ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ସ୍ମୃତି ତାଜା କରିବା ପାଇଁ ତାଙ୍କ ପ୍ରଶଂସକମାନଙ୍କ ପାଇଁ ଏକ ଖୁସି ଖବର ଆସିଛି । ଦର୍ଶକଙ୍କର ଲୋକପ୍ରିୟ ଅଭିନେତା ସୁଶାନ୍ତଙ୍କୁ ପୁଣି ଥରେ ପରଦାରେ ଦେଖିବାକୁ ମିଳିବ। ସୁଶାନ୍ତ ଏବେବି ସୋସିଆଲ ମିଡିଆରେ ଟ୍ରେଣ୍ଡ କରୁଛନ୍ତି। ଦୀର୍ଘ ସମୟ ଧରି ସୁଶାନ୍ତଙ୍କ ସୁପରହିଟ୍ ଧାରାବାହିକ ପ୍ରବିତ୍ର ରିସ୍ତାର ରିଟେଲିକାଷ୍ଟ ନେଇ ଦାବି ହୋଇଥିଲା। ବର୍ତ୍ତମାନ ସେହି ଧାରାବାହିକ OTT ପ୍ଲାଟଫର୍ମକୁ ଫେରିଛି ।
୧୧ ବର୍ଷ ପରେ ଜିଫାଇଭ୍ ରେ ସୁଶାନ୍ତ ଓ ଅଙ୍କିତାଙ୍କ କେମେଷ୍ଟ୍ରି ଦେଖିବାକୁ ମିଳିବ । ପବିତ୍ର ରିସ୍ତାର ସବୁ ଏପିସୋଡ୍ କୁ ଜିଫାଇଭ୍ ରେ ଦେଖିବାକୁ ମିଳିବ । ସୁଶାନ୍ତଙ୍କ କ୍ୟାରିଅରରେ ପବିତ୍ର ରିସ୍ତାର ଏକ ଗୁରୁତ୍ୱପୂର୍ଣ୍ଣ ଯୋଗଦାନ ରହିଛି । ଏହି ସିରିଏଲ୍ ସୁଶାନ୍ତଙ୍କୁ ପରିଚୟ ଦେଇଥିଲା । ପବିତ୍ର ରିସ୍ତାରେ ଅଭିନୟ କରିବା ପରେ ସୁଶାନ୍ତ ଅନେକ ପ୍ରତିଷ୍ଠା ଲାଭ କରିଥିଲେ । ଏହି ସୋ’ର ଶୁଟିଂ ସମୟରେ ସୁଶାନ୍ତ ଅଙ୍କିତା ଲୋଖଣ୍ଡେଙ୍କ ପ୍ରେମରେ ପଡ଼ିଥିଲେ ଏବଂ ସେମାନୋ ୬ ବର୍ଷ ଯାଏଁ ରିଲେସନଶିପରେ ଥିଲେ ।
୨୦୦୯ ମସିହାରେ ଆରମ୍ଭ ହୋଇଥିବା ଧାରାବାହିକ ପବିତ୍ର ରିସ୍ତାର ଟିଆରପି ସୁପର ହିଟ୍ ପ୍ରମାଣିତ ହୋଇଥିଲା । କିନ୍ତୁ ଏହି ସିରିଏଲରେ ସୁଶାନ୍ତଙ୍କୁ କାଷ୍ଟ କରିବା ପାଇଁ ଏକତା କପୁରଙ୍କ ନିଷ୍ପତ୍ତି ଥିଲା ହେଲେ ଚ୍ୟାନେଲ ଏଥିରେ ଖୁସି ନଥିଲା। ଏକତା ନିଜେ କହିଛନ୍ତି ଯେ, ସୁଶାନ୍ତ ତାଙ୍କ ସିରିଏଲ୍ ‘କିସ୍ ଦେଶ ମେନ୍ ହୈ ମେରା ଦିଲ୍‘ରେ କାମ କରୁଥିଲେ। କିନ୍ତୁ ଏକତା ଅନୁଭବ କଲେ ଯେ ସୁଶାନ୍ତ ପବିତ୍ର ରିସ୍ତାରେ ଏକ ଭଲ କାମ କରିପାରିବେ ।
ସୁଶାନ୍ତଙ୍କ ସ୍ମାଇଲ୍ ଦେଖି ଏକତା କହିଥିଲେ ଯେ, ଧାରାବାହିକରେ ରାଜପୁତ ଏହି ଭୂମିକା ପାଇଁ ପୁରା ଫିଟ୍ ଥିଲେ । ତେଣୁ ଏକତାଙ୍କ ପାଇଁ ସୁଶାନ୍ତଙ୍କୁ ପବିତ୍ର ରିସ୍ତାରେ ଅଭିନୟ କରିବାକୁ ସୁଯୋଗ ମିଳିଥିଲା । ଧିରେ ଧିରେ ସୁଶାନ୍ତଙ୍କ ଅଭିନୟ ଦେଖି ତାଙ୍କୁ ପସନ୍ଦ ନକରୁଥିବା ଚ୍ୟାନେଲ ଲୋକେ ମଧ୍ୟ ଖୁସି ହୋଇଥିଲେ । ଭଲ କାମ କରି ସେ ସମସ୍ତଙ୍କ ହୃଦୟରେ ଏକ ଭିନ୍ନ ସ୍ଥାନ ସୃଷ୍ଟି କରିଥିଲେ ।
