spot_img
Home Blog Page 5945

ବାଲି ଉଠାଣକୁ ନେଇ ଥାନା ଭିତରେ ଗଣ୍ଡଗୋଳ: ୨ ଆହତ

ବାଲେଶ୍ୱର: ଥାନା ଭିତରେ ଗଣ୍ଡଗୋଳ । ରେମୁଣା ଥାନା ଭିତରେ ପୂର୍ବ ଶତ୍ରୁତାକୁ ନେଇ  ଗଣ୍ଡଗୋଳ । ଆକ୍ରମଣରେ ଦୁଇ ଜଣ ଆହତ । ସୋନ ନଦୀରୁ ବାଲି ଉଠାଣକୁ ନେଇ ରେମୁଣା ଥାନା ମନ୍ଦାରପୁର ଓ ନିଆଁବାଗ ଗାଁର ଦୁଇ ଗୋଷ୍ଠୀଙ୍କ ମଧ୍ୟରେ ପୂର୍ବରୁ ଶତ୍ରୁତା ଲାଗି ରହିଥିବା ବେଳେ ଗତ କିଛି ଦିନର ପୁଞ୍ଜିଭୂତ ଅସନ୍ତୋଷ ବିସ୍ଫୋରକ ରୂପ ନେଇଛି ।

ଘଟଣାନୁଯାୟୀ, ମଙ୍ଗଳବାର ରାତିରେ ଗୋଟିଏ ଗୋଷ୍ଠୀର କିଛି ଲୋକ ଥାନାରେ ପହଞ୍ଚି ଥିବାବେଳେ, ସେହି ସମୟରେ ଅନ୍ୟ ଗୋଷ୍ଠୀର  ଲୋକେ ଥାନାରେ ପହଁଚି ଥିଲେ । ଉଭୟଙ୍କ ମଧ୍ୟରେ ସେଠାରେ  ଗଣ୍ଡଗୋଳ ଆରମ୍ଭ ହୋଇଥିଲା । ଗୋଟିଏ ପକ୍ଷକୁ ଅତର୍କିତ ଆକ୍ରମଣ ହେଉଥିବାରୁ ପୋଲିସ ପ୍ରଥମେ ପହଁଚିଥିବା ଲୋକଙ୍କୁ  ଆୟତ୍ତ କରୁଥିବା ସମୟରେ  କିଛି ଉତ୍ୟକ୍ତ ଲୋକ ଥାନା ଭଙ୍ଗାରୁଜା କରିବା ସହ ତେଲେଙ୍ଗା କଟୁରିରେ ଆକ୍ରମଣ କରିଥିଲେ । ଆକ୍ରମଣରେ ଦୁଇ ଜଣ ଆହତ ହୋଇଛନ୍ତି । ସେମାନେ ହେଲେ ରଘୁନାଥ ସାହୁ, ପ୍ରମିତା ଦାସ । ଉଭୟଙ୍କୁ ବାଲେଶ୍ୱର ମେଡ଼ିକାଲକୁ ସ୍ଥାନାନ୍ତର କରାଯାଇଛି । ତେବେ ପୋଲିସ ସାମ୍ନାରେ ଏଭଳି ଘଟଣା ଘଟିଥିବାରୁ ପୋଲିସ ପ୍ରତି ଆହତ ଗୋଷ୍ଠୀର ଲୋକଙ୍କ ପକ୍ଷରୁ ଅସନ୍ତୋଷ ପ୍ରକାଶ ପାଇଥିଲା । ତେବେ ଉଭୟ ଗୋଷ୍ଠୀଙ୍କ ମଧ୍ୟରୁ ଥାନାରେ ଏପର୍ଯ୍ୟନ୍ତ କୌଣସି ଅଭିଯୋଗ ହୋଇନାହିଁ । ପୋଲିସ ଥାନାରେ ଲାଗିଥିବା ସିସିଟିଭି  ଫୁଟେଜ ଆଧାରରେ ଗଣ୍ଡଗୋଳକାରୀଙ୍କ ସମ୍ପର୍କରେ ତଥ୍ୟ ସଂଗ୍ରହ କରୁଛି । ଉତ୍ତେଜନାକୁ ଦେଖି ଦୁଇ ପ୍ଲାଟୁନ ପୋଲିସ ମୁତୟନ କରାଯାଇଛି।

ଏଥିସହିତ ପଢ଼ନ୍ତୁ: ଥାନାରେ ଡ୍ୟାନ୍ସ: ସସପେଣ୍ଡ ହେଲେ ଏଏସଆଇ, ଚେତାବନୀ ଦେଲେ ଏସପି

ମାଓ କ୍ୟାମ୍ପରେ ବନ୍ଦୀ ଥିବା ଯବାନଙ୍କୁ ମୁକଳାଇବାକୁ ମାଓ ଇଲାକାକୁ ଯିବେ ସୋନି ସୋରି

ଛତିଶଗଡ ବିଜାପୁର ମାଓ ଆକ୍ରମଣରେ ୨୩ ଯବାନ ଶହୀଦ ହୋଇଥିବାବେଳେ ଏବେବି ନକ୍ସଲଙ୍କ କବଜାରେ ରହିଛନ୍ତି ସିଆରପିଏଫ ଯବାନ ରାଜେଶ୍ୱର ସିଂ । ମାଓ କ୍ୟାମ୍ପରେ ବନ୍ଦୀ ହୋଇରହିଥିବା ରାଜେଶ୍ୱରଙ୍କୁ ମୁକୁଳେଇବା ପାଇଁ ମାଓବାଦୀଙ୍କୁ ନିବେଦନ କରିବେ ସୋନି ସୋରି । ୭ ଜଣିଆ ଟିମ ସହ ଆଜି ମାଓ ଇଲାକା ଯିବେ ବୋଲି ନନ୍ଦିଘୋଷ ଟିଭିକୁ ସୂଚନା ଦେଇଛନ୍ତି ସୋନି ସୋରି । ସୋନି ସୋରି ପ୍ରେସ ବିଜ୍ଞପ୍ତି ଜରିଆରେ ଏଭଳି ସୂଚନା ଦେବା ପରେ ମାଓବାଦୀ ପକ୍ଷରୁ ଏକ ପ୍ରେସ ଇସ୍ତାହର ଜାରି କରାଯାଇଛି । ପୋଲିସ ଓ ମାଓବାଦୀଙ୍କ ମଧ୍ୟରେ ହୋଇଥିବା ଗୁଳିବିନିମୟ ନେଇ ସୂଚନା ଦେଇଛି ମାଓବାଦୀ ସଂଗଠନ । ତେବେ ବର୍ତ୍ତମାନ ସମୟରେ ଉପୁଜିଥିବା ପରିସ୍ଥିତିର ସମାଧାନ ପାଇଁ ସରକାର ମଧ୍ୟସ୍ଥିଙ୍କ ନାଁ ଘୋଷଣା କଲେ ସିଆରପିଏଫ ଯବାନଙ୍କୁ ଛାଡି ଦିଆଯିବ ବୋଲି ଦଣ୍ଡକାରଣ୍ୟ ସ୍ପେଶାଲ ଜୋନାଲ କମିଟି ସୂଚନା ଦେଇଛି ।

ଏଥିସହିତ ପଢ଼ନ୍ତୁ: ନକ୍ସଲ ଆକ୍ରମଣରେ ଓଡ଼ିଆ ପୁଅ ସହିଦ, ସାହାସୀ ଯବାନଙ୍କୁ ଝୁରୁଛନ୍ତି ସାଥି …

ଟିଟିପିଏସ୍ ବନ୍ଦ ପ୍ରତିବାଦରେ ଅନୁଗୁଳରେ ବିଜେଡିର ବନ୍ଦ ପାଳନ

ଅନୁଗୁଳ: ୧୨ ଘଣ୍ଟିଆ ଅନୁଗୁଳ ବନ୍ଦ । ଚାଲୁନି ଗାଡି, ଖୋଲିନି ଦୋକାନ ବଜାର  । ଟିଟିପିଏସ ବନ୍ଦ ପ୍ରତିବାଦରେ ବନ୍ଦ ଡାକରା ଦେଇଛି ବିଜେଡି । ଅତ୍ୟାବଶ୍ୟକୀୟ ସେବାକୁ ବାଦ ଦିଆଯାଇଥିବା ବେଳେ ସମସ୍ତ ସରକାରୀ , ବେସରକାରୀ କାର୍ଯ୍ୟାଳୟ ସମେତ ଦୋକାନ ବଜାର ବନ୍ଦା କରିବା ପାଇଁ ଜିଲ୍ଲାବାସୀଙ୍କୁ ଆହ୍ୱାନ ଦେଇଛି ଦଳ । ତାଳଚେର ଟିଟିପିଏସ ପ୍ଲାଣ୍ଟକୁ ଯେଉଁଭଳି ଭାବରେ ବନ୍ଦ କରିଦିଆଗଲା , ତାହା ଅନୁଗୁଳ ତଥା ଓଡିଶା ପାଇଁ ଦୁର୍ଭାଗ୍ୟଜନକ ଅଟେ । ପ୍ରଦୂଷଣର ଆଳ ଦେଖାଇ କେନ୍ଦ୍ର ସରକାର ଏହାକୁ ବନ୍ଦ କରିଦେଲେ । ଯାହାଫଳରେ ୨ ହଜାର ସ୍ଥାୟୀ ଓ ଅସ୍ଥାୟୀ ଶ୍ରମିକଙ୍କ ସମେତ ୫ ହଜାରରୁ ଉର୍ଦ୍ଧ୍ବ ଲୋକ ରୋଜଗାର ହରାଇଲେ । ଟିଟିପିଏସ ପକ୍ଷରୁ ନୂତନ ପ୍ଲାଣ୍ଟ ତିଆରି ପାଇଁ କୌଣସି ସଠିକ ତଥ୍ୟ ପ୍ରଦାନ କରା ଯାଉ ନାହିଁ କି କାମରେ ଅଗ୍ରଗତି ମଧ୍ୟ କରାଯାଉ ନାହିଁ । ଏଭଳି ତରବରିଆ ଭାବରେ ଟିଟିପିଏସ୍ ବନ୍ଦକୁ ତୀବ୍ର ବିରୋଧ କରିଛି ବିଜେଡି । ଟିଟିପିଏସର ଚାଲିବା  ପାଇଁ ସମସ୍ତ ସୁବିଧା ଥିଲା, ହେଲେ ଏନଟିପିସି କର୍ତ୍ତୃପକ୍ଷ ପ୍ରଦୂଷଣ ମଞ୍ଜୁରୀ ବାହାନା କରି ଏହାକୁ ବନ୍ଦ କରି ଦେଇଛନ୍ତି । ଏଭଳିକି ପ୍ରଦୂଷଣ ମଞ୍ଜୁରୀ ପାଇଁ ଆବେଦନ ମଧ୍ୟ କରି ନାହାନ୍ତି । ବନ୍ଦ ପଛରେ ବଡ଼ ଧରଣର ଚକ୍ରାନ୍ତ ଥିବା ଗନ୍ଧ ବାରିଛି ବିଜେଡି । କେନ୍ଦ୍ର ସରକାର ପ୍ଲାଣ୍ଟକୁ ବନ୍ଦ କରି ଘରୋଇକରଣ କରିବାର ଚକ୍ରାନ୍ତ କରୁଛନ୍ତି । ଏହାର ପ୍ରତିବାଦରେ ଅନୁଗୁଳ ବନ୍ଦ ଡାକରା ଦିଆଯାଇଛି । ତେବେ ଜିଲ୍ଲାର ସମସ୍ତ ସ୍ଥାନରେ ବନ୍ଦର ପ୍ରଭାବ ଦେଖିବାକୁ ମିଳିଛି  । ଆଠମଲ୍ଲିକରେ ଟାୟାର ଜାଳି ବନ୍ଦ ପାଳନ କରିଛନ୍ତି ଆନ୍ଦୋଳନକାରୀ  ।

ପୁତ୍ର ସନ୍ତାନର ବାପା ହେଲେ ସୁପରଷ୍ଟାର ବାବୁସାନ୍

ଭୁବନେଶ୍ୱର: ଓଲିଉଡର ସୁପରଷ୍ଟାର ବାବୁସାନ୍‌ ବାପା ହୋଇଛନ୍ତି। ଭେଟେରାନ ଅଭିନେତା ଉତ୍ତମ ମହାନ୍ତି ଓ ଅପରାଜିତାଙ୍କ ଘରକୁ ଆଜି ଆସିଲେ ନୂଆ ସଦସ୍ୟ। ଆଜି ଏକ ପୁତ୍ର ସନ୍ତାନର ପିତା ହୋଇଛନ୍ତି ବାବୁସାନ୍‌। କୁନି ସଦସ୍ୟଙ୍କ ସ୍ବାଗତ ପାଇଁ ଚାଲିଛି ଘରେ ପ୍ରସ୍ତୁତି।

2014ରେ ବିବାହ ନିଜ ବାଲ୍ୟବନ୍ଧୁ ତୃପ୍ତିଙ୍କୁ ବିବାହ କରିଥିଲେ । ଦୁହିଁଙ୍କ ଅନେକ ଫଟୋ ଓ ଭିଡିଓ ସୋସିଆଲ୍‌ ମିଡିଆରେ ଖୁବ ଭାଇରାଲ ମୃଧ୍ୟ ହୋଇଥାଏ। ଦୁହିଁଙ୍କ ବିବାହର 7 ବର୍ଷ ପରେ ପରିବାରରେ ଆସିଛି ଖୁସି ଖବର ।

ତେବେ ଏହି ଖବର ପରେ ଓଲିଉଡର ଏହି ସୁପରଷ୍ଟାର ଫ୍ୟାନ ମାହୋଲରେ ବହୁତ ଉତ୍ସାହ ଦେଖିବାକୁ ମିଳିଛି । ସେପଟେ ବାବୁସାନ୍‌ଙ୍କୁ ଛୁଟୁଛି ଶୁଭେଚ୍ଛାର ସୁଅ।

ଥାନାରେ ଡ୍ୟାନ୍ସ: ସସପେଣ୍ଡ ହେଲେ ଏଏସଆଇ, ଚେତାବନୀ ଦେଲେ ଏସପି

ଭୁବନେଶ୍ୱର: ଥାନାରେ ନାଗିନ ନାଚିବା ପଡିଲା ମହଙ୍ଗା । ଯାଜପୁର ପାଣିକୋଇଲି ଥାନାରେ ହୋଲିରେ ଡ୍ୟାନ୍ସ କରୁଥିବା ପୋଲିସ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ । ଏଏସଇ ସଞ୍ଜୟ ଭୋଳଙ୍କୁ ସସପେଣ୍ଡ କରିଛନ୍ତି ଯାଜପୁର ଏସପି ।

ସେହିପରି ଡ୍ୟାନ୍ସ କରୁଥିବା ସମସ୍ତ ଅଧିକାରୀଙ୍କ ଉପରେ କଡା କାର୍ଯ୍ୟାନୁଷ୍ଠାନ ହେବା ନେଇ ମଧ୍ୟ ଚେତାବନୀ ଦେଇଛନ୍ତି ଏସପି । ଯାଜପୁର ପାଣିକୋଇଲି ଥାନାରେ ପୋଲିସ ଅଧିକାରୀ ହୋଲି ଦିନ ନାଚଗୀତରେ ମସଗୁଲ ଥିବା ନେଇ ଏକ ଭିଡିଏ ଭାଇରାଲ ହୋଇଥିଲା । ଯାହାକୁ ନେଇ ଦିନ ତମାମ ଗଣମାଧ୍ୟମରେ ଚର୍ଚ୍ଚା ମଧ୍ୟ ଜୋର ଧରିଥିଲେ ।

https://nandighoshatv.comnagin-dance-video-of-jajpur-police-goes-viral-in-social-media/

ଶେଷରେ ସଂନ୍ଧ୍ୟାରେ ଯାଜପୁର ଏସପି ଏ ସଂକ୍ରାନ୍ତେର ସୂଚନା ଦେବା ସହ ନାଚୁଥିବା ଥାନା ଅଧିକାରୀଙ୍କ ଏଏସଆଇ ସଞ୍ଜୟ ଦାଶଙ୍କୁ ସସପେଣ୍ଡ କରିଛନ୍ତି । ଏବଂ ଘଟଣାର ତଦନ୍ତ କରାଯିବ ବୋଲି ମଧ୍ୟ ସୂଚନା ଦେଇଛନ୍ତି । ଭାଇରାଲସ ଭିଡିଓକୁ ତନଖି କରାଯିବ ଏବଂ ଥାନା ମଧ୍ୟରେ ନାଚୁଥିବା ସମସ୍ତ ପୋଲିସ ଅଧିକାରୀଙ୍କ ଉପରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଦେଇଛନ୍ତି ଏସପି ।

ମାଓ ସଂଗଠନର ପ୍ରେସ ବାର୍ତ୍ତା: ନିହତ ହୋଇଛନ୍ତି ୪ ନକ୍ସଲ, ଛଡାଇ ନେଇଛୁ ୧୪ ଅସ୍ତ୍ରଶସ୍ତ୍ର

ଭୁବନେଶ୍ୱର: ବିଜାପୁର ନକ୍ସଲ-ଯବାନ ଆକ୍ରମଣ ଘଟଣାରେ ନକ୍ସଲ ସଂଗଠନ ଜାରି କରିଛି ପ୍ରେସ ବିବୃତି । ଶନିବାର ଘଟିଥିବା ଏହି ହମଲାରେ ନକ୍ସଲଙ୍କ କେତେ କ୍ଷୟକ୍ଷତି ଘଟିଛି ସେନେଇ ସ୍ପଷ୍ଟୀକରଣ ରଖିଛି ଉକ୍ତ ସଂଗଠନ । ଆକ୍ରମଣରେ ୨୩ ଯବାନ ସହିଦ ହୋଇଥିଲାବେଳେ ୪ଜଣ ନକ୍ସଲ ନିହତ ହୋଇଥିବା ନିଶ୍ଚିତ କରିଛି ସଂଗଠନ ।

ଏହି ଆକ୍ରମଣରେ ନକ୍ସଲମାନେ 14 ଟି ଅସ୍ତ୍ରଶସ୍ତ୍ର ଏବଂ ଦୁଇ ହଜାରରୁ ଅଧିକ କାର୍ଟ୍ରିଜ ଜବତ କରିଛନ୍ତି। ନକ୍ସଲମାନଙ୍କ ଦଣ୍ଡକାରନ୍ୟ ସୱତନ୍ତ୍ର ଜୋନାଲ କମିଟିର ମୁଖପାତ୍ର ପ୍ରେସ ନୋଟ ମାଧ୍ୟମରେ ଏହା ଜାରି କରିଛନ୍ତି। ପୂର୍ବରୁ ନକ୍ସଲମାନେ ମଧ୍ୟ ଲୁଟ୍ ହୋଇଥିବା ଅସ୍ତ୍ରର ଚିତ୍ର ପ୍ରକାଶ କରିଥିଲେ।

ସେପଟେ ସଂଗଠନ କହିଛି ଆମେ କଥାବାର୍ତ୍ତା ପାଇଁ ସର୍ବଦା ପ୍ରସ୍ତୁତ | ସରକାର ସଚ୍ଚୋଟ ନୁହଁନ୍ତି । ସଂଳାପ ପାଇଁ ଏକ ଅନୁକୂଳ ବାତାବରଣ ସୃଷ୍ଟି ପାଇଁ ସରକାର ଦାୟୀ | ବନ୍ଧକ କୋବ୍ରା ଯବାନଙ୍କ ମୁକ୍ତି ସମ୍ପର୍କରେ ନକ୍ସଲମାନେ ବିବୃତ୍ତି ଜାରି କରିଛନ୍ତି। ସରକାରୀ ମଧ୍ୟସ୍ଥିମାନଙ୍କର ନାମ ଘୋଷଣା କରନ୍ତୁ | ଏହା ପରେ ମାଓବାଦୀ ସଂଗଠନ ବନ୍ଧକ ଯବାନଙ୍କୁ ମୁକ୍ତ କରିବେ ବୋଲି କହିଛନ୍ତି ମାଏବାଦୀ ।

ଆଉ ଅପେକ୍ଷା କରିବାକୁ ପଡିବନି, ୧୦ ଦିନରେ ମିଳିବ ଏହି ସବୁ ପ୍ରମାଣ ପତ୍ର…

ଭୁବନେଶ୍ବର: ଆଗପରି ଆଉ ଲାଗିବନି ଲମ୍ବା ଲାଇନ । କିମ୍ବା ବାରମ୍ବାର ଦୌଡିବାକୁ ପଡିବନି ବିଭିନ୍ନ ଅଫିସ । ଜାତିଗତ ପ୍ରମାଣ ପତ୍ର ପାଇଁ ଦୀର୍ଘ ଦିନ ଧରି ଅପେକ୍ଷା କରିବାକୁ ମଧ୍ୟ ପଡିବନି । କାରଣ ଏବେ ସହଜ ଏବଂ ସରଳ ହୋଇଛି ପ୍ରୋସେସ । ଏବେ ମାତ୍ର ୧୦ ଦିନ ମଧ୍ୟରେ ମିଳିଜିବ ଜାତିଗତ, ଆୟ, ସମ୍ପତ୍ତି ଓ ଆବାସିକ ପ୍ରମାଣପତ୍ର ।

ରାଜ୍ୟ ବିପର୍ଯ୍ୟୟ ଏବଂ ରାଜସ୍ୱ ସତିବ ବିଷ୍ଣୁପଦ ସେଠୀ ଏ ନେଇ ଦେଇଛନ୍ତି ନିର୍ଦ୍ଦେଶ । ରାଜ୍ୟର ସମସ୍ତ ଜିଲ୍ଲାପାଳଙ୍କୁ ଚିଠି ଲେଖି ସୂଚନା ଦେଇଛନ୍ତି ବିଷ୍ଣୁପଦ । ପୂର୍ବରୁ ବିଶେଶକରି ଛାତ୍ରଛାତ୍ରୀଙ୍କ କ୍ଷେତ୍ରରେ ଓ ସମସ୍ୟା ବହୁଳ ଭାବରେ ନଜିର ଆସୁଥିଲା ।

କଡାକଡ଼ି ହେଲା କୋଭିଡ ଚେକିଂ, ଅମାନିଆ ହେଲେ କାର୍ଯ୍ୟାନୁଷ୍ଠାନ

ଭୁବନେଶ୍ଵର: ରାଜ୍ୟର କରୋନା ସ୍ଥିତିକୁ ପୁଣି ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସତର୍କ ଏବଂ ସଚେତନ ରହିବାକୁ ରାଜ୍ୟବାସୀଙ୍କୁ ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ । ସାମାଜିକ ଦୂରତା ରକ୍ଷାକରିବା ଏବଂ ମାକ୍ସ ପିନ୍ଧିବାକୁ ପୁନର୍ବାର ଗୁରୁତ୍ବ ଦିଆଯାଇଛି । ସେପଟେ ଆଜିର ସମୀକ୍ଷା ବୈଠକରେ ଅମାନିଆଙ୍କୁ ସାବାଡ ପାଇଁ ନିର୍ଦ୍ଦେଶ ମଧ୍ୟ ଦିଆଯାଇଛି ।

ଆଗାମୀ ଦଶ ଦିନ ମାକ୍ସ ଚେକିଂ ସହ କୋଭିଡ ଗାଇଡଲାଇନ ମାନିବାକୁ ପୁନର୍ବାର ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ଅମାନିଆଙ୍କ ପ୍ରତି ପୋଲିସ ଅଧିକ କଠୋର ହେବା ସହ କୋଭିଡ କଟକଣା ନ ମାନିଲେ କାର୍ଯ୍ୟାନୁଷ୍ଠାନ ନେବାକୁ ଦିଆଯାଇଛି ନିର୍ଦ୍ଦେଶ ।

ସେପଟେ ଯେହେତୁ ସୀମାନ୍ତବର୍ତ୍ତୀ ଜିଲ୍ଲାରେ କରୋନା ପଜିଟିଭ ସଂଖ୍ୟା ବଢୁଛି ତେଣୁ ଏଥିପ୍ରତି ଚିନ୍ତା ପ୍ରକଟ କରିଛନ୍ତି ମୁଖ୍ୟମନ୍ତ୍ରୀ। ସେହିପରି ପଶ୍ଚିମ ଓଡିଶାର ସ୍ଥିତି ଅନୁଧ୍ୟାନ ମୁଖ୍ୟ ଶାସନ ସଚିବ, ସ୍ବାସ୍ଥ୍ୟ ସଚିବ ଓ ବରିଷ୍ଠ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ପଶ୍ଚିମ ଓଡ଼ିଶାର ୧୦ଟି ଜିଲ୍ଲାରେ ଡାକ୍ତର, ପାରା ମେଡିକାଲ୍ କର୍ମଚାରୀ ଓ ଲ୍ୟାବ ଟେକ୍ନିସିଆନ୍‌ଙ୍କୁ ପୁନଃନିଯୁକ୍ତି ପାଇଁ ମଧ୍ୟ ମୁଖ୍ୟମନ୍ତ୍ରୀ କହିଛନ୍ତି ।

ତାମିଲନାଡ଼ୁ ରାଜନିତୀରେ ଫିଲ୍ମଷ୍ଟାର ଏତେ ସଫଳ କାହିଁକି?

ତାମିଲନାଡୁ ବିଧାନସଭା ପାଇଁ ମଙ୍ଗଳବାର  ହୋଇଛି ଭୋଟିଂ। ଏଠି ଗୋଟିଏ ପର୍ଯ୍ୟାୟରେ ତାମିଲନାଡୁର ୨୩୪ ଆସନ ପାଇଁ ଭୋଟିଂ ହୋଇଛି । ତାମିଲନାଡୁରେ ଏଆଇଏଡିଏମକେ ଓ ବିଜେପି ମେଣ୍ଟ ସହ କଂଗ୍ରେସ ଓ ଡିଏମକେ ମେଣ୍ଟ ମଧ୍ୟରେ ହେଉଛି ଜୋରଦାର ଟକ୍କର। ଏଥର ତାମିଲ ସୁପରଷ୍ଟାର କମଲ ହାସନଙ୍କର ମଧ୍ୟ ରହିବ ଗୁରୁତ୍ୱପୂର୍ଣ୍ଣ ଭୂମିକା । ସେ ଦକ୍ଷିଣ କୋଏମ୍ବାଟୁର ଆସନରୁ ଲଢୁଛନ୍ତି ନିର୍ବାଚନ । କମଲହାସନଙ୍କ ନାଁ ତାମିଲ ନାଡ଼ୁର ସେହି ବଡ଼ ବଡ଼ ନାଁ ମଧ୍ୟରେ ଅଛି ଯେଉଁମାନେ ଫିଲ୍ମ ଇଣ୍ଡଷ୍ଟ୍ରିରୁ ରାଜନୀତିରେ ଆସିଛନ୍ତି ।

କେବଳ କମଲ ହାସନ ନୁହେଁ ତାଙ୍କ ପୂର୍ବରୁ ତାମିଲନାଡ଼ୁରେ ବହୁତ ଏମତି ରଜନେତା ଓ ନେତ୍ରୀ ଅଛନ୍ତି ଯେଉଁମାନେ ଫିଲ୍ମ ଜଗତରୁ ଆସି ରାଜନୀତିରେ ଯୋଗ ଦେଇଛନ୍ତି। ସେ ଜୟଲଳିତା ହୁଅନ୍ତୁ କିମ୍ବା କରୁଣାନିଧି କିମ୍ବା ଏମ.ଜି ରାମଚନ୍ଦ୍ରନ – ଚଳଚ୍ଚିତ୍ର ଜଗତର ଏହି ସେଲିବ୍ରିଟିମାନେ ମୁଖ୍ୟମନ୍ତ୍ରୀଙ୍କ ଚେୟାର ପର୍ଯ୍ୟନ୍ତ ପହଞ୍ଚିବାରେ ସଫଳ ହୋଇଛନ୍ତି। ମୁଖ୍ୟମନ୍ତ୍ରୀ ହେବାରେ ସଫଳ ହୋଇଥିବା ଏମ.ଜି ରାମଚନ୍ଦ୍ରନ୍ ପ୍ରଥମ ଭେଟେରାନ୍ ଅଭିନେତା ଥିଲେ  ଯିଏ ମୁଖ୍ୟମନ୍ତ୍ରୀ ହେବାରେ ସଫଳ ହୋଇଥିଲେ । ଅବିଭକ୍ତ ଆନ୍ଧ୍ରପ୍ରଦେଶରେ ଏନଟି ରାମା ରାଓ ମଧ୍ୟ ଏହି ସଫଳତା ହାସଲ କରିଛନ୍ତି। ତେବେ ଆପଣ କେବେ ଭାବିଛନ୍ତି କି ଦକ୍ଷିଣ ଭାରତରେ ବିଶେଷ କରି ତାମିଲନାଡୁରେ ଅଭିନେତାମାନେ ରାନୀତିରେ କାହିଁକି ଏବଂ କିପରି ସଫଳ ହେଉଛନ୍ତି?

ରାଜନୀତିରେ ସଫଳ ସାଉଥ୍ ଫିଲ୍ମଷ୍ଟାର୍:

ଗୋଟିଏ ବର୍ଗର କହିବା କଥା ଯେ ଦକ୍ଷିଣ-ଭାରତର ରାଜନୀତିରେ ଯେତିକି ସିନେ ତାରକା ଯୋଗ ଦେଇଛନ୍ତି ସେମାନଙ୍କ ମଧ୍ୟରୁ ସଫଳତା କେବଳ କିଛି ତାରକାଙ୍କୁ ମିଳିଛି। ଅର୍ଥାତ୍ ସଫଳତାର ଅନୁପାତ ବହୁତ କମ୍। ଅନ୍ୟ ପଟେ, ଭାରତର ଅନ୍ୟ ରାଜ୍ୟ ସହ ତୁଳନା କଲେ ଦକ୍ଷିଣ ଭାରତୀୟ ଷ୍ଟାରମାନେ ବହୁତ ସଫଳ ହୋଇଛନ୍ତି। ଉତ୍ତର ଭାରତରେ ଅଭିନୟର ପୃଷ୍ଠଭୂମିରୁ ଆସି ମୁଖ୍ୟମନ୍ତ୍ରୀ ଚେୟାରରେ ବସିଥିବାଭଳି କୌଣସି ଉଦାହରଣ ଦେଖିବାକୁ ମିଳିନାହିଁ।

ସୁନିଲ ଦତ୍ତ, ଶତ୍ରୁଘ୍ନ ସିହ୍ନା, ବିନୋଦ ଖନ୍ନାଙ୍କ ଭଲି ବଡ଼ ବଡ଼ ସେଲେବ୍ରିଟି ବି ବଲିଉଡରୁ କେନ୍ଦ୍ର ମନ୍ତ୍ରୀ ପର୍ଯ୍ୟନ୍ତର ଯାତ୍ରା କରିଛନ୍ତି । ହେଲେ ଦକ୍ଷିଣ ଭାରତରେ ଫିଲ୍ମ ବ୍ରିଗେଡ୍ ଯେଉଁଭଳି ଭାବରେ ରାଜନୈତିକ ଆଭିମୁଖ୍ୟ ହାସଲ କରିଛି, ତାହା ଅନ୍ୟ କୌଣସି ରାଜ୍ୟରେ ଦେଖାଯାଇ ନାହିଁ। ପଶ୍ଚିମବଙ୍ଗର ରାଜନୀତିରେ ବି ଅନେକ ଫିଲ୍ମ ତାରକା ନଜର ଆସିଛନ୍ତି। ନିକଟରେ ମିଥୁନ ଚକ୍ରବର୍ତ୍ତୀ ମଧ୍ୟ ଯୋଗ ଦେଇଛନ୍ତି । ହେଲେ ଅନ୍ୟ ରାଜ୍ୟ ଭଳି ଏଠି  ତାଙ୍କୁ ବି କେବଳ ଭିଡ଼ ଜମାଇବା ପାଇଁ ଷ୍ଟାର ପାୱାର ଭାବେ ବ୍ୟବହାର କରାଯାଉଛି। ଅବଶ୍ୟ ଏହା ସତ ଯେ ଲୋକସଭା ନିର୍ବାଚନରେ ପ୍ରାୟ ସମୟରେ ଫିଲ୍ମ ତାରକାମାନେ ବାଜି ମାରିଛନ୍ତି ।

କାହିଁକି ରାଜନୀତିରେ ଏତେ ସଫଳ ଦକ୍ଷିଣ ଭାରତୀୟ ଫିଲ୍ମ ଷ୍ଟାର?

ଅନ୍ନାଦୁରାଇଙ୍କଠୁ ଆରମ୍ଭ କରି କମଲ ହାସନ ପର୍ଯ୍ୟନ୍ତ  ତାମିଲନାଡ଼ୁର ରାଜନୀତିରେ ଦ୍ରାବିଡ଼ ରାଜନିତୀ କେନ୍ଦ୍ରରେ ରହିଛି। ତାମିଲନାଡୁର ପ୍ରଥମ ମୁଖ୍ୟମନ୍ତ୍ରୀ ଅନ୍ନାଦୁରାଙ୍କର ବି ଫିଲ୍ମ ଇଣ୍ଡଷ୍ଟ୍ରି ସହ ଥିଲା ସମ୍ପର୍କ । ସେ ଫିଲ୍ମର ସ୍କ୍ରିପ୍ଟରେ ଦ୍ରାବିଡ଼ ଆଦର୍ଶ ଓ ବିଚାରଧାରାକୁ ପରସିବା ଆରମ୍ଭ କରିଥିଲେ। ଏହି ପରିପ୍ରେକ୍ଷୀରେ, ୧୯୫୨ର ତାମିଲ ଫିଲ୍ମ “ପରାଶକ୍ତି” ଏକ ଟର୍ଣ୍ଣିଂ ପଏଣ୍ଟ ବୋଲି କୁହାଯାଏ। ଯାହାର ସ୍କ୍ରିପ୍ଟ କରୁଣାନିଧି ଲେଖିଥିଲେ।

ଶିବାଜୀ ଗଣେଶନ ଷ୍ଟାରର ଏହି ଫିଲ୍ମରେ ଦ୍ରାବୀଡ଼ ଜନତାଙ୍କୁ କେନ୍ଦ୍ରରେ ରଖିଥିଲା । ବାସ ଏହା ପରଠୁ ଏଠାରେ ଦ୍ରାବୀଡ଼ ରାଜନୀତି ହିଁ ଜୋର୍ ସୋର୍ ରେ ଚାଲିଛି । ଫିଲ୍ମ ଇତିହାସକାର ମାନେ କୁହନ୍ତି ଯେ ଦ୍ରାବିଡ଼ ଦଳର ୭ ଜଣ ମୁଖ୍ୟମନ୍ତ୍ରୀଙ୍କ ମଧ୍ୟରୁ ୫ ଜଣ ଫିଲ୍ମ ଜଗତ ସହିତ ଜଡ଼ିତ।

ଉତ୍ତର-ଭାରତଏବଂ ଦକ୍ଷିଣ-ଭାରତ ମଧ୍ୟରେ ପାର୍ଥକ୍ୟ କ’ଣ?

ଦକ୍ଷିଣରେ ଏହି ଧାରା ସ୍ପଷ୍ଟ ଦେଖିବାକୁ ମିଳେ ଯେ ଫିଲ୍ମ ତାରକାମାନେ ନିଜ ନେତୃତ୍ୱରେ ଏକ ନୂତନ ଦଳ ଗଠନ କରିବାକୁ ଭୟ କରନ୍ତି ନାହିଁ। ତାମିଲ ରାଜନୀତି ହେଉ କିମ୍ବା ତେଲୁଗୁ ହେଉ, ଫିଲ୍ମ ଷ୍ଟାରମାନେ ରାଜନୈତିକ ଚ୍ୟାଲେଂଜ୍ ଗ୍ରହଣ କରିବାକୁ  ସବୁବେଳେ ସାହସ ଦେଖାଇଛନ୍ତି। ଅପରପକ୍ଷେ, ଉତ୍ତର କିମ୍ବା ଭାରତର ଅନ୍ୟାନ୍ୟ ଅଞ୍ଚଳରେ ଫିଲ୍ମ କଳାକାରମାନେ କିଛି ଦଳୀୟ ରାଜନୀତିରେ ପ୍ରବେଶ କରୁଥିବା ଦେଖିବାକୁ ମିଳୁଛି। ଜୟା ବଚ୍ଚନ, ହେମା ମାଳିନୀ, ଅନୁପମ ଖେର୍ଜ ପ୍ରଭୃତି ତାରକାମାନେ ବି ନିଜ ଦଳ ଗଢ଼ିବା ପରିବର୍ତ୍ତେ କୌଣସି ପାର୍ଟି ବ୍ୟାନର ତଳେ ହିଁ ରଜନୀତିରେ ପ୍ରବେଶ କରିଛନ୍ତି। ଅନ୍ୟପଟେ ଚିରଞ୍ଜୀବି ଓ ପବନ କଲ୍ୟାଣ ପରି ସାଉଥ ସୁପରଷ୍ଟାରମାନେ ନିଜ ଦଳ ରାଜନୈତିକ ଆରମ୍ଭ କରିବାର ସାହସ ଦେଖାଛନ୍ତି।

ରାଜନୀତିରେ ଷ୍ଟାରଙ୍କୁ କାହିକିଁ ପସନ୍ଦ କରନ୍ତି ଜନତା ?

ଜଣାଶୁଣା ଫିଲ୍ମ କ୍ରିଟିକ୍ ଶୁଭ୍ରା ଗୁପ୍ତାଙ୍କ କହିବା କଥା ଯେ ଏଠାକାର ଜନତା ଫିଲ୍ମ ତାରକାଙ୍କ ପ୍ରତି ବହୁତ ଭାବୁକ । ଆଉ ଏହାର ବଡ଼ କାରଣ ହେଉଛି ସାଉଥ ଷ୍ଟାରମାନେ ବହୁତ ଆଧ୍ୟାତ୍ମିକ ଭୂମିକାରେ ଅଭିନୟ କରିଛନ୍ତି । ଯାହାଫଳରେ ଦର୍ଶକଙ୍କ ମଧ୍ୟରେ ତାଙ୍କର ଛବି ମଧ୍ୟ ଧାର୍ମିକ ଭାବନା ସହ ଯୋଡ଼ିହୋଇ ରହିଛି । ଏମଜିଆରଙ୍କୁ ଆରମ୍ଭ କରି ରଜନୀକାନ୍ତ ପ୍ରାୟ ଷ୍ଟାରଙ୍କର ଫ୍ୟାନ ଫଲୋଇଂ ବହୁତ ଅଧିକ । ଏଠି ଦର୍ଶକ କେବଳ ଏମାନଙ୍କୁ ପସନ୍ଦ କରନ୍ତି ନି ବରଂ ଏମାନଙ୍କୁ ପୂଜା ବି କରନ୍ତି। ଆଉ ଏହି ଲୋକପ୍ରିୟତା ଓ ଦବଦବା ବଳରେ ସେମାନେ କେବେ ବି ରାଜନିତୀକୁ ଓହ୍ଲାଇବାକୁ ଡରନ୍ତି ନାହିଁ ।

କରୋନାରେ ସଂକ୍ରମିତ ହେଲେ କ୍ୟାଟ୍ରିନା

ମୁମ୍ବାଇ: ବି-ଟାଉନ୍ ରେ ମାଡ଼ିଚାଲିଛି କରୋନା । ଲଗାତର ବଲିଉଡରେ ଜଣଙ୍କ ପରେ ଜଣେ କଳାକାର କରୋନାରେ ସଂକ୍ରମିତ ହେବାରେ ଲାଗିଛନ୍ତି। ଏବେ ଅଭିନେତ୍ରୀ କ୍ୟାଟ୍ରିନା କୈଫ୍ ମଧ୍ୟ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏ ନେଇ ସେ ନିଜ ଇନଷ୍ଟାଗ୍ରମ ଜରିଆରେ ସୂଚନା ଦେଇଛନ୍ତି ।

କ୍ୟାଟ୍ରିନା ଇନଷ୍ଟା ଷ୍ଟୋରିରେ ଲେଖିଛନ୍ତି, ‘ସବୁ ସତର୍କତା ସତ୍ତ୍ୱେ କରୋନା ପଜିଟିଭ୍ ରିପୋର୍ଟ ଆସିବା ଦୁର୍ଭାଗ୍ୟଜନକ। ବର୍ତ୍ତମାନ ମୁଁ ସବୁ କୋଭିଡ ନିୟମ ପାଳନ କରି ନିଜକୁ ହୋମ୍ କ୍ୱାରେଣ୍ଟାଇନ୍ କରିଛି। ଡାକ୍ତରଙ୍କ ପରାମର୍ଶ ଅନୁଯାୟୀ ମୁଁ ଔଷଧ ମଧ୍ୟ ଖାଉଛି। ମୋ ସଂସ୍ପର୍ଶରେ ଆସିଥିବା ସମସ୍ତ ବ୍ୟକ୍ତିଙ୍କୁ ତୁରନ୍ତ କରୋନା ପରୀକ୍ଷା କରେଇ ନେବାକୁ ଅନୁରୋଧ କରୁଛି। ସମସ୍ତେ ନିଜର ଯତ୍ନ ଓ ସୁରକ୍ଷିତ ରୁହନ୍ତୁ।’

କ୍ୟାଟ୍ରିନାଙ୍କ ପୂର୍ବରୁ କରୋନାର ଦ୍ୱିତୀୟ ଲହରୀରେ ଅକ୍ଷୟ କୁମାର, ଭୂମି ପେଡନେକର, ଭିକ୍କି କୌଶଲ୍, ଏଜାଜ୍ ଖାନ୍, ରଣବୀର କପୁର, ଗୋବିନ୍ଦା, ଆଲିଆ ଭଟ୍ଟ, ଆମୀର ଖାନ୍‌, ମିଲିନ୍ଦ ସୋମେନ, ଫାତିମା ସନା ଶେଖ, ବପ୍ପି ଲହରୀ, ତବୁ, ସଞ୍ଜୟଲୀଲା ଭଂଶାଲୀ, ପରେଶ ରାୱଲ, ଆର ମାଧବନ, ମନୋଜ ବାଜପାୟୀ, ସଚିନ ତେନ୍ଦୁଲକର, ନୀତୁ କପୁର, କାର୍ତ୍ତିକ ଆର୍ଯ୍ୟାନ, ଆଦିତ୍ୟ ନାରାୟଣ ଓ ତାଙ୍କ ପତ୍ନୀ ପ୍ରମୁଖ କରୋନାରେ ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି।