ଲଦାଖ: ଗଲଓ୍ୱାନ ଘାଟିରେ ସୋମବାର ରାତି ଚୀନ ସହିତ ହୋଇଥିବା ହିଂସା ଘଟଣାକୁ ନେଇ ବିଦେଶ ମନ୍ତ୍ରୀ ଏସ୍ ଜୟଶଙ୍କର ଚୀନ ପ୍ରତିପକ୍ଷଙ୍କ ସହ ଫୋନ୍ ଯୋଗେ କଥା ହୋଇଛନ୍ତି । ସେ ଏଭଳି ଘଟଣା ନେଇ ବେଜିଂ ସମ୍ପୂର୍ଣ୍ଣ ଭାବେ ଦାୟୀ କରିଛନ୍ତି । ଚୀନ ଯଦି ଏଭଳି ଆଭିମୁଖ୍ୟ ପ୍ରଦର୍ଶନ କରେ ତା’ହେଲେ ଏହା ସେମାନଙ୍କ ଦ୍ୱିପାକ୍ଷିକ ସମ୍ପର୍କକୁ ପ୍ରଭାବିତ କରିବ ବୋଲି ସେ ଚେତାଇ ଦେଇଛନ୍ତି । ସେ ଆହୁରୀ କହିଛନ୍ତି ଗଲଓ୍ୱାନରେ ଯାହା କିଛି ହେଲା ଏନେଇ ଚୀନ ପକ୍ଷରୁ ପୂର୍ବରୁ ଯୋଜନା ହୋଇଥିବା ସେ ଅଭିଯୋଗ କରିଛନ୍ତି । ଉଭୟ ପକ୍ଷଙ୍କ ଫୋନ୍ରେ କଥାବାର୍ତ୍ତା ସରିବା ପରେ ଭାରତୀୟ ବିଦେଶ ମନ୍ତ୍ରାଳୟ ପକ୍ଷରୁ ଏ ନେଇ ସୂଚନା ଦିଆଯାଇଛି ।
୧୯୬୨ ଭାରତ-ଚୀନ୍ ଯୁଦ୍ଧ ବେଳେ ପାକିସ୍ତାନ ମୁଣ୍ଡ ଖେଳାଇ ନଥିଲା କାହିଁକି, ହେଲେ ଏଥର…?
ସୋମବାର ରାତିରେ ଲଦାଖର ଗଲଭାନ ଘାଟିରେ ଭାରତ ଏବଂ ଚୀନ୍ ମଧ୍ୟରେ ହୋଇଥିବା ହିଂସାକାଣ୍ଡରେ ଭାରତର କମାଣ୍ଡିଂ ଅଫିସରଙ୍କ ସମେତ ୨୦ ଜଣ ସୈନିକ ସହିଦ ହୋଇଛନ୍ତି । ଏହି ହିଂସାରେ ୪୦ ଜଣ ଚୀନ୍ ସୈନିକ ନିହତ ହୋଇଥିବା ଏବଂ ଅନେକ ଗୁରୁତର ହୋଇଥିବା ମଧ୍ୟ ଖବର ରହିଛି ।
ଏବେ ପ୍ରଶ୍ନ ଉଠୁଛି ଭାରତ-ଚୀନ ମଧ୍ୟରେ ଯୁଦ୍ଧ ପରିସ୍ଥିତି ଉପୁଜିଲେ ପାକିସ୍ତାନ କ’ଣ କରିବ ? ଚୀନ୍କୁ ସମର୍ଥନ କରିବ ନା ୧୯୬୨ ମସିହା ଭଳି ଭାରତ-ଚୀନ୍ ଯୁଦ୍ଧରୁ ନିଜକୁ ନିବୃତ୍ତ ରଖିବ ?
୧୯୬୨ ମସିହାରେ ଭାରତ ଏବଂ ଚୀନ୍ ମଧ୍ୟରେ ହୋଇଥିବା ଯୁଦ୍ଧରେ ପାକିସ୍ତାନ ପ୍ରଥମେ ସୁଯୋଗର ଫାଇଦା ନେବାକୁ ଚେଷ୍ଟା କରିଥିଲା । ହେଲେ ଭାରତ ପ୍ରତି ଆମେରିକାର ଦୃଢ଼ ସମର୍ଥନ ଥିବାରୁ ପାକିସ୍ତାନ ନିଜକୁ ଏହି ବିବାଦରୁ ଦୂରେଇ ରଖିଥିଲା ଏବଂ ପଛକୁ ପାଦ ଫେରାଇବାକୁ ବାଧ୍ୟ ହୋଇଥିଲା । ଆମେରିକାର ପୂର୍ବତନ ସୁରକ୍ଷା ଏଜେନ୍ସି ଅଧିକାରୀ ବ୍ରୁସ ରିଡେଲ, ତାଙ୍କ ପୁସ୍ତକ JFK ର ଫରଗଟନ୍: ତିବ୍ଦତରେ ଏହାର ଖୁଲାସା କରିଛନ୍ତି ।
ବ୍ରୁସ୍ ରିଡଲଙ୍କ ଅନୁଯାୟୀ, ୧୯୬୨ ମସିହାରେ ଆମେରିକା ନିଜେ ପାକିସ୍ତାନର ପୂର୍ବତନ ରାଷ୍ଟ୍ରପତି ଆୟୁବ୍ ଖାନ୍ଙ୍କଠାରୁ ଭାରତ ଏବଂ ଚୀନ୍ ମଧ୍ୟରେ ହୋଇଥିବା ଯୁଦ୍ଧର ଫାଇଦା ନ ନେବାକୁ ଆଶ୍ୱସନା ମାଗିଥିଲେ । ସେହି ସମୟରେ ଆମେରିକାର ପୂର୍ବତନ ରାଷ୍ଟ୍ରପତି ଜନ୍ ଏଫ୍ କେନେଡିଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା ।
୧୯୬୨ ମସିହାରେ ଭାରତ-ଚୀନ୍ ଯୁଦ୍ଧ ବେଳେ ପାକିସ୍ତାନ ହାତରେ କାଶ୍ମୀର ଦଖଲ କରିବାର ସୁଯୋଗ ରହିଥିଲା । ଏହା ମଧ୍ୟ ବ୍ରୁସ୍ ରିଡଲ୍ ତାଙ୍କ ପୁସ୍ତକରେ ଉଲ୍ଲେଖ କରିଛନ୍ତି । ସେ ଲେଖିଛନ୍ତି ଯେ, ପାକିସ୍ତାନ ଭାରତ ସହ ଯୁଦ୍ଧ ଆରମ୍ଭ କରିବା ପାଇଁ ସକ୍ଷମ ଥିଲା ଏବଂ ପ୍ରସ୍ତୁତ ମଧ୍ୟ ଥିଲା । କିନ୍ତୁ ୧୯୬୨ ମସିହାରେ ଦୁଇ ଦେଶ ମଧ୍ୟରେ ଚାଲିଥିବା ତିକ୍ତତାର ଫାଇଦା ନ ନେବାକୁ ପାକିସ୍ତାନ ନିଷ୍ପତ୍ତି ନେଇଥିଲା ।
୨୮ ଅକ୍ଟୋବର ୧୯୬୨ ରେ, ଭାରତର ପୂର୍ବତନ ପ୍ରଧାନମନ୍ତ୍ରୀ ଜବାହରଲାଲ ନେହେରୁ ଭାରତ ଏବଂ ଚୀନ୍ ମଧ୍ୟରେ ଚାଲିଥିବା ଯୁଦ୍ଧରେ ଆମେରିକା ସେନାର ସାହାଯ୍ୟ ଲୋଡିଥିଲେ । ଏହା ପରେ ପାକିସ୍ତାନରେ ଥିବା ତତ୍କାଳୀନ ଆମେରିକା ରାଷ୍ଟ୍ରଦୂତ ୱାଲ୍ଟର ମ୍ୟାକକୋନି ପାକିସ୍ତାନର ପୂର୍ବତନ ରାଷ୍ଟ୍ରପତି ଆୟୁବ ଖାନଙ୍କୁ ଭେଟିଥିଲେ । ଏହାସହ ଭାରତ-ଚୀନ୍ ଲଢ଼େଇରେ ପାକିସ୍ତାନ ଭାଗ ନେବ ନାହିଁ ବୋଲି ନେହେରୁଙ୍କୁ ବାର୍ତ୍ତା ପଠାଇବାକୁ ଆୟୁବ୍ ଖାନ୍ଙ୍କୁ କହିଥିଲେ ।
ତେବେ ଏହାର ଜବାବରେ ଆୟୁବ ଖାନ କହିଥିଲେ ଯେ, ଆମେରିକା ଏବଂ ପାକିସ୍ତାନ ମିଳିତ ଭାବେ ଭାରତର ଜମି ଦଖଲ କରିବା ପାଇଁ କାର୍ଯ୍ୟ କରୁଛନ୍ତି । ଯେପରି ଚୀନ୍ କରୁଛି । ଆୟୁବ ଖାନଙ୍କ ଏହି ମନ୍ତବ୍ୟକୁ ଆମେରିକା ବ୍ଲାକମେଲ୍ ବୋଲି ବିବେଚନା କରିଥିଲା । ଏହାସହ ଉଭୟଙ୍କ ମଧ୍ୟରେ ହୋଇଥିବା ଆଲୋଚନାର କୌଣସି ନିଷ୍କର୍ସ ବାହାରି ପାରିଲା ନାହିଁ ।
ଏହା ପରେ ଭାରତରେ ଥିବା ଆମେରିକାର ରାଷ୍ଟ୍ରଦୂତ ଜେ.କେ ଗାଲବ୍ରେଥ୍, ୱାଶିଂଟନ୍ ଏବଂ କରାଚିକୁ ଏକ ଟେଲିଗ୍ରାମ ଲେଖିଥିଲେ । ଏଥିରେ ସେ କହିଥିଲେ ଯେ, ଆମେରିକାର କୌଣସି ବାର୍ତ୍ତାକୁ ପାକିସ୍ତାନ କାଶ୍ମୀର ସହ ନଯୋଡ଼ିବା ଭଲ । ଏହା ପରେ ଆମେରିକା ତୁରନ୍ତ ଗେଲବ୍ରେଥ୍ଙ୍କ ଯୋଜନାରେ ମୋହର ମାରିଲା । ଏହାସହ ଏବଂ ନେହେରୁଙ୍କୁ ଚିଠି ଲେଖିବାକୁ ଆୟୁବ ଖାନଙ୍କୁ କହିଲା ।
ଏହି ଘଟଣା ପରେ ଏହା ସ୍ପଷ୍ଟ ଥିଲା ଯେ, ପାକିସ୍ତାନର କୌଣସି ବି ଭୁଲ ପଦକ୍ଷେପକୁ ଆମେରିକା ଏବଂ ବ୍ରିଟେନ ସହ୍ୟ କରିବେନି । ଏହାକୁ ଶତ୍ରୁତା ଓ ଆକ୍ରମଣାତ୍ମକ କାର୍ଯ୍ୟ ଭାବେ ଗ୍ରହଣ କରିବେ । ‘ସିଟୋ’ ଏବଂ ‘ସେଣ୍ଟୋ’ ଚୁକ୍ତି ଅନୁଯାୟୀ ପାକିସ୍ତାନର କୌଣସି ବି କାର୍ଯ୍ୟକୁ ଭୁଲ ବୋଲି ବିବେଚନା କରାଯିବ । ଆମେରିକା ପକ୍ଷରୁ ପାକିସ୍ତାନକୁ ଆହୁରି ମଧ୍ୟ କୁହାଗଲା ଯେ, ୧୯୫୦ ପରେ ଚୀନ୍ ପକ୍ଷରୁ ମାଓ ଦ୍ୱାରା କରାଯାଇଥିବା ଆକ୍ରମଣ ସବୁଠାରୁ ଭୟଙ୍କର ଥିଲା । ଏହାର ଜବାବ ଦେବାକୁ ଏବେ ଆମେରିକା ପ୍ରସ୍ତୁତ ରହିଛି ।
ଏହି ପୁସ୍ତକରେ ଆହୁରି ମଧ୍ୟ ଲେଖାଯାଇଛି ଯେ, ଭାରତ ଅଧିକୃତ ଜବି ଯେତେବେଳେ ଚୀନ୍ ହାତେଇବାକୁ ବସିଥିଲା ସେତେବେଳେ ନେହେରୁ ତୁରନ୍ତ ଆମେରିକାର ସହାୟତା ଲୋଡିଥିଲେ । ଚୀନ୍କୁ ପରାସ୍ତ କରିବା ପାଇଁ ଯୁଦ୍ଧ ବିମାନ ଯୋଗାଇବାକୁ କେନେଡିଙ୍କୁ ଏକ ଚିଠି ଲେଖିଥିଲେ ନେହେରୁ ।
ଏହା ପରେ ନେହେରୁ ୧୯ ନଭେମ୍ବରରେ ରାଷ୍ଟ୍ରଦୂତଙ୍କ ମାଧ୍ୟମରେ ରାଷ୍ଟ୍ରପତି କେନେଡିଙ୍କୁ ଆଉ ଏକ ଚିଠି ଲେଖିଥିଲେ, ଯେଉଁଥିରେ ସେ ଚୀନ୍ର ପିପୁଲ୍ସ ଲିବ୍ରେସନ୍ ଆର୍ମିକୁ ପରାସ୍ତ କରିବା ପାଇଁ ଆମେରିକାର ବାୟୁ ସେନାକୁ ସହଯୋଗ ଲୋଡ଼ିଥିଲେ । ଚୀନ୍ ସମ୍ପ୍ରଦାୟ ବିରୋଧରେ ଏକ ନୂତନ ଯୁଦ୍ଧ ଆରମ୍ଭ କରିବାକୁ ପ୍ରଧାନମନ୍ତ୍ରୀ ନେହେରୁ ରାଷ୍ଟ୍ରପତି କେନେଡିଙ୍କୁ ନିବେଦନ କରିଥିଲେ ।
ହାତ ଗଡ଼କୁ ହାତେଇଲା ବିଜେଡି: ଡ଼ମପଡା ବ୍ଳକ୍ରେ ବିଜେଡି ସମର୍ଥିତ ପ୍ରାର୍ଥୀ ବିଜୟୀ
କଟକ: ବାଙ୍କୀ ନିର୍ବାଚନ ମଣ୍ଡଳୀ ଅନ୍ତର୍ଗତ ଡମପଡ଼ା ବ୍ଲକରେ ବିଜୟୀ ହୋଇଛନ୍ତି ବିଜୁ ଜନତା ଦଳ ସମର୍ଥିତ ପ୍ରାର୍ଥୀ । ସେଠାରେ ବିଜେଡି ସମର୍ଥିତ ସୁଯ୍ୟନାରାୟଣ ପାତ୍ର ନୂତନ ଅଧକ୍ଷଭାବେ ନିର୍ବାଚିତ ହୋଇଛନ୍ତି। ପୂର୍ବରୁ କଂଗ୍ରେସ ସମର୍ଥିତ ପ୍ରାର୍ଥୀ ଶଶାଙ୍କ ଶେଖର ଅଧକ୍ଷ ଥିଲେ। ବୁଧବାର ହୋଇଥିବା ଭୋଟ ରେ ସୂର୍ଯ୍ୟନାରାୟଣଙ୍କୁ ୯ ଜଣ ସମିତିସଭ୍ୟ ଭୋଟ ଦେଇଥିବାବେଳେ ଶଶାଙ୍କ ସମର୍ଥନରେ ୫ଟି ଭୋଟ ପଡ଼ିଥିଲା । ୨ ଭୋଟ ନାକଚ ହୋଇଥିବାବେଳେ ଜଣେ ସଭ୍ୟ ମତଦାନ କରିନଥିଲେ ବୋଲି ବିଧାୟକ ଦେବୀରଞ୍ଜନ ତ୍ରିପାଠୀ ସୂଚନା ଦେଇଛନ୍ତି। ନବୀନ ପଟ୍ଟନାୟକଙ୍କ ସ୍ୱଚ୍ଛ ନିର୍ମଳ ଭାବ ମୂର୍ତ୍ତି ପାଇଁ ଭୋଟ ଦେଇଥିବା ସବୁ ସଭ୍ୟଙ୍କୁ ଧନ୍ୟବାଦ ଜଣାଇଛନ୍ତି ବିଧାୟକ । ସୂଚନାଯୋଗ୍ୟ ୨୦୧୭ରେ ପ୍ରାକ୍ତନ ଅଧକ୍ଷ ଶଶାଙ୍କ ଶେଖରଙ୍କୁ ୯ ଜଣ ସଭ୍ୟ ସମର୍ଥନ ଦେଇଥିବାବେଳେ ସୂର୍ଯ୍ୟନାରାୟଣଙ୍କ ପାଇଁ ୮ଜଣ ସମର୍ଥନ କରିଥିଲେ। ସୂଚନା ଯୋଗ୍ୟ ଯେ, ୨୦୧୭ରୁ ବ୍ଳକ୍ ଅଧ୍ୟକ୍ଷ ପଦବୀ ଖାଲି ଥିବା ବେଳେ ସୋମବାର ଏ ନେଇ ନିର୍ବାଚନ ଅନୁଷ୍ଠିତ ହୋଇଥିଲା ।
ସର୍ତ୍ତମୂଳକ ଭାବେ ଖୋଲିଲା ମାର୍କେଟ୍ ବିଲ୍ଡିଂ, ଭୁଲ୍ କଲେ ଦୋକାନୀଙ୍କ ଲାଇସେନ୍ସ ରଦ୍ଦ…
ଭୁବନେଶ୍ୱର: ଖୋଲିଲା ମାର୍କେଟ୍ ବିଲ୍ଡିଂ । ରଜ ପୂର୍ବରୁ ସିଲ୍ ହୋଇଥିବା ଭୁବନେଶ୍ୱର ୟୁନିଟ-୨ ମାର୍କେଟ୍ ବିଲ୍ଡିଂ ବୁଧବାରଠାରୁ ଖୋଲାଯାଇଛି । ବିଭିନ୍ନ ସର୍ତ୍ତ ରଖି ବିଏମ୍ସି ପକ୍ଷରୁ ମାର୍କେଟ୍ ବିଲ୍ଡିଂ ଖୋଲିବାକୁ ଅନୁମତି ଦିଆଯାଇଛି ।
ବିଏମ୍ସି ପକ୍ଷରୁ ଜାରି କରାଯାଇଥିବା ଏସ୍ଓପିକୁ ମାନିବେ ବୋଲି ମାର୍କେଟ୍ ବିଲ୍ଡିଂ ସଂଘ ସହମତି ପ୍ରକାଶ କରିବା ପରେ ଏହି ଅନୁମତି ଦିଆଯାଇଛି ।
ବିଏମ୍ସିର ପକ୍ଷରୁ ମିଳିଥିବା ସୂଚନା ଅନୁଯାୟୀ, ଆଜିଠାରୁ ସର୍ତ୍ତମୁଳକ ଭାବେ ମାର୍କେଟ ବିଲଡିଂ ଖୋଲାଯାଇଛି । ବିଏମସିର ନିୟମ ପାଳନ ନ କଲେ ତିନୋଟି ପର୍ଯ୍ୟାୟରେ ଦୋକାନ ବନ୍ଦ କରାଯିବ ବୋଲି ବିଏମ୍ସି ପକ୍ଷରୁ କଡ଼ା ନିର୍ଦ୍ଦେଶ ରହିଛି ।
୧- ଗ୍ରାହକଙ୍କ ମଧ୍ୟରେ ସାମାଜିକ ଦୂରତା ବଜାୟ ନ ରଖିଲେ ଦୋକାନ ସିଲ୍ ହେବ ।
୨- ଦୋକାନୀ ମାନଙ୍କର ଟ୍ରେଡ୍ ଲାଇସେନ୍ସ ରଦ୍ଦ ହୋଇପାରେ ।
୩- ଦୋକାନୀ ମାନଙ୍କ ଲାଇସେନ୍ସକୁ ସମ୍ପୂର୍ଣ୍ଣ ବାତିଲ କରାଯିବ ।
ତେବେ ଏନେଇ ଅତିରିକ୍ତ ବିଏମ୍ସି କମିଶନର ଅବନୀକାନ୍ତ ପଟ୍ଟନାୟକଙ୍କ ସୂଚନା ଦେଇଛନ୍ତି ।
ସୂଚନାଯୋଗ୍ୟ, ରଜ ପର୍ବକୁ ଦୃଷ୍ଟିରେ ରଖି ଗତ ଶୁକ୍ରବାର ମାର୍କେଟ ବିଲ୍ଡିଂ ଖୋଲିବା ପାଇଁ ଅନୁମତି ଦେଇଥିଲା ବିଏମ୍ସି । କିନ୍ତୁ ମାର୍କେଟ୍ ବିଲ୍ଡିଂ ଖୋଲୁ ଖୋଲୁ ସେଠାରେ ଅସମ୍ଭାଳ ଭିଡ଼ ଦେଖିବାକୁ ମିଳିଥିଲା । ସାମାଜିକ ଦୂରତା ନିୟମକୁ ସମସ୍ତେ ଭାଙ୍ଗିଥିଲେ । ଏହି କାରଣରୁ କରୋନା ସଂକ୍ରମଣ ବଢ଼ିବାର ଆଶଙ୍କା ଅଧିକ ଥିବାରୁ ମାର୍କେଟ୍ ବିଲ୍ଡିଂକୁ ତୁରନ୍ତ ସିଲ୍ କରିବା ପାଇଁ ବିଏମ୍ସି ନିର୍ଦ୍ଦେଶ ଦେଇଥିଲା । ଏହା ପରେ ମାର୍କେଟ୍ ବିଲ୍ଡିଂକୁ ସିଲ୍ କରାଯାଇଥିଲା ।
EMI ଉପରେ ସୁଧ ରିହାତି ଦ୍ୱାରା ଜମାକାରିଙ୍କ କ୍ଷତି ହେବ,AIBDA ସୁଧ ଛାଡ ସପକ୍ଷରେ ନାହିଁ
ମୁମ୍ବାଇ: ଇଏମଆଇ ଉପରେ ସୁଧ ରିହାତି ଦିଆଗଲେ ବ୍ୟାଙ୍କରେ ଟଙ୍କା ଜମାକରୁଥିବ ଜମାକାରି କ୍ଷତିଗସ୍ତ ହେବେ ବୋଲି ଅଲ ଇଣ୍ଡିଆ ବ୍ୟାଙ୍କ ଡିପୋଜିଟର୍ସ ଆସୋସିଏସନ(AIBDA) କହିଛି । ସଂଗଠନ କହିଛି ଯେ, କୌଣସି ପ୍ରକାରର ସୁଧ ରିହାତି ଦେବା ଦ୍ୱାରା କ୍ରେଡିଟ୍ କଲଚରକୁ କ୍ଷତି ସହିବାକୁ ପଡିବ । ଯାହାର ପ୍ରଭାବ ବ୍ୟାଙ୍କଙ୍କ ଆର୍ଥିକ ସ୍ୱାସ୍ଥ୍ୟ ଉପରେ ପଡିବ । AIBDA କହିଛି ଯେ, ସୁଧ ଛାଡ ଦ୍ୱାରା ଡିପୋଜିଟର୍ସ ଅତ୍ୟଧିକ ପ୍ରଭାବିତ ହେବେ । କାରଣ ବ୍ୟାଙ୍କ ଏହା ଦ୍ୱାରା ହେବାକୁ ଥିବା କ୍ଷତି ଭରଣ କରିବାକୁ ଜମା ରାଶି ଉପରେ ସୁଧ କମ ଦେବ । ସଂଗଠନ କହିଛି ଯେ, ଆଗରୁ ସରକାର ଲୋନ୍ ଛାଡକୁ କଭର କରୁଥିଲା କିନ୍ତୁ ବର୍ତ୍ତମାନ ପରିସ୍ଥିତିରେ ଆୟ ହ୍ରାସ ଯୋଗୁ କେନ୍ଦ୍ର ଓ ରାଜ୍ୟ ବର୍ତ୍ତମାନ ସେଭଳି କରିପାରିବେ ନାହିଁ ।
ସୂଚନାଯୋଗ୍ୟ ଯେ, ସୁପ୍ରିମକୋର୍ଟ ଜୁନ୍ ୧୨ ତାରିଖ ଦିନ କେନ୍ଦ୍ର ସରକାର ଓ ରିଜର୍ଭ ବ୍ୟାଙ୍କକୁ ତିନି ଦିନ ମଧ୍ୟରେ ମୋରେଟୋରିୟମ ଅବଧି କାଳରେ ଲୋନ୍ କିସ୍ତିର ସୁଧ ଉପରେ ସୁଧକୁ ନେଇ ନିଷ୍ପତ୍ତି ନେବାକୁ କହିଥିଲେ ।
ମାମଲାର ଶୁଣାଣି କରୁଥିବା ବେଂଚ୍ ଜାଣିବାକୁ ଚାହିଁଥିଲେ ଯେ, ସୁଧ ଉପରେ ସୁଧକୁ ଛାଡ କରାଯାଇ ପାରିବ କି ? ଏହି ପ୍ରସଙ୍ଗକୁ ନେଇ ମିଡିଆର ଚାଲୁଥିବା ରିପୋର୍ଟ ଅତ୍ୟନ୍ତ ନୈରାଶ୍ୟଜନକ ବୋଲି AIBDA କହିଛି ।
ଭୁବନେଶ୍ୱରରୁ ୧୭ ଆକ୍ରାନ୍ତ: ୧୪ କ୍ୱାରେଣ୍ଟାଇନ୍ ସେଣ୍ଟରରୁ ଆଉ ୩ ଜଣ ସ୍ଥାନୀୟ ବାସିନ୍ଦା, ଜାଣନ୍ତୁ କିଏ କେଉଁଠୁ…?
ଭୁବନେଶ୍ୱର: ଭୁବନେଶ୍ୱରରେ ପୁଣି ୧୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏନେଇ ବିଏମ୍ସି ପକ୍ଷରୁ ସୂଚନା ଦିଆଯାଇଛି । ୧୭ ଜଣ ଆକ୍ରାନ୍ତଙ୍କ ମଧ୍ୟରୁ ୧୪ ଜଣ କ୍ୱାରେଣ୍ଟାଇନ୍ ସେଣ୍ଟରରୁ ଚିହ୍ନଟ ହୋଇଥିବା ବେଳେ ୩ ଜଣ ସ୍ଥାନୀୟ ବାସିନ୍ଦା ବୋଲି ଜଣାପଡ଼ିଛି ।
ତେବେ ଉକ୍ତ ୧୪ ଜଣଙ୍କ ମଧ୍ୟରୁ ୭ ଜଣ ରେଲ୍ଓ୍ୱେ ଅଧିକାରୀ ରହିଛନ୍ତି । ସେମାନେ ୩୬, ୪୦, ୩୧, ୪୦, ୩୫, ୩୬, ୩୬ ବର୍ଷୀୟ ପୁୁରୁଷ ବୋଲି ଜଣାପଡ଼ିଛି । ସେମାନଙ୍କ ଟ୍ରାଭେଲ୍ ହିଷ୍ଟ୍ରିରୁ ସେମାନେ ଦିଲ୍ଲୀ ଫେରନ୍ତା ବୋଲି ସୂଚନା ରହିଛି ।
ସେହିଭଳି ଦୁଇଟି ମାମଲା ଭିମ୍ପୁର ଏୟାରପୋର୍ଟ ଛକ ନିକଟରୁ ଆସିଥିବା ଜଣାପଡ଼ିଛି । ସେଥିମଧ୍ୟରେ ଜଣେ ୩୨ ବର୍ଷୀୟ ପୁରୁଷ ଥିବା ବଳେ ଆଉ ଜଣେ ୩୬ ବର୍ଷୀୟ ମହିଳା ବୋଲି ସୂଚନା ରହିଛି । ସେମାନେ ଗୋଟିଏ ପରିବାରର ଏବଂ ସେମାନଙ୍କ ଟ୍ରାଭେଲ୍ ହିଷ୍ଟ୍ରିରୁ ସେମାନେ ଦିଲ୍ଲୀ ଫେରନ୍ତା ବୋଲି ଜଣାପଡ଼ିଛି ।
ସେହି ଭିମ୍ପୁର ମା’ଶକ୍ତି ହସ୍ପିଟାଲ ନିକଟରୁ ମଧ୍ୟ ଜଣେ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ସେ ଜଣେ ୬୪ ବର୍ଷୀୟ ପୁରୁଷ ବୋଲି ସୂଚନା ରହିଛି । ସେ ମଧ୍ୟ ଦିଲ୍ଲୀ ଫେରନ୍ତା ବୋଲି ତାଙ୍କ ଟ୍ରାଭେଲ୍ ହିଷ୍ଟ୍ରି ରହିଛି ।
ଅନ୍ୟପଟେ ଡୁମୁଡୁମା ଏଚ୍ ବି କଲୋନୀରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ତାଙ୍କ ବୟସ ୨୫(ପୁରୁଷ) ହୋଇଥିବା ବେଳେ ସେ ବି ଦିଲ୍ଲୀ ଫେରନ୍ତା ବୋଲି ଜଣାପଡ଼ିଛି ।
ସେହିଭଳି ଦୁଇ ଜଣ ଆକ୍ରାନ୍ତ ନୟାପଲ୍ଲୀ ସବର ସାହିରୁ ଚିହ୍ନଟ ହୋଇଛନ୍ତି । ସେମାନେ ଗୋଟିଏ ପରିବାରର ବୋଲି ଜଣାପଡ଼ିଛି । ଜଣେ ୨୦ ବର୍ଷୀୟ ଯୁବତୀ ହୋଇଥିବା ବେଳେ ଆଉ ଜଣେ ୧୫ ବର୍ଷର ନାବାଳକ ବୋଲି ବିଏମ୍ସି ସୂଚନା ଦେଇଛି । ସେମାନେ ମଧ୍ୟ ଦିଲ୍ଲୀ ଫେରନ୍ତା ।
ଆଉ ଜଣେ ହେଉଛନ୍ତି ଅନ୍ୟ ଜିଲ୍ଲାର । ଯିଏ କି ଭୁବନେଶ୍ୱରରେ ପେଡ୍ କ୍ୱାରେଣ୍ଟାଇନ୍ରେ ରହୁଛନ୍ତି । ସେ ୨୪ ବର୍ଷୀୟ ଯୁବତୀ ହୋଇଥିବା ବେଳେ ତାଙ୍କର ମଧ୍ୟ ଟ୍ରାଭେଲ୍ ହିଷ୍ଟ୍ରି ଦିଲ୍ଲୀ ରହିଛି ।
ସେହିଭଳି ୩ ଜଣ ସ୍ଥାନୀୟ ବାସିନ୍ଦା ମଧ୍ୟ କରୋନା ଆକ୍ରାନ୍ତ ହୋଇଥିବା ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ଜଣେ ହେଲେ ପୁରୀ-କେନାଲ ରୋଡ୍ ସ୍ଥିତ ନହରକଣ୍ଟାର ୨୭ ବର୍ଷୀୟ ଯୁବକ । ଆଉ ଜଣେ ହେଉଛନ୍ତି ୩୨ ବର୍ଷୀୟ ପୁରୁଷ, ଯିଏକି ସେଣ୍ଟ୍ରାଲ ହସ୍ପିଟାଲର କର୍ମଚାରୀ ବୋଲି ଜଣାପଡ଼ିଛି । ଅନ୍ୟ ଜଣକ ହେଉଛନ୍ତି ଜୟଦେବ ବିହାର ଅଞ୍ଚଳର ସରଣପଲ୍ଲୀର ୩୭ ବର୍ଷୀୟ ମହିଳା, ଯିଏ କି ଏକ ଘରୋଇ ହସ୍ପିଟାଲରେ କାମ କରୁଥିଲେ ।
୭ ବର୍ଷ ପୂର୍ବେ ଏହି ଅଭିନେତ୍ରୀ କରିଥିଲେ ଆତ୍ମହତ୍ୟା: ସଲମାନ୍ଙ୍କ ବିରୋଧରେ ତାଙ୍କ ମା’ ଆଣିଲେ ଗୁରୁତର ଅଭିଯୋଗ
ମୁମ୍ୱାଇ: ସୁଶାନ୍ତ ସିଂ ରାଜପୁତଙ୍କ ଦେହାନ୍ତ ପରଠାରୁ ବଲିଉଡ ଫିଲ୍ମ ଇଣ୍ଡଷ୍ଟ୍ରିରେ ଅନେକ ପଞ୍ଜିଭୂତ ଅସନ୍ତୋଷ ବାହାରକୁ ଆସିଛି । ସୁଶାନ୍ତଙ୍କ ଆତ୍ମହତ୍ୟା ପରେ ଇଣ୍ଡଷ୍ଟ୍ରିକୁ ନେଇ ଅନେକ ପ୍ରଶ୍ନ ଉଠିଛି । ଅନ୍ୟପକ୍ଷରେ ପାଟନାରେ ବଲିଉଡର ଅନେକ ତାରକାଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ ହୋଇଛି । ଏଥିସହିତ ବିହାରର ମୁଜାଫରପୁରରେ ସଲମାନ ଖାନଙ୍କ ସମେତ ଫିଲ୍ମ ଇଣ୍ଡଷ୍ଟ୍ରିର ଅନ୍ୟ ୮ଜଣଙ୍କ ବିରୋଧରେ ମାମଲା ରୁଜୁ ହୋଇଛି । ଏସବୁ ମଧ୍ୟରେ ସ୍ୱର୍ଗତ ଅଭିନେତ୍ରୀ ଜିଆ ଖାନଙ୍କ ମାଆ ରାବିୟା ଖାନଙ୍କ ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ ସେ ସୁଶାନ୍ତଙ୍କୁ ଶ୍ରଦ୍ଧାଞ୍ଜଳି ଜଣାଇବା ସହ ସଲମାନ ଖାନ ଓ ବଲିଉଡରେ କାର୍ଯ୍ୟ କରୁଥିବା ଲୋକଙ୍କୁ ଆକ୍ଷେପ କରିଛନ୍ତି ।
ମାନସିକ ଅଶାନ୍ତି ଭିତରେ ଅଭିନେତ୍ରୀ ଜିଆ ଖାନ ୨୦୧୩ରେ ଆତ୍ମହତ୍ୟା କରିଥିଲେ। ଯାହା ପରେ ତାଙ୍କ ଅଭିଯୁକ୍ତ ପ୍ରେମିକା ସୁରଜ ପାଞ୍ଚୋଲିଙ୍କୁ ପୋଲିସ ଲମ୍ୱା ପଚରାଉଚରା କରିଥିଲା । ତେବେ ସୁଶାନ୍ତ ସିଂହଙ୍କ ଦେହାନ୍ତ ପରେ ଜିଆ ଖାନଙ୍କ ମାଆ ରାବିୟା ଖାନ ବଲିଉଡ୍ର କାମ କରିବାର ଶୈଳୀକୁ ନେଇ ପ୍ରଶ୍ନ ଉଠାଇଛନ୍ତି । ଏହି ସମୟ ମଧ୍ୟରେ ସେ ସଲମାନ ଖାନଙ୍କ ଉପରେ ମଧ୍ୟ ଗମ୍ଭୀର ଅଭିଯୋଗ ଆଣିଛନ୍ତି । ଏବଂ ଜିଆଙ୍କ ଆତ୍ମହତ୍ୟା ଘଟଣାକୁ ମଧ୍ୟ ମନେ ପକାଇଦେଇଛନ୍ତି ।
ରବିୟା କହିଛନ୍ତି, ‘ସୁଶାନ୍ତ ରାଜପୁତଙ୍କ ପରିବାର ସହିତ ମୋର ସମବେଦନା | ଏହା ଏକ ହୃଦୟ ବିଦାରକ ଘଟଣା । ବର୍ତ୍ତମାନ ବଲିଉଡକୁ ଜାଗି ଉଠିବାକୁ ପଡ଼ିବ । ବର୍ତ୍ତମାନ ଯାହା ହେଇଛି ତାହା ୨୦୧୫ର ଘଟଣାକୁ ମନେପକାଇଦେଇଛି । ସେତେବେଳେ ମୁଁ ମୋ ଝିଆର ମାମଲା ସମ୍ପର୍କରେ ଜଣେ ସିବିଆଇ ଅଧିକାରୀଙ୍କୁ ଭେଟିଥିଲି । ସେ ମୋତେ କହିଥିଲେ ଯେ, ତାଙ୍କୁ ସଲମାନ ଖାନ ବାରମ୍ୱାର ଫୋନ୍ କରୁଛନ୍ତି । କହିଛନ୍ତି ସେ ଅଭିଯୁକ୍ତଙ୍କ ଉପରେ ଆମେ ଅନେକ ଟଙ୍କା ଇନ୍ଭେଷ୍ଟ କରିଛୁ । ତାକୁ ପଚରାଉଚରା କରନି । ଏଭଳି ପରିସ୍ଥିତିରେ ମୁଁ କଣ କରି ପାରିବି ବୋଲି ସିବିଆଇ ଅଧିକାରୀ ଜଣଙ୍କ ତାଙ୍କୁ କହିଥିବା ରବିୟା କହିଛନ୍ତି । ଜିଆର ମାଆଙ୍କ ଏଭଳି ବୟାନ ପରେ ସୋସିଆଲ୍ ମିଡିଆରେ ତୀବ୍ର ପ୍ରତିକ୍ରିୟା ପ୍ରକାଶ ପାଉଛି ।
https://www.instagram.com/p/CBgKlXQlQGw/?utm_source=ig_embed&utm_campaign=embed_video_watch_again
ବଲିଉଡ୍ରୁ ବହିଷ୍କାର ଦାବି: ପିଟିସନ୍ରେ ଦସ୍ତଖତ କଲେ ୧୫ ଲକ୍ଷ ୫୫ ହଜାରରୁ ଅଧିକ ଲୋକ
ମୁମ୍ବାଇ: ଅଭିନେତା ସୁଶାନ୍ତ ସିଂହ ରାଜପୁତ୍ଙ୍କ ଆତ୍ମହତ୍ୟା ପରେ ଏବେ ବଲିଉଡ୍ରେ ପୁଣି ନେପୋଟିଜିମ୍ କଥା ଚର୍ଚ୍ଚାକୁ ଆସିଛି । ବଲିଉଡ୍ରେ ନେପୋଟିଜିମ୍ ଅଧିକ ମାତ୍ରାରେ ଚାଲିଥିବା ନେଇ ଏବେ ମାହୋଲ ସରଗରମ ରହିଛି । ଏଥି ସହିତ ସୋସିଆଲ ମିଡିଆରେ ବଲିଉଡର ବଡ଼ବଡ଼ ଫିଲ୍ମ ନିର୍ମାତା ଏବଂ ଅଭିନେତାମାନଙ୍କୁ ଘୋର ବିରୋଧ କରାଯାଉଛି । ଏହି କ୍ରମରେ ଜୟଶ୍ରୀ ଶର୍ମା ଶ୍ରୀକାନ୍ତ ନାମକ ଜଣେ ଫେସବୁକ୍ ୟୁଜର୍ସ, ବଡ଼ ବଡ଼ ଅଭିନେତା ଓ ଫିଲ୍ମ ନିର୍ମାତାଙ୍କୁ ବଲିଉଡ୍ରୁ ବହିଷ୍କାର ପାଇଁ ଦାବି କରିଛନ୍ତି । ସେ ଏନେଇ ଏକ ଅଭିନବ ପ୍ରୟାସ ମଧ୍ୟ ଆରମ୍ଭ କରିଛନ୍ତି । ଏକ ଅନ୍ ଲାଇନ୍ ପିଟିସନ୍ ଜରିଆରେ ସେ ଲୋକମାନଙ୍କ ମତ ଲୋଡ଼ିଛନ୍ତି । ସବୁଠାରୁ ବଡ଼ କଥା ହେଲା ଏହି ଅନ୍ଲାଇନ୍ ପିଟିସନ୍ରେ ତାଙ୍କ ମତକୁ ଅନେକ ସମର୍ଥନ ଜଣାଇଛନ୍ତି । ମାତ୍ର ୩୨ ଘଣ୍ଟା ମଧ୍ୟରେ ୧୫.୫୦ ଲକ୍ଷରୁ ଅଧିକ ଲୋକ ଏହି ଅନ୍ଲାଇନ୍ ପିଟିସନ୍ରେ ଦସ୍ତଖତ କରି ନିଜ ନିଜର ସମର୍ଥନ ଜାଣାଇଛନ୍ତି ।
ଜୟଶ୍ରୀ ଶର୍ମା ଶ୍ରୀକାନ୍ତ ଏହି ଅନ୍ଲାଇନ୍ ପିଟିସନ୍ ଜୁନ୍ ୧୬ ତାରିଖ ସନ୍ଧ୍ୟାରେ ୬ଟା ୪୭ମିନିଟ୍ରେ Change.org ରେ ଆରମ୍ଭ କରିଥିଲେ । ସେ ଏହାକୁ ଫେସବୁକ୍ରେ ସେୟାର କରି ଲେଖିଛନ୍ତି, ‘ଦୟାକରି ଏଥିରେ ଦସ୍ତଖତ କରନ୍ତୁ ଏବଂ ଏହା ଅଂଶୀଦାର ହୁଅନ୍ତୁ । ଆମେ ଫିଲ୍ମ ଇଣ୍ଡଷ୍ଟ୍ରିରେ ପରିବର୍ତ୍ତନ ଆଣିପାରିବା ଏବଂ ସମ୍ଭବତଃ ଏପରି ଘଟଣା ବାରମ୍ବାର ଘଟିବ କୁ ରୋକିପାରିବା’ ବୋଲି ସେ ନିଜ ପୋଷ୍ଟରେ ଲେଖିଛନ୍ତି । ଜୟଶ୍ରୀ ୧୦ ଲକ୍ଷ ଦସ୍ତଖତ ପାଇବାର ଲକ୍ଷ୍ୟ ରଖି ଏହି ପିଟିସନ୍ ଆରମ୍ଭ କରିଥିଲେ ହେଲେ ଲୋକମାନେ ଏହାକୁ ଢ଼େର ସମର୍ଥନ ଦେଇଛନ୍ତି । ମାତ୍ର ୩୨ ଘଣ୍ଟାରେ ୧୨.୫୦ ଲକ୍ଷରୁ ଅଧିକ ଲୋକ ଏଥିରେ ଦସ୍ତଖତ କରିସାାରିଛନ୍ତି ।
ଜୟଶ୍ରୀ ଶ୍ରୀକାନ୍ତ କିଏ?
ଜୟଶ୍ରୀଙ୍କ ଫେସବୁକ୍ ପ୍ରୋଫାଇଲ୍ ଅନୁଯାୟୀ, ସେ ବଲିଉଡର ଜଣେ କୋରିଓଗ୍ରାଫର, କଳାକାର, ନିର୍ଦ୍ଦେଶକ ଏବଂ ରେଡିଓ ଜକି ବୋଲି ଜଣାପଡ଼ିଛି । ସେ ନାଇରୋବି କେନିଆର ରୁହନ୍ତି । କିନ୍ତୁ ବର୍ତ୍ତମାନ ସେ ପ୍ରିନ୍ସଟନ୍ (ନ୍ୟୁ-ଜର୍ସି) ରେ ରହୁଛନ୍ତି । ସେ ଉତ୍ତର ଆମେରିକାର ଦକ୍ଷିଣ ଏସୀୟ ରେଡିଓ ଷ୍ଟେସନ ରାକୁସ୍ ଏଭେନ୍ୟୁରେ ରେଡିଓ ଜକି ଭାବେ କାମ କରୁଛନ୍ତି ।
ରାଜ୍ୟରେ ଆଉ ୭୩ କରୋନା ଆକ୍ରାନ୍ତ ସୁସ୍ଥ..
ଭୁବନେଶ୍ୱର: ରାଜ୍ୟରେ ଆଉ ୭୩ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଏନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି । ଏହି ନୂଆ ୭୩ ସୁସ୍ଥଙ୍କ ମଧ୍ୟରେ କନ୍ଧମାଳରୁ ୧୪ ଜଣ ସୁସ୍ଥ ହୋଇଥିବା ବେଳେ ୧୧ ଜଣ କେନ୍ଦୁଝରରୁ, ୧୦ ଜଣ ଖୋର୍ଦ୍ଧା ଅଞ୍ଚଳରୁ, ୯ ଜଣ ଭଦ୍ରକରୁ, ୭ ଜଣ ଯାଜପୁରରୁ, ୬ ଜଣ ମୟୁରଭଞ୍ଜରୁ, ୪ ଜଣ ଗଞ୍ଜାମରୁ ସୁସ୍ଥ ହୋଇ ଘରକୁ ଫେରିଛନ୍ତି । ଏହା ସହ କଟକ ସହରରୁ ମଧ୍ୟ ୩ ଜଣ ସୁସ୍ଥ ହୋଇଛଥିବା ସୂଚନା ମିଳିଛି । ଅନ୍ୟପଟେ ବାଲେଶ୍ୱର, ଜଗତସିଂହପୁର, ଝାରସୁଗୁଡ଼ାରୁ ଦୁଇ ଜଣ ଲେଖାଏଁ ସୁସ୍ଥ ହୋଇଥିବା ବେଳେ ଜଣେ ବଲାଙ୍ଗିରରୁ ସୁସ୍ଥ ହୋଇ ଘରକୁ ଫେରିଛନ୍ତି ।
ତେବେ ରାଜ୍ୟରେ ବୁଧବାର ସୁଦ୍ଧା ୩୦୪୭ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ରାଜ୍ୟରେ ଯେଉଁମାତ୍ରେରେ ଆକ୍ରାନ୍ତଙ୍କ ସଂଖ୍ୟା ବଢ଼ୁଛି ତାହାଠାରୁ ଅଧିକ ମାତ୍ରାରେ ସୁସ୍ଥଙ୍କ ସଂଖ୍ୟା ମଧ୍ୟ ବଢ଼ୁଛି । ଏହା ରାଜ୍ୟ ପାଇଁ ଏକ ଭଲ ଖବର ବୋଲି କୁହାଯାଇପାରେ ।
Another 73 #COVID19 patients have recovered and are being discharged on 17.6.2020.
14 from Kandhamal
11 from Keonjhar
10 from Khurdha
9 from Bhadrak
7 from Jajpur
6 from Mayurbhanj
4 from Ganjam
3 from Cuttack
(1/2)— H & FW Dept Odisha (@HFWOdisha) June 17, 2020
2 each from Balasore, Jagatsinghpur, Jharsuguda and Kalahandi
1 from Bolangir.The total recovered cases of #Odisha now stand at 3047.
(2/2)— H & FW Dept Odisha (@HFWOdisha) June 17, 2020
ଶହୀଦଙ୍କ ପାଇଁ ମୋଦିଙ୍କ ନୀରବ ପ୍ରାର୍ଥନା: କହିଲେ, ‘ମାରି ମାରି ଶହୀଦ ହୋଇଛନ୍ତି ଯବାନ’
