ଲକ୍ଷ୍ନୌ- ଦେଶରେ କରୋନା ଭାଇରସ ସଂକ୍ରମଣ ମାମଲା ଦିନକୁ ଦିନ ବଢ଼ିବାରେ ଲାଗୁଛି । କେନ୍ଦ୍ର ସରକାର ରାଜ୍ୟ ସରକାରଙ୍କ ସହ ମିଶି କରୋନା ବିରୋଧରେ ଯୁଦ୍ଧ ଲଢୁଛନ୍ତି । ଇତିମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲଗାତାର ଭିନ୍ନ ଭିନ୍ନ ବର୍ଗରଏବଂ ଅଞ୍ଚଳର ଲୋକଙ୍କ ଆଲୋଚନା କରୁଛନ୍ତି । ଏହି ମଧ୍ୟର ପ୍ରଧାନମନ୍ତ୍ରୀ ମୋଦି କୁଶୀନଗର ଜିଲ୍ଲାର ୧୦୬ ବର୍ଷିୟ ପୂର୍ବତନ ବିଧାୟକ ନାରାୟଣଙ୍କ ସହ ଫୋନ ଯୋଗେ କଥା ହୋଇଛନ୍ତି ।

ଉତ୍ତର ପ୍ରଦେଶର କୁଶୀନଗର ଜିଲ୍ଲାର ନୈରଙ୍ଗିୟା ବିଧାନସଭାର ପୂର୍ବତନ ବିଧାୟକ ନାରାୟଣଙ୍କ  ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଲୋଚନା କରିଛନ୍ତି । ପ୍ରଧାନମନ୍ତ୍ରୀ ତାଙ୍କ ସ୍ୱାସ୍ଥ୍ୟ ବିଷୟରେ ପଚାରି ବୁଝିଲେ । ପୂର୍ବ ବିଧାୟକ ନାରାୟଣଙ୍କୁ ବର୍ତ୍ତମାନ ୧୦୬ ବର୍ଷ ବୟସ ଏବଂ ନୈରଙ୍ଗିୟା ବିଧାନସଭାରୁ ସେ ନିର୍ବାଚନ ଲଢ଼ିଥିଲେ ।

ପିଏମ୍ ମୋଦି ତାଙ୍କ ସହ ଆଲୋଚନା କରିବା ବେଳେ ରହିଥିଲେ ଯେ, ଆପଣ ଆପଣଙ୍କ ଜୀବନର ୧୦୦ ବର୍ଷ ଦେଖିଛନ୍ତି । ଏହି ସଙ୍କଟ ସମୟରେ ଆପଣଙ୍କ ଆଶୀର୍ବାଦ ନେବା ପାଇଁ ଆଶା କରୁଛି । ଏହା ସହିତ ମୋଦି କହିଲେ ଯେ, ଆପଣଙ୍କ ପାଖରୁ ଯାହା କିଛି ସିଖିଛି ତାହା କାମରେ ଆସୁ । ଏତିକି ହି ମୋର କାମନା । ଅନ୍ୟପଟେ ପୂର୍ବ ବିଧାୟକ ନାରାୟଣ ମୋଦିଙ୍କୁ କହିଲେ ଯେ, ଆପଣ ସୁସ୍ଥ ରୁହନ୍ତୁ ଏବଂ ଦେଶର ନେତୃତ୍ୱ କରନ୍ତୁ ।

ଶୀକର- ଲକଡାଇନ କାରଣରୁ ଫସି ରହିଥିବା ଶ୍ରମିକ ମାନେ ନିଜ ପରିଶ୍ରମରେ ଏକ ସ୍କୁଲ ଘରକୁ ସୁନ୍ଦର ଭାବରେ ରଙ୍ଗ ଦେଇ ସଜାଇଛନ୍ତି । ଏଭଳି ପରିସ୍ଥିତିରେ ଏହି କାର୍ଯ୍ୟ ଏକ ସକାରାତ୍ମକ ଭାବନାକୁ ସୃଷ୍ଟି ଦେଇଥାଏ । ଏହି ଶ୍ରମିକ ମାନେ କରୋନା ଭାଇରସ ଯୋଗୁଁ ଜାରି ହୋଇଥିବା ଲକଡାଉନରେ ରାଜସ୍ଥାନର ଶୀକର ଜିଲ୍ଲାରେ ଫସି ରହିଥିଲେ । ଏହି ସମସ୍ତ ଶ୍ରମିକଙ୍କୁ ଜିଲ୍ଲାର ରାଷ୍ଟ୍ରିୟ ରାଜମାର୍ଗ ରେ ଥିବା କସବେ ପଲସାନାର ସରକାରୀ ସ୍କୁଲରେ ପ୍ରସ୍ତୁତ କରାଯାଇଥିବା କ୍ୱାରେଣ୍ଟାଇନ ସେଣ୍ଟରରେ ରହିବାର ବ୍ୟବସ୍ଥା କରାଯାଇଛି । କ୍ୱାରେଣ୍ଟାଟାଇନ ରହିବା ସମୟରେ ଏହି ଶ୍ରମିକ ମାନେ ଏକ ସକାରତ୍ମକ ଭାବନା ସୃଷ୍ଟି କରିଛନ୍ତି । ଏଠାରେ ରହୁଥିବା ଶ୍ରମିକ ମାନେ ସ୍କୁଲର ନକ୍ସା ହି ପରିବର୍ତ୍ତନ କରିଦେଇଛନ୍ତି । ସ୍କୁଲରେ ରହୁଥିବ ଶ୍ରମିକ ମାନେ ଖାଲି ସମୟରେ ସ୍କୁଲକୁ ରଙ୍ଗ ଦେବାର ଦାୟିତ୍ୱ ନେଇଛନ୍ତି ଏବଂ ଏହା ଅନ୍ୟ ମାନଙ୍କ ପାଇଁ ଉଦାହରଣ ମଧ୍ୟ ପାଲଟିଛନ୍ତି ।

Migrant labor were kept in #corona #quarantine in a school in #Sikar, the school hadn't seen a fresh coat of paint in decades, they offered to help, they painted the entire school, this was their way of giving back to the society, the school; this is inspiring, really inspiring ! pic.twitter.com/XRaU0Xdp1j

— Ramandeep Singh Mann (@ramanmann1974) April 22, 2020

ସହିଦ ସୀତାରାମ କୁମାୱାଟ ଏବଂ ପାଲସାନା ସହରର ସେଠ୍ କେ.ଏଲ୍ ତାମ୍ବି ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ହରିୟାଣା, ରାଜସ୍ଥାନ, ମଧ୍ୟପ୍ରଦେଶ, ଉତ୍ତରପ୍ରଦେଶର 54 ଜଣ ଶ୍ରମିକ ରହୁଛନ୍ତି । ଏହି ସମସ୍ତ ବ୍ୟକ୍ତି ସମ୍ପୂର୍ଣ୍ଣ ସୁସ୍ଥ ଏବଂ ସେମାନଙ୍କର କ୍ୱାରେଣ୍ଟାଇନ ଅବଧି ମଧ୍ୟ ସମାପ୍ତ ହୋଇଛି | କେନ୍ଦ୍ରରେ ଅବସ୍ଥାପିତ ଶ୍ରମିକମାନେ କହିଛନ୍ତି ଯେ କ୍ୱାରେଣ୍ଟାଇନ ସମୟରେ ସରପଞ୍ଚ ଏବଂ ଗ୍ରାମ ଦାତା ସେମାନଙ୍କ ରହିବା ପାଇଁ ବହୁତ ଭଲ ବ୍ୟବସ୍ଥା କରିଥିଲେ। ଏହି ବ୍ୟବସ୍ଥାରେ ସେମାନେ ଏତେ ଖୁସି ଥିଲେ ଯେ ଏହାର ପ୍ରତିବଦଳରେ ସେ ଗାଁ ପାଇଁ କିଛି କରିବାକୁ ଚାହୁଁଥିଲେ ଏବଂ ଏହି ଚିନ୍ତାଧାରାରେ ସେ ବିଦ୍ୟାଳୟକୁ ରଙ୍ଗ ଦେବା କାମ ଆରମ୍ଭ କରିଥିଲେ।

ଶୁକ୍ରବାର ଦିନ ଶ୍ରମିକ ମାନେ ସରପଞ୍ଚଙ୍କଠାରୁ ରଙ୍ଗ ସାମଗ୍ରୀ ଆଣିବାକୁ ଅନୁରୋଧ କରିଥିଲେ। ସରପଞ୍ଚ ଏବଂ ବିଦ୍ୟାଳୟର କର୍ମଚାରୀଙ୍କ ତରଫରୁ ସାମଗ୍ରୀ ଯୋଗାଇବା ପରେ ଶ୍ରମିକମାନେ ବିଦ୍ୟାଳୟକୁ ରଙ୍ଗ କରିଥିଲେ ଏବଂ ବିଦ୍ୟାଳୟକୁ ଉଜ୍ଜ୍ୱଳ କରିଥିଲେ ଯାହାକୁ ଦେଖି ପ୍ରଶାସନ ତରଫରୁ ଖୁବ ପ୍ରଶଂସା କରାଯାଇଥିଲା । ନିକଟରେ କ୍ୟାମ୍ପ ଯାଞ୍ଚ କରିବାକୁ ଆସିଥିବା ଜିଲ୍ଲା ଆଇନ ସେବା ପ୍ରାଧିକରଣର ସଚିବ ଜଗତ ସିଂ ପାନୱାର ମଧ୍ୟ କ୍ୱାରେଣ୍ଟାଇନ ସେଣ୍ଟର ଅର୍ଥାତ୍ ବିଦ୍ୟାଳୟ ଦେଖି ପ୍ରଭାବିତ ହୋଇଥିଲେ। ସେ ମଧ୍ୟ ସେଣ୍ଟରରେ ରହୁଥିବା ଲୋକଙ୍କ ସହ ଦୀର୍ଘ ସମୟ ଧରି ଆଲୋଚନା କରିଥିଲେ।

ଶ୍ରମିକମାନଙ୍କ ମତାମତ ଶୁଣି ପାନୱାର ସେମାନଙ୍କୁ ପ୍ରଶଂସା କରି କହିଥିଲେ ଯେ, ସେମାନଙ୍କର କାର୍ଯ୍ୟ ଅନ୍ୟ ସେଣ୍ଟର ଗୁଡ଼ିକ ପାଇଁ ଏକ ‘ଆଦର୍ଶ’ ଅଟେ। ପଲସାନାର ସରପଞ୍ଚ ରୂପ ସିଂ ଶେଖାୱତ କହିଛନ୍ତି ଯେ ଶ୍ରମିକମାନଙ୍କ ଆଚରଣରେ ପୁରା ଗାଁ ଖୁବ ପ୍ରଭାବିତ ହୋଇଛି। ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ପାଲସାନା ରାଜେନ୍ଦ୍ର ମୀନା କହିଛନ୍ତି ଯେ ଗତ ନଅ ବର୍ଷ ଧରି ବିଦ୍ୟାଳୟରେ କୌଣସି ରଙ୍ଗର କାମ ହୋଇ ନଥିଲା। ରଙ୍ଗର ସାମଗ୍ରୀ ଆଣିବା ପାଇଁ ସମସ୍ତ ଶିକ୍ଷକ ମଧ୍ୟ ଆର୍ଥିକ ସହଯୋଗ କରିଥିଲେ | ଅଧିକ ପ୍ରଶଂସନୀୟ ବିଷୟ ହେଉଛି ଯେ ଏଠାରେ ରହୁଥିବା ଶ୍ରମିକମାନେ ବିଦ୍ୟାଳୟକୁ ରଙ୍ଗ କରିବା ପାଇଁ କୌଣସି ମଜୁରୀ ମଧ୍ୟ ନେଇ ନଥିଲେ।

ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ ରାଜସ୍ଥାନରେ ୧,୬୫୯ ଲୋକ କରୋନା ଜୀବାଣୁ ସଂକ୍ରମିତ ହୋଇଛନ୍ତି ଏବଂ ଏହି ରାଜ୍ୟ ଦେଶର ସବୁଠାରୁ ଅଧିକ ପ୍ରଭାବିତ ରାଜ୍ୟମାନଙ୍କ ମଧ୍ୟରେ ରହିଛି।

ନ୍ୟୁୟର୍କ: ସମଗ୍ର ବିଶ୍ୱ କରୋନା ପାଇଁ ଚିନ୍ତାରେ । ଏହାର କୌଣସି ଚିକିତ୍ସା ବାହାରି ପାରିନଥିବାରୁ ସମସ୍ତେ ଚିନ୍ତାରେ । କୋରନା କାରଣୁ  ଆମେରିକା ଏକ ପ୍ରକାର ସ୍ତବ୍ଧ ହୋଇଯାଇଛି ।  କରୋନା ଭୟାବହତାକୁ ସାମ୍ନା କରିବାକୁ ଯାଇ ଆମେରିକା ଭାରତଠାରୁ ସାହାଯ୍ୟ ଲୋଡିଥିଲା । କେବଳ ସେତିକି ନୁହେଁ ଭାରତ ସାହାଯ୍ୟ ନକଲେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଧମକପୂର୍ଣ୍ଣ ଶବ୍ଦର ମଧ୍ୟ ବ୍ୟବହାର କରିଥିଲେ । ଏକ ଔଷଧ ତିଆରି ପାଇଁ ହାଇଡ୍ରୋକ୍ସିକ୍ଲୋରୋକ୍ୱିନର ଆବଶ୍ୟକ ଥିଲା ଯାହା ଭାରତରୁ ଦିଆଯାଇଛି । ବର୍ତ୍ତମାନ ଆମେରିକର ଏକ ନୂତନ ଅଧ୍ୟୟନରୁ ଏକ ଆଶ୍ଚର୍ଯ୍ୟପୂର୍ଣ୍ଣ ଘଟଣା ସାମ୍ନାକୁ ଆସିଛି । ଯେଉଁଥିରେ କୁହାଯାଇଛି ଯେ ହାଇଡ୍ରୋକ୍ସିକ୍ଲୋରୋକ୍ୱିନ୍ ଗ୍ରହଣ କରୁଥିବା ରୋଗୀମାନେ ସାଧାରଣ ଚିକିତ୍ସା ଅପେକ୍ଷା ଅଧିକ ପ୍ରଭାବିତ ହୋଇ ପ୍ରାଣ ହରାଉଛନ୍ତି ।

ଆମେରିକାର ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ହେଲଥ୍ (NIH) ଏବଂ ଭର୍ଜିନିଆ ବିଶ୍ୱବିଦ୍ୟାଳୟର ଅନୁସନ୍ଧାନକାରୀମାନେ ଜାଣିବାକୁ ପାଇଛନ୍ତି ଯେ ସାଧାରଣ ପଦ୍ଧତିରେ ଚିକିତ୍ସିତ ହେଉଥିବା କରୋନା ରୋଗୀଙ୍କ ମୃତ୍ୟୁ ହେବାର ସମ୍ଭାବନା କମ୍ । ହାଇଡ୍ରୋକ୍ସିଚ୍ଲୋରୋକ୍ୱିନ୍ ବ୍ୟବହାର ଦ୍ୱାରା ଅଧିକ ରୋଗୀମାନଙ୍କର ମୃତ୍ୟୁ ହେଉଛି । ହାଇଡ୍ରୋକ୍ସିକ୍ଲୋରୋକ୍ୱିନ୍ ଔଷଧ ଯୋଗୁଁ ପ୍ରାୟ ୨୮ ପ୍ରତିଶତ କରୋନା ରୋଗୀ ମୃତ୍ୟୁ ବରଣ କରୁଛନ୍ତି । ଯେତେବେଳେ କି, ସାଧାରଣ ପଦ୍ଧତିରେ ଚିକିତ୍ସା କରାଗଲେ କେବଳ ୧୧ ପ୍ରତିଶତ ରୋଗୀ ପ୍ରାଣ ହରାଉଛନ୍ତି।

ଏହି ଅଧ୍ୟୟନ ଦ୍ୱାରା ପ୍ରକାଶିତ ରିପୋର୍ଟରେ ସ୍ପଷ୍ଟ ଭାବରେ ଦର୍ଶାଯାଇଛି ଯେ, କରୋନା ରୋଗୀଙ୍କୁ କେବଳ ହାଇଡ୍ରୋକ୍ସିକ୍ଲୋରୋକ୍ୱିନ୍ ଔଷଧ କିମ୍ବା ଆଜିଥ୍ରୋମାଇସିନ୍ ସହିତ ମିଶାଇ ଦିଆଯାଉ ସବୁ ପ୍ରକ୍ରିୟାରେ ରୋଗୀର ସୁସ୍ଥ ହେବାର ସମ୍ଭାବନା କମ୍ । ଏବଂ ଏଠାରେ ତାଙ୍କ ଅବସ୍ଥା ଖରାପ ହୋଇ ମୃତ୍ୟୁ ହେବାର ସମ୍ଭାବନା ରହିଛି।

NIH ଏବଂ ଭର୍ଜିନିଆ ବିଶ୍ୱବିଦ୍ୟାଳୟର ବୈଜ୍ଞାନିକ ଦଳ ୩୬୮କରୋନା ରୋଗୀଙ୍କ ଚିକିତ୍ସା ଉପରେ ଯାଞ୍ଚ କରିଥିଲେ । ଏହି ରୋଗୀଙ୍କ ମଧ୍ୟରୁ ଅନେକଙ୍କ ମୃତ୍ୟୁ ହୋଇଛି ଏବଂ କିଛି ଆରୋଗ୍ୟ ହୋଇ ଡାକ୍ତରଖାନାରୁ ଡିସଚାର୍ଜ ହୋଇଛନ୍ତି ।

ତେବେ ଏହି ଅନୁସନ୍ଧାନରୁ ଜଣାପଡିଛି ଯେ, ୯୭ଜଣ କରୋନା ରୋଗୀଙ୍କୁ ହାଇଡ୍ରୋକ୍ସିକ୍ଲୋରୋକ୍ୱିନ୍ ଦିଆଯାଇଥିଲା । ୧୧୩ ରୋଗୀଙ୍କୁ ହାଇଡ୍ରୋକ୍ସିକ୍ଲୋରୋକ୍ୱିନ୍ ସହିତ ଆଜିଥ୍ରୋମାଇସିନ୍ ଦିଆଯାଇଥିଲା । ଏବଂ ୧୫୮ ରୋଗୀ ଜଣଙ୍କୁ ସାଧାରଣ ଢଙ୍ଗରେ ଚିକିତ୍ସା କରାଯାଇଥିଲା। ସେମାନଙ୍କୁ ହାଇଡ୍ରୋକ୍ସିକ୍ଲୋରୋକ୍ୱିନ୍ ଦିଆଯାଇନଥିଲା ।

ହାଇଡ୍ରୋକ୍ସିକ୍ଲୋରୋକ୍ୱିନ୍ ଦିଆଯାଇଥିବା ୯୭ ରୋଗୀଙ୍କ ମଧ୍ୟରୁ ୨୭.୮% ମୃତ୍ୟୁ ବରଣ କରିଛନ୍ତି । ହାଇଡ୍ରୋକ୍ସିକ୍ଲୋରୋକ୍ୱିନ୍ ସହିତ ଆଜିଥ୍ରୋମାଇସିନ୍ ଔଷଧ ଦିଆଯାଇଥିବା ୧୧୩ ରୋଗୀଙ୍କ ମଧ୍ୟରୁ ୨୨.୧% ମୃତ୍ୟୁ ବରଣ କରିଛନ୍ତି । ଏବଂ ୧୫୮ ରୋଗୀଙ୍କ କ୍ଷେତ୍ରରେ ଯେଉଁମାନେ ହାଇଡ୍ରୋକ୍ସିକ୍ଲୋରୋକ୍ୱିନ୍ ଦିଆଯାଇନଥିଲା, ସେମାନଙ୍କ ମଧ୍ୟରୁ କେବଳ ୧୧.୪% ମୃତ୍ୟୁବରଣ କରିଥିଲେ ।

ଏହି ଅଧ୍ୟୟନ ରିପୋର୍ଟରୁ ଏହା ସ୍ପଷ୍ଟ ମନେହୁଏ ଯେ, ମ୍ୟାଲେରିଆ ପାଇଁ ବ୍ୟବହୃତ ଔଷଧ ହାଇଡ୍ରୋକ୍ସିକ୍ଲୋରୋକ୍ୱିନ୍ ପାଇଁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଯେପରି ଲବି କରିଥିଲେ ସେତିକି ତାହା ଆମେରିକାରେ ସେତିକି ପ୍ରଭାବଶାଳୀ ହୋଇପାରିନାହିଁ ।

କେବଳ ଆମେରିକାରେ ଡାକ୍ତରମାନେ ଏହି ଔଷଧର ବ୍ୟବହାରକୁ ଏଡାଉ ନାହାଁନ୍ତି ବ୍ରାଜିଲରେ ମଧ୍ୟ ଡାକ୍ତରମାନେ କରୋନା ରୋଗୀଙ୍କ ଉପରେ ହାଇଡ୍ରୋକ୍ସିକ୍ଲୋରୋକ୍ୱିନ୍ ଔଷଧ ବ୍ୟବହାର କରିବାକୁ ମନା କରି ଦେଇଛନ୍ତି । କାରଣ ଔଷଧ ଦେବା ମାତ୍ରେ ହୃଦୟ ଏବଂ ଶ୍ୱାସକ୍ରିୟାରେ ସମସ୍ୟା ବଢିଯାଉଛି ।

ଯଦି ରୋଗୀ ପୂର୍ବରୁ ହୃଦ୍ ରୋଗ କିମ୍ବା ଶ୍ୱାସକ୍ରିୟା ରୋଗ ସହ ସଂଘର୍ଷ କରୁଛନ୍ତି, ସେମାନଙ୍କ ପାଇଁ ହାଇଡ୍ରୋକ୍ସିକ୍ଲୋରୋକ୍ୱିନର ଔଷଧ ଘାତକ ପ୍ରମାଣିତ ହେଉଛି । ଯୁକ୍ତରାଷ୍ଟ୍ରରେ, ହାଇଡ୍ରୋକ୍ସିକ୍ଲୋରୋକ୍ୱିନ୍ ଏବଂ ଆଜିଥ୍ରୋମାଇସିନ୍ ସମ୍ବନ୍ଧରେ ଡାକ୍ତରଙ୍କ ପାଇଁ NIH ନୂତନ ନିର୍ଦ୍ଦେଶାବଳୀ ପ୍ରକାଶ କରିଛି । ଯେଉଁଥିରେ ଏହାକୁ ବ୍ୟବହାର ନକରିବାକୁ ପରାମର୍ଶ ଦିଆଯାଇଛି ।  ନ୍ୟୁୟର୍କ ଟାଇମ୍ସ ଅନୁଯାୟୀ, ଯଦି ହାଇଡ୍ରୋକ୍ସିକ୍ଲୋରୋକ୍ୱିନ୍ ସାରା ବିଶ୍ୱରେ କରୋନା ଚିକିତ୍ସା କରିବାକୁ ଅନୁମତି ଦିଆଯାଏ, ତେବେ ଏହି ଔଷଧ ତିଆରି କରୁଥିବା କମ୍ପାନୀଗୁଡିକ ପାଇଁ ଏହା ଖୁବ୍ ଲାଭଦାୟକ ହେବ । ଏପରି ଏକ କମ୍ପାନୀରେ ଡୋନାଲ୍ଡ ଟ୍ରମ୍ପଙ୍କର ସେୟାର ରହିଛି । ଆହୁରି ମଧ୍ୟ, ସେହି କମ୍ପାନୀର ବରିଷ୍ଠ ଅଧିକାରୀମାନଙ୍କ ସହିତ ଡୋନାଲ୍ଡ ଟ୍ରମ୍ପଙ୍କର ଗଭୀର ସମ୍ପର୍କ ମଧ୍ୟ ଅଛି ।