ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତ ମାମଲା ଏନସିବି ରିୟା ଚକ୍ରବର୍ତ୍ତୀଙ୍କୁ ପଚରାଉଚରା କରୁଛି । ପୁଣି ଥରେ କାଲି ଜେରା ପାଇଁ ରିୟାଙ୍କୁ ସମନ କରିଛି NCB । କାଲି ମଧ୍ୟ ରିୟାଙ୍କୁ ଜେରା ରହିବ । ତେବେ ସୂତ୍ର ଅନୁସାରେ NCB ଆଜି ରିୟାଙ୍କୁ ଗିରଫ କରିନପାରେ ।
ସୁଶାନ୍ତ ସିଂହ ମୃତ୍ୟୁ ମାମଲାରେ ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ ଡ୍ରଗ୍ସ କନେକ୍ସନକୁ ନେଇ ତଦନ୍ତ କରୁଛି । ଡ୍ରଗ୍ସ ମାମଲାରେ ଏନସିବି ରିୟାଙ୍କ ଭାଇ ସୌଭିକଙ୍କୁ ଗିରଫ କରିଛି । ଆଉ ରିୟାଙ୍କୁ ଚାଲିଛି ଘନ ଘନ ଜେରା । ଏବେ ଏହି ମାମଲାରେ କାଲି ମଧ୍ୟ ରିୟାଙ୍କୁ ଏନସିବି ଜେରା କରିବ ।
ତେବେ, ଆଜି ଜେରା ବେଳେ ରିୟା କେତକ କଥାକୁ ମାନି ନେଇଥିବା ଜଣାପଡ଼ିଛି । ଏନସିବିର ପଚରାଉଚରାରେ ସୁଶାନ୍ତ ସିଂହଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ ମାନିଛନ୍ତି ମାର୍ଚ୍ଚ ୧୭ରେ ସାମୁଏଲ ମିରାଣ୍ଡା ଡ୍ରଗ୍ସ ଆଣିବାକୁ ଜୈଦଙ୍କ ପାଖକୁ ଯାଇଥିଲେ । ଯାହା ବିଷୟରେ ଅବଗତ ଥିଲେ ରିୟା । ଏବଂ ସେ ସୌଭିକ ଡ୍ରଗ୍ସ ପେଡଲର ଜୈଦ ସହ ଡ୍ରଗ୍ସ କୋର୍ଡିନେସନ୍ କରିଥିଲେ ।
ଜେରା ବେଳେ ରିୟା କହିଛନ୍ତି- ଭାଇ ସୌଭିକଙ୍କ ଜରିଆରେ ସୁଶାନ୍ତଙ୍କ ପାଇଁ ଡ୍ରଗ୍ସ ମଗାଉଥିଲେ । ଏଥିସହ ରିୟା ମାର୍ଚ୍ଚ ୧୫ର ଚାଟକୁ ମାନିଛନ୍ତି । ସେଦିନ ଚାଟରେ ରିୟା ଓ ସୌଭିକ ଡ୍ରଗ୍ସ ନେଇ କଥା ହୋଇଥିଲେ । ଏପରିକି ଭାଇ ସୌଭିକଙ୍କ ଜରିଆରେ ଗିରଫ ହୋଇଥିବା ଡ୍ରଗ୍ସ ପେଡଲର ବାସିତଙ୍କ ଠାରୁ ଡ୍ରଗ୍ସ କିଣୁଥିବା ରିୟା NCB ଆଗରେ ମାନିଛନ୍ତି । ଏହି ଡ୍ରଗ୍ସ ଆଙ୍ଗଲର ଖୁଲାସା ପରେ କେତେଜଣ ଡ୍ରଗ ପେଡଲର୍ସ ଙ୍କ ନାମ ଆସିଛି । ଯାହାର ଯାଞ୍ଚ କରୁଛି ଏନସିବି ।
ନାର୍କୋଟିକ୍ କଣ୍ଟ୍ରୋଲ୍ ବ୍ୟୁରୋ ବିଭିନ୍ନ ସ୍ଥାନରେ ରେଡ୍ କରିଛି । ରିୟା ସମେତ କେତକ ଡ୍ରଗ ପେଡଲର୍ସଙ୍କ ଘରେ ରେଡ୍ ହୋଇଛି । ଏନସିବି ରିୟାଙ୍କ ଭାଇ ସୌଭିକଙ୍କ ସମେତ ମାମଲାରେ ଏଯାଏଁ ୭ ଜଣଙ୍କୁ ଗିରଫ କରିଛି । ଏଥିରେ ସାମୁଏଲ, କରଣ, କୌଜାନ, ଦୀପେଶ ଓ ଜୈଦ ଅଛନ୍ତି । ଏବେ ଆଶଙ୍କା କରାଯାଉଛି ମାମଲାରେ ରିୟା ମଧ୍ୟ ଗିରଫ ହେବେ ।
