spot_img
Home Blog Page 5946

ରାଜ୍ୟରେ ବଢୁଛି କୋଭିଡ, ସମୀକ୍ଷା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ରାଜ୍ୟରେ ବଢି ଚାଲିଛି କରୋନା । ପ୍ରତିଦିନ ବଢିବାରେ ଲାଗିଛି ସଂକ୍ରମିତଙ୍କ ସଂଖ୍ୟା । ସେପଟେ ଏନେଇ ରାଜ୍ୟର କରୋନା ସ୍ଥିତିର ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବରିଷ୍ଠ ଅଧିକାରୀଙ୍କ ସହ କରୋନା ସ୍ଥିତି ନେଇ ଆଲୋଚନା କରୁଛନ୍ତି ନବୀନ ପଟ୍ଟନାୟକ । ପଶ୍ଚିମ ଓଡିଶାକୁ ପୋକସ କରିଛନ୍ତି ରାଜ୍ୟ ସରକାର  । ଯେଉଁଭଳି ଭାବରେ ପଡୋଶୀ ରାଜ୍ୟରେ କୋଭିଡ ବ୍ୟାପୁଛି, ତାହାକୁ ଦୃଷ୍ଟିରେ ରଖି ସୀମାନ୍ତ ଜିଲ୍ଲାରେ ବ୍ୟାପକ ବ୍ୟବସ୍ଥା କରିବାକୁ ସମୀକ୍ଷା ବୈଠକରେ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ  ।

ସେପଟେ ରାଜ୍ୟରେ ଦୈନିକ କରୋନା ସଂକ୍ରମଣ ବଢୁଥିବାବେଳେ ଆଜି ୫୦୦ ଟପିଛି ସଂକ୍ରମିତ ସଂଖ୍ୟା । ଏଣୁ ବରିଷ୍ଠ ଅଧିକାରୀଙ୍କ ସହ ଏନେଇ ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ । ପୁଣି ଥରେ ସମଗ୍ର ଦେଶରେ କରୋନା ବୃଦ୍ଧି ଘଟୁଛି । ତେଣୁ ବର୍ତ୍ତମାନ ପରିପ୍ରେକ୍ଷୀରେ କିଭଳି କରୋନାର ମୁକାବିଲା କରାଯାଇପାରିବ । ଆଗାମୀ ଦିନ ପାଇଁ କଣ ରହିବ ରଣନୀତି ସେ ନେଇ ଆଲୋଚନା ଜାର ରଖିଛନ୍ତି ମୁଖ୍ୟମନ୍ତ୍ରୀ।

ପଡୋଶୀ ଛତିଶଗଡ଼ରେ କୋଭିଡ ବଢୁଥିବାରୁ ରାଜ୍ୟ ସରକାର ସୀମାନ୍ତବର୍ତ୍ତୀ ଜିଲ୍ଲା ଗୁଡିକୁ ହାଇ ଆର୍ଲଟ ଦାରି କରିଛନ୍ତି  । ଏମିତିକି ୫ ତାରିଖ ଠାରୁ ୧୦ଟି ଜିଲ୍ଲାରେ ନାଇଟ କର୍ଫ୍ୟୁ ଲାଗିସାରିଛି  । ସେପଟେ ପଶ୍ଟିମ ଓଡିଶାର କୋଭିଡ ସ୍ଥିତି ଅନୁଧ୍ୟାନ ପାଇଁ ଯିବେ ମୁଖ୍ୟ ଶାସନ ସଚିବ, ସ୍ବାସ୍ଥ୍ୟ ସଚିବ ଓ ବରିଷ୍ଠ ଅଧିକାରୀ ।

ପଶ୍ଚିମ ଓଡ଼ିଶାର ୧୦ଟି ଜିଲ୍ଲାରେ ଡାକ୍ତର, ପାରା ମେଡିକାଲ୍ କର୍ମଚାରୀ ଓ ଲ୍ୟାବ ଟେକ୍ନିସିଆନ୍‌ଙ୍କୁ ପୁନଃନିଯୁକ୍ତି ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଏସବୁ ଜିଲ୍ଲାରେ ସ୍ବାସ୍ଥ୍ୟ ଭିତ୍ତିଭୂମି ପ୍ରସ୍ତୁତ କରିବା ସହ ସଂକ୍ରମିତ ଅଞ୍ଚଳରେ ଆମ୍ବୁଲାନ୍‌ସ, ଅକ୍ସିଜେନ୍‌ ପ୍ରସ୍ତୁତ ରଖିବାକୁ କୁହାଯାଇଛି ।ରୋଗୀ ସେବାରେ କୌଣସି ଅବହେଳା ବରଦାସ୍ତ କରାଯିବନାହିଁ । ଆସନ୍ତା ୧୦ ଦିନ ପାଇଁ ପଶ୍ଚିମ ଓଡ଼ିଶାରେ ଅଧିକ ଫୋର୍ସ ମୁତୟନ କରିବାକୁ ପୋଲିସ ଡିଜିଙ୍କୁ ନିର୍ଦ୍ଦେଶ ଦିଆଯାଇଛି । କରୋନା ନିୟନ୍ତ୍ରଣ ପାଇଁ ପଞ୍ଚାୟତସ୍ତରର ନିର୍ବାଚିତ ପ୍ରତିନିଧି, ମିଶନ ଶକ୍ତି ସଦ

 

ସୋନୁଙ୍କ ନାଁରେ ଚାଲିଛି ଠକେଇ, ସାମ୍ନାକୁ ଆସିଲା ସତ

 ନୂଆଦିଲ୍ଲୀ:   ମହାମାରୀ ସମୟରେ ଲୋକଙ୍କୁ ସହାୟତାର ହାତ ବଢାଇଥିଲେ ସୋନୁ ଏବଂ ଲୋକଙ୍କୁ ସାହାଯ୍ୟ କରିବାର ମିଶନ ଏବେ ମଧ୍ୟ ସେ ଜାରି ରଖିଛନ୍ତି । କିନ୍ତୁ ସୋନୁଙ୍କୁ ନେଇ ଆସିଛି ଆଶ୍ଚର୍ଯ୍ୟ କରିବା ଭଳି ଖବର । ସୋନୁଙ୍କ ନାଁକୁ ବ୍ୟବହାର କରି ସୋସିଅଲ ମିଡିଆ ମାଧ୍ୟମରେ ଗରିବ ଲୋକଙ୍କୁ ଠକୁଛନ୍ତି କିଛି ବହୁରୂପିଆ । ନିକଟରେ ମୁଜାଫରପୁରରୁ ଏହିଭଳି ଏକ ଅପରାଧୀକୁ ଗିରଫ କରିବାରେ ସକ୍ଷମ ହୋଇଛି ପୋଲିସ୍। ଏହି ଠକ ଜଣକ ସୋନୁଙ୍କ ନାଁରେ ମିଛ ପ୍ରୋଫାଇଲ କ୍ରିଏଟ୍କରି ନିଜକୁ ସୋନୁଙ୍କ ପରାମର୍ଶଦାତା ବୋଲି କହୁଥିଲା । ପରେ ଘଟଣା ସାମ୍ନାକୁ ଆସିବା ପରେ ସାଇବର ପୋଲିସର ସହାୟତା ନେଇଥିଲେ ସୋନୁ ।

ଦୁଃଖୀ ମୁହଁରେ ହସ ଫୁଟାଇବା ପାଇଁ ଜୀବନରେ ଅନେକ ଲକ୍ଷ୍ୟ ରଖିଛନ୍ତି ବଲିଉଡ ଅଭିନେତା ସୋନୁ ସୁଦ୍। ଗତବର୍ଷ ଦେଶରେ ଲକଡାଉନ ଜାରି ହେବା ପରଠାରୁ ପ୍ରବାସୀ ଶ୍ରମିକଙ୍କ ଠାରୁ ଆରମ୍ଭ କରି ଏକାଧିକ ଗରିବ ଲୋକଙ୍କୁ ସହାୟତାର ହାତ ବଢାଇଥିଲେ ସୋନୁ । ଶିକ୍ଷାପାଇଁ ଛାତ୍ରମାନଙ୍କୁ ସହାୟତା ,ବେରୋଜଗାରକୁ ନିଯୁକ୍ତି ଯୋଗାଇଦେବା, ନୂଆ ନୂଆ ସୁଯୋଗ ପ୍ରଦାନ କରିବା,ଅଭାବୀ ଲୋକଙ୍କୁ ଜୀବିକା ଯୋଗାଇଦେବା ଏବଂ ସେମାନଙ୍କୁ ଆତ୍ମନିର୍ଭରଶୀଳ କରାଇବାର ଲକ୍ଷ୍ୟ ରଖିଛନ୍ତି ଏହି ପ୍ରସିଦ୍ଧ ଲୋକପ୍ରିୟ ଅଭିନେତା । ଲୋକଙ୍କ ପାଇଁ ଭଗବାନ ସାଜିଥିବା ସୋନୁ ତାଙ୍କ ମିଶନରେ ଏତିକିରେ ପୂର୍ଣ୍ଣଛେଦ ଦେଇନାହାଁନ୍ତି । ତାଙ୍କ ନାଁରେ ଠକେଇ ହେଉଥିବା ଜାଣିବା ପରଠାରୁ ନିରୀହ ଲୋକଙ୍କୁ ଠକୁଥିବା ଠକଙ୍କୁ ପାନେ ଦେବାପାଇଁ ସୋନୁ ପ୍ରସ୍ତୁତ ହୋଇ ସାରିଲେଣି ।

ନିକଟରେ ସେହିଭଳି ଠକଙ୍କୁ କଡ଼ା ଚେତାବନୀ ଦେଇଛନ୍ତି ସୋନୁ ସୁଦ୍। ସୋନୁଙ୍କ ମିଶନ ଦ୍ୱାରା ଲୋକଙ୍କ ସହିତ ପ୍ରତାରଣା କରୁଥିବା ଏକ ଠକ ସୋନୁଙ୍କ ରଡାରକୁ ଚାଲି ଆସିଛି । କେବଳ ସେତିକି ନୁହେଁ ବରଂ ଫ୍ରଡ୍ଲେଖା ହୋଇଥିବା ଷ୍ଟାମ୍ପ ସହିତ ଏହି ଠକର ଫଟୋ ମଧ୍ୟ ସାମ୍ନାକୁ ଆସିଛି । ସୂଚନାଯୋଗ୍ୟ ଏହି ଅପରାଧୀ ବିହାରର ।

ଏଭଳି ଠକେଇ ଖବର ସାମ୍ନାକୁ ଆସିବା ପରେ ତେଲେଙ୍ଗାନାର ଜଣେ ବ୍ୟକ୍ତି ଏହି ଘଟଣା ବାବଦରେ ଥାନାରେ ଅଭିଯୋଗ କରିଥିଲେ, ଯାହାପରେ ବିବହାରର ଏହି ଅପରାଧୀକୁ ପୋଲିସ ଗିରଫ କରିବାରେ ସକ୍ଷମ ହୋଇଛି । ସୂଚନାଯୋଗ୍ୟ ଏହି ଠକ ସୋନୁଙ୍କ ନାଁରେ ଜଣେ ବ୍ୟକ୍ତିଙ୍କ ଠାରୁ ୬୦ ହଜାର ଟଙ୍କା ଠକି ନେଇଥିବା ଜଣାପଡ଼ିଛି ।

ତେବେ ଏହି ବ୍ୟକ୍ତିକୁ ଗିରଫ କରିଥିବାରୁ ପୋଲିସକୁ ଧନ୍ୟବାଦ ଜଣାଇଛନ୍ତି ସୋନୁ । ଯଦି ସମୟ ଆସିବା ପୂର୍ବରୁ ସଜାଗ ନହୁଅନ୍ତି ତେବେ ଜଣକ ପରେ ଜଣେ ଠକ ସୋନୁଙ୍କ ରଡାର ମଧ୍ୟକୁ ଖୁବଶୀଘ୍ର ଆସିଯିବେ ବୋଲି ସୋନୁ କଡ଼ା ଚେତାବନୀ ଦେଇଛନ୍ତି ।

ତେବେ ସୋନୁଙ୍କ ପକ୍ଷେ ଏହା ପ୍ରଥମ ଘଟଣା ନୁହେଁ । ଗତବର୍ଷ ସୋନୁଙ୍କ ଚାରିଟିର କର୍ମଚାରୀ କହି ସୋସିଅଲ ମିଡିଆରେ ଲୋକଙ୍କୁ ଠକୁଥିଲେ । ଯାହାକୁ ନେଇ ଥାନାରେ ଅଭିଯୋଗ କରିଥିଲେ ସୋନୁ ।

ଚଳିବନି ଆନ୍ଧ୍ରର ମନମାନି, ସ୍ଥଗିତ ରହିଲା କୋଟିଆ ନିର୍ବାଚନ

ଭୁବନେଶ୍ୱର: କୋଟିଆରେ ହେବନି ନିର୍ବାଚନ । ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ଅବମାନନା କରି ଆନ୍ଧ୍ର କରୁଥିଲା ନିର୍ବାଚନ । ଏହି ଅଭିଯୋଗ ନେଇ ରହିତାଦେଶ ଜାରି କରିଛନ୍ତି ଆନ୍ଧ୍ର ହାଇକୋର୍ଟ । ପଡୋଶୀ ଆନ୍ଧ୍ରପ୍ରଦେଶ ଓଡିଶା ସୀମାନ୍ତରେ ନିର୍ବାଚନ କରିବାକୁ ବାରମ୍ବାର ପ୍ରୟାସ କରିଛି ।

ଗତ କିଛି ମାସ ପୂର୍ବରୁ ପଞ୍ଚାୟତ ନିର୍ବାଚନ କରିଥିବାବେଳେ ଏବେ ମଣ୍ଡଳ ପରିଷଦ ଓ ଜିଲ୍ଲା ପରିଷଦ ନିର୍ବାଚନ କରିବାକୁ ଚାଲ କରିଥିଲା ପଡୋଶୀ ଆନ୍ଧ୍ରପ୍ରଦେଶ । ସେପଟେ ସୁପ୍ରିମକୋର୍ଟରେ ଓଡିଶା ପକ୍ଷରୁ ଅଭିଯୋଗ ଦାଖଲ କରାଯାଇଥିଲେ ସୁଦ୍ଧା ଆନ୍ଧ୍ର ନିର୍ବାଚନ କରିଥିଲେ । ସୁପ୍ରିମକୋର୍ଟଙ୍କୁ ମଧ୍ୟ ଅବମାନନା କରିଥିଲା ଆନ୍ଧ୍ର ପ୍ରଦେଶ ।

ପୁନର୍ବାର କରାଯାଉଥିବା ନିର୍ବାଚନକୁ ନେଇ ଖୋଦ ଆନ୍ଧ୍ରପ୍ରଦେଶ ହାଇକୋର୍ଟ ନିର୍ଦ୍ଦେଶ ଜାର କରିଛନ୍ତି । ସୁପ୍ରିମକୋର୍ଟଙ୍କ ନିୟମ ଅନୁଯାୟୀ ନିର୍ବାଚନ କରାଯିବ । ବର୍ତ୍ତମାନ ଏହି ମାମଲାରେ ବିଚରାଧିନ ରହିଥିବାରୁ ନିର୍ବାଚନ ହୋଇପାରିବ ନାହିଁ ବୋଲି କହିଛନ୍ତି ଆନ୍ଧ୍ର ହାଇକୋର୍ଟ । ଏହି କାରଣରୁ କୋଟିଆରେ ସ୍ଥଗିତ ରହିବ ଆନ୍ଧ୍ର ନିର୍ବାଚନ ।

କଂଗ୍ରେସରୁ ସମ୍ପର୍କ କାଟିଲେ ସ୍ମୃତିରେଖା

ଭୁବନେଶ୍ୱର: ଗୋଟେପଟେ ପିପିଲି ଉପନିର୍ବାଚନ ପାଇଁ ରାଜନୀତି ସରଗରମ ରହିଥିବା ବେଳେ ଅନ୍ୟପଟେ କଂଗ୍ରେସ ଛାଡିଛନ୍ତି ଜଣେ ନେତ୍ରୀ । ଆଜି ଅପରାହ୍ନରେ କଂଗ୍ରେସ ଛାଡିଥିବା ଏହି ନେତ୍ରୀ ଜଣଙ୍କ ହେଉଛନ୍ତି ଧର୍ମଶାଳା ନିର୍ବାଚନ ମଣ୍ଡଳୀର କଂଗ୍ରେସ ନେତ୍ରୀ ସ୍ମୃତିରେଖା ପହି । କଂଗ୍ରେସର ପ୍ରାଥମିକ ସଦସ୍ୟତା ପଦରୁ ଇସ୍ତଫା ଦେଇଥିବା ନେଇ ସୂଚନା ଦେଇଛନ୍ତି ସ୍ମୃତିରେଖା ।

ଦଳ ବିରୋଧରେ ସାଙ୍ଘାତିକ ଅଭିଯୋଗ ଆଣିଛନ୍ତି ସ୍ମୃତିରେଖା । ଅଭିଯୋଗ କରି ସେ କହିଛନ୍ତି, ଦଳ ମତେ ସହଯୋଗ କରୁନାହିଁ । ଓଡିଶା ମାଟିରେ କଂଗ୍ରେସ ଆଗକୁ ବଢିପାରିବ ନାହିଁ । ରାଜ୍ୟରେ ଦଳ ଏକପ୍ରକାର ସ୍ଥାଣୁ ପାଲଟିଛି । ଆଗକୁ ବଢିବା ନେଇ ଦଳର କୈଣସି ଯୋଜନା ନଥିବା ମଧ୍ୟ କହିଛନ୍ତି ସ୍ମୃତିରେଖା ।
କଂଗ୍ରେସରେ ଦୀର୍ଘ ଦିନ ଘରି କାରଯ୍ୟ କରିଛି । ଦଳ ପାଇଁ ଅନେକ କିଛି କରିଛି ।

କିନ୍ତୁ ଦଳର କିଛି ନେତାଙ୍କ ଭିତିରି ବୁଝାମଣା ଆଜି ଦଳ ପାଇଁ କାଳ ସାଜିଛି । ସେ କହିଛନ୍ତି ବର୍ତ୍ତମାନ ପିପିଲି ନିର୍ବାଚନ ଚାଲିଛି । ସେଠାରେ ମଧ୍ୟ ଦଳର ସ୍ଥିତି ଶୋଚନୀୟ । ଏହାର କାରଣ କିଛି ନେତାଙ୍କ ପାଇଁ । ସେହିପରି ଦଳ ରାଜ୍ୟରେ ଦ୍ବିତୀୟ ସ୍ଥାନରେ ରହିଥିବାବେଳେ ବର୍ତ୍ତମାନ ତୃତୀୟ ସ୍ଥାନକୁ ଖସି ଆସିଛି । ତେଣୁ ଏଭଳି ଦଳରେ ରହିବା ପାଇଁ ଉଚିତ ମନେ କରୁନଥିବା ଦର୍ଶାଇ କଂଗ୍ରେସରୁ ଇସ୍ତଫା ଦେଇଛନ୍ତି ହାତ ଛାଡିଲେ ସ୍ମୃତିରେଖା ।

ଦୁଇ ଘଣ୍ଟାରେ କାଳବୈଶାଖୀ, ୬ ଜିଲ୍ଲାକୁ ସତର୍କ ସୂଚନା

ଭୁବନେଶ୍ୱର: ଆଜି ପୁଣି ରାଜ୍ୟରେ କାଳବୈଶାଖୀ ହେବା ନେଇ ସୂଚନା ଜାରି କରିଛି ଆଞ୍ଚଳିକ ପାଣିପାଗ ବିଭାଗ । ୬ଟି ଜିଲ୍ଲାରେ ବର୍ଷା ଘଡଘଡି ସହ ପବନ ବୋହିବା ନେଇ ସତର୍କତା କରାଯାଇଛି । ଦିନବେଳା ଗ୍ରୀଷ୍ମ ପ୍ରବାହ ଜାରି ରହୁଥିବା ବେଳେ ଗତ କିଛିଦିନ ହେବ ଅପରାହ୍ନରେ କାଳବୈଶାଖୀ ହେଉଛି ।

ମାଲକାନଗିରି, କୋରାପୁଟ, ରାୟଗଡ଼ା, ଗଜପତି, ଗଞ୍ଜାମ ଏବଂ କନ୍ଧମାଳ ଜିଲ୍ଲାରେ ଅପରାହ୍ନରେ କାଳବୈଶାଖୀର ପ୍ରବାଭ ଦେଖାଦେବ। ଦୁଇ ଘଣ୍ଟା ମଧ୍ୟରେ ବର୍ଷା, ଘଡଘଡ଼ି ସହ ବିଜୁଳି ହୋଇପାରେ ବୋଲି ସୂଚନା ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ସେପଟେ ଗତ କିଛି ଦିନ ହେବ ରାଜ୍ୟରେ ଜାରି ରହିଛି କାଳ ବୈଶାଖୀ । ଦିନବେଳା ପ୍ରଚଣ୍ଡ ଖରା ହେଉଥିବାବେଳେ ଅପରାହ୍ନରେ କାଳବୈଶାଖୀ ଦେଖିବାକୁ ମିଳିଛି । ଏହି ସମୟରେ ସତର୍କ ଏବଂ ସୁରକ୍ଷିତ ରହିବାକୁ ସୂଚନା ଜାରି କରାଯାଇଛି ।

ନକ୍ସଲ ଆକ୍ରମଣରେ ଓଡ଼ିଆ ପୁଅ ସହିଦ, ସାହାସୀ ଯବାନଙ୍କୁ ଝୁରୁଛନ୍ତି ସାଥି …

ବିଜାପୁର: ଛତିଶଗଡ଼ ବିଜାପୁର ନକ୍ସଲ ଆକ୍ରମଣରେ ଜଣେ ଓଡ଼ିଆ ଯବାନ ସହିଦ ହୋଇଛନ୍ତି । ସହିଦ ସୁବାସ ନାୟକ ଓଡ଼ିଶାର ମୂଳ ବାସିନ୍ଦା । ସୁବାସଙ୍କୁ ହରାଇ ତାଙ୍କ ପରିବାର ଭାଙ୍ଗି ପଡ଼ିଥିବା ବେଳେ ସୁଭାଷଙ୍କ ସାହସିକତାକୁ ଭୁଲି ପାରୁନାହାଁନ୍ତି ସାଥୀ ଯବାନ ।

Odia Jawan Martyred In Bijapur Naxal Attack

୨୦୧୮ ମସିହାରେ ବାସାଗୁଡ଼ା ସାପ୍ତାହିକ ହାଟରେ ନକ୍ସଲ ଆକ୍ରମଣ କରିଥିଲେ । ନିଜ ଜୀବନକୁ ଭ୍ରୁକ୍ଷେପ ନକରି ନକ୍ସଲଙ୍କ ବନ୍ଧୁକ ମୁହଁରୁ ସାଥୀ ଶଙ୍କରଙ୍କ ଜୀବନ ବଞ୍ଚାଇ ଆଣିଥିଲେ  ସୁଭାଷ । ଜଣେ ନକ୍ସଲକୁ ମାରିବା ସହ ଅସ୍ତ୍ରଶସ୍ତ୍ରକୁ ଛଡ଼ାଇ ଆଣି ସାହସିକତାର ପରିଚୟ ଦେଇଥିଲେ ସୁବାସ । ତା’ପରେ ତାଙ୍କୁ ପଦୋନ୍ନତି ମଧ୍ୟ ମିଳିଥିଲା ।

ସେପଟେ  ସୁଭାଷଙ୍କ ସାହାସ ଓ ସାମର୍ଥ୍ୟକୁ ସଲାମ କରିଛନ୍ତି ସାଥି ଯବାନ । ସୁବାଷଙ୍କ ସାଥି  ଶଙ୍କର କହିଛନ୍ତି, ଏହି ସମୟରେ ସୁଭାଷ ନିଜ ଜୀବନକୁ ବାଜିରେ ଲଗାଇ ମୋ ଜୀବନ ବଞ୍ଚାଇଥିଲେ। ପ୍ରବଳ ଭିଡ ଏବଂ ନକ୍ସଲଙ୍କ ଆକ୍ରଣଣ ଭିତରେ ମଧ୍ୟ ମୋ ଜୀବନକୁ ସେ ରଖିଥିଲେ । ନିଜ ଜୀବନକୁ ବାଜି ଲଗାଇ ମୋ ଜୀବନ ରକ୍ଷା କରିଥିଲେ । ଏବଂ ନକ୍ସଲଙ୍କୁ ମାତ ଦେବାକୁ ଅତି ଦାମ୍ଭିକତାର ସହ ସେ ସେଠାରେ ସାହାସ ଦେଖାଇଥିଲେ ।

ଛତିଶଗଡ଼ ନକ୍ସଲ ଆକ୍ରମଣରେ ଓଡିଆ ଯବାନ ସୁବାଷ ସହିଦ ହୋଇଛନ୍ତି । ଆଉ ଜୀବନ ରଖିଥିବା ଏହି ସାଥିର ସହାୟତାକୁ ଭୁଲି ପାରୁନାହାଁନ୍ତି ଶଙ୍କର । କୋହଭରା କଣ୍ଠରେ ଏପରି ପୁରୁଣା ସ୍ମୃତିକୁ ମନେ ପକାଇ ଅତୀତକୁ ବଖାଣିଛନ୍ତି ଯବାନ ଶଙ୍କର । ସେପଟେ ସୁବାସଙ୍କ ବାପା ପେଟ ପୋଷିବା ଲାଗି ଛତିଶଗଡ଼ର ବିଜାପୁର ପଳାଇଥିଲେ । ଏବେ ଗୋଟିଏ ବୋଲି ପୁଅକ ହରାଇ ଦୁଃଖରେ ଭାଙ୍ଗି ପଡ଼ିଛି ପୂରା ପରିବାର ।

ଭୁବନେଶ୍ୱରର ଛାତ ଉପରେ ଇସ୍ରାଏଲର ଟେକନିକ, ବିନା ମାଟିରେ ହେଉଛି ପନିପରିବା ଚାଷ

ଭୁବନେଶ୍ୱର: ବିନା ମାଟିରେ ପନିପରିବା ଚାଷ। ହାଇଡ୍ରୋଫୋନିକ ପଦ୍ଧତିରେ ଚାଷ କଲେ କୃଷି ଗବେଷକ। ଇସ୍ରାଏଲର ଟେକନିକକୁ ଆପଣାଇ ସୃଷ୍ଟି କଲେ ସ୍ୱତନ୍ତ୍ର ପରିଚୟ  । ଭୁବନେଶ୍ୱରରେ ଛାତ ଉପରେ ସୁନାର ଫସଲ ଫଳାଇବାରେ ସଫଳ ହୋଇଛନ୍ତି ସୁବ୍ରତ ମହାନ୍ତି। ଏହା ଆରମ୍ଭ କରିବା ପୂର୍ବରୁ ତାଙ୍କୁ ସମସ୍ତେ ଏହା ଅସମ୍ଭବ ବୋଲି କହୁଥିଲେ। କିନ୍ତୁ ସେ କାହା କଥା ନଶୁଣି ଉନ୍ନତ ଜ୍ଞାନ କୌଶଳ ଉପରେ ଭରସା କରିଥିଲେ। ଏକ ଘରୋଇ କମ୍ପାନୀର ବଡ଼ ଚାକିରି ଛାଡ଼ି ଚାଷ ପ୍ରତି ମନ ବଳାଇଥିଲେ ସୁବ୍ରତ। ପ୍ଲାଷ୍ଟିକ ପାଇପ, ଏନଏଫଟି,ଏନଇଟି କପ ଓ କୋକପିଟର ସାହାର୍ଯ୍ୟରେ ସୁନ୍ଦର ଓ ଛନଛନିଆ ପନିପରିବା ,ଫଳ ଗଛ କରାଯାଇପାରିଛି। ଏ ନେଇ କୃଷିମନ୍ତ୍ରୀ ଙ୍କ ଠାରୁ ସଫଳ ଚାଷୀର ପୁରସ୍କାର ମଧ୍ୟ ପାଇଛନ୍ତି ସୁବ୍ରତ।

ପ୍ରଯୁକ୍ତି ଜ୍ଞାନ, ସୁଚନା ଓ ବିଭିନ୍ନ ସାମଗ୍ରି ମାଧ୍ୟମରେ ବିନା ମାଟିର ଏହି ଚାଷକୁ ଚାଷୀ ମାନଙ୍କ ପାଖରେ ପହଞ୍ଚାଇବେ ସୁବ୍ରତ। ହାଇଡ୍ରୋଫୋନିକ ପଦ୍ଦତିରେ ଏହି ଚାଷ ବନ୍ୟା ଓ ବର୍ଷାରୁ ରକ୍ଷା ହୋଇପାରିବ ବୋଲି କହିଛନ୍ତି  କୃଷି ଗବେଷକ ସୁବ୍ରତ ମହାନ୍ତି।

ସୁବ୍ରତଙ୍କୁ ଏକ୍ଷେତ୍ରରେ ପୁରା ସହଯୋଗ କରିଛନ୍ତି ତାଙ୍କ ଝିଅ ମନୁଶ୍ରୀ। ପାଇପ ଲଗାଇବା, ପାଣୀଦେବା ଓ ମାନସିକ ସ୍ତରରେ ବାପାଙ୍କୁ ସାହାର୍ଯ୍ୟ କରିଛନ୍ତି।

ଝାରସୁଗୁଡ଼ାରୁ ଜମତରା ଗ୍ୟାଙ୍ଗର ଲୁଟ୍, ସୁନ୍ଦରଗଡ଼ରୁ ଗିରଫ

ଝାରସୁଗୁଡ଼ା: ଝାରସୁଗୁଡ଼ା ପୋଲିସ ହାତରେ ଜମତରା ଗ୍ୟାଙ୍ଗ । ଏକ ସାଇବର ଠକେଇ ମାମଲାର ତଦନ୍ତ କରି ଝାରସୁଗୁଡ଼ା ପୋଲିସ ଜମତରା ଗ୍ୟାଙ୍ଗର ୩ ଜଣଙ୍କୁ ଗିରଫ କରିଛି । ସୁନ୍ଦରଗଡ଼ ଜିଲ୍ଲାର ଲେଫ୍ରିପଡ଼ା ଅଞ୍ଚଳରୁ ଏମାନଙ୍କୁ ଗିରଫ କରିଛି ଝାରସୁଗୁଡ଼ା ପୋଲିସ । ସେମାନଙ୍କଠାରୁ ୯ଟି ମୋବାଇଲ ଫୋନ୍ ଏବଂ ଅନ୍ୟ ଜିନିଷପତ୍ର ଜବତ ସହ ୧୧ ହଜାର ଟଙ୍କା ଜବତ କରିଛି ପୋଲିସ ।

ଗିରଫ ଅଭିଯୁକ୍ତମାନେ ଝାଡ଼ଖଣ୍ଡ ଗିରିଡି ଅଞ୍ଚଳରେ ଗୁଡ୍ଡୁଲାଲ ରାଣା, ପପୁ ରାଣା, ଗୋପାଲ ରାଣା । ଆଉ ଜଣେ ଅଭିଯୁକ୍ତ ବିରିଜୁ ରାଣା ଫେରାର୍ ଥିବା ଝାରସୁଗୁଡ଼ା ଏସପି ବିକାଶ ଚନ୍ଦ୍ର ଦାସ ସୂଚନା ଦେଇଛନ୍ତି । ଗତ ମାର୍ଚ୍ଚ ୨୪ ତାରିଖରେ ସିବାଶିଷ ନାମକ ଜଣେ ବ୍ୟକ୍ତି ବେଲପାହାଡ଼ ଥାନାରେ ଫୋନ ପେ’ ଜରିଆରେ ଲୁଟର ଶିକାର ହୋଇଥିବା ନେଇ ଅଭିଯୋଗ କରିଥିଲେ । ମାର୍ଚ୍ଚ ୨୨ରେ ଶିବାଶିଷଙ୍କୁ ଏକ ଫୋନ୍ ଆସିଥିଲା । ଯେଉଁଥିରେ ସେ ଫୋନ ପେରେ ୧୯ଶହ ଟଙ୍କାର ଲଟେରୀ  ଜିତିଥିବା ଠକ କହିଥିଲା । ଏହାପରେ ଏକ ଲିଙ୍କ ପଠାଇ କ୍ଲିକ୍ କରିବା ପାଇଁ କହିଥିଲେ । ସିବାଶିଷ ଲିଙ୍କରେ କ୍ଲିକ୍ କରିବା କ୍ଷଣି ତାଙ୍କ ଆକାଉଣ୍ଟରୁ ୧୯ଶହ ଟଙ୍କା ଓ କିଛି ସମୟ ପରେ ୩୬ ହଜାର ଟଙ୍କା କଟି ଯାଇଥିଲା ।

Jharsuguda Police Arrested Three Of Jamatara Gang From Sundergarh

ଟଙ୍କା ଆକାଉଣ୍ଟକୁ ଫେରସ୍ତ ନ ହେବାରୁ ଶିବାସିଷ ଗତ ୨୪ ତାରିଖରେ ବେଲପାହାଡ଼ ଥାନାରେ ଲିଖିତ ଅଭିଯୋଗ କରିଥିଲେ । ପୋଲିସ ମାମଲା ରୁଜୁ କରି ବିଭିନ୍ନ ସୂତ୍ରରୁ ଠକମାନଙ୍କ ବିଷୟରେ ତଥ୍ୟ ସଂଗ୍ରହ କରି ଲୋକେସନ୍ ଯାଞ୍ଚ କରିଥିଲା । ସୋମବାର ରାତିରେ ସୁନ୍ଦରଗଡ଼ ଲେଫ୍ରିପଡ଼ା ଅଞ୍ଚଳରେ ରେଡ୍ କରି ୩ ଅଭିଯୁକ୍ତକୁ ପୋଲିସ ଗିରଫ କରିଥିବା ବେଳେ ଅନ୍ୟ ଜଣେ ଖସି ପଳାଇଛି । ଗିରଫ ଅଭିଯୁକ୍ତମାନେ ଦିନ ବେଳା ଶ୍ରମିକଭାବେ କାମ କରିବା ପରେ ସନ୍ଧ୍ୟାରେ ଫୋନ୍ କରି ଏମିତି ଲୁଟ୍ କରିଥିବା ଜଣାପଡ଼ିଛି ।

ଅଫଲାଇନ୍ ପରୀକ୍ଷାକୁ ବିରୋଧ, ସମ୍ବଲପୁର ବିଶ୍ୱବିଦ୍ୟାଳୟରେ ଭଙ୍ଗାରୁଜା

ବୁର୍ଲା: ସମ୍ବଲପୁର ବିଶ୍ୱବିଦ୍ୟାଳୟରେ ଅଶାନ୍ତି । ଅଫଲାଇନ୍ ପରୀକ୍ଷାକୁ ବିରୋଧ କରି ପ୍ରାୟ ୨୦୦ରୁ ଊର୍ଦ୍ଧ୍ଵ ଜଣ ସମ୍ବଲପୁର ବିଶ୍ୱବିଦ୍ୟାଳୟରେ ଭଙ୍ଗାରୁଜା କରିଛନ୍ତି । ବରଗଡ଼, ସମ୍ବଲପୁର ଓ ବଲାଙ୍ଗିର ଅଞ୍ଚଳର ଛାତ୍ରଛାତ୍ରୀ ପୂର୍ବରୁ ଅଫଲାଇନ୍ ପରୀକ୍ଷା କରାଇବାକୁ କୁଳପତିଙ୍କୁ ଚିଠି ଲେଖିଥିଲେ ।

Congress Student Wing Protest Against Offline Exam In Sambalpur University

ଆଜି ବିଶ୍ୱବିଦ୍ୟାଳୟକୁ କୁଳପତି ଓ ପରୀକ୍ଷା ନିୟନ୍ତ୍ରକଙ୍କୁ ଭେଟିବାକୁ ଚାହିଁଥିଲେ ଛାତ୍ର କଂଗ୍ରେସ ସଦସ୍ୟ । କିନ୍ତୁ କେହି ଉପସ୍ଥିତ ନଥିବାରୁ ଆଲୋଚନା ହୋଇ ପାରିନଥିଲା । ଏହାକୁ ନେଇ ପୋଲିସ ଓ ଛାତ୍ର କଂଗ୍ରେସର ସଦସ୍ୟ ମୁହାଁମୁହିଁ ହୋଇଥିଲେ ।

ପରିସ୍ଥିତି ଅଣାୟତ୍ତ ହେବାରୁ ପୋଲିସ ଲାଠି ଚାର୍ଜ କରିଥିଲା । ଏଥିରେ ଆନ୍ଦୋଳନକାରୀ ଓ ପୋଲିସ ଆହତ ହୋଇଥିବା ଜଣାପଡ଼ିଛି ।

 

ସରକାରୀ ଜମିକୁ ନେଇ ବଡ଼ମ୍ବାରେ ୨ ଗାଁ ମୁହାଁମୁହିଁ, ବୋମା ଓ ଗୁଳିମାଡ଼

ଆଠଗଡ଼: ସରକାରୀ ଜମିକୁ ନେଇ ଗୋଷ୍ଠୀ ସଂଘର୍ଷ । କଟକ ଜିଲ୍ଲା ବଡ଼ମ୍ବା ଥାନା କୁଆଁରପାଳ ପଞ୍ଚାୟତରେ ଜମି ପାଇଁ ଗୁଳି ଚାଳନା ସହ ବୋମାମାଡ଼ ହୋଇଛି । ଗୋଷ୍ଠୀ ସଂଘର୍ଷରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ, ୨୦ରୁ ଅଧିକ ଆହତ ହୋଇଛନ୍ତି । ମୃତକ ହେଲେ ଭାଗବତପୁର ଗାଁର ଅଶ୍ବିନୀ କୁମାର ପାଲ ଓ ପବିତ୍ର ଅକ୍ଷିତ । ଏହି ଘଟଣା ପରେ ଉତ୍ତ୍ୟକ୍ତ ଲୋକେ ରାସ୍ତା ଅବରୋଧ କରିଛନ୍ତି ।

Group Clash In Cuttack Badamba For Land 2 Died

ସରକାରୀ ଜମିକୁ ନେଇ ପଞ୍ଚାୟତର ଦୁଇଟି ଗାଁ ଭାଗବତପୁର ଓ ବୁଢ଼ାପଙ୍କ ମଧ୍ୟରେ ସଂଘର୍ଷ ଘଟିଛି । ଉଭୟ ଗୋଷ୍ଠୀରୁ ୨୦ରୁ ଊର୍ଦ୍ଧ୍ବ ଆହତ ହୋଇ ପ୍ରଥମେ ମାଣିଆବନ୍ଧ ଡାକ୍ତରଖାନାରେ ଭର୍ତ୍ତି ହୋଇଥିଲେ । ପରେ ସମସ୍ତଙ୍କୁ କଟକ ବଡ଼ ଡାକ୍ତରଖାନାକୁ ପଠାଇ ଦିଆଯାଇଛି ।

Group Clash In Cuttack Badamba For Land 2 Died

ଗୋଷ୍ଠୀ ସଂଘର୍ଷ ପରେ ଏବେ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ଲାଗି ରହିଥିବା ବେଳେ ଗାଁରେ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି ।