ନନ୍ଦିଘୋଷ ବ୍ୟୁରୋ : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରରେ ଯୁବତୀଙ୍କୁ ଗଣଦୁଷ୍କର୍ମ ଅଭିଯୋଗ। ବୀରମହାରାଜପୁର ଥାନା ହିକୁଡ଼ି ITI ପଛ ପଟେ ଦୁର୍ବୃତ୍ତମାନେ ଏହି ଜଘନ୍ୟକାଣ୍ଡ କରିଥିବା ଜଣାପଡ଼ିଛି। ଯୁବତୀ ଜଣକ ପାଖରେ ଥିବା ଟାଟା ମୋଟର ସର୍ଭିସ ସେଣ୍ଟରରେ କାମ କରୁଥିଲେ। କାମ ସାରି ଘରକୁ ଫେରିବା ବେଳେ ବାଟରେ ୩ ଜଣ ଯୁବକ ଅଟକାଇଥିଲେ । ତା ପରେ ମୁହଁରେ ସ୍ପ୍ରେ ମାରି ଟେକି ନେଇ ଗଣ ଦୁଷ୍କର୍ମ କରିଥିଲେ। ପୀଡ଼ିତା ଜଣକ ଅଚେତ ଅବସ୍ଥାରେ ବହୁ ସମୟ ଧରି ପଡ଼ି ରହିଥିଲେ। ଚେତା ଆସିବା ପରେ ସେ ଘରକୁ ଫେରି କହିବା ପରେ ସବୁ କଥା ଜଣାପଡ଼ିଥିଲା। ବୀରମହାରାଜପୁର ଥାନାରେ ଲିଖିତ ଅଭିଯୋଗ ପରେ ପୋଲିସ ତନାଘନା କରି ସନ୍ଦେହରେ କିଛି ଯୁବକଙ୍କୁ ପଚରା ଉଚରା କରୁଛି।
ଲୁଟେରାଙ୍କ ଟାର୍ଗେଟରେ ମନ୍ଦିର ; ବାଲେଶ୍ଵର ଜିଲ୍ଲା ଖଇରା ଅଞ୍ଚଳରେ ସିରିଜ ଚୋରି …
ନନ୍ଦିଘୋଷ ବ୍ୟୁରୋ : ପୁଣି ଲୁଟେରାଙ୍କ ଟାର୍ଗେଟରେ ମନ୍ଦିର । ବାଲେଶ୍ୱର ଜିଲ୍ଲା ଖଇରା ଥାନା ଅନ୍ତର୍ଗତ ଗଗନଧୂଳି ପଞ୍ଚାୟତ ଗଣ୍ଡୁଆ ଗ୍ରାମର ବଳି ବାସୁଳି ମନ୍ଦିର, ରଫେତପୁର ଗ୍ରାମର ଲକ୍ଷ୍ମୀ ନାରାୟଣ ମନ୍ଦିର ଓ ଜଗନ୍ନାଥ ମନ୍ଦିରରୁ ସିରିଜ ଲୁଟ । ଗତକାଲି ବିଳମ୍ବିତ ରାତିରେ ଏକକାଳୀନ ୩ଟି ମନ୍ଦିରରୁ ଚୋରି କରି ଫେରାର ହୋଇଯାଇଛନ୍ତି ଲୁଟେରା । ଠାକୁରଙ୍କର ସୁନା ଓ ରୁପାର ଚିତା, ସୁନା ଓ ରୁପା ହାର, ଲକ୍ଷାଧିକ ଟଙ୍କାର ସୁନା ରୁପା ଅଳଙ୍କାର ସମେତ ଦାନ ବାକ୍ସ ନେଇଯାଇଥିବା ସୂଚନା । ଦୁଇ ଦିନ ଭିତରେ ଖଇରା ଅଂଚଳରେ ୧୦ ରୁ ଉର୍ଦ୍ଧ୍ଵ ମନ୍ଦିରରୁ ଚୋରି ହେଲାଣି l ଅଂଚଳରେ ବାରମ୍ବାର ଚୋରି ଡକାୟତ ବଢ଼ୁଥିବାରୁ ଅଂଚଳ ବାସିଙ୍କ ମଧ୍ୟରେ ଭୟ ଦେଖାଦେଇଛି ।
ଆଜିଠାରୁ ବଦଳିଯିବ ଏସବୁ ନିୟମ : ସାଧାରଣ ଲୋକଙ୍କ ପକେଟ ଉପରେ ପଡିବ ପ୍ରଭାବ
ନନ୍ଦିଘୋଷ ବ୍ୟୁରୋ : ନଭେମ୍ବର ୨୦୨୫ ଆରମ୍ଭ ହେବା ସହିତ, ଆଜିଠାରୁ ଅନେକ ନୂତନ ନିୟମ କାର୍ଯ୍ୟକାରୀ ହୋଇଛି। ଏହାହା ସାଧାରଣ ଲୋକଙ୍କ ଦୈନନ୍ଦିନ ଆର୍ଥିକ ସ୍ଥିତିକୁ ସିଧାସଳଖ ପ୍ରଭାବିତ କରିବ। ଆଧାର ଅପଡେଟ ଫି ଏବଂ ବ୍ୟାଙ୍କ ପଞ୍ଜିକରଣରେ ପରିବର୍ତ୍ତନ ଠାରୁ ଆରମ୍ଭ କରି ନୂତନ GST ସ୍ଲାବ ଏବଂ କାର୍ଡ ଫି ପର୍ଯ୍ୟନ୍ତ ୭ଟି ବଡ଼ ପରିବର୍ତ୍ତନ ହେବାକୁ ଯାଉଛି।
ଆଧାର ଅପଡେଟ ଫି ପରିବର୍ତ୍ତନ
ଭାରତୀୟ ଅନନ୍ୟ ପରିଚୟ କର୍ତ୍ତୃପକ୍ଷ (UIDAI) ପିଲାମାନଙ୍କ ଆଧାର କାର୍ଡରେ ବାୟୋମେଟ୍ରିକ ଅପଡେଟ ପାଇଁ ୧୨୫ଟଙ୍କା ଫି ଛାଡ଼ କରିଛି। ଏହି ଫି ଏକ ବର୍ଷ ପାଇଁ ମାଗଣା ହେବ। ବୟସ୍କମାନଙ୍କ ପାଇଁ, ନାମ, ଜନ୍ମ ତାରିଖ, ଠିକଣା କିମ୍ବା ମୋବାଇଲ ନମ୍ବର ଭଳି ବିବରଣୀ ଅପଡେଟ କରିବା ପାଇଁ ୭୫ଟଙ୍କା ଖର୍ଚ୍ଚ ହେବ। ଫିଙ୍ଗରପ୍ରିଣ୍ଟ କିମ୍ବା ଆଇରିସ ସ୍କାନ ଭଳି ବାୟୋମେଟ୍ରିକ ଅପଡେଟ ପାଇଁ ୧୨୫ଟଙ୍କା ଖର୍ଚ୍ଚ ହେବ।
ନୂତନ ବ୍ୟାଙ୍କ ନାମାଙ୍କନ ନିୟମ
ନଭେମ୍ବର ୧ରୁ, ବ୍ୟାଙ୍କଗୁଡ଼ିକ ବ୍ୟବହାରକାରୀଙ୍କୁ ଏକ ଆକାଉଣ୍ଟ, ଲକର କିମ୍ବା ସୁରକ୍ଷିତ ଜମା ପାଇଁ ଚାରି ଜଣଙ୍କୁ ମନୋନୀତ କରିବାକୁ ଅନୁମତି ଦେବେ। ଏହି ନୂତନ ନିୟମର ଲକ୍ଷ୍ୟ ପରିବାରଗୁଡ଼ିକ ପାଇଁ ଜରୁରୀକାଳୀନ ପରିସ୍ଥିତିରେ ପାଣ୍ଠି ପାଇବାକୁ ସହଜ କରିବା ଏବଂ ମାଲିକାନା ଉପରେ ବିବାଦକୁ ଏଡାଇବା। ନାମାଙ୍କନ ଯୋଗ କରିବା କିମ୍ବା ପରିବର୍ତ୍ତନ କରିବା ଏହି ପ୍ରକ୍ରିୟାକୁ ବ୍ୟବହାରକାରୀଙ୍କ ପାଇଁ ସରଳ କରାଯାଇଛି। ଆପଣ ଏବେ କୌଣସି ସମର୍ଥନକାରୀ ଡକ୍ୟୁମେଣ୍ଟ ଦାଖଲ ନକରି ଅନଲାଇନରେ ଆପଣଙ୍କର ଆଧାର ଠିକଣା, ଜନ୍ମ ତାରିଖ କିମ୍ବା ନାମ ଅପଡେଟ କରିପାରିବେ।
ନୂତନ GST ସ୍ଲାବ କାର୍ଯ୍ୟକାରୀ
ନଭେମ୍ବର ୧ଠାରୁ, ସରକାର କିଛି ସାମଗ୍ରୀ ପାଇଁ ସ୍ବତନ୍ତ୍ର ହାର ସହିତ ଏକ ନୂତନ ଦୁଇ-ସ୍ଲାବ GST ବ୍ୟବସ୍ଥା ଲାଗୁ ହେବ । ପୂର୍ବ ଚାରି-ସ୍ଲାବ ସିଷ୍ଟମ ୫%, ୧୨%, ୧୮%, ଏବଂ ୨୮% କୁ ପରିବର୍ତ୍ତନ କରାଯିବ।। ୧୨% ଏବଂ ୨୮% ସ୍ଲାବ ହଟାଯିବ, ଯେତେବେଳେ ବିଳାସପୂର୍ଣ୍ଣ ଏବଂ ବିପଦପୂର୍ଣ୍ଣ ସାମଗ୍ରୀ ୪୦% ହାରରେ ରହିବ। ଏହି ପଦକ୍ଷେପ ଭାରତର ପରୋକ୍ଷ ଟିକସ ଗଠନକୁ ସରଳ କରିବା ଲକ୍ଷ୍ୟ ରଖିଛି।
NPSରୁUPS ସମୟ ସୀମା ବୃଦ୍ଧି
ଜାତୀୟ ପେନସନ ସିଷ୍ଟମ (NPS)ରୁ ଏକୀକୃତ ପେନସନ ଯୋଜନା (UPS)କୁ ସ୍ଥାନାନ୍ତରିତ ହେବାକୁ ଚାହୁଁଥିବା କେନ୍ଦ୍ର ସରକାରୀ କର୍ମଚାରୀମାନେ ବର୍ତ୍ତମାନ ପ୍ରକ୍ରିୟା ସମାପ୍ତ କରିବାକୁ ନଭେମ୍ବର ୩୦ ତାରିଖ ପର୍ଯ୍ୟନ୍ତ ସମୟ ପାଇପାରିବେ। ଏହି ସମ୍ପ୍ରସାରଣ କର୍ମଚାରୀମାନଙ୍କୁ ସମୀକ୍ଷା ଏବଂ ପରିବର୍ତ୍ତନ କରିବାକୁ ଅଧିକ ସମୟ ଦେଇଥାଏ।
ସମସ୍ତ ଅବସରପ୍ରାପ୍ତ କେନ୍ଦ୍ର ଏବଂ ରାଜ୍ୟ ସରକାରୀ କର୍ମଚାରୀଙ୍କୁ ନଭେମ୍ବର ଶେଷ ସୁଦ୍ଧା ସେମାନଙ୍କର ବାର୍ଷିକ ଜୀବନ ପ୍ରମାଣପତ୍ର ଦାଖଲ କରିବାକୁ ପଡିବ। ଏହା ସେମାନଙ୍କ ବ୍ୟାଙ୍କ ଶାଖାରେ କିମ୍ବା ଜୀବନ ପ୍ରମାଣ ପୋର୍ଟାଲ ମାଧ୍ୟମରେ ଅନଲାଇନରେ କରାଯାଇପାରିବ। ସମୟସୀମା ଶେଷ ହେବା ଦ୍ୱାରା ପେନସନ ପେମେଣ୍ଟରେ ବିଳମ୍ବ କିମ୍ବା ବାଧା ସୃଷ୍ଟି ହୋଇପାରେ।
PNB ଲକର ଫି ପରିବର୍ତ୍ତନ
ପଞ୍ଜାବ ନ୍ୟାସନାଲ ବ୍ୟାଙ୍କ (PNB) ଖୁବ ଶୀଘ୍ର ସାରା ଭାରତରେ ଏହାର ଲକର ଭଡା ଫି କରିବକୁ ଯାଉଛି। ନୂତନ ହାର ଲକରର ଆକାର ଏବଂ ବର୍ଗ ଉପରେ ନିର୍ଭର କରିବ। ରିପୋର୍ଟ ଅନୁଯାୟୀ, ଅପଡେଟ ଫି ନଭେମ୍ବରରେ ଘୋଷଣା ହେବାର ଆଶା କରାଯାଉଛି ଏବଂ ବିଜ୍ଞପ୍ତିର ୩୦ ଦିନ ପରେ କାର୍ଯ୍ୟକାରୀ ହେବ।
SBI କାର୍ଡ ବ୍ୟବହାରୀଙ୍କ ପାଇଁ ନୂତନ ଫି
ଆଜିଠାରୁ SBI କାର୍ଡ ବ୍ୟବହାରକାରୀଙ୍କଠାରୁ MobiKwik ଏବଂ Cred ପରି ତୃତୀୟ-ପକ୍ଷ ଆପ ମାଧ୍ୟମରେ କରାଯାଇଥିବା ଶିକ୍ଷା ସମ୍ବନ୍ଧୀୟ ପେମେଣ୍ଟ ଉପରେ ୧% ଫି ଆଦାୟ କରାଯିବ। ଏହା ସହିତ, SBI କାର୍ଡ ବ୍ୟବହାର କରି ଡିଜିଟାଲ ୱାଲେଟରେ ୧,୦୦୦ରୁ ଅଧିକ କାରବାର ପାଇଁ ମଧ୍ୟ ୧% ଫି ଲାଗୁ ହେବ।
ଆଜି ମହାପ୍ରଭୁଙ୍କ ଶେଷ ରାଧାଦାମୋଦର ବେଶ ; ଦିବ୍ୟ ଦର୍ଶନ କରିବା ପାଇଁ ପୁରୀରେ ଭକ୍ତଙ୍କ ପ୍ରବଳ ଭିଡ଼
ନନ୍ଦିଘୋଷ ବ୍ୟୁରୋ : ଆଜି ମହାପ୍ରଭୁଙ୍କ ଶେଷ ରାଧାଦାମୋଦର ବେଶ । ଦିବ୍ୟ ଦର୍ଶନ କରିବା ପାଇଁ ପୁରୀରେ ଭକ୍ତଙ୍କ ପ୍ରବଳ ଭିଡ଼ । ପବିତ୍ର କାର୍ତ୍ତିକ ମାସ ଆରମ୍ଭରୁ ପ୍ରଭାପ୍ରଭୁଙ୍କ ରାଧାଦାମୋଦର ବେଶ ଅନୁଷ୍ଠିତ ହୋଇ ଆସୁଥିଲା । ତେବେ ଆଜି ଏହି ବେଶର ଶେଷ ଦିନ ରହିଛି । ସେପଟେ କାଲିଠୁ ଆରମ୍ଭ ହେବ ପଞ୍ଚୁକ । ଚିଳିବର୍ଷ ଚାରିଦିନ ପାଳନ ହେବ ପଞ୍ଚକ । ଏହି ପଞ୍ଚକ ଚାରି ଦିନରେ ଭିନ୍ନ ଭିନ୍ନ ଦିନରେ ମହାପ୍ରଭୁଙ୍କ ଅନୁଷ୍ଠିତ ହେବ ସ୍ବତନ୍ତ୍ରୀ ବେଶ ନୀତି । ଏକାଦଶୀରେ ଲକ୍ଷ୍ମୀନାରାୟଣ ବେଶରେ ଦେଶନ ଦେବେ ମହାପ୍ରଭୁ । ସେହିଭଳି ୩ ତାରିଖରେ ଡାଳିକିଆ ବା ତ୍ରିବିକ୍ରମ ବେଶ, ୪ ତାରିଖରେ ଲଷ୍ମୀ ନୃସିଂହ ବେଶ ଓ ୫ ତାରିଖରେ ପବିତ୍ର କାର୍ତ୍ତିକ ପୂର୍ଣ୍ଣିମା ଅବସରରରେ ରାଜାଧିରାଜ ବା ସୁନାବେଶ ଅନୁଷ୍ଠିତ ହେବ। ତେବେ ଚଳିତବର୍ଷ ତିଥିରେ କ୍ଷୟ ପଡୁଥିବାରୁ ବାଙ୍କଚୁଡା ବେଶ ଅନୁଷ୍ଠିତ ହେବ ନାହିଁ। ମହାପ୍ରଭୁଙ୍କର ପଞ୍ଚୁକରେ ଏହି ବେଶ ଦର୍ଶନ ନେଇ ହଜାର ହଜାର ଭକ୍ତ ଓ ହବିଷ୍ୟାଳିଙ୍କ ଭିଡ଼ ଜମିବ । ଏହାକୁ ନଜରରେ ରଖି ପୋଲିସ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରାଯାଇଥିବା ବେଳେ ବ୍ୟାପକ ଫୋର୍ସ ମୃତୟନ କରାଯିବ ।
ନୂଆପଡାର ପୂର୍ବତନ ବିଧାୟକ ରାଜେନ୍ଦ୍ର ଢୋଲକିଆ କାହାର, ବିଜେଡିର ନା ବିଜେପିର ?
ନୂଆପଡାର ପୂର୍ବତନ ବିଧାୟକ ରାଜେନ୍ଦ୍ର ଢୋଲକିଆ କାହାର, ବିଜେଡିର ନା ବିଜେପିର ?
ନନ୍ଦିଘୋଷ ବ୍ୟୁରୋ: ନୂଆପଡାର ପୂର୍ବତନ ବିଧାୟକ ରାଜେନ୍ଦ୍ର ଢୋଲକିଆ କାହାର ? ବିଜେଡିର ନା ବିଜେପିର ? ଏହାକୁ ନେଇ ପୂର୍ବରୁ କୌଣସି ବିବାଦ ନଥିବା ବେଳେ, ଏବେ ହଠାତ ଜିଲ୍ଲାପାଳ କେଁ ପୂରାଇଛନ୍ତି । ବିଜେଡି ନିଜର ପ୍ରଚାର ଭିଡିଓରେ ରାଜେନ୍ଦ୍ର ଢୋଲକିଆଙ୍କ ଭିଡିଓ ବ୍ୟବହାର କରିପାରିବ ନାହିଁ ବୋଲି ଆପତ୍ତି ଉଠାଇଛନ୍ତି ଜିଲ୍ଲାପାଳ । ଏନେଇ ଆଜି ବିଜେଡି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଫେରାଦ ହୋଇଛି । ସେପଟେ ଆସନ୍ତା ତିନି ତାରିଖରେ ନବୀନଙ୍କ କୋମନା ଜନସଭାକୁ ଭଣ୍ଡୁର କରିବାକୁ ମଧ୍ୟ ପଞ୍ଚାୟତିରାଜ ମନ୍ତ୍ରୀ ଷଡଯନ୍ତ୍ର କରୁଛନ୍ତି ବୋଲି ମଧ୍ୟ ବିଜେଡି ଅଭିଯୋଗ କରିଛି ।
ବିଜୁ ବାବୁଙ୍କଠାରୁ ନବୀନ ବାବୁଙ୍କ ପର୍ଯ୍ୟନ୍ତ ବିଜୁ ପରିବାର ସହ ଥିଲେ ସ୍ବର୍ଗତ ରାଜେନ୍ଦ୍ର ଢୋଲକିଆ । ହେଲେ ପ୍ରଚାର ବେଳେ ତାଙ୍କ ଫଟୋ ବ୍ୟବହାର କରିପାରିବନି ବିଜେଡି । ଜିଲ୍ଲାପାଳଙ୍କ ଏଭଳି କଟକଟଣାକୁ ନେଇ ଆପତ୍ତି ଉଠାଇଲା ବିଜେଡି । ଅଭିଯୋଗ କରିଛି ବିଜେପି ନିର୍ଦ୍ଦେଶରେ କାମ କରୁଛନ୍ତି ଜିଲ୍ଲା ପ୍ରଶାସନ । ନୂଆପଡା ଉପନିର୍ବାଚନ ପାଇଁ ତିନି ଦଳର ପ୍ରଚାର ଜୋର ଧରିଛି । ଉଭୟ ବିଜେପି ଓ ବିଜେଡି ସ୍ବର୍ଗତ ରାଜେନ୍ଦ୍ର ଢୋଲକିଆଙ୍କ ଫଟୋ ସହ ପ୍ରଚାର କରୁଛନ୍ତି । ଏବେ ହଠାତ ବିଜେଡିର ଏକ ପ୍ରଚାର ଭିଡିଓକୁ ନେଇ ଆପତ୍ତି ଉଠାଇଛନ୍ତି ଜିଲ୍ଲାପାଳ । ବିଜେଡିର ପ୍ରଚାର ଭିଡିଓରେ ରାଜେନ୍ଦ୍ର ଢୋଲକିଆଙ୍କ ଦୁଇ ସେକେଣ୍ଡର ଭିଡିଓ ବ୍ୟବହାର ହୋଇଥିଲା । କିନ୍ତୁ ବିଜେଡି ରାଜେନ୍ଦ୍ର ଢୋଲକିଆଙ୍କ ଫଟୋ ବ୍ୟବହାର କରିପାରିବେ ନାହିଁ ବୋଲି ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି । ବିଜେପି ନୂଆପଡାରେ ହାରିଯିବା ଭୟରେ ଜିଲ୍ଲା ପ୍ରଶାସନର ଦୁରୁପଯୋଗ କରୁଛି ଓ ଜିଲ୍ଲାପାଳ ବିଜେପି ନେତାଙ୍କ ଇଙ୍ଗିତରେ ବିଜେଡି ଉପରେ କଟକଣା ଲଗାଉଥିବା ବିଜେଡି ଅଭିଯୋଗ କରିଛି । ରାଜେନ୍ଦ୍ର ଢୋଲକିଆ ବିଜେଡି ସହ ଥିଲେ ଆଉ ତାଙ୍କ ଅବର୍ତ୍ତମାନରେ ଏହି ଉପନିର୍ବାଚନ ହେଉଛି । ତେଣୁ ବିଜେଡିର ପୂରା ଅଧିକାର ସ୍ବର୍ଗତ ରାଜେନ୍ଦ୍ର ଢୋଲକିଆଙ୍କ ଫଟୋ ବ୍ୟବହାର କରିବାର । ବିଜେପି ମଧ୍ୟ ରାଜେନ୍ଦ୍ରଙ୍କ ଫଟୋ ବ୍ୟବହାର କରୁଛି । ବିଜେଡି ତ ଏହାର ପ୍ରତିବାଦ କରିନି । ବିଜେପି ନେତାମାନେ ନିର୍ବାଚନ ହାରିଯିବା ଭୟରେ ଜିଲ୍ଲା ପ୍ରଶାସନକୁ ବ୍ୟବହାର କରି ବିଜେଡି ଉପରେ କଟକଣା ଲଗାଉଥିବା ବିଜେଡି ଅଭିଯୋଗ କରିଛି ।
ଏହି ପ୍ରସଙ୍ଗରେ ବିଜେଡିର ଏକ ଟିମ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ମଧ୍ୟ ଫେରାଦ ହୋଇଛି । ବିଜେଡିର ଯୁକ୍ତି ସ୍ବର୍ଗତ ରାଜେନ୍ଦ୍ର ଢୋଲଖିଆ ପୂର୍ବରୁ ବିଜୁ ବାବୁଙ୍କ ସହ ଜନତା ଦଳ ଓ ନବୀନ ପଟ୍ଟନାୟକଙ୍କ ସହ ବିଜେଡି ସହ କାର୍ଯ୍ୟ କରିଛନ୍ତି । ରାଜୁ ଭାଇ ଢୋଲଖିଆ ହେଉଛନ୍ତି ବିଜେଡିର ସମ୍ପତ୍ତି । ତାଙ୍କ ପୁଅ ଜୟ ଢୋଲଖିଆ ବିଜେପିରୁ ପାର୍ଥୀ ହୋଇଥିବାରୁ ରାଜୁ ଢୋଲକିଆଙ୍କ ଫଟୋ ଲାଗିଲେ କାଳେ ବିଜେପି ହାରିଯିବ, ଏହି ଭୟରେ ଶାସକ ଦଳ କଥାରେ ଜିଲ୍ଲାପାଳ ବିଜେଡି ଉପରେ ଅଙ୍କୁଶ ଲଗାଉଥିବା ବିଜେଡି ଅଭିଯୋଗ କରିଛି । ସେପଟେ ବିଜେପି କରିଛି ବିତଣ୍ଡା ଯୁକ୍ତି ।
ନୂଆପଡାରେ ପୋଲିସ ଓ ପ୍ରଶାସନର ବ୍ୟାପକ ଅପବ୍ୟବହାର ଅଭିଯୋଗ
ନୂଆପଡାରେ ପୋଲିସ ଓ ପ୍ରଶାସନର ବ୍ୟାପକ ଅପବ୍ୟବହାର ଅଭିଯୋଗ
ନନ୍ଦିଘୋଷ ବ୍ୟୁରୋ: ନୂଆପଡାରେ ପୋଲିସ ଓ ପ୍ରଶାସନର ବ୍ୟାପକ ଅପବ୍ୟବହାର ଅଭିଯୋଗ । କେତେବେଳେ ବିଜେଡି ନେତାଙ୍କ ଘରେ ବିନା ସର୍ଚ୍ଚ ଓ୍ବାରେଣ୍ଟରେ ଅଚାନକ ଚଢାଉ କରାଯାଉଛି ତ କେତେବେଳେ କଂଗ୍ରେସ ସାମ୍ବାଦିକ ସମ୍ମିଳନୀରେ ବେଳେ ପୋଲିସ ପଶି ନାଲିଆଖି ଦେଖାଉଛି । ଦୁଇ ଦିନ ପୂର୍ବରୁ କଂଗ୍ରେସ ସାମ୍ବାଦିକ ସମ୍ମିଳନୀ ସମୟରେ ପୋଲିସ ପଶି ଯାଇଥିଲା । ଆଜି ପୂର୍ବତନ ମନ୍ତ୍ରୀ ପ୍ରୀତିରଞ୍ଜନ ଘଡେଇ ରହୁଥିବା ଭଡା ଘରେ ପଶି ଖାନତଲାସୀ କରିଛି ପୋଲିସ । ତାହା ପୁଣି ବିନା ସର୍ଚ୍ଚ ୱାରେଣ୍ଟରେ । ପ୍ରତିବାଦ କରିବାକୁ କେୟାର ଟେକରଙ୍କୁ ମାଡ ମରାଯାଇଥିବା ଅଭିଯୋଗ ହୋଇଛି ।
ନୂଆପଡା ଉପନିର୍ବାଚନରେ ବିଜେପିକୁ ଘାରିଛି କି ହାରିଯିବାର ଭୟ ? ଭୟରେ ବିଜେଡି ନେତାଙ୍କ ଘରେ ଅତର୍କିତ ଚଢାଉ ଅଭିଯୋଗ । ବିରୋଧୀଙ୍କୁ ଭୟଭୀତ କରିବାକୁ ସରକାରୀ କଳର କରାଯାଉଛି ଅପବ୍ୟବହାର । ନୂଆପଡା ଉପନିର୍ବାଚନ ଦିନ ଯେତିକି ପାଖଉଛି, ପୋଲିସ ଓ ପ୍ରଶାସନିକ କଳର ଅପବ୍ୟବହାର ସେତିକି ଘନେଇବା ଆରମ୍ଭ ହୋଇଛି । ଆଜି ପୂର୍ବତନ ମନ୍ତ୍ରୀ ପ୍ରୀତିରଂଜନ ଘଡେଇ ରହୁଥିବା ଭଡା ଘରେ ପୋଲିସ କରିଥିଲା ଚଢାଉ । ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବାକୁ ଆସିଥିବା ପ୍ରୀତିରଂଜନ ଖରିଆର ରୋଡ ଏନଏସିରେ ଏକ ଭଡା ଘରେ ରହୁଥିଲେ । ଆଜି ସେ ପ୍ରଚାରକୁ ଯିବା ପରେ ବିନା ସର୍ଚ୍ଚ ୱାରେଣ୍ଟରେ ତାଙ୍କ ଘରେ ପୋଲିସ କରିଥିଲା ଚଢାଉ । ଘରେ କେବଳ କେୟାରଟେକର ରାକେଶ କୁମାର ପଣ୍ଡା ଥିଲେ । ମାଜିଷ୍ଟ୍ରେଟଙ୍କ ସହ ଖରିଆର ରୋଡ଼ ପୋଲିସର ଏକ ଟିମ ପ୍ରୀତିରଂଜନଙ୍କ ଘର ଖାନତଲାସ କରିବାକୁ ଆସିଥିଲେ । ବିନା ସର୍ଚ୍ଚ ୱାରେଣ୍ଟରେ ଚଢାଉ ପାଇଁ ଆସିଥିବା ପୋଲିସ ଟିମକୁ କେୟାର ଟେକର ବିରୋଧ କରିବାରୁ ତାଙ୍କୁ ମାଡ ମରାଯାଇଥିବା ଅଭିଯୋଗ ହୋଇଛି । ବିଜେପି ହାରିଯିବା ଭୟରେ ଏଭଳି ଆଚରଣ ବିଧିର ଖୋଲା ଉଲଂଘନ କରୁଥିବା ବିଜେଡି ଅଭିଯୋଗ କରିଛି ।
ସମାନ ଅଭିଯୋଗ ଆଣିଛି କଂଗ୍ରେସ । ନୂଆପଡାରେ ସରକାରୀ କଳକୁ କାମରେ ଲଗାଇଛନ୍ତି ଡବଲ ଇଞ୍ଜିନ ସରକାର । ନୂଆପଡାରେ ବିରୋଧୀଙ୍କ ବିରୋଧରେ ସରକାରୀ କଳକୁ ବିଜେପି ବ୍ୟବହାର କରୁଛି ବୋଲି ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନ ଅଭିଯୋଗ କରିଛନ୍ତି । ବିଜେପି ସରକାରୀ କର୍ମଚାରୀ ଓ ପୋଲିସକୁ ଭୋଟରଙ୍କୁ ପ୍ରଭାବିତ କରିବାକୁ କାମରେ ଲଗାଇଛି । ଏମାନଙ୍କର ନୂଆପଡ଼ାବାସୀଙ୍କ ସହ କୌଣସି ସଂପର୍କ ନାହିଁ । କାରଣ ସରକାରୀ କର୍ମଚାରୀ ଓ ପୋଲିସ ଲୋକମାନଙ୍କ ତଣ୍ଟି ଚିପିଛନ୍ତି । ଗତ ଦେଢ ବର୍ଷ ଭିତରେ ନୂଆପଡାରେ ଗୋଟିଏ ହେଲେ ବିକାଶମୂଳକ କାମ ହୋଇନାହିଁ । ଛାତ୍ର, ଯୁବକ, ଚାଷୀ ଓ ମହିଳାଙ୍କ ବିକାଶ ପାଇଁ ଦୃଷ୍ଟି ଦିଆଯାଇ ନାହିଁ । ଏବେ ବି ସେଠି ଯୁବକ ଦାଦନ ଯାଉଛନ୍ତି । ତେଣୁ ବିଜେପି ଜାଣିଗଲାଣି ନୂଆପଡାରେ ଦଳ ହାରିଯିବ । ତେଣୁ ସରକାରୀ ଅଧିକାରୀଙ୍କୁ ଭୋଟରଙ୍କୁ ପ୍ରଭାବିତ କରିବା କାମରେ ନିୟୋଜିତ କରାଯାଇଛି ବୋଲି ସେ ଅଭିଯୋଗ କରିଛନ୍ତି ।
ବିରୋଧୀଙ୍କ ଅଭିଯୋଗ ଉପରେ ଶାସକ ଦଳର ପ୍ରତିକ୍ରିୟା ମିଳିପାରିନି । ଏପରିକି ପୋଲିସ ମଧ୍ୟ କୌଣସି ସ୍ପଷ୍ଟୀକରଣ ଦେଇନାହିଁ । କିନ୍ତୁ ଭୋଟ ପୂର୍ବରୁ ପୋଲିସର ଏଭଳି ଦାଦାଗିରିକୁ ନେଇ ସାଧାରଣରେ ପ୍ରତିକ୍ରିୟା ପ୍ରକାଶ ପାଇଛି ।
ନୂଆପଡ଼ାରେ ନବୀନଙ୍କ ପ୍ରଚାରକୁ ଭଣ୍ଡୁର କରିବାକୁ ବିଜେପିର ଷଡଯନ୍ତ୍ର
ନୂଆପଡ଼ାରେ ନବୀନଙ୍କ ପ୍ରଚାରକୁ ଭଣ୍ଡୁର କରିବାକୁ ବିଜେପିର ଷଡଯନ୍ତ୍ର
ନନ୍ଦିଘୋଷ ବ୍ୟୁରୋ: ନୂଆପଡ଼ା ଉପନିର୍ବାଚନ ପାଇଁ ନଭେମ୍ବର ୩ ତାରିଖରେ ପ୍ରଚାରକୁ ଓହ୍ଲାଇବେ ବିଜେଡି ସଭାପତି ନବୀନ ପଟ୍ଟନାୟକ । କୋମନା ବ୍ଲକର ତରବୋଡ଼ ଧାନମଣ୍ଡି ପଡ଼ିଆରେ ରହିଛି ନବୀନଙ୍କ ପ୍ରଚାର କାର୍ଯ୍ୟକ୍ରମ । ହେଲେ ନବୀନଙ୍କ ପ୍ରଚାରକୁ ଭଣ୍ଡୁର କରିବାକୁ ବିଜେପି କରିଛି ଷଡ଼ଯନ୍ତ୍ର । ଖୋଦ ଏ ନେଇ ଆଜି ବିଜେଡି ଅଭିଯୋଗ କରିଛି । ଆଉ ଏହି ଷଡ଼ଯନ୍ତ୍ର ପଛରେ ଅଛନ୍ତି ରାଜ୍ୟର ପଞ୍ଚାୟତି ରାଜ ମନ୍ତ୍ରୀ ରବି ନାଏକ । ନବୀନ ଯେଉଁଠି ସଭା କରିବେ ସେଠି ଲକ୍ଷାଧିକ ଗାଁ ସାଥୀ ଏକାଠି ହୋଇ ଶକ୍ତି ପ୍ରଦର୍ଶନ କରିବାକୁ ନିଜେ ମନ୍ତ୍ରୀ ଗାଁ ସାଥୀ ସଭାପତିଙ୍କୁ ଦେଇଛନ୍ତି ପ୍ରସ୍ତାବ ।
ଗାଁ ସାଥୀ ସଭାପତି ନିଜେ ଅଡିଓ ଜାରି କରି ମନ୍ତ୍ରୀଙ୍କୁ ଧରା ପକାଇଛନ୍ତି । ପ୍ରଶ୍ନ ଉଠୁଛି ନୂଆପଡ଼ା ଉପନିର୍ବାଚନ ପାଇଁ ସମଗ୍ର ଜିଲ୍ଲା ପାଇଁ ଆଦର୍ଶ ଆଚରଣ ବିଧି ଲାଗିଛି । ହେଲେ ଖୋଦ ସରକାରୀ ଦଳର ମନ୍ତ୍ରୀ ଗାଁ ସାଥୀ କର୍ମୀଙ୍କ ଶକ୍ତି ପ୍ରଦର୍ଶନରେ ଯୋଗ ଦେଇ ସେମାନଙ୍କ ଦାବି ପୂରଣ ନେଇ କିଛି ଘୋଷଣା କରିବାର କାର୍ଯ୍ୟକ୍ରମ ରହିଛି । ଅସଲ କଥା ହେଉଛି, ଆସନ୍ତା ୨ ତାରିଖରେ ଗାଁ ସାଥୀ ସେମାନଙ୍କ ଦାବି ପୂରଣ ପାଇଁ ସରକାରଙ୍କ ଉପରେ ଚାପ ପକାଇବାକୁ ଭୁବନେଶ୍ବରରେ ଏକାଠି ହେବାର କାର୍ଯ୍ୟକ୍ରମ ଥିଲା । କିନ୍ତୁ ମନ୍ତ୍ରୀ ନିଜେ ଗତ ୨୮ ତାରିଖ ସନ୍ଧ୍ୟାରେ ଗାଁ ସାଥୀ ସଭାପତି ଲକ୍ଷ୍ମୀଧର ବିଶ୍ବାଳଙ୍କୁ ଫୋନ କରି ଭୁବନେଶ୍ବର ପରିବର୍ତ୍ତେ ନୂଆପଡ଼ାର ତରବୋଡ ଧାନମଣ୍ଡି ପଡ଼ିଆରେ ସମାବେଶ କରିବାକୁ କହିଲେ । କାହିଁକି ଓ କ’ଣ ପାଇଁ ଜଣେ ମନ୍ତ୍ରୀ ଏପରି କଲେ ତାକୁ ନେଇ ଏବେ ଉଠିଛି ପ୍ରଶ୍ନ ।
ପ୍ରଚାର ପାଇଁ ଦୁଇ ଥର ନୂଆପଡ଼ା ଯିବେ ନବୀନ, ଭିଡିଓ ବାର୍ତ୍ତାରେ ଦେଲେ ସୂଚନା
ନନ୍ଦିଘୋଷ ବ୍ୟୁରୋ: ଚଳିତ ଉପନିର୍ବାଚନରେ ଦୁଇ ଥର ପ୍ରଚାର କରିବା ପାଇଁ ନୂଆପଡ଼ା ଯିବେ ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଏନେଇ ନିଜେ ଭିଡ଼ିଓ ବାର୍ତ୍ତା ଜାରି କରି କହିଛନ୍ତି । କୋମନା ଅଞ୍ଚଳରେ ନବୀନଙ୍କ ପ୍ରଚାର ବାର୍ତ୍ତା କର୍ମୀଙ୍କ ମନରେ ଜୋଶ ଭରିଛି । ପ୍ରିୟ ନେତାଙ୍କୁ ପାଖରୁ ଦେଖିବା ପାଇଁ ଉତ୍କଣ୍ଠାର ସହିତ ଅପେକ୍ଷା କରିଛନ୍ତି ଜିଲ୍ଲାବାସୀ ।
‘୩ ତାରିଖରେ ନୂଆପଡ଼ା ଯିବି । ସମସ୍ତଙ୍କ ସହ ଦୁଇପଦ କଥା ହେବି । ପୁଣି ଆରମ୍ଭ ହେବ ସେବା ଓ ବିକାଶର ନୂଆ ଧାରା।’ ନୂଆପଡ଼ା ଉପନିର୍ବାଚନ ପ୍ରଚାରରେ ଯିବା ପୂର୍ବରୁ ଏପରି ଭିଡିଓ ବାର୍ତ୍ତା ଦେଇଛନ୍ତି ନବୀନ । ଭିଡ଼ିଓ ଜାରି ପରେ ନୂଆପଡ଼ା ବିଜେଡିରେ ସୃଷ୍ଟି ହୋଇଛି ଉତ୍ସାହର ମାହୋଲ ।
ଆଜି ବି ଜନତାଙ୍କ ହୃଦୟରେ ଅଛନ୍ତି ନବୀନ । ୨୪ ବର୍ଷର ସୁଶାସନକୁ ଝୁରି ହେଉଛନ୍ତି ଲୋକେ । ନୂଆପଡ଼ାରେ ପୁଣି ବିଜେଡିର ଗଡ଼ ବଜାୟ ରଖିବାକୁ କରିଛନ୍ତି ପଣ । ନୂଆପଡା ଉପନିର୍ବାଚନରେ ସୃଷ୍ଟି ହୋଇଛି ଏଭଳି ମାହୋଲ । ବିଜୁ ଜନତା ଦଳର ଗଡ଼କୁ ବଞ୍ଚାଇ ରଖିବାକୁ ଅଣ୍ଟା ଭିଡ଼ିଛନ୍ତି ଭୋଟର । ଏବେ ନୂଆପଡା କୋମନାରେ ନବୀନଙ୍କ ପ୍ରଚାର ପାଇଁ ଭିଡ଼ିଓ ବାର୍ତ୍ତା କର୍ମୀଙ୍କ ମନରେ ଜୋଶ ଭରିଛି । ସମସ୍ତଙ୍କୁ ବିଜୟ ବାନା ଉଡାଇବା ପାଇଁ ଦୃଢମନା କରିଛି ।
ନବୀନଙ୍କ ଭିଡ଼ିଓ ବାର୍ତ୍ତା ଜନସାଧାରଣଙ୍କୁ ସିଧା ସଳଖ ଭାବେ ଆକୃଷ୍ଟ କରିପାରିଛି । ଜିଲ୍ଲାବାସୀ ସେମାନଙ୍କର ପ୍ରିୟ ନେତାଙ୍କୁ ପାଖରୁ ଦେଖିବା ପାଇଁ ଉତ୍କଣ୍ଠାର ସହିତ ଚାହିଁ ବସିଛନ୍ତି । ସେପଟେ ନବୀନଙ୍କ ଗସ୍ତ କାର୍ଯ୍ୟକ୍ରମକୁ ନେଇ ବିରୋଧୀ ମହଲରେ ଭାଳେଣି ପଡିଲାଣି । ଏହାକୁ ଭଣ୍ଡୁର କରିବାକୁ ଜୋରଦାର ଉଦ୍ୟମ ଆରମ୍ଭ ହୋଇଥିବା ଅଭିଯୋଗ ବାଢିଛନ୍ତି ବିଜେଡି ଉପସଭାପତି ଅତନୁ ସବ୍ୟସାଚୀ ନାୟକ । କିନ୍ତୁ ନୂଆପଡ଼ାରେ ବିଜୁ ଜନତା ଦଳର ବୃହତ୍ ବିଜୟ ସୁନିଶ୍ଚିତ ବୋଲି କହିଛନ୍ତି ବିଜେଡ଼ି ନେତା ଓ କର୍ମୀ ।
ଆସନ୍ତା ୭ ତାରିଖରେ ମଧ୍ୟ ନୂଆପଡ଼ା ପ୍ରଚାରରେ ଯୋଗଦେବେ ନବୀନ ପଟ୍ଟନାୟକ । ନବୀନ ଯେଉଁଠି ଠିଆ ହୋଇଯାଆନ୍ତି, ସେଠାରୁ ଆରମ୍ଭ ହୁଏ ବିକାଶ ଧାରା । ବିଜେଡି କର୍ମୀଙ୍କ ମଧ୍ୟରେ ଭରିଯାଏ ଶତ ସିଂହର ବଳ । ନବୀନଙ୍କ ଆଗରେ କାମ ଦିଏନି ଅନ୍ୟ ଦଳର ରଣକୌଶଳ ।
ନୂଆପଡ଼ା ଉପନିର୍ବାଚନରେ ପୋଲିସର ଅପବ୍ୟବହାର: ବିଜେଡି ନେତା ପ୍ରୀତିରଞ୍ଜନ ଘଡ଼ାଇଙ୍କ ଭଡ଼ା ଘରେ ଚଢ଼ାଉ, କେୟାରଟେକରକୁ ମାଡ଼ ଅଭିଯୋଗ
ନୂଆପଡ଼ା ଉପନିର୍ବାଚନରେ ପୋଲିସର ଅପବ୍ୟବହାର: ବିଜେଡି ନେତା ପ୍ରୀତିରଞ୍ଜନ ଘଡ଼ାଇଙ୍କ ଭଡ଼ା ଘରେ ଚଢ଼ାଉ, କେୟାରଟେକରକୁ ମାଡ଼ ଅଭିଯୋଗ
ନନ୍ଦିଘୋଷ ବ୍ୟୁରୋ: ନୂଆପଡ଼ାରେ ହାରିବା ସୁନିଶ୍ଚିତ ଜାଣି କଳବଳ କୌଶଳ ଲଗାଇ ଦେଇଛି ଶାସକ ଦଳ । ବିଜେଡି ନେତାଙ୍କୁ କରାଯାଉଛି ଟାର୍ଗେଟ । ଅପବ୍ୟବହାର ହୋଉଛି ପୋଲିସ ପ୍ରଶାସନ । ଖରିଆର ରୋଡରେ ବିଜେଡି ନେତା ପ୍ରୀତିରଞ୍ଜନ ଘଡ଼ାଇଙ୍କ ଭଡ଼ା ଘରେ ପୋଲିସର ଚଢ଼ାଉ । ନିର୍ବାଚନ ସମୟରେ ବିନା ଅନୁମତିରେ ଯାଞ୍ଚକୁ ବିରୋଧ କରିଛି ବିଜେଡି ।
ପ୍ରୀତିରଞ୍ଜନ ଘଡେଇ ଘରେ ନଥିବା ବେଳେ ମାଜିଷ୍ଟ୍ରେଟଙ୍କ ଉପସ୍ଥିତିରେ ପୋଲିସ ତାଙ୍କ ଭଡ଼ା ଘରେ ଚଢ଼ାଉ କରିଥିଲା । ଏହି ସମୟରେ ପ୍ରୀତିରଞ୍ଜନଙ୍କ କେୟାରଟେକର ରାକେଶ ପଣ୍ଡା ଘରେ ଥିଲେ । ତେବେ ମାଜିଷ୍ଟ୍ରେଟଙ୍କ ଉପସ୍ଥିତିରେ ପୋଲିସ ରାକେଶଙ୍କୁ ମାଡ଼ ମାରିଥିବା ସେ ଅଭିଯୋଗ କରିଛନ୍ତି ।
ନିର୍ବାଚନ ସମୟରେ ବିନା ଅନୁମତିରେ ଏପରି ଯାଞ୍ଚକୁ ବିଜେଡି ବିରୋଧ କରିଛି । ଯାହାକୁ ନେଇ ନୂଆପଡ଼ାରେ ଅସନ୍ତୋଷ ପ୍ରକାଶ ପାଇଛି । ବିଜେପି ପୋଲିସକୁ ଲଗାଇ ନିର୍ବାଚନ ଆଚରଣ ବିଧି ଉଲଂଘନ କରୁଥିବା ନେଇ ବିଜେଡି ଅଭିଯୋଗ କରିଛି । ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦଳ ଦାବି କରିଛି ।
ନାବାଳକକୁ ଉଠାଇ ନେଇ ନିସ୍ତୁକ ମାଡ଼ ଭିଡିଓ ଭାଇରାଲ, ୭ ଅଭିଯୁକ୍ତଙ୍କୁ ବାନ୍ଧିଲା ପୋଲିସ
ନାବାଳକକୁ ଉଠାଇ ନେଇ ନିସ୍ତୁକ ମାଡ଼ ଭିଡିଓ ଭାଇରାଲ, ୭ ଅଭିଯୁକ୍ତଙ୍କୁ ବାନ୍ଧିଲା ପୋଲିସ
ନନ୍ଦିଘୋଷ ବ୍ୟୁରା: ଅସୁରକ୍ଷିତ ରାଜଧାନୀ । ଦିନ ଦ୍ବିପ୍ରହରରେ ଚାଲିଛି ଗୁଣ୍ଡାରାଜ । ନାବାଳକଙ୍କୁ ଅପହରଣ କରି ନିସ୍ତୁକ ମାଡ଼ । ଜୀବନରୁ ମାରି ଦେବାକୁ ଧମକ । ନା ପରିବାରର ପାଖରେ ନା ପୋଲିସ ପାଖରେ ଖବର । ନାବାଳକକୁ ନିସ୍ତୁକ ପିଟିବା ପରେ ବିନା ଭୟରେ ବୁଲୁଥିଲେ ଅସାମାଜିକ ଯୁବକ ଦଳ । ମାଡ଼ ବେଳର ଦୃଶ୍ୟ କରିଥିଲେ ରେକର୍ଡ । ଭିଡିଓ ଭାଇରାଲ ହେବା ପରେ ତତ୍ପର ହେଲା ପୋଲିସ । ୭ ଜଣଙ୍କୁ ଗିରଫ କରି ଚଲାଇଛି ତଦନ୍ତ ।
ଘଟଣା ରାଜଧାନୀ ଭୁବନେଶ୍ବର ଧଉଳୀ ଥାନା ଅଞ୍ଚଳର । ଗୋପୀନାଥପୁର କୃଷ୍ଣପୁର ଅଞ୍ଚଳରୁ ଜଣେ ୧୪ ବର୍ଷିୟ ନାବାଳକଙ୍କୁ ଉଠାଇ ନେଇଥିଲେ କିଛି ଯୁବକ । ଭିଡିଓରେ ଦେଖିବାକୁ ମିଳଛି, ନାବାଳକ ଜଣଙ୍କ ହାତଗୋଡ଼ ଧରି ଛାଡି ଦେବାକୁ ନେହୁରା ହେଉଛି । ହେଲେ, ରାକ୍ଷସ ପାଲଟି ଯାଇଥିଲେ ଏହି ଅସାମାଜିକ ଯୁବକମାନେ । ଆରମ୍ଭ କରିଦେଇଥିଲେ ମାଡ଼ । କିଏ ଚାପୁଡ଼ଶ ମାରୁଥିଲା ତ କିଏ ବିଧା । କିଏ ଗୋଇଠା ମାରୁଥିଲା ତ କିଏ ହାତ ବଳା ମାରି ମୁଣ୍ଡ ଫଟାଇବାକୁ ଚେଷ୍ଟା କରୁଥିଲା । ଏତିକିରେ ବି ସେମାନଙ୍କ ମନ ଶାନ୍ତି ହୋଇ ନଥିଲା । ହାତଗୋଡ଼ରେ କାମ ସାରିବା ପରେ ବାଡିରେ ପ୍ରହର ଆରମ୍ଭ କରି ଦେଇଥିଲେ । ପିଲାଟି ଯେତେ ନେହୁରା ହେଲେ ବି ସେମାନେ ତାକୁ ଛାଡି ନଥିଲେ ।
ସୂଚନା ଅନୁସାରେ, ପୂର୍ବ ଶତ୍ରୁତାରୁ ନାବାଳକ ଉପରେ ଆକ୍ରମଣ ହୋଇଥିବା ଜଣାପଡ଼ିଛି । ମାଡ଼ ମାରିଥିବା ଯୁବକମାନେ ଜୀବନରୁ ମାରି ଦେବାକୁ ଧମକ ଦେଇଥିବାରୁ ପିଲାଟି ଘଟଣା ସମ୍ପର୍କରେ ଘରେ କହି ନଥିଲା । ପରେ ଉକ୍ତ ଭିଡିଓଟିକୁ କେହି ଜଣେ ସୋସିଆଲ ମିଡ଼ିଆରେ ଭାଇରାଲ କରି ଦେଇଥିଲା । ଏହାପରେ ପୋଲିସ ତତ୍ପରତା ଦେଖାଇ ତନାଘନା ଆରମ୍ଭ କରିବା ସହ ୭ ଜଣଙ୍କୁ ଗିରଫ କରିଛି ।