ମୁମ୍ବାଇର ସ୍ପେଶାଲ ହଲିଡେ କୋର୍ଟ ୟେସ୍ ବ୍ୟାଙ୍କ ପ୍ରତିଷ୍ଠାତା ରାଣା କପୁରଙ୍କୁ ୧୧ ମାର୍ଚ୍ଚ ପର୍ଯ୍ୟନ୍ତ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ହେପାଜତକୁ ପଠାଇଛନ୍ତି। ପ୍ରାୟ ୩୦ ଘଣ୍ଟାର ପଚରାଉଚରା ପରେ ରବିବାର YES ବ୍ୟାଙ୍କର ପୂର୍ବତନ ସିଇଓ ରାଣା କପୁରଙ୍କୁ ଗିରଫ କରଥିଲା ED । ମନି ଲଣ୍ଡ୍ରିଂ ମାମଲାରେ ତାଙ୍କୁ ଗିରଫ କରାଯାଇଛି । ରାଣା ଓ ତାଙ୍କ ଦୁଇ ଝିଅଙ୍କ ନାଁରେ ଡମି କମ୍ପାନି ମାଧ୍ୟମରେ ପାର ୬୦୦ କୋଟିର ଘୋଟାଲା ଅଭିଯୋଗ ରହିଛି । ସେହିପରି DHFLକୁ ୩ ହଜାର ୭୫୦ କୋଟି ଟଙ୍କାର ଲୋନ୍ ଦେଇଥିଲା YES ବ୍ୟାଙ୍କ ।
ପୂର୍ବରୁ ଇଡି ଶନିବାର ଦିନ ବର୍ଲିରେ ରାଣା କପୁରଙ୍କ ସମୁଦ୍ର ମହଲ ବାସଭବନରେ ତଦନ୍ତ ଜାରି ରଖିଥିଲା ଏବଂ ତାଙ୍କ ଝିଅମାନଙ୍କ ଘରେ ମଧ୍ୟ ଚଢ଼ାଉ କରିଥିଲା। ଶନିବାର ରାଣା କପୁରଙ୍କୁ ବଲାର୍ଡ ଇଷ୍ଟେଟରେ ଥିବା ଇଡି କାର୍ଯ୍ୟାଳୟକୁ ନିଆଯାଇଥିଲା। ତାଙ୍କ ବିରୋଧରେ ଏକ ଲୁକ୍ଆଉଟ୍ ନୋଟିସ୍ ଜାରି କରାଯାଇଛି ଯଥା ସେ ଦେଶ ଛାଡି ବାହାରକୁ ଯାଇପାରିବେ ନାହିଁ।
୨୦୧୭ରେ ୟେସ୍ ବ୍ୟାଙ୍କର ଏନ୍ପିଏ ଅର୍ଥାତ୍ ଖରାପ ଋଣ ବର୍ଗରେ ୬୩୫୫ କୋଟି ଟଙ୍କା ରଖିଥିଲା | ଏହା ପରେ ଆରବିଆଇ ବ୍ୟାଙ୍କ ଉପରେ ସନ୍ଦେହ ଆରମ୍ଭ କରିଥିଲା। ଏହି ମାମଲାର ତଦନ୍ତ ଦୀର୍ଘ ସମୟ ଧରି ଚାଲିଥିଲା ଆଉ ଏହା ପରେ ଶୁକ୍ରବାର ସନ୍ଧ୍ୟାରେ ଆରବିଆଇ ବ୍ୟାଙ୍କ ଉପରେ ବିଭିନ୍ନ ପ୍ରତିବନ୍ଧକ ଲଗାଯାଇଥିଲା ଯାହାଦ୍ୱାରା ବ୍ୟାଙ୍କର ଗ୍ରାହକମାନେ ଅସୁବିଧାର ସମ୍ମୁଖୀନ ହେଉଛନ୍ତି। ପ୍ରତିବନ୍ଧକ ଅନୁଯାୟୀ ବ୍ୟାଙ୍କର ଗ୍ରାହକଙ୍କ ନିଜ ଜମା ଆକାଉଣ୍ଟରୁ ମାତ୍ର ୫୦ହଜାର ଉଠାଇପାରିବେ ।
ୟେସ୍ ବ୍ୟାଙ୍କ୍କୁ ସାହା ହେବ SBI: ୨୪୫୦ କୋଟି ଟଙ୍କାର ହେବ ପୁଞ୍ଜିନିବେଶ
