ମସ୍କୋ: ଦ୍ୱିତୀୟ ବିଶ୍ୱଯୁଦ୍ଧ ସମୟରେ ବର୍ଲିନ ଉପରେ ଆମେରିକା ଓ ମିତ୍ରରାଷ୍ଟ୍ରଙ୍କ ପକ୍ଷରୁ ହୋଇଥିବା ଭୀଷଣ ବୋମା ବର୍ଷଣରୁ  ବଞ୍ଚିଯାଇଥିବା ୮୪ ବର୍ଷୀୟ କୁମ୍ଭୀରର ମସ୍କୋରେ ମୃତ୍ୟୁ ହୋଇଛି । ମସ୍କୋ  ପ୍ରାଣୀ ଉଦ୍ୟାନର ଅଧିକାରୀମାନେ ଶନିବାର ଦିଏ ଏନେଇ ଘୋଷଣା କରିଛନ୍ତି । ମୃତ୍ୟୁବରଣ କରିଥିବା ଏହି  କୁମ୍ଭୀରଟି ନାଜି ଲିଡର ଆଡଲୋଫ ହିଟଲରଙ୍କ ପୋଷା କୁମ୍ଭୀର ଥିଲା  ବୋଲି ସେତେବେଳେ ଗୁଜବ ଉଠିଥିଲା ।

ପ୍ରାଣୀ ଉଦ୍ୟାନରୁ କୁହାଯାଇଛି ଯେ, “ଗତକାଲି ସକାଳେ ଆମର ମିସିସିପି କୁମ୍ଭୀର ସଟର୍ନ ବୃଦ୍ଧାବସ୍ଥାରେ ମୃତ୍ୟୁ ହୋଇଛି । ତାଙ୍କୁ ପ୍ରାୟ ୮୪ ବର୍ଷ ବୟସ ହୋଇଥିଲା – ଅତ୍ୟନ୍ତ ସମ୍ମାନଜନକ ବୟସ ବୋଲି ସେ ଏହି ବିବୃତ୍ତିରେ କହିଛନ୍ତି । କୁମ୍ଭୀରଟି ଆମେରିକାରେ ଜନ୍ମ ହେବାର କିଛି ସମୟ ପରେ ୧୯୩୬ ମସିହାରେ କୁମ୍ଭୀର ସଟର୍ନକୁ ବର୍ଲିନ ପ୍ରାଣୀ ଉଦ୍ୟାନକୁ ଉପହାର ଦିଆଯାଇଥିଲା ।

Вчера утром наш миссисипский аллигатор Сатурн умер от старости. Ему было около 84 лет – крайне почтенный возраст. Московскому зоопарку выпала честь содержать Сатурна 74 года. Он видел многих из нас детьми. Надеемся, что мы его не разочаровали. pic.twitter.com/UigsB8xwBv

— Московский Зоопарк (@moscowzoo) May 23, 2020

ଏକ ଗଣମାଧ୍ୟମର ରିପୋର୍ଟ ଅନୁସାରେ ଯେତେବେଳେ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ୧୯୪୩ ମସିହାରେ ପ୍ରାଣୀ ଉଦ୍ୟାନ ଉପରେ ବୋମା ଆକ୍ରମଣ ହୋଇଥିଲା, ସେତେବେଳେ ସଟର୍ନ ଖସିଯିବାରେ ସଫଳ ହୋଇଥିଲା ଏବଂ ମାତ୍ର ତିନି ବର୍ଷ ପରେ ବ୍ରିଟିଶ ସୈନିକମାନେ ତାକୁ ପାଇଥିଲେ । ସଟର୍ନଙ୍କୁ ସୋଭିଏତ ସଂଘକୁ ଉପହାର ଦିଆଯାଇଥିଲା – ଯେଉଁଠାରେ ସେ ଜୀବନର ଅବଶିଷ୍ଟ ସମୟ ମସ୍କୋ ପ୍ରାଣୀ ଉଦ୍ୟାନରେ ଅତିବାହିତ କରିଥିଲା । ପ୍ରାଣୀ ଉଦ୍ୟାନ ଏକ ବିବୃତ୍ତିରେ କହିଛି ଯେ ମସ୍କୋ ପ୍ରାଣୀ ଉଦ୍ୟାନ ୭୪ ବର୍ଷ ଧରି ସଟର୍ନକୁ ରଖିଥିବାରୁ ଗର୍ବ କରୁଛି ।

ମସ୍କୋ ପ୍ରାଣୀ ଉଦ୍ୟାନ ପୂର୍ବରୁ ସଟର୍ନ ବର୍ଲିନ ପ୍ରାଣୀ ଉଦ୍ୟାନରେ ନୁହେଁ ବରଂ ହିଟଲରଙ୍କ ବ୍ୟକ୍ତିଗତ ସଂଗ୍ରହର ଅଂଶ ଗୁଜବକୁ ଖାରଜ କରିଦିଆଯାଇଛି । ତେବେ ଏମିତି ଗୁଜବ କିଏ ଓ କାହିଁକି ଆରମ୍ଭ କରିଛି ତାହା ସ୍ପଷ୍ଟ ହୋଇନାହିଁ।

ନୂଆଦିଲ୍ଲୀ: ଦେଶରେ ଟ୍ରାଫିକ ନିୟମ ଉଲ୍ଲଂଘନ ଲାଗି ଅନେକ ନୀତି ନିୟମରେ ପରିବର୍ତ୍ତନ ହୋଇଥିଲା । ହେଲେ ଏବେ ଲକଡାଉନ୍ ପାଇଁ ପୁଣି ମୋଟର ଯାନ ଶୁଳ୍କ ପୈଠ ଓ ସମୟ ଅବଧି ବୃଦ୍ଧି କରାଯାଇଛି । ଜୁଲାଇ ୩୧ ଯାଏଁ କରିହେବ ଲାଇସେନ୍ସର ନବୀକରଣ। କୋଭିଡ ୧୯ ଲକଡାଉନକୁ ଦୃଷ୍ଟିରେ ରଖି ସଡକ ପରିବହନ ଓ ରାଜପଥ ମନ୍ତ୍ର।ଳୟ ପକ୍ଷରୁ ଏହି ନିର୍ଦ୍ଦେଶନାମା ଜାରି କରାଯାଇଛି । ଏହି ନିୟମ ଅନୁଯାୟୀ, ନବୀନକଣ ସମେତ ବିଭିନ୍ନ କାର୍ଯ୍ୟ ପାଇଁ ଫେବୃଆରୀ ପହିଲା କିମ୍ବା ଏହା ପରେ ଦାଖଲ କରାଯାଇଥିବା ଶୁଳ୍କର ପ୍ରକ୍ରିୟା କରଣ ହୋଇ ନପାରିଲେ, ଏହାର ବୈଧତା ବଜାୟ ରହିବ ।

ଏସବୁ କାଗଜପତ୍ର ପାଇଁ ଜୁଲାଇ ୩୧ ପର୍ଯ୍ୟନ୍ତ କୈାଣସି ବିଳମ୍ବିତ ବା ଅତିରିକ୍ତ ଶୁଳ୍କ ଲାଗୁ କରାଯିବ ନାହିଁ । ପୂର୍ବରୁ ଗାଡିଗୁଡିକର କାଗଜପତ୍ରର ବୈଧତା ବୃଦ୍ଧି ଲାଗି ମାର୍ଚ୍ଚ ୩୦ରେ ଏକ ମାର୍ଗଦର୍ଶିକା ଜାରି କରାଯାଇଥିଲା । ଲକଡାଉନ ଅବଧି ମଧ୍ୟରେ କାଗଜପତ୍ରର ବୈଧତା ସରିଯାଇଥିଲେ କିମ୍ବା କେହି ଏଥିପାଇଁ ଆବେଦନ କରିପାରି ନଥିଲେ ଜୁନ୍‌ ୩୦ ତାରିଖ ମଧ୍ୟରେ କୈାଣସି ବିଳମ୍ବିତ ଫି ନଦେଇ କରାଯାଇ ପାରିବ ବୋଲି କୁହାଯାଇଥିଲା । ପୁଣି ଏହି ବୈଧତାକୁ ଜୁଲାଇ ୩୧ ଯାଏ ବୃଦ୍ଧି କରିଛି ପରିବହନ ବିଭାଗ ।