ନୂଆପଡ଼ା: ନୂଆପଡ଼ା ଜିଲ୍ଲାରେ ମାଓବାଦୀ କ୍ୟାମ୍ପ ଠାବ ହେବା ସହ ବିପୁଳ ଅସ୍ତ୍ରଶସ୍ତ୍ର ଜବତ ହୋଇଛି । ନୂଆପଡା ଜିଲ୍ଲାର ପାଟଧରା ସଂରକ୍ଷିତ ଜଙ୍ଗଲ ଭଇସା ମୁଣ୍ଡି ଗାଁ ଜଙ୍ଗଲରେ ଯବାନଙ୍କ କୁମ୍ବିଂ ଅପରେସନରେ ଏହି ମାଓ କ୍ୟାମ୍ପ ଠାବ ହୋଇଛି । ସିଆରପିଏଫ ଚଢାଉ ବେଳେ ମାଓବାଦୀ ଛତ୍ରଭଙ୍ଗ ଦେଇଛନ୍ତି ।
ମାଓ କ୍ୟାମ୍ପରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ପୋରକ ସାମଗ୍ରୀ ଜବତ ହୋଇଛି । ୫ ଗୋଟି ବନ୍ଧୁକ ଶହ ଗୁଳି ଓ ବହୁ ମାତ୍ରାରେ ମାଓ ସାମଗ୍ରୀ ଜବତ କରିଛନ୍ତି ଯବାନ । ତେବେ ମାଓ ପ୍ରଭାବକୁ ସଂପୃକ୍ତ ଅଞ୍ଚଳରେ କମାଇବା ପାଇଁ ଯବାନମାନେ କ୍ରମାଗତ ଭାବେ ମାଓକ୍ୟାମ୍ପ ଧ୍ୱଂସ କରିବାରେ ଲାଗିଛନ୍ତି ।
ଭୁବନେଶ୍ୱର: ୨୨ ଦିନରେ ପହଞ୍ଚିଛି ଖୋର୍ଦ୍ଧା ସାରୁଅ ଷ୍ଟୁଡିଓ ସମ୍ମୁଖରେ ଠିକା କର୍ମଚାରୀଙ୍କ ଆନ୍ଦୋଳନ । ୫ ଦଫା ଦାବିରେ ଠିକା କର୍ମଚାରୀମାନେ ଆନ୍ଦୋଳନ ଜାରି ରଖିଛନ୍ତି । ସ୍ଥାୟୀ ନିଯୁକ୍ତି, ୧୫ ହଜାର ଟଙ୍କା ଦରମା ଭଳି ପାଞ୍ଚଟି ଦାବି ନେଇ ଆନ୍ଦୋଳନ ଚାଲିଛି । ମାମଲାକୁ ନେଇ ଆସନ୍ତା ୨୬ ତାରିଖରେ ଡିଭିଜନାଲ ଲେବର କମିଶନର ଶୁଣାଣି ଶେଷ ହେବ ।
ଗତ ବୁଧବାର ମାମଲାର ବିଚାର ପାଇଁ କମିଶନରଙ୍କ ନିକଟରେ ଓଟିଭି କର୍ତ୍ତୃପକ୍ଷଙ୍କ ସହ ଆନ୍ଦୋଳନରତ ଠିକା କର୍ମଚାରୀ ହାଜର ହୋଇଥିଲେ । ହେଲେ ଏହି ବୈଠକରେ କୌଣସି ନିସ୍କର୍ଷ ବାହାରି ପାରି ନଥିଲା । ଫଳରେ ଆସନ୍ତା ୨୬ ତାରିଖରେ ମାମାଲାର ବିଚାର ପାଇଁ ଅନ୍ତିମ ତଥା ଶେଷ ସୁଯୋଗ ଦେଇଛନ୍ତି ଡିଭିଜିନାଲ ଲେବର କମିଶନର । ନ୍ୟାୟ ପାଇଁ ପୂର୍ବରୁ ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କର ହସ୍ତକ୍ଷେପ ଲୋଡି ସ୍ମାରକପତ୍ର ପ୍ରଦାନ କରି ସାରିଛନ୍ତି ଠିକା କର୍ମଚାରୀ ।
ସେପଟେ ଏହି ଜମି କେଳେଙ୍କାରୀ ମାମଲାରେ କେତେବେଳେ ବି ଜୟ ଜଗିଙ୍କୁ ବାନ୍ଧିପାରେ କ୍ରାଇମବ୍ରାଞ୍ଚ । ମୂଳ ମାମଲା ରଦ୍ଦ କରିବାକୁ ହାଇକୋର୍ଟରେ ପଣ୍ଡା ଦମ୍ପତି ଅପିଲ ମଧ୍ୟ ଖାରଜ ହୋଇଯାଇଛି । ଫଳରେ ଯେକୌଣସି ମୁହୂର୍ତ୍ତରେ ଗିରଫ ହୋଇପାରନ୍ତି ପଣ୍ଡା ଦମ୍ପତ୍ତି । ଏହାକୁ ଏଡାଇବାକୁ ଯାଇ ଉଭୟ ସୁପ୍ରିମକୋର୍ଟରେ ଦ୍ବାରସ୍ଥ ହୋଇପାରନ୍ତି ।
ସେପଟେ କିନ୍ତୁ ଏଭଳି ମାମଲାରେ ସୁପ୍ରିମକୋର୍ଟ ଆଗୁଆ ଜାମିନ ଆବେଦନକୁ ଗ୍ରହଣ କରିବେ ନାହିଁ ବୋଲି ମତ ରଖିଛନ୍ତି ବରିଷ୍ଠ ଆଇନଜୀବୀ । ଦଳିତଙ୍କ ଜମି ହଡପ ଭଳି ସଙ୍ଗୀନ ମାମଲାରେ ଦୋଷୀଙ୍କ ପାଇଁ ରହିଛି ୧୦ବର୍ଷ ଜେଲ ଦଣ୍ଡ ବିଧାନ । ଫଳରେ ୭ବର୍ଷରୁ ଅଧିକ କୌଣସି ମାମଲାରେ ସୁପ୍ରିମକୋର୍ଟଙ୍କର ମଧ୍ୟ ଜାମିନ ପ୍ରଦାନ କରିବାର କ୍ଷମତା ନାହିଁ । ଫଳରେ ପଣ୍ଡା ଦମ୍ପତି ଗିରଫ ହୋଇ ପାରନ୍ତି ବୋଲି ଅନୁମାନ କରାଯାଉଛି ।
ଚିଲିକା: ଟାଙ୍ଗୀ ଚିଲିକା ବ୍ଲକ ରଘୁନାଥପୁରରେ ଚାଞ୍ଚଲ୍ୟକର ଘଟଣା ଘଟିଛି । ଜଣେ ନାବାଳକଙ୍କ ମୃତ୍ୟୁ ଶରୀର ଉଦ୍ଧାର କରାଯାଇଛି । ତେବେ ଅଞ୍ଚଳବାସୀଙ୍କ ଅଭିଯୋଗ ଅନୁଯାୟୀ, ନାବାଳକଙ୍କୁ ହତ୍ୟା କରି ଗଛରେ ଟାଙ୍ଗି ଦିଆଯାଇଛି । ମୃତ ନାବାଳାକ ଜଣକ ହେଲେ ପିନୁ ପ୍ରଧାନ । ଘଟଣା ଅନୁଯାୟୀ, ଗତକାଲି ଅପରାହ୍ନରେ ଗାଁ ପାଖ ମଶାଣି ପୋଖରୀକୁ ଗାଧୋଇବାକୁ ଯାଇ ଆଉ ଫେରିନଥିଲେ ପିନୁ ।
ବିଳମ୍ବ ହେବାରୁ ପରିବାର ଲୋକେ ଖୋଜା ଖୋଜି କରିଥିଲେ । ପରେ ଏକ ଗଛରେ ଉଲଗ୍ନ ଅବସ୍ଥାରେ ତାଙ୍କ ମୃତ ଦେହ ଝୁଲୁଥିବାର ଦେଖିବାକୁ ମିଲିଥିଲା । ଏହାପରେ ପରିବାର ଲୋକେ ପୋଲିସ ସହ ସମ୍ପର୍କ କରିଥିଲେ । ଖବର ପାଇ ପୋଲିସ୍ ଘଟଣାସ୍ଥଳରେ ପହଞ୍ଚିଛି ଓ ତଦନ୍ତ ଆରମ୍ଭ ।
କନ୍ଧମାଳ: ପୋଲିସ୍ ପକ୍ଷରୁ ଜାରି ରହିଛି ମିସନ୍ କ୍ଲିନ୍ ଗଞ୍ଜେଇ । କେ.ନୂଆଗାଁ ପୋଲିସ୍ ଓ ଅବକାରୀ ବିଭାଗ ପକ୍ଷରୁ ସାଇନପଡ଼ା ଅଞ୍ଚଳରେ ପୁଣି ମିଳିତ ଚଢ଼ାଉ କରାଯାଇଛି । ୩୭ କୋଟି ୫୦ଲକ୍ଷ ଟଙ୍କାର ବେଆଇନ୍ ଗଞ୍ଜେଇ ଗଛ ନଷ୍ଟ କରାଯାଇଛି । କେ.ନୂଆଗାଁ ଥାନା ସାଇନପଡ଼ା ପଞ୍ଚାୟତର ମାଙ୍କଡ଼ସୁଗା, ଗୋଛାପଡ଼ା, ମୁଣ୍ଡାରଗାଁ ଓ ଜାରେଙ୍ଗା ଅଞ୍ଚଳରେ ୩୭୫ ଏକର ଜଙ୍ଗଲ ଜମିରେ ହୋଇଥିଲା ବେଆଇନ୍ ଗଞ୍ଜେଇ ଚାଷ । ପୂର୍ବ ପ୍ରସ୍ତୁତି ଅନୁଯାୟୀ ଏହିସବୁ ଅଞ୍ଚଳରେ ଦୁଇଦିନିଆ ମିଳିତ ଅପରେସନ୍ କରି ବିପୁଳ ପରିମାଣର ବେଆଇନ୍ ଗଞ୍ଜେଇ ଗଛ କାଟିବା ସହ ସେଥିରେ ନିଆଁ ଲଗାଇ ନଷ୍ଟ କରାଯାଇଛି ।
ଲଗାତର କିଛି ଦିନ ଧରି ଏବେ କନ୍ଧମାଳ ବାଲିଗୁଡା ଅଞ୍ଚଳରେ ଚାଲିଛି ଗଞ୍ଜେଇ ନଷ୍ଟ ଅଭିଯାନ । ଏହା ପୂର୍ବରୁ ସିନ୍ଦ୍ରିଗାଁ ପଞ୍ଚାୟତ ଅଞ୍ଚଳରେ ୧୭୫ ଏକର ଜଙ୍ଗଲ ଜମିରେ ଗଞ୍ଜେଇ ଚାଷ ନଷ୍ଟ କରାଯାଇଛି । ପ୍ରାୟ ୧କୋଟି ୭୫ଲକ୍ଷ ଟଙ୍କାର ବେଆଇନ୍ ଗଞ୍ଜେଇ ଗଛ ନଷ୍ଟ କରାଯାଇଥିଲା । ଖାଲି ସେତିକି ନୁହେଁ ଗତ ୧୫ଦିନ ମଧ୍ୟରେ ବାଲିଗୁଡ଼ା ଅଞ୍ଚଳରେ ୫୯୫ ଏକର ଜଙ୍ଗଲ ଜମିରେ ହୋଇଥିବା ବେଆଇନ୍ ଗଞ୍ଜେଇ ଚାଷ ନଷ୍ଟ କରାଯାଇଛି । ଯାହାର ଆନୁମାନିକ ମୂଲ୍ୟ ପାଖାପାଖି ୬ କୋଟି ଟଙ୍କା ହେବ ବୋଲି ପୋଲିସ କହିଛି ।
ରାଉରକେଲା: ରାଉରକେଲା ସହରର ଷ୍ଟେସନ ରୋଡ ଅଞ୍ଚଳରେ ଥିବା ଏକ ହୋଟେଲ ସମ୍ମୁଖରେ ଜଣେ ଯୁବକଙ୍କୁ ୪ଜଣରୁ ଅଧିକ ଯୁବକ ନିସ୍ତୁକ ମାଡ ମାରୁଥିବା ଭିଡିଓ ଭାଇରାଲ ହୋଇଛି। ସଂପୃକ୍ତ ଯୁବକ ଜଣକ ମଧ୍ୟ ପ୍ରଦେଶ ଅଞ୍ଚଳରୁ ଆସି ରାଉରକେଲା ସହରର ଷ୍ଟେସନ ରୋଡ ଅଞ୍ଚଳରେ ଏକ ହୋଟେଲରେ କାମ କରୁଥିଲେ । ତାଙ୍କ ନାମ ଅମିର୍ ଖାଁ ।
ଗୁରୁତର ଅବସ୍ଥାରେ ରାଉରକେଲା ସରକାରୀ ଡାକ୍ତରଖାନାରେ ଚିକିତ୍ସା ପାଇଁ ଯୁବକକୁ ଭର୍ତ୍ତି କରାଯାଇଛି। ଅଭିଯୋଗ ପାଇବା ପରେ ପ୍ଲାଣ୍ଟ ସାଇଟ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଆକ୍ରମଣର ନିର୍ଦ୍ଧିଷ୍ଟ କାରଣ ଜଣାପଡ଼ିନଥିବା ବେଳେ ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି।
ବାଙ୍କୀ: କୂଅ ଭିତରୁ ଉଦ୍ଧାର ହେଲା ୬ ଫୁଟର ନାଗ ସାପ । କଟକ ବାଙ୍କୀ ଗୋପାଳପୁରର କ୍ଷୀରୋଦ ମହାପାତ୍ରଙ୍କ କୂଅରୁ ସାପକୁ ଉଦ୍ଧାର କରାଯାଇଛି । କୂଅରେ ସାପଟି ପଡିଥିବା ଦେଖି ସ୍ନେକ ହେଲପଲାଇନକୁ ଖବର ଦେବାପରେ ସ୍ନେକ ହେଲପ୍ ଲାଇନର ସଂଯୋଜକ ଲଳିତ ପଣ୍ଡା ଓ ସଦସ୍ୟ ଦୁର୍ଗାମାଧବ ମହାପାତ୍ର ପହଞ୍ଚି ସାପକୁ ଉଦ୍ଧାର କରିଛନ୍ତି । ଉଦ୍ଧାର ପରେ ସାପକୁ ପାଖ ଜଙ୍ଗଲରେ ଛାଡି ଦିଆଯାଇଛି ।
ଶନିବାର ବିଳମ୍ବିତ ରାତିରେ ଜଣେ ମହିଳା କୂଅରୁ ପାଣି ଆଣିବାକୁ ଯାଇଥିବେଳେ ସେଥିରେ ଏକ ବଡ଼ ସାପ ପଡିଥିବା ଦେଖିଥିଲେ । ସେ ଡରି ଯାଇ ଚିତ୍କାର କରିଥିଲେ । ଚିତ୍କାର ଶୁଣି ଗାଁ ଲୋକ ରୁଣ୍ଡ ହୋଇଥିଲେ । ପରେ ସେମାନେ ସାପଟିକୁ ଖୋଜା ଖୋଜି କରିଥିଲେ । ସାପକୁ ନ ପାଇବାରୁ ସେମାନେ ବାଧ୍ୟ ହୋଇ ସ୍ନେକ ହେଲ୍ପ ଲାଇନ୍ର ସଂଯୋଜକ ଲଳିତ ମୋହନ ପଣ୍ଡା ସହ ଯୋଗାଯୋଗ କରିଥିଲେ ।
ଖବର ପାଇ ସ୍ନେକ ହେଲ୍ପ ଲାଇନର ସଂଯୋଜକ ଲଳିତ ମୋହନ ପଣ୍ଡା ଓ ସଦସ୍ୟ ଦୁର୍ଗାମାଧବ ମହାପାତ୍ର ସେଠାରେ ପହଞ୍ଚି ସାପଟିକୁ କୂଅ ଭିତରୁ ଉଦ୍ଧାର କରିଥିଲେ ।
ଭୁବନେଶ୍ୱର: ଅବପାତର ରୂପ ନେବ ଦକ୍ଷିଣ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟ ଘୂର୍ଣ୍ଣିବଳୟ । ଏହାର ପ୍ରଭାବରେ ଦାନା ବାନ୍ଧୁଛି ଲଘୁଚାପ । ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ବର୍ଷା ହେବାର ଅନୁମାନ କରାଯାଉଛି । ଉପାନ୍ତରୁ ଉପକୂଳ, ସବୁଠି ସ୍ୱଳ୍ପରୁ ମଧ୍ୟମ ଧରଣର ବର୍ଷା ହେବ ବୋଲି ଆଞ୍ଚଳିକ ପାଣିପାଗ କେନ୍ଦ୍ର ପୂର୍ବାନୁମାନ କରିଛି। ମୟୂରଭଞ୍ଜ, ସୁନ୍ଦରଗଡ, କେନ୍ଦୁଝର, ଝାରସୁଗୁଡା, ଦେବଗଡ, ସମ୍ବଲପୁର, ବରଗଡ, ଢେଙ୍କାନାଳ, ଅନୁଗୁଳ, ବାଲେଶ୍ୱର, କନ୍ଧମାଳ ଓ କଳାହାଣ୍ଡି ଜିଲ୍ଲାରେ ସ୍ବଳ୍ପରୁ ମଧ୍ୟମ ଧରଣର ବର୍ଷା ହେବ ।
ବର୍ଷା ପାଇଁ କଟକ, କନ୍ଧମାଳ, କଳାହାଣ୍ଡି, ରାୟଗଡା, କୋରାପୁଟ, ଗଞ୍ଜାମ, ନବରଙ୍ଗପୁର ଏବଂ ଯାଜପୁର ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ତେବେ ଦୁଇ ଦିନ ପରେ ରାଜ୍ୟରେ ବର୍ଷା କମିବା ସହ ଶୀତ ବଢିପାରେ । ବର୍ଷାରେ ପ୍ରଭାବିତ ହେବାକୁ ଥିବା ଜିଲ୍ଲା ଗୁଡିକରେ ୨୪ ଘଣ୍ଟା ପରେ ଘନ କୁହୁଡି ଦେଖାଦେବ ।
ଏଥିପାଇଁ ସଂପୃକ୍ତ ଜିଲ୍ଲା ଗୁଡିକୁ ୟେଲୋ ଓ୍ବାର୍ଣ୍ଣିଂ ଜାରି କରାଯାଇଛି । ବିଶେଷ କରି ଉପକୂଳ ଓ ଉତ୍ତର ଆଭ୍ୟନ୍ତରୀଣ ଜିଲ୍ଲା ଗୁଡିକରେ କୁହୁଡି ଅଧିକ ଦେଖାଦେବ । ପାହାଡିଆ ଅଞ୍ଚଳରେ କୁହୁଡିର ପ୍ରଭାବ ଦିନ ୧୦ ଟା ପର୍ଯ୍ୟନ୍ତ ରହିବ । ରାଜଧାନୀ ଭୁବେନଶ୍ୱରରେ ମଧ୍ୟ ପାଗ କୋହଲା ରହିବା ସହ ଶୀତ ଅନୁଭୁତ ହେବ ।
ଢ଼େଙ୍କାନାଳ: ଢ଼େଙ୍କାନାଳରେ ହାତୀଙ୍କ ଦୌରାତ୍ମ୍ୟ । ଖାଦ୍ୟ ଅନ୍ୱେଷଣରେ ଜଙ୍ଗଲରୁ ଆସି ଜନବସତିରେ କରୁଛନ୍ତି ଉତ୍ପାତ । ପ୍ରାୟ ୮୦ରୁ ଅଧିକ ହାତୀ ଏବେ ଢ଼େଙ୍କାନାଳର ପରଜଙ୍ଗ ଅଞ୍ଚଳ ମହାବୀର ରୋଡ୍ ରେଞ୍ଜରେ ଉତ୍ପାତ ଆରମ୍ଭ କରିଛନ୍ତି । ଦିନକୁ ଦିନ ଏହି ଅଞ୍ଚଳରେ ଗଜରାଜଙ୍କ ଦୌରାତ୍ମ୍ୟ ବଢ଼ିବାରେ ଲାଗିଛି । ଏତେ ମାତ୍ରାରେ ହାତୀ ପଲଙ୍କୁ ଦେଖି ସ୍ଥାନୀୟ ଅଞ୍ଚଳବାସୀ ଭୟଭୀତ ହୋଇରହିଛନ୍ତି ।
ତେବେ ହାତୀଙ୍କୁ ଘଉଡାଇବା ପାଇଁ ବନବିଭାଗ ଓ ସ୍ଥାନୀୟ ଲୋକ ଯେତେ ଚେଷ୍ଟା କରୁଥିଲେ ମଧ୍ୟ ବିଫଳ ହୋଇଛନ୍ତି । ଲୋକ ମାନଙ୍କୁ ସୁରକ୍ଷା ଦେବା ପାଇଁ ରାତିଦିନ ଏକ କରିଛି ବନ ବିଭାଗ । ୪୦ ଜଣିଆ ସ୍ୱତନ୍ତ୍ର ଟିମ୍ ଲୋକଙ୍କଠାରୁ ହାତୀକୁ ଦୂରେଇ ରଖିବା ପାଇଁ କାମ କରୁଛି । ଏଥିରେ ବନବିଭାଗକୁ ବିଶେଷ ସହଯୋଗ କରୁଛି ଐରାବତ । ଯାହା ହାତୀ ମାନଙ୍କୁ ଘଉଡ଼ାଇବା ସହିତ ଲୋକ ମାନଙ୍କୁ ସୁରକ୍ଷା ଯୋଗାଇବାରେ ମୁଖ୍ୟ ଭୂମିକା ଗ୍ରହଣ କରିଛି ।
ଗତ କିଛିଦିନ ହେବ ହାତୀ ପଲ ପରଜଙ୍ଗ ଅଂଚଳର ବିଭିନ ଗ୍ରାମରେ ଆତଙ୍କ ଖେଳାଇଛନ୍ତି । ଧାନ ଫସଲ ଯୋଗୁଁ ହାତୀପଲ ଏହି ଅଞ୍ଚଳ ଛାଡ଼ି ଯିବାର ନା ଧରୁନାହାନ୍ତି । ଧାନ ଖାଇବା ସହ ବ୍ୟାପକ ଫସଲ ନଷ୍ଟ କରୁଛନ୍ତି ହାତୀପଲ । ବିଶେଷ କରି ରାତି ହେଲେ ହାତୀ ପଲଙ୍କ ଆତଙ୍କ ଦେଖିବାକୁ ମିଳେ । ବନ ବିଭାଗ ପକ୍ଷରୁ ଡ୍ରୋନ୍ କାମେରା ମାଧ୍ୟମରେ ହାତୀମାନଙ୍କ ଗତିବିଧି ଉପରେ ନଜର ରଖାଯାଉଛି ।
ଆସାମ: ଆସାମର ପୂର୍ବତନ ମୁଖ୍ୟମନ୍ତ୍ରୀ ତରୁଣ ଗୋଗୋଇଙ୍କ ଅବସ୍ଥା ସଙ୍କଟାପନ୍ନ । କରୋନା ପରବର୍ତ୍ତୀ ଚିକତ୍ସା ପାଇଁ ସେ ଗତ ଦୁଇ ତାରିଖରୁ ଗୌହାଟୀ ମେଡିକାଲ କଲେଜ ଆଣ୍ଡ ହସ୍ପିଟାଲରେ ଭର୍ତ୍ତି ହୋଇଥିଲେ । ଅଗଷ୍ଟ ୨୫ ତାରିଖରେ ସେ କରୋନାରେ ଆକ୍ରାନ୍ତ ହୋଇଥିବା ବେଳେ ଗୌହାଟୀ ମେଡିକାଲରେ ଚିକତ୍ସିତ ହୋଇ ଘରକୁ ଫରିଥିଲେ ।
କିନ୍ତୁ ନଭେମ୍ବର ୨ରେ ସେ ପୁଣି ଅସୁସ୍ଥ ହେବାରୁ କରୋନା ପରବର୍ତ୍ତୀ ଚିକିତ୍ସା ପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେବେଠାରୁ ସେ ନନ୍ ଇନ୍ଭାସିଭ୍ ଭେଣ୍ଟିଲେଟ୍ରରେ ରହିଥିଲେ । ଆଜି ମଧ୍ୟାହ୍ନରେ ତାଙ୍କ ସ୍ୱାସ୍ଥ୍ୟାବସ୍ଥା ଅଧିକ ଖରାପ ହେବାରୁ ତାଙ୍କୁ ଭେଣ୍ଟିଲେଟରରେ ରଖାଯାଇଛି । ତାଙ୍କର ଏକାଧିକ ଅଙ୍ଗପ୍ରତ୍ୟଙ୍ଗ ଫେଲ ହୋଇଯାଇଥିବା ବେଳେ ନିଃଶ୍ୱାସ ନେବାରେ ସମସ୍ୟା ଦେଖାଦେଇଥିବା ସୂଚନା ମିଳିଛି ।
ସେପଟେ ତରୁଣଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିବା ପାଇଁ ନିଜେ ଆସାମ ସ୍ୱାସ୍ଥ୍ୟମନ୍ତ୍ରୀ ହେମନ୍ତ ବିଶ୍ୱସର୍ମା ହସ୍ପିଟାଲରେ ପହଞ୍ଚିଥିଲେ । ଏବେ ବି ସେ ଅଚେତ୍ ରହିଥିବା କଥା ସୂଚନା ମିଳିଛି । ତରୁଣ ଗୋଗୋଇ ଆସମରେ ତିନି ଥର ମୁଖ୍ୟମନ୍ତ୍ରୀ ରହିସାରିଛନ୍ତି ।
ତାମିଲନାଡ଼ୁ: ବିହାର ପରେ ବିଜେପିର ମିଶନ ତାମିଲନାଡୁ । ୨୦୨୧ରେ ହେବାକୁ ଥିବା ବିଧାନସଭା ନିର୍ବାଚନରେ ବିଜେପି ସରକାରକୁ ଆସିବା ପାଇଁ କାର୍ଡ ଖେଳିଛି । ତାମିଲନାଡୁରେ AIADMK ସହ ବିଜେପି ମେଣ୍ଟ କରିସାରିଛି । ଆଗାମୀ ନିର୍ବାଚନରେ ଏଆଇଡିଏମ୍କେ ଓ ବିଜେପି ଏକାଠି ଲଢ଼ିବେ ।
ବିହାରରେ ନୀତିଶଙ୍କ ଜେଡିୟୁ ସହ ମିଶି ବିଜେପି ନିର୍ବାଚନ ଲଢ଼ିଥିଲା ଏବଂ ସରକାର ଗଠନ କରିଥିଲା । ସେହି ସମାନ ଫର୍ମୁଲା ଏବେ ତାମିଲନାଡ଼ୁରେ ଆପଣାଇବାକୁ ଯାଉଛି ବିଜେପି ।
ବିଜେପି ଓ ଏଆଇଡିଏମ୍କେ ଉଭୟ ଏକ ହୋଇ ନିର୍ବାଚନ ଲଢିବେ ବୋଲି ଘୋଷଣା କରିସାରିଛନ୍ତି । ତାମିଲନାଡୁ ଉପମୁଖ୍ୟମନ୍ତ୍ରୀ ତଥା ଦଳର ସଂଯୋଜକ ଓ.ପନିରିସେଲଭମ ଏନେଇ ଘୋଷଣା କରିଛନ୍ତି । ଏହାକୁ ମୁଖ୍ୟମନ୍ତ୍ରୀ ପାଲାନିଦସ୍ୱମୀ ମଧ୍ୟ ସ୍ୱୀକାର କରିଛନ୍ତି । ଶନିବାର କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଉପସ୍ଥିତିରେ ଉଭୟ ଦଳ ମଧ୍ୟରେ ଏକ ବୈଠକ ହୋଇଥିଲା । ଏହି ବୈଠକରେ ମେଣ୍ଟ କରିବା ନେଇ ନିଷ୍ପତି ହେବା ପରେ ଏହି ଘୋଷଣା କରିଛନ୍ତି ପନିରିସେଲଭମ ।
ଆଗାମୀ ଦିନରେ AIADMK ଓ ବିଜେପି ମେଣ୍ଟ ସରକାର ଗଢିବ ବୋଲି କହିଛନ୍ତି ପନିରିସେଲଭମ୍ । ଏବେ କ୍ଷମତାରେ ଥିବା ସରକାର ଭଲ କାମ କରୁଛି, ରାଜ୍ୟରେ ବିକାଶର କାର୍ଯ୍ୟ ଆଗେଇ ଚାଲିଛି । 2019 ଲୋକସଭା ନିର୍ବାଚନ ଭଳି ଆସନ୍ତା ନିର୍ବାଚନରେ AIADMK ଓ ବିଜେପି ଭଲ ପ୍ରଦର୍ଶନ କରିବେ ବୋଲି ଦୃଢୋକ୍ତି ପ୍ରକାଶ କରିଛନ୍ତି ଶାହା ।
