କଟକ: କଟକରେ ନିର୍ମାଣ ହୋଇଥିବା ଆୟକର ଅପିଲେଟ ପ୍ରାଧିକରଣ ବା ଆଇଟିଏଟି କାର୍ଯ୍ୟାଳୟ ଉଦ୍‌ଘାଟିତ ହେବାକୁ ଯାଉଛି । ଭିଡିଓ କନଫ୍ରେନ୍ସରେ ହେବ ଉଦଘାଟନ ଉତ୍ସବ । ଏଥିପାଇଁ ଏକ ବଡ଼ ହଲକୁ ସଜାଯାଇଛି । ଆଜି ଅପରାହ୍ନ ୪ଟା ୩୦ ମିନିଟକୁ ନିର୍ଧାରଣ କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିଡିଓ କନଫରେନ୍ସ ଯୋଗେ ଏହାକୁ ଉଦଘାଟନ କରିବେ । ଏହି କାର୍ଯ୍ୟକ୍ରମରେ କେନ୍ଦ୍ର ଆଇନ ମନ୍ତ୍ରୀ ରବିଶଙ୍କର ପ୍ରସାଦ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିସିରେ ଯୋଗ ଦେବେ ।

ଏହା ଆୟକର ବିବାଦ ସଂପର୍କରେ ଓଡିଶାର ସର୍ବୋଚ୍ଚ ପ୍ରାଧିକରଣ ଭାବେ କାମ କରିବ । ଏହା ଦ୍ୱାରା ସହଜରେ ଆୟକର ନେଇ ରାଜ୍ୟ ଭିତରେ ଉପୁଜୁ ଥିବା ବିବାଦର ଶୀଘ୍ର ସମାଧାନ ହୋଇପାରିବ । ରାଜ୍ୟରେ ପ୍ରଥମେ କୋଲକାତା ବ୍ରାଞ୍ଚ ଉପରେ ନିର୍ଭର କରିବାକୁ ପଡ଼ୁଥିଲା । କିନ୍ତୁ ଏବେ ସମ୍ପୂର୍ଣ୍ଣ ଭାବରେ କଟକରେ ହୋଇଥିଲା ଅପିଲେଟ ପ୍ରାଧିକରଣରେ କାର୍ଯ୍ୟ ହେବ ।

କଟକ: ମାନବପ୍ରେମୀ ଆଦିତ୍ୟ ଦାସ ମୃତ୍ୟୁ ମାମଲା । ମାନବପ୍ରେମୀ ଆଦିତ୍ୟ ଦାସ ମୃତ୍ୟୁ ମାମଲାରେ ଆଜି ହାଇକୋର୍ଟରେ ଶୁଣାଣି ହୋଇଛି । ହାଇକୋର୍ଟରେ ଜବାବ ରଖିଲେ ରାଜ୍ୟ ସରକାର । ଏବେ ସୁଦ୍ଧା ତଦନ୍ତରେ ଆଦିତ୍ୟଙ୍କୁ ହତ୍ୟା କରାଯାଇଥିବା ସ୍ପଷ୍ଟ ହୋଇନି । ହାଇକୋର୍ଟ ରେ କ୍ରାଇମବ୍ରାଞ୍ଚ ପକ୍ଷରୁ ଦିଆଯାଇଥିବା ତଥ୍ୟ ଅନୁଯାୟୀ ବର୍ତ୍ତମାନ ପର୍ଯ୍ୟନ୍ତ ହୋଇଥିବା ତଦନ୍ତ ରୁ ଆଦିତ୍ୟ ଦାସଙ୍କୁ ହତ୍ୟା କରାଯାଇଥିବା ନେଇ କୌଣସି ପ୍ରମାଣ ମିଳିନାହିଁ । ଅନ୍ୟ ପକ୍ଷରେ ତଦନ୍ତ କାରୀ ଅଧିକାରୀ କୋଭିଡ୍ ଆଇସୋଲେସନରେ ଥିବାରୁ ସବିଶେଷ ତଥ୍ୟ ଦାଖଲ କରି ପାରି ନାହାଁନ୍ତି । ତେବେ ମାମଲାର ପରବର୍ତ୍ତି ଶୁଣାଣୀ ନଭେମ୍ବର ୨୬ ତାରିଖରେ ହେବ ।

ବଲାଙ୍ଗୀର: ପାଟଣାଗଡ଼ର କୁସୁମପଡ଼ାରେ ଚାଞ୍ଚଲ୍ୟ । ଗୋଟିଏ ପରିବାରର ୬ଜଣଙ୍କ ମୃତ୍ୟୁ ହୋଇଛି । କବାଟ ଖୋଲିଲା ପରେ ଜଣାପଡ଼ିଥିଲା ଘଟଣା ସମ୍ପର୍କରେ । ତେବେ କେଉଁ କାରଣରୁ ୬ଜଣଙ୍କର ମୃତ୍ୟୁ ହୋଇଛି ତାହା ଏବେ ଅସ୍ପଷ୍ଟ ରହିଛି । ଏହା ଆତ୍ମହତ୍ୟା ନା ହତ୍ୟା ତାହା ଜଣା ପଡ଼ିନାହିଁ ।

କେହି ହତ୍ୟା କରିଥିବା ସନ୍ଦେହ କରାଯାଉଛି । ସେପଟେ ସୂଚନା ପାଇ ଘଟଣ ସ୍ଥଳରେ ପୋଲିସ ପହଞ୍ଚି ତାର ପ୍ରାଥମିକ ତଦନ୍ତ ଆରମ୍ଭ କରିଛି । ସ୍ଥାନୀୟ ଲୋକଙ୍କ କହିବା ଅନୁଯାୟୀ ଏମାନଙ୍କ ପରିବାରରେ ଅନେକ ସମୟରେ କଳହ ଲାଗେ । କିନ୍ତୁ କଳହ ପାଇଁ ଏମାନଙ୍କ ମୃତ୍ୟୁ ହୋଇଛି କି ନାହିଁ ତାହା ଏବେ ଅସ୍ପଷ୍ଟ ।

ଭୁବନେଶ୍ୱର: ଘରର ପଛ ବାଲକୋନୀରେ ଗାମୁଛା ଲଗାଇ ଆତ୍ମହତ୍ୟା । ବେକରେ ଗାମୁଛା ବାଲକୋନୀ ତଳକୁ ଛୁଲିପଡ଼ିଲେ ଜଣେ ବ୍ୟକ୍ତି । ଏଭଳି ଏକ ଘଟଣା ଭୁବନେଶ୍ୱର ସହିଦନଗରରରେ ଦେଖିବାକୁ ମିଳିଛି । ପ୍ଲଟ ନମ୍ବର ୫୩୭ର ଦ୍ଵିତୀୟ ମହଲାର ବାଲକୋନୀରୁ ଝୁଲନ୍ତା ମୁତଦେହ ଉଦ୍ଧାର ହୋଇଛି । ମୃତକ ହେଲେ ଯାଜୁଲ୍ୟମାନ ନାଥ । ବେକରେ ଗାମୁଛା ବାନ୍ଧି ଘରର ପଛ ବାଲକୋନୀରେ ଆତ୍ମହତ୍ୟା କରିଛନ୍ତି ଯାଜୁଲ୍ୟ ।

ସହିଦ ନଗର ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି । ମୁତ୍ୟୁର କାରଣ ଅସ୍ପଷ୍ଟ ଥିବାବେଳେ ପାରିବାରିକ କଳହ ଯୋଗୁ ଯାଜୁଲ୍ୟ ଆତ୍ମହତ୍ୟା କରିଥିବା ଅନୁମାନ କରାଯାଉଛି । ୫୫ ବର୍ଷୀୟ ଯାଜୁଲ୍ୟଙ୍କ ଘର ପିପିଲି ହୋଇଥିବାବେଳେ ସେ ଏକ ରିଅଲ ଇଷ୍ଟେଟ ଅଫିସରେ ପିଅନ ଭାବେ କାର୍ଯ୍ୟ କରୁଥିଲେ । ତେବେ ଯାଜୁଲ୍ୟ କେଉଁ କାରଣରୁ ଆତ୍ମହତ୍ୟା କଲେ ତାହା ଏବେବି ଅସ୍ପଷ୍ଟ ରହିଛି ।