spot_img
Home Blog Page 5959

‘କୋଟିଆ ସୀମାବର୍ତ୍ତୀ ଗାଁ ଗୁଡ଼ିକରେ ବ୍ୟାପକ ସାମାଜିକ ସୁରକ୍ଷା ଯୋଜନା ହାତକୁ ନିଆଯାଇଛି’

ଭୁବନେଶ୍ୱର: କୋଟିଆ ଏବଂ ସୀମାବର୍ତ୍ତୀ ଗାଁ ଗୁଡ଼ିକରେ ସାମାଜିକ ସୁରକ୍ଷା କାର୍ଯ୍ୟକ୍ରମରେ ରାଜ୍ୟ ସରକାର ବ୍ୟାପକ କାର୍ଯ୍ୟକ୍ରମ ହାତକୁ ନେଇଛନ୍ତି। ଏହି ଅଞ୍ଚଳଗୁଡ଼ିକରେ ସାମାଜିକ ସୁରକ୍ଷା ଯୋଜନାରେ ଭିନ୍ନକ୍ଷମ, ବୃଦ୍ଧ ବୃଦ୍ଧା, ଏଡ୍‌ସ ରୋଗୀ, କୁଷ୍ଠରୋଗୀ ଓ ଅବିବାହିତ ମହିଳାମାନଙ୍କୁ ଭତ୍ତା ପ୍ରଦାନ କରାଯାଉଛି । ମାସିକ 500, 700 ଓ 900 ଟଙ୍କା ପର୍ଯ୍ୟନ୍ତ ଭତ୍ତା ପ୍ରଦାନ କରାଯାଉଥିବା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ବିଧାନସଭାରେ ସୂଚନା  ଦେଇଛନ୍ତି। କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜାଙ୍କ ଏ ସମ୍ପର୍କିତ ପ୍ରଶ୍ନର ଉତ୍ତରରେ ମନ୍ତ୍ରୀ କହିଛନ୍ତି, ବର୍ତ୍ତମାନ ସୁଦ୍ଧା ଜାତୀୟ ସାମାଜିକ ସୁରକ୍ଷା ଓ ମଧୁବାବୁ ପେନସନ ଯୋଜନାରେ ମୋଟ୍‌ ୪୮ ଲକ୍ଷ ୫୬ ହଜାର ୬୬୦ ଜଣଙ୍କୁ ସାମିଲ କରାଯାଇଛି । ଚଳିତବର୍ଷ ସାମାଜିକ ସୁରକ୍ଷା ନିମନ୍ତେ ବଜେଟରେ ୧ ହଜାର ୫୨୪ କୋଟି ଟଙ୍କାର ବ୍ୟବସ୍ଥା କରାଯାଇଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଏହି ଯୋଜନାରେ ସମଲିଙ୍ଗୀଙ୍କୁ ସାମିଲ କରିବା ସହ ସହାୟ କାର୍ଯ୍ୟକ୍ରମ ଜରିଆରେ ସହାୟତା ପ୍ରଦାନ କରାଯାଉଛି ବୋଲି ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ବିଧାନସଭାରେ ସୂଚନା  ଦେଇଛନ୍ତି।

ଏଥିସହିତ ପଢ଼ନ୍ତୁ: ପିପିଲିରେ ବଢ଼ୁଛି ବିଜେଡି ଲୋକପ୍ରିୟତା: ଶତାଧିକ ବିଜେପି ନେତା ଓ କର୍ମୀ ସାମିଲ

 

ମଝି ରାସ୍ତାରେ ଦୁଇଫାଳ ହୋଇଗଲା ଯାତ୍ରୀବାହୀ ଟ୍ରେନ୍

ଲକ୍ଷ୍ନୌ: ଉତ୍ତରପ୍ରଦେଶର ଲକ୍ଷ୍ନୌରେ ଏକ ବଡ଼ ଅଘଟଣରୁ ବର୍ତ୍ତିଛି ଯାତ୍ରୀବାହୀ ଟ୍ରେନ୍।  ଏକ୍ସପ୍ରେସ ଟ୍ରେନରୁ ଅଲଗା ହୋଇ ପଛରେ ରହିଗଲା ଅଧା ବଗି। ଏହି ସାପ୍ତକ୍ରାନ୍ତି ସୁପରଫାଷ୍ଟ ଏକ୍ସପ୍ରେସ ସହିତ ଘଟିଛି ଏହି ଘଟଣା। ସୂଚନା ମୁତାବକ କପଲିଙ୍ଗ୍ ବ୍ରେକଡାଉନ୍ ହେତୁ ଏହି ସୁପରଫାଷ୍ଟ ଏକ୍ସପ୍ରେସଟି ଅଲଗା ହୋଇ ଦୁଇ ଭାଗ ହୋଇଯାଇଥିଲା। ଏହା ପରେ ଅଧା ଟ୍ରେନ୍ ପ୍ରାୟ ୧ କିଲୋମିଟର ଆଗକୁ ପଳାଇଥିଲା ।ଘଟଣା ସମ୍ପର୍କରେ ରେଳ ନିୟନ୍ତ୍ରଣ କକ୍ଷରେ ସୂଚନା ଦିଆଯାଇଥିଲା। ଯାହାପରେ ଟ୍ରେନ୍ଟି ସଂଯୋଗ ହୋଇପାରିଥିଲା । ତେବେ ଡ୍ରାଇଭରଙ୍କ ବୁଦ୍ଧିମତା ଯୋଗୁ କୌଣସି ବଡ଼ ଦୁର୍ଘଟଣାକ ହୋବାରୁ ବର୍ତ୍ତିଗଲା ।

ସୂଚନା ଅନୁଯାୟୀ, ଆନନ୍ଦ ବିହାରରୁ ମୁଜାଫରପୁରକୁ ଯାଉଥିବା ସାପ୍ତକ୍ରାନ୍ତି ସୁପରଫାଷ୍ଟ ଏକ୍ସପ୍ରେସ ରାତି ୧୦.୪୫ରେ ଲକ୍ଷ୍ନୌରେ ପହଞ୍ଚି ୧୦ ମିନିଟ ରହିବା ପରେ ବିହାରର ମୁଜାଫରପୁର ଯାଇଥାଏ। ତେବେ କାକେରୀ ଷ୍ଟେସନରେ ପହଞ୍ଚିବା ମାତ୍ରେ ଦୁଇ କୋଚକୁ ସଂଯୋଗ କରୁଥିବା କପଲିଂ ହଠାତ୍ ଖୋଲିଯାଇଥିଲା। ଯାହା ଫଳରେ ଟ୍ରେନର ଅଧା ବଗି ଅଲଗା ହୋଇ ଆଗକୁ ପଳାଇଥିଲା । ଏବଂ ଆଉ ଅଧା ପଛରେ ରହିଯାଇଥିଲା।

ଏହାପରେ କଣ୍ଟ୍ରୋଲ ରୁମରୁ ତୁରନ୍ତ ଡ୍ରାଇଭରକୁ ସୂଚନା ଦିଆଯାଇଥିଲା । ଯାହା ପରେ ଟ୍ରେନକୁ ପୁଣି ପଛକୁ ଅଣାଯାଇଥିଲା ଓ ଅଲଗା ହୋଇଯାଇଥିବା ବଗି ଗୁଡ଼ିକୁ ଯୋଡ଼ାଯାଇଥିଲା । ତେବେ  ଘଟଣାରେ କେହି ମୃତାହତ ହୋଇନାହାଁନ୍ତି ବୋଲି ଜଣାପଡ଼ିଛି।

 

ଯୌତୁକ ନିର୍ଯାତନା: ମହିଳାଙ୍କୁ ଗାଁ ଦାଣ୍ଡରେ ମାଡ଼ ମାରିଲେ ଶ୍ୱଶୁର ଘର ଲୋକେ

କେନ୍ଦ୍ରାପଡ଼ା: ନିକିରାଇ ଥାନା କୋରଗାଁରେ ଅଭାବନୀୟ ଘଟଣା । ମହିଳାଙ୍କୁ ଗାଁ ଦାଣ୍ଡରେ ମାଡ଼ । ଯାହାର ଭିଜୁଆଲ ସୋସିଆଲ ମିଡିଆରେ ଭାଇରାଲ ହୋଇଛି । ଯୌତୁକକୁ କେନ୍ଦ୍ରକରି ଶ୍ବଶୁର ଘର ଓ ମାମୁ ଶ୍ବଶୁର ଘର ଲୋକ ମାଡ଼ ମାରିଥିବା ମହିଳାଙ୍କ ପରିବାର ଅଭିଯୋଗ କରିଛନ୍ତି । ଶୁକ୍ରବାରର ଏ ଘଟଣାର ଭିଜୁଆଲ ଭାଇରାଲ ହେବା ପରେ ଥାନାରେ ଏତଲା ଦେଇଛନ୍ତି ମହିଳାଙ୍କ ପରିବାର ।

ଏଥିସହିତ ପଢ଼ନ୍ତୁ: ଆପାର୍ଟମେଣ୍ଟରେ ଜୁଆ ଆଡ୍ଡା, ୮ ଗିରଫ ସହ ୩ ଲକ୍ଷରୁ ଅଧିକ ଟଙ୍କା ଜବତ

ପିପିଲିରେ ବଢ଼ୁଛି ବିଜେଡି ଲୋକପ୍ରିୟତା: ଶତାଧିକ ବିଜେପି ନେତା ଓ କର୍ମୀ ସାମିଲ

ପିପିଲିରେ ଅଧିକ ଶକ୍ତିଶାଳୀ ହେଉଛି ବିଜୁ ଜନତା ଦଳ । ଶନିବାର ପୁରୀ ଜିଲ୍ଲା ବିଜେପି କୃଷକ ମୋର୍ଚ୍ଚା ସାଧାରଣ ସମ୍ପାଦକ ଇଶ୍ୱର ପ୍ରସାଦ ଦାଶ ମହତାବ, ପୂର୍ବତନ ବ୍ଳକ୍ ମହିଳା ମୋର୍ଚ୍ଚା ସଭାପତି ଓ ପୂର୍ବତନ ଜିଲ୍ଲା ପରିଷଦ ପ୍ରାର୍ଥିନୀ ମମତା ମଞ୍ଜରୀ ମହାନ୍ତି, ଶଙ୍କର୍ଷଣ ସ୍ୱାଇଁ, ଧୀରେନ୍ଦ୍ରନାଥ ଦଳେଇ, ଅଭିରାମ ବେହେରା, ବୈକୁଣ୍ଠ ନାଥ ପାତ୍ରଙ୍କ ନେତୃତ୍ୱରେ ଶତାଧିକ ବିଜେପି କର୍ମୀ ବିଦ୍ୟାଳୟ ଗଣଶିକ୍ଷା ମନ୍ତ୍ରୀ ସମୀର ଦାଶ ଓ ପର୍ଯ୍ୟବେକ୍ଷକ ଚିନ୍ମୟ ସାହୁଙ୍କ ଉପସ୍ଥିତିରେ ବିଜେଡିରେ ସାମିଲ ହୋଇଛନ୍ତି ।

ଅପରପକ୍ଷରେ ଉପ-ନିର୍ବାଚନ ନେଇ ବିଜେଡିର ପ୍ରଚାର ଜୋରଦାର ଚାଲିଛି  । ଏବେଠୁ ପ୍ରଚାର ଅଭିଯାନରେ ଢେର ଆଗରେ ରହିଛି ବିଜେଡି  । ବିଜେଡି ଗଡ଼ରେ ପୁଣି ବିଜୟ ଶଙ୍ଖ ବଜାଇବା ସହ ମାର୍ଜିନ୍‌ ବୃଦ୍ଧି ମିଶନ୍‌ ନେଇ ଆକ୍ସନ୍‌ ମୋଡ୍‌ରେ ନେତା ଓ କର୍ମୀ । ବିଭିନ୍ନ ସ୍ଥାନରେ ରୋଡ ଶୋ’ ଓ ସଭା କରିବା ସମୟରେ ରୁଦ୍ରଙ୍କୁ ମିଳୁଛି ବିପୁଳ ସମର୍ଥନ । ଆଜି ପିପିଲି ଏନଏସିର ସମସ୍ତ ଓ୍ବାର୍ଡ, ନୂଆ ଶାସନ ଓ ଜଗନ୍ନାଥପୁର ପଞ୍ଚାୟତରେ ପ୍ରଚାର କରିବେ ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ।

 

ଉଗ୍ର ହେଉଛି ଦ୍ୱତୀୟ ଲହରୀ: ୨୪ ଘଣ୍ଟାରେ ୮୯ ହଜାରୁ ଅଧିକ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ ଥମୁନି କରୋନା ଆତଙ୍କ। ଉଗ୍ର ରୂପ ନେଉଛି କୋରୋନା ମହାମାରୀର ଦ୍ୱିତୀୟ ଲହରୀ । ଦେଶରେ ଦିନକୁ ଦିନ କୋରନା ସଂକ୍ରମିତଙ୍କ ସଂଖ୍ୟା ହୁ ହୁ ହୋଇ ବଢୁଛି । ଗତ ୨୪ ଘଣ୍ଟାରେ ଦେଶରେ ଆଉ ୮୯ ହଜାର ୧୨୯ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି।

ସେହିପରି ୪୪ ହଜାର ୨୦୨ ଆକ୍ରାନ୍ତ ସୁସ୍ଥ ହୋଇଥିବା ବେଳେ ୭୧୪ ଲୋକଙ୍କ ଜୀବନ ନେଇଛି ଏହି କିଲର ଭାଇରସ୍।  ନୂଆ ଆକ୍ରାନ୍ତଙ୍କୁ ମିଶାଇ ମୋଟ ସଂକ୍ରମିତଙ୍କ ସଂଖ୍ୟା ୧ କୋଟି ୨୩ ଲକ୍ଷ ୯୨ ହଜାର ୨୬୦ରେ ପହଞ୍ଚିଛି। ସେମଧ୍ୟରୁ ୧ କୋଟି ୧୫ ଲକ୍ଷ ୬୯ ହଜାର ୨୪୧ ଆକ୍ରାନ୍ତ ସୁସ୍ଥ ହୋଇଥିବା ବେଳେ, ୬ ଲକ୍ଷ ୫୮ ହଜାର ୯୦୯ ସକ୍ରିୟ ମାମଲା ରହିଛି।

ସେହିପରି କୋରନା ଯେଗୁ ମୋଟ ମୃତ୍ୟୁ ସଂଖ୍ୟା ୧ ଲକ୍ଷ ୬୪ ହଜାର ୧୧୦ରେ ପହଞ୍ଚିଛି । ସେପଟେ ଦେଶର ଟିକାକରଣ ଜାରି ଥିବା ବେଳେ, ଏବେ ସୁଦ୍ଧା ୭ କୋଟି ୩୦ ଲକ୍ଷ ୫୪ ହଜାର ୨୯୫ଜଣଙ୍କୁ ଦିଆଯାଇଛି ଟିକା।

ଓଡ଼ିଆରେ ଅଭିଭାଷଣ ଆରମ୍ଭ କଲେ ଉପ-ରାଷ୍ଟ୍ରପତି: କହିଲେ, ଚାକିରି ପଛରେ ନ ଗୋଡ଼ାଇ ନିଯୁକ୍ତିଦାତ ହୁଅ

ଭୁବନେଶ୍ୱର:  ଶିକ୍ଷା ସଫଳ ଜୀବନର ପ୍ରଥମ ପାହାଚ । ଚରିତ୍ର ଗଠନରେ ସତ୍ ଶିକ୍ଷାର ପ୍ରମୁଖ ଭୂମିକା ରହିଛି । ଶିକ୍ଷା ଛାତ୍ରଛାତ୍ରୀଙ୍କୁ ଶୃଙ୍ଖଳିତ ଓ ସୁସଂଗଠିତ କରିଥାଏ । ଆଗାମୀ ଦିନରେ ଚାକିରି ପଛରେ ନ ଗୋଡ଼ାଇ ନିଯୁକ୍ତିଦାତା ହେବାକୁ ଆହ୍ୱାନ ଦେଇଛନ୍ତି ଉପ-ରାଷ୍ଟ୍ରପତି ଭେଙ୍କେୟା ନାଇଡୁ । ଉତ୍କଳ ବିଶ୍ୱବିଦ୍ୟାଳୟର  ୫୦ ତମ ସମାବର୍ତ୍ତନ ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେଇ ସେ ଏହା କହିଛନ୍ତି । ସେ ନିଜ ଅଭିଭାଷଣ ଓଡ଼ିଆରେ ଆରମ୍ଭ କରିବା ସହ ଓଡ଼ିଶାର ଗୌରବମୟ ନୌବାଣିଜ୍ୟର ମଧ୍ୟ ସ୍ମୃତିଚାରଣ କରିଛନ୍ତି । ଏଥିସହିତ ଆଦିବାସୀଙ୍କ ଚାଳି ଚଳନ ସମ୍ପର୍କରେ ମଧ୍ୟ ଉଲ୍ଲେଖ କରିଛନ୍ତି ଉପ-ରାଷ୍ଟ୍ରପତି । ସେ କହିଛନ୍ତି  ଆଦିବାସୀଙ୍କ ସରଳ ଜୀବନଯାପନ ପ୍ରଶଂସନୀୟ । ରାଜ୍ୟର ୨୩% ଜନସଂଖ୍ୟା ହେଉଛନ୍ତି ଆଦିବାସୀ  । ସେମାନଙ୍କ ଆଦିବାସୀ ସଂସ୍କୃତି ହିଁ ସେମାନଙ୍କୁ ମହାମାରୀରୁ ରକ୍ଷା କରିଛି ବୋଲି ସେ କହିଛନ୍ତି ।  ସେମାନଙ୍କ ସର୍ବାଙ୍ଗୀନ ବିକାଶ ହେବା ଆବଶ୍ୟକ । ଏହି ଅବସରରେ ସାଧୁତା, ସଚ୍ଚୋଟତା ବଜାୟ ରଖିବାକୁ ଛାତ୍ରଛାତ୍ରୀଙ୍କୁ ପରାମର୍ଶ ଦେଇଛନ୍ତି ଉପ ରାଷ୍ଟ୍ରପତି ଭେଙ୍କେୟା । ଆଜିର ଏହି ସମାବର୍ତ୍ତନ ଉତ୍ସବରେ ରାଜ୍ୟପାଳ ପ୍ରଫେସର ଗଣେଶୀ ଲାଲ, ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ, ସିଏଜି ଗିରୀଶ ଚନ୍ଦ୍ର ମୁର୍ମୁ ଓ ରାଜ୍ୟ କୃଷି ମନ୍ତ୍ରୀ ଅରୁଣ ସାହୁ ମଧ୍ୟ ଉପସ୍ଥିତ ଥିଲେ ।  ସମାବର୍ତ୍ତନ ଉତ୍ସବରେ ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ଦେଶର ୫ ଜଣ ବ୍ୟକ୍ତିତ୍ବଙ୍କୁ ସମ୍ମାନସୂଚକ ଡକ୍ଟରେଟ୍ ଡିଗ୍ରୀ ପ୍ରଦାନ କରାଯାଇଛି । ଚଳିତ ବର୍ଷ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ, ସିଏଜି ଗିରୀଶଚନ୍ଦ୍ର ମୁର୍ମ, ଓଡ଼ିଶା ହାଇକୋର୍ଟର ବିଚାରପତି ଜଷ୍ଟିସ୍ ସଞ୍ଜୁ ପଣ୍ଡା, ଭାଭା ଆଟୋମିକ୍ ରିସର୍ଚ୍ଚ ସେଣ୍ଟର ନିର୍ଦ୍ଦେଶକ ଅଜିତ କୁମାର ମହାନ୍ତି, ଓଡ଼ିଶା ଆଦର୍ଶ ବିଦ୍ୟାଳୟ ସଙ୍ଗଠନର ଉପଦେଷ୍ଟା ଡ.ବିଜୟ କୁମାର ସାହୁଙ୍କୁ ସମ୍ମାନସୂଚକ ଡକ୍ଟରେଟ୍ ଡିଗ୍ରୀ ପ୍ରଦାନ କରାଯାଇଛି ।

ଏଥିସହିତ ପଢ଼ନ୍ତୁ: ଉପନିର୍ବାଚନ ହାରିଯିବା ଭୟରେ ହିନ ଚକ୍ରାନ୍ତ କରୁଛି ବିଜେପି: ରୁଦ୍ର

ହୋମିଓ ପ୍ୟାଥିକ କଲେଜରେ ଛାତ୍ରୀଙ୍କୁ ରାଗିଂ

ସମ୍ୱଲପୁର: ବୁର୍ଲା ବୈଷୟିକ ବିଶ୍ୱବିଦ୍ୟାଳୟ ପରେ ଏବେ ସମ୍ବଲପୁର ହୋମିଓ ପ୍ୟାଥିକ କଲେଜରୁ ଆସିଛି ରାଗିଂ ଅଭିଯୋଗ । ଦ୍ବିତୀୟ ବର୍ଷର ୪ ଜଣ ଛାତ୍ରୀ ରାଗିଂର ଶିକାର ହୋଇଛନ୍ତି । ଛାତ୍ରୀଙ୍କୁ ଯୌନ ନିର୍ଯାତନା ଦିଆଯାଇଥିବା ଅଭିଯୋଗ ହୋଇଛି । ରାଗିଂରେ ଛାତ୍ରୀଙ୍କ ସହ ଛାତ୍ର ସାମିଲ ଥିବା ଅଭିଯୋଗ । ଦିଲ୍ଲୀ ଆଣ୍ଟିରାଗିଂ ସେଲରେ ଅଭିଯୋଗ ପରେ ଆରମ୍ଭ ହୋଇଛି ତନାଘନା । ଏନେଇ ସୂଚନା ଦେଇଛନ୍ତି କଲେଜ ଅଧ୍ୟକ୍ଷ ରାଜେନ୍ଦ୍ର ସିଂ ।

ସୂଚନା ଯୋଗ୍ୟ ଯେ,  କିଛି ଦିନ ପୂର୍ବରୁ ବୁର୍ଲା ଭିସୁଟ୍‌ରୁ ମଧ୍ୟ ରାଗିଂର ଅଭିଯୋଗ ଆସିଥିଲା । କିଛିଦିନର ବ୍ୟବଧାନରେ ରାଜ୍ୟର ଏହି ପ୍ରତିଷ୍ଠିତ ଶିକ୍ଷାନୁଷ୍ଠାନର ପ୍ରତିଷ୍ଠା ଓ ଅନୁଶାସନ ଉପରେ ଲାଗିଛି କଳଙ୍କ । ବୁର୍ଲା ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟ ଭିସୁଟରେ ଜୁନିୟର ଛାତ୍ରଙ୍କୁ ସିନିୟର ଛାତ୍ର ରାଗିଂ କରିଥିବା ଅଭିଯୋଗ। ଗତ ୨୯ ତାରିଖ ହୋଲି ଦିନ ଭିସୁଟ୍‌ର ବଶିଷ୍ଟ ଛାତ୍ରାବାସରେ କିଛି ଚତୁର୍ଥ ବର୍ଷର ସିନିୟର ଛାତ୍ର ନିଶା ସେବନ କରୁଥିଲେ। ଏହି ସମୟରେ କିଛି ଦ୍ଵିତୀୟ ବର୍ଷର ଜୁନିୟର ଛାତ୍ର ସେହି ରାସ୍ତା ଦେଇ ଯାଇଥିଲେ। ଏଥିରେ ଉତ୍‌କ୍ଷୀପ୍ତ ହୋଇ ସିନିୟର ଛାତ୍ରମାନେ ୪ ଜଣ ଜୁନିୟରଙ୍କୁ ତାଙ୍କ କଠୋରୀରୁ ଡାକି ରାଗିଂ କରିଥିବା ଅଭିଯୋଗ ହୋଇଛି। ଏପରିକି ୪ ଜଣ ଦ୍ଵିତୀୟ ବର୍ଷର ଛାତ୍ରଙ୍କୁ ୪୦ ରୁ ଉର୍ଦ୍ଧ୍ବ ଛାତ୍ରଙ୍କୁ ରାଗିଂ କରିଥିବା ଅଭିଯୋଗ ହୋଇଛି। ଜୁନିୟର ଛାତ୍ରଙ୍କୁ ଉଲଗ୍ନ କରି ମାଡ଼ ମରାଯିବା ସହିତ ଗଞ୍ଜେଇ ଧୁଆଁ ମୁହଁରେ ଫୁଙ୍କିଥିବା ଅଭିଯୋଗ ହୋଇଛି। ଏନେଇ ଜୁନିୟର ଛାତ୍ରମାନେ ଭିସୁଟର ଆଣ୍ଟି ରାଗିଂ ସେଲରେ ଲିଖିତ ଅଭିଯୋଗ କରିଥିବା ଜଣାପଡ଼ିଛି। ଏପରିକି ଏହି ଜୁନିୟର ଛାତ୍ରମାନେ ଭୟରେ ଛାତ୍ରାବାସ ଛାଡ଼ି ପଳାଇଥିବା ଜଣାପଡିଛି।

ଏଥିସହିତ ପଢ଼ନ୍ତୁ: ପୁଣି ବୁର୍ଲା ଭିସୁଟ୍‌ରେ ରାଗିଂ ଅଭିଯୋଗ: ଭୟରେ ହଷ୍ଟେଲ ଛାଡ଼ିଲେ ଛାତ୍ର

ଉତ୍କଳ ବିଶ୍ୱବିଦ୍ୟାଳୟର ସମାବର୍ତ୍ତନ ଉତ୍ସବ: ଶକ୍ତିକାନ୍ତ ଦାସ, ଗିରୀଶ ମୁର୍ମୁଙ୍କୁ ମିଳିବ ଡକ୍ଟରେଟ୍

ଭୁବନେଶ୍ୱର: ଦୁଇ ଦିନିଆ ଓଡ଼ିଶା ଗସ୍ତରେ ଅଛନ୍ତି ଉପ-ରାଷ୍ଟ୍ରପତି ଏମ୍ ଭେଙ୍କେୟା ନାଇଡ଼ୁ । ଆଜି ଉତ୍କଳ ବିଶ୍ବବିଦ୍ୟାଳୟର ୫୦ତମ ସମାବର୍ତ୍ତନ ଉତ୍ସବରେ ଯୋଗ ଦେବେ ଉପ-ରାଷ୍ଟ୍ରପତି । ସକାଳ ୧୦ଟା ୧୦ ମିନିଟରେ ସମାବର୍ତ୍ତନ ଉତ୍ସବରେ ଯୋଗଦେବାର କାର୍ଯ୍ୟକ୍ରମ ରହିଛି । ସମାରୋହରେ ଉତ୍କଳ ବିଶ୍ବବିଦ୍ୟାଳୟର କୁଳାଧିପତି ତଥା ରାଜ୍ୟପାଳ ପ୍ରଫେସର ଗଣେଶୀ ଲାଲ ଅଧ୍ୟକ୍ଷତା କରିବେ । ଉଚ୍ଚ ଶିକ୍ଷା ମନ୍ତ୍ରୀ ଡ.ଅରୁଣ ସାହୁ ସମ୍ମାନୀତ ଅତିଥି ଭାବେ ଦେବାର କାର୍ଯ୍ୟକ୍ରମ ରହିଛି । ସମାବର୍ତ୍ତନ ଉତ୍ସବରେ ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ଦେଶର ୫ ଜଣ ବ୍ୟକ୍ତିତ୍ବଙ୍କୁ ସମ୍ମାନସୂଚକ ଡକ୍ଟରେଟ୍ ଡିଗ୍ରୀ ପ୍ରଦାନ କରାଯିବ । ଚଳିତ ବର୍ଷ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ, ସିଏଜି ଗିରୀଶଚନ୍ଦ୍ର ମୁର୍ମ, ଓଡ଼ିଶା ହାଇକୋର୍ଟର ବିଚାରପତି ଜଷ୍ଟିସ୍ ସଞ୍ଜୁ ପଣ୍ଡା, ଭାଭା ଆଟୋମିକ୍ ରିସର୍ଚ୍ଚ ସେଣ୍ଟର ନିର୍ଦ୍ଦେଶକ ଅଜିତ କୁମାର ମହାନ୍ତି, ଓଡ଼ିଶା ଆଦର୍ଶ ବିଦ୍ୟାଳୟ ସଙ୍ଗଠନର ଉପଦେଷ୍ଟା ଡ.ବିଜୟ କୁମାର ସାହୁଙ୍କୁ ସମ୍ମାନସୂଚକ ଡକ୍ଟରେଟ୍ ଡିଗ୍ରୀ ପ୍ରଦାନ କରାଯିବ । କୋଭିଡ କଟକଣା ମାନି ସମାରୋହ ପାଳନ କରାଯିବ । ସମାବର୍ତ୍ତନ ପ୍ରେକ୍ଷାଳୟରେ ସର୍ବାଧିକ ୫୦୦ଜଣଙ୍କୁ ଅଂଶଗ୍ରହଣ କରିବା ପାଇଁ ଅନୁମତି ଦିଆଯିବାକୁ ସ୍ଥିର ହୋଇଛି ।

ଏଥିସହିତ ପଢ଼ନ୍ତୁ: ଏବେ ୩ଥର ଦିଆଯିବ କରୋନା ଟିକା, କୋଭାକ୍ସିନର ‘ବୁଷ୍ଟର ଡୋଜ’କୁ ଅନୁମତି

ଉତ୍ତର ଆଣ୍ଡାମାନ ସାଗରରେ ଲଘୁଚାପ: ରାଜ୍ୟରେ ବର୍ଷା ସମ୍ଭାବନା

ଭୁବନେଶ୍ୱର: ଆଶ୍ବସ୍ତି ଆଣିବ ଲଘୁଚାପ । ଉତ୍ତର ଆଣ୍ଡାମାନ ସାଗରରେ ଏକ ଲଘୁଚାପ ସୃଷ୍ଟି ହୋଇଛି  । ଆଜି ଏହା ଘନୀଭୂତ ହୋଇ ଗଭୀର ଅବପାତର ରୂପ ନେବ । ଧୀରେ ଧୀରେ ଉତ୍ତର ପୂର୍ବ ଦିଗରେ ମିଆଁମାର ଦିଗକୁ ଗତି କରିବ ବୋଲି ଭୁବନେଶ୍ବର ପାଣିପାଗ କେନ୍ଦ୍ର ସୂଚନା ଦେଇଛି । ଲଘୁଚାପ ପ୍ରଭାବରେ ରାଜ୍ୟର ଗୋଟିଏ ଦୁଇଟି ସ୍ଥାନରେ ଘଡ଼ଘଡି ସହ ବର୍ଷା ହେବାର ସମ୍ଭବନା ଅଛି । ଆସନ୍ତା ୨ ଦିନ ପର୍ଯ୍ୟନ୍ତ ତାପମାତ୍ରା ସାମାନ୍ୟ ହ୍ରାସ ପାଇବା ସହ ଏହାପରେ ସାରା ରାଜ୍ୟରେ ସ୍ବାଭାବିକ ତାପମାତ୍ରା ରହିବ । ଗୋଟିଏ ଦୁଇଟି ଜିଲାରେ ସ୍ବାଭାବିକଠାରୁ ୧-୨ ଡିଗ୍ରୀ ତାପମାତ୍ରା ବୃଦ୍ଧି ପାଇବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ଏଥିସହିତ ପଢ଼ନ୍ତୁ: ୪୩ ଡିଗ୍ରୀ ସହ ରାଜ୍ୟର ଉତ୍ତପ୍ତ ସହର ବୌଦ୍ଧ, ବିଭିନ୍ନ ଜିଲ୍ଲାକୁ କାଳବୈଶାଖୀ ନେଇ ୟେଲୋ ୱାର୍ଣ୍ଣିଂ

ହାତୀ ଆକ୍ରମଣରେ ମହିଳା ମୃତ ଓ ୩ ଗୁରୁତର

ଖୋର୍ଦ୍ଧା: ମଳିପଡ଼ା ଅଞ୍ଚଳରେ ହାତୀ ଉପଦ୍ରବ । ହାତୀ ଆକ୍ରମଣରେ ଜଣେ ମହିଳାଙ୍କ ମୃତ୍ୟୁ ହୋଇଛି  । ଅନ୍ୟ ତିନି ଜଣ ଗୁରୁତର ହୋଇଛନ୍ତି । ମୃତ ମହିଳା ହେଲେ ମଞ୍ଜୁଲତା  ବେହେରା  । ସେହିପରି ହାତୀ ଆକ୍ରମଣରେ ଗୁରୁତର ମାନେ ହେଲେ ସସ୍ମିତ ଭାରିମଲ୍ଲ, ମମତା ଭାରିମଲ୍ଲ ଓ ନିତ୍ୟାନନ୍ଦ ବେହେରା । ସମସ୍ତ ଗୁରୁତରଙ୍କୁ ଖୋର୍ଦ୍ଧା ମେଡିକାଲରେ ଭର୍ତ୍ତି କରାଯାଇଛି  । ସକାଳୁ ନିତ୍ୟକର୍ମ ପାଇ ଗଲା ବେଳେ ସମସ୍ତଙ୍କୁ ହାତୀ ଆକ୍ରମଣ କରିଥିବା ସୂଚନା ।

ଏଥିସହିତ ପଢ଼ନ୍ତୁ: ରିଜର୍ଭ ବ୍ୟାଙ୍କର ପୂର୍ବତନ ଗଭର୍ଣ୍ଣର ଉର୍ଜିତ ପଟେଲଙ୍କୁ ନୂଆ ଦାୟିତ୍ୱ