ଇସଲାମାବାଦ: ପାକିସ୍ତାନ ରାଜନୀତିରେ କେବଳ ଭାରତ ବିରୋଧୀ ବୟାନ୍ ହିଁ ଅଧିକ ଗୁରୁତ୍ୱ ବହନ କରେ । ଯେଉଁ ନେତା ଯେତେ ଅଧିକ ଭାରତ ବିରୋଧରେ କହିବେ ସେହି ନେତା ସେତେ ଚର୍ଚ୍ଚାରେ ରହିବେ । ଏମିତିକି ରାଜନେତା ମାନେ ଭାରତ ବିରୋଧରେ ନକହିଲେ ତାଙ୍କୁ ସାବାସି ମିଳେ ନାହିଁ । ଭାରତ ବିରୋଧୀ ମନ୍ତବ୍ୟ ଦେଲେ ହିଁ ପାକିସ୍ତାନ ନେତାଙ୍କ ପେଟ ପୋଷି ହୋଇଥାଏ । ଏକଥା ଖୋଦ୍ ପାକିସ୍ତାନର ଜଣେ ପୂର୍ବତନ ମନ୍ତ୍ରୀ ଗଣମାଧ୍ୟମ ସମ୍ମୁଖରେ ସ୍ୱୀକାର କରିଛନ୍ତି ।
ଇମ୍ରାନ ଖାନଙ୍କ ଜଣେ ଘନିଷ୍ଠ ସହଯୋଗୀ ଫିରଦୋସ ଆଶିକ୍ ଆୱାନ ଏହାକୁ ସ୍ୱୀକାର କରିଛନ୍ତି । ସେ କହିଛନ୍ତି ପାକିସ୍ତାନରେ ଭାରତ ବିରୋଧୀ ବୟାନ ସବୁଠୁ ଅଧିକ ବିକ୍ରି ହୋଇଥାଏ । ଭାରତକୁ ବିରୋଧ କରିବା ହିଁ ଆମର ଜୀବିକା । ସେଥିପାଇଁ ସମସ୍ତ ରାଜନେତା ଏହି ପ୍ରସଙ୍ଗକୁ ଅଧିକ ଗରୁତ୍ୱ ଦେଇଥାନ୍ତି ।
ପାକିସ୍ତାନୀ ପଞ୍ଜାବର ସୂଚନା ଓ ସଂସ୍କୃତି ବ୍ୟାପାରର ବିଶେଷ ସହାୟକ ଫିରଦୋସ୍ ଆଶିକ୍ ଆୱାନ୍, ଗଣମାଧ୍ୟମ ସଂସ୍ଥା ARY ନ୍ୟୁଜ୍କୁ ଏକ ସାକ୍ଷାତକାରରେ ଏଭଳି କହିଛନ୍ତି । ପାକିସ୍ତାନରେ ଭାରତ ଏବଂ ମୋଦି ବିରୋଧୀ ନାରା ସତେ ଯେମିତି ସାଧାରଣ କଥା, ବୋଲି ଗଣମାଧ୍ୟମ ପ୍ରତିନିଧି ପ୍ରଶ୍ନ କରିବା ପରେ ଆଓ୍ୱାନା କହିଥିଲେ ଏଠାରେ ଜନସାଧାରଣଙ୍କ ଚିନ୍ତାଧାରା ଭାରତ ବିରୋଧୀ । ତେଣୁ ସେମାନଙ୍କୁ ଭାରତ ବିରୋଧୀ ନାରା ଅଧିକ ସୁହାଇ ଥାଏ । ଯାହାଫଳରେ ନେତାମାନେ ଭାରତ ବିରୋଧୀ ବୟାନ ବାରମ୍ବାର ଦେଉଛନ୍ତି । ଆଉ ବଜାରରେ ସେହି ବୟାନ ହିଁ ଅଧିକ ବିକ୍ରି ହେଉଛି । ବଜାରରେ ଯାହା ଅଧିକ ବିକ୍ରି ହୋଇଥାଏ ଲୋକ ତାକୁ ହିଁ ଅଧିକ ବିକ୍ରି କରିଥାନ୍ତି । ଏହା କେବଳ ସରକାରୀ ଦଳ ନୁହେଁ ବିରୋଧୀ ତ ଏଭଳି ମନ୍ତବ୍ୟ ବିକ୍ରି କରିଛନ୍ତି ଯାହା ମୋଦିଙ୍କ ପାଇଁ ଅତ୍ୟନ୍ତ ମଜାଳିଆ ଏବଂ ଆଶ୍ଚର୍ଯ୍ୟକର ।
ପାକିସ୍ତାନରେ ପିଟିଆଇ ସରକାର ଆସିବା ପୂର୍ବରୁ ଇମ୍ରାନ ଖାନଙ୍କ ‘ମୁଭମେଣ୍ଟ ଫର ଚେଞ୍ଜ’ ଅଭିଯାନରେ ଅଓ୍ୱାନା ଅଂଶଗ୍ରହଣ କରିଥିଲେ । ଏହି ସମୟରେ ଇମ୍ରାନ ଖାନ୍ ପ୍ରାୟ ଏକ ମାସ ଧରି ଇସ୍ଲାମାବାଦ୍କୁ ଘେରାଉ କରି ରଖିଥିଲେ । ସେ ପାକିସ୍ତାନର ପିପୁଲ୍ସ ପାର୍ଟି ସରକାରରେ କେନ୍ଦ୍ରମନ୍ତ୍ରୀ ମଧ୍ୟ ରହିସାରିଛନ୍ତି । ଏପ୍ରିଲ୍ ୨୦୧୯ ରେ, ଇମ୍ରାନ ଖାନ ତାଙ୍କ ସରକାରରେ ଅଓ୍ୱାନା ସୂଚନା ଏବଂ ପ୍ରସାରଣ ମନ୍ତ୍ରଣାଳୟରେ ସ୍ୱତନ୍ତ୍ର ସହାୟକ ପଦବୀରେ ବସାଇଥିଲେ ।
ସେହି ସମୟରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ରାଷ୍ଟ୍ରିୟ ସ୍ୱୟଂ ସେବକ ସଂଘ ଏବଂ ଭାରତୀୟ ସେନା ବିରୋଧରେ ଅନେକ ମିଥ୍ୟା ଅଭିଯୋଗ ମଧ୍ୟ ଆଣିଥିଲେ । ସେହି ସମୟରେ UNGAର ସମ୍ମିଳନୀ ହଲରେ ଉପସ୍ଥିତ ଥିବା ଭାରତୀୟ କୂଟନୀତିଜ୍ଞ ଇମ୍ରାନଙ୍କ ବିରୁଦ୍ଧରେ ବାହାରିଥିଲେ ।
କାଶ୍ମୀରକୁ ନେଇ ଇମ୍ରାନଙ୍କ ବୟାନ
ଇମ୍ରାନ ତାଙ୍କ ଅଭିଭାଷଣରେ କାଶ୍ମୀରକୁ ନେଇ ଅସନ୍ତୋଷ ପ୍ରକାଶ କରିଥିଲେ । ସେ କହିଥିଲେ, ଭାରତ କାଶ୍ମୀରକୁ ବେଆଇନ ଭାବେ ଦଖଲ କରି ରଖିଛି ଏବଂ ସେଠାକାର ଲୋକଙ୍କ ମାନବିକ ଅଧିକାରର କ୍ଷୂର୍ଣ୍ଣ କରୁଛି । ମିଳିତ ଜାତିସଂଘ ତାର ସମ୍ବିଧାନ ଅନୁଯାୟୀ ଏହାର ସମାଧାନ କରିବା ଆବଶ୍ୟକ । ଧାରା ୩୭୦ ରଦ୍ଦ ସମ୍ପର୍କରେ ଇମ୍ରାନ କହିଥିଲେ ଯେ, ଏହା ଦ୍ୱାରା କାଶ୍ମୀରବାସୀଙ୍କ ଅଧିକାର କ୍ଷୂର୍ଣ୍ଣ ହୋଇଛି ।
