ନୂଆଦିଲ୍ଲୀ: ଖାଦ୍ୟ ପଦାର୍ଥର ହୋମ୍ ଡେଲିଭରି ପରେ ଏବେ ମଦକୁ ହୋମ୍ ଡେଲିଭରି କରିବାକୁ ପ୍ରସ୍ତୁତ ହେଉଛି ଜୋମାଟୋ । କାରଣ ଲକଡାଉନ୍ ପାଇଁ ମଦ ଦୋକାନ ଖୋଲିବାକୁ ଅନୁମତି ମିଳିବା ପରେ ଏହାର ବିକ୍ରି ବଢିବାରେ ଲାଗିଛି । ତେଣୁ ଏହି କମ୍ପାନୀ ଲାଭ ଉଠାଇବାକୁ ଚାହୁଁଛି ।

କମ୍ପାନୀର ପ୍ରସ୍ତାବ କ’ଣ ରହିଛି ?

ଗଣମାଧ୍ୟମ ଅନୁସାରେ, କମ୍ପାନୀ ମଦର ହୋମ୍ ଡେଲିଭରି ପାଇଁ  ଆନ୍ତର୍ଜାତୀୟ ସ୍ପିରିଟ୍ ଏବଂ ୱାଇନ୍ ଆସୋସିଏସନ ଇଣ୍ଡିଆ ISWAIଙ୍କୁ ପ୍ରସ୍ତାବ ଦେଇଛନ୍ତି । ଲକଡାଉନ୍ ପାଇଁ କମ୍ପାନୀର ଫୁଡ୍ ଡେଲିଭରି ବ୍ୟବସାୟ ଏକ ପ୍ରକାର ଠପ୍ ହୋଇଯାଇଛି । ତେଣୁ କମ୍ପାନୀ ଏହି ନୂଆ ବ୍ୟବସାୟ କରି ନିଜର ଅସ୍ତିତ୍ୱ ବଞ୍ଚାଇବାକୁ ଚାହୁଁଛନ୍ତି । ତେବେ ଏହି କମ୍ପାନୀ ମଧ୍ୟରୁ ଜୋମାଟୋ ଫୁଡ୍ ଜେଲିଭରିକୁ ଛାଡ଼ି ରାସନ ଜିନିଷ ହୋମ ଡେଲିଭରି କ୍ଷେତ୍ରରେ ପାଦ ଦେଇଛି ।

ମଦ ଦୋକାନ ଖୋଲିଛି ଏବଂ ଏହାକୁ ନେବାକୁ ବିଭିନ୍ନ ସ୍ଥାନରେ ଲାଗିଛି ଲମ୍ବାଲାଇନ୍

ଯେତେବେଳେ ମାର୍ଚ୍ଚ ୨୫ରେ ଦେଶରେ ଲକଡାଉନ୍ ପ୍ରଥମଥର ପାଇଁ ଲାଗୁ ହୋଇଥିଲା ସେତେବେଳେ ସମସ୍ତ ମଦ ଦୋକାନକୁ ବନ୍ଦ କରି ଦିଆଯାଇଥିଲା । କିନ୍ତୁ ରାଜସ୍ୱ ପାଇଁ ରାଜ୍ୟଗୁଡ଼ିକ ମଦ ଦୋକାନ ଖୋଲିବାକୁ ଦାବି କରିଥିଲେ ଯାହାକୁ ଲକଡାଉନର ୩ୟ ପର୍ଯ୍ୟାୟରେ ଖୋଲିବାକୁ ଅନୁମତି ମିଳିଥିଲା । କିନ୍ତୁ କେତକ ରାଜ୍ୟରେ ଏବେ ପର୍ଯ୍ୟନ୍ତ ମଧ୍ୟ ମଦ ଦୋକାନ ଖୋଲାଯାଇନାହିଁ । ତେବେ ଯେଉଁସବୁ ରାଜ୍ୟରେ ମଦ ଦୋକାନ ଖୋଲିଛି ସେଠାରେ କିଲୋମିଟର କିଲୋମିଟର ପର୍ଯ୍ୟନ୍ତ ଲମ୍ବା ଲାଇନ ଦେଖିବାକୁ ମିଳିଛି ।

କିନ୍ତୁ ଭାରତରେ ଏବେ ପର୍ଯ୍ୟନ୍ତ ମଦର ହୋମ୍ ଡେଲିଭରିର ଅନୁମତି ମିଳିନାହିଁ । ତେଣୁ କମ୍ପାନୀଗୁଡ଼ିକ ଦାବି କରୁଛନ୍ତି ଯେ, ସରକାର ଏଥିପାଇଁ ଅନୁମତି ଦିଅନ୍ତୁ । ତେବେ ଏହି ଅନୁମତି ଯଦି ମିଳେ ତେବେ ଜୋମାଟୋ ମଦକୁ ହୋମ୍ ଡେଲିଭରି କରିବାରେ ସଫଳ ହେବ । ଆପଣଙ୍କୁ କହି ରଖୁଛୁ ଯେ, କେତେ ରାଜ୍ୟଗୁଡ଼ିକ ମଧ୍ୟ ମଦ ଉପରେ ଟିକସ ବଢାଇ ଦେଇଛନ୍ତି । ଦିଲ୍ଲୀସରକାର ମଦ ଉପରେ ୭୦ପ୍ରତିଶତ ବିଶେଷ କରୋନା ଟିକସ ବସାଇଛନ୍ତି ।

ନୂଆଦିଲ୍ଲୀ: କରୋନା କାୟା ଦିନକୁ ଦିନ ବଢିବାରେ ଲାଗିଛି । WHO ଅନୁସାରେ କରୋନା ଭ୍ୟାକ୍ସିନ ନଆସିବା ପର୍ଯ୍ୟନ୍ତ ଏହାର ପ୍ରଭାବ କମିବ ନାହିଁ । ଏଥିପାଇଁ ବୈଜ୍ଞାନିକମାନେ ଟିକା ପ୍ରସ୍ତୁତ କରିବାରେ ଲାଗିଛନ୍ତି । ପୂର୍ବରୁ ମାଙ୍କଡମାନଙ୍କ ଉପରେ ଭ୍ୟାକ୍ସିନ ପରୀକ୍ଷା ହୋଇଥିଲା  । ଏବେ ପୁଣିଥରେ ମଣିଷମାନଙ୍କ ଉପରେ ଆଉ ଏକ ଭ୍ୟାକ୍ସିନ ପରୀକ୍ଷା ହେବ । ଏହି ଟିକାର ପରୀକ୍ଷା ମଣିଷଙ୍କ ଉପରେ ଆରମ୍ଭ ହୋଇସାରିଛି। ଜେନେଟିକ ପଦାର୍ଥରୁ ପ୍ରସ୍ତୁତ ଏହି ଟିକା ଅନ୍ୟ ଟିକାଠାରୁ ସମ୍ପୂର୍ଣ୍ଣ ଅଲଗା । ଆମେରିକୀୟ କମ୍ପାନୀ ଫାଇଜର ଏବଂ ଜର୍ମାନୀର ବାୟୋଏନଟେକ୍ ଦାବି କରିଛନ୍ତି ଯେ, ପରୀକ୍ଷା ସଫଳ ହେଲେ ସେପ୍ଟେମ୍ବରରେ ଏହି ଟିକା ଉପଲବ୍ଧ ହେବ।

ବୈଜ୍ଞାନିକଙ୍କ ଅନୁଯାୟୀ ଏହି ଟୀକାର କୌଣସି ପାର୍ଶ୍ୱ ପ୍ରତିକ୍ରିୟା ନାହିଁ । ନ୍ୟୁୟର୍କର ଜଣେ ଡାକ୍ତର ମାର୍କ ମୁଲିଗନ କହିଛନ୍ତି ଯେ, ସୁସ୍ଥ ଲୋକଙ୍କ ଉପରେ ଏହି ଟୀକା ପରୀକ୍ଷା କରାଯିବ, କାରଣ ପରୀକ୍ଷା ସମୟରେ ସେମାନେ ନିରାପଦ ରହିପାରିବେ । ବୈଜ୍ଞାନିକମାନେ କହିଛନ୍ତି ଯେ, ଶ୍ୱାସକ୍ରିୟାରୁ ଫୁସଫୁସରେ ପହଞ୍ଚି ଏହି ଭୂତାଣୁ ସମସ୍ତ ଅଙ୍ଗକୁ ସଂକ୍ରମିତ କରୁଛି । ଏହି ଟୀକା ଶରୀରର ସୁସ୍ଥ ରୋଗ ପ୍ରତିରୋଧକ କ୍ଷମତା ପରୀକ୍ଷା କରିବ ଯାହା ମାଧ୍ୟମରେ ଅଧିକରୁ ଅଧିକ ଶକ୍ତିଶାଳୀ ଆଣ୍ଟିବଡି ଉତ୍ପନ୍ନ ହେବ ଏବଂ ଶରୀରରେ କରୋନା ସଂକ୍ରମଣକୁ ଦୂର କରିବ  । ବୈଜ୍ଞାନିକମାନେ ଦାବି କରିଛନ୍ତି ଯେ, ଏହି ଟୀକା ଅନ୍ୟ ଟୀକା ଅପେକ୍ଷା ଅଧିକ ପ୍ରଭାବଶାଳୀ ଏବଂ ଜୀବାଣୁ ଦୁର୍ବଳ କରିବାରେ ସକ୍ଷମ ହେବ।

ଫାଇଜର ଏବଂ ବାୟୋଏନଟେକ୍ ଗତ ମାସରେ ଜର୍ମାନୀରେ ୧୨ ଜଣ ସୁସ୍ଥ ଲୋକଙ୍କ ଉପରେ ଏହାକୁ ପରୀକ୍ଷା କରିଥିଲେ । ଫଳାଫଳ ସଫଳ ହେବା ପରେ, ଉଭୟ କମ୍ପାନୀ ୨୦୦ ଲୋକଙ୍କ ଉପରେ ଏହି ଟୀକା ପରୀକ୍ଷା କରିବେ। ଆମେରିକାର ପ୍ରଥମ ପର୍ଯ୍ୟାୟରେ ୩୬ ଜଣଙ୍କ ଉପରେ ପରୀକ୍ଷା ହେବ। ଦ୍ୱିତୀୟ ପର୍ଯ୍ୟାୟରେ ପାଖାପାଖି ୮ ହଜାର ଲୋକେ ସାମିଲ ହେବେ।

ନୂଆଦିଲ୍ଲୀ: ଆଜିଠୁ କେନ୍ଦ୍ର ସରକାରଙ୍କ ମିଶନ୍‌ ‘ବନ୍ଦେ ଭାରତ’ରେ ବିଦେଶରେ ଫସିରହିଥିବା ପ୍ରବାସୀଙ୍କୁ ଫେରାଇ ଅଣାଯିବ । ଏନେଇ ଆଜି ବିଦେଶ ଯାତ୍ରା କରିବ ଭାରତୀୟ ବିମାନ । ସପ୍ତାହକ ପର୍ଯ୍ୟନ୍ତ ଘର ବାହୁଡା ଚାଲିବ । ପ୍ରଥମ ପର୍ଯ୍ୟାୟରେ କେରଳ କୋଚିରେ ପହଞ୍ଚିବ ବିମାନ । ଏଥିରେ ଦୁଇ ଶହ ଜଣ ବିଦେଶରୁ ଫେରିବା ନେଇ ସୂଚନା ରହିଛି । ସମସ୍ତ ପ୍ରବାସୀଙ୍କୁ ଫେରାଇ ଆଣିବାକୁ ବିଦେଶ ଯାତ୍ରା କରିବ ମୋଟ୍‌ ୬୪ ବିମାନ ଓ ୩ଟି ପାଣି ଜାହାଜ । ଗତ କିଛିଦିନ ତଳେ ପ୍ରାୟ ଏକ ଲକ୍ଷରୁ ଅଧିକ ପ୍ରବାସୀ ଭାରତ ଫେରିବାକୁ କେନ୍ଦ୍ର ସରକାରଙ୍କ ନିକଟରେ ନିବଦେନ କରିଥିଲେ । ଏହାପରରେ ସରକାର ୧୩ ଦେଶରେ ଫସିରହିଥିବା ପ୍ରବାସୀଙ୍କୁ ଆଣିବା ପାଇଁ ବିମାନ ଓ ପାଣି ଜାହାଜର ବ୍ୟବସ୍ଥା କରିଛନ୍ତି।

ହେଲେ ସମସ୍ତ ଫେରନ୍ତାଙ୍କ ପାଇଁ କେନ୍ଦ୍ର ସରକାର କିଛି ସର୍ବନିମ୍ନ ଦର ନିର୍ଦ୍ଦ।ରଣ କରିଛନ୍ତି । ୟୁରୋପରୁ ଫେରିବାକୁ ହେଲେ ୫୦ ହଜାର ଓ ଆମେରିକାରୁ ଫେରିବାକୁ ହେଲେ ୧ଲକ୍ଷ ଟଙ୍କାର ଦର ସ୍ଥିର କରାଯାଇଥିବା ସୂଚନା ଦିଆଯାଇଛି । ଲଣ୍ଡନରୁ ମୁମ୍ବାଇ କିମ୍ବା ଅହମ୍ମଦାବାଦ୍‌, ବେଙ୍ଗାଲୁରୁ, ଦିଲ୍ଲୀ ଆସିବାକୁ ହେଲେ ୫୦ ହଜାର ଟଙ୍କା ଦେବାକୁ ପଡିବ । ସେହଭିଳି ଚିକାଗୋରୁ ହାଇଦ୍ରାବାଦ୍‌ କିମ୍ବା ଦିଲ୍ଲୀ ପାଇଁ ପ୍ରବାସୀଙ୍କୁ ଏକ ଲକ୍ଷ ଟଙ୍କା ଦେବାକୁ ପଡିବ । ପ୍ରଥମ ପର୍ଯ୍ୟାୟରେ ଆମେରିକା, କୁଏତ୍‌ , ଫିଲପାଇନ୍ସ, ବାଙ୍ଗଲାଦେଶ, ବ୍ରିଟେନ୍‌, ସାଉଦିଆରବ, ମାଲେସିଆ, ୟୁଏଇକୁ ପଠାଯିବ ବିମାନ୍‌ । ପ୍ରତି ବିମାନରେ ସାମାଜିକ ଦୂରତାକୁ ଗରୁତ୍ବ ଦିଆଯାଇ ଦୁଇ ଶହରୁ ୩ ଶହ ଲୋକଙ୍କୁ ଆଣିବାକୁ ଅନୁମତି ଦିଆଯାଇଛି ।

ପ୍ରାଥମିକ ଭାବେ ଚିନ୍ତାଗ୍ରସ୍ତ ଲୋକ, ଗର୍ଭବତୀ, ବୃଦ୍ଧ-ବୃଦ୍ଧା ଓ ଶ୍ରମିକଙ୍କୁ ଗୁରୁତ୍ବ ଦିଆଯିବ । ସମସ୍ତ ଫେରନ୍ତା ଭାରତକୁ ଆସିବା ପରେ ୧୪ ଦିନିଆ କ୍ବାରେଣ୍ଟାନ୍‌ରେ ରହିବାକୁ ଏସ୍‌ଓପି ଜାରି ହୋଇଛି । ଯେଉଁମାନେ ଆସିବେ ସେମାନେ ସମସ୍ତେ ଆରୋଗ୍ୟ ସେତୁ ଆପ୍‌ ଡାଉନ୍‌ଲୋଡ୍‌ କରିବାକୁ ଅପିଲ୍‌ କରାଯାଇଛି । ସେପଟେ ଭାରତ ଫେରିବାକୁ ଥିବା ପ୍ରବାସୀଙ୍କ ପାଇଁ ସମସ୍ତ ବିମାନ ବନ୍ଦରକୁ ସାଇଟାଇଜ୍‌ କରାଯାଉଛି । ପ୍ରତି ଫାଟକରେ ଥର୍ମାଲ ଟେଷ୍ଟ ବ୍ୟବସ୍ଥା କରାଯାଇଛି ।