ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ବଢ଼ିବାରେ ଲାଗିଛି । ପ୍ରତ୍ୟେକ ଦିନ ରାଜ୍ୟରେ କରୋନା ସଂଖ୍ୟା ବଢୁଛି । ଏବେ ପୁଣି ୩ ଟି କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହା ସହ ରାଜ୍ୟରେ କରୋନା ସଂଖ୍ୟା ୩୯୪କୁ ବୃଦ୍ଧି ପାଇଛି । ମୟୂରଭଞ୍ଜ, ଯାଜପୁର, ଏବଂ କଟକରୁ ଜଣେ ଲେଖାଏଁ କରୋନା ପଜିଟିଭ ଚିହ୍ନଟ ହୋଇଛନ୍ତି ।

ନୂଆ ସଂକ୍ରମଣ ଚିହ୍ନଟ ହେବା ପରେ ଯାଜପୁରରେ ରୋଗୀଙ୍କ ସଂଖ୍ୟା ୬୧ କୁ ବୃଦ୍ଧି ପାଇଛି , ମୟୂରଭଞ୍ଜରେ ୯ ଏବଂ କଟକରେ ୩କୁ ବୃଦ୍ଧି ପାଇଛି କରୋନା ରୋଗୀଙ୍କ ସଂଖ୍ୟା । ଏବେ ରାଜ୍ୟରେ ୩୦୬ ଜଣ କରୋନା ସକ୍ରୀୟ ରହିଛି । ଆଜି ସକାଳୁ ୧୪ ଜଣ କରୋନା ପଜିଟିଭ୍‌ ଚିହ୍ନଟ ହୋଇଥିଲେ । ସେହିଭଳି ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୮୫ ଜଣ ସୁସ୍ଥ ହୋଇଛନ୍ତି ।

ଭୁବନେଶ୍ୱର: ପୁରା ରାଜ୍ୟ ଏବେ କରୋନା ସହ ସଂଘର୍ଷ କରୁଛି । ରାଜ୍ୟ ସରକାର କରୋନାଠୁ ଜିତିବା ପାଇଁ ବିଭିନ୍ନ ପ୍ରକାରର ଦୃଢ଼ ପଦକ୍ଷେପ ନେଉଛନ୍ତି । କିନ୍ତୁ ବିରୋଧୀ ଏ ସମୟରେ ମଧ୍ୟ ସରକାରଙ୍କ ସହ ବିରୋଧ କରିବାରେ ଟିକେ ଉଣା କରୁନାହାନ୍ତି । ତେଣିକି ତାହା ଲକ୍‌ଡାଉନ ପ୍ରସଙ୍ଗ  ହେଉକି ପ୍ରବାସୀ ଓଡ଼ିଆ ରାଜ୍ୟକୁ ଫେରିବା କଥା ହେଉ । ସବୁ ପ୍ରସଙ୍ଗରେ ସରକାରଙ୍କୁ ଘେରିବା ପାଇଁ ବିରୋଧୀ ,ସବୁବେଳେ  ପ୍ରସ୍ତୁତ ରହୁଛନ୍ତି ।  ତେବେ ଏନେଇ ବିରୋଧୀଙ୍କୁ ବରିଷ୍ଠ ନେତା ଡାକ୍ତର ଦାମୋଦର ରାଉତ କିଛି ପରାମର୍ଶ ଦେଇଛନ୍ତି ।

କରୋନା ମହାମାରୀ ସଂକଟ କାଳରେ ଗଠନାତ୍ମକ ଭୂମିକା ନିର୍ବାହ କରିବାକୁ ବିରୋଧୀଙ୍କୁ ଡକ୍ଟର ଦାମୋଦର ରାଉତ ପରାମର୍ଶ ଦେଇଛନ୍ତି । ସେ କହିଛନ୍ତି ଯେ, ଏବେ ଖାଲି ଦୋଷ ଖୋଜିଲେ ହେବ ନାହିଁ । ବିରୋଧୀଙ୍କୁ ଗଠନାତ୍ମକ ପ୍ରସ୍ତାବ ଦେବାକୁ ସେ କହିଛନ୍ତି ।

ଭୁବନେଶ୍ୱର ବିମାନବନ୍ଦର ହେଲା ନନ୍ ଟଚ୍ ଏୟାରପୋର୍ଟ: ଲଗେଜ ଛୁଇଁବେନି ସୁରକ୍ଷାକର୍ମୀ

ସେ କହିଛନ୍ତି ଯେ, ଏହା ଦୋଷ ଦେଖିବାର ସମୟ ନୁହେଁ । ବିରୋଧୀ ଦଳଙ୍କ ସମାଲୋଚନା ସାଧାରଣ ଲୋକଙ୍କ ଉପରେ ପ୍ରଭାବ ପକାଉଛି । ବିରୋଧୀ ଦୋଷ ନଦେଖି ସରକାରଙ୍କୁ ସହଯୋଗ କରନ୍ତୁ । ଏକାଠି ହୋଇ ସହଯୋଗ ପାଇଁ ପ୍ରବାସୀମାନଙ୍କୁ ଅନୁରୋଧ କରନ୍ତୁ । ଏ ସମୟରେ ରାଜନୈତିକ ପକ୍ଷପାତିତା ନକରିବାକୁ ଦାମ ପରାମର୍ଶ ଦେଇଛନ୍ତି ।

ବିରୋଧୀଙ୍କୁ ପରାମର୍ଶ ଦେବା ପରେ ଦାମଙ୍କ ନିଶାନରେ ଆଜି ଥିଲେ ଆମାନିଆ ପ୍ରବାସୀ । ସେ  ପ୍ରବାସୀ ଓଡ଼ିଆଙ୍କୁ ଅମାନିଆ ନହେବା ଓ ଧୈର୍ଯ୍ୟ ରଖିବାକୁ ଅପିଲ କରିଛନ୍ତି ।

ଭୁବନେଶ୍ୱର: ରାଜ୍ୟରେ ବଢୁଛି କରୋନା ଗ୍ରାଫ । ପୁଣି ବଢିଲା କରୋନା ଆକ୍ରାନ୍ତଙ୍କ ସଂଖ୍ୟା । ଆଜି ୧୪ ନୂଆ ପଜିଟିଭ୍‌ ଚିହ୍ନଟ ହୋଇଛନ୍ତି । ଫଳରେ ରାଜ୍ୟର ଆକ୍ରାନ୍ତଙ୍କ ସଂଖ୍ୟା ୩୯୧ କୁ ବୃଦ୍ଧି ପାଇଛି । ଆଜି ଚିହ୍ନଟ ୧୪ ପଜିଟିଭ୍‌ ଙ୍କ ମଧ୍ୟରୁ ଗଞ୍ଜାମରୁ ୧୨ ଜଣ ଚିହ୍ନଟ ହୋଇଥିବା ବେଳେ କେନ୍ଦ୍ରାପଡା ଓ ସୁନ୍ଦରଗଡ଼ରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି ।

ଗଞ୍ଜାମରେ ଆକ୍ରାନ୍ତଙ୍କ ସଂଖ୍ୟା ୧୩୭କୁ ବୃଦ୍ଧି ପାଇଛି । ସେହିଭଳି କେନ୍ଦ୍ରାପଡାରେ  ଆକ୍ରାନ୍ତଙ୍କ ସଂଖ୍ୟା ୯କୁ ବୃଦ୍ଧି ପାଇଛି ଏବଂ ସୁନ୍ଦରଗଡ଼ରେ  ଆକ୍ରାନ୍ତଙ୍କ ସଂଖ୍ୟା ୧୪କୁ ବୃଦ୍ଧି ପାଇଛି । ଗତକାଲି ରାଜ୍ୟରେ ସର୍ବାଧିକ ୮୩ ପଜିଟିଭ୍‌ ଚିହ୍ନଟ ହୋଇଥିଲେ । ବର୍ତ୍ତମାନ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୩୯୧ ହୋଇଥିବାବେଳେ ସୁସ୍ଥ ହୋଇଛନ୍ତି ୬୮ । ଅପରପକ୍ଷେ ୩ ଜଣଙ୍କ ମୃତ୍ୟୁ ହୋଇଛି । ବର୍ତ୍ତମାନ ସକ୍ରିୟ ପଜିଟିଭ୍‌ ସଂଖ୍ୟା ୩୨୦ ।

ଭଦ୍ରକରୁ ଆଉ ୬, ଯାଜପୁରରୁ ଆଉ ୪ କରୋନା ସଂକ୍ରମିତ ଚିହ୍ନଟ