ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ବିନିକା ବନାଞ୍ଚଳରେ ଦିନକୁ ଦିନ ହାତୀ ମାନଙ୍କର ଉପଦ୍ରବ ବଢିବାରେ ଲାଗିଛି । ବିଗତ ଏକ ସପ୍ତାହ ହେବ ଏହି ରେଞ୍ଜ ଅଞ୍ଚଳରେ ଏକ ହାତୀପଳ ପଶି ବ୍ୟାପକ ଧାନ ଫସଲ ସହ ପନିପରିବା ନଷ୍ଟ କରୁଥିବା ଦେଖିବାକୁ ମିଳୁଛି । ଗତ ରାତିରେ ବିନିକା ବ୍ଲକ ସିନ୍ଦୁରପୁର, ଗୁଲାପଡ଼ା, ଗଣେଶପୁର ଓ ମଣିଗାଁ ଆଦି ଗାଁର ଧାନଚାଷ ଜମିରେ ହାତୀପଲ ପଶି ଧାନ ଫସଲକୁ ଦଳି ନଷ୍ଟ କରିଦେଇଥିବା ଅଭିଯୋଗ ହୋଉଛି ।

ଏହି ହାତୀପଲକୁ ସ୍ଥାନିୟ ବାସିନ୍ଦାଙ୍କ ସହ ବନବିଭାଗ ଘଉଡାଇବାରେ ଲାଗିଥିଲେ ମଧ୍ୟ ବିଫଳ ହୋଇଛନ୍ତି । ଏହି ଫସଲ ନଷ୍ଟର ସଠିକ ଆକଳନ କରି ବନ ବିଭାଗ ଶିଘ୍ର ଚାଷୀଙ୍କୁ କ୍ଷତିପୂରଣ ଦେବାକୁ ଦାବୀ ହେଉଛି । ଚାଷୀର ବର୍ଷଜାକର ଫସଲ ନଷ୍ଟ ହେଉଥିବା ଦେଖି ଏବେ ଚିନ୍ତାରେ ଚାଷୀକୂଳ ।

ଭୁବନେଶ୍ୱର: ବିଧାନସଭା ଶୀତ ଅଧିବେଶନର ଆଜି ଦ୍ୱିତୀୟ ଦିନ । ବିଜେପି ଆଣିଛି ମୁଲତବୀ ପ୍ରସ୍ତାବ । ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ ପ୍ରସଙ୍ଗକୁ ନେଇ ମୁଲତବୀ ପ୍ରସ୍ତାବ । ଉତ୍ତର ରଖିବେ ଗୃହ ରାଷ୍ଟ୍ରମନ୍ତ୍ରୀ ଡକ୍ଟର ଦିବ୍ୟଶଙ୍କର  ।

ଆଜି ୪ଟି ବିଲ ଆଗତ ହେବାର କାର୍ଯ୍ୟକ୍ରମ ରହିଛି । ଆଗତ ହେବାକୁ ଥିବା ବିଲ ମଧ୍ୟରେ ରହିଛି ଓଡ଼ିଶା ଅତ୍ୟାବଶ୍ୟକୀୟ ସେବା ସଂଶୋଧନ ବିଲ, ଲୋକାଲ ଫଣ୍ଡ ଅଡିଟ୍ ସଂଶୋଧନ ବିଲ୍, ଲୋକାୟୁକ୍ତ ସଂଶୋଧନ ବିଲ ଓ ଓଡ଼ିଶା ଇଣ୍ଡଷ୍ଟ୍ରିଆଲ ଇନଫ୍ରାଷ୍ଟକଚର ସଂଶୋଧନ ବିଲ୍ ।

ଗତକାଲି ପ୍ରଥମ ଦିନରେ ଗୃହରେ ଅତିରିକ୍ତ ବଜେଟ୍‌ ପେସ୍ ହୋଇଥିଲା । ବଜେଟରେ ୨୦୨୦-୨୧ ଆର୍ଥିକ ବର୍ଷ ପାଇଁ ୧୧ ହଜାର ୨୦୦ କୋଟି ଟଙ୍କାର ବ୍ୟୟ ଅଟକଳ କରାଯାଇଛି । ବଜେଟରେ ଗମ୍ଭୀର କୋଭିଡ ପରିସ୍ଥିତିରେ ଜୀବନ ଓ ଜୀବିକାକୁ ରାଜ୍ୟ ସରକାର ଗୁରୁତ୍ୱ ଦେଇଛନ୍ତି ।

ଆନନ୍ଦପୁର: କୁକୁଡା ପାଇଁ କଳି । ଗୋଷ୍ଠୀ ସଙ୍ଘର୍ଷରେ ଜଣଙ୍କର ମୃତ୍ୟୁ ହୋଇଛି । ଘଟଣା ଘଟିଛି ଆନନ୍ଦପୁର ନନ୍ଦିପଦା ଥାନା ଅଁରା ଗ୍ରାମରେ । ବାଡ଼ିରେ କୁକୁଡ଼ା ପଶିବାକୁ ନେଇ ଗୋଷ୍ଠୀ ସଂଘର୍ଷ ହୋଇଛି । ଜଣେ ଗୁରୁତର ହୋଇ କଟକ ସ୍ଥାନାନ୍ତର ବେଳେ ତାଙ୍କର ମୃତ୍ୟୁ ହୋଇଛି ଅଧାରାସ୍ତାରେ ମ୍ୟୁତ୍ୟୁ ହୋଇଛି । ମୃତକ ହେଲେ ଆନନ୍ଦ ନାୟକ । ଗାଁରେ ଚାପା ଉତେଜନା ଲାଗିରହିଛି ।

ସୂଚନା ଅନୁଯାୟୀ, ଉକ୍ତ ଗାଁର ଲକ୍ଷ୍ମୀଧର ମଲ୍ଲୀକଙ୍କ କୁକୁଡ଼ା ଲକ୍ଷ୍ମଣ ଖଣ୍ଡେଇଙ୍କ ବାଡ଼ିରେ ପଶିଥିଲା । ଲକ୍ଷ୍ମଣ ଖଣ୍ଡେଇ ତାଙ୍କ ବାଡ଼ିରେ ବିଷ ପକାଇଥିଲେ । ଯେଉଁଥିପାଇଁ କୁକୁଡ଼ାଟି ବାଡ଼ିରେ ପଶିଥିବା କାରଣରୁ କୁକୁଡ଼ାଟି ବାଡ଼ିରୁ କିଛି ଖାଦ୍ୟ ଖାଇଲା ପରେ ମରିଯାଇଥିଲା । ଏନେଇ ଗତକାଲି ଉକ୍ତ ଗାଁରେ କୁକୁଡ଼ାକୁ ନେଇ ଏକ ନ୍ୟାୟ ବୈଠକ ବସିଥିଲା । ତେବେ ନ୍ୟାୟ ନିଶାପ ସମୟରେ ଲକ୍ଷ୍ମୀଧର ମଲ୍ଲୀକ ଏବଂ ଲକ୍ଷ୍ମଣ ଖଣ୍ଡେଇଙ୍କ ପରିବାରକୁ ଛାଡ଼ି ଆନନ୍ଦ ନାୟକ ଏବଂ ବାବନ ବେହେରାଙ୍କ ପରିବାର ମଧ୍ୟରେ କୌଣସି କାରଣରୁ ଝଗଡ଼ା ଲାଗିଥିଲା ।

ଏଥିରେ ଆନ୍ଦ ନାୟକଙ୍କ ମୃତ୍ୟୁ ହୋଇଥିଲା । ଏକ ବ୍ୟାଟ୍‌ ସାହାଯ୍ୟରେ ଆନନ୍ଦ ନାୟକଙ୍କୁ ପିଟିଥିଲେ ବାବନ ବେହେରାଙ୍କ ପରିବାର । କଟକ ସ୍ଥାନାନ୍ତର ବେଳେ ଆନନ୍ଦ ନାୟକଙ୍କ ମୃତ୍ୟୁ ହୋଇଥିଲା । ତେବେ ବାବନ ବେହେରାଙ୍କ ପରିବାର ଏବେ ଫେରାର ରହିଛନ୍ତି । ପୋଲିସ ଘଟଣା ସ୍ଥଳରେ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଛି ।

କୋରାପୁଟ: ପୁଣି ଆନ୍ଧ୍ରର ଦାଦାଗିରି । ଓଡିଶା ସୀମାରେ ପତାକା ଲଗାଇଲେ ଆନ୍ଧ୍ର ସରକାର । ଚୂନ ମାରି ଚିହ୍ନଟ କରିବା ସହ ପଥର ପକାଇଲା ଆନ୍ଧ୍ର ସରକାରଙ୍କ ସ୍ଥାନୀୟ ପ୍ରଶାସନ । ସେପେଟେ ସୀମା ବିବାଦର ସମାଧାନ ପାଇଁ ପ୍ରଶାସନିକ ସ୍ତରରେ ଆଲୋଚନା ଚାଲିଛି । କୋରାପୁଟ ଜିଲ୍ଲା ପଟାଙ୍ଗୀ ସମ୍ବାଇ ପଞ୍ଚାୟତ ଅନ୍ତର୍ଗତ ସୁନାବେଡ଼ା ମୌଜାର କିଛି ଅଂଶକୁ ଆନ୍ଧ୍ର ନିଜର ବୋଲି କହୁଛି । ଏହାର ପ୍ରତିବାଦ ପରେ ଉଭୟ ରାଜ୍ୟର ସ୍ଥାନୀୟ ପ୍ରଶାସନ ଆଲୋଚନା ହୋଇଛି ।

ଆଲୋଚନା ପରେ କେତେକ ଅଞ୍ଚଳରେ ଆନ୍ଧ୍ର ପୋତିଥିବା ସୀମାଖୁଣ୍ଟି ଉଠା ଯାଇଛି । ଏବେ ପୁଣି ସୀମାରେ ପତାକା ପୋତିବାକୁ ନେଇ ଆରମ୍ଭ ହେଲାଣି ବିବାଦ । ଅନ୍ୟପଟେ ସୀମା ବିବାଦ ନେଇ ଜୋର୍‌ ଧରିଛି ରାଜନୀତି । କେବଳ ସେତିକି ନୁହେଁ ଗୁଗୁଲ ମ୍ୟାପ୍‌ରେ ଓଡ଼ିଶାର କିଛି ଅଞ୍ଚଳ ଆନ୍ଧ୍ରର ବୋଲି ଦର୍ଶାଯିବା ନେଇ ମଧ୍ୟ ବିବାଦ ଅଧି‌କ ତେଜିଛି  । ଗତବର୍ଷ କୋଟିଆରେ ଜନସେବା ନାଁରେ ଜମି ଅକ୍ତିଆର ପ୍ରୟାସ କରିଥିଲା ଆନ୍ଧ୍ର ।

ଭୁବନେଶ୍ୱର: ରାଜ୍ୟରେ ଜାରି ରହିଛି ଶୀତର ପ୍ରବାହ । ସାରା ରାଜ୍ୟରେ ଘନକୁହୁଡ଼ି ମଧ୍ୟ ଦେଖିବାକୁ ମିଳିଛି । ଆଜିଠୁ ୪ ଦିନ ମଧ୍ୟରେ ଓଡିଶାର ଗୋଟିଏ ଦୁଇଟି ସ୍ଥାନରେ ବର୍ଷା ହେବାର ସମ୍ଭାବନା ରହିଛି । ରାତିର ତାପମାତ୍ରା ଆଗାମୀ ୨ରୁ ୩ ଦିନ ଅପରିବର୍ତ୍ତିତ ରହିବ । ୩/୪ ଦିନରେ ପାରଦ ୪ରୁ ୫ ଡିଗ୍ରି ଖସିବା ସହ ରାଜ୍ୟ‌‌‌‌‌‌‌‌‌ରେ ଶୀତର ପ୍ରକୋପ ବଢ଼ିବ। ପଞ୍ଚୁକ ଓ କାର୍ତ୍ତିକ ପୂର୍ଣ୍ଣିମା ବେଳକୁ ପ୍ରବଳ ଶୀତ ଅନୁଭୂତ ହେବ ବୋଲି ଆକଳନ କରିଛି ପାଣିପାଗ କେନ୍ଦ୍ର ।

ଗତ ୨୪ ଘଣ୍ଟାରେ ଓଡ଼ିଶାର କେନ୍ଦୁଝର, ମୟୂରଭଞ୍ଜ ଓ ବାଲେଶ୍ୱର ଜିଲ୍ଲାରେ ହାଲ୍‌କା ବ‌ର୍ଷା ହୋଇଯାଇଛି। ସମତଳ ଅଞ୍ଚଳରେ ସର୍ବନିମ୍ନ ରାତ୍ରି ତାପମାତ୍ରା ସୋନପୁର ଜିଲ୍ଲାରେ ୧୫.୨ ଡିଗ୍ରି ରେକର୍ଡ ହୋଇଛି। ପାହାଡ଼ିଆ ଅଞ୍ଚଳମାନଙ୍କ ମଧ୍ୟରେ କୋରାପୁଟରେ ୧୫ ଡିଗ୍ରି ଓ ଦାରିଙ୍ଗବାଡ଼ିଠାରେ ୧୫ଡିଗ୍ରି ଲେଖାଏଁ ରାତ୍ରି ତାପମାତ୍ରା ରେକର୍ଡ ହୋଇଛି ।