହେଲା ୧୦ ଦିନିଆ ସ୍ପେଶାଲ ଡ୍ରାଇଭ: କଡ଼ାକଡ଼ି ହେବ ନାଇଟ କର୍ଫ୍ୟୁ

ସମ୍ୱଲପୁର: ଆହୁରି ଜୋରଦାର ହେବ କୋଭିଡ୍ କଟକଣା  । ଆଜିଠୁ ପଶ୍ଚିମ ଓଡ଼ିଶାରେ ଆରମ୍ଭ ହୋଇଛି ୧୦ଦିନିଆ ସ୍ୱତନ୍ତ୍ର ଡ୍ରାଇଭ୍‌  । ଆସନ୍ତା ୧୬ତାରିଖ ଯାଏଁ ଚାଲିବ ସ୍ୱତନ୍ତ୍ର ଡ୍ରାଇଭ୍‌  । କୋଭିଡ କଟକଣା ଅନୁପାଳନ ପାଇଁ ଏହି ସ୍ୱତନ୍ତ୍ର ଅଭିଯାନ କରାଯାଉଛି । ଏ ନେଇ ସବୁ ଏସପି, ଡିସିପିଙ୍କୁ ପୋଲିସ ଡିଜିଙ୍କ ନିର୍ଦ୍ଦେଶ ରହିଛି  । ମାସ୍କ, ସାମାଜିକ ଦୂରତା ଉପରେ ବିଶେଷ ଗୁରୁତ୍ୱ ଦିଆଯିବ  । ଏଥିସହ ଅଭିଯାନ ନେଇ ଆଇନ ଶୃଙ୍ଖଳା ଡିଆଇଜିଙ୍କୁ ଦୈନିକ ରିପୋର୍ଟ ଦିଆଯିବ । ଏନେଇ ଗତକାଲି ମୁଖ୍ୟମନ୍ତ୍ରୀ ଏକ ଉଚ୍ଚସ୍ତରୀୟ ବୈଠକରେ ସମୀକ୍ଷା କରି ନିର୍ଦ୍ଦେଶ ଦେଇଥିଲେ  ।

ଏଥିସହିତ ପଢ଼ନ୍ତୁ: ରାଜ୍ୟରେ ବଢୁଛି କୋଭିଡ, ସମୀକ୍ଷା କଲେ ମୁଖ୍ୟମନ୍ତ୍ରୀ

୨ଦିନ ମଧ୍ୟରେ ଟିକା ନ ଦେଲେ ରାଜ୍ୟରେ ବନ୍ଦ ହେବ ଟିକାକରଣ

ଭୁବନେଶ୍ୱର:  ରାଜ୍ୟରେ ବନ୍ଦ ହୋଇପାରେ ଟିକାକରଣ । ୨ ଦିନ ମଧ୍ୟରେ କେନ୍ଦ୍ର ପକ୍ଷରୁ ରାଜ୍ୟକୁ ଟିକା ନଦେଲେ ରାଜ୍ୟରେ ଟିକାକରଣ ବନ୍ଦ ହେବ । ଆବଶ୍ୟକୀୟ ଟିକା କେନ୍ଦ୍ର ଦେଉନାହିଁ । ଫଳରେ ରାଜ୍ୟରେ ୧୫ଶହ ଟିକା କେନ୍ଦ୍ର ମଧ୍ୟରୁ ୪ଶହ ଟିକାକେନ୍ଦ୍ର ବନ୍ଦ ହେଲାଣି । ବର୍ତ୍ତମାନ ୧୧୦୩ଟି ଟିକାକରଣ କେନ୍ଦ୍ରରେ ଚାଲିଛି ଭ୍ୟାକ୍ସିନେସନ ।  ପ୍ରତିଦିନ ୨ ଲକ୍ଷ ଟିକାକରଣ ନିଷ୍ପତ୍ତି ନିଆଯାଇଥିଲା । କେନ୍ଦ୍ର ଟିକା ଦେଉନି । ରାଜ୍ୟ ୧୫ ଲକ୍ଷ ଟିକା ଦେବାକୁ କେନ୍ଦ୍ରକୁ ଚିଠି ଲେଖି ଦାବି କରିଥିବା ବେଳେ ବର୍ତ୍ତମାନ ୧ଲକ୍ଷ ୭୩ ହଜାର ଟିକା ମହଜୁଦ ଅଛି । କାଲି ଆସିଥିଲା ୩ ଲକ୍ଷ ୩୯ ହଜାର ଟିକା , ତାକୁ ବାଣ୍ଟି ଦିଆଯାଇଛି । ଧାର୍ଯ୍ୟ ଲକ୍ଷ ପୂରଣ ହେଉନଥିବା ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ କହିଛନ୍ତି ।

ଏଥିସହିତ ପଢ଼ନ୍ତୁ: ଦେଶରେ ରେକର୍ଡ ସଂଖ୍ୟକ କରୋନା ସଂକ୍ରମିତ ଚିହ୍ନଟ

ଫାସଟ୍ୟାଗକୁ ନେଇ ଆପଣଙ୍କ ମନରେ ପ୍ରଶ୍ନ ଆଶୁଛି କି ? ତାହାଲେ ଏଠାରେ ଉତ୍ତର ପଢ଼ନ୍ତୁ

ନୂଆଦିଲ୍ଲୀ: ବର୍ତ୍ତମାନ କାରରେ ଯାତ୍ରା କରିବା ସମୟରେ ସମସ୍ତଙ୍କ ପାଇଁ ଫାସଟ୍ୟାଗ୍ ବାଧ୍ୟତାମୂଳକ। ଟୋଲ ଉପରେ ନଗଦ ଦେୟ ବନ୍ଦ ହେବା ପରେ, ବର୍ତ୍ତମାନ ପ୍ରତ୍ୟେକ ଗାଡ଼ିର ଆଗ ଗ୍ଲାସରେ ଲାଗିଥିବା ଏହି କାର୍ଡ ହେଉଛି ସଡକ ଟ୍ୟାକ୍ସ ଦେବାର ମୁଖ୍ୟ ଉପକରଣ। ତେବେ ଏବେ ପର୍ଯ୍ୟନ୍ତ ଫାସଟ୍ୟାଗ୍‌କୁ ନେଇ ଲୋକଙ୍କ ମନରେ ଅନେକ ପ୍ରଶ୍ନ ଅସମାହିତ ହୋଇ ରହିଛି। ଉଦାହରଣ ସ୍ୱରୂପ, ଏହାକୁ କିପରି ରିଚାର୍ଜ କରାଯିବ ଏବଂ ଯଦି କାରରେ ଫାସଟ୍ୟାଗ୍‌ ନାହିଁ ତେବେ କ’ଣ ହେବ ?

ଆପଣଙ୍କ ମନରେ ଥିବା ପ୍ରଶ୍ନର ସମାଧାନ ପୂର୍ବରୁ ପ୍ରଥମେ ଜାଣିବା ଏହି ଫାସଟ୍ୟାଗ୍ କ’ଣ ? ଏହା ଏକ ଇଲେକ୍ଟ୍ରୋନିକ୍ ଟୋଲ୍ ସଂଗ୍ରହ ଟେକ୍‌ନିକ, ଯାହା ଜାତୀୟ ରାଜପଥର ଟୋଲ୍ ପ୍ଲାଜାରେ କାମରେ ଆସେ। ଟୋଲ୍ ପ୍ଲାଜାରେ ଥିବା ସେନ୍ସରଗୁଡ଼ିକ ଏହାକୁ ସ୍କାନ୍ କରି ଆକାଉଣ୍ଟରୁ ନିର୍ଦ୍ଦିଷ୍ଟ ପରିମାଣ ରୋଡ ଟ୍ୟାକ୍ସ ନେଇଥାଏ। ଏହି ଡିଭାଇସ୍‌ରେ ରେଡିଓ ଫ୍ରିକ୍ୱେନ୍ସି ଆଇଡେଣ୍ଟିଫିକେସନ ଟେକ୍ନୋଲୋଜିକୁ ବ୍ୟବହାର କରାଯାଇଛି । ଯାହାକି ବହୁତ ଶକ୍ତିଶାଳୀ।

ତେବେ ଏହି ଫାସଟାଗ ଆପଣ କେମିତି ପାଇବେ ବୋଲି ଭାବୁଥିବେ। ଆପଣ ପେଟିଏମ୍ କିମ୍ବା ଆପଣଙ୍କ ବ୍ୟାଙ୍କ୍‌ ସହିତ ଯୋଗାଯୋଗ କରି ଘରୁ ଆପଣଙ୍କ ଫାସଟ୍ୟାଗ୍‌ ପାଇପାରିବେ। ଯଦି ଆପଣ ଏହା କରିବାକୁ ଚାହୁଁନାହାଁନ୍ତି, ତେବେ ଯେକୌଣସି ଟୋଲରେ ଆପଣ ଆପଣଙ୍କର RC ଏବଂ ମୋବାଇଲ୍ ନମ୍ବର ଉପରେ ଆଧାର କରି ଫାସଟ୍ୟାଗ୍‌ ପାଇପାରିବେ, ଯାହା ତୁରନ୍ତ କାମ ଆରମ୍ଭ କରେ।

ଫାସଟ୍ୟାଗ୍‌ରେ ଆପଣଙ୍କୁ ମୋବାଇଲ ଭଳି ରିଚାର୍ଜ କରିବାକୁ ପଡ଼ିବ ନାହିଁ। କାରଣ ଏହା ସିଧାସଳଖ ଆପଣଙ୍କ ଆକାଉଣ୍ଟ ସହିତ ଲିଙ୍କ ଥିବାରୁ ସେଥିରୁ ଟଙ୍କା କଟିଥାଏ। ପ୍ରତ୍ୟେକ ଥର ଟୋଲ ଅତିକ୍ରମ କରିବା ସମୟରେ ଫାସଟ୍ୟାଗ୍‌କୁ ସ୍କାନ କରି ଟଙ୍କା କଟାଯାଇଥାଏ। ଯଦି ଆପଣଙ୍କୁ ଫାସଟାଗ ପେଟିଏମ୍ କିମ୍ବା ଗୁଗୁଲ୍ ପେ ଇତ୍ୟାଦି ସହିତ ରିଚାର୍ଜ କରିବାକୁ ପଡିବ ତେବେ ୱାଲେଟରେ ଉପଲବ୍ଧ ବାଲାନ୍ସ ରହିବା ଉଚିତ, ନଚେତ୍ କାର୍ଡ କାମ କରିବ ନାହିଁ।

ଆମେ ଆପଣଙ୍କୁ କହିଦେବାକୁ ଚାହୁଁକି ଗୋଟିଏ ଫାସଟ୍ୟାଗ୍ କେବଳ ଗୋଟିଏ ଗାଡିରେ ହିଁ କାମ କରିପାରିବ। ପଞ୍ଜିକୃତ ହୋଇଥିବା ଫାଷ୍ଟଟ୍ୟାଗକୁ ଅନ୍ୟ ଗାଡ଼ିରେ ଆପଣ ବ୍ୟବହାର କରିପାରିବେ ନାହିଁ । ଯଦି ଆପଣଙ୍କର ଫାସଟ୍ୟାଗ୍‌ କେଉଁଠି ହଜିଯାଏ ତେବେ ଆପଣ ଦ୍ୱିତୀୟ ଫାସଟ୍ୟାଗ୍‌ ନେଇପାରିବେ । ଏବଂ ଦ୍ୱିତୀୟ ଫାସଟ୍ୟାଗ୍ ସକ୍ରିୟ ହେବା ମାତ୍ରେ ପ୍ରଥମଟି ସ୍ୱୟଂଚାଳିତ ଭାବରେ ନିଷ୍କ୍ରିୟ ହୋଇଯିବ।

ଯଦି ଆପଣଙ୍କର କାରରେ ଫାସଟ୍ୟାଗ୍ ନାହିଁ, ତେବେ ଆପଣଙ୍କୁ ଅଧିକ ଜରିମାନା ଦେବାକୁ ପଡ଼ିବ । ତେଣୁ ମନେରଖନ୍ତୁ ଯେ ଫାସଟ୍ୟାଗ୍ ବିନା ରାଜପଥରେ ଯିବା ଆପଣଙ୍କ ପକେଟ ଉପରେ ଭାରି ପଡିପାରେ ।

IPL T20ରେ ମିଡିଲ ଅର୍ଡରରେ ବ୍ୟାଟିଂ ବହୁତ ଗୁରୁତ୍ୱପୂର୍ଣ୍ଣ, ଜାଣନ୍ତୁ କେଉଁ ଦଳର ମିଡିଲ ଅର୍ଡର ବହୁତ ଶକ୍ତ

ନୂଆଦିଲ୍ଲୀ: ଗତବର୍ଷ IPL ସିଜିନରେ ମୁମ୍ବାଇ ଇଣ୍ଡିଆନ୍ସ ଟାଇଟଲ ହାସଲ କରିଥିଲା। ୨୦୦୮ରୁ ୨୦୨୦ ଭିତରେ ମୋଟ ୫ ଥର ଟାଇଟଲ ହାସଲ କରିଛି ମୁମ୍ବାଇ ଇଣ୍ଡିଆନ୍ସ ।  ଯଦି କହିବା ସବୁଠାରୁ ଅଧିକ ଥର ଜିତିଛି ଏହି ଦଳ। ଫ୍ୟାନ ଫଲୋଇଁରେ ମଧ୍ୟ ଆଗରେ ରହିଛି ମୁମ୍ବାଇ ଇଣ୍ଡିଆନ୍ସ। ଆଉ ଏବେ ୨୦୨୧ ର ଟାଇଟଲ ହାସଲ କରିବାକୁ ଲକ୍ଷ୍ୟ ରଖିଛି ମୁମ୍ବାଇ। ଏଥିପାଇଁ ରୋହିତ ଶର୍ମାଙ୍କ ଟିମ୍‌ ପୁରା ପ୍ରସ୍ତୁତ ରହିଛି। ସେପଟେ ସୁନୀଲ ଗାଭାସ୍କରଙ୍କ ସମେତ ଅନେକ ମହାନ ଖେଳାଳି ମୁମ୍ବାଇକୁ ସେମାନଙ୍କର ସବୁଠାରୁ ପ୍ରିୟ ଦଳ ଭାବରେ କହିଛନ୍ତି। ଏହି ଦଳକୁ ପସନ୍ଦ କରିବାର ଅନେକ କାରଣ ରହିଛି। ଏହାର ଏକ ମୁଖ୍ୟ କାରଣ ହେଉଛି ମିଡିଲ ଓଭର ରେ ଭଲ ଖେଳର ପ୍ରଦର୍ଶନ। ଏହି ଦଳରେ ୭ରୁ ୧୬ ଓଭର ମଧ୍ୟରେ ସବୁବେଳେ ଭଲ ବ୍ୟାଟିଂର ପ୍ରଦର୍ଶନ ରହିଆସୁଛି। ସେଥିଲାଗି ଏହି ଦଳକୁ ଅନେକ ମହାନ ଖେଳାଳି ପସନ୍ଦ କରନ୍ତି। IPL ଲିଗ୍‌ର ପ୍ରଥମ ମ୍ୟାଚ୍ ୯ ଏପ୍ରିଲରୁ ଆରମ୍ଭ ହେବାକୁ ଯାଉଥିବା ବେଳେ  ମୁହାଁ ମୁହିଁ ହେବେ ମୁମ୍ବାଇ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର।

ଖେଳ କଥା ଉଠିଲେ ଆଗ କେଉଁ ଟିମର କେତେ ରନରେଟ ରହିଛି ତାହା ଦେଖାଯାଏ। କେଉଁ ଓଭରରେ କାହାର କେତେ ରନରେଟ ଥାଏ ସମସ୍ତେ ତର୍ଜମା କରନ୍ତି ତେବେ IPLର ପୂର୍ବ ସିଜିନ ୟୁଏଇରେ ଖେଳା ଯାଇଥିଲା। ସେହି ମ୍ୟାଚ୍‌ରେ ଯଦି ଆମେ ମିଡିଲ ଓଭରରେ ରହିଥିବା ରନରେଟକୁ ୮ଟି ଦଳ ମଧ୍ୟରେ ତୁଳନା କରିବା ତେବେ ମୁମ୍ବାଇ ଇଣ୍ଡିଆନ୍ସ ସବୁଠାରୁ ଆଗରେ ରହିବ। କାରଣ ମୁମ୍ବାଇରେ ଇଶାନ କିଶନ, କିରନ ପୋଲାର୍ଡ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ଭଳି ବ୍ୟାଟ୍ସମ୍ୟାନ୍ ଅଛନ୍ତି। ଅନ୍ୟପକ୍ଷରେ, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ପ୍ରଦର୍ଶନ ଏହି ସମୟ ମଧ୍ୟରେ ସବୁଠାରୁ ଖରାପ ଥିଲା। ଆଉ ଏହି କାରଣରୁ, ଦଳ ଏଥର ନିଲାମରେ ଗ୍ଲେନ୍ ମ୍ୟାକ୍ସୱେଲଙ୍କୁ କିଣିଛି । ଯାହା ଦ୍ୱାରା ସେମାନେ ରନ୍ ହାରାହାରି ବୃଦ୍ଧି କରିପାରିବେ।

ଗତ ସିଜନରେ ମୁମ୍ବାଇ ୧୫ ଟି ମ୍ୟାଚ୍ ଖେଳିବାର ସୁଯୋଗ ପାଇଥିଲା। ଏହି ଅବଧି ମଧ୍ୟରେ ଦଳ ମିଡିଲ ଅର୍ଡରରେ ପ୍ରାୟ ୮ ରନରେଟରେ ସ୍କୋର କରିଥିଲା। ସେହି ସମୟ ମଧ୍ୟରେ ଦଳର ଷ୍ଟ୍ରାଇକ୍‌ ରେଟ ପ୍ରାୟ ୩୬ ରହିଥିଲା । ଅନ୍ୟପକ୍ଷରେ ବେଙ୍ଗାଲୁରୁ ୬.୮  ରନରେଟରେ ସ୍କୋର କରିଥିବା ବେଳେ ଟ୍ରାଇକ୍‌ ଅର୍ଡର ରହିଥିଲା ୨୭ ।  ଅର୍ଥାତ୍ ମୁମ୍ବାଇ ପ୍ରତ୍ୟେକ ମ୍ୟାଚ୍‌ ମିଡିଲ ଓଭରରେ ୮୦ ରନ ସଂଗ୍ରହ କରୁଥିବା ବେଳେ ବେଙ୍ଗାଲୁରୁ ୬୮ ରନ୍ ସଂଗ୍ରହ କରିଥିଲା। ଉଭୟଙ୍କ ମଧ୍ୟରେ ମାତ୍ର ୧୨ ରନ୍ର ପାର୍ଥକ୍ୟ ଥିଲା।

ଏହି ରନରେଟକୁ ଦେଖିଲେ ପଞ୍ଜାବ ଦ୍ୱିତୀୟ ଏବଂ ଦିଲ୍ଲୀ ତୃତୀୟ ସ୍ଥାନରେ ରହିଛି। ପଞ୍ଜାବ ୭.୮ ରନରେଟରେ ସ୍କୋର କରିଥିବା ବେଳେ ଦିଲ୍ଲୀ କ୍ୟାପିଟାଲ ୭.୭, ରାଜସ୍ଥାନ ୭.୭ , ହାଇଦ୍ରାବାଦ ୭.୩, କୋଲକାତା ୭.୧ ଏବଂ ଚେନ୍ନାଇ ୭.୧ ରନରେଟରରେ ସ୍କୋର କରିଛି। ଗତ ସିଜନରେ ଦିଲ୍ଲୀ ଏବଂ ହାଇଦ୍ରାବାଦ ସର୍ବାଧିକ ୧୬-୧୬ ମ୍ୟାଚ ଖେଳିବାର ସୁଯୋଗ ପାଇଥିଲେ ।

ଗତ ସିଜିନରେ ବହୁତ ବଡ଼ ବଡ଼ ସ୍କୋର ଦେଖିବାକୁ ମିଳିଥିଲା । ଏହା ପରେ ମଧ୍ୟ ପାୱାର ପ୍ଲେ ର ପ୍ରଥମ ୬ ଓଭରରେ ରାଜସ୍ଥାନ ରୟାଲ୍ସ ଫାଷ୍ଟ ବୋଲର ଜୋଫ୍ରା ଆର୍ଚର ଏବଂ ମୁମ୍ବାଇ ଇଣ୍ଡିଆନ୍ସ ଫାଷ୍ଟ ବୋଲର ଜସପ୍ରୀତ ବୁମ୍ରାଙ୍କ ପ୍ରଦର୍ଶନ ବହୁତ ଭଲ ରହିଥିଲା। ଜୋଫ୍ରା ଆର୍ଚର ୪.୩୫ ଇକୋନୋମି ସହିତ ପାୱାର ପ୍ଲେରେ ରନ୍ ଦେଇଥିଲେ । ସେହିପରି ବୁମ୍ରା ୫.୩୫ ଇକୋନୋମି ସହିତ ରନ୍ ଦେଇଥିଲେ । ଏହାରି ଭିତରେ ଅନ୍ୟ କୌଣସି ବୋଲରଙ୍କର ଇକୋନୋମି ୬ ତଳକୁ ରହିନାହିଁ।