ନନ୍ଦିଘୋଷ ବ୍ୟୁରୋ : ପଶ୍ଚିମ ଏସିଆ ଶାନ୍ତି ଆଲୋଚନା ବିଫଳ ହେବା ପରେ ଇରାନକୁ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ଧମକ। ଇରାନ ବିରୋଧରେ ବଡ଼ ଧରଣର ସାମରିକ କାର୍ଯ୍ଯାନୁଷ୍ଠାନ ଗ୍ରହଣ କରିବାକୁ ଧମକ ଦେଇଛନ୍ତି ଟ୍ରମ୍ପ। ନୌସେନା ସ୍ତରରେ ଇରାନକୁ ଅବରୋଧ କରାଯିବା ସହ ଆକ୍ରମଣ କରାଯିବ ବୋଲି ଧମକ ଦେଇଛନ୍ତି ଟ୍ରମ୍ପ। ପୂର୍ବରୁ ଇରାନକୁ ପ୍ରସ୍ତର ଯୁଗକୁ ଫେରାଇନେବା ଲାଗି ଧମକ ଦେଇଥିଲେ ଟ୍ରମ୍ପ। ବର୍ତ୍ତମାନ ହର୍ମୁଜକୁ ନିଜ ନିୟନ୍ତ୍ରଣକୁ ନେବା ଲାଗି ଆମେରିକୀୟ ନୌସେନା ବଳ ପ୍ରୟୋଗ କରିବ ବୋଲି ସୂଚନା ମିଳିଛି। ସେପଟେ ଗତ ୨୪ ଘଣ୍ଟାରେ ହର୍ମୁଜ ପ୍ରଣାଳୀ ଦେଇ ୧୦ ଟି ଜାହାଜ ଅତିକ୍ରମ କରିଥିବା ସୂଚନା ମିଳିଛି।..
କାଲି ହେବ ଆଶା ଭୋସଲେଙ୍କ ଅନ୍ତିମ ସଂସ୍କାର…
ନନ୍ଦିଘୋଷ ବ୍ୟୁରୋ : ପରଲୋକରେ ଆଶା ଭୋସଲେ । ଭାରତର ପ୍ରସିଦ୍ଧ କଣ୍ଠଶିଳ୍ପୀ ଆଶା ଭୋସଲେଙ୍କ ଦେହାନ୍ତ ହୋଇଛି । ୯୨ ବର୍ଷ ବୟସରେ ଆଶା ଭୋସଲେଙ୍କ ପରଲୋକ ହୋଇଛି । ଗତକାଲି ସନ୍ଧ୍ୟାରେ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି ହୋଇଥିଲେ । ତାଙ୍କୁ ହୃଦ୍ଘାତ ହୋଇଥିଲା ଏବଂ ସେ ଇମର୍ଜେନ୍ସି ମେଡିକାଲ୍ ସର୍ଭିସ୍ ୟୁନିଟରେ ଗତକାଲି ଭର୍ତ୍ତି ହୋଇଥିଲେ । ଆଶଙ୍କ ପରଲୋକ ନେଇ ଜାତୀୟ ଗଣମାଧ୍ୟମରେ ସୂଚନା । ଆଶା ଭୋସଲେଙ୍କ ପୁଅ ଆନନ୍ଦ ଭୋସଲେ କହିଛନ୍ତି କାଲି ତାଙ୍କର ଅନ୍ତିମ ସଂସ୍କାର ହେବ ।
ଆଶା ଭୋସଲେଙ୍କ ଜନ୍ମ ୮ ସେପ୍ଟେମ୍ବର ୧୯୩୩ ମସିହାରେ ମହାରାଷ୍ଟ୍ରରରେ ହୋଇଥିଲା। ସେ ଲତା ମଙ୍ଗେଶକରଙ୍କ ସାନ ଭଉଣୀ। ତାଙ୍କ ପରିବାରରେ ସଙ୍ଗୀତ ଶିକ୍ଷାର ଏକ ପରମ୍ପରା ଥିଲା। ତାଙ୍କ ପିତା ଜଣେ ଶାସ୍ତ୍ରୀୟ ସଂଗୀତ ଗାୟକ ଥିଲେ ଓ ଅଭିନୟ ବି କରୁଥିଲେ । ଆଶା ଭୋସଲେ ୧୯୪୩ ମସିହାରେ ମାତ୍ର ୧୦ ବର୍ଷ ବୟସରେ ପ୍ରଥମ ଗୀତ ଗାଇଥିଲେ। କିନ୍ତୁ ୧୯୪୮ ମସିହାରେ ‘ଚୁନରିୟା’ ଫିଲ୍ମରେ ଗୀତ ଗାଇ ସେ ବଲିଉଡ୍ ରେ ପ୍ରବେଶ କରିଥିଲେ। ସେ ପ୍ରାୟ ୧୨,୦୦୦ ରୁ ଅଧିକ ଗୀତ ୨୦ରୁ ଅଧିକ ଭାଷାରେ ଗାଇଛନ୍ତି। ତାଙ୍କ କଣ୍ଠର ବିଶେଷତ୍ୱ ହେଉଛି ଅସାଧାରଣ ବିବିଧତା। ରୋମାଣ୍ଟିକ୍, ଦୁଃଖୀ, ଗଜଲ୍, ଓ ଡାନ୍ସ ଧମାକା — ସବୁ ଧରଣର ଗୀତ ସେ ଚମତ୍କାର ଦକ୍ଷତାର ସହିତ ଗାଇଛନ୍ତି। ସେ ଓ.ପି. ନୟ୍ୟାର୍, ଆର.ଡି. ବର୍ମନ୍ ଆଦି ସଙ୍ଗୀତ ନିର୍ଦ୍ଦେଶକଙ୍କ ସହିତ କାମ କରିଛନ୍ତି। ‘ଚୁରା ଲିୟା ହୈ ତୁମ୍ନେ ଜୋ ଦିଲ୍ କୋ ‘, ‘ଅଭି ନା ଜାଓ ଛୋଡ଼ କର’,’ପିୟା ତୁ ଅବ୍ ତୋ ଆଜା’ ପ୍ରମୁଖ ଗୀତ ଏବେ ବି ଯୁବପିଢ଼ିଙ୍କୁ ମତୁଆଲା କରେ ।
ପରଲୋକରେ ଆଶା ଭୋସଲେ
ନନ୍ଦିଘୋଷ ବ୍ୟୁରୋ : ଆଉ ଶୁଭିବନି ଆଶା ଭୋସଲେଙ୍କ କଣ୍ଠସ୍ୱର । ଭାରତର ପ୍ରସିଦ୍ଧ କଣ୍ଠଶିଳ୍ପୀ ଆଶା ଭୋସଲେଙ୍କ ପରଲୋକ । ୯୨ ବର୍ଷ ବୟସରେ ଆଶା ଭୋସଲେଙ୍କ ଦେହାନ୍ତ ହୋଇଛି । ଗତକାଲି (ଏପ୍ରିଲ ୧୧, ୨୦୨୬ ଶନିବାର) ସନ୍ଧ୍ୟାରେ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି ହୋଇଥିଲେ । ତାଙ୍କୁ ହୃଦ୍ଘାତ ହୋଇଥିଲା ଏବଂ ସେ ଇମର୍ଜେନ୍ସି ମେଡିକାଲ୍ ସର୍ଭିସ୍ ୟୁନିଟରେ ଗତକାଲି ଭର୍ତ୍ତି ହୋଇଥିଲେ । ୧୪ ଭାଷାରେ ନିଜ କଣ୍ଠଦାନ କରିଛନ୍ତି ଆଶା ଭୋସଲେ । ‘ଚୁରା ଲିୟା ହୈ ତୁମ୍ନେ ଜୋ ଦିଲ୍ କୋ ‘, ‘ଅଭି ନା ଜାଓ ଛୋଡ଼ କର’,’ପିୟା ତୁ ଅବ୍ ତୋ ଆଜା’ ପ୍ରମୁଖ ଗୀତ ଏବେ ବି ଯୁବପିଢ଼ିଙ୍କୁ ମତୁଆଲା କରେ । ଆଶଙ୍କ ପରଲୋକ ନେଇ ଜାତୀୟ ଗଣମାଧ୍ୟମରେ ସୂଚନା ।
ପୁଅ ଝିଅକୁ ହାଣି ମାଆର ଆତ୍ମହତ୍ୟା ଉଦ୍ୟମ
ଡୁଙ୍ଗୁରିପାଲି : ପୁଅ ଝିଅକୁ ହାଣି ମାଆର ଆତ୍ମହତ୍ୟା ଉଦ୍ୟମ। ଝାରସୁଗୁଡା ବିମାନବନ୍ଦର ଥାନା ଅନ୍ତର୍ଗତ ଟାଙ୍ଗରପାଲି ଗାଁରେ ଘଟିଛି ଅଭାବନୀୟ ଘଟଣା। ମୃତକ ହେଲେ ଝିଅ ଜିଜ୍ଞାଶା ଓରାମ, ପୁଅ ବିଭାଂଶୁ ଓରାମ। ବିଳମ୍ବିତ ରାତିରେ ପରିବାରର ସମସ୍ତେ ଶୋଇଥିବା ବେଳେ ମା’ ରଂଜିତା ଓରାମ ନିଜ ସ୍ୱାମୀକୁ ଉଠାଇ ଥିଲା। ସ୍ୱାମୀ ଘର କବାଟ ଖୋଲି ବାହାରକୁ ଯାଇଥିବା ସମୟରେ ଭିତରପଟୁ କବାଟ ବନ୍ଦ କରି ପୁଅ ଓ ଝିଅକୁ ହାଣି ନିଜ ବେକକୁ ଛୁରୀରେ ହାଣିବାକୁ ଚେଷ୍ଟା କରୁଥିଲା। ସ୍ବାମୀ ପଡୋଶୀଙ୍କ ସହାୟତରେ ସ୍ତ୍ରୀ ରଞ୍ଜିତାକୁ ଉଦ୍ଧାର କରି ଝାରସୁଗୁଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା।ପରେ ମହିଳାଙ୍କୁ ବୁର୍ଲା ସ୍ଥାନାନ୍ତର କରାଯାଇଛି। ଘଟଣାସ୍ଥଳରେ ବିମାନବନ୍ଦର ଥାନା ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଛି।
ଲେବାନନ ବେରୁଟ ଉପରେ ପୁଣି ଇସ୍ରାଏଲ ହମଲା
ନନ୍ଦିଘୋଷ ବ୍ୟୁରୋ : ଲେବାନନ ବେରୁଟ ଉପରେ ପୁଣି ଇସ୍ରାଏଲ ହମଲା। ବେରୁଟ ଅନ୍ତର୍ଗତ ବାବଦାରେ ଅନେକ ଅଞ୍ଚଳ ହୋଇଛି ଧୂଆଁମୟ। ଗତକିଛି ଦିନ ଧରି ବେରୁଟ ଉପରେ ଇସ୍ରାଏଲ ହମଲା କରିଆସୁଛି। ଗତକାଲି ବେରୁଟ ଉପରେ ଇସ୍ରାଏଲ ହମଲା କରିବା ଯୋଗୁ ୧୦ ଜଣଙ୍କ ମୃତ୍ୟୁ ଘଟିଥିଲା। ପଶ୍ଚିମ ଏସିଆ ଶାନ୍ତି କଥାବାର୍ତ୍ତା ବିଫଳ ହୋଇଥିବାବେଳେ ପୁଣି ଥରେ ବେରୁଟକୁ ଟାର୍ଗେଟ କରିଛି ଇସ୍ରାଏଲ। ଲେବାନନ ଯୁଦ୍ଧବିରତିକୁ କଥାବାର୍ତ୍ତାରେ ସ୍ଥାନ ଦେବା ଲାଗି ଇରାନ ଜିଦ ଧରିଥିଲା। ଏହା ବି ଥିଲା ଶାନ୍ତି କଥାବାର୍ତ୍ତା ବିଫଳ ହେବାର ଅନ୍ୟ ଏକ ପ୍ରମୁଖ କାରାଣ।
ପଶ୍ଚିମ ଏସିଆ ଶାନ୍ତି କଥାବାର୍ତ୍ତା ବିଫଳ ହେବା ଉଗ୍ରମୁଖା ଆମେରିକା
ନନ୍ଦିଘୋଷ ବ୍ୟୁରୋ : ପଶ୍ଚିମ ଏସିଆ ଶାନ୍ତି କଥାବାର୍ତ୍ତା ବିଫଳ ହେବା ଉଗ୍ରମୁଖା ଆମେରିକା। ଯଦି ଇରାନକୁ ଚୀନ ଅସ୍ତ୍ରଶସ୍ତ୍ର ଯୋଗାଏ ତେବେ ଏହାର କୁପରିଣାମ ଭୋଗିବାକୁ ପଡ଼ିବ ବୋଲି ଧମକ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ। ଇରାନ ନିଜ ଜିଦରେ ଅଟଳ ରହିବା ଯୋଗୁ ପଶ୍ଚିମ ଏସିଆ କଥାବାର୍ତ୍ତା ବିଫଳ ହୋଇଛି। ତେବେ ଇରାନକୁ ଯଦି ଚୀନ ଅସ୍ତ୍ରଶସ୍ତ୍ର ରପ୍ତାନି କରେ ତେବେ ଚୀନ ବଡ଼ ସମସ୍ୟାର ସମ୍ମୁଖୀନ ହେବ ବୋଲି କହିଛନ୍ତି ଟ୍ରମ୍ପ। ଆସନ୍ତା କିଛି ସପ୍ତାହ ମଧ୍ଯରେ ଚୀନ ଠାରୁ ଇରାନ ଏୟାର ଡିଫେନ୍ସ ସିଷ୍ଟମ ପାଇବ ବୋଲି ଚର୍ଚ୍ଚା ହେବା ପରେ କ୍ଷୁବ୍ଧ ହୋଇଛି ଆମେରିକା। ଆମେରିକା ଓ ଇସ୍ରାଏଲ ହମଲାରେ ଇରାନର ଏୟାର ଡିଫେନ୍ସ ସିଷ୍ଟମ ନଷ୍ଟ ହୋଇଥିବାରୁ ଏହାକୁ ପୁଣି ହାସଲ କରିବା ଲାଗି ଇରାନ ଯୋଜନା କରୁଥିବା ସୂଚନା ମିଳିଛି। ତେବେ ଇରାନକୁ ଏୟାର ଡିଫେନ୍ସ ସିଷ୍ଟମ ଯୋଗାଇବା ଖବର କପୋଳକଳ୍ପିତ ବୋଲି କହିଛି ଇରାନ।
ଜୟ ପ୍ରକାଶ ହସ୍ପିଟାଲରେ ଦ୍ଵିତୀୟ ଜାତୀୟ ନର୍ସିଂ ସମ୍ମିଳନୀ ଅନୁଷ୍ଠିତ
ନନ୍ଦିଘୋଷ ବ୍ୟୁରୋ: ରାଉରକେଲା ସହରର ଜୟ ପ୍ରକାଶ ହସ୍ପିଟାଲରେ ଦ୍ଵିତୀୟ ଜାତୀୟ ନର୍ସିଂ ସମ୍ମିଳନୀ ନର୍ସିକନ ଅନୁଷ୍ଠିତ ହେଉଛି। ଗତକାଲିଠାରୁ ଆରମ୍ଭ ହୋଇଥିବା ଏହି ଏହି ସମ୍ମିଳନୀ ଦୁଇଦିନ ଧରି ଚାଲିବ। ଜାତୀୟ ସମ୍ମିଳନୀର ଉଦଘାଟନି ଉତ୍ସବରେ କାନସଵାହାଲ ଇଏସଆଇ ହସ୍ପିଟାଲର ଅଧିକ୍ଷକ ତଥା ଯୁଗ୍ମ ନିର୍ଦ୍ଦେଶକ ଡକ୍ଟର କୃତାର୍ଥ ତଣ୍ଡିଆ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଉଦଘାଟନି ଉତ୍ସବରେ ଜେପି ହସ୍ପିଟାଲର ଅଧିକ୍ଷକ ଡକ୍ଟର ସୁଚିତ୍ରା ମିଶ୍ର, ଜେପି ହସ୍ପିଟାଲର ନର୍ସିଂ ଅଧିକ୍ଷକ ଵନି ଆରୋରା, ଜେପି ନର୍ସିଂ କଲେଜର ପ୍ରିନସିପାଲ ସତିଶ କୁମାର ଅତିଥି ଭାବେ ଯୋଗ ଦେଇଥିଲେ। ଦୁଇ ଦିନିଆ ଜାତୀୟ ସମ୍ମିଳନୀରେ ଦେଶର ବିଭିନ୍ନ ସ୍ଥାନର ୪ ଶହରୁ ଅଧିକ ନର୍ସିଂ କର୍ମଚାରୀ ଯୋଗ ଦେଇଛନ୍ତି। ଏହି ଅବସରରେ ଆଲୋଚନାଚକ୍ର ଅନୁଷ୍ଠିତ ହେବା ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଉଛି।
ଅଡୁଆରେ ଇସ୍ରାଏଲ ପିଏମ, ଦୁର୍ନୀତି ଅଭିଯୋଗ ମାମଲାର ଶୁଣାଣି
ନନ୍ଦିଘୋଷ ବ୍ୟୁରୋ: ପଶ୍ଚିମ ଏସିଆ ଯୁଦ୍ଧ ଭିତରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁଙ୍କ ଲାଗି ବଢ଼ିଲା ଅଡୁଆ l ଜେରୁଜେଲମ ଡିଷ୍ଟ୍ରିକ୍ଟ କୋର୍ଟରେ ଆଜି ହେବ ନେତାନ୍ୟାହୁଙ୍କ ବିରୋଧରେ ଦୁର୍ନୀତି ଅଭିଯୋଗ ମାମଲାର ଶୁଣାଣି l ଇରାନ ବିରୋଧୀ ଯୁଦ୍ଧ ପରିପ୍ରେକ୍ଷୀରେ ଲଗୁ ଜରୁରୀକାଳୀନ କଟକଣା ପ୍ରତ୍ୟାହାର ହେବା ପରେ ମାମଲାର ଶୁଣାଣି ହେବ l ଏହି କଟକଣା ଯୋଗୁ ବିଚାର ବିଭାଗ କାର୍ଯ୍ୟ ବି ଠପ୍ ହୋଇଥିଲା l ଇସ୍ରାଏଲର ଏକ ନ୍ୟୁଜ ସଂସ୍ଥା ପକ୍ଷରୁ ତାଙ୍କ ସପକ୍ଷରେ ଖବର ପ୍ରସାରଣ ଲାଗି ବ୍ୟବସ୍ଥା କରିବା ସଂକ୍ରାନ୍ତ ଦୁଇଟି ଅଭିଯୋଗ ଏବଂ ରାଜନୈତିକ ଅନୁଗ୍ରହ ହାସଲ କରିବା ଲାଗି ବିଭିନ୍ନ କୋଟିପତିଙ୍କଠାରୁ ପ୍ରାୟ ୨ ଲକ୍ଷ ୬୦ ହଜାର ଡଲାରର ଉପହାର ହାସଲ କରିବା l ନେତାନ୍ୟାହୁଙ୍କ ବିରୋଧରେ ଥିବା ଚତୁର୍ଥ ମାମଲା ରଦ୍ଦ ହୋଇସାରିଛି l ଇସ୍ରାଏଲ ଇତିହାସରେ ପଦବୀରେ ଥାଇ ଦୁର୍ନୀତି ମାମଲାରେ ବିଚାର ପ୍ରକ୍ରିୟାର ସମ୍ମୁଖୀନ ହେବା କ୍ଷେତ୍ରରେ ନେତାନ୍ୟାହୁ ହେଉଛନ୍ତି ପ୍ରଥମ ପ୍ରଧାନମନ୍ତ୍ରୀ l ତାଙ୍କ ବିରୋଧରେ ୨୦୧୯ରୁ ଏସଂକ୍ରାନ୍ତ ମାମଲା ଦାୟର ହୋଇଥିଲା l ଗତବର୍ଷ ଅକ୍ଟୋବରରେ ନେତାନ୍ୟାହୁଙ୍କ ରାଜକ୍ଷମା ପ୍ରଦାନ କରିବା ଲାଗି ଇସ୍ରାଏଲ ରାଷ୍ଟ୍ରପତି ଆଇଜାକ ହେରଜୋଗଙ୍କୁ ଅନୁରୋଧ କରିଥିଲେ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ l
ଆମେରିକା ଇରାନ ଆଲୋଚନା ବିଫଳ। ଇରାନ ମାନିଲାନି ଆମେରିକାର ସର୍ତ୍ତ!
ନନ୍ଦିଘୋଷ ବ୍ୟୁରୋ: ମଧ୍ୟପ୍ରାଚ୍ୟ ଶାନ୍ତି ଆଲୋଚନାରେ ବାହାରିଲାନି ନିଷ୍କର୍ସ। ଆଲୋଚନା ବିଫଳ ହେବାରୁ ଆମେରିକା ଫେରିଗଲେ ଆମେରିକା ଉପରାଷ୍ଟ୍ରପତି ଜେଡି ଭାନ୍ସ। ଫେରଯିବା ସହ କହିଛନ୍ତି ଯେ, ଆଲୋଚନାରେ ସହମତି ପ୍ରକାଶ କରୁନି ଇରାନ। ଇସଲାମବାଦରେ ୨୧ ଘଣ୍ଟା ଧରି ଚାଲିଥିଲା କଥାବାର୍ତ୍ତା। ଆମେରିକା ଓ ଇରାନ ଏକ ଚୁକ୍ତିରେ ପହଞ୍ଚିବାରେ ବିଫଳ ହୋଇଛନ୍ତି। ଆମେରିକା କହିଛି ଯେ, ଏହି ୨୧ ଘଣ୍ଟାର ଆଲୋଚନାରେ ବହୁ ଗୁରୁତ୍ବପୂର୍ଣ୍ଣ ପ୍ରସଙ୍ଗ ସ୍ଥାନ ପାଇଥିଲା। କିନ୍ତୁ ଆମେରିକାର ସର୍ତ୍ତକୁ ଗ୍ରହଣ କରିବାକୁ ମନା କରିଦେଇଥିଲା ଇରାନ। ଅନ୍ୟପଟେ ଇରାନ ଆମେରିକାର ଅଭିଯୋଗକୁ ଖଣ୍ଡ କରିଛି। ଇରାନର ବୈଦେଶିକ ମନ୍ତ୍ରଣାଳୟର ମୁଖପାତ୍ର ଇସମାଇଲ ବାକାଇ କହିଛନ୍ତି ଯେ, ଆଲୋଚନାରେ କୌଣସି ବୁଝାମଣା ହୋଇନାହିଁ। ଆମେରିକାର ଆତ୍ମସର୍ପଣର ସର୍ତ୍ତକୁ ଇରାନ ସ୍ବୀକାର କରିବ ନାହିଁ। ଇରାନ ସ୍ପଷ୍ଟ କରିଛି ଯେ, ସେ ପରମାଣୁ ବୋମା ନିର୍ମାଣ କରିବ ନାହିଁ କିନ୍ତୁ ୟୁରାନିୟମ ସମୃଦ୍ଧିକୁ ପରିତ୍ୟାଗ କରିବ ନାହିଁ। ଏହି ପ୍ରସଙ୍ଗ ଆଲୋଚନାରେ ସବୁଠାରୁ ବଡ଼ ସମସ୍ୟା ପାଲଟିଥିଲା। ଯାହାକି ଆଲୋଚନା ବିଫଳ ହେବାର କାରଣ ବୋଲି କୁହାଯାଉଛି।
ଛେନାପୋଡ଼ ଦିବସ ପାଳୁଛି ଓଡିଶା
ଛେନାପୋଡ଼ ଦିବସ ପାଳୁଛି ଓଡିଶା
ନନ୍ଦିଘୋଷ ବ୍ୟୁରୋ: ଆଜି ହେଉଛି ଛେନାପୋଡ଼ ଦିବସ। ନୟାଗଡ ବିକାଶ ମଞ୍ଚ ଏବଂ ଓଡ଼ିଆ ମିଡ଼ିଆ ପ୍ରାଏଭେଟ ଲିମିଟେଡ଼ ପକ୍ଷରୁ ରାମ ମନ୍ଦିର ଛକରୁ ଲୋୟର ପିଏମଜି ପର୍ଯ୍ୟନ୍ତ ଏକ ଶୋଭାଯାତ୍ରା ଅନୁଷ୍ଠିତ ହୋଇଛି । ପଥପ୍ରାନ୍ତ ନାଟକ ସମେତ ବିଭିନ୍ନ ସାଂସ୍କୃତିକ ଦଳ ପକ୍ଷରୁ ନୃତ୍ୟ ଗୀତ ପରିବେଷଣ କରାଯାଇଛି। ତେବେ 2022 ମସିହାରୁ ବିଭିନ୍ନ ସଂଗଠନ ପକ୍ଷରୁ ଏପ୍ରିଲ 11କୁ ଛେନାପୋଡ଼ ଦିବସ ଭାବେ ପାଳନ କରାଯାଉଥିଲେ ମଧ୍ୟ ଏ ପର୍ଯ୍ୟନ୍ତ ଛେନାପୋଡ଼କୁ ଜିଆଇ ଟ୍ୟାଗ ନ ମିଲିବାକୁ ନେଇ ଦେଖିବାକୁ ମିଳିଛି ଅସନ୍ତୋଷ। ସେହିପରି ସମସ୍ତ ବାଦ ବିବାଦ ଭୁଲି ନୟାଗଡ଼ ଛେନାପୋଡ଼କୁ ଜିଆଇ ଟ୍ୟାଗ ପ୍ରଦାନ ଲାଗି ଦାବି ହାସଲ କରିବା ହେଉଛି ଶୋଭାଯାତ୍ରାର ମୁଖ୍ୟ ଉଦେଶ୍ୟ।