spot_img
Home Blog Page 5942

କୋଟିଆରେ ଜାରି ହେଲା ୧୪୪ ଧାରା, ପଶି ପାରିବନି ବାହାର ଗାଡ଼ି

ଜୟପୁର: କରୋନା ପାଇଁ କୋଟିଆରେ ଜାରି ହେଲା ୧୪୪ ଧାରା । କୌଣସି ଲୋକ ବାହାରକୁ ବାହାରିବାକୁ ବାରଣ କରାଯାଇଛି । ୩ ଦିନ ପାଇଁ କୋଟିଆରେ ୧୪୪ ଧାରା ଜାରି କରାଯାଇଥିବା କୋରାପୁଟ ଜିଲ୍ଲାପାଳ ଘୋଷଣା କରିଛନ୍ତି । କୌଣସି ଯାନ ବାହାନ ଗଡ଼ିବାକୁ ମନା କରାଯାଇଛି । ବର୍ତ୍ତମାନ ଜିଲ୍ଲାର ସବୁ ଦଳର ନେତା କୋଟିଆରେ ଥିବାବେଳେ ରାତି ଜଗିବେ । କୋଟିଆରେ ଜିଲ୍ଲାପାଳ ଓ ଅତିରିକ୍ତ ଜିଲ୍ଲାପାଳ ମଧ୍ୟ ଉପସ୍ଥିତ ଅଛନ୍ତି । ଜରୁରୀ ନଥିଲେ ବାହାରକୁ ବାହାରିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଡାକବାଜି ଯନ୍ତ୍ର ଜରିଆରେ କୋଟିଆର ସମସ୍ତ ଗାଁରେ ପ୍ରଶାସନ ଘୋଷଣା କରିଛି ।

Koraput Dist Administration Imposed 144 In Kotia

ଓଡ଼ିଶାର ବିରୋଧ ସତ୍ତ୍ୱେ ଆସନ୍ତାକାଲି ଗୁରୁବାର କୋଟିଆରେ ଭୋଟ୍ ଗ୍ରହଣ କରିବା ଆନ୍ଧ୍ର । ଆନ୍ଧ୍ର ସରକାରଙ୍କ ଆବେଦନର ଶୁଣାଣି କରି ହାଇକୋର୍ଟଙ୍କ ୩ ଜଣିଆ ଖଣ୍ଡପୀଠ ଜିଲ୍ଲାପରିଷଦ ନିର୍ବାଚନ କରିବାକୁ ଅନୁମତି ଦେଇଛନ୍ତି । ପୂର୍ବ ନିର୍ଦ୍ଧାରିତ ବିଜ୍ଞପ୍ତି ଅନୁଯାୟୀ ଆସନ୍ତାକାଲି କୋଟିଆ ପଞ୍ଚାୟତ ଅନ୍ତର୍ଗତ ତଳ ଗଞ୍ଜେଇପଦର, ଫାଟୁସିନେରୀ ଓ ଫଗୁଣସିନେରୀର ଭୋଟରଙ୍କୁ ନେଇ ଜିଲ୍ଲା ପରିଷଦ ନିର୍ବାଚନ କରୁଛି । ଏହାକୁ ଓଡ଼ିଶାର ସମସ୍ତ ରାଜନୈତିକ ଦଳ ପ୍ରବଳ ବିରୋଧ କରିଛନ୍ତି । କୋଟିଆ ପାଇଁ ଉଠିଛି ଗୋଟିଏ ସ୍ୱର ।

Koraput Dist Administration Imposed 144 In Kotia

ବିଜେଡି, ବିଜେପି ଓ କଂଗ୍ରେସର ବିଧାୟକ ଓ ବରିଷ୍ଠ ନେତୃବୃନ୍ଦ ଫାଟୁସିନେରୀ ନିକଟସ୍ଥ ଓଡିଶା ଆନ୍ଧ୍ର ସୀମା ରାସ୍ତା ଉପରେ ଧାରଣା ବସିଛନ୍ତି । ସୀମାନ୍ତରେ ସଂଯୋଗ କରୁଥିବା ରାସ୍ତାକୁ  ଅବରୋଧ କରିଛନ୍ତି । ଓଡିଶାର କୌଣସି ଭୋଟରଙ୍କୁ ଆନ୍ଧ୍ର ନିର୍ବାଚନରେ ଭାଗ ଦେବାକୁ ଦିଆଯିବ ନାହିଁ ବୋଲି ସେମାନେ ଦୃଢୋକ୍ତି ପ୍ରକାଶ କରିଛନ୍ତି । କୋରାପୁଟ ଜିଲ୍ଲା ବିଜେଡି ସଭାପତି ଈଶ୍ୱର ପାଣିଗ୍ରାହୀ, କୋରାପୁଟ ବିଧାୟକ ରଘୁରାମ ପଡାଲ, ପଟାଙ୍ଗି ବିଧାୟକ ପ୍ରିତମ ପାଢ଼ୀ, ଜୟପୁର ବିଧାୟକ ତାରାପ୍ରସାଦ ବାହିନୀପତି, ବିଜେପି ନେତା ଜୟରାମ ପାଙ୍ଗି ପ୍ରମୁଖ ଶତାଧିକ ସମର୍ଥକଙ୍କ ସହ ଧାରଣା ଦେଇଛନ୍ତି ।

ସାଇକେଲିଷ୍ଟ ସ୍ୱାତୀ ସିଂଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବର୍ଦ୍ଧନା, ଦେଲେ ୨ ଲକ୍ଷ ଟଙ୍କାର ପୁରସ୍କାର

ଭୁବନେଶ୍ୱର: ଜାତୀୟ ସ୍ତରରେ ରେକର୍ଡ ହାସଲ କରିଥିବା ଓଡ଼ିଶା ସାଇକେଲିଷ୍ଟ ସ୍ୱାତୀ ସିଂଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନବୀନ ନିବାସରେ ସମ୍ବର୍ଦ୍ଧିତ କରିଛନ୍ତି । ଏଥିସହ ସ୍ୱାତୀଙ୍କୁ ମୁଖ୍ୟମନ୍ତ୍ରୀ ୨ ଲକ୍ଷ ଟଙ୍କାର ପ୍ରୋତ୍ସାହନ ରାଶି ପ୍ରଦାନ କରିଛନ୍ତି । ରାଜ୍ୟର କ୍ରୀଡ଼ା କ୍ଷେତ୍ରରେ ଉଦୀୟମାନ ତାରକା ସ୍ୱାତୀ ଗୁଆହାଟିରେ ଅନୁଷ୍ଠିତ ୨୦୨୦ ଖେଳୋ ଇଣ୍ଡିଆ ୟୁଥ୍ ଗେମ୍ସର ସାଇକେଲିଂରେ ୨ଟି ସ୍ୱର୍ଣ୍ଣ ଓ ଗୋଟିଏ ରୌପ୍ୟ ପଦକ ଜିତିଥିଲେ ।

CM Felicitates Ace Odisha Cyclist & National Record Holder Swasti Singh

ନିକଟରେ ସ୍ୱାତୀ ବ୍ୟକ୍ତିଗତ ବର୍ଗରେ ୩ ହଜାର ମିଟର ଦୂରତାକୁ ୪:୦୫:୫୪୭ ସେକେଣ୍ଡରେ ନୂଆ ଜାତୀୟ ରେକର୍ଡ କରିବା ସହ ସ୍ୱର୍ଣ୍ଣ ପଦକ ପାଇଛନ୍ତି । ଏଥିସହ ନଭି ମୁମ୍ବାଇରେ ଅନୁଷ୍ଠିତ ଜାତୀୟ ରୋଡ୍ ସାଇକେଲିଂ ଚାମ୍ପିଅନସିପରେ ୬୦ କିମି ରୋଡ୍ ମାସ ଷ୍ଟାର୍ଟରେ ସ୍ୱାତୀ ସ୍ୱର୍ଣ୍ଣ ପଦକ ଜିତିଛନ୍ତି ।

CM Felicitates Ace Odisha Cyclist & National Record Holder Swasti Singh

ହାଇଦ୍ରାବାଦର ଓସମାନିଆ ବିଶ୍ୱବିଦ୍ୟାଳୟରେ ୭୨ତମ ଜାତୀୟ ଟ୍ରାକ୍ ସାଇକେଲିଂ ଚାମ୍ପିଅନସିପରେ ସ୍ୱାତୀ ୧୦ କିଲୋମିଟର ସ୍କ୍ରାଚ ରେସ୍ ଓ ୨୦ କିଲୋମିଟର ପଏଣ୍ଟ ରେସରେ ରୌପ୍ୟ ଜିତିଥିଲେ । ସ୍ୱାତୀଙ୍କ ଏହି ସଫଳତାକୁ ନେଇ ମୁଖ୍ୟମନ୍ତ୍ରୀ କହିଛନ୍ତି- ସ୍ୱାତୀ ଅନ୍ୟ ଯୁବଗୋଷ୍ଠୀଙ୍କ ଲାଗି ପ୍ରେରଣାର ଉତ୍ସ । ବିଶେଷକରି ମହିଳାମାନଙ୍କ ସଫଳତାର ପଥିକ ସ୍ୱାତୀ ।

ଏଥିସହ ପଢ଼ନ୍ତୁ- ଓଡ଼ିଆ ସାଇକେଲିଷ୍ଟ ସ୍ୱାତୀ ସିଂହଙ୍କୁ ସ୍ୱର୍ଣ୍ଣ ପଦକ, ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଡଲାର ତୁଳନାରେ ଟଙ୍କା ଦୁର୍ବଳ, ଗୋଟିଏ ଡଲାର-୭୪.୫୫ ଟଙ୍କା

ନୂଆଦିଲ୍ଲୀ: ବୁଧବାର ଆରବିଆଇ ପଲିସି ଘୋଷଣା ପରେ ୪ ମାସ ମଧ୍ୟରେ ଟଙ୍କା ସର୍ବନିମ୍ନକୁ ଖସିଛି । ପ୍ରଥମ କ୍ୱାର୍ଟରରେ କେନ୍ଦ୍ରୀୟ ବ୍ୟାଙ୍କ ୧ ଲକ୍ଷ କୋଟିର ବଣ୍ଡ ସେକେଣ୍ଡାରୀ ମାର୍କେଟରୁ ଜିଏସ୍ଏପି ମାଧ୍ୟମରେ କ୍ରୟ କରିବାକୁ ଘୋଷଣା କରିଛି । ଏହାପରେ ଭାରତୀୟ ଟଙ୍କା ୧.୫ ପ୍ରତିଶତ ଖସି ଆମେରିକାର ଗୋଟିଏ ଡଲାର ତୁଳନାରେ ୭୪ ଟଙ୍କା ୫୫ ପଇସା ରହିଛି । ୨୦୧୯ ଅଗଷ୍ଟ ପରେ ଡଲାର ବିନିମୟରେ ଟଙ୍କାରେ ଏହା ହେଉଛି ଦୈନିକ ସର୍ବାଧିକ ହ୍ରାସ୍ ।

Rupee sees biggest one-day fall vs US dollar in 20 months

ମଙ୍ଗଳବାର ଗୋଟିଏ ଆମେରିକୀୟ ଡଲାର ବିନିମୟରେ ଟଙ୍କାର ମୂଲ୍ୟ ୭୪ ଟଙ୍କା ୪୩ ପଇସା ରହିଥିଲା । ରେଲିଗେୟାର ବ୍ରୋକିଂର ଉପ ସଭାପତି ସୁଗନ୍ଧ ସଚଦେବ କହିଛନ୍ତି- ଦେଶରେ କରୋନା ମାମଲା ବଢ଼ୁଥିବା ବେଳେ ବିଗତ ୫ ମାସ ମଧ୍ୟରେ ଟଙ୍କାର ମୂଲ୍ୟ ଖସିଛି ।

Rupee sees biggest one-day fall vs US dollar in 20 months

ଆରବିଆଇ ଲଗାତାର ପଞ୍ଚମଥର ଲାଗି ମନିଟାରୀ ପଲିସିରେ କୌଣସି ପରିବର୍ତ୍ତନ ଆଣିନଥିବା ବେଳେ କରୋନାର ଦ୍ୱିତୟ ଲହର ଟଙ୍କାକୁ ଧରାଶାୟୀ କରିଛି । କରୋନାର ଦ୍ୱିତୀୟ ଲହର ପ୍ରଭାବରେ ଘରୋଇ ଉତ୍ପାଦନ ଓ ମୁଦ୍ରା ଚାହିଦା କମିଛି । ଏହାଦ୍ୱାରା ଭାରତର ଆଭ୍ୟନ୍ତରୀଣ କ୍ଷେତ୍ର ପ୍ରଭାବିତ ହେବା ଆଶଙ୍କା କରାଯାଉଛି ।

ବିଦ୍ୟାଳୟରେ ପାଠପଢ଼ା ନେଇ ରାଜ୍ୟ ସରକାରଙ୍କ ବଡ଼ ନିଷ୍ପତ୍ତି

ଭୁବନେଶ୍ୱର: ରାଜ୍ୟରେ ବଢ଼ୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ବିଦ୍ୟାଳୟ ଓ ଗଣଶିକ୍ଷା ବିଭାଗ ବଡ଼ ନିଷ୍ପତ୍ତି ନେଇଛି । ନବମ ଓ ଏକାଦଶ ଶ୍ରେଣୀ ଛାତ୍ରଛାତ୍ରୀଙ୍କ କ୍ଲାସ୍ ଏପ୍ରିଲ୍ ୩୦ ଯାଏ ନିଲମ୍ବନ କରାଯାଇଛି । ଏନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗର ପ୍ରମୁଖ ଶାସନ ସଚିବ ସତ୍ୟବ୍ରତ ସାହୁ ବିଭାଗର ସମସ୍ତ ନିର୍ଦ୍ଦେଶକ ଓ ସମସ୍ତ ଜିଲ୍ଲା ଶିକ୍ଷା ଅଧିକାରୀଙ୍କୁ ଚିଠି ଲେଖିଛନ୍ତି ।

Odisha Suspension School Classes Of IX And XI Students

ସରକାରୀ ସ୍କୁଲ ସହ ସରକାରୀ ସହାୟତାପ୍ରାପ୍ତ ସ୍କୁଲ୍ ଓ ଘରୋଇ ବିଦ୍ୟାଳୟରେ ନବମ ଓ ଏକାଦଶ ଶ୍ରେଣୀ ପାଠପଢ଼ା ନିଲମ୍ବନ ନେଇ ନିର୍ଦ୍ଦେଶ ଦିଆଯାଇଛି । ବିଦ୍ୟାଳୟର ହଷ୍ଟେଲରେ ରହି ପଢ଼ୁଥିବା ଛାତ୍ରଛାତ୍ରୀ ତୁରନ୍ତ ଘରକୁ ଫେରିଯିବାକୁ ନିର୍ଦ୍ଦେଶ ଦିଆଯାଇଛି । ଆବଶ୍ୟକ ସ୍ଥଳେ ସ୍କୁଲ୍ କର୍ତ୍ତୃପକ୍ଷ ଅନଲାଇନ୍ ପାଠପଢ଼ା ଜାରି ରଖିବାକୁ କୁହାଯାଇଛି ।

Odisha Suspension School Classes Of IX And XI Students

ନବମ ଓ ଏକାଦଶ ଶ୍ରେଣୀ ପାଠପଢ଼ାକୁ ନିଲମ୍ବିତ ରଖାଯାଇଥିବା ବେଳେ ଏପ୍ରିଲ୍ ୨୫ ଯାଏ ଦଶମ ଓ ଦ୍ୱାଦଶ ଶ୍ରେଣୀ କ୍ଲାସ୍ ପୂର୍ବ ନିଷ୍ପତ୍ତି ଅନୁଯାୟୀ ଜାରି ରହିବ । ଶ୍ରେଣୀଗୃହ ଓ ବିଦ୍ୟାଳୟ ପରିସରରେ କୋଭିଡ୍ କଟକଣାକୁ ମାନି ମୁହଁରେ ମାସ୍କ ପିନ୍ଧିବା, ସାମାଜିକ ଦୂରତା ରକ୍ଷା କରିବା ଏବଂ ବାରମ୍ବାର ହାତ ଧୋଇବା ଉପରେ ଗୁରୁତ୍ୱ ଦିଆଯାଇଛି । ହଷ୍ଟେଲରେ ମଧ୍ୟ କୋଭିଡ୍ ନିୟମ ପାଳନ ନେଇ ନିର୍ଦ୍ଦେଶ ଦିଆଯାଇଛି ।

ଛତିଶଗଡ଼ ରାଜଧାନୀ ରାୟପୁରରେ ଲାଗୁ ହେଲା ଲକଡାଉନ୍, ୯ରୁ ୧୯ ସବୁ କିଛି ବନ୍ଦ

ରାୟପୁର: ଫେରୁଛି କରୋନା, ବଢ଼ୁଛି ସଂକ୍ରମଣ ମାମଲା । ଦେଶରେ ମହାରାଷ୍ଟ୍ର, ପଞ୍ଜାବ ପରେ ଛତିଶଗଡ଼ରେ ସ୍ଥିତି ବେଶ୍ ଚିନ୍ତାଜନକ ରହିଛି । ବଢ଼ୁଥବା ସଂକ୍ରମଣ ମାମଲାକୁ ଦେଖି ଛତିଶଗଡ଼ ରାଜଧାନୀ ରାୟପୁରରେ ପୂର୍ଣ୍ଣ ଲକଡାଉନ୍ ଘୋଷଣା କରାଯାଇଛି । ଏପ୍ରିଲ୍ ୯ ତାରିଖରୁ ଏପ୍ରିଲ୍ ୧୯ ତାରିଖ ଯାଏ ଲକଡାଉନ୍ ଲାଗୁ କରାଯାଇଛି । ରାୟପୁର ଜିଲ୍ଲାରେ ଲକଡାଉନ୍ ଲାଗୁ କରାଯାଇଥିବା ନେଇ ସ୍ଥାନୀୟ ଜିଲ୍ଲାପାଳ ଭାରତୀ ଦସନ ସୂଚନା ଦେଇଛନ୍ତି ।

ଏପ୍ରିଲ୍ ୯ ତାରିଖ ସନ୍ଧ୍ୟା ୬ଟାରୁ ୧୯ ଏପ୍ରିଲ୍ ୧୯ ସକାଳ ୬ଟା ଯାଏ ପୂର୍ଣ୍ଣ ଲକଡାଉନ୍ ଲାଗୁ ହେବ । ୧୧ ଦିନିଆ ଲକଡାଉନ ସମୟରେ କେବଳ ଅତ୍ୟାବଶ୍ୟକୀୟ ସେବାକୁ ଅନୁମତି ଦିଆଯାଇଛି । ମଙ୍ଗଳବାର ରାଜ୍ୟରେ କରୋନାର ୯ ହଜାର ୯୨୧ ମାମଲା ଚିହ୍ନଟ ହୋଇଥିବା ବେଳେ ୫୩ ଜଣଙ୍କ ମୃତ୍ୟୁ ହୋଇଛି । ଏବେ ସୁଦ୍ଧା ରାଜ୍ୟରେ କରୋନାର ୩ ଲକ୍ଷ ୮୬ ହଜାର ୨୬୯ଟି ମାମଲା ଚିହ୍ନଟ ହୋଇଥିବା ବେଳେ ୪ ହଜାର ୪୧୬ ଜଣଙ୍କ ମୃତ୍ୟୁ ହୋଇଛି । ଏବେ ରାଜ୍ୟରେ ୫୨ ହଜାର ୪୪୫ ଜଣ ସକ୍ରିୟ ସଂକ୍ରମିତ ରହିଛନ୍ତି ।

ଏହା ପୂର୍ବରୁ ଗତ ଶୁକ୍ରବାର ଛତିଶଗଡ଼ର ଦୁର୍ଗରେ ସମ୍ପୂର୍ଣ୍ଣ ଲକଡାଉନ୍ ଲାଗୁ ହୋଇଛି । ଦୁର୍ଗ ଜିଲ୍ଲାରେ ଏପ୍ରିଲ ୬ରୁ ୧୪ ଏପ୍ରିଲ୍ ଯାଏ ଜିଲ୍ଲାପାଳ ଲକଡାଉନ୍ ଲାଗୁ କରିଛନ୍ତି । ବଢ଼ୁଥିବା କରୋନା ସଂକ୍ରମଣକୁ ଦେଖି ଏଭଳି ପଦକ୍ଷେପ ନିଆଯାଇଥିବା ବେଳେ କୋଭିଡ୍ ନିୟମକୁ କଡ଼ାକଡ଼ି ଭାବେ ପାଳନ କରିବାକୁ ନିର୍ଦ୍ଦେଶ ଦିଆଯାଇଛି ।

ଉଚ୍ଛେଦ ବେଳେ ପୋଲିସ-ବସ୍ତି ବାସିନ୍ଦା ମୁହାଁମୁହିଁ

ଭୁବନେଶ୍ୱର: ବସ୍ତି ଉଚ୍ଛେଦକୁ ବିରୋଧ । ରେଳ ମାର୍କେଟ ନିକଟ ସାଇନଥ ବସ୍ତି ଉଚ୍ଛେଦକୁ ବିରୋଧ କରାଯାଇଛି । ପୋଲିସ ଓ ବସ୍ତିବାସିନ୍ଦାଙ୍କ ଭିତରେ ପ୍ରବଳ ଗଣ୍ଡଗୋଳ ହୋଇଛି । ବସ୍ତି ଉଚ୍ଛେଦ ପାଇଁ ପହଞ୍ଚିଥିବା ବିଡିଏ କର୍ମଚାରୀଙ୍କୁ ବିରୋଧ କରିଛନ୍ତି ସାଇନାଥ ବସ୍ତି ବାସିନ୍ଦା । ଟ୍ରାଞ୍ଜିଟ ହାଉସକୁ ଯିବେ ନାହିଁ କି ସାଇନାଥ ବସ୍ତିରୁ ଉଠିବେ ନାହିଁ ବୋଲି ବସ୍ତି ବାସିନ୍ଦା ଜିଦ୍ ଧରିବା ସହ ସାଇନାଥ ବସ୍ତି ପାଖାପାଖି ରହିବା ପାଇଁ ଜାଗା ଦିଆଯାଉ ବୋଲି ଦାବି କରିଛନ୍ତି ।

Slum People Against Eviction In City

ଉଚ୍ଛେଦ ବନ୍ଦ ନେଇ ବସ୍ତି ବାସିନ୍ଦା ହାଇକୋର୍ଟରୁ ଷ୍ଟେ ଅର୍ଡର ମଧ୍ୟ ଆଣିଛନ୍ତି । ଉଚ୍ଛେଦ ପାଇଁ ଆସିଥିବା ଜେସିବି ଅଟକାଇବା ବେଳେ ଗଣ୍ଡଗୋଳ ପରିସ୍ଥିତି ସୃଷ୍ଟି ହୋଇଥିଲା । ପରେ ବିଡିଏର ମିଳିତ ସ୍କ୍ୱାଡ୍ ଓ ବସ୍ତିବାସିନ୍ଦା ମୁହାଁମୁହିଁ ହୋଇଥିଲେ । କିଛି ବସ୍ତି ବାସିନ୍ଦା ସ୍କ୍ୱାଡର ମହିଳା କର୍ମଚାରୀଙ୍କୁ ପଥର ଫୋଫାଡ଼ିଥିଲେ । ଉଚ୍ଛେଦ ଜାରି ରଖିବାକୁ ବିଡିଏ, କମିଶନରେଟ ପୋଲିସକୁ ନାକେଦମ୍ ହେବାକୁ ପଡ଼ିଥିଲା ।

Slum People Against Eviction In City

ଅତ୍ୟଧିକ ବିରୋଧ ଯୋଗୁ ବିଡିଏ ଉଚ୍ଛେଦ କାର୍ଯ୍ୟ ବନ୍ଦ ରଖିଛି । ଡମଣାରୁ ଆସୁଥିବା ଶହେ ଫୁଟିଆ ରୋଡ୍ ପାଇଁ ଉଚ୍ଛେଦ କରାଯାଉଥିବା କହିଛନ୍ତି ବିଡିଏ ଏନଫୋର୍ସମେଣ୍ଟ ଅଧିକାରୀ ପ୍ରମୋଦ ପାତ୍ର । ତେବେ ବିଏମସି ପକ୍ଷରୁ ସେମାନଙ୍କ ରହିବା ପାଇଁ ଟ୍ରାଞ୍ଜିଟ୍ ହାଉସରେ ସମ୍ପୂର୍ଣ୍ଣ ବନ୍ଦୋବସ୍ତ କରାଯାଇଛି । ଉଛେଦ ଜାରି ରହିବ ବୋଲି ବିଏମସି ପକ୍ଷରୁ ସୂଚନା ଦିଆଯାଇଛି ।

କାଳବୈଶାଖୀ ବର୍ଷା ନେଇ ୧୩ ଜିଲ୍ଲାକୁ ୟେଲୋ ୱାର୍ଣ୍ଣିଂ

ଭୁବନେଶ୍ୱର: କାଳବୈଶାଖୀ ବର୍ଷା ନେଇ ପାଣିପାଗ ବିଭାଗର ୱେଲୋ ୱାର୍ଣ୍ଣିଂ । ୧୩ ଜିଲ୍ଲାକୁ ଆଗାମୀ ୨ ଘଣ୍ଟା ପାଇଁ ଆଞ୍ଚଳିକ ପାଣିପାଗ ବିଭାଗ ପକ୍ଷରୁ କାଳବୈଶାଖୀ ବର୍ଷା ନେଇ ସତର୍କ ସୂଚନା ଜାରି କରାଯାଇଛି । ଖୋର୍ଦ୍ଧା, ନୟାଗଡ଼, ପୁରୀ, କଳାହାଣ୍ଡି, ବଲାଙ୍ଗିର, କୋରାପୁଟ, ରାୟଗଡ଼ା, ଗଜପତି, ଗଞ୍ଜାମ, ନବରଙ୍ଗପୁର, ନୂଆପଡ଼ା, କନ୍ଧମାଳ ଓ ମୟୂରଭଞ୍ଜ ଜିଲ୍ଲାକୁ ସତର୍କ ରହିବାକୁ କୁହାଯାଇଛି ।

ଆଗାମୀ ୨ ଘଣ୍ଟା ମଧ୍ୟରେ ଉପରୋକ୍ତ ଜିଲ୍ଲାର କେତେକ ସ୍ଥାନରେ ଘଡ଼ଘଡ଼ ବିଜୁଳି ସହ ବର୍ଷା ହୋଇପାରେ । ପାଗକୁ ଦେଖି ଲୋକଙ୍କୁ ସୁରକ୍ଷିତ ସ୍ଥାନକୁ ଯିବାକୁ କହିଛି ପାଣିପାଗ ବିଭାଗ । ବିଶେଷକରି ବଜ୍ରପାତରୁ ରକ୍ଷା ପାଇବା ଖୋଲା ସ୍ଥାନରେ ନରହି ସୁରକ୍ଷିତ ଜାଗାକୁ ଯିବା ପାଇଁ କୁହାଯାଇଛି ।

ରାମ ମନ୍ଦିର ଫଙ୍କସନ୍ ହଲ ସହ ଅକ୍ସଫୋର୍ଡ କଲେଜକୁ ସିଲ୍ କଲା ବିଏମସି

ଭୁବନେଶ୍ୱର: ରାଜଧାନୀରେ କୋଭିଡ୍ ସଂକ୍ରମଣ ବଢ଼ୁଥିବା ବେଳେ ବିଭିନ୍ନ ହୋଟେଲ ଓ ହଲରେ ଉତ୍ସବ ଉପରେ ବିଏମସି କଟକଣା ଜାରି କରିଛି । କୌଣସି ଉତ୍ସବ ପାଇଁ ବିଏମସି ଠାରୁ ଅନୁମତି ନେବାକୁ କୁହାଯାଇଛି । ତଥାପି ଅଧିକାଂଶ ସ୍ଥାନରେ ବିଏମସି ଠାରୁ ଅନୁମତି ନନେଇ ଅନେକ ଉତ୍ସବ ପାଳନ କରୁଛନ୍ତି ।

BMC Sealed Ram Mandir Function Hall And Oxford College

ଜନପଥସ୍ଥିତ ରାମ ମନ୍ଦିର ଫଙ୍କସନ୍ ହଲରେ ଏକ ଜନ୍ମଦିନ ଉତ୍ସବ ପାଳନ ବେଳେ ବିଏମସି ପକ୍ଷରୁ ଚଢ଼ାଉ କରାଯାଇଥିଲା । ବିଏମସିର ବିନା ଅନୁମତିରେ ଜନ୍ମଦିନ ଉତ୍ସବ ପାଳନ କରାଯାଉଥିବାରୁ ରାମ ମନ୍ଦିର କାର୍ଯ୍ୟକ୍ରମ ହଲକୁ ସିଲ୍ କରି ଦେଇଛି ବିଏମସି । ଏଥିସହ ଜନ୍ମଦିନ ଉତ୍ସବ ଆୟୋଜନକାରୀଙ୍କୁ ବିଏମସି ୫ ହଜାର ଟଙ୍କା ଜରିମାନା କରିଛି । ବିଏମସି ଠାରୁ ଅନୁମତି ନେଇ କାର୍ଯ୍ୟକ୍ରମ ଆୟୋଜନ କରିବାକୁ କମିଶନର ନିର୍ଦ୍ଦେଶ ଦେଇଛନ୍ତି ।

BMC Sealed Ram Mandir Function Hall And Oxford College

ଅନ୍ୟପଟେ ପଲ୍ଲାସପଲ୍ଲୀସ୍ଥିତ ଅକ୍ସଫୋର୍ଡ କଲେଜ୍ ଅଫ୍ ଇଞ୍ଜିନିୟରିଂ ଆଣ୍ଡ ମ୍ୟାନେଜମେଣ୍ଟ କଲେଜକୁ ସିଲ୍ କରିଛି ବିଏମସି । କଲେଜ କର୍ତ୍ତୃପକ୍ଷ କୋଭିଡ୍ ଗାଇଡଲାଇନକୁ କଡ଼ାକଡ଼ି ପାଳନ କରୁନଥିବାରୁ ବିଏମସି ସିଲ୍ କରିଥିବା ଜଣାପଡ଼ିଛି । ମଙ୍ଗଳବାର ବିଏମସି କର୍ତ୍ତୃପକ୍ଷ ସମାନ ଅଭିଯୋଗରେ ସିଲିକନ୍ ଇନଷ୍ଟିଚ୍ୟୁଟକୁ ମଧ୍ୟ ସିଲ୍ କରି ଦେଇଥିଲେ ।

ଦୈନିକ ଖବର କାଗଜ ‘ସକାଳ’ ପକ୍ଷରୁ ମାଗଣା ହେଲଥ ଚେକ୍ ଅପ୍ କ୍ୟାମ୍ପ

ଭୁବନେଶ୍ୱର: ଆଜି ବିଶ୍ୱ ସ୍ୱାସ୍ଥ୍ୟ ଦିବସ । ଏହି ଅବସରରେ ଦୈନିକ ଖବର କାଗଜ ‘ସକାଳ’ ପକ୍ଷରୁ ଭୁବନଶ୍ୱର ମାଷ୍ଟରକ୍ୟାଣ୍ଟିନ ଛକରେ ମାଗଣା ହେଲଥ ଚେକ୍ ଅପ୍ କ୍ୟାମ୍ପ ଅନୁଷ୍ଠିତ ହୋଇଯାଇଛି । ଆମ୍ରି ହସ୍ପିଟାଲ ସହଯୋଗରେ କାର୍ଯ୍ୟକ୍ରମର ଆୟୋଜନ କରାଯାଇଥିବା ବେଳେ, ବିତରକ ମାନଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଛି । କରୋନା ସଂକ୍ରମଣର ଡର ଭିତରେ ମଧ୍ୟ ବିତରକ ମାନେ ନିଜ କାମକୁ ସୂଚାରୁ ରୂପେ ତୁଲାଇଛନ୍ତି । ଏଣୁ ସେମାନଙ୍କ ସ୍ୱାସ୍ଥ୍ୟବସ୍ଥାକୁ ନଜରରେ ରଖି ‘ସକାଳ’ ପକ୍ଷରୁ କାର୍ଯ୍ୟକ୍ରମର ଆୟୋଜନ କରାଯାଇଥିଲା ।

Odia Daily Sakal Hosted A Free Health Checkup Camp For Hackers

କାର୍ଯ୍ୟକ୍ରମରେ ଦୈନିକ ଖବର କାଗଜ ‘ସକାଳ’ର ଉପ ମହାପ୍ରବନ୍ଧକ ବିଜୟ କୁମାର ଦାସ , ଉପ ମହାପ୍ରବବନ୍ଧକ ପ୍ରସାର ବିଭାଗ ଜ୍ୟୋତିର୍ମୟ ପାଣିଗ୍ରାହୀ, ଉପ ପ୍ରବନ୍ଧକ ପ୍ରସାର ବିଭାଗ ପ୍ରିୟବ୍ରତ ଦାସ, ସୁଧାଂଶୁ ସାହୁ, ଆକାଶ କୁଣ୍ଡୁ, ପ୍ରବୋଧ ନାୟକ, ଆଲୋକ ସାମଲ ଓ ବିଜୟ କୁମାର ସାସମଲ ଉପସ୍ଥିତ ରହି ଶିବିରର ପରିଚାଳାନା କରିଥିଲେ ।

ଇନ୍ଫୋସିଟି ନାବାଳିକା ଗଣଦୁଷ୍କର୍ମ ଅଭିଯୋଗ ମାମଲା, ଷ୍ଟାଟସ ରିପୋର୍ଟ ଦାଖଲ କଲା କ୍ରାଇମବ୍ରାଞ୍ଚ

ଭୁବନେଶ୍ୱର: ବହୁ ଚର୍ଚ୍ଚିତ ଇନ୍ଫୋସିଟି ନାବାଳିକା ଗଣଦୁଷ୍କର୍ମ ଅଭିଯୋଗ ମାମଲା। ତଦନ୍ତର ଅଗ୍ରଗତି ନେଇ ଷ୍ଟାଟସ ରିପୋର୍ଟ ଦାଖଲ କରିଛି କ୍ରାଇମବ୍ରାଞ୍ଚ । ମାମଲାର ପରବର୍ତ୍ତୀ ଶୁଣାଣି ଜୁନ ୨୨କୁ ଧାର୍ଯ୍ୟ କରିଛନ୍ତି କୋର୍ଟ । ତେବେ ମାମଲାରେ ଓଟିଭି ଗ୍ରୁପର ୪ ଜଣ କର୍ମଚାରୀଙ୍କୁ ଗିରଫ କରିଛି କ୍ରାଇମବ୍ରାଞ୍ଚ । ଗିରଫ ଚାରି ଜଣ ହେଲେ ଅନିରୁଦ୍ଧ ପଣ୍ଡା, କୃଷ୍ଣ ବେହେରା, ସିକ୍ୟୁରିଟି ଗାର୍ଡ ଶ୍ରୀବତ୍ସ ସାମଲ ଓ ବିଜୟ ରାଉତ । ଗତ ଏପ୍ରିଲରେ ଭୁବନେଶ୍ୱର ଇନଫୋସିଟି ଅଞ୍ଚଳରୁ ଜଣେ ନାବାଳିକାଙ୍କୁ ଗଣବଳାତ୍କାର ଅଭିଯୋଗ ଆସିଥିଲା । ଅଗଷ୍ଟ ୩୦ ତାରିଖରେ ଏ ନେଇ ଥାନାରେ ଏତଲା ଦେଇଥିଲେ ପୀଡିତାଙ୍କ ମା।