ଋଷ ଦ୍ୱାରା ପ୍ରସ୍ତୁତ କରାଯାଇଥିବା କରୋନା ଭୂତାଣୁ ଭ୍ୟାକସିନ ସ୍ପୁଟନିକ-ବିରେ କେତେକ ଭାରତୀୟ କମ୍ପାନୀ ନିଜର ରୁଚି ଦେଖାଇଛନ୍ତି । ଭାରତୀୟ କମ୍ପାନୀ ଗୁଡ଼ିକ ଆରଡିଆଇଏଫ ସହିତ ଏହି ବିଷୟରେ ଆଲୋଚନା କରିଛନ୍ତି । ଭ୍ୟାକସିନ ଫେଜ ଓ୍ୱାନ ଏବଂ ଫେଜ-ଟୁ ର କ୍ଲିନିକାଲ ଟ୍ରାଏଲ ସହିତ ଜଡ଼ିତ ସୂଚନା ଜାଣିବା ବିଷୟକୁ ନେଇ ଏହି ଆଲୋଚନା ହୋଇଛି ।
କହିରଖୁଛୁ ଆରଡିଆଇଏଫ ଋଷର ପୁଞ୍ଜି ବିନିଯୋଗ କରୁଥିବା କମ୍ପାନୀ । ଏହି କମ୍ପାନୀ କରୋନା ଭ୍ୟାକସିନ ସ୍ପୁଟନିକ ବି’ର ରିସର୍ଚ ଏବଂ ଟ୍ରାଏଲର ଫଣ୍ଡିଂ । ଆରଡିଆଇଏଫ ନିକଟରେ ଏହି ଭ୍ୟାକସିନର ମାର୍କେଟିଙ୍ଗ୍ ଏବଂ ଏକ୍ସପୋର୍ଟ ଅଧିକାର ରହିଛି । ଭ୍ୟାକସିନ-ବି ଦୁନିଆର ପ୍ରଥମ ପଞ୍ଜିକୃତ କରୋନା ଭ୍ୟାକସିନ୍ । ଯଦି ଆରଡିଆଇଏଫ ସହିତ ଭାରତୀୟ କମ୍ପାନୀ ଗୁଡ଼ିକ କରିଥିବା ଆଲୋଚନାର ଉଦ୍ଦେଶ୍ୟ ସଫଳ ହୁଏ ତେବେ ଭାରତରେ ଏହି ଭ୍ୟାକସିନ ଉତ୍ପାଦନ ଆରମ୍ଭ ହୋଇପାରେ ।
ଋଷ ଦୂତାବାସର କହିବା ଅନୁସାରେ ଭାରତୀୟ କମ୍ପାନୀ ଗୁଡ଼ିକ ଭ୍ୟାକସିନକୁ ନେଇ ଆରଡିଆାଇଏଫ ସହିତ ଯୋଗାଯୋଗ କରିଛନ୍ତି । ଏହି କମ୍ପାନୀ ଗୁଡ଼ିକ ଫେଜ-୧ ଏବଂ ଫେଜ-୨ର ଟ୍ରାଏଲର କୌଶଳ ଖବର ମାଗିଛନ୍ତି । ଏହି ମଧ୍ୟରେ ସରକାରଙ୍କ ଠାରୁ ଜରୁରୀ ଅନୁମତି ମିଳିବା ପରେ ତୃତୀୟ ଦେଶର ଭ୍ୟାକସିନ ଉପରେ ଚର୍ଚ୍ଚା ହେଲା । ଏହା ସହିତ ଘରୋଇ ବ୍ୟବହାର ପାଇଁ ଭ୍ୟାକସିନର ପ୍ରସ୍ତୁତିକୁ ନେଇ ଆଲୋଚନା କରାଯାଇଥିବା କହିଛି ଋଷ ଦୂତାବାସ ।
ଗତ ମଙ୍ଗଳବାରକୁ ଋଷ ଦୁନିଆର ପ୍ରଥମ ଦେଶ ଭାବରେ ବିବେଚିତ ହୋଇଛି, ଯିଏ କରୋନା ଭୂତାଣୁରୁ ରକ୍ଷା ପାଇବା ପାଇଁ ପ୍ରସ୍ତୁତ କରିଥିବା ଭ୍ୟାକସିନକୁ ପଞ୍ଜିକୃତ କରିଛି । ଏହି ଭ୍ୟାକସିନକୁ ପ୍ରସ୍ତୁତ କରିଛନ୍ତି ଋଷର ମାଇକ୍ରୋ ବାୟୋଲୋଜି ରିସର୍ଚ ସେଣ୍ଟର ।
