ନୂଆଦିଲ୍ଲୀ: କରୋନା ଯୋଗୁଁ ଦେଶର ଅନେକ ଜିନିଷରେ ପରିବର୍ତ୍ତନ ଆସିଛି । ପ୍ରତ୍ୟେକ କାର୍ଯ୍ୟରେ ସରକାର ସତର୍କତା ଅଗବଲମ୍ବନ କରୁଛି । ତେବେ ନିକଟରେ ୟୁଜିସି ନୂଆ ଗାଇଡଲାଇନ୍ ଜାରି କରିଛି । ଦେଶର ସବୁ ବିଶ୍ୱବିଦ୍ୟାଳୟରେ ଖୋଲିବ କୋଭିଡ୍‌-19 ସେଲ । ଏନେଇ ସବୁ ବିଶ୍ୱବିଦ୍ୟାଳୟକୁ ଗାଇଡଲାଇନ୍‌ ଜାରି କରିଛି ବିଶ୍ୱବିଦ୍ୟାଳୟ ଅନୁଦାନ ଆୟୋଗ ବା ୟୁଜିସି । ଏହାସହ ଛାତ୍ରଛାତ୍ରୀମାନଙ୍କ ଅଭିଯୋଗ ଶୁଣିବା ପାଇଁ ଏକ ହେଲ୍ପଲାଇନ୍‌ ନମ୍ବର ଜାରି କରାଯାଇଛି । 011-23236374 ମାଧ୍ୟମରେ କଲ କରି ଛାତ୍ରଛାତ୍ରୀମାନେ ଅଭିଯୋଗ ଦାଖଲ କରିବା ସହ ସୂଚନା ପାଇପାରିବେ ।

ଏହାସହ ୱେବ୍‌ସାଇଟ୍‌ www.ac.in/grievance/student_reg.aspx ରେ ଅନ୍‌ଲାଇନ୍‌ରେ ଅଭିଯୋଗ ଦାଖଲ କରିପାରିବେ। ଏଥିପାଇଁ ୟୁଜିସି ପକ୍ଷରୁ ଏକ ଟାକ୍ସଫୋର୍ସ ଗଠନ କରାଯାଇଛି । ଏହି ଟାକ୍ସଫୋର୍ସ ଛାତ୍ରଛାତ୍ରୀ, ଶିକ୍ଷକ ଏବଂ ବିଶ୍ୱବିଦ୍ୟାଳୟ ଗୁଡିକର ସମସ୍ୟା ବୁଝିବେ । ସବୁ ତଥ୍ୟ ବିଶ୍ୱବିଦ୍ୟାଳୟ ଗୁଡିକ ସେମାନଙ୍କ ଓ୍ୱେବସାଇଟ୍‌ରେ ଅପଲୋଡ କରିବାକୁ ୟୁଜିସି ପକ୍ଷରୁ କୁହାଯାଇଛି।

ନୂଆଦିଲ୍ଲୀ: ବୟଜ୍‌ ଲକର ରୁମ୍ ମାମଲା ସାମ୍ନାକୁ ଆସିଲା ପରେ ନିଜ ସହପାଠୀ ପୁଅଙ୍କ ସହ ଝିଆମାନେ ଏକ ପ୍ରକାର ଅସୁରିକ୍ଷତ ମନେ କରୁଥିବା ଦେଖିବାକୁ ମିଳିଛି । ତା’ ସହ ପାଠ ପଢ଼ୁଥିବା କ୍ଳାସମେଟ୍ ପୁଅଟିର ଚରିତ୍ରକୁ ନେଇ ଝିଅ ମନରେ ନାନା ଆଶଙ୍କା । ସହପାଠୀ ପୁଅଟିର ତା’ ପ୍ରତି କ’ଣ ମନୋଭାବ ରହିଛି । ତା’ ମନ ଭିତରେ ବି ବୟଜ୍‌ ଲକର ରୁମର ପିଲାମାନଙ୍କ ଭଳି ଅଶ୍ଳୀଳତା ଭରି ରହିଛି କି? ଏଭଳି ଅନେକ ପ୍ରଶ୍ନ । ଯାହାର ଉତ୍ତର ଖୋଜିବାକୁ ଦିଲ୍ଲୀର ଜଣେ ନାବାଳିକ ଝିଅ ଆପଣେଇଛି ଭିନ୍ନ ଉପାୟ ।

ସ୍ନାପ୍‌ ଚାଟ୍‌ରେ ନକଲି ଆକାଉଣ୍ଟନ ଖୋଲି ନିଜ ବନ୍ଧୁକୁ କରିଛି ମେସେଜ୍‌ । ଯେଉଁଥିରେ ସେ ଅଶ୍ଳୀଳ କଥାବାର୍ତ୍ତା କରିବା ସହ ଯୌନ ନିର୍ଯାତନା ପାଇଁ ପ୍ରବର୍ତ୍ତାଇଛି । କିନ୍ତୁ ପୁଅଟି ଏଥିଲାଗି ବାରଣ କରିବା ସହ ନକଲି ଆକାଉଣ୍ଟଧାରୀ ନାବାଳିକାକୁ ମଧ୍ୟ କୌଣସି ପ୍ରତିତ୍ତ୍ୟୁର ଦେଇନାହିଁ ।

ଏଥିସହିତ ନାବାଳିକା ସହିତ କରିଥିବା ଚାଟ୍‌ର ସ୍କ୍ରିନ୍‌ ସଟ୍ ନେବା ସହିତ ତାହାକୁ ନିଜ ସାଙ୍ଗମାନଙ୍କ ସହ ସେୟାର କରିଥିଲା । ଏଭଳି କି ନକଲି ଆକାଉଣ୍ଟଧାରୀ ନାବାଳିକା ନିକଟକୁ ମଧ୍ୟ ପଠାଇଥିଲା । ସେ ଝିଅ ଏହି ଚାଟ୍‌ର ବାସ୍ତବତା ନେଇ ଅବଗତ ଥିଲେ ସୁଦ୍ଧା ସେ ଏ ନେଇ କାହାକୁ ଅବଗତ କରେ ନାହିଁ । କିନ୍ତୁ ସ୍କ୍ରିନ୍ ସଟ୍ ପାଇଥିବା ସାଙ୍ଗମାନଙ୍କ ମଧ୍ୟରୁ ଜଣେ ସାଙ୍ଗ ଏହି ସ୍କ୍ରିନ୍ ସଟକୁ ନିଜ ଇନ୍‌ଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରନ୍ତି । ପରେ ଏହି ପୋଷ୍ଟ ଭାଇରାଲ୍ ହେବାରେ ଲାଗେ ।

ଯାହା ଦିଲ୍ଲୀ ପୋଲିସ ପାଖରେ ମଧ୍ୟ ପହଞ୍ଚେ । ଏ ନେଇ ଦିଲ୍ଲୀ ସାଇବର ସେଲ୍ ପକ୍ଷରୁ ତଦନ୍ତ ପରେ ସତ ସମ୍ପର୍କରେ ସମସ୍ତ ଅବଗତ ହୁଅନ୍ତି । ଏବଂ କୌଣସି ଝିଅକୁ ଯୌନ ନିର୍ଯାତନା ଦେବାର ପ୍ଳାନ ନଥିବା ସ୍ପଷ୍ଟ କରେ ପୋଲିସ । ତେବେ ସେମାନେ ଦୁହେଁ ବଏଜ୍ ଲକର ରୁମ୍‌ରେ ସମ୍ପୃକ୍ତ ଥିବା ସନ୍ଦହେ କରୁଛି ପୋଲିସ । ନିଜର ଅସଲି ଆକାଉଣ୍ଟ କିମ୍ୱା  ନକଲି ଆକାଉଣ୍ଟ ମାଧ୍ୟମରେ ସମ୍ପୃକ୍ତ ଥିବା ସନ୍ଦେହ ।

ନୂଆଦିଲ୍ଲୀ: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗୁଛି । ୬୭ ହଜାର ଟପିଛି ପଜିଟିଭ ସଂଖ୍ୟା। ତେବେ ଏଭଳି ପରିସ୍ଥିତିରେ ଭାରତୀୟ ରେଳବାଇ ଏକ ବଡ଼ ନିଷ୍ପତ୍ତି ନେଇଛି । ରେଳ ମନ୍ତ୍ରାଳୟ ଅନୁସାରେ ଆସନ୍ତାକାଲିଠୁ ଦେଶରେ ଗଡ଼ିବ ଟ୍ରେନ । ପ୍ରାଥମିକ ପର୍ଯ୍ୟାୟରେ ୧୫ ଯ଼ୋଡା ଟ୍ରେନ ଚାଲିବ । ଏଥିପାଇଁ ଆଜି ଅପରାହ୍ନ ୪ଟାରୁ IRCTC ଓ୍ବେବସାଇଟରେ ଟିକେଟ ବୁକିଂ ଆରମ୍ଭ ହେବ । ରିଜର୍ଭେସନ୍‌ ସୁବିଧା କେବଳ ଆଇଆରସିଟିସି ଓ୍ବେବସାଇଟ୍‌ରେ ଉପଲବ୍ଧ ହେବ। ଷ୍ଟେସନ୍‌ରେ ଥିବା ସମସ୍ତ କାଉଣ୍ଟର ବନ୍ଦ ରହିବ। ଏନେଇ ରେଳମନ୍ତ୍ର।ଳୟ ପକ୍ଷରୁ ସୂଚନା ଦିଆଯାଇଛି ।

ତେବେ ଦେଶରେ କେଉଁଠିକୁ ଟ୍ରେନ୍ ଗଡିବ ସେ ବିଷୟରେ ମଧ୍ୟ ସୂଚନା ଦିଆଯାଇଛି । ସମସ୍ତ ଟ୍ରେନ୍‌ ଦିଲ୍ଲୀରୁ ଦେଶର ବିଭିନ୍ନ ସ୍ଥାନକୁ ଚାଲିବ । ଦିବ୍ରୁଗଡ଼, ଅଗରତାଲା, ହାଓଡା, ପାଟନା, ବିଳାସପୁର, ରାଞ୍ଚି, ଭୁବନେଶ୍ବର, ସିକନ୍ଦରାବାଦ, ବେଙ୍ଗଳୁରୁକୁ ଟ୍ରେନ ଚାଲିବ । ବେଙ୍ଗଳୁରୁ, ମୁମ୍ବାଇ, ରାଞ୍ଚି, ପାଟନା ପାଇଁ ସ୍ବତନ୍ତ୍ର ଟ୍ରେନ ଚଲାଇବା ପାଇଁ ବ୍ୟବସ୍ଥା କରାଯାଇଛି । କେବଳ କନଫର୍ମ ଟିକେଟ ଥିବା ଯାତ୍ରୀଙ୍କୁ ଦିଲ୍ଲୀ ଷ୍ଟେସନ୍‌ରେ ପ୍ରବେଶ ପାଇଁ ଅନୁମତି ମିଳିବ।

ଟ୍ରେନରେ ଯାତ୍ରା ପୂର୍ବରୁ ଯାତ୍ରୀଙ୍କର ଥର୍ମାଲ ସ୍କାନିଂ କରାଯିବ । ଯାତ୍ରୀଙ୍କର ଫ୍ଲୁର ଯେପରି କୈାଣସି ଲକ୍ଷଣ ନଥାଏ, ସେନେଇ ସୁନିଶ୍ଚିତ କରାଯିବ। ଟେଷ୍ଟ ପରେ ନେଗେଟିଭ ବାହାରିଲେ ହିଁ ସେମାନଙ୍କୁ ଟ୍ରେନରେ ଯାତ୍ରା ପାଇଁ ଅନୁମତି ଦିଆଯିବ।  ମାସ୍କ ପିନ୍ଧିବା ବାଧ୍ୟତାମୂଳକ ରହିବ। ସାମାଜିକ ଦୂରତା ରକ୍ଷା କରି ଲୋକେ ଟ୍ରେନରେ ଯାତ୍ରା କରିବେ । ସମସ୍ତ ଟ୍ରେନ୍‌ ଏସି କୋଚ୍‌ ସହ ଚାଲିବ ଓ ସୀମିତ ଷ୍ଟପେଜ୍‌ ରହିବ।

ଟ୍ରେନ୍ ଏବଂ ବିମାନ ଚଳାଚଳ ନେଇ ପ୍ରଧାନମନ୍ତ୍ରୀଙ୍କୁ ରିପୋର୍ଟ ଦେଲା ମନ୍ତ୍ରୀ ସ୍ତରୀୟ କମିଟି