ନୂଆଦିଲ୍ଲୀ: ମ୍ୟାଲେରିଆର ଔଷଧ ହାଇଡ୍ରୋକ୍ସିକ୍ଲୋରୋକ୍ୱିନ କରୋନା ଭାଇରସର ଚିକିତ୍ସାର ମ୍ୟାଜିକ୍ ପିଲ୍ ନୁହେଁ  ।ଏମିତି ଦାବି ବିଶ୍ୱର ଅନେକ ବିଜ୍ଞାନୀ ଦାବି କରୁଛନ୍ତି ।  । କିନ୍ତୁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ  କୌଣସି ଫରକ ପଡ଼ୁନାହିଁ । ଆମେରିକା ରାଷ୍ଟ୍ରପତି ଟ୍ରମ୍ପ ଗତ ୧୦ଦିନରୁ ହାଇଡ୍ରୋକ୍ଲୋରୋକ୍ୱିନ ଟ୍ୟାବଲେଟର ବ୍ୟବହାର କରୁଛନ୍ତି । ଯଦିଓ ଆମେରିକାର ଖାଦ୍ୟ ଏବଂ ପ୍ରଶାସନ FDA ଏହି ଔଷଧକୁ ସୁରକ୍ଷିତ କହି ନାହାଁନ୍ତି । ଟ୍ରମ୍ପ କହିଛନ୍ତି ଯେ, ତାଙ୍କୁ ଏହି ଔକ୍ଷଧ ପାଇଁ ହ୍ୱାଇଟ ହାଉସର ଡାକ୍ତର ସାନ କୋନ୍ଲି ପରାମର୍ଶ ଦେଇଛନ୍ତି । ପ୍ରଥମେ ତ ଡାକ୍ତର ଟ୍ରମ୍ପ କରୋନା ସଂକ୍ରମିତ ନଥିବାରୁ ଏହି ଔଷଧ ନେବାକୁ ଅମଙ୍ଗ ହେଉଥିଲେ । କିନ୍ତୁ ଟ୍ରମ୍ପ ଏହାକୁ ନେଇ ଆଉ ଥରେ ପଚାରିବାରୁ ଡାକ୍ତର କହିଲେ ଯେ, ଯଦି ଆପଣ ଚାହୁଁଛନ୍ତି ତେବେ ଆପଣ ଏହି ଔଷଧ ଖାଇପାରିବେ । ସେତେବେଳେ ଟ୍ରମ୍ପ କହିଥିଲେ ହଁ ମୁଁ ଏହି ଔଷଧ ନେବାକୁ ଚାହୁଁଛି ।

ଟ୍ରମ୍ପ ଏହି ଔଷଧକୁ ନେଇ ବଡ଼ ଦାବି କରିଥିଲେ । ଏବଂ ଭାରତକୁ ହାଇଡ୍ରୋକ୍ସିକ୍ଲୋରକ୍ୱିନର ଅଧିକ ପରିମାଣରେ ଅର୍ଡର ମଧ୍ୟ ଦେଇଥିଲେ । ଭାରତ ହାଇଡ୍ରୋକ୍ସିକ୍ଲୋରକ୍ୱିନ ଔଷଧର ସବୁଠୁ ବଡ଼ ଉତ୍ପାଦକ ଦେଶ । ତେବେ ଟ୍ରମ୍ପ ଏହା ମଧ୍ୟ କହିଲେ ଯେ, ତାଙ୍କକ କରୋନା ରିପୋର୍ଟ ନେଗେଟିଭ୍ ଆସିଛି । ଏବଂ ତାଙ୍କ ଠାରେ କରୋନାର କୌଣସି ବି ଲକ୍ଷଣ ନାହିଁ । ଏବଂ ସେ ଏହା ମଧ୍ୟ କହିଛନ୍ତି ଯେ ସେ ୧୦ଦିନ ହେବ ଏହି ଔଷଧ ଖାଉଛନ୍ତି । ଏହି ଔଷଧ ଜିଙ୍କରୁ ତିଆରି, ଏବଂ ମୋତେ ଲାଗୁଛି ଏହା ଦେହ ପାଇଁ ଭଲ । ମୁଁ ଏହା ବିଷୟରେ ସବୁ ସକରାତ୍ମକ ଶୁଣିଛି । ଟ୍ରମ୍ପ ଏହି ଔଷଧର ପ୍ରଚାର ପ୍ରସାରରେ ଲାଗିଛନ୍ତି ଯେବେକି ତାଙ୍କ ସରକାରର ସଂସ୍ଥା ଗୁଡ଼ିକ ଏହାର ବ୍ୟବହାର ଉପରେ ଚେତାବନୀ ଦେଇଥିଲେ ।

ଟ୍ରମ୍ପ କହିଛନ୍ତି ଯେ ଆମର କରୋନା ଯୋଦ୍ଧାମାନେ ମଧ୍ୟ ଏହି ଔକ୍ଷଧ ଖାଉଛନ୍ତି, ତ ମୁଁ କାହିଁକି ନ ଖାଇବି । ମୁଁ ହାଇଡ୍ରୋକ୍ସିକ୍ଲୋରକ୍ୱିନ ନେଉଛି । ଟ୍ରମ୍ପଙ୍କ ଏହି ବୟାନ ଏମିତି ସମୟରେ ଆସିଛି  ଯେତେବେଭେଲ ଆମେରିକାରେ କରୋନା ଭାଇରସରେ ମୃତ୍ୟୁ ସଂଖ୍ୟା ୯୦ହଜାର ପାର ହୋଇଛି । ଏବଂ ଏପର୍ଯ୍ୟନ୍ତ ୧୫ଲକ୍ଷ ଲୋକ ଏଥିରେ ସଂକ୍ରମିତ ହୋଇଛନ୍ତି ।

ସେଣ୍ଟ ଜୋସେଫ ୟୁନିଭର୍ସିଟି ହସପିଟାଲ ଡାକ୍ତର ବାଁବ ଲାହିତା କହିଛନ୍ତି ଯେ, ଆମେ ପ୍ରଥମରୁ ଲୋକଙ୍କଉ ହାଇଡ୍ରୋକ୍ସିକ୍ଲୋରୋକ୍ୱିନ ଖାଇବାକୁ ମାନାକରିଥିଲୁ । ଏହି ଔଷଧ ଡାକ୍ତରଙ୍କୁ ବିନା ପରାମର୍ଶରେ ଖାଇବା କଥା ନୁହେଁ । ଏହି ଔଷଧ କରୋନା ସଂକ୍ରମିତଙ୍କ ଉପରେ କୌଣସି ପ୍ରଭାବ ପକାଉ ନାହିଁ । ଏହା ସହ ଆମେକରିକାର ଏକ ଖବର କାଗଜରେ ଏହି ଘଟଣା ଉପରେ ବିଶେଷ ଟିପ୍ପଣୀ ଦିଆଯାଇ କୁହାଯାଇଛି ଯେ ଡୋନାଲ୍ଡ ଟ୍ରମ୍ପ କଣପାଇଁ ଏହି ମ୍ୟାଲେରିଆର ଔଷଧ ପଛରେ ପଡ଼ିଛନ୍ତି । ଏକ ମିଡ଼ିଆ ସଂସ୍ଥା କହିଛି ଯେ ଡୋନାଲ୍ଡ ଟ୍ରମ୍ପଙ୍କର ଏହାକୁ ନେଇ ବ୍ୟକ୍ତିଗତ ଲାଭ ରହିଛି ।

ନ୍ୟୁୟର୍କ ଟାଇମ୍ସ ଅନୁସାରେ ଯଦି ହାଇଡ୍ରୋକ୍ସିକ୍ଲୋରକ୍ୱିନକୁ ଦୁନିଆରେ କରୋନାର ଚିକିତ୍ସା ପାଇଁ ଅନୁମତି ମିଳୁଛି ତେବେ ଏହି ଔଷଧ ତିଆରି କରୁଥିବା କମ୍ପାନୀକୁ ଅଧିକ ଫାଇଦା ମିଳିବ । ଏହି ଭଳି ଏକ କମ୍ପାନୀରେ ଡୋନାଲ୍ଡ ଟ୍ରମ୍ପଙ୍କର ଶେୟାର ରହିଛି । ଏହାସହ ସେହି କମ୍ପାନୀର ଅଧିକାରୀଙ୍କ ସହ ଟ୍ରମ୍ପଙ୍କ ଗଭୀର ସମ୍ପର୍କ ରହିଛି ।

ୱେବସାଇଡରେ ଲେଖାଯାଇଛି ଯେ,ଡୋନାଲ୍ଡ ଟ୍ରମ୍ପଙ୍କ ଫ୍ରାନ୍ସର କମ୍ପାନୀ ସୈନୋଫୀକୁ ନେଇ ବ୍ୟକ୍ତିଗତ ଫାଇଦା ରହିଛି । କମ୍ପାନୀରେ ଟ୍ରମ୍ପଙ୍କ ଶେୟାର ମଧ୍ୟ ଅଛି ।ଏହି କମ୍ପାନୀ ହାଇଡ୍ରୋକ୍ସିକ୍ଲୋରେକ୍ୱିନ ଔଷଧକୁ ପ୍ଲାକେନିଲ ବ୍ରାଣ୍ଡର ନାଁରେ ବଜାରରେ ବିକ୍ରି କରୁଛି ।

ନୂଆଦିଲ୍ଲୀ: ବିଶ୍ୱକୁ ଧିରେ ଧିରେ ଗ୍ରାସ କରୁଛି କରୋନା । ଏଥିରୁ ବର୍ତ୍ତିପାରି ନାହିଁ ଭାରତ, ଦେଶରେ ମଧ୍ୟ କରୋନା ତାର କୋପ ଦେଖାଇଛି । ମଙ୍ଗଳବାର ପର୍ଯ୍ୟନ୍ତ ଦେଶରେ ସମୁଦାୟ କରୋନା ଆକ୍ରାନ୍ତଙ୍କ ସଂଖ୍ୟା ୧ଲକ୍ଷ ପାର ହୋଇଛି । ବିଶ୍ୱରେ ଏବେ ଭାରତ ସଂକ୍ରମଣରେ ୧୧ତମ ସ୍ଥାନରେ ପହଞ୍ଚିଛି, ଯେଉଁଠାରେ କରୋନା ମାମଲା ୧ଲକ୍ଷକୁ ଡେଇଁଛି । ଅନ୍ୟପଟେ ଦେଶରେ ୩ହଜାରରୁ ଅଧିକ ଲୋକ ପ୍ରାଣ ହରାଇଛନ୍ତି । କିନ୍ତୁ ଯଦି ଆମେ ଅନ୍ୟ ଦେଶମାନଙ୍କ ସହ ତୁଳନା କରିବା ତେବେ ଭାରତରେ ଏବେ ବି କରୋନା ସଂକ୍ରମିତଙ୍କ ସଂଖ୍ୟା ବହୁତ କମ ରହିଛି । ଦେଶରେ ସମୁଦାୟ ସଂକ୍ରମିତଙ୍କ ସଂଖ୍ୟା ୧ଲକ୍ଷ ପାର ହେବାକୁ ୧୧୦ ଦିନ ସମୟ ଲାଗିଛି ।

ଯେତେବେଳେ ବିଶ୍ୱରେ କରୋନା ଆତଙ୍କ ଆରମ୍ଭ ହୋଇଥିଲା  ସେହି ସମୟରେ ଭାରତ ଅଧିକ ଜନସଂଖ୍ୟା ବିଶିଷ୍ଟ ହୋଇଥିବାରୁ ବିଶେଷଜ୍ଞମାନେ ଭାରତକୁ ଚେତାବନୀ ଦେଇଥିଲେ । କିନ୍ତୁ ଲକଡାଉନ କାରଣରୁ ଦେଶରେ ସଂକ୍ରମିତଙ୍କ ସଂଖ୍ୟା କମ ରହିଛି । ଏହାକୁ ନେଇ ବିଶେଷଜ୍ଞମାନେ ମଧ୍ୟ ତାଙ୍କ ମତ ଦେଇଛନ୍ତି ।

କେଉଁ ଦେଶରେ କେତେ ଦିନରେ ୧ଲକ୍ଷରୁ ଅଧିକ ହେଲା ସଂକ୍ରମିତଙ୍କ ସଂଖ୍ୟା

ଦେଶରେ କୋରନା ଭାଇରସର ପ୍ରଥମ ମାମଲା ୩୦ ଜାନୁଆରୀରେ ଆସିଥିଲା । କେରଳରୁ ଆସିଥିବା ଏହି ମାମଲା ପରେ ଦେଢ ମାସ ପର୍ଯ୍ୟନ୍ତ କରୋନା ସଂକ୍ରମିତଙ୍କ ସଂଖ୍ୟା ଏତେଟା ବଢି ନଥିଲା । କିନ୍ତୁ ମାର୍ଚ୍ଚ ମାସ ପରେ କରୋନା ଭାଇରସର ମାମଲା ଦ୍ରୁତ ଗତି ବୃଦ୍ଧି ପାଇବାକୁ ଲାଗିଥିଲା । ଏବଂ ଗତ ୬୪ ଦିନରେ ସମୁଦାୟ ସଂକ୍ରମିତଙ୍କ ସଂଖ୍ୟା ୧୦୦ରୁ ୧ଲକ୍ଷ ପର୍ଯ୍ୟନ୍ତ ପହଞ୍ଚିଛି । ଯଦିଓ ଏହି ସଂଖ୍ୟା ଆମେରିକା, ବ୍ରିଟେନ, ଇଟାଲୀ, ଫ୍ରାନ୍ସ ଭଳି ଦେଶ ତୁଳନା ବହୁତ ଭଲ ଅଛି । ଯେଉଁଠି କରୋନା ଭାଇରସ ଧ୍ୱଂସର ଲୀଳା ରଚିଛି, ଏହି ଦେଶମାନଙ୍କରେ ସଂକ୍ରମିତ ଏବଂ ମୃତ୍ୟୁ ସଂଖ୍ୟା ମଧ୍ୟ ବହୁତ ଅଧିକ ରହିଛି ।

ସଂକ୍ରମିତଙ୍କ ସଂଖ୍ୟା ୧୦୦ରୁ ୧ଲକ୍ଷ ପହଞ୍ଚିବାର ସମୟ

ଭାରତ-୬୪ଦିନ

ଆମେରିକା-୨୫ଦିନ

ଇଟାଲୀ-୩୬ଦିନ

ବ୍ରିଟେନ୍-୪୨

ଫ୍ରାନ୍ସ-୩୯

ଜର୍ମାନୀ-୩୫

ସ୍ପେନ-୩୦

ଲକଡାଉନ କରୋନା ଭାଇରସର ତୀବ୍ରତାକୁ ରୋକିଛି !

ଭାରତ ଭଳି ଜନବହୁଳ ଦେଶରେ କରୋନା ଭାଇରସ ସଂକ୍ରମିତଙ୍କ ସଂଖ୍ୟାକୁ ନେଇ ପୂରା ବିଶ୍ୱ ଚିନ୍ତାରେ ଥିଲା । ଏବଂ ଏଭଳି ପରିସ୍ଥିତିରେ ପ୍ରଧାନମନ୍ତ୍ରୀ ଦେଶରେ ଲକଡାଉନର ଘୋଷଣା କରିଥିଲେ ଯାହକୁ ନେଇ ସାରା ବିଶ୍ୱରେ ଚର୍ଚ୍ଚା ହୋଇଥିଲା । କାରଣ ୧୩୦ କୋଟି ଲୋକଙ୍କୁ ଘରେ ବନ୍ଦ କରି ରଖିବାର ଥିଲା । ଦେଶରେ ଯେତେବେଳେ ୨୫ମାର୍ଚ୍ଚରେ ଲକଡାଉନ ଜାରି କରାଗଲା ସେତେବେଳେ ଦେଶରେ ସମୁଦାୟ ମାମଲା ୬୦୦ ଥିଲା ।

ଏବେ ପାଖାପାଖି ୨ମାସ ପରେ ଦେଶରେ ସଂକ୍ରମିତଙ୍କ ସଂଖ୍ୟା ୧ଲକ୍ଷ ପାର ହୋଇଛି । ଯେଉଁଠି ଅନ୍ୟ ଦେଶମାନଙ୍କରେ ସଂକ୍ରମିତଙ୍କ ସଂଖ୍ୟା ୧ଲକ୍ଷରେ ପହଞ୍ଚିବାକୁ ମାସେରୁ ବି କମ୍ ସମୟ ଲାଗିଥିଲା । ତେଣୁ ବିଶେଷଜ୍ଞମାନେ ମାନିଛନ୍ତି ଯେ, ଲକଡାଉନ କରାଣରୁ ଭାରତକେ କରୋନା ସଂକ୍ରମିତଙ୍କ ସଂଖ୍ୟା କମ ରହିଛି ।

ୱାସିଂଟନ:  କୋରୋନା କୋପକୁ ଦୂରେଇବାକୁ ଆସିଲା ଏକ ଭଲ ଖବର । ଆମେରିକାରେ ସଫଳ ହେଲା ଟୀକା ପରୀକ୍ଷଣ । ଆମେରିକାରେ ଏକ ଟୀକାର ସଫଳତା ପରେ ଲୋକଙ୍କୁ ମିଳିଛି ଆଶ୍ୱସ୍ଥି । ଔଷଧ କମ୍ପାନୀ ମାଡର୍ଣ୍ଣା ସୋମବାର ଦିନ କହିଛି ଯେ, ସେ ୮ଜଣଙ୍କ ଉପରେ ଏହି ଟୀକାର ପରୀକ୍ଷଣ କରିଥିଲା ଯାହାର ଫଳାଫଳ ସକାରତ୍ମକ ଆସିଛି । ଆମେରିକାର ଏହା ହୋଇଛି ପ୍ରଥମ ଟୀକା ଯାହା ମଣିଷ ଉପରେ ପ୍ରୟୋଗ କରାଯାଇଛି ।

ଆମେରିକୀୟ ଗଣମାଧ୍ୟମ ଅନୁସାରେ, ଆମେରିକାର ଏହା ହୋଉଛି ପ୍ରଥମ ଟୀକା ଯାହା ମଣିଷ ଉପରେ ପ୍ରୟୋଗ କରାଯାଇଛି । ମାର୍ଚ୍ଚ ମାସ ଆରମ୍ଭରୁ ୮ଜଣ ସଂକ୍ରମିତଙ୍କୁ ଏହି ଟୀକା ଦିଆଯାଇଥିଲା । ସବୁ ଲୋକଙ୍କୁ ଟୀକାର ୨ଟି ଡୋଜ ଦିଆଯାଇଥିଲା । ଔଷଧ କମ୍ପାନୀର କହିବା ଅନୁସାରେ, ଏହି ଟୀକା ସୁରକ୍ଷିତ ଜଣାପଡ଼ୁଛି ଏବଂ ଏହା ଭାଇରସ୍ ବିରୋଧରେ ରୋଗ ପ୍ରତିରୋଧକ ଶକ୍ତି ବଢାଇବାର ଦେଖାଯାଇଛି । କମ୍ପାନୀର ଏହି ଦାବି ପରେ ଶେୟାର ବଜାରରେ ଏହାର ମୁଲ୍ୟ ବୃଦ୍ଧି ପାଇଛି  ।

ଯଦିଓ କମ୍ପାନୀ ପରୀକ୍ଷଣ ସମୟରେ ସ୍ୱସ୍ଥ ବାଲେଂଟିୟରସ ଟୀକାର ଡୋଜ ଦେଇଥିଲା । ଏହାପରେ ସେହି ଲୋକମାନଙ୍କ ଶରୀରରେ ଯେଉଁ ଆଣ୍ଟିବଡ଼ି ମିଳିଲା, ଲ୍ୟାବରେ ମଣିଷର କୋଷରେ ଏହାର ପରୀକ୍ଷଣ କରାଯାଇଥିଲା । ଏହି ସମୟରେ ଦେଖାଗଲା ଯେ, ଆଣ୍ଟିବଡ଼ି ଭାଇରସର ବୃଦ୍ଧିକୁ ରୋକିବାରେ ସକ୍ଷମ ହେଉଛି ।

ଟୀକା ଦିଆଯାଇଥିବା ଲୋକଙ୍କ ମଧ୍ୟରେ ଯେଉଁ ଆଣ୍ଟିବଡ଼ିର ସ୍ତର ମିଳିଥିଲା ତାହା ସେତିକ ହିଁ ଥିଲା ଯେତିକି କରୋନା ଭାଇରସରୁ ସୁସ୍ଥ ହେଉଥିବା ରୋଗୀଙ୍କ ଠାରେ ଦେଖା ଦେଇଥାଏ । ଯଦିଓ ଟୀକା ବିଷୟରେ ଏବେ ପର୍ଯ୍ୟନ୍ତ ସୀମିକ ସୂଚନା ମିଳିଛି ଏବଂ ଏହି କାରଣରୁ ଏବେ ଏହାର ସଫଳତା ଉପରେ ଅନିଶ୍ଚିନ୍ତତା ଦେଖା ଦେଇଛି ।

ମାଡର୍ଣ୍ଣା କମ୍ପାନୀ କହିଛି ଯେ ସେ ଦ୍ୱିତୀୟ ପର୍ଯ୍ୟାୟରେ ୬୦୦ଲୋକଙ୍କ ଠାରେ ଏହି ପରୀକ୍ଷଣ କରିବାକୁ ଚାହୁଁଛି ।  ଜୁଲାଇରୁ ଟୀକାର ପରୀକ୍ଷଣ ତୃତୀୟ ପର୍ଯ୍ୟାୟ ଆରମ୍ଭ ହେବ ଯେଉଁଥିରେ ୧ ହଜାର ଲୋକଙ୍କୁ ସାମିଲ କରାଯିବ । ଏହା ସହ  ଦ୍ୱିତୀୟ ଏବଂ ତୃତୀୟ ପରୀକ୍ଷଣ ଯଦି ସଫଳ ହେବ ତେବେ ଟୀକା ଏହି ବର୍ଷ ଶେଷ  ଆଡ଼କୁ କିମ୍ବା ୨୦୨୧ର ଆରମ୍ଭରୁ  ବ୍ୟାପକ  ପରିମାଣରେ  ଉପଲବ୍ଧ ହେବ ।