ଗଞ୍ଜାମ: ରାୟପୁର ବସ୍ ଦୁର୍ଘଟଣା ଘଟଣା । ବସ୍ ଦୁର୍ଘଟଣାରେ ୮ ଜଣଙ୍କର ମୃତ୍ୟୁ ହୋଇଛି । ତେବେ ସେମାନଙ୍କ ମଧ୍ୟରୁ ୪ ଜଣଙ୍କର ପରିଚୟ ମିଳିପାରିଛି । ମୃତକ ମାନେ ହେଉଛନ୍ତି ବେଲଗୁଣ୍ଠ ବ୍ଲକ୍ ବାଘୁଆପଲ୍ଲୀ ଗାଁର ସୁଶାନ୍ତ ସ୍ୱାଇଁ, ଗାଙ୍ଗପୁର ଥାନା ବୋରୀ ଗାଁର ନାରାୟଣ ଗୁରୁ, ଆସିକା ଥାନା ଘଟପୁରୀ ଗାଁର ବିଶ୍ୱନାଥ ଗୌଡ଼, ଛତ୍ରପୁର ବ୍ଲକ୍ ସୁନ୍ଦରପୁର ଗାଁର ସମୀର ମହାକୁଡ଼ ବୋଲି ଜଣାପଡ଼ିଛି । ତେବେ ଅନ୍ୟ ୪ ଜଣଙ୍କର ପରିଚୟ ମିଳିପାରି ନାହିଁ । ଯଥାଶୀଘ୍ର ଅନ୍ୟ ୪ ଜଣଙ୍କର ପରିଚୟ ହସ୍ତଗତ ହେବ ବୋଲି ସୂଚନା ମିଳିଛି ।
ସେପଟେ ଏହି ବସ୍ ଦୁର୍ଘଟଣା ନେଇ ଗଞ୍ଜାମ ଜିଲ୍ଲାପାଳ ସୂଚନା ଦେଇଛନ୍ତି । ଦୁର୍ଘଟଣାରେ ମୃତ୍ୟୁ ହୋଇଥିବା ଲୋକ ମାନଙ୍କୁ ତାଙ୍କ ଘରକୁ ଆଣିବା ପାଇଁ ବ୍ୟବସ୍ଥ କରାଯାଉଛି । ଜନ୍ମମାଟିରେହିଁ ହେବ ମୃତ ଶ୍ରମିକ ମାନଙ୍କର ଅନ୍ତିମ ସଂସ୍କାର । ଏବେ ପ୍ରତି ମୁହୂର୍ତ୍ତରେ ଛତିଶଗଡ଼ ପୋଲିସ ସହ ଯୋଗାଯୋଗ ରହିଛି । ସେଠାରେ ଆହତଙ୍କୁ ଚିକିତ୍ସା ପାଇଁ କଡ଼ା ପଦକ୍ଷେପ ନିଆଯାଇଛି ବୋଲି କହିଛନ୍ତି ଜିଲ୍ଲାପାଳ ।
