ଭୁବନେଶ୍ୱର: ଆସନ୍ତା୨୪ ତାରିଖରୁ ରାଜ୍ୟରେ ଘଡ଼ଘଡ଼ି ସହ ବର୍ଷା ହେବାର ସମ୍ଭାବନା । ପଶ୍ଚିମ, ଉତ୍ତର ଏବଂ ଆଭ୍ୟନ୍ତରୀଣ ଓଡ଼ିଶାରେ ବର୍ଷା ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

୨୪ ତାରିଖରେ ଝାରସୁଗୁଡା, ସମ୍ବଲପୁର, ସୁନ୍ଦରଗଡ଼, ଦେବଗଡ଼, କେନ୍ଦୁଝର, ମୟୂରଭଞ୍ଜ, ଅନୁଗୁଳ, ଢେଙ୍କାନାଳ ଏବଂ ନୟାଗଡ଼ ରେ ବର୍ଷା ବର୍ଷା ସମ୍ଭାବନା ରହିଛି । ଏହି ଜିଲ୍ଲା ଗୁଡିକୁ ୟେଲୋ ଆର୍ଲଟ ଜାରିକରାଯାଇଛି ।

୨୫ ତାରିଖରେ କଟକ, ଢେଙ୍କାନାଳ, ଜଗତସିଂହପୁର, କେନ୍ଦ୍ରାପଡ଼ା, ଯାଜପୁର, ଭଦ୍ରକ, ପୁରୀ, ମୟୂରଭଞ୍ଜ, କେନ୍ଦୁଝର, ଅନୁଗୁଳ, ବୌଦ୍ଧ, କନ୍ଧମାଳ ସମେତ ଆଭ୍ୟନ୍ତରୀଣ ଓଡ଼ିଶାର ଘଡ଼ଘଡ଼ି ସହ ପ୍ରବଳ ବର୍ଷା ହେବ ।

ବର୍ଷାକୁ ଦୃଷ୍ଟିରେ ରଖି ଦୁଇ ଦିନ ୟେଲୋ ଆର୍ଲଟ ଜାରି କରାଯାଇଛି । ଓ୍ୱେଷ୍ଟର୍ଣ୍ଣ ଡିଷ୍ଟର୍ବାନ୍ସର ପ୍ରଭାବରେ ୨୩ ରୁ ପାଗରେ ପରିବର୍ତ୍ତନ ହେବ । ସାରା ରାଜ୍ୟରେ ମେଘୁଆ ପାଗ ଲାଗି ରହିବ ।

ମାଲକାନଗିରି: ଗୁରୁପ୍ରିୟା ସେତୁ ଓ ଯୋଡାଆମ୍ବକୁ ରାସ୍ତା ଫିଟିବା ପରେ ସ୍ୱାଭିମାନ ଅଞ୍ଚଳ ଛାଡି ଏବେ ବଣ୍ଡାଘାଟି ମୁହାଁ ମାଓବାଦୀ। ବଣ୍ଡାଘାଟିରେ କରୁଛନ୍ତି ପ୍ରଜାମେଳି। ସରକାରଙ୍କ ବିରୋଧରେ  ନକ୍ସଲ ସଂଗଠନ ସହ ମିଶିବାକୁ ଲୋକଙ୍କୁ କରୁଛନ୍ତି ଆହ୍ୱାନ ।

ଗୁରୁପ୍ରିୟା ସେତୁ ଓ ଯୋଡାଆମ୍ବକୁ ରାସ୍ତା ଫିଟିବା ପରେ ଲାଲବାହିନୀ ଙ୍କ ଯେଉଁ ଗଡ଼ ଥିଲା ତାହା ଏବେ ପ୍ରାୟ ଲୀନ ହେବାକୁ ବସିଲାଣି। କିଛି ଦିନ ତଳେ ମାଓବାଦୀଙ୍କୁ ସାଧାରଣ ଲୋକେ ବିରୋଧ କରିବାରୁ ଏବେ ସ୍ୱାଭିମାନ ଅଞ୍ଚଳ ଛାଡି ବଣ୍ଡାଘାଟି ମୁହାଁ ହେଇଛନ୍ତି ମାଓବାଦୀ। କିଛି ଦିନ ତଳେ ବଣ୍ଡାଘାଟିରେ ପୋଲିସ ମାଓବାଦୀ ମଧ୍ୟରେ ଗୁଳିବିନିମୟ ହୋଇଥିଲା ଯେଉଁଥିରେ କି ମାଓବାଦୀ ମାନେ ଚମ୍ପଟ ମାରିଥିବା ବେଳେ କିଛି ମାଓ ସାମଗ୍ରୀ ପୋଲିସ ଜବତ କରିଥିଲା।

କେନ୍ଦୁଝର: ରୋଗୀ ବସ୍‌ରେ ଯାଉଥିଲେ । ରୋଗୀଙ୍କ ଯନ୍ତ୍ରଣା ବଢ଼ିବା ଦେଖି ବସ୍‌ବାଲା ଅଧାବାଟରୁ ଓହ୍ଲାଇ ଦେଲେ । ରାସ୍ତାକଡ଼ରେ ଛଟପଟ ହୋଇ ଚାଲିଗଲା ଜୀବନ । ସମସ୍ତଙ୍କ ଆଖି ଆଗରେ ଦୁଃଖଦ ଘଟଣା ଘଟିଲା, କିନ୍ତୁ କେହି ସାହା ହେଲେନି ।

କେନ୍ଦୁଝର ଜିଲ୍ଲା ବରଦାପାଳ ଗାଁ ନିକଟରେ ଏହି ଦୁଃଖଦାୟକ ଘଟଣା ଘଟିଛି । ଉପର କୁସୁମିତା ଗାଁର କୁନି ପ୍ରଧାନ ଅସୁସ୍ଥ ଥିବାରୁ ତାଙ୍କୁ ତାଙ୍କ ସ୍ୱାମୀ ଦିଲ୍ଲୀପ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଦେଖାଇ ବସ୍‌ରେ ଘରକୁ ଫେରୁଥିଲେ । ଯନ୍ତ୍ରଣା ବଢ଼ିବାରୁ ବସ୍‌ବାଲା ତାଙ୍କୁ ଅଧାବାଟରେ ଓହ୍ଲାଇ ଦେଇଥିଲେ ।

ରାସ୍ତାକଡ଼ରେ ସ୍ତ୍ରୀଙ୍କୁ ଧରି ସ୍ୱାମୀ ସାହାଯ୍ୟ ମାଗୁଥିଲେ; କିନ୍ତୁ କେହି ଶୁଣି ନଥିଲେ । ଫୋନ୍‌ କଲେ ବି ଆମ୍ବୁଲାନ୍‌ସ ଆସି ନଥିଲା । ଦିଲ୍ଲୀପ କୈାଣସିମତେ ଏକ ଅଟୋ ଯୋଗାଡ଼ କରି ସ୍ତ୍ରୀ କୁନିଙ୍କୁ ବରଦାପାଳ ଡାକ୍ତରଖାନାକୁ ନେଇଥିଲେ । କିନ୍ତୁ ସେତେବେଳକୁ ସବୁ ସରିଯାଇଥିଲା । ଡାକ୍ତର କୁନିଙ୍କୁ ମୃତ ଘୋଷଣା କରିଥିଲେ ।

ଭୁବନେଶ୍ୱର: ୩୩ଟି ସଂଗଠନିକ ଜିଲ୍ଲାର ସଭାପତି ନେଇ ବିଜୁ ଜନତା ଦଳ ପକ୍ଷରୁ ନାମ ଘୋଷଣା । ୩୩ ଜିଲ୍ଲା ସଭାପତିଙ୍କ ନାମ ଘୋଷଣା କଲେ ବିଜେଡି ରିଟର୍ଣିଂ ଅଫିସର ପ୍ରତାପ କେଶରୀ ଦେବ । ନୂଆ ସଭାପତିଙ୍କ ତାଲିକାରେ ୧୯ ନୂଆ ମୁହଁ ରହିଥିବା ବେଳେ ୧୪ ଜଣ ପୁରୁଣା ସଭାପତି ରହିଛି । ପ୍ରଥମଥର ଲାଗି ମୟୂରଭଞ୍ଜରେ ୨ ଜଣଙ୍କୁ ସଭପତି ଦାୟିତ୍ୱ ଦିଆଯାଇଛି । ଆସନ୍ତା ୨୩ ତାରିଖରେ ବିଜେଡି ସଭାପତି ପଦ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନାମାଙ୍କନ କରିବେ । ୨୬ରେ ଦଳର ନିର୍ବାଚନ ପ୍ରକ୍ରିୟା ଶେଷ ହେବ ।

ଅନୁଗୁଳ: ମହେନ୍ଦ୍ର ବସ୍ତିଆ

ବାଲେଶ୍ୱର: ରବୀନ୍ଦ୍ର କୁମାର ଜେନା

ବରଗଡ଼: ବିଜୟ ରଞ୍ଜନ ସିଂହବରିହା

ଭଦ୍ରକ: ଜଗନ୍ନାଥ ସ୍ୱାଇଁ

ଭୁବନେଶ୍ୱର: ଅନନ୍ତ ନାରାୟଣ ଜେନା

ବଲାଙ୍ଗୀର: ଟୁକୁନି ସାହୁ

ବୌଦ୍ଧ: ମହିଧର ରଣା

କଟକ: ଦେବାଶିଷ ସାମନ୍ତରାୟ

ଦେଓଗଡ଼: ରୋମାଞ୍ଚ ରଞ୍ଜନ ବିଶ୍ୱାଳ

ଢ଼େଙ୍କାନାଳ: ପ୍ରଫୁଲ୍ଲ ମଲ୍ଲିକ

ଗଜପତି: ପ୍ରଦୀପ ନାୟକ

ଗଞ୍ଜାମ: ରମେଶ ଚନ୍ଦ୍ର ଚ୍ୟାଉପଟ୍ଟନାୟକ

ଜଗତସିଂହପୁର: ପ୍ରଶାନ୍ତ ମୁଦୁଲି

ଯାଜପୁର: ସରୋଜ ମହାପାତ୍ର

ଝାରସୁଗୁଡ଼ା: କିଶୋର ମହାନ୍ତି

କଳାହାଣ୍ଡି: ପୁଷ୍ପେନ୍ଦ୍ର ସିଂହଦେଓ

କନ୍ଧମାଳ: ସରୋଜ କୁମାର କର୍ଣ୍ଣ

କେନ୍ଦ୍ରାପଡ଼ା: ଉତ୍କଳ କେଶରୀ ପରିଡ଼ା

କେନ୍ଦୁଝର: ମାଧବ ସର୍ଦ୍ଦାର

ଖୋର୍ଦ୍ଧା: ବିଭୂତି ଭୂଷଣ ବଳବନ୍ତରାୟ

କୋରାପୁଟ: ଇଶ୍ୱର ପାଣିଗ୍ରାହୀ

ମାଲକାନଗିରି: ପୂର୍ଣ୍ଣଚନ୍ଦ୍ର ବାକା

ମୟୂରଭଞ୍ଜ ସଦର: ସୁଦାମ ମାର୍ଣ୍ଡି

ମୟୂରଭଞ୍ଜ: କଶୀନାଥ ହେମ୍ୱ୍ରମ୍

ନୟାଗଡ଼: ରମେଶ ବେହେରା

ନବରଙ୍ଗପୁର: ରମେଶ ଚନ୍ଦ୍ର ମାଝି

ନୂଆପଡ଼ା: ମନୋଜ ମିଶ୍ର

ପୁରୀ: ମହେଶ୍ୱର ମହାନ୍ତି

ରାୟଗଡ଼ା: ସୁଧିର ଦାଶ

ରାଉରକେଲା: ଶାରଦା ପ୍ରସାଦ ନାୟକ

ସମ୍ୱଲପୁର: ସିର୍ଦ୍ଧାଥ ଦାସ

ସୁବର୍ଣ୍ଣପୁର: ସରୋଜ କାମ୍ପ

ସୁନ୍ଦରଗଡ଼: ବିନୟ ଟପ୍ପୋ

ଭୁବନେଶ୍ୱର: ଭୁବନେଶ୍ୱର ମହାନଗର ନିଗମ-ବିଏମ୍‌ସିର ନିଆରା ପଦକ୍ଷେପ । ପୋଷ୍ଟରମୁକ୍ତ ହେବ ସ୍ମାର୍ଟସିଟି ଭୁବନେଶ୍ୱର । ଏଣିକି ପାଚେରିରେ କେହି ପୋଷ୍ଟର ଲଗାଇଲେ ତାଙ୍କଠାରୁ ଜରିମାନା ଆଦାୟ କରାଯିବ । ପ୍ରଥମ ପର୍ଯ୍ୟାୟରେ ସରକାରୀ ପାଚେରିକୁ ପୋଷ୍ଟରମୁକ୍ତ କରାଯିବ ।

ସ୍ମାର୍ଟସିଟିର ସୌନ୍ଦର୍ଯ୍ୟ ବୃଦ୍ଧିରେ ପୋଷ୍ଟର ବାଧା ସୃଷ୍ଟି କରୁଛି । ପୋଷ୍ଟର ଲଗାଇଥିବା ୧୫ଟି ସଂସ୍ଥାକୁ ଏହା ମଧ୍ୟରେ ବିଏମ୍‌ସି ପକ୍ଷରୁ ନୋଟିସ ଜାରି କରାଯାଇଛି ।  ପୋଷ୍ଟରର ବିକଳ୍ପ ଭାବେ ଏଲ୍‌ଇଡି ଲଗାଯିବ । ଭୁବନେଶ୍ୱରର କେବଳ କିଛି ନିର୍ଦ୍ଦିଷ୍ଟ ସ୍ଥାନରେ ପୋଷ୍ଟର ଲଗାଯାଇପାରିବ । ବିଏମ୍‌ସି କମିଶନର ପ୍ରେମଚନ୍ଦ୍ର ଚୌଧରୀ ଏହି ସୂଚନା ଦେଇଛନ୍ତି ।