ନୂଆଦିଲ୍ଲୀ: ବିଜୁ ପଟ୍ଟନାୟକଙ୍କ ପ୍ରଶଂସାରେ ଶତମୁଖ ଦେଶ ବିଦେଶର ଅତିଥି । ଅବସର ଥିଲା ଭାରତ-ଇଣ୍ଡେ।ନେସିଆ ସମ୍ପର୍କ ଶୀର୍ଷକ ଆଲୋଚନାଚକ୍ର ଓ ଫଟୋ ପ୍ରଦର୍ଶନୀ । ନୂଆଦିଲ୍ଲୀର ମୋତିଲାଲ ନେହେରୁ ଲାଇବ୍ରେରୀରେ ଆୟୋଜିତ ଏହି କାର୍ଯ୍ୟକ୍ରମରେ ଦେଶ ବିଦେଶର ଅତିଥିମାନେ ଯୋଗଦେଇ ଭାରତ-ଇଣ୍ଡେ।ନେସିଆ ସୁ-ସମ୍ପର୍କ, ଇଣ୍ଡେ।ନେସିଆ ପାଇଁ ବିଜୁବାବୁଙ୍କ ଅବଦାନର ସ୍ମୃତି ରୋମନ୍ଥନ କରିଥିଲେ ।
ଫଟୋ ଓ ବିଭିନ୍ନ ସାମଗ୍ରୀ ଭାରତ-ଇଣ୍ଡେ।ନେସିଆ ମଧୁର ସମ୍ପର୍କର ସଂକେତ । ସାମ୍ପ୍ରତିକ ସ୍ଥିତି ସହ ସ୍ମୃତିକୁ ଉଦ୍ଜୀବିତ କରିଛି ଏହି ପ୍ରଦର୍ଶନୀ । ଫଟୋ ପ୍ରଦର୍ଶନୀ ଧରି ରଖିଥିଲା ଅନେକ ବିରଳ ମୁହୂର୍ତ୍ତ । ଏହି ଅବସରରେ ଇଣ୍ଡେ।ନେସିଆର ସ୍ୱାଧୀନତା ସଂଗ୍ରାମରେ ବିଜୁବାବୁଙ୍କ ଗୁରୁତ୍ୱପୂର୍ଣ୍ଣ ଅବଦାନକୁ ସମସ୍ତେ ମନେ ପକାଇଥିଲେ । ଆଲୋଚନାର ଫୋକସରେ ଥିଲେ ମହାନ ଜନନାୟକ, ଦୂରଦ୍ରଷ୍ଟା, ରାଷ୍ଟ୍ର ନିର୍ମାତା ବିଜୁ ପଟ୍ଟନାୟକ ।
ଇଣ୍ଡେ।ନେସିଆର ମୁକ୍ତି ସଂଗ୍ରାମ ବେଳେ ଡଚ୍ ସେନାର ଘେରାବନ୍ଦୀରେ ରହି ଯାଇଥିଲେ ସେ ଦେଶର ଅନେକ ନେତା । ସାହାଯ୍ୟ ପାଇଁ ନିବେଦନ ପରେ ନିଜର ପ୍ରିୟ ଡାକୋଟା ବିମାନ ସହ ଉଡ଼ି ଯାଇଥିଲେ ଦୁଃସାହସୀ ପାଇଲଟ୍ ବିଜୁ ପଟ୍ଟନାୟକ । ଉଦ୍ଧାର କରିଥିଲେ ଡକ୍ଟର ସୁଲତାନ ସାହ୍ରିରଙ୍କୁ । ଏଥିପାଇଁ ବିଜୁବାବୁଙ୍କୁ ଇଣ୍ଡେ।ନେସିଆ ‘ଭୂମିପୁତ୍ର’ ଓ ‘ବିନ୍ତଙ୍ଗ ଯଶ ଉତ୍ତମ’ ଉପାଧି ପ୍ରଦାନ କରିଥିଲା ।
କାର୍ଯ୍ୟକ୍ରମରେ ସମସ୍ତଙ୍କ ମୁହଁରେ ଥିଲା ବିଜୁଙ୍କ ବୀରତ୍ୱର ଗାଥା । ଏହି ଆଲୋଚନାଚକ୍ର ଓ ଫଟୋ ପ୍ରଦର୍ଶନୀକୁ କେନ୍ଦ୍ର ବେସାମରିକ ବିମାନ ଚଳାଚଳ, ଗୃହ ନିର୍ମାଣ ଓ ସହରାଞ୍ଚଳ ବିକାଶ ମନ୍ତ୍ରୀ ହରଦୀପ ସିଂହ ପୁରୀ ଉଦ୍ଘାଟନ କରିଥିବା ବେଳେ ବହୁ ବିଶିଷ୍ଟ ବ୍ୟକ୍ତି ଯୋଗଦେଇଥିଲେ ।
ଇଣ୍ଡେ।ନେସିଆ ପାଇଁ ବିଜୁବାବୁଙ୍କ ଅବଦାନର ସ୍ମୃତି ରୋମନ୍ଥନ, ଫଟୋ ମନେ ପକାଇଲା ବିରଳ ମୁହୂର୍ତ୍ତ
ସିଏଏ ହିଂସାରେ ପ୍ରାଣ ହରାଇଥିବା ମୃତ ବ୍ୟକ୍ତିଙ୍କ ପରିବାରକୁ ମିଳିବ ୧୦ ଲକ୍ଷ ଲେଖାଏଁ ଟଙ୍କା
ନୂଆଦିଲ୍ଲୀ: ଦିଲ୍ଲୀ ହିଂସାକୁ ନେଇ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲଙ୍କ ବଡ଼ ଘୋଷଣା । ପ୍ରେସ୍ମିଟ କରି ସେ କହିଛନ୍ତି ଯେ ସିଏଏ ହିଂସାରେ ସମସ୍ତ ହିନ୍ଦୁ ଏବଂ ମୁସଲମାନ କ୍ଷତିଗ୍ରସଙ୍କ ପାଇଁ କ୍ଷତିପୂରଣ ଘୋଷଣା କରିଛନ୍ତି।
ସେ କହିଛନ୍ତି ଯେ ଆହତମାନଙ୍କୁ ଡାକ୍ତରଖାନାରେ ମାଗଣାରେ ଚିକିତ୍ସା କରାଯାଉଛି । ମୃତକଙ୍କ ପରିବାରକୁ ୧୦ ଲକ୍ଷ କ୍ଷତିପୂରଣ ଘୋଷଣା କରିଛନ୍ତି। ମୃତ୍ୟୁ ନାବାଳିକାର ପରିବାରକୁ ୫ ଲକ୍ଷ ଟଙ୍କା ଦିଆଯିବ।
ସେହିପରି ଆହତମାନଙ୍କୁ ୨୦ ହଜାର ଟଙ୍କା କ୍ଷତିପୂରଣ ପ୍ରଦାନ କରାଯିବ ବୋଲି ମୁଖ୍ୟମନ୍ତ୍ରୀ କେଜ୍ରିୱାଲ କହିଛନ୍ତି । ଯେଉଁମାନଙ୍କ ରିକ୍ସା ହିଂସାରେ କ୍ଷତିଗ୍ରସ୍ତ ହୋଇଛି ସେମାନଙ୍କୁ ୨୫ ହଜାର, ଇ-ରିକ୍ସା ପାଇଁ ୫୦ ହଜାର ଦିଆଯିବ ।
ଯେଉଁମାନଙ୍କ ଘର ପୋଡ଼ି ଯାଇଛି ସେମାନଙ୍କୁ ୫ ଲକ୍ଷ ଟଙ୍କା ଦିଆଯିବ | ଏହା ବ୍ୟତୀତ ଯାହାର ଦୋକାନ ହିଂସାରେ ଜଳିଯାଇଛି ସେମାନଙ୍କୁ ୫ ଲକ୍ଷ ଟଙ୍କା କ୍ଷତିପୂରଣ ମିଳିବ ବୋଲି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ କେଜ୍ରୀଓ୍ୱାଲ ।
ମକ୍କା ମଦିନା ଯାତ୍ରା ଉପରେ ରୋକ ଲଗାଇଲା ସାଉଦି ଆରବ
କରୋନା ଭୟ ସାରା ବିଶ୍ୱରେ ବ୍ୟାପିଛି । ଚୀନ୍ ବାହାରେ ବିଶ୍ୱର ଅନେକ ଦେଶରେ କରୋନାରୁ ମୃତ୍ୟୁ ସଂଖ୍ୟା ବୃଦ୍ଧି ପାଉଛି । ବୁଧବାର ଦିନ ଚାଇନାରେ କରୋନାରେ ୨୯ ଜଣଙ୍କର ମୃତ୍ୟୁ ହୋଇଛି ।
ବର୍ତ୍ତମାନ ପର୍ଯ୍ୟନ୍ତ ଚାଇନାରେ କରୋନା ଠାରୁ ୨ହଜାର୭୪୪ ଜଣଙ୍କର ମୃତ୍ୟୁ ହୋଇଛି। ଗଲ୍ଫ ଦେଶଗୁଡିକରେ, ବର୍ତ୍ତମାନ ପର୍ଯ୍ୟନ୍ତ ୨୨୦ ଟି କରୋନା ମାମଲା ରିପୋର୍ଟ ହୋଇଛି ।
ଏଥି ସହିତ, ସାରା ବିଶ୍ୱରେ ୮୧ ହଜାର ରୁ ଅଧିକ ଲୋକ କରୋନା ଦ୍ୱାରା ସଂକ୍ରମିତ ହୋଇଛନ୍ତି । କରୋନା ଭାଇରସ୍ ବୃଦ୍ଧି ପାଉଥିବା ସଂକ୍ରମଣକୁ ଦୃଷ୍ଟିରେ ରଖି ସାଉଦି ଆରବ ମକ୍କା-ମଦିନାକୁ ଆସୁଥିବା ଯାତ୍ରୀଙ୍କ ପ୍ରବେଶ ଉପରେ ପ୍ରତିବନ୍ଧକ ଲଗାଇଛି ।
ବିଦେଶ ଗଲେ ବି ଭାଷା ପାଇଁ ଅକଳରେ ପଡ଼ିବେନି ଓଡ଼ିଆ
ଭୁବନେଶ୍ୱର: ଓଡ଼ିଆଙ୍କ ହାତମୁଠାରେ ବିଶ୍ୱ । ଭାଷାକୁ ନେଇ ଆଉ ରହିବନି ଦ୍ୱନ୍ଦ୍ୱ । କାରଣ ଗୁଗୁଲରେ ଅନ୍ୟ ଭାଷା ଭଳି ଓଡ଼ିଆ ଭାଷାକୁ କରିହେବ ସହଜରେ ଅନୁବାଦ । ଆପଣ ହିନ୍ଦୀ, ଇଂରାଜୀ ଭଳି ସ୍ପେନ୍, ଜାପାନିଜ୍, ଫ୍ରେଞ୍ଚ୍ ଭଳି ବିଦେଶୀ ଭାଷାକୁ ଏବେ ଗୁଗୁଲ୍ ଟ୍ରାନ୍ସଲେଟର ମାଧ୍ୟମରେ ଓଡ଼ିଆକୁ ଅନୁବାଦନ କରିପାରିବେ ।
ସେହିଭଳି ଓଡ଼ିଆ ଭାଷାକୁ ମଧ୍ୟ ଇଂରାଜୀ, ହିନ୍ଦୀ, ସ୍ପେନ୍, ଆରବିକ ଭାଷାକୁ ଗୁଗୁଲ୍ ଟ୍ରାନ୍ସଲେଟର ମାଧ୍ୟମରେ ଓଡ଼ିଆକୁ ଅନୁବାଦିତ କରିହେବ । ଏହାଦ୍ୱାରା ବିଦେଶରେ ରହୁଥିବା ଓଡ଼ିଆ ସ୍ଥାନୀୟ ଭାଷାକୁ ସହଜରେ ବୁଝିପାରିବା ସହ ଅନ୍ୟକୁ ମଧ୍ୟ ବୁଝାଇପାରିବେ ।
ବିଶ୍ୱର ସବୁଠୁ ବଡ଼ ସର୍ଚ୍ଚ ଇଞ୍ଜିନ୍ ଗୁଗୁଲ ଗତବର୍ଷ ଓଡ଼ିଆ ଭାଷାକୁ ସାମିଲ୍ କରିବା ନେଇ ସୂଚନା ଦେଇଥିଲା । ଏଥିସହ ଏବେ ଗୁଗୁଲରେ ବିଶ୍ୱର ୧୦୮ଟି ଭାଷା ଅନୁବାଦନ କରିହେବ । ଓଡ଼ିଆ ସହ ତତର, ତୁର୍କମେନ, ୟୁଏଗୁରୁ ଭାଷାକୁ ଗୁଗୁଲ ଟ୍ରାନ୍ସଲେଟରେ ସ୍ଥାନ ମିଳିଛି । ଏହାଦ୍ୱାରା ବିଶ୍ୱର ପ୍ରାୟ ୭୫ ମିଲିୟନ୍ ଲୋକ ଉପକୃତ ହେବେ ।
ଚର୍ଚ୍ଚାରେ ଭିକି କୌଶଲ ଓ କ୍ୟାଟ୍ରିନା କୈଫଙ୍କ ଯୋଡି
ମୁମ୍ବାଇ: ବଲିଉଡର ଅଭିନେତା ଅଭିନେତ୍ରୀଙ୍କ ମଧ୍ୟରେ ବିଭିନ୍ନ ସମୟରେ ଭିନ୍ନ ଭିନ୍ନ କଥା ଶୁଣିବାକୁ ମିଳିଥାଏ । ତେବେ ଏବେ ଏକ ନୂଆ କଥା ଶୁଣିବାକୁ ମିଳୁଛି ଯାହା ଆପଣଙ୍କୁ କିଛି ସମୟ ପାଇଁ ଦୋଛକିରେ ପକାଇ ଦେବ । ଭିକି କୌଶଲଙ୍କ ପ୍ରେମ କାହାଣୀ ! ସେ ପୁଣି କାହା ସହ ? ଏହି କଥା ସତ ନା ଗୁଜବ ! ନିଶ୍ଚୟଁ ଏହି ପ୍ରଶ୍ନ ଅନେକ ଫ୍ୟାନ୍ ମାନଙ୍କ ମନରେ ନିସନ୍ଦେହରେ ଉଙ୍କି ମାରୁଥିବ । ତେବେ ଆସନ୍ତୁ ଜାଣିବା ସେହି ସୁନ୍ଦରୀଙ୍କ ସମ୍ପର୍କରେ…
ଏଠାରେ ଆମେ ଭିକି କୈଶଲ ଓ କ୍ୟାଟ୍ରିନା କୈଫଙ୍କ କଥା କହୁଛୁ ।
ଏବେ ଭିକି ଓ କ୍ୟାଟଙ୍କ ପ୍ରେମ ସମ୍ପର୍କ ବିଷୟରେ ବି’ଟାଉନରେ ଚର୍ଚ୍ଚା ଜୋର ଧରିଛି ।
ସେମାନଙ୍କୁ ଅନେକ ରେଷ୍ଟୁରାଣ୍ଟ୍, ଇଭେଣ୍ଟ୍ ଓ ବିଭିନ୍ନ ଜାଗାରେ ଏକାଠି ଦେଖିବାକୁ ମିଳୁଛି ।
ଏହି ପ୍ରେମୀଙ୍କ ନାମକୁ ଯୋଡି ଏବେ ତାଙ୍କ ଦୁଇ ଜଣଙ୍କୁ ଭିକ୍ୟାଟ୍ ବୋଲି କୁହାଯାଉଛି । କିନ୍ତୁ ସେମାନେ ଏହି କଥା ପବ୍ଲିକ ରେ ପ୍ରକାଶ କରି ନାହାଁନ୍ତି ।
ତେବେ ଏହି କଥା ପଛରେ କେତେ ସତ୍ୟତା ରହିଛି ତାହା ସମୟ କହିବ ।
ଜାପାନରୁ ଫେରିଲେ ଓଡ଼ିଆ ଇଂଜିନିୟର
ବ୍ରହ୍ମପୁର: ଜାପାନରୁ ଫେରିଲେ ଓଡ଼ିଆ ଇଂଜିନିୟର ଶିବାଶିଷ ନାୟକ। ୟାକୋହାମା ଜଳସୀମାରେ ଥିବା ଡାଇମଣ୍ଡ ପ୍ରିନ୍ସେସ୍ ଜାହାଜରୁ ୧୧୯ ଭାରତୀୟଙ୍କୁ ସ୍ୱଦେଶ ଫେରାଇ ଅଣାଯାଇଛି। ଏଥିସହ ଶ୍ରୀଲଙ୍କା, ନେପାଳ, ଦକ୍ଷିଣ ଆଫ୍ରିକା ଓ ପେରୁର ୫ଜଣଙ୍କୁ ସୁରକ୍ଷିତ ଭାବେ ଫେରାଇ ଅଣାଯାଇଛି। ଏସଂପର୍କରେ ବୈଦେଶିକ ବ୍ୟାପାର ମନ୍ତ୍ରୀ ଏସ. ଜୟଶଙ୍କର ଟ୍ୱିଟ୍ କରି ସୂଚନା ଦେଇଛନ୍ତି । ଏୟାର ଇଣ୍ଡିଆର ସ୍ୱତନ୍ତ୍ର ବିମାନ ଟୋକିଓରୁ ୧୧୯ଜଣ ଭାରତୀୟଙ୍କୁ ନେଇ ଆଜି ଭୋରରୁ ଦିଲ୍ଲୀରେ ପହଞ୍ଚିଛି । ଏଥିପାଇଁ ଜାପାନ ସରକାରଙ୍କୁ ଧନ୍ୟବାଦ ଜଣାଇଛନ୍ତି ବିଦେଶ ମନ୍ତ୍ରୀ।
ଜାପାନ ଜଳ ସୀମାରେ ଅଟକି ରହିଥିଲେ ବ୍ରହ୍ମପୁରର ଶିବାଶିଷ ନାୟକ । ନନ୍ଦିଘୋଷ ଟିଭିରେ ପ୍ରଥମେ ପ୍ରସାରିତ ହୋଇଥିଲା ଏ ଖବର । ଲାଇଭ୍ କଭରେଜ୍ ବେଳେ ଅପେକ୍ଷାର ଦିନ ଗଣୁଥିବା ଥିବା ପୁଅ ସହ ଫୋନ୍ଯୋଗେ କଥା ହୋଇ ଭାବବିହ୍ୱଳ ହୋଇ ପଡିଥିଲେ ବାପା। ଏହାପରେ ଶିବାଶିଷଙ୍କୁ ଫେରାଇ ଆଣିବାକୁ ନନ୍ଦିଘୋଷ ଟିଭି ଓ ରାଜ୍ୟ ସରକାରଙ୍କ ମୋ ପରିବାର ପକ୍ଷରୁ ଉଦ୍ୟମ କରାଯାଇଥିଲା। ଜାପାନରୁ ଫେରିବା ପରେ ଶିବାଶିଷଙ୍କ ପରିବାର ଆଶ୍ୱସ୍ତ ହୋଇଛନ୍ତି।
କୁହୁଡ଼ିରେ ଲୁଚିଲା ରାଜ୍ୟ
ଭୁବନେଶ୍ୱର: ଅଦିନିଆ ବର୍ଷା ପରେ କୁହୁଡ଼ି । ରାଜ୍ୟର ବିଭିନ୍ନ ସ୍ଥାନରେ ଘନ କୁହୁଡ଼ି ଦେଖିବାକୁ ମିଳିଛି । ଫଳରେ ଯାତାୟତ ପ୍ରଭାବିତ ହୋଇଛି । ଜଗତସିଂହପୁରରେ ବୁଧବାର ରାତିରୁ ହିଁ ଘନ କୁହୁଡ଼ିର ଆସ୍ତରଣ । ଜିଲ୍ଲାର ତିର୍ତ୍ତୋଲ, ବାଲିକୁଦା, ନାଉଗାଁ, ପାରାଦୀପ ଓ ଏରସମା ପରି ଅଞ୍ଚଳରେ କୁହୁଡ଼ିର ପ୍ରଭାବ ଦେଖିବାକୁ ମିଳିଛି । ପାରାଦୀପରେ ବନ୍ଦର ନିଷିଦ୍ଧାଞ୍ଚଳ ପୂରା କୁହୁଡ଼ିର ଆସ୍ତରଣ ଭିତରେ ରହିଥିଲା । ଫଳରେ ବନ୍ଦରରେ କାରବାର ପ୍ରଭାବିତ ହୋଇଛି । ସେହିପରି ରାସ୍ତା କଡ଼ରେ ଛିଡ଼ା ହୋଇଛି ଟ୍ରକ ।
ସେହିପରି ଭଦ୍ରକରେ ମଧ୍ୟ ଘନ କୁହୁଡ଼ିର ବଳୟ । କୁହୁଡ଼ି ଭିତରେ ପ୍ରଭାବିତ ହୋଇଛି ଯାତାୟତ । ଖାସକରି ୧୬ ନମ୍ବର ଜାତୀୟ ରାଜପଥରେ ଗାଡ଼ି ଚଳାଚଳରେ ଅସୁବିଧାର ସମ୍ମୁଖୀନ ହେଉଛନ୍ତି ଗାଡ଼ି ଚାଳକ । ବର୍ଷା ପରେ ଏବେ ଶୀତ ସହ ଫେରିଛି କୁହୁଡ଼ି । ଆଜି ସକାଳୁ ରାଜଧାନୀରେ ମଧ୍ୟ ଘନ କୁହୁଡ଼ିରେ ଯାତାୟତ ଏକ ରକମ ଠପ୍ ହୋଇଯାଇଥିଲା ।
+୨ ପରୀକ୍ଷା ପାଇଁ କଡ଼ା ବ୍ୟବସ୍ଥା
ଭୁବନେଶ୍ୱର: ମାର୍ଚ୍ଚ ୩ରେ ଆରମ୍ଭ ହେବ ଯ଼ୁକ୍ତ ଦୁଇ ପରୀକ୍ଷା । ପରୀକ୍ଷାକୁ କପିମୁକ୍ତ ପାଇଁ ବିଦ୍ୟାଳୟ ଓ ଗଣ ଶିକ୍ଷା ବିଭାଗ ପକ୍ଷରୁ ବିଭିନ୍ନ ବ୍ୟବସ୍ଥା କରାଯାଇଛି । ସବୁ ସେଣ୍ଟରରେ ସିସିଟିଭିକୁ ବାଧ୍ୟତା ମୂଳକ କରିଛି ବିଭାଗ । ସଠିକ୍ ସମୟରେ ଫଳ ପ୍ରକଶକୁ ନେଇ ମଧ୍ୟ କଡାକଡି ନିୟମ ପାଳନ କରାଯିବ ବୋଲି ଗୃହରେ ବିଧାୟକ ପ୍ରଶାନ୍ତ ବେହେରାଙ୍କ ପ୍ରଶ୍ନରେ ଉତ୍ତର ରଖିଛନ୍ତି ଗଣଶିକ୍ଷାମନ୍ତ୍ରୀ ସମୀର ଦାସ । ପରୀକ୍ଷା ଖାତା ଦେଖାରେ ଅଧ୍ୟାପକ ଯୋଗ ନଦେଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ମନ୍ତ୍ରୀ । ଏପ୍ରେଲ ପ୍ରଥମ ସପ୍ତାହରୁ ଖାତା ଦେଖା ଆରମ୍ଭ ହେବ । ମେ ଶେଷ ସପ୍ତାହରେ ବିଜ୍ଞାନ ଓ ଜୁନ୍ ପ୍ରଥମ ସପ୍ତାହରେ ପ୍ରକାଶ ପାଇବ କଳା, ବାଣିଜ୍ୟ ଓ ଧନ୍ଦାମୂଳକ ଶିକ୍ଷାର ପରୀକ୍ଷା ଫଳ ବୋଲି ସୂଚନା ଦେଇଛନ୍ତି ମନ୍ତ୍ରୀ ସମୀର ଦାସ ।
ହାତରେ ଚୁଡ଼ି ପିନ୍ଧିଲେ ଦୂର ହୁଏ ଏହି ସବୁ ରୋଗ
ବିବାହିତା ମହିଳା ମାନେ ଚୁଢ଼ି ପିନ୍ଧିବା ବିଧିରେ ରହିଛି । ମାନ୍ୟତା ରହିଛି ବିବାହିତା ମହିଳା ମାନେ ଚୁଡ଼ି ପିନ୍ଧିଲେ ସ୍ୱାମୀର ଆୟୁଷ ବଢ଼ିବା ସହିତ ଘରେ ଲକ୍ଷ୍ମୀଙ୍କ କୃପା ସଦାସର୍ବଦା ରହିଥାଏ । ଚୁଡ଼ି ପିନ୍ଧିବା ପଛରେ କିଛି ବୈଜ୍ଞାନିକ କାରଣ ମଧ୍ୟ ରହିଛି । ତେବେ ଆସନ୍ତୁ ଜାଣଇବା କଣ ସେହି କାରଣ ସବୁ-
ଶ୍ୱାସରୋଗ: ଚୁଡ଼ି ପିନ୍ଧିଲେ ଶ୍ୱାସରୋଗ ଏବଂ ହୃଦ୍ ଜନିତ ରୋଗ ଆଶଙ୍କା କମ୍ ହୋଇଥାଏ।
ମାନସିକ ସନ୍ତୁଳନ: ମହିଳା ମାନେ ଚୁଡ଼ି ପିନ୍ଧିବା ଦ୍ୱାରା ତାଙ୍ର ମାନସିକ ସନ୍ତୁଳନ ଠିକ ରହିଥାଏ । ପୌରାଣିକ ତର୍କ ଅନୁସାରେ କାଚ ଚୁଡ଼ିର ଶବ୍ଦରେ ଘରେ ଥିବା ସମସ୍ତ ନକାରାତ୍ମକ ଶକ୍ତି ଦୂର ହୋଇଥାଏ ।
ରକ୍ତପ୍ରବାହ: ଚୁଡ଼ି ସହ ଚୁଡ଼ି ଘଷି ହେବା ଦ୍ୱାରା ରକ୍ତ ସଂଚାର ବଢ଼ିଥାଏ।
ଥକ୍କାପଣ ଦୂରହୁଏ: ଚୁଡ଼ି ସହ ଚୁଡ଼ି ବାଜିଲେ ଶରୀରେ ଶକ୍ତି ଉତ୍ପନ ହୋଇଥାଏ । ଏକ ସକାରାତ୍ମକ ଉର୍ଜା ବାତାବରଣରେ ଖେଳିହେଇଯିବାରୁ ମହିଳା ମାନେ କ୍ଲାନ୍ତ ଅନୁଭବ କରନ୍ତି ନାହିଁ ।
ହରମୋନର ସନ୍ତୁଳନ: ମହିଳାମାନେ ଚୁଡ଼ି ପିନ୍ଧିବା ଦ୍ୱାରା ଶରୀରରେ ହରମୋନ ସନ୍ତୁଳନ ରକ୍ଷା ହୋଇଥାଏ । ଫଳରେ ମହିଳା ମାନେ ସୁସ୍ଥ ରହିଥାନ୍ତି ।
ୟୁର୍ବେଦ ଅନୁସାରେ, ସୁନା ଏବଂ ରୁପା ଚୁଡ଼ି ମହିଳାମାନଙ୍କର ବଳବର୍ଦ୍ଧକ ଅଟେ। ଯେଉଁ ମହିଳାମାନେ ହାତରେ ସୁନା, ରୁପାର ଚୁଡ଼ି ପିନ୍ଧିଥାନ୍ତି ସେମାନେ ଦୀର୍ଘାୟୁ ହୁଅନ୍ତି।
ବନ୍ଧା ପଡ଼ିଛନ୍ତି ୩୫ ଦାଦନ ଶ୍ରମିକ, ଭିଡ଼ିଓ ମାଧ୍ୟମରେ ଉଦ୍ଧାରର ଗୁହାରୀ
ତେଲେଙ୍ଗାନା: ସରୁନି ଦାଦନ ଦୁଃଖ । ଘରଲୋକଙ୍କ ପେଟରେ ଦାନ ମୁଠେ ପାଇଁ ଯାଇଥିଲେ ଦାଦନ ଖଟି କିନ୍ତୁ ସେଠି ନିଜ ପେଟକୁ ଦାନ ମୁଠେ ଦେଇପାରୁ ନାହାନ୍ତି ଏମାନେ । ତେଲେଙ୍ଗାନାରେ ପୁଣି ବନ୍ଧା ପଡିଛନ୍ତି ଓଡିଆ ଦାଦନ ଶ୍ରମିକ । ବରଗଡରୁ ୩୫ଜଣ ଓଡିଆ ଦାଦନ ଶ୍ରମିକ ବନ୍ଧା ପଡିଥିବା ବେଳେ ଏକ ଭିଡିଓ ମାଧ୍ୟମରେ ଉଦ୍ଧାର ପାଇଁ ଗୁହାରି କରିଛନ୍ତି ।
ଶ୍ରମିକମାନେ ଏକ ଭିଡିଓ କରିବା ସହିତ ଏହି ଭିଡିଓ ମାଧ୍ୟମରେ ସେମାନଙ୍କୁ ଉଦ୍ଧାର ପାଇଁ ଗୁହାରୀ କରିଛନ୍ତି । ସେମାନଙ୍କ କରୁଣ ସ୍ଥିତିକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଜଣାଇବାକୁ ନିବେଦନ କରିଛନ୍ତି । ପାଇକମାଲ ଯୋଗୀନ୍ଦ୍ରନାଥପୁରର ୩୫ ଜଣ ଶ୍ରମିକ ଇଟା ଭାଟିରେ କାମ ପାଇଁ ତେଲେଙ୍ଗାନା ଯାଇଥିଲେ । କିଛି ଦିନ କାମ କରିବା ପରେ ସେମାନଙ୍କ ଉପରେ ଅତ୍ୟାଚାର ଆରମ୍ଭ ହୋଇଯାଇଥିଲା । ଖାଇବାକୁ ଦିଆଯାଉନଥିବା ବେଳେ ଘରକୁ ଫେରିବାକୁ ମଧ୍ୟ କୈାଣସି ରାସ୍ତା ନଥିବା ସେମାନେ କହିଛନ୍ତି ।