ଦେବଗଡ଼: ଅଦରକାରୀ ଭାବେ ପୋଲ ତଳେ ପଡିଛି ଶତାଧିକ ଆଧାର କାର୍ଡ ଓ ପୋଷ୍ଟାଲ କାଗଜପତ୍ର । ଦେବଗଡ଼ ଓ ସୁନ୍ଦରଗଡ ଜିଲ୍ଲା ସୀମାନ୍ତ ଅଞ୍ଚଳରେ ଥିବା ଆମ୍ବଗାଁ ପୋଲ ତଳେ ପଡ଼ିଥିବା ଦେଖିବାକୁ ମିଳିଛି । ଆମ୍ବଗାଁ ଲୋକେ ଏହି କାଗଜପତ୍ରକୁ ଉଦ୍ଧାର କରିଥିବା ବେଳେ ଏହା ବଣାଇ ଅନ୍ତର୍ଗତ ବଡଗୋଗୁଆ ଗ୍ରାମବାସୀଙ୍କ ବୋଲି ଜଣାପଡ଼ିଛି । ଏହି ସବୁ କାଗଜପତ୍ର ବଡଗୋଗୁଆ ପୋଷ୍ଟ ଅଫିସ୍ କୁ ଆସିଥିବା ବେଳେ କର୍ମଚାରୀଙ୍କ ବେପରୁଆ ମନୋଭାବ ପାଇଁ ଏହା ଅଦକାରୀ ଭାବେ ପଡିଥିବା ସନ୍ଦେହ କରାଯାଉଛି । ଏହି ଡକ୍ୟୁମେଣ୍ଟରେ ଆଧାର କାର୍ଡ, ପାନ୍ କାର୍ଡ, ଏଲ୍ ଆଇ ସି ପଲିସି, ପ୍ରଭୃତି ରହିଛି । ଅନ୍ୟପଟେ ବାଇକରେ ଯିବା ବେଳେ ଭୁଲବଶତଃ ଏହି କାଗଜପତ୍ର ଖସିପଡ଼ିଛି ବୋଲି ପୋଷ୍ଟାଲ କର୍ମଚାରୀ ରଜତକାନ୍ତ ସାମଲ ସଫେଇ ଦେଇଛନ୍ତି । ସେପଟେ ବଣାଇଁ ଅଞ୍ଚଳର ପୋଷ୍ଟାଲ କାଗଜପତ୍ର ଅନ୍ୟ ଏକ ଜିଲ୍ଲାକୁ ଗଲା କିପରି ତାହାର ତଦନ୍ତ ଦାବି କରିଛନ୍ତି ଅଞ୍ଚଳବାସୀ ।

ଦିଗପହଣ୍ଡି: ଜମିରୁ କୁମ୍ଭୀର ଉଦ୍ଧାର ଘଟଣା । କୁମ୍ଭୀରକୁ ବାଇକରେ ନେଇଥିଲେ ଗ୍ରାମବାସୀ । ବାଇକରେ ଆଣି ଘୋଡ଼ାହାଡ଼ ଡ଼୍ୟାମରେ ଛାଡିଲେ ଗାଁର ଯୁବକ । ଏବେ ଏହାର ଭିଡିଓ ଭାଇରାଲ ହେଉଛି । କୁମ୍ଭୀରକୁ ଉଦ୍ଧାର ପରେ କିଭଳି ଭାବରେ ବେଖାତିର ଢ଼ଙ୍ଗରେ ବାଇକ ରେ ବସାଇ ନେଉଛନ୍ତି ତାହା ଭିଡିଓରେ ସଫା ସଫା ଦିଶୁଛି । କିଭଳି ସୁରକ୍ଷାହୀନ ଭାବରେ କୁମ୍ଭୀରଟିକୁ ଅଣାଯାଉଛି ତାହା ଦେଖିଲେ ଆପଣ ମାନେ ମଧ୍ୟ ଆଶ୍ଚର୍ଯ୍ୟ ହୋଇଯିବେ। ଏଭଳି ଏକ ଘଟଣା ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଳକ କୈଠଖଣ୍ଡି ପଞ୍ଚାୟତ ତଲାସିଙ୍ଗୀ ଗାଁରେ ଦେଖିବାକୁ ମିଳିଛି ।  ଏହା ଗାଁ ଲୋକଙ୍କ କୁମ୍ଭୀର ପ୍ରତି ଭଲ ମାନବିକତାର ପରିଚୟ ହୋଇଥାଇପାରେ । କିନ୍ତୁ ଏଭଳି ଭାବେ ଭୁଲ ଢ଼ଙ୍ଗରେ ଗାଡ଼ିରେ କୁମ୍ଭୀରକୁ ନେବା ସମ୍ପୂର୍ଣ୍ଣ ଭାବରେ ଭୁଲ । କିନ୍ତୁ ଏଥିରେ ଗାଁ ଲୋକଙ୍କର କୌଣସି ଭୁଲ ନାହିଁ ।

କେବଳ ଦିଗପହଣ୍ଡି ବନବିଭାଗର ଅପାରଗତା ଏବଂ ଖାମଖିଆଲିଆ ମନୋଭାବ ଯୋଗୁଁ ଏଭଳି ପରିସ୍ଥିତି ଉପୁଜିଛି । ଯଦି ଏଠାରେ ବନ ବିଭାଗ ତାର କାର୍ଯ୍ୟକୁ ଠିକ୍‌ ଭାବରେ କରିଥାନ୍ତା ତେବେ ଗାଁ ଲୋକଙ୍କୁ ଏଭଳି ଭାବରେ କୁମ୍ଭୀରକୁ ନେଇ ଯିବାକୁ ପଡ଼ି ନଥାନ୍ତା । ସବୁଠାରୁ ବଡ଼ କଥା ହେଉଛି କୁମ୍ଭୀରକୁ ଉଦ୍ଧାର ପରେ ଠିକ୍‌ ଭାବରେ ନଦୀରେ ଛଡ଼ା ହୋଇଥିବା କହିଥିଲା ଦିଗପହଣ୍ଡି ବନବିଭାଗ ରେଞ୍ଜର ପ୍ରମୋଦ ଖଡ଼ଗରାୟ । କିନ୍ତୁ ଏବେ ଭିଡିଓ ଭାଇରାଲ ହେବା ପରେ ଭନବିଭାଗର ଅସଲ ମୁଖା ସାମ୍ନାକୁ ଆସିଛି । କୁମ୍ଭୀର ଉଦ୍ଧାର ସମୟରେ ଦିଗପହଣ୍ଡି ବନବିଭାଗ କାର୍ଯ୍ୟାଳୟର ବନରକ୍ଷୀ ସୁଜାତା ରଥ, ମୂରଲୀଧର ନାୟକଙ୍କ ସହ ବନବିଭାଗ ପାରା କର୍ମଚାରୀ ବୃନ୍ଦ ଘଟଣାସ୍ଥଳରେ ପହଞ୍ଚିଥିଲେ କିନ୍ତୁ କୁମ୍ଭୀରର ସୁରକ୍ଷା ପ୍ରତି କାହାରି ଯେମିତି ନିଘା ନଥିଲା ।

ମିଛ କହି ଲୋକଙ୍କ ଠାରୁ ପ୍ରସଂଶା ହାତେଇବାକୁ ଚାହୁଁଥିଲେ କି ବନବିଭାଗ ବୋଲି ଏଠାରେ ମନେ ହେଉଛି । ଯଦି ଦେଖିବା ତେବେ ରାଜ୍ୟ ସରକାର ବନବିଭାଗକୁ ସବୁକିଛି ସହାୟତା ଯୋଗାଇଛନ୍ତି କିନ୍ତୁ ଏହାକୁ ସଠିକଭାବରେ ବ୍ୟବହାର କରାଯାଉନାହିଁ । ଯଦି ଏତେ ସବୁ ସୁବିଧା ରହିଛି ତେବେ କହିଁକି କୁମ୍ଭୀରଟିକୁ ସ୍ୱତନ୍ତ୍ର ଗାଡ଼ିରେ ନିଆଗଲା ନାହିଁ ? କାହିଁ କୌଣସି ସ୍ୱତନ୍ତ୍ର ବ୍ୟବସ୍ଥା କରାଗଲା ନାହିଁ ? ଯଦି ଅଧା ବାଟରେ ଲୋକଙ୍କର କି କୁମ୍ଭୀରର କୌଣସି ଅସୁବିଧା ହୋଇଥନ୍ତା ତେବେ ସେଥିପାଇଁ ଦାୟୀ କିଏ ହୋଇଥାନ୍ତା ? ଏମିତି ଅନେକ ପ୍ରଶ୍ନ ଏବେ ଦିଗପହଣ୍ଡି ବନବିଭାଗ ଉପରେ ଉଠିଛି ।

ସୁଚନା ଅନୁଯାୟୀ, ଗତକାଲି ଏହି କୁମ୍ଭୀରଟିକୁ ଉକ୍ତ ଗାଁର ସିମାଞ୍ଚଳ ପାଣିଗ୍ରାହୀଙ୍କ ଧାନ ଜମିରୁ ଉଦ୍ଧାର କରାଯାଇଥିଲା । ଯାହାକୁ  ଦିଗପହଣ୍ଡି ବନବିଭାଗ ଓ ପୋଲିସ କର୍ମଚାରୀଙ୍କ ମିଳିତ ଉଦ୍ୟମରେ କୁମ୍ଭୀରଟିକୁ ଉଦ୍ଧାର କରାଯାଇଛି ବୋଲି କହିଥିଲେ ଦିଗପହଣ୍ଡି ରେଞ୍ଜର ପ୍ରମୋଦ ଖଡ଼ଗରାୟ । କିନ୍ତୁ ଆଜି ଭିଡିଓ ଭାଇରାଲ ପରେ ସବୁ ମିଛ ସାମ୍ନାକୁ ଆସିଥିଲା ।

ଭୁବନେଶ୍ୱର: ଆଜି ସର୍ବଭାରତୀୟ ନିଟ୍ । ଆଜି ରାଜ୍ୟର ୮୩ କେନ୍ଦ୍ରରେ ୩୭ ହଜାର ଛାତ୍ରଛାତ୍ରୀ ପରୀକ୍ଷା ଦେବେ । ତେବେ ପଜିଟିଭ ଥିବା ଛାତ୍ରଛାତ୍ରୀ ଆଜି ପରୀକ୍ଷା ଦେଇ ପାରିବେ ନାହିଁ । ଏନେଇ ଏସଓପି ଜାରି କରିଛି ନ୍ୟାସନାଲ ଟେଷ୍ଟିଂ ଏଜେନ୍ସି । କରୋନା ପଜିଟିଭ ଥିବା ଛାତ୍ରଛାତ୍ରୀଙ୍କ ପାଇଁ ଅନ୍ୟ ଦିନରେ ପରୀକ୍ଷା ହେବ । ଆଜି ପରୀକ୍ଷା ପରେ ତାଙ୍କ ପାଇଁ ତାରିଖ ଧାର୍ଯ୍ୟ କରାଯିବ ବୋଲି କୁହାଯାଇଛି । ଅନ୍ୟ ପରୀକ୍ଷାର୍ଥୀଙ୍କ ନିରାପତ୍ତା ପାଇଁ ନିଷ୍ପତ୍ତି ବଦଳାଯାଇଥିବା କୁହାଯାଇଛି । କରୋନା ଆକ୍ରାନ୍ତ ପରୀକ୍ଷାର୍ଥୀ ଏନଟିଏକୁ ଜଣାଇବାକୁ ନିର୍ଦ୍ଦେଶ ।

ଆଡମିଟ କାର୍ଡ ସହ କରୋନା ପଜିଟିଭ ରିପୋର୍ଟ ପଠାଇବେ । ଏନଟିଏକୁ [email protected] ରେ ଇ-ମେଲ କରିପାରିବେ । ସେପଟେ ଜେଇଇ ପରି ନିଟର ପରିଚାଳନା ଭାର ନେଇଛନ୍ତି ରାଜ୍ୟ ସରକାର । ପ୍ରଶାସନ ପକ୍ଷରୁ ଯାତାୟତ ଓ ରହଣୀ ପାଇଁ ବ୍ୟବସ୍ଥା କରାଯାଇଛି । ଛାତ୍ରଛାତ୍ରୀଙ୍କ ଥର୍ମାଲ ସ୍କାନିଂ ସହ ରହଣୀ ସ୍ଥାନରେ ମେଡିକାଲ ଟିମ୍ ନିୟୋଜିତ ହୋଇଛନ୍ତି । ସେହିପରି ପ୍ରତି ରୁମରେ ୧୨ ଜଣ ପରୀକ୍ଷାର୍ଥୀ ଓ ଦୁଇ ଜଣ ପରୀକ୍ଷକ ରହିବେ । ଏଥିସହ ପ୍ରତି ପରୀକ୍ଷାର୍ଥୀଙ୍କ ଥର୍ମାଲ ସ୍କାନିଂ କରାଯିବା ସହ ସାନିଟାଇଜର୍ ଓ ମାସ୍କ ଦିଆଯିବ ।

ପରୀକ୍ଷାର୍ଥୀଙ୍କ ରହଣୀ ସ୍ଥାନରେ ମେଡିକାଲ ଟିମ୍ ବି ନିୟୋଜିତ ହୋଇଛନ୍ତି । ସେପଟେ ପ୍ରତି ଜିଲ୍ଲାରୁ ପରୀକ୍ଷା କେନ୍ଦ୍ର ଯିବାକୁ ଜିଲ୍ଲା ପ୍ରଶାସନ ପକ୍ଷରୁ ସେମାନଙ୍କ ଯାତ୍ରା ସୁଗମ କରିବାକୁ ବ୍ୟବସ୍ଥା କରାଯାଇଛି । ଯେଉଁ ସହରରେ ସେମାନେ ପରୀକ୍ଷା ଦେବେ, ସେଠାରେ ସେମାନଙ୍କ ରହଣୀ ବ୍ୟବସ୍ଥା କରାଯାଇଛି । ରହଣୀ କେନ୍ଦ୍ର ଗୁଡ଼ିକୁ ବାରମ୍ବାର ସାନିଟାଇଜ୍ କରାଯାଉଛି । ରୁମ୍ ଗୁଡ଼ିକରେ ସାମାଜିକ ଦୂରତା ରକ୍ଷା କରି ସଫା ବେଡ଼ ପକାଯାଇଛି । କୋଭିଡ ନିୟମ ପାଳନ କରି କମନ୍ କ୍ୟାଣ୍ଟିନରେ ଛାତ୍ରଛାତ୍ରୀଙ୍କ ପାଇଁ ଖାଦ୍ୟ ବ୍ୟବସ୍ଥା କରାଯାଇଛି । ଆଜି ଅପରାହ୍ନ ୨ଟାରୁ ୫ଟା ଯାଏ ହେବ ପରୀକ୍ଷା । ୧୨.୩୦ରୁ ଏଣ୍ଟ୍ରି ଗେଟ୍ ଖୋଲିବ ।