ଫେସବୁକରେ ଆପଣ କଣ କେବେ ଏକ ଟଙ୍କାରେ ଗୋଟିଏ ଲିଟର ସାନିଟାଇଡର୍ ଏବଂ PPE କିଣିବାକୁ ଚେଷ୍ଟା କରିଛନ୍ତି କି ? ଯଦି ହଁ, ତେବେ କଣ ଆପଣ ଏହି ମୂଲ୍ୟରେ ସାନିଟାଇଜର କି PPE ପାଇଛନ୍ତି କି ? ଏହି ଜିନିଷ ଉପରେ ଆପଣଙ୍କ ଆଗ୍ରହ ଦେଖିବା ପାଇଁ ଗୋଟିଏ ଟଙ୍କାର ମୂଲ୍ୟ ଏକ ଚାଲ ଥିଲା କି ? ତେବେ ଆମେ ଆଜି ଆପଣଙ୍କୁ କହିବୁ ଏହା ପଛର କାହାଣୀ । କାହିଁକି ଏଭଳି ବିଭିନ୍ନ ପ୍ରକାରର ବିଜ୍ଞାପନ ସହ ଆପଣ ବାରମ୍ବାର ମୁହାଁମୁହିଁ ହୋଇଥାନ୍ତି ?

କରୋନା ସମୟରେ ଫେସବୁକର ‘ଏକ ଟଙ୍କିଆ’ ବଜାର । ଆପଣଙ୍କ ମଧ୍ୟରୁ ଅନେକ ଏହି ୧ ଟଙ୍କିଆ ଅଫରରେ ଅନେକଥର ଫସିଥିବେ ।  କେତେବେଳେ ଯଦି ଧ୍ୟାନ ଦେଇଥିବେ ତାହାଲେ ଦେଖିଥିବେ କି ଅଧିକ ଦାମ ଜିନିଷ ମାତ୍ର ଏକ ଟଙ୍କାରେ ମିଳିବ ବୋଲି ବିଜ୍ଞାପନ ଆସୁଥାଏ । ସେ ଏକ ଟଙ୍କାରେ ଗୋଟିଏ ଲିଟର ହ୍ୟାଣ୍ଡ ସାନିଟାଇଜର, PPE କିଟ୍, ବା ଶହ ଶହ ପକେଟ ହ୍ୟାଣ୍ଡ ସାନିଟାଇଜର ହେଉ । ଏହିଭଳି ଅଫର ବାରମ୍ବାର ଫେସବୁକର ମାର୍କେଟପ୍ଲେସରେ ଦେଖିବାକୁ ମିଳିଥାଏ । ହଜାର ହଜାର ବିକ୍ରେତା ସୋସିଆଲ ମିଡିଆ ଜିଆଣ୍ଟ୍ ଫେସବୁକ ମାର୍କେଟପ୍ଲେସରେ ନକଲି ବିଜ୍ଞାପନ ବ୍ୟବହାର କରି ଗ୍ରାହକଙ୍କୁ ଆକର୍ଷିତ କରୁଛନ୍ତି ଯାହା ଦ୍ୱାରା ସେମାନେ ଅନଲାଇନ ବିକ୍ରେତାଙ୍କ ତାଲିକାରେ ଶୀର୍ଷରେ ରହିପାରିବେ ।

FB  ବଜାର ନିୟନ୍ତ୍ରିତ ନୁହେଁ

ଇ-କମର୍ସ କମ୍ପାନୀଗୁଡିକ ପରି, ଫେସବୁକର ମାର୍କେଟପ୍ଲେସ୍ ନିୟନ୍ତ୍ରିତ ନୁହେଁ  । ଏଥିପାଇଁ କୌଣସି ନିର୍ଦ୍ଦେଶାବଳୀ ନାହିଁ  । ଫେସବୁକ ଏକ ଟଙ୍କିଆ ବଜାରର ସତ୍ୟତା  ଜାଣିବା ପାଇଁ ଏକ ଇଂରାଜୀ ଖବରକାଗଜ ଦ୍ୱାରା ଏକ ଷ୍ଟିଙ୍ଗ୍ ଅପରେସନ୍ କରାଯାଇଥିଲା । ଯାହାର

ଖବର କାଗଜ ପକ୍ଷରୁ  ୧୦ ଜଣ  ବିକ୍ରେତାଙ୍କ ସହ କଥା ହେଲା ପରେ ଏମିତି କିଛି ସତ୍ୟତା ସାମ୍ନାକୁ ଆସିଲା । ସେମାନଙ୍କ ସହ ବାର୍ତ୍ତାଳାପରେ ଏହା ପ୍ରକାଶ ପାଇଲା ଯେ ଅଧିକାଂଶ ଉତ୍ପାଦର ମୂଲ୍ୟ ସ୍ଥିର କରାଯାଏ ନାହିଁ  । ସେମାନେ ଗୋଟିଏ ଉତ୍ପାଦର ମୂଲ୍ୟକୁ ଏକ ଟଙ୍କା କରିବା ପରେ ଲୋକଙ୍କର ଆଗ୍ରହ ଦେଖି ତାକୁ ତାର ଦର ନିର୍ଦ୍ଧାରିତ କରିଥାନ୍ତି ।

କ୍ଲିକ୍‌ କଲା ପରେ ଏକ ଟଙ୍କା ସାନିଟାଇଜର ୭୮୦୦ ଟଙ୍କା ହୋଇଯାଏ !

ଯେତେବେଳେ ଫେସବୁକରେ ଗୋଟିଏ ଉତ୍ପାଦକୁ ନେଇ ଅନୁସନ୍ଧାନ ଗମ୍ଭୀର ହୋଇଯାଏ, ସେତେବେଳେ ସେହି ଉତ୍ପାଦର ଏକ ନୂତନ ମୂଲ୍ୟ ହୋଇଯାଏ । ଅନେକ ବିକ୍ରେତା ଯିଏ ପୂର୍ବରୁ ଏକ ଟଙ୍କାରେ ସ୍ୱୟଂଚାଳିତ ସାନିଟାଇଜର ଡିସପେନସର୍ ବିକ୍ରି କରୁଥିଲେ । ସେ ଦେଖିଲେ ଯେ ଏହାକୁ ନେବାରେ ଲୋକଙ୍କର ବହୁତ ଆଗ୍ରହ ରହିଛି, ତେଣୁ ସେ ମୂଲ୍ୟକୁ ୭,୮୦୦ ଟଙ୍କାକୁ ବୃଦ୍ଧି କଲେ  । ପକେଟ ସାନିଟାଇଜର ସେଲରେ ମଧ୍ୟ ଏଭଳି କରିଥିଲେ । ଯେତେବେଳେ ଅଧିକ ଅନୁସନ୍ଧାନ କରାଯାଇଥିଲା, ତୁରନ୍ତ ଏହାର ମୂଲ୍ୟ ୬୦୦ ଟଙ୍କାକୁ ବୃଦ୍ଧି କରାଯାଇଥିଲା ।

ବିଶେଷଜ୍ଞମାନେ କହିଛନ୍ତି ଯେ ନୂତନ ଗ୍ରାହକ ସୁରକ୍ଷା ଆଇନରେ ଜନସାଧାରଣଙ୍କୁ ଉତ୍ପାଦର ଭୁଲ ମୂଲ୍ୟ କହିବା ଭୁଲ ଅଟେ । ପରେ ଫେସବୁକ  ଏହିପରି ଲକ୍ଷ ଲକ୍ଷ ବିଜ୍ଞାପନ ହଟାଇ ଦେଇଥିଲା, ଯେଉଁଥିରେ ଏମିତି ଅବସ୍ତାବ ମୂଲ୍ୟ ଦେଇ ମାର୍କେଟିଂ କରାଯାଉଥିଲା ।

କରୋନା ସମୟରେ ଚାଇନା ଏକ ବଡ଼ ଦାବି କରିଛି । ଚାଇନାର ଏକ ଲ୍ୟାବ ଦାବି କହିଛି ଯେ ସେମାନେ ଏକ ଔଷଧ ପ୍ରସ୍ତୁତ କରିଛନ୍ତି ଯାହା କରୋନା ଭାଇରସ ସଙ୍କଟରୁ ସାରା ବିଶ୍ୱକୁ ଦୂର କରିପାରିବ । ଏହି ଲ୍ୟାବଟି ହେଉଛି ପେକିଙ୍ଗ ବିଶ୍ୱବିଦ୍ୟାଳୟର । ଖାଲି ସେତିକି ନୁହେଁ ଚାଇନାର ଅନେକ ଲ୍ୟାବରେ ନୂଆ କରୋନା ଓୌଷଧ ତିଆରି ପାଇଁ ପ୍ରସ୍ତୁତି ଚାଲିଛି  । ଲ୍ୟାବର ବୈଜ୍ଞାନିକଙ୍କ କହିବା ଅନୁଯାୟୀ ଏହି ଔଷଧ କେବଳ କରୋନା ଭାଇରସରୁ ଲୋକଙ୍କୁ ଶୀଘ୍ର ଆରୋଗ୍ୟ କରିପାରିବା ସହିତ ରୋଗ ପ୍ରମତିରୋଧକ ଶକ୍ତି ମଧ୍ୟ ବଢ଼ାଇବ ।

ପଶୁମାନଙ୍କ ଉପରେ ପରୀକ୍ଷା ସଫଳ ହୋଇଛି

ଲ୍ୟାବ ନିର୍ଦ୍ଦେଶକ ସନ୍ନି ସି ପଶୁମାନଙ୍କ ଉପରେ ଔଷଧର ସଫଳ ପରୀକ୍ଷଣ କରିଛନ୍ତି । ଏହି ଔଷଧରେ ଆଣ୍ଟିବଡି ବ୍ୟବହାର କରାଯାଇଛି, ଯାହା କରୋନାରୁ ଉଦ୍ଧାର ହୋଇଥିବା ୬୦ ରୋଗୀଙ୍କ ରକ୍ତରୁ ବାହାର କରାଯାଇଥିଲା।

ଡିସେମ୍ବରରୁ ଏହି ମହାମାରୀ ଆରମ୍ଭ ହୋଇଥିଲା

ଗତ ଡିସେମ୍ବରରେ ଚାଇନାରେ କରୋନା ଭାଇରସର ସଙ୍କଟ ଆରମ୍ଭ ହୋଇଥିଲା । ଜାନୁଆରୀରୁ ଏହା ବିଶ୍ୱର ଅନ୍ୟ ଦେଶକୁ ବ୍ୟାପିବା ଆରମ୍ଭ କରିଥିଲା । ବର୍ତ୍ତମାନ ପର୍ଯ୍ୟନ୍ତ ସମଗ୍ର ବିଶ୍ୱରେ ଏହି ଜୀବାଣୁ ସଂକ୍ରମଣ ହେତୁ ତିନି ଲକ୍ଷରୁ ଅଧିକ ଲୋକ ପ୍ରାଣ ହରାଇଛନ୍ତି । ପ୍ରାୟ ୪୮ ଲକ୍ଷ ଲୋକ ଏହି ଭାଇରସ୍‌ ଦ୍ୱାରା ଆକ୍ରାନ୍ତ ହୋଇଛନ୍ତି । କରୋନା ଭୂତାଣୁ ଦ୍ୱାରା ସର୍ବାଧିକ ପ୍ରଭାବିତ ହେଉଛି ଆମେରିକା, ଯେଉଁଠାରେ ମୃତ୍ୟୁ ସଂଖ୍ୟା ୯୦ ହଜାରରୁ ଅଧିକ ହୋଇଛି । ମୋଟ ମାମଲା ୧୫ ମିଲିୟନରୁ ଅଧିକ ହୋଇଛି ।

ଚାଇନାର ଲ୍ୟାବ ଯୁକ୍ତି ବାଢ଼ିଛି କି ଏହି  ଔଷଧ ସାରା ବିଶ୍ୱରେ କରୋନା ମହାମାରୀକୁ ବନ୍ଦ କରିବ । ଲ୍ୟାବ ନିର୍ଦ୍ଦେଶକ କହିଛନ୍ତି ଯେ ସେ ପ୍ରଥମେ ସଂକ୍ରମିତ ମୂଷାଙ୍କୁ ଏହି ଇଞ୍ଜେକ୍ସନ ଦିଆଯାଇଥିଲେ । ମାତ୍ର ପାଞ୍ଚ ଦିନ ମଧ୍ୟରେ ମୂଷା ଦେହର ଜବରଦସ୍ତ ପ୍ରଭାବ ଦେଖିବାକୁ ମିଳିଥିଲା । ଯାହା ରବିବାର ଦିନ ଏକ ବିଜ୍ଞାନ ପତ୍ରିକାରେ ପ୍ରକାଶିତ ହୋଇଛି । ସି ଜିନପିଙ୍ଗ କହିଛନ୍ତି, ତାଙ୍କର ବୈଜ୍ଞାନିକ ଦଳ ଆଣ୍ଟିବାଡି ସନ୍ଧାନରେ ଦିନରାତି କାମ କରୁଥିଲେ । ସେମାନେ କହିଛନ୍ତି ଯେ ଏହି ଔଷଧ ଚଳିତ ବର୍ଷ ଶେଷ ସୁଦ୍ଧା ପ୍ରସ୍ତୁତ ହେବା ଉଚିତ ଯାହା ଦ୍ୱାରା ଆସନ୍ତା ଶୀତରେ  ମହାମାରୀ କରାଳ ରୂପ ଦେଖାଇବ ନାହିଁ ।

ଚାଇନାରେ ଅଧିକ ଟିକା ପ୍ରସ୍ତୁତ

ଗତ ସପ୍ତାହରେ ଚାଇନାର ଜଣେ ସ୍ୱାସ୍ଥ୍ୟ ଅଧିକାରୀ କହିଛନ୍ତି ଯେ ଚୀନ୍ ପୂର୍ବରୁ ଆହୁରି ପାଞ୍ଚଟି ଟିକା ପ୍ରସ୍ତୁତ କରିଛି । କିନ୍ତୁ ବିଶ୍ୱ ସ୍ୱାସ୍ଥ୍ୟ ସଂଗଠନ ଚେତାବନୀ ଦେଇଛି ଯେ, ଏପରି ଟୀକା ପ୍ରସ୍ତୁତ ହେବାକୁ ୧୨-୧୮ ମାସ ସମୟ ଲାଗିପାରେ  । ତେବେ ଚୀନ୍ ପ୍ଲାଜମା ଥେରାପି ମାଧ୍ୟମରେ ଦେଶରେ ୭୦୦ ରୁ ଅଧିକ ଲୋକଙ୍କୁ ଆରୋଗ୍ୟ କରିଛି । ଚାଇନାର ଅଧିକାରୀମାନେ କହିଛନ୍ତି ଯେ ପ୍ଲାଜମା ଥେରାପିରେ ସେମାନେ ବହୁତ ଭଲ ଫଳାଫଳ ପାଇଛନ୍ତି ।

ବିଶ୍ୱକୁ କରୋନା ଭାଇରସ୍‌ରୁ ମୁକ୍ତ କରିବା ପାଇଁ ଚୀନ୍‌ର ୨ଟି ବଡ଼ ନିଷ୍ପତ୍ତି