ରାଜ୍ୟରେ ଆଉ ୨ ମୁଣ୍ଡ ନେଲା କରୋନା । ଗଞ୍ଜାମ ଓ ଅନୁଗୁଳ ଜିଲ୍ଲାରୁ ଜଣେ ଲେଖାଏଁ ପ୍ରାଣ ହରାଇଛନ୍ତି ।
କରୋନାରେ ଆଉ ଦୁଇ ଜଣଙ୍କ ମୃତ୍ୟୁ… ରାଜ୍ୟରେ ମୋଟ୍ ମୃତ୍ୟୁ ସଂଖ୍ୟା ୨୭କୁ ବୃଦ୍ଧି
ଭୁବନେଶ୍ୱର: ରାଜ୍ୟରେ ଆଜି ଆଉ ୨୨୯ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୧୯୩, ଲୋକାଲ୍ କେସ୍ ୩୬ ରହିଛି । ଆଜି ୧୯ ଜିଲ୍ଲାରୁ ମୋଟ୍ ୨୨୯ ପଜିଟଭ୍ ଚିହ୍ନଟ ହୋଇଛନ୍ତି । ଗଞ୍ଜାମରୁ ସର୍ବାଧିକ ୯୫ ପଜିଟିଭ୍ ଚିହ୍ନଟ ହୋଇଛନ୍ତି । ସବୁଠାରୁ ବଡ଼ କଥା ହେଉଛି କରୋନା ସଂକ୍ରମଣ ବୃଦ୍ଧି ସହ କରୋନାରେ ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ହୋଇଛି ।
Regret to inform the deaths of two Covid positive patients, 49 years old male of Ganjam district and 57 years old male of Angul district, while under treatment in hospital.
— H & FW Dept Odisha (@HFWOdisha) July 2, 2020
ଗୁରୁବାର ନୂତନ ପଜିଟିଭ ଚିହ୍ନଟ ହେବା ସହ ୨ ଜଣ କରୋନା ରୋଗୀଙ୍କର ମୃତ୍ୟୁ ହୋଇଛି । ଆଉ ଦୁଇଜଣ କରୋନା ରୋଗୀଙ୍କର ମୃତ୍ୟୁ ପରେ ରାଜ୍ୟରେ ମୃତ୍ୟୁ ସଂଖ୍ୟା ୨୭ ରେ ପହଞ୍ଚିଛି । ଦୁଇଜଣ ମୃତକଙ୍କ ମଧ୍ୟରୁ ଜଣେ ଗଞ୍ଜାମର ହୋଇଥିବା ବେଳେ ଅନ୍ୟ ଜଣେ ଅନୁଗୁଳର ବୋଲି ସୂଚନା ଦେଇଛି ରାଜ୍ୟ ସ୍ୱାସ୍ଥ୍ୟ ଓ ଲୋକ ସମ୍ପର୍କ ବିଭାଗ ।
ରାଜ୍ୟରେ ପୁଣି ୨୨୯ କରୋନା ପଜିଟିଭ ଚିହ୍ନଟ… ମୋଟ୍ ସଂକ୍ରମିତ ସଂଖ୍ୟା ୭୫୪୫କୁ ବୃଦ୍ଧି
ଗଞ୍ଜାମର ଜଣେ ୪୯ ବର୍ଷୀୟ ପୁରୁଷଙ୍କ ମୃତ୍ୟୁ ହୋଇଛି ଓ ଅନୁଗୁଳ ଜିଲ୍ଲାର ଜଣେ ୫୭ ବର୍ଷୀୟ ବୟସ୍କ ପୁରୁଷଙ୍କ ମୃତ୍ୟୁ ହୋଇଛି । ଉଭୟ କରୋନା ସଂକ୍ରମିତ ଥିଲେ । ଡାକ୍ତରଖାନାରେ ଚିକିତ୍ସାଧିନ ସମୟରେ ଦୁଇଜଣଙ୍କ ମୃତ୍ୟୁ ହୋଇଛି । ଏବେ ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୭ହଜାର ୫୪୫କୁ ବୃଦ୍ଧି ପାଇଛି । ଆଜି ୧୯ ଜିଲ୍ଲାରୁ ୨୨୯ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଓଡିଶାରେ ଦିନକୁ ଦିନ ସ୍ଥାନୀୟ ସଂକ୍ରମଣ ବଢ଼ିବାରେ ଲାଗିଛି ।
କରୋନା ବୃଦ୍ଧିକୁ ନେଇ ପାୱାର କରିଡରରେ ବଢିଲା କୋରନା କଟକଣା
ଭୁବନେଶ୍ୱର: ରାଜ୍ୟରେ ଦିନକୁ ଦିନ କରୋନା ସଂକ୍ରମଣ ବଢ଼ିବାରେ ଲାଗିଛି । ତେବେ ରାଜ୍ୟରେ କରୋନା ସଂକ୍ରମଣ ବୃଦ୍ଧି କାରଣକୁ ସରକାର ନିୟମ କଡ଼ାକଡ଼ି କରିଛନ୍ତି । ପୂର୍ବରୁ ରାଜ୍ୟରେ ସମସ୍ତ ସରକାରୀ ସ୍କୁଲ କଲେଜ ବନ୍ଦ ରହିଛି । ସାମାଜିକ ଦୂରତାକୁ ଲକ୍ଷ୍ୟକରି ଏଭଳି ନିୟମ କରାଯାଇଛି । କିନ୍ତୁ ରାଜଧାନୀରେ କିଛି ଦିନ ହେବ କରୋନା ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି । ବୁଧବାର ୧୨ ଜଣ କରୋନା ସଂକ୍ରମିତ ରାଜଧାନୀ ଭିତରୁ ଚିହ୍ନଟ ହୋଇଥିଲେ ।
ଯେଉଁ ମାନଙ୍କ ମଧ୍ୟରୁ ୮ ଜଣ ଲୋକାଲ କଣ୍ଟାକ୍ଟ ଥିବା ଯଣାପଡ଼ିଥିଲା । ଏବେ ରାଜଧାନୀରେ ମୋଟ ୩୩୨ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏନେଇ ଗୁରୁବାର ରାଜଧାନୀରେ ବିଭିନ୍ନ ସରକାରୀ ଦପ୍ତରକୁ ପ୍ରବେଶ ଉପରେ ଲାଗିଛି କଟକଣା ।
ଲୋକସେବା ଭବନ, ଖାରବେଳ ଭବନକୁ ପ୍ରବେଶ ଉପରେ ଲାଗିଛି କଟକଣା । କୃଷି ଭବନ ଓ ରାଜୀବ ଭବନରେ ମଧ୍ୟ ପ୍ରବେଶ ବାରଣ ହୋଇଛି । ଜୁଲାଇ ୩୧ ଯାଏ ଭିଜିଟରଙ୍କୁ ପ୍ରବେଶ ମନା ହୋଇଛି । ପୂର୍ବରୁ ସରକାରୀ ଦପ୍ତର(ଲୋକସେବା ଭବନ, ରାଜୀବ ଭବନ, କୃଷି ଭବନ) କଟକଣାରେ ଚାଲିଥିଲା । ଏହି ସବୁ ସ୍ଥାନରେ କମ କର୍ମଚାରୀରେ କାମ ହେଉଛି । କେବଳ ଜନସାଧାରଣ ଓ ଗଣମାଧ୍ୟମ ଲାଗି କଟକଣା ରହିଥିଲା । ତାହା ଏବେ ଜୁଲାଇ ୩୧ ଯାଏଁ ବଢିଲା । ରାଜଧାନୀରେ କରୋନା ସଂକ୍ରମଣ ବଢ଼ୁଥିବାରୁ ଏପରି ପଦକ୍ଷେପ ନିଆଯାଇଛି ।
ରାଜ୍ୟରେ ପୁଣି ୨୨୯ କରୋନା ପଜିଟିଭ ଚିହ୍ନଟ… ମୋଟ୍ ସଂକ୍ରମିତ ସଂଖ୍ୟା ୭୫୪୫କୁ ବୃଦ୍ଧି
ଭୁବନେଶ୍ୱର: ରାଜ୍ୟରେ ଗତମାସ ସର୍ବାଧିକ କରୋନା ପଜିଟିଭ୍ କେସ୍ ସାମ୍ନାକୁ ଆସିଥିଲା । ଆଜି ଆଉ ୨୨୯ କରୋନା ପଜିଟିଭ ଚିହ୍ନଟ ହୋଇଛନ୍ତି । ସେଥିମଧ୍ୟରୁ କ୍ୱାରେଣ୍ଟାଇନ୍ କେନ୍ଦ୍ରରୁ ୧୯୩ ଚିହ୍ନଟ ହୋଇଥିବା ବେଳେ ୩୬ ଲୋକାଲ୍ କେସ ରହିଛି । ଏଥିସହ ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୭ହଜାର ୫୪୫କୁ ବୃଦ୍ଧି ପାଇଛି । ଆଜି ୧୯ ଜିଲ୍ଲାରୁ ୨୨୯ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଓଡିଶାରେ ଦିନକୁ ଦିନ ସ୍ଥାନୀୟ ସଂକ୍ରମଣ ବଢ଼ିବାରେ ଲାଗିଛି ।
7. Deogarh: 1
8. Gajapati: 1
9. Ganjam : 95
10. Jagatsinghpur: 1
11. Jajpur: 22
12. Jharsuguda: 10
13. Keonjhar:1
14. Khordha: 21
15. Koraput: 1
16. Mayurbhanj: 2
17. Nayagarh: 5
18. Puri: 4
19. Sundargarh: 17— I & PR Department, Odisha (@IPR_Odisha) July 2, 2020
ଆଜି ଗଞ୍ଜାମରୁ ସର୍ବାଧିକ ୯୫ ଜଣ ପଜିଟିଭ ଚିହ୍ନଟ ହୋଇଛନ୍ତି । ୨୨୯ଙ୍କ ମଧ୍ୟରୁ ଅନୁଗୁଳରୁ ଜଣେ, ବାଲେଶ୍ୱର ୨୪ ଜଣ, ବରଗଡରୁ ଜଣେ, ବଲାଙ୍ଗିର ୭ ଜଣ, ବୌଦ୍ଧରୁ ୩ ଜଣ, କଟକରୁ ୧୨ ଜଣ, ଦେଓଗଡ ଓ ଗଜପତିରୁ ଜଣେ ଲେଖାଏଁ, ଜଗତସିଂହପୁରରୁ ଜଣେ, ଯାଜପୁରରୁ ୨୨ ଜଣ, ଝାରସୁଗୁଡାରୁ ୧୦ ଜଣ, କେନ୍ଦୁଝରରୁ ଜଣେ, ଖୋର୍ଦ୍ଧାରୁ ୨୧ ଜଣ, କୋରାପୁଟରୁ ଜଣେ, ମୟୁରଭଞ୍ଜରୁ ୨ ଜଣ, ନୟାଗଡରୁ ୫ ଜଣ, ପୁରୀରୁ ୪ ଜଣ, ସୁନ୍ଦରଗଡରୁ ୧୭ ଜଣ । ଏବେ ରାଜ୍ୟରେ ୨୧୫୭ଟି ମୋଟ୍ ସକ୍ରିୟ ମାମଲା ରହିଛି ।
ଦେଶରେ ଗତ ୨୪ ଘଣ୍ଟାରେ ୧୯ ହଜାର ୧୪୮ ପଜିଟିଭ, ୪୩୪ ମୃତ୍ୟୁ… ମହାରାଷ୍ଟ୍ରରେ ସର୍ବାଧିକ, ତାମିଲନାଡୁ ଓ ଦିଲ୍ଲୀରେ ସ୍ଥିତି ଅଣାୟତ
ନୂଆଦିଲ୍ଲୀ: ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ଦେଶରେ ୬ଲକ୍ଷ ଟପିଲା କରୋନା ସଂକ୍ରମିତ ସଂଖ୍ୟା । ଗତ ୨୪ ଘଣ୍ଟାରେ ୧୯ ହଜାର ୧୪୮ ନୂଆ ପଜିଟିଭ ଚିହ୍ନଟ ହୋଇଛନ୍ତି । ସେହିପରି ଗୋଟିଏ ଦିନରେ ୪୩୪ ଜୀବନ ନେଇଛି କିଲର ଭାଇରସ । ଏଥିସହ ଦେଶରେ କରୋନା ସଂକ୍ରମିତଙ୍କ ସଂଖ୍ୟା ୬ଲକ୍ଷ ୪ହଜାର ୬୪୧କୁ ବୃଦ୍ଧି ପାଇଛି ।
ସେହିପରି ଦେଶରେ ମୃତ୍ୟୁସଂଖ୍ୟା ୧୭ ହଜାର ୮୩୪ରେ ପହଞ୍ଚିଛି । ୨ଲକ୍ଷ ୨୬ ହଜାର ୯୪୭ ଆକ୍ଟିଭ କେସ ରହିଥିବା ବେଳେ ୩ଲକ୍ଷ ୫୯ ହଜାର ୮୬୦ ଜଣ ଚିକିତ୍ସା ପରେ ସୁସ୍ଥ ହୋଇଛନ୍ତି । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ଏନେଇ ସୂଚନା ଦିଆଯାଇଛି । ମହାରାଷ୍ଟ୍ରରେ ସର୍ବାଧିକ ୧ଲକ୍ଷ ୮୦ ହଜାର ଟପିଥିବା ବେଳେ ମୃତ୍ୟୁସଂଖ୍ୟା ୮ହଜାର ପାର ହୋଇଛି ।
ଦେଶରେ ମୋଟ୍ ସଂକ୍ରମିତ ସଂଖ୍ୟା ୫ଲକ୍ଷ ୮୫ ହଜାର ପାର୍… ୨୪ ଘଣ୍ଟାରେ ୫୦୭ ଜୀବନ ନେଲା କରୋନା
ସେହିପରି ତାମିଲନାଡୁ ଓ ଦିଲ୍ଲୀରେ କରୋନା ସ୍ଥିତି ଅଣାୟତ୍ତ ରହିଛି । ଏବେ ଦେଶରେ ଅନଲକ୍ ୨.୦ ଜାରି ରହିଛି । ଲକଡାଉନ୍ ଯୋଗୁଁ ଅନେକ ଲୋକଙ୍କ ରୋଜଗାରରେ ପ୍ରଭାବ ପଡୁଥିଲା । ସେଥିପାଇଁ ସରକାର ଅନଲକ୍ ର ଫେଜ୍ ୱାନ ପରେ ଫେଜ୍ ୨ ଆରମ୍ଭ କରିଛନ୍ତି । ସଂକ୍ରମିତଙ୍କ ସଂଖ୍ୟା ବଢୁଥିବା ସତ୍ତ୍ୱେ କିଛି ସ୍ଥାନରେ ଏଯାଏଁ ଲୋକେ ସତର୍କ ହେଉନାହାନ୍ତି । ସେଥିପାଇଁଅନଲକ୍-୨ର ଗାଇଡଲାଇନ୍ ଅନୁସାରେ ରାତି ୧୦ଟାରୁ ସକାଳ ୫ଟା ପର୍ଯ୍ୟନ୍ତ କର୍ଫ୍ୟୁ ଲାଗୁ ରହୁଛି ।
ଦେଶରେ ୬ଲକ୍ଷ ଟପିଲା କରୋନା ସଂକ୍ରମିତ ସଂଖ୍ୟା… ଗତ ୨୪ ଘଣ୍ଟାରେ ୧୯ ହଜାର ୧୪୮ ପଜିଟିଭ, ୪୩୪ ମୃତ୍ୟୁ
ଦେଶରେ ୬ଲକ୍ଷ ଟପିଲା କରୋନା ସଂକ୍ରମିତ ସଂଖ୍ୟା… ଗତ ୨୪ ଘଣ୍ଟାରେ ୧୯ ହଜାର ୧୪୮ ପଜିଟିଭ, ୪୩୪ ମୃତ୍ୟୁ
ଗଞ୍ଜାମରେ ଯାନବାହାନ ଚଳାଚଳ ବନ୍ଦ… ଅନୁରୋଧ କରିଛି ଜିଲ୍ଲା ପ୍ରଶାସନ
ଗଞ୍ଜାମ: ଗଞ୍ଜାମରେ କରୋନା ବୃଦ୍ଧି ନେଇ ଜିଲ୍ଲା ପ୍ରଶାସନ କଡା ପଦକ୍ଷେପ ନେଇଛି । ଗୋଷ୍ଠୀ ସଂକ୍ରମଣ ରୋକିବାକୁ ଜିଲ୍ଲାରେ କଟକଣା ଆହୁରି କଡ଼ାକଡ଼ି କରାଯାଇଛି । ଏହି କଟକଣା ନୂଆ ରୂପରେ ଜାରି କରାଯାଇଛି । ଜିଲ୍ଲା ପ୍ରଶାସନ ପକ୍ଷରୁ ୩୧ଜୁଲାଇ ଯାଏଁ ଗଞ୍ଜାମରେ ସବୁ ପ୍ରକାର ଯାନବାହାନ ଚଳାଚଳ ବନ୍ଦ ରହିବ ବୋଲି ଘୋଷଣା କରାଯାଇଛି।
ଗାଡ଼ି ଚଳାଚଳ ଉପରେ କଟକଣା ଲଗାଇଲେ ଜିଲ୍ଲାପ୍ରଶାସନ । ଜୁଲାଇ ପହିଲାରୁ ଏହି କଟକଣା ଲାଗୁ ହୋଇଥିବା ଟ୍ୱିଟ୍ ମାଧ୍ୟମରେ ସୂଚନା ଦିଆଯାଇଛି। ଗଞ୍ଜାମରେ ସର୍ବାଧିକ କରୋନା ସଂକ୍ରମିତ ଥିବାରୁ ଏଭଳି ନିଷ୍ପତ୍ତି ନିଆଯାଇଛି । ଜରୁରୀ ନଥିଲେ ଘରୁ ନବାହାରିବାକୁ ସାଧାରଣ ଲୋକଙ୍କୁ ପରାମର୍ଶ ଦିଆଯାଇଛି । ଅପରପକ୍ଷରେ ବରିଷ୍ଠ ନାଗରିକଙ୍କୁ ଘରେ ରହିବାକୁ କୁହାଯାଇଛି ।
କେବଳ ଦୁଇ ଚକିଆ ଯାନ ଚଳାଚଳ କରିପାରିବ । ବିନା ଆଇଡି ପ୍ରୁଭ୍ ରେ ବାଇକ ଛଡ଼ା ଯିବନାହିଁ ବୋଲି କୁହାଯାଇଛି । ସାଧାରଣ ଲୋକଙ୍କୁ ସହଯୋଗ କରିବାକୁ ଅନୁରୋଧ କରିଛି ଗଞ୍ଜାମ ଜିଲ୍ଲା ପ୍ରଶାସନ । ବାହାର ଖାଦ୍ୟ ନଖାଇବାକୁ ମଧ୍ୟ ପରାମର୍ଶ ଦିଆଯାଇଛି । ତେବେ ରାଜ୍ୟରେ କରୋନା ସଂକ୍ରମିତଙ୍କ ସହ ତାଳ ଦେଇ ବଢିଚାଲିଛି ସୁସ୍ଥ ସଂଖ୍ୟା । କ୍ୱାରେଣ୍ଟାଇନ୍ ସେଣ୍ଟରରୁ ମାତ୍ରାଧିକ ପଜିଟିଭ୍ କେସ ଆସୁଛି । ଜୁଲାଇ ଯୁଦ୍ଧ ପାଇଁ ସରକାର ପ୍ରସ୍ତୁତ ଥିବାବେଳେ ଗଞ୍ଜାମରେ ଏହି ପଦକ୍ଷେପ ଗ୍ରହଣ କରାଯାଇଛି ।
ମାଲକାନଗିରିରେ ପଶୁ ହତ୍ୟାର ବର୍ବର ଚିତ୍ର… କାଲିମେଳା ପଡ଼ିଆ କାଲଦାପଲ୍ଲୀରେ କୁମ୍ଭୀରକୁ ଗଛରେ ବାନ୍ଧିଲେ ଲୋକେ… ମାଂସ ଭାଗ ବାଣ୍ଟି ଖାଇଥିବା ଅଭିଯୋଗ
ମାଲକାନଗିରିରେ ପଶୁ ହତ୍ୟାର ବର୍ବର ଚିତ୍ର… କାଲିମେଳା ପଡ଼ିଆ କାଲଦାପଲ୍ଲୀରେ କୁମ୍ଭୀରକୁ ଗଛରେ ବାନ୍ଧିଲେ ଲୋକେ… ମାଂସ ଭାଗ ବାଣ୍ଟି ଖାଇଥିବା ଅଭିଯୋଗ
ଆଜି ଶ୍ରୀଜିଉଙ୍କ ସୁନାବେଶ…ମହଣ ମହଣ ସୁନାରେ ସଜେଇ ହେବେ ମହାପ୍ରଭୁ
ଆଜି ଶ୍ରୀଜିଉଙ୍କ ସୁନାବେଶ…ମହଣ ମହଣ ସୁନାରେ ସଜେଇ ହେବେ ମହାପ୍ରଭୁ
ଭିଜିଲାନ୍ସ ଜାଲରେ ବରଗଡ଼ ଅବକାରୀ ଅଧିକ୍ଷକ ଓ ବାଲେଶ୍ୱର ଟାଉନ୍ ଥାନାର ସବ୍-ଇନ୍ସପେକ୍ଟର
ବାଲେଶ୍ୱର/ବରଗଡ଼: ଜମିଜମା ବିବାଦର ସମାଧାନ ପାଇଁ ୨୫ ହଜାର ଟଙ୍କା ଲାଞ୍ଚ ନେଉଥିବାବେଳେ ଧରିଲା ଭିଜିଲାନ୍ସ । ବାଲେଶ୍ୱର ଟାଉନ୍ ଥାନାର ସବ୍-ଇନ୍ସପେକ୍ଟର ବିମଲ କୁମାର କର ଭିଜିଲାନ୍ସ ହାତରେ ଧରାପଡ଼ିଛନ୍ତି । ଟଙ୍କା ଜବତ କରିବା ସହ ଭିଜିଲାନ୍ସ ଏହି ମାମଲାରେ ମଧ୍ୟସ୍ଥତା କରୁଥିବା କଂଗ୍ରେସ୍ର ଯୁବ ନେତା ବାବୁଲି ନାୟକଙ୍କୁ ମଧ୍ୟ ଗିରଫ କରାଯାଇଛି ।
ବାଲେଶ୍ୱର ଟାଉନ୍ ଥାନାର ବୈରାମନଗରର ବିନ୍ଦୁଭୁଷଣ ପାତ୍ର ଜମିଜମା ବିବାଦକୁ ନେଇ ଥାନାରେ ଅଭିଯୋଗ କରିଥିଲେ । ଏହି ମାମଲାର ସମାଧାନ କରିବାକୁ ସବ୍-ଇନ୍ସପେକ୍ଟର ବିମଲ କୁମାର କର କଂଗ୍ରେସର ଯୁବନେତା ବାବୁଲି ନାୟକଙ୍କ ମାଧ୍ୟମରେ ୨୫ ହଜାର ଟଙ୍କା ଲାଞ୍ଚ ନେଉଥିଲେ । ଏହି ସମୟରେ ଭିଜିଲାନ୍ସର ଏକ ସ୍ୱତନ୍ତ୍ର ଟିମ୍ ମଧ୍ୟସ୍ଥି ବାବୁଲିଙ୍କ ସହିତ ସବ୍-ଇନ୍ସପେକ୍ଟର ବିମଲଙ୍କୁ ଗିରଫ କରିଛି । ଗିରଫ ଅଭିଯୁକ୍ତଙ୍କ ନିକଟରୁ ରଙ୍ଗ ଲଗାଯାଇଥିବା ଟଙ୍କା ମଧ୍ୟ ଜବତ କରାଯାଇଛି ।
ଅପରପକ୍ଷରେ ବରଗଡରେ ଫସିଲେ ଅବକାରୀ ଅଧିକ୍ଷକ । ଆୟବହିର୍ଭୁତ ସମ୍ପତ୍ତି ଠୁଳ ଅଭିଯୋଗ ପରେ ଭିଜିଲାନ୍ସ ଜାଲରେ ଅବକାରୀ ଅଧିକ୍ଷକ ଧରାପଡିଛନ୍ତି । ଅବକାରୀ ସୁପରିଟେଣ୍ଡେଣ୍ଟ ମକର ଧ୍ୱଜ ବର୍ଗେଙ୍କ ଘରେ ଭିଜିଲାନ୍ସ ରେଡ୍ ହୋଇଛି । ଏକାକାଳୀନ ୮ଟି ସ୍ଥାନରେ ଭିଜିଲାନ୍ସ ଚଢ଼ାଉ ହୋଇଛି ।
ବରଗଡ଼ସ୍ଥିତ ଅଫିସ ବଲାଙ୍ଗୀର ଓ ସମ୍ବଲପୁର ସ୍ଥିତ ଘରେ ରେଡ୍ କରିଛି ଭିଜିଲାନ୍ସ । ସେହିପରି ସୋନପୁର ବୁର୍ଲା ଆଦି ସ୍ଥାନରେ ମଧ୍ୟ ରେଡ୍ କରିଛି ଭିଜିଲାନ୍ସ । ଭିଜିଲାନ୍ସ ରେଡ୍ ବେଳେ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ହସ୍ତଗତ ହୋଇଥିବା ସୂଚନା ମିଳିଛି ।