ପୂର୍ଵ ଶତ୍ରୁତାକୁ କେନ୍ଦ୍ରକରି ଜଗତସିଂହପୁରରେ ବୋମାମାଡ଼, ଜଣେ ଗୁରୁତର
ଜଗତସିଂହପୁର: ଜଗତସିଂହପୁର ପଲିଗାଁ ତ୍ରିବେଣୀ ପୋଖରୀରେ ବୋମାମାଡ । ପୂର୍ଵ ଶତ୍ରୁତାକୁ କେନ୍ଦ୍ରକରି ହୋଇଛି ବୋମାମାଡ଼ । ବୋମାମାଡ଼ରେ ଗାଁର ପ୍ରଭାତ ଗାନ ଗୁରୁତର ହୋଇଛନ୍ତି । ତାଙ୍କୁ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ବାଇକରେ ଆସି ଦୁଇ ଦୁର୍ବୃତ୍ତ ବୋମାମାଡ କରି ଫେରାର ହୋଇଯାଇଥିଲେ । ଘଟଣାରେ ହାପୁ ମଲ୍ଲିକ ଓ ଅନ୍ୟଜଣେ ଜଣେ ଦୁର୍ବୃତ୍ତଙ୍କୁ ଗିରଫ କରିଛି ପୋଲିସ ।
ଆହତ ବ୍ୟକ୍ତିଙ୍କ ସୂଚନା ଅନୁଯାୟୀ , ୪ ଜଣ ଗାଁ ପୋଖରୀ ତୁଠରେ ବସିଥିଲେ । ଠିକ ସେତିକି ବେଳେ ହାପୁ ମଲ୍ଲିକ ନାମକ ଜଣେ ଯୁବକ ଗାଡ଼ିରୁ ଓହ୍ଲାଇ ବୋମାମାଡ଼ କରିବା ଆରମ୍ଭ କରିଥିଲା । ଚାରି ପାଞ୍ଚ ଦିନ ହେବ ଫୋନରେ ଖରାପ ମେସେଜକୁ କେନ୍ଦ୍ର କରି ବଳି ଏବଂ ହାପୁ ନାମକ ଯୁବକଙ୍କ ମଧ୍ୟରେ ଝଗଡ଼ା ଆରମ୍ଭ ହୋଇଥିଲା ।
ଝଗଡ଼ା ଏତେ ଆଗକୁ ବଢ଼ିଯାଇଥିଲା ଯେ ମାଡ଼ଗୋଳ ପର୍ଯ୍ୟନ୍ତ କଥା ବଢ଼ିଗଲା । ଏଥିରେ ବଳିର ନାକ ମଧ୍ୟ ଫାଟି ଯାଇଥିଲା । ଆପୋଷ ବୁଝାବଣା ପାଇଁ ଆହତ ଯୁବକଙ୍କ ଦାଦା ହାପୁ ଘରକୁ ୭ ଥର ଜାଇଥିଲେ । କିନ୍ତୁ ହାପୁ ତାକୁ ମାରିବା ପରେ ହିଁ କମ୍ପ୍ରୋମାଇଜ କରିବ ବୋଲି କହିଥିବା ଅଭିଯୋଗ କରିଛନ୍ତି ଆହତଙ୍କ ପରିବାର ଲୋକ ।
ସେହିପରି ଭାବରେ ଭଦ୍ରକ ଜିଲ୍ଲା ଚାନ୍ଦବାଲି ଥାନା ପଞ୍ଚପଡ଼ାରେ ଏକ ଦୋକାନ ଉପରକୁ ବିଳମ୍ବିତ ରାତିରେ ବୋମାମାଡ଼ ହୋଇଥିବା ଅଭିଯୋଗ ହୋଇଛି । ଗତକାଲି ସନ୍ଧ୍ୟାରେ ଦୋକାନୀ ଉମାକାନ୍ତ ସାହୁଙ୍କ ସହିତ ଦୁଇ ଜଣ ଯୁବକଙ୍କ ଖାଇବାକୁ ନେଇ ବଚସା ହୋଇଥିଲା । ପରେ ଦୁଇ ଯୁବକ ପଳାଇଥିଲେ । ତେବେ ରାତି ୧୨ ଟା ପରେ ଉମାକାନ୍ତଙ୍କ ଦୋକାନ ଓ ତାଙ୍କ ପାଖ ଘରକୁ ଅଚାନକ ୨ଟା ବୋମା ପକାଇ ପଳାଇଥିଲେ ଦୁବୃତ୍ତ ।
ବୋମାମାଡ ଯୋଗୁ ଦୋକାନର କବାଟ ଭାଙ୍ଗି ଯାଇଥିବା ବେଳେ ଦୋକାନରେ ଥିବା ଉମାକାନ୍ତଙ୍କ ଝିଅ ଆଶାରାଣୀ ସାମାନ୍ୟ ଆହତ ହୋଇଛନ୍ତି । ପାଖ ଘର ଆଜବେଷ୍ଟସ ଓ ବାଇକ ଭାଙ୍ଗି ଯାଇଛି । ଚାନ୍ଦବାଲି ପୋଲିସ ଘଟଣାସ୍ଥଳରୁ କିଛି ସୁତୁଲି ଜବତ କରିବା ସହ ଜଣକୁ ଅଟକ ରଖି ପଚରା ଉଚାର କରୁଛି ।
ହ୍ୱାଇଟ ହାଉସ ବାହାରେ ଗୁଳିକାଣ୍ଡ, ଏବେ ସ୍ଥିତି ନିୟନ୍ତ୍ରଣ ଥିବା ସୂଚନା ଦେଲେ ଟ୍ରମ୍ପ
ଯୁକ୍ତରାଷ୍ଟ୍ର ଆମେରିକା: ହ୍ୱାଇଟ ହାଉସ ବାହାରେ ଗୁଳିକାଣ୍ଡ । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସାମ୍ବାଦିକ ସମ୍ମିଳନୀ କରୁଥିବାବେଳେ ହଠାତ ଗୁଳିକାଣ୍ଡ ହୋଇଥିଲା । ସୁରକ୍ଷା ଦୃଷ୍ଟିରୁ ସିକ୍ରେଟ ସର୍ଭିସର ଅଧିକାରୀ ଡୋନାଲ୍ଡ ଟ୍ରମ୍ପଙ୍କୁ ପୋଡିୟମରୁ ଓହ୍ଲାଇବା ପାଇଁ ନିବେଦନ କଲେ । କିଛି ସମୟ ପାଇଁ ସାମ୍ବାଦିକ ସମ୍ମିଳନୀକୁ ବନ୍ଦ କରିବାକୁ ପଡିଥିଲା । ତେବେ ଫାଇରିଙ୍ଗ ସମୟରେ ସିକ୍ରେଟ ସର୍ଭିସ ଅଧିକାରୀଙ୍କ ଗୁଳିରେ ଜଣେ ଆତଙ୍କି ଆହାତ ହୋଇଥିବା ଟ୍ୱିଟ ଜରିଆରେ ସୂଚନା ଦେଇଛନ୍ତି ଡୋନାଲ୍ଡ ଟ୍ରମ୍ପ । ସିକ୍ରେଟ ସର୍ଭିସ ଦଳ ତତ୍ପରତା ଦେଖାଇଥିବାରୁ ତାଙ୍କୁ ପ୍ରଶଂସା କରିଛନ୍ତି ଟ୍ରମ୍ପ ।
ଗୁଳି ବିନିମୟ ହେତୁ ଟ୍ରମ୍ପଙ୍କ ପ୍ରେସମିଟରେ ପଡ଼ିଲା ପ୍ରଭାବ
#WATCH US: Secret Service agents escorted President Donald Trump out of White House briefing room shortly after the start of a news conference.
After returning to the news conference, President Trump informed reporters that there was a shooting outside the White House. pic.twitter.com/msZou6buGP
— ANI (@ANI) August 10, 2020
ସୂଚନା ଅନୁଯାୟୀ, ଆମେରିକାର ହ୍ୱାଇଟ ହାଉସ ବାହାରେ ଗୁଳି ବିନିମୟ ଘଟଣା ସମ୍ପର୍କରେ ରାଷ୍ଟ୍ରପତି ଟ୍ରମ୍ପ ନିଜେ ସୂଚନା ଦେଇଛନ୍ତି । କୁହାଯାଉଛି ଯେ ଏହି ସମୟ ମଧ୍ୟରେ ଆମେରିକାର ରାଷ୍ଟ୍ରପତିଙ୍କ ସଂକ୍ଷିପ୍ତ ସୂଚନା ମଧ୍ୟ ପ୍ରଭାବିତ ହୋଇଥିଲା । ତାଙ୍କୁ ସେହି ସମୟରେ ପୋଡିୟମରୁ ଓହରିଯିବାକୁ କୁହାଯାଇଥିଲା। ତେବେ ଖୁବ୍ ଶୀଘ୍ର ଗୁପ୍ତଚର ସେବା ଅଧିକାରୀମାନେ କାର୍ଯ୍ୟାନୁଷ୍ଠାନ ଗ୍ରହଣ କରି ଅଭିଯୁକ୍ତଙ୍କୁ ଗୁଳି ଚଳାଇଥିଲେ। ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଛି । ଟ୍ରମ୍ପ ଏ ବିଷୟରେ ସୂଚନା ଦେଇଛନ୍ତି ।
ଆମେରିକାର ସିକ୍ରେଟ ସର୍ଭିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କଲା
We have tested close to 65 million people and no country is even close to that number. India would be second at 11 million (tests) and they have 1.5 billion people… I feel strongly that we will have a vaccine by the end of the year: US President Donald Trump pic.twitter.com/6pYt4Xyy6R
— ANI (@ANI) August 10, 2020
ଆମେରିକାର ସିକ୍ରେଟ ସର୍ଭିସ ଦ୍ୱାରା ଏହି ଗୁଳି ବିନିମୟ ପୁଷ୍ଟି ଦିଆଯାଇଛି । ସେ ଟ୍ୱିଟରେ ଦର୍ଶାଇଛନ୍ତି ଯେ ୧୭ ତମ ଷ୍ଟ୍ରିଟ୍ ଏବଂ ପେନସିଲଭାନିଆ ଆଭେନ୍ୟୁରେ ଗୁଳି ବିନିମୟରେ ଜଣେ ଅଧିକାରୀ ସମ୍ପୃକ୍ତ ଥିଲେ। ଏଥି ସହ ଗୁଳି ବିନିମୟ ପରେ ତୁରନ୍ତ ପଦକ୍ଷେପ ନେଇଥିବାରୁ ଆମେରିକାର ରାଷ୍ଟ୍ରପତି ଟ୍ରମ୍ପ ସିକ୍ରେଟ ସର୍ଭିସଙ୍କୁ ଧନ୍ୟବାଦ ଜଣାଇଛନ୍ତି। ଟ୍ରମ୍ପ କହିଛନ୍ତି ଯେ ଏଜେନ୍ସି ଶୀଘ୍ର ଏବଂ ବହୁତ ପ୍ରଭାବଶାଳୀ କାର୍ଯ୍ୟ କରିଛି । ଜଣଙ୍କୁ ଡାକ୍ତରଖାନା ନିଆଯାଇଛି ।
ଆଜି ପବିତ୍ର ଜନ୍ମାଷ୍ଟମୀ, କୃଷ୍ଣପକ୍ଷ ଅଷ୍ଟମୀ ତିଥିରେ ଜନ୍ମ ନେବେ ପ୍ରଭୁ ଶ୍ରୀକୃଷ୍ଣ
ଆଜି ପବିତ୍ର ଜନ୍ମାଷ୍ଟମୀ | ଏହି ପବିତ୍ର ଭାଦ୍ରବ କୃଷ୍ଣପକ୍ଷ ଅଷ୍ଟମୀ ତିଥିରେ ଜନ୍ମ ନେବେ ପ୍ରଭୁ ଶ୍ରୀକୃଷ୍ଣ। କୃଷ୍ଣଙ୍କ ଜନ୍ମ ଉତ୍ସବକୁ ଜନ୍ମାଷ୍ଟମୀ ଭାବେ ପାଳନ କରାଯାଏ। ଏହି ଅବସରରେ ଶ୍ରୀମନ୍ଦିରରେ ବିଶେଷ ନୀତି ଅନୁଷ୍ଠିତ ହେବ। ସନ୍ଧ୍ୟାଧୂପ ପୂଜା ଶେଷ ହେବା ପରେ ଜୟବିଜୟ ଦ୍ୱାର ବନ୍ଦ ହୁଏ | ସୁଦୁସୁଆର ସେବକ ଭଣ୍ଡାର ଦ୍ୱାର ଆଗରେ ପୋଛା ମାରନ୍ତି । ପରେ ପୂଜାପଣ୍ଡା ସେବକ ପାଞ୍ଚ ବର୍ଣ୍ଣ ମୁରୁଜରେ ସର୍ବତ୍ର ଭଦ୍ରମଣ୍ଡଳ କାଟିବେ । ପୂଜାପଣ୍ଡା ବସ୍ତ୍ରରେ ଗୃହ ନିର୍ମାଣ କରିବେ ଦ୍ୱାରଦେଶରେ ଦୁଇଜଣ ଦ୍ଵାରପାଳ ମୂଷଳାୟୁଧ ଧାରଣ କରି ଦଣ୍ଡାୟମାନ ଚିତ୍ର କରାଯାଏ । ପୁନଃ ଷଷ୍ଠୀ ଦେବୀ ସେଠାରେ ଅବସ୍ଥାନ କରନ୍ତି । ମଣ୍ଡଳ ନିକଟରେ ଶାଳ କିମ୍ବା ଶ୍ରୀପର୍ଣ୍ଣ କାଠରେ ଗୋଟିଏ ଭଦ୍ର ପୀଠାସନ ରଖାଯାଏ ।
ସେହି ଆସନ ଉପରେ ଚିତ୍ରପଟ ରଖାଯାଇ ଚିତ୍ରପଟରେ ଗୋଟିଏ ପଦ୍ମ ଅଙ୍କାଯାଇଥାଏ । ଏହାପରେ ଗମ୍ଭୀରା ସମ୍ମୁଖ ଅଞ୍ଚଳରେ ପାଣି ପଡି ଧୁଆ ହୋଇଥାଏ । ସୁଦୁସୁଆର ମଣ୍ଡଳ ପାଖରେ ପୂଜା କରାଯାଇଥାଏ । ପୂଜାପଣ୍ଡା,ପତି ମହାପାତ୍ର ଓ ମୁଦିରସ୍ତ ସେବକ ଜନ୍ମ ଚକଡାରେ ବସି ସଂକଳ୍ପ ବାକ୍ଯ କରି କଳସରେ ବରୁଣପୂଜା କରିଥାନ୍ତି । ଏଭଳି ବିଭନ୍ନ ନୀତିକାନ୍ତି ପରେ ପୂଜାପଣ୍ଡା ଷୋଡଶ ଉପଚାରରେ ଶୀତଳ ଭୋଗ ମଣୋହୀ କରିଥାନ୍ତି|ଶଷରେ ଉଗ୍ରସେନଙ୍କ ଦଣ୍ଡପ୍ରଣାମ ପରେ ମୁଦିରସ୍ତ ପ୍ରସାଦ ଲାଗି କରନ୍ତି ।
ଏହାପରେ ନାଭିକଟା ମଣ୍ଡପଠାରେ ମଦନମୋହନ ଓ ରାମକୃଷ୍ଣ ଖଟଶେଯ ଉପରେ ବିଜେ କରାଯାଏ । ଏହାପରେ ମହାଜନ ସେବକ ଠାକୁରଙ୍କୁ ଜଗମୋହନରେ ଲଗାଯାଇଥିବା ଦୋଳିରେ ବିଜେ କରନ୍ତି । ମଦନମୋହନ ରାମକୃଷ୍ଣ ଦୋଳିରେ ବିଜେ କରିବା ପରେ ଶୀତଳ ଭୋଗ ସମ୍ପନ୍ନ ହେବ । ଏହାପରେ ଭିତରେ ପାଣିପଡ଼ି ବଡ଼ସିଂହାର ଭୋଗ ଓ ପହୁଡ଼ ନୀତି ସମ୍ପନ୍ନ ହେବ ।
ଆମ୍ୱୁଲାନ୍ସ ଅବହେଳାରେ ଶିଶୁମୃତ, ଅବହେଳା ସ୍ୱୀକାର କଲେ କର୍ତ୍ତୃପକ୍ଷ
ମୟୁରଭଞ୍ଜ : ୧୦୮ ଆମ୍ବୁଲାନ୍ସ କର୍ମଚାରୀଙ୍କ ଅବହେଳା ଯୋଗୁଁ ଶିଶୁ ମୃତ୍ୟୁ ଅଭିଯୋଗ। ଡାକ୍ତରଖାନା ପରିସରରେ ଉନେଜନା। ସୂଚନା ଅନୁସାରେ ମୟୁରଭଞ୍ଜ ଜିଲ୍ଲା ବେତନଟୀ ଥାନା ଅନ୍ତର୍ଗତ ଆମ୍ବପୋତା ଗ୍ରାମର ନିଶାରଞ୍ଜନ ବେହେରାଙ୍କର ଏକ ବର୍ଷର ଶିଶୁ ପୁତ୍ର ଦେହ ଅସୁସ୍ଥ ହେବାରୁ ରବିବାର ବାରିପଦା ସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ତେବେ ଶିଶୁଟିର ଅବସ୍ଥା ଗୁରୁତର ଥିବାରୁ ସୋମବାର କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଥିଲା। କଟକ ଯିବା ବାଟରେ ପିଲାଟି ନିସ୍ତେଜ ହୋଇଯିବାରୁ କୃଷ୍ଣଚନ୍ଦ୍ରପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଶିଶୁକୁ ଡାକ୍ତରଙ୍କୁ ଦେଖାଇଥିଲେ।
ଡାକ୍ତର ପିଲାଟିକୁ ମୃତ ଘୋଷଣା କରିଥିଲେ। ପରିବାର ବର୍ଗଙ୍କ ଅଭିଯୋଗ ଅନୁଯାୟୀ ଶିଶୁଟିକୁ ବାରିପଦା ସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡିକାଲରୁ କଟକ ବଡ଼ ମେଡିକାଲକୁ ୧୦୮ ଆମ୍ବୁଲାନସରେ ନେବା ରାସ୍ତାରେ ଆମ୍ବୁଲାନସ୍ କର୍ମଚାରୀ ଏକ ହୋଟେଲରେ ପାଖାପାଖି ୨ଘଣ୍ଟା ସମୟ ଧରି ଖାଦ୍ୟ ଖାଇଥିଲେ। ଦୀର୍ଘ ସମୟ ଧରି ଅସୁସ୍ଥ ଥିବା ଶିଶୁକୁ କୌଣସି ଚିକିତ୍ସା ବ୍ୟବସ୍ତା ଆମ୍ବୁଲାନ୍ସ କର୍ମଚାରୀ ପ୍ରଦାନ କରି ନ ଥିଲେ।
ଯାହା ଫଳରେ ପିଲାଟି ଗୁରୁତ୍ତର ହୋଇ ପଡ଼ିଥିଲା। ପରିବାର ଲୋକେ ନ୍ୟାୟ ଅପେକ୍ଷାରେ ଆମ୍ବୁଲାନ୍ସ ଭିତରେ ନିଜ ମୃତ ଶିଶୁକୁ ଧରି ବସି ରହିଥିବା ବେଳେ ବେତନଟୀ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ଆମ୍ବୁଲାନ୍ସ କର୍ମଚାରୀ ଘଟଣା ସ୍ଥଳରୁ ଫେରାର ଥିବା ଜଣାପଡିଛି। ସେପଟେ କର୍ମଚାରୀଙ୍କ ଅବହେଳା ସ୍ବୀକାର କଲେ 108 ଆମ୍ବୁଲାନ୍ସ କର୍ତ୍ତୃପକ୍ଷ । ଘଟଣାରେ ସମ୍ପୃକ୍ତ ଫାର୍ମାସିଷ୍ଟକୁ ବରଖାସ୍ତ କରାଯାଇଥିବା ସୂଚନା ଦେଇଛନ୍ତି 108 ଆମ୍ବୁଲାନ୍ସ କର୍ତ୍ତୃପକ୍ଷ ।
ଲଳିତ କଳା ଏକାଡେମୀ ଦେଲା ଧର୍ମପଦ ପୁରସ୍କାର, ୨୦୦୯ରୁ ୨୦୧୫ ପର୍ଯ୍ୟନ୍ତର ଶ୍ରେଷ୍ଠ ଶିଳ୍ପୀ ପୁରସ୍କୃତ……..
ଭୁବନେଶ୍ୱର: ଓଡ଼ିଶା ଲଳିତ କଳା ଏକାଡେମୀ ପକ୍ଷରୁ ସର୍ବୋଚ୍ଚ ପୁରସ୍କାର ‘ଧର୍ମପଦ’ ପୁରସ୍କାର ପ୍ରଦାନ କରାଯାଇଛି । ୭ ଜଣ ବିଶିଷ୍ଟ ଶିଳ୍ପୀଙ୍କୁ ସେମାନଙ୍କ ଘରକୁ ଯାଇ ଭାଷା, ସାହିତ୍ୟ ଓ ସଂସ୍କୃତି ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ଏହି ପୁରସ୍କାର ପ୍ରଦାନ କରିଛନ୍ତି । ପ୍ରତି ଶିଳ୍ପୀଙ୍କୁ ୧ ଲକ୍ଷ ଟଙ୍କା ସହ ତାମ୍ର ଫଳକ ଓ ଉପଢୌକନ ପ୍ରଦାନ କରାଯାଇଛି ।
୨୦୦୯ ବର୍ଷ ପାଇଁ ଗୋକୁଳି ବିହାରୀ ପଟ୍ଟନାୟକ, ୨୦୧୦ ବର୍ଷ ପାଇଁ ସ୍ୱର୍ଗତ ଅସୀମ ବସୁ, ୨୦୧୧ ବର୍ଷ ପାଇଁ ଡକ୍ଟର ଦୁର୍ଗାପ୍ରସାଦ ଦାସ, ୨୦୧୨ ବର୍ଷ ପାଇଁ ପଦ୍ମଶ୍ରୀ ସୁଦର୍ଶନ ସାହୁ, ୨୦୧୩ ବର୍ଷ ପାଇଁ ପଦ୍ମଭୂଷଣ ଯତୀନ ଦାସ, ୨୦୧୪ ପାଇଁ ସ୍ୱର୍ଗତ ଦିନନାଥ ପାଠୀ ଓ ୨୦୧୫ ବର୍ଷ ପାଇଁ ପଦ୍ମବିଭୂଷଣ ରଘୁନାଥ ମହାପାତ୍ରଙ୍କୁ ଧର୍ମପଦ ପୁରସ୍କାର ପ୍ରଦାନ କରାଯାଇଛି । ଅସୀମ ବସୁ, ଦିନନାଥ ପାଠୀ ଓ ଗୋକୁଳି ପଟ୍ଟନାୟକଙ୍କୁ ମରଣୋତ୍ତର ଭାବେ ପ୍ରଦାନ କରାଯାଇଛି ଏହି ପୁରପସ୍କାର ।
ରାଜ୍ୟରେ ପୁଣି ସୁସ୍ଥ ହେଲେ ୧୨୩୬, ସମୁଦାୟ ସୁସ୍ଥତା ସଂଖ୍ୟା ୩୩ ହଜାର ଡେଇଁଲା…..
ଭୁବନେଶ୍ୱର : ରାଜ୍ୟରେ ଆଜି ୧୨୩୬ ଜଣ ସୁସ୍ଥ ହୋଇଛନ୍ତି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ, ଆଜି ରାଜ୍ୟରେ ସୁସ୍ଥ ସଂଖ୍ୟାରେ ଖୋର୍ଦ୍ଧା ସବୁଠାରୁ ଆଗରେ ରହିଛି । ଖୋର୍ଦ୍ଧାରେ ୪୬୧ ଜଣ ସୁସ୍ଥ ହୋଇଥିବା ବେଳେ ଗଞ୍ଜାମରୁ ୧୮୨ ଜଣ ସୁସ୍ଥ ହୋଇଛନ୍ତି । ଅନ୍ୟଗୁଡିକ ମଧ୍ୟରେ ରାୟଗଡ଼ାରୁ ୮୩, କନ୍ଧମାଳରୁ ୭୪, ମାଲକାନଗିରିରୁ ୫୧, ଅନଗୁଳ ୩୯, କୋରାପୁଟ ୩୬, ବାଲେଶ୍ୱରରୁ ୩୫, ବରଗଡ଼ରୁ ୩୪, ଜଗତସିଂହପୁରରୁ ୩୨, ସୁନ୍ଦରଗଡ଼ରୁ ୩୨,ଭଦ୍ରକରୁ ୩୧, ଯାଜପୁରରୁ ୨୯, ଗଜପତିରୁ ୨୮ ଜଣ ସୁସ୍ଥ ହୋଇଛନ୍ତି ।
ସେହିଭଳି ମୟୂରଭଞ୍ଜରୁ ୨୩, ନବରଙ୍ଗପୁରରୁ ୧୫, ପୁରୀରୁ ୧୪, କେନ୍ଦ୍ରାପଡ଼ାରୁ ୧୦, ବୌଦ୍ଧରୁ ୯, ଝାରସୁଗୁଡ଼ାରୁ ୮, ନୟାଗଡ଼ରୁ ୬, କଟକରୁ ୩, କେନ୍ଦ୍ରାପଡ଼ାରୁ ଜଣେ ସୁସ୍ଥ ହୋଇଛନ୍ତି । ଉଲ୍ଲେଖଯୋଗ୍ୟ ସାରା ରାଜ୍ୟରେ ସଂକ୍ରମଣ ସଂଖ୍ୟା ବଢୁଥିଲେ ମଧ୍ୟ ସୁସ୍ଥତା ହାର ସନ୍ତୋଷଜନକ ରହିଛି । ଏଯାବତ୍ ରାଜ୍ୟରେ ୩୩ ହଜାର ୨୦ ଜଣ ସଂକ୍ରମିତ ସୁସ୍ଥ ହୋଇ ଫେରିଲେନି ।
ଧର୍ମାନୁଷ୍ଠାନ ଖୋଲିବା ନେଇ ବିଚାର କରୁଛନ୍ତି ସରକାର
ଭୁବନେଶ୍ୱର: କରୋନା ବ୍ୟାପିବା ପରେ ସରକାର ଧର୍ମାନୁଷ୍ଠାନ ବନ୍ଦ କରିବାକୁ ନିଷ୍ପତ୍ତି ନେଲେ । ସାଧାରଣ ଲୋକଙ୍କ ବିନା ପ୍ରବେଶରେ କେବଳ ସୀମିତ ସେବାୟତଙ୍କ ସହାୟତାରେ ମନ୍ଦିର ପରିଚାଳିତ ହେଲା । ନୀତିକାନ୍ତି ଯେତିକି ସେବାୟତ ଯିବା କଥା ସେତିକି ହିଁ ମନ୍ଦିର ପ୍ରବେଶ କଲେ । ଜଗନ୍ନାଥ ମନ୍ଦିରଠାରୁ ଆରମ୍ଭ କରି ସମ୍ୱଲପୁର ସମଲେଇ ପର୍ଯ୍ୟନ ସମାନ ନ୍ୟାୟରେ କାମ ଚାଲିଲା । ତେବେ ସଂକ୍ରମଣର ୬ ମାସ ପରେ ଏବେ ମନ୍ଦିର ଖୋଲିବା ନେଇ ସରକାର ବିଚାର କରୁଛନ୍ତି ।
ବାସ୍ତବରେ ହାଇକୋର୍ଟ ରାଜ୍ୟ ସରକାରଙ୍କ ଉପରେ ଦାୟିତ୍ୱ ଲଦିବା ପରେ ସରକାର ମାନସ ମନ୍ଥନ କଲେଣି । ସରକାର ଏବେ କେବଳ କଣ୍ଟେନମେଣ୍ଟ ଜୋନ ବାଦ ସବୁ ଅଞ୍ଚଳର ମନ୍ଦିର ଖୋଲିବାକୁ ନିଷ୍ପତ୍ତି ଉପରେ ବିଚାର କରୁଛନ୍ତି । ଆଇନ ମନ୍ତ୍ରୀ ପ୍ରତାପ ଜେନା କହିଛନ୍ତି, ଶ୍ରୀମନ୍ଦିର ସମେତ ରାଜ୍ୟର ସବୁ ମନ୍ଦିର ଓ ଧର୍ମାନୁଷ୍ଠାନ ଖୋଲିବା ନେଇ ଖୁବଶୀଘ୍ର ନିଷ୍ପତ୍ତି ନିଆଯିବ । କରୋନା ସଂକ୍ରମଣର ସ୍ଥିତିକୁ ଆକଳନ କରି ନିଷ୍ପତ୍ତି ନିଆଯିବ । ସଂକ୍ରମଣ ଯେପରି ନବ୍ୟାପିବ, ଗାଇଡ୍ଲାଇନ ପାଳନ ପୂର୍ବକ ମନ୍ଦିର ଖୋଲିବା ନେଇ ଧ୍ୟାନ ଦିଆଯିବ