ଲଦାଖ: ଚୀନ୍ ସହ ତିକ୍ତତା ଲାଗିରହିଥିବା ବେଳେ ଲଦାଖରେ ନିଜ ସ୍ପେଶାଲ ଫୋର୍ସକୁ ମୁତୟନ କରିଛି ଭାରତ । ଦେଶର ଭିନ୍ନ ଭିନ୍ନ ସ୍ଥାନରୁ ସ୍ପେଶାଲ ଫୋର୍ସର ୟୁନିଟ୍ଗୁଡ଼ିକୁ ଲଦାଖରେ ନିୟୋଜିତ କରାଯାଇଛି । ସେମାନେ ସେଠାରେ ଅଭ୍ୟାସ କରୁଛନ୍ତି । ସୂଚନା ଯୋଗ୍ୟ ଯେ, ୨୦୧୭ରେ ପାକିସ୍ତାନ ବିରୋଧରେ ହୋଇଥିବା ସର୍ଜିକାଲ ଷ୍ଟ୍ରାଇକରେ ଏହି ସ୍ୱତନ୍ତ୍ର ବାହିନୀ ପ୍ରମୁଖ ଭୂମିକା ଗ୍ରହଣ କରିଥିଲେ । ଆବଶ୍ୟକ ପଡ଼ିଲେ ସେମାନଙ୍କୁ ଚୀନ୍ ବିରୋଧରେ ମଧ୍ୟ ବ୍ୟବହାର କରାଯାଇପାରିବ ।
ପୂର୍ବ ଲଦାଖରେ ସ୍ୱତନ୍ତ୍ର ବାହିନୀର ଗୋଟିଏ ୟୁନିଟ୍ ମୁତୟନ ହୋଇଛି । ସେମାନଙ୍କର ଭୂମିକା ବିଷୟରେ ସେମାନଙ୍କୁ ସମ୍ପୂର୍ଣ୍ଣ ଭାବେ ଅବଗତ କରାଯାଇଛି । ଭାରତରେ ୧୨ରୁ ଅଧିକ ସ୍ୱତନ୍ତ୍ର ଫୋର୍ସର ରେଜିମେଣ୍ଟ ରହିଛି । ଯେଉଁମାନେ ବିଭିନ୍ନ କ୍ଷେତ୍ରରେ ତାଲିମ ନେଉଛନ୍ତି । ଜମ୍ମୁ କଶ୍ମୀରରେ ନିୟୋଜିତ ସ୍ୱତନ୍ତ୍ର ବାହିନୀ ନିୟମିତ ଭାବେ ଲେହ ଏବଂ ଏହାର ଆଖପାଖର ଉଚ୍ଚତର ଅଞ୍ଚଳରେ ସମରାଭ୍ୟାସ କରୁଛନ୍ତି ।
ଉଲ୍ଲେଖ ଥାଉ ଯେ, ମେ’ ମାସ ଆରମ୍ଭରୁ ଭାରତ ଏବଂ ଚୀନ୍ ମଧ୍ୟରେ ତିକ୍ତତା ଦେଖାଦେଇଛି । ୧୫ ଜୁନ୍ରେ ଲଦାଖର ଗଲଓ୍ୱାନ ଉପତ୍ୟକାରେ ହିଂସାତ୍ମକ ସଂଘର୍ଷ ପରେ ଏହି ଉତ୍ତେଜନା ବୃଦ୍ଧି ପାଇଥିଲା । ଏହି ସଂଘର୍ଷରେ ଭାରତର ୨୦ଜଣ ସୈନିକ ସହିଦ ହୋଇଥିବାବେଳେ ଚୀନ୍ ଏହାର ସୈନିକଙ୍କ ମୃତ୍ୟୁ ସମ୍ପର୍କରେ କୌଣସି ସୂଚନା ଦେଇନାହିଁ ।
ଉଭୟ ଦେଶ କଥାବାର୍ତ୍ତା ମାଧ୍ୟମରେ LACରେ ହିଂସା ହ୍ରାସ କରିବାକୁ ଚେଷ୍ଟା କରୁଛନ୍ତି । ଭାରତ ଏବଂ ଚୀନ୍ର ସାମରିକ ଅଧିକାରୀଙ୍କ ମଧ୍ୟରେ ଅନେକ ରାଉଣ୍ଡ ବୁଝାମଣା ମଧ୍ୟ ହୋଇଛି । ତେବେ ଚୀନ୍ ଗୋଟାଏ ପଟେ କଥାବାର୍ତ୍ତା ମାଧ୍ୟମରେ ମୀମାଂସା କରୁଥିବା ଦେଖାଇହେଉଥିବା ବେଳେ ଅନ୍ୟ ପଟେ ଭାରତର ସୈନିକଙ୍କୁ ଆକ୍ରମଣ କରୁଛି । ଏଥି ସହିତ ଭାରତ ଚୀନ୍ଠାରୁ ସୈନିକମାନଙ୍କ ଶହୀଦ ହେବାର ପ୍ରତିଶୋଧ ନେବା ଆରମ୍ଭ କରିଛି।
ଅର୍ଥନୈତିକ କ୍ଷେତ୍ରରେ ସରକାର ଚୀନ୍କୁ ଆକ୍ରମଣ କରୁଛି । ଚାଇନାରେ ୫୯ଟି ଆପ୍ ଉପରେ ପ୍ରତିବନ୍ଧକ ଲଗାଇ ମୋଦୀ ସରକାର ଚୀନ୍କୁ ଏକ ବଡ଼ ଝଟକା ଦେଇଛନ୍ତି । ଏହା ବ୍ୟତୀତ ଚାଇନାର କମ୍ପାନୀଗୁଡିକ ସହିତ ଚୁକ୍ତିନାମା ମଧ୍ୟ ବାତିଲ କରାଯାଉଛି।
ଚୀନ୍ ସହ ତିକ୍ତତା ମଧ୍ୟରେ ମୋଦୀ ସରକାର ମଧ୍ୟ ଅନେକ ବଡ଼ ନିଷ୍ପତ୍ତି ନେଉଛନ୍ତି । ଗୁରୁବାର ନିଜେ ପ୍ରତିରକ୍ଷା ପରିଷଦ ବୈଠକରେ ୨୧ଟି ମିଗ୍ -୨୯ ଏବଂ ୧୨ ସୁଖୋଇ (SU-30 MKI) ଯୁଦ୍ଧ ବିମାନ କ୍ରୟ ପାଇଁ ପ୍ରସ୍ତାବ ଅନୁମୋଦିତ ହୋଇଛି | ଏହା ସହିତ ୫୯ମିଗ -୨୯ ଯୁଦ୍ଧ ବିମାନର ନବୀକରଣକୁ ମଧ୍ୟ ଅନୁମୋଦନ କରାଯାଇଛି । MiG-29 ଯୁଦ୍ଧ ବିମାନ ଋଷଣୁ କିଣାଯିବ | ଏଥିସହ ବିଦ୍ୟମାନ ଥିବା ମିଗ୍ -୨୧ ଯୁଦ୍ଧ ବିମାନର ମଧ୍ୟ ଆଧୁନିକୀକରଣ କରାଯିବ ।
ସେ ଦେଇଥିବା ୧୪ ୱାର୍ଡ ପ୍ରତିନିଧିଙ୍କ ବିରୋଧରେ ୨୪ଟି ଅପରାଧିକ ମାମଲା ରହିଛି । ଏମାନଙ୍କ ମଧ୍ୟରୁ ଧବଳେଶ୍ୱର ମୂର୍ତ୍ତି, ରାଜେନ୍ଦ୍ର ନାୟକ, ବିଭୁ ପ୍ରସାଦ ନନ୍ଦ, ଶିବ ପ୍ରସାଦ ବେହେରା, ବିଜୟାନନ୍ଦ ପରିଡ଼ା, ମନୋଜ କୁମାର ଜେନା, ସନ୍ତୋଷ କୁମାର ଜେନା, ବି. ଶିବା, ସିଦ୍ଧାନ୍ତ ପ୍ରଧାନ, ଦୁଷ୍ମନ୍ତ ପରିଜା ଓ ପ୍ରଭାତ କୁମାର ପରିଡ଼ାଙ୍କ ବିରୋଧରେ ରହିଛି ହିଂସାକାଣ୍ଡ ଓ ଆକ୍ରମଣ ଅଭିଯୋଗ । ତେବେ ଏହି ଅପରାଧୀଙ୍କ ପାଇଁ ଅପରାଜିତା ଓକିଲାତି କରିବାକୁ ମଧ୍ୟ ପଛାଉ ନାହାନ୍ତି । ତେବେ ତାଙ୍କ ପ୍ରତିନିଧିଙ୍କ ମଧ୍ୟରେ ପ୍ରମୁଖ ଭାବେ ଜଣାଶୁଣା ଦେବାଶିଷ ନାୟକ, ଓରଫ ଜିମ୍ ବାପି । ତାଙ୍କ ବିରୋଧରେ ୨୦ଟି ମାମଲା ଥିବାବେଳେ ତାଙ୍କ ବିରୋଧରେ ଜାତୀୟ ସୁରକ୍ଷା ଆଇନ ବି ଲାଗୁ ହୋଇଛି ।
ଗାଇଡଲାଇନ ମୁତାବକ, ଅଧ୍ୟାପକ ମାନେ ସର୍ବାଧିକ ୩୨ ଜଣ ଛାତ୍ର ଛାତ୍ରୀଙ୍କୁ ନେଇ ହ୍ୱାଟ୍ସଆପ୍ କିମ୍ବା ଇମେଲ୍ ଗ୍ରୁପ୍ କରି ପାଠ ପଢ଼ାଇବେ। ସମସ୍ତ ପାଠ୍ୟ ପୁସ୍ତକ ମଧ୍ୟ ଅନଲାଇନରେ ମିଳିବ । କଲେଜ୍ କ୍ୟାମ୍ପସରେ ରହି ଗୁଗୁଲ ମିଟ୍, ଜୁମ୍ , ସ୍କାଇପି ଭଳି ଆପ ଜରିଆରେ ଦିନକୁ ୨ରୁ ୩ ଘଣ୍ଟାଏ ଲେଖାଏଁ ସପ୍ତାହକୁ ୩ଦିନ ପାଠ ପଢାଇବେ । ଅନଲାଇନ୍ କ୍ଲାସ୍ ସମୟରେ ଛାତ୍ର ଛାତ୍ରୀଙ୍କ ଉପସ୍ଥାନ ରଖାଯିବ। ଅନଲାଇନ୍ କ୍ଲାସ୍ ଲାଗି ଟାଇମ୍ ଟେବୁଲ୍ ପ୍ରସ୍ତୁତ କରିବେ କଲେଜ୍ କର୍ତ୍ତୃପକ୍ଷ। ଅଧ୍ୟକ୍ଷ ମାନେ ଅନଲାଇନ କ୍ଲାସ୍ କିପରି ଚାଲିଛି ତାହାର ତଦାରଖ କରିବେ। ଆଞ୍ଚଳିକ ଶିକ୍ଷା ନିର୍ଦ୍ଦେଶକମାନେ କଲେଜକୁ ଅଚାନକ ଗ୍ରସ୍ତ କରି ସ୍ଥିତି ଯାଞ୍ଚ କରିବାକୁ ମଧ୍ୟ ବିଭାଗ ନିର୍ଦ୍ଦେଶ ଦେଇଛି ।
ସେ କହିଛନ୍ତି ଯେ, କରୋନା ସମୟରେ ଯେଉଁମାନେ ଖାଦ୍ୟ ସୁରକ୍ଷା ସାମିଲ ହୋଇପାରିନାହାଁନ୍ତି ସେମାନଙ୍କୁ ମଧ୍ୟ ଏହି ଯୋଜନାରେ ସାମିଲ କରିବା ପାଇଁ ରାଜ୍ୟ ସରକାରଙ୍କୁ ପ୍ରଧାନମନ୍ତ୍ରୀ କହିଛନ୍ତି । କରୋନା ଭଳି ଘଢିସନ୍ଧି ମୁହୁର୍ତ୍ତରେ ଗରିବ ଲୋକମାନେ କଷ୍ଟରେ ଥିବାବେଳେ ପ୍ରଧାନମନ୍ତ୍ରୀଙ୍କ ଗରିବକଲ୍ୟାଣ ଯୋଜନା ସେମାନଙ୍କ ପାଇଁ ସଞ୍ଜିବନୀ ସଦୃଶ୍ୟ । ଏହାବ୍ୟତୀତ ଜନଧନ ଯୋଜନାରେ ୧୬ଲକ୍ଷ ହିତାଧିକାରୀଙ୍କ ବ୍ୟାଙ୍କଖାତାରେ ୬ହଜାର ୩ଶହ କୋଟି ଟଙ୍କା ଡିପୋଜିଟ କରାଯାଇଛି ଓ ୧୨ଲକ୍ଷ ରୁପେ କାର୍ଡ ଇସ୍ୟୁ କରାଯାଇଛି । ସେହିଭଳି ଗତ ୩ ମାସ ମଧ୍ୟରେ ପାଖାପାଖି ୨୦ ଲକ୍ଷ ପ୍ରବାସୀ ଶ୍ରମିକ ରାଜ୍ୟକୁ ଫେରିଛନ୍ତି । ସେମାନଙ୍କୁ ରୋଜଗାର ଯୋଗାଇଦେବା ପାଇଁ ଗରିବ କଲ୍ୟାଣ ରୋଜଗାର ଅଭିଯାନ ଆରମ୍ଭ କରାଯାଇଛି । ସେମାନଙ୍କୁ ନିଜ ଗ୍ରାମରେ ଭିନ୍ନ ଭିନ୍ନ ୨୫ ଟି କାମରେ ରୋଜଗାର ଯୋଗାଇ ଦିଆଯିବ । ଏହା ଦ୍ୱାରା ଓଡିିଶା ଭଳି ରାଜ୍ୟରେ ଥିବା ଲକ୍ଷାଧିକ ପ୍ରବାସୀ ଶ୍ରମିକ ଏହାର ଲାଭ ଉଠାଇ ପାରିବେ । ପ୍ରଧାନମନ୍ତ୍ରୀ ଜୀବନ ଏବଂ ଜୀବିକାକୁ ଗୁରୁତ୍ୱ ଦେଇ ଚାଲିଛନ୍ତି । ଦେଶର କୃଷକ ଓ କରଦାତାଙ୍କ ନିଷ୍ଠା ଏବଂ କଠିନ ପରିଶ୍ରମ ଯୋଗୁଁ ଭାରତ ଗରିବ ତଥା ସମାଜର ସବୁ ସ୍ତରର ଲୋକଙ୍କୁ ସାହାଯ୍ୟ ଓ ସଶକ୍ତିକରଣ କରିବାର ପ୍ରୟାସକୁ ସଫଳତାର ସହ ଆୟୋଜନ କରାଯାଇଛି । ଲୋକାଲ ପାଇଁ ଭୋକାଲ ହୋଇ ଆମେ ଆତ୍ମନିର୍ଭର ଭାରତ ପାଇଁ ସଂକଳ୍ପ କରିବା ଏବଂ ଆଗକୁ ବଢିବା ପାଇଁ ଶ୍ରୀ ମହାନ୍ତି କହିଛନ୍ତି ।
