ଆଜି ଦେଶବ୍ୟାପୀ ଦୀପାବଳି ପାଳିତ ହେଉଛି । କରୋନା କାରଣରୁ ଚଳିତ ବର୍ଷ ପ୍ରାୟ ସମସ୍ତଙ୍କ ଜୀବନ ପ୍ରଭାବିତ ହୋଇଛି । ଏମିତିରେ ଆଗାମୀ ଦୀପାବଳି ପର୍ଯ୍ୟନ୍ତ ଆପଣଙ୍କ ଭାଗ୍ୟ କେମିତି ରହିବ ? ଏହା ନିଶ୍ଚୟ ଆପଣଙ୍କୁ ବିଚଳିତ କରୁଥିବ । ଜ୍ୟୋତିଷଙ୍କ ଅନୁସାରେ ଚଳିତ ଦୀପାବଳିଠାରୁ ଆଗାମୀ ଦୀପାବଳି ଭିତରେ ୫ ରାଶି ବିଶିଷ୍ଟ ବ୍ୟକ୍ତିଙ୍କ ଧନରେ ବୃଦ୍ଧି ହେବ । ସେହି ରାଶି ଗୁଡ଼ିକ ହେଲେ ମେଶ, ବୃଷ, କନ୍ୟା, ବିଛା ଓ କୁମ୍ଭ ।
ମେଷ
ପରିବର୍ତ୍ତନର ବର୍ଷ ହେବ । କ୍ୟାରିୟରରେ ପରିବର୍ତ୍ତନ ସହ ସଫଳତା ମିଳିବ । ଧନ ଆସିବ କିନ୍ତୁ ଧନ ମ୍ୟାନେଜମେଣ୍ଟ୍ ଉପରେ ବିଶେଷ ଧ୍ୟାନ ଦେବାକୁ ପଡିବ । ଚାକିରି ଓ ବ୍ୟବସାୟ ପାଇଁ ଏହି ବର୍ଷ ଭଲ ରହିବ । ଏପ୍ରିଲ ପରେ ସ୍ୱାସ୍ଥ୍ୟ ପ୍ରତି ଧ୍ୟାନ ଦିଅନ୍ତୁ । ବର୍ଷ ସାରା କେତୁ ମନ୍ତ୍ର ଜପ କରନ୍ତୁ । କୁକୁରଙ୍କୁ ରୁଟି ଖୁଆନ୍ତୁ ।
ବୃଷ
ବର୍ଷ ଆରମ୍ଭରେ ଧନବର୍ଷା । ସମ୍ପତ୍ତି ଓ ଗାଡି କିଣିବେ । ଧନ ଦେବାରେ ଓ ନିବେଶରେ ଧ୍ୟାନ ରଖନ୍ତୁ । ସ୍ୱାସ୍ଥ୍ୟ ଓ ବୈବାହିକ ଜୀବନର ଧ୍ୟାନ ରଖନ୍ତୁ । ବର୍ଷ ସାରା ବୃହଷ୍ପତି ମନ୍ତ୍ର ଜପ କରନ୍ତୁ ।
ମିଥୁନ
ବର୍ଷ ଆରମ୍ଭରେ ସ୍ୱାସ୍ଥ୍ୟ ଓ ଦୁର୍ଘଟଣାର ଧ୍ୟାନ ରଖନ୍ତୁ । କ୍ୟାରିୟରରେ ବଡ ପରିବର୍ତ୍ତନ ହେବ । ସଂଘର୍ଷ ବଢିବ । ଜୁନ୍ ପରଠାରୁ ସ୍ଥିତି ବଦଳିବ । ଏହି ବର୍ଷ ଜମି କିମ୍ବା ଘର କିଣିବାର ଯୋଗ ରହିଛି । ହନୁମାନଙ୍କ ଉପାସନା କରନ୍ତୁ । ମିଠା ଖାଦ୍ୟ ଦାନ କରନ୍ତୁ ।
କର୍କଟ
କ୍ୟାରିୟରକୁ ନେଇ ଚାପଗ୍ରସ୍ତ ହେବେ । କ୍ୟାରିୟର ଓ ସ୍ଥାନ ପରିବର୍ତ୍ତନ ସମ୍ଭାବନା ରହିଛି । ବିଦେଶ ଯାତ୍ରାର ସମ୍ଭାବନା ରହିଛି । ବର୍ଷ ମଝିରେ କୌଣସି ପୁରୁଣା ସମସ୍ୟାର ସମାଧାନ ହେବ । ଶନି ମନ୍ତ୍ର ଜପ କରନ୍ତୁ । ଖାଦ୍ୟ ପଦାର୍ଥ ଦାନ କରନ୍ତୁ ।
ସିଂହ
କ୍ୟାରିୟର ଓ ଧନ ଦୃଷ୍ଟିରୁ ସର୍ବୋତ୍ତମ ବର୍ଷ । ସମ୍ପତ୍ତି ଓ ବାହାନ କ୍ରୟ ଯୋଗ ରହିଛି । ରୋଗ ଓ ଦାୟିତ୍ୱ ନିର୍ବାହରେ ଖର୍ଚ୍ଚ ବଢିବ । କରଜ ଓ ନିବେଶ ମାମଲାରେ ସାବଧାନତା ଅବଲମ୍ବନ କରନ୍ତୁ । ସୂର୍ଯ୍ୟ ଉପାସନା କରନ୍ତୁ । ସୂର୍ଯ୍ୟଙ୍କୁ ଅର୍ଘ୍ୟ ଦିଅନ୍ତୁ ।
କନ୍ୟା
ଏହି ବର୍ଷ ଜୀବନରେ ବଡ ଧରଣର ପରିବର୍ତ୍ତନ ଆସିବ । କ୍ୟାରିୟର ଓ ଚାକିରିରେ ପରିବର୍ତ୍ତନର ଜବରଦସ୍ତ ସମ୍ଭାବନା । ସ୍ଥାନ ପରିବର୍ତ୍ତନ ଓ ନୂଆ ବ୍ୟବସାୟ ଆରମ୍ଭ କରି ପାରନ୍ତି । ଧନ ସ୍ଥିତି ଠିକ ରହିବ । ସହଯୋଗ ମିଳିବ । ବୃହଷ୍ପତି ମନ୍ତ୍ର ଜପ କରନ୍ତୁ । ସାତ୍ୱିକ ଖାଦ୍ୟ ଖାଆନ୍ତୁ ।
ତୁଳା
ଧନ ଓ ସଂପତିକୁ ନେଇ ବର୍ଷ ସାରା ସମସ୍ୟା ଲାଗି ରହିବ । ରୋଜଗାର ନିର୍ଣ୍ଣୟରେ ସାବଧାନତା ଅବଲମ୍ବନ କରନ୍ତୁ । କୋର୍ଟ କଚେରିରୁ ଦୁରେଇ ରୁହନ୍ତୁ । ପରିବାର ଭିତରେ ସହଯୋଗ ରହିବ । ଶନି ମନ୍ତ୍ର ଜପ କରନ୍ତୁ । ହନୁମାନଙ୍କ ଦର୍ଶନ କରନ୍ତୁ ।
ବିଛା
ବର୍ଷ ଆରମ୍ଭରୁ ଆର୍ଥିକ ସ୍ଥିତି ଠିକ ରହିବ । ଏହି ବର୍ଷ ସମ୍ପତ୍ତି କିଣିବା ସହ ବିକ୍ରି କରିବେ । କ୍ୟାରିୟର ସମ୍ବନ୍ଧିତ ମାମଲାରେ ସତର୍କ ରୁହନ୍ତୁ । ଏଭଳି କୌଣସି କାମ କରନ୍ତୁ ନାହିଁ ଯାହା ଦ୍ୱାରା ଆପଣଙ୍କ ଇମେଜ୍ ଖରାପ ହେବ । ପୁରା ବର୍ଷ ଶିବ ଆରାଧନା କରନ୍ତୁ ଓ ଜଳ ଅର୍ପଣ କରନ୍ତୁ ।
ଧନୁ
ଆରମ୍ଭରୁ କ୍ୟାରିୟର ଓ ସ୍ଥାନ ପରିବର୍ତ୍ତନ ଯୋଗ ରହିଛି । ଆର୍ଥିକ ଫାଇଦା ଅଧିକ ହେବା ସହ ଖର୍ଚ୍ଚ ମଧ୍ୟ ବଢିବ । ପାରିବାରିକ ସଂପର୍କରେ ଦୂରତା ସୃଷ୍ଟି ହେବ । ସ୍ୱାସ୍ଥ୍ୟ ସଂପର୍କିତ ମାମଲା ଚିନ୍ତାର କାରଣ ହେବ । ଶନି ମନ୍ତ୍ର ଜପ କରିବା ସହ ସୂର୍ଯ୍ୟଙ୍କୁ ଜଳ ଅର୍ପଣ କରନ୍ତୁ ।
ମକର
ବର୍ଷ ଆରମ୍ଭରେ କ୍ୟାରିୟର ସମ୍ବନ୍ଧିତ ସମସ୍ୟା ଆସିବ । ତେବେ ସମୟ ଗଡିବା ସହ ସ୍ଥିତି ସୁଧୁରିବ । ସ୍ୱାସ୍ଥ୍ୟ ଓ ଦୁର୍ଘଟଣା ଉପରେ ବିଶେଷ ଧ୍ୟାନ ଦିଅନ୍ତୁ । ବୃହଷ୍ପତି ମନ୍ତ୍ର ଜପ କରନ୍ତୁ । କଦଳି ଦାନ କରନ୍ତୁ ।
କୁମ୍ଭ
ଆରମ୍ଭରୁ କାମ ଓ ଉତ୍ତରଦାୟିତ୍ୱ ବଢିବ । ଏହା ସହ ସ୍ୱାସ୍ଥ୍ୟ ଓ ପରିବାରକୁ ସମ୍ଭାଳିବାକୁ ପଡିବ । ତେବେ ଆର୍ଥିକ ସ୍ଥିତି ଭଲ ରହିବ । ଘର ତିଆରି କରିବେ କିମ୍ବା କିଣିବେ । ପୁରା ବର୍ଷ ରାହୁ ମନ୍ତ୍ର ଜପ କରନ୍ତୁ । କୁକୁରଙ୍କୁ ରୁଟି ଖୁଆନ୍ତୁ ।
ମୀନ
ଆର୍ଥିକ ଓ ଚାକିରିରେ ସ୍ଥିରତା ରହିବ । କରଜ ବୋଝରୁ ମୁକ୍ତି ମିଳିବ । ସ୍ଥାନ ପରିବର୍ତ୍ତନ ଓ ବିଦେଶ ଯାତ୍ରାର ଯୋଗ ରହିଛି । ବର୍ଷ ମଝିରେ ଆକସ୍ମିକ ଧନ ହାନୀର ଯୋଗ ରହିଛି । ସୂର୍ଯ୍ୟଙ୍କୁ ଜଳ ଅର୍ପଣ କରନ୍ତୁ ଓ ସୂର୍ଯ୍ୟ ମନ୍ତ୍ର ଜପ କରନ୍ତୁ ।
