ଭୁବନେଶ୍ୱର: ବ୍ରାଣ୍ଡ ଅଫ୍ ଓଡ଼ିଶା ପ୍ରାଇଡ୍ ଅଫ୍ ଇଣ୍ଡିଆର ତୃତୀୟ ସଂସ୍କରଣ ଅନୁଷ୍ଠିତ ହୋଇଯାଇଛି ।
ଏଥିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେଇଥିଲେ । ଉଦ୍ୟୋଗୀଙ୍କୁ ସଫଳତାର ମନ୍ତ୍ର ଦେଇଛନ୍ତି ମୁଖ୍ୟମନ୍ତ୍ରୀ ।
ରାଜ୍ୟ ତଥା ଦେଶର ପ୍ରତିଷ୍ଠା ପଛରେ ଶ୍ରେଷ୍ଠ ବ୍ରାଣ୍ଡର ଅବଦାନ ଥିବା ମୁଖ୍ୟମନ୍ତ୍ରୀ କହିଥିଲେ । କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଓଡ଼ିଶାର ଶିଳ୍ପମନ୍ତ୍ରୀ ଦିବ୍ୟଶଙ୍କର ମିଶ୍ର ପ୍ରମୁଖ ଯୋଗଦେଇଥିଲେ । ଏହି ଅବସରରେ ୫ଟି ବର୍ଗରେ ୧୫ ଜଣ ଶିଳ୍ପପତିଙ୍କୁ ସମ୍ମାନିତ କରାଯାଇଛି ।
ଆମେରିକାର ଡ୍ରୋନ୍ ଆକ୍ରମଣରେ ପ୍ରାଣ ହରାଇଛନ୍ତି ଇରାନ୍ର ଟପ୍ କମାଣ୍ଡର ଜେନେରାଲ୍ କାସିମ୍ ମୁସେଲିନୀ । ଏହାପରେ ଇରାନ୍ ଓ ଆମେରିକା ମଧ୍ୟରେ ବଢ଼ିଯାଇଛି ତିକ୍ତତା । ଇରାକ୍ସ୍ଥିତି ଆମେରିକାର ଏୟାରବେସ୍ ଉପରେ ବହୁବାର ଆକ୍ରମଣ କରିଛି ଇରାନ୍ । ଏଥିରେ ଆମେରିକାର କୌଣସି ସେନା ମୃତାହାତ ହୋଇନଥିବା କହିଛି ଆମେରିକା । ତେବେ ଇରାନ୍ର ବାରମ୍ୱାର ଆକ୍ରମଣ ପରେ ମଧ୍ୟ ଚୁପ୍ ବସିଛି ଆମେରିକା । ଯାହା ସମଗ୍ର ବିଶ୍ୱବାସୀଙ୍କୁ ଚକିତ କରିଛି ।
ବିଶେଷଜ୍ଞଙ୍କ କହିବାନୁଯାୟୀ ନିର୍ବାଚନ ବର୍ଷରେ ଆମେରିକା ଯୁଦ୍ଧକୁ ଓହ୍ଲାଇବାକୁ ଚାହୁଁନଥିବା ବେଳେ ଇରାନ୍ ଯଦି ଯୁଦ୍ଧ କରେ ତା’ହେଲେ ଇରାନ୍ର ଅର୍ଥ ବ୍ୟବସ୍ଥା ଭୁଶୁଡ଼ିଯିବ । ଅନ୍ୟ ଦେଶ ଭଳି ଆମେରିକା ନିର୍ବଚନର ପ୍ରସଂଗ ମଧ୍ୟ ପ୍ରାୟତ ସମାନ । ଦେଶର ଆର୍ଥିକ ସ୍ଥିତି, ସାମାଜିକ ଓ ବିଦେଶ ନୀତି ମତଦାତାଙ୍କୁ ପ୍ରଭାବିତ କରିଥାଏ । ଆମେରିକା ଇତିହାସ ଅନୁଯାୟୀ ଯେ କୌଣସି ଯୁଦ୍ଧର କିମ୍ୱା ବଡ଼ କାର୍ଯ୍ୟାନୁଷ୍ଠାନ ଫାଇଦ ତତ୍କାଳୀନ ରାଷ୍ଟ୍ରପତିଙ୍କୁ ମିଳିଛି ।
ଅଲ୍ କାଏଦା ମୁଖ୍ୟ ଓସାମା ବିନ୍ ଲାଦେନ୍ଙ୍କୁ ହତ୍ୟା କରାଯିବା ଯୋଗୁଁ ଏହାର ଫାଇଦା ତତ୍କାଳୀନ ରାଷ୍ଟ୍ରପତି ବାରକ୍ ଓବାମାଙ୍କୁ ମିଳିଥିଲା । ସେହିପରି ଅଫଗାନିସ୍ତାନରେ ଆମେରିକାରେ ପ୍ରବେଶ ଯୋଗୁଁ ଜଜ୍ବୁସ୍ ଜୁନିୟର୍ଙ୍କୁ ତାଙ୍କର ଦ୍ୱିତୀୟ କାର୍ଯ୍ୟକାଳରେ ଏହାର ଫାଇଦା ମିଳିଥିଲା । ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଫ୍ରେଙ୍କ୍ଲିନ୍ ଡି ରୁଜବେଲ୍ଟ ଯେଉଁଭଳି ଭାବେ ଯୁଦ୍ଧ ଲଢ଼ିଥିଲେ ତାହାକୁ ଆମେରିକୀୟ ପସନ୍ଦ କରିଥିଲେ । ଏଥିଲାଗି ସେ ଲଗାତାର ୩ଥର ଆମେରିକା ରାଷ୍ଟ୍ରପତି ନିର୍ବାଚିତ ହୋଇଥିଲେ ।
ତେବେ ଇରାନ୍ ଉପରେ ଆମେରିକାର ଆକ୍ରମଣ ଯୋଗୁଁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ କୌଣସି ବିଶେଷ ଲାଭ ମିଳିବନାହିଁ ବୋଲି ବିଶେଷଜ୍ଞ ମତ ରଖିଛନ୍ତି । ଟ୍ରମ୍ପଙ୍କ ପ୍ରତିରକ୍ଷା ନୀତି ନେଇ ଆମେରିକାର ରାଜନୀତିକ ମହଲରେ ଦ୍ୱିମତ ଦେଖାଦେଇଛି । ଡେମୋକ୍ରେଟିକ୍ ପାର୍ଟି ଟ୍ରମ୍ପଙ୍କ ନୀତିଗୁଡ଼ିକୁ ଖଣ୍ଡନ କରିବା ସହ ହାଉସ୍ ଅଫ୍ ରିପ୍ରେଜେନ୍ଟିଭ୍ରେ ଏକ ପ୍ରସ୍ତାବ ଆଗତ କରାଯାଇଛି ।
ଯାହାର ଉଦ୍ଦେଶ୍ୟ ହେଉଛି ରାଷ୍ଟ୍ରପତିଙ୍କ ଯୁଦ୍ଧ ନିର୍ଣ୍ଣୟ ଉପରେ ଅଙ୍କୁଶ ଲଗାଇବା । ନୂଆ ପ୍ରସ୍ତାବ ଅନୁଯାୟୀ ଯୁଦ୍ଧ ପାଇଁ ଟ୍ରମ୍ପଙ୍କୁ ଆମେରିକୀୟ କଂଗ୍ରେସର ଅନୁମତି ନେବାକୁ ହେବ । ଅପରପକ୍ଷରେ ଆମେରିକାର ଏଭଳି କର୍ଯ୍ୟାନୁଷ୍ଠାନକୁ ଫ୍ରାନ୍ସ ଓ ଜର୍ମାନୀ ଆଦୈ ସମର୍ଥନ କରୁନାହାନ୍ତି । ସେମାନେ ଚହାନ୍ତି ଆମେରିକ ଓ ଇରାକ୍ ମଧ୍ୟରେ ପରମାଣୁ ଚୁକ୍ତି ବଜାୟ ରହୁ । ଅପରପକ୍ଷରେ ପ୍ରତିରକ୍ଷା ମାମଲାରେ ସଚେତନ ଥିବା ଓ ଅନ୍ତର୍ଜାତୀୟ ପ୍ରସଂଗକୁ ବୁଝୁଥିବା ମତଦାତ ଟ୍ରମ୍ପଙ୍କ ବିରୋଧରେ ଯିବେ ବୋଲି ବିଶେଷଜ୍ଞ ମତ ରଖିଛନ୍ତି ।
ବୌଦ୍ଧ: ଯୁବତୀଙ୍କୁ ଦୁଷ୍କର୍ମ ଅଭିଯୋଗ । ବୌଦ୍ଧ ହରଭଙ୍ଗା ଥାନା ଖଲିସାହି ଗାଁରୁ ଆସିଛି ଅଭିଯୋଗ । ସେହି ଅଞ୍ଚଳର ଅଭିମନ୍ୟୁ କହଁର ଗତ ୮ ତାରିଖରେ ଯୁବତୀଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
୮ତାରିଖ ଦିନ ବିଳମ୍ବିତ ରାତିରେ ଘରେ କେହି ନ ଥିବା ବେଳେ ଅଭିଯୁକ୍ତ ଯୁବତୀଙ୍କୁ ଉଠାଇ ନେଇଥିଲା । ଏବଂ ସ୍କୁଲ ନିକଟ ବରଗଛ ପାଖରେ ଯୁବତୀଙ୍କୁ ମାଡ଼ ମାରିବା ସହ ଦୁଷ୍କର୍ମ କରିଥିବା ଅଭିଯୋଗ କରିଛନ୍ତି ପିଡ଼ିତାଙ୍କ ପରିବାର ଲୋକ ।
ଘଟଣାରେ ଅଭିଯୁକ୍ତର ସ୍ତ୍ରୀ ମଧ୍ୟ ତାକୁ ସହଯୋଗ କରିଥିବା ବେଳେ ଯୁବତୀଙ୍କୁ ମାଡ ମାରିଥିବା ଅଭିଯୋଗ ହୋଇଛି । ଘଟଣାରେ ପରିବାର ଲୋକ ଥାନାରେ ଅଭିଯୋଗ କରିବା ପରେ ଉଭୟଙ୍କୁ ଗିରଫ କରିଛି ହରଭଙ୍ଗା ପୋଲିସ । ତେବେ ପୂର୍ବରୁ ପୀଡିତା ଯୁବତୀ ଏକ ଘଟଣାରେ ଚର୍ଚ୍ଚାକୁ ଆସିଥିଲେ ।
ଗଞ୍ଜାମ: ଯୁବକଙ୍କୁ ହତ୍ୟା କରି ପାଳଗଦାରେ ପୋଡିଦେଲେ ଦୁର୍ବୃତ୍ତ । ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ସୁନାପଲ୍ଲୀ ଗାଁରେ ଏଭଳି ଅମାନୁଷିକ କାଣ୍ଡ ଦେଖିବାକୁ ମିଳିଛି । ମୃତ ଯ଼ୁବକଙ୍କ ପରିଚୟ ଜଣାପଡ଼ିଛି, କିନ୍ତୁ ହତ୍ୟାର କାରଣ ଓ ହତ୍ୟାକାରୀଙ୍କ ସୁରାକ୍ ମିଳିନାହିଁ । ପୂର୍ବ ଶତ୍ରୁତାରୁ ହତ୍ୟାକାଣ୍ଡ ଘଟିଥିବା ପୋଲିସ ସନ୍ଦେହ କରୁଛି ।
ସୂଚ଼ନା ମୁତାବକ ଲାଲୁଘାଇ ନିକଟରେ କେହି ଦୁର୍ବୃତ୍ତ ଯୁବକଙ୍କୁ ହତ୍ୟା କରି ପୋଡ଼ିଦେଇଛି । ସକାଳେ ଲୋକ ରକ୍ତ ପଡିଥିବା ଓ ପାଳଗଦା ଜଳୁଥିବା ଦେଖି ପୋଲିସକୁ ସୂଚନା ଦେଇଥିଲେ ।
ଅଗ୍ନିଶମ କର୍ମଚାରୀ ନିଆଁ ଲିଭାଇବା ପରେ ପୋଲିସ ଅର୍ଦ୍ଧଦଗ୍ଧ ମୃତଦେହ ଜବତ କରିଛି । ମୃତ ଯୁବକ ହେଲେ ଆଠଗଡ଼ ପାଟଣାର ସୁରେଶ ଦାସ । ଘଟଣାସ୍ଥଳରେ ପୋଲିସ ସନ୍ଧାନୀ କୁକୁର ସହ ପହଞ୍ଚି ତଦନ୍ତ ଆରମ୍ଭ କରିଛି । ପୂର୍ବ ଶତୃତାକୁ କେନ୍ଦ୍ର କରି ସୁରେଶ ଦାସଙ୍କୁ ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ଜଣାପଡିଛି । ତେବେ ଯୁବକଙ୍କୁ କିଏ ଓ କାହିଁକି ହତ୍ୟା କଲା ତାହା ସନ୍ଦେହ ଘେରରେ ରହିଛି ।
ନୂଆଦିଲ୍ଲୀ : ଜାନୁଆରୀ ୨୨ ନୁହେଁ ଫେବ୍ରୁଆରୀ ୧ ତାରିଖରେ ନିର୍ଭୟା ମାମଲାର ଦୋଷୀଙ୍କୁ ଫାଶୀ ଦିଆଯିବ । ନୂଆ ତାରିଖ ଘୋଷଣା କରିଛନ୍ତି ଦିଲ୍ଲୀର ପଟିଆଲା ହାଉସ୍ କୋର୍ଟ । ଫେବ୍ରୁଆରୀ ୧ ତାରିଖ ସକାଳ ୬ଟାରେ ତିହାର ଜେଲ୍ ପରିସରରେ ଫାଶୀ ଦିଆଯିବ ।
ନିର୍ଭୟା ଗଣଦୁଷ୍କର୍ମ ମାମଲାରେ ଦୋଷୀ ମୁକେଶ ସିଂର ରାଜକ୍ଷମା ଖାରଜ, ଗୃହମନ୍ତ୍ରାଳୟକୁ ଅବଗତ କଲା ରାଷ୍ଟ୍ରପତି ଭବନ
ଆଜି ଫ୍ରେସ୍ ଡେଥ ଓ୍ବାରେଣ୍ଟ ଜାରି କରିଛନ୍ତି ପଟିଆଲା ହାଉସ କୋର୍ଟ । ଆଜି ରାଜକ୍ଷମା ଆବେଦନ ଖାରଜ କରିଥିଲେ ରାଷ୍ଟ୍ରପତି ରାମନାଥ କୋବିନ୍ଦ । ଏ ନେଇ ରାଷ୍ଟ୍ରପତି ଭବନରୁ ଗୃହ ମନ୍ତ୍ରାଳୟକୁ ସୂଚନା ଦିଆଯିବା ପରେ କୋର୍ଟରେ ପୁନଃ ତାରିଖ ପାଇଁ ଆବେଦନ କରିଥିଲେ ତିହାର ଜେଲ୍ କର୍ତ୍ତୃପକ୍ଷ । ଏହାପରେ ନୂଆ ତାରିଖ ଓ ସମୟ ଦିଆଯାଇଛି । ପୂର୍ବରୁ ୨୨ ତାରିଖରେ ଫାଶୀ ପାଇଁ ପଟିଆଲା ହାଉସକୋର୍ଟ ଦିନ ଧାର୍ଯ୍ୟ କରିଥିଲେ । ଦୋଷୀ ମୁକେଶର ରାଜକ୍ଷମା ଆବେଦନ ପାଇଁ ବିଳମ୍ବ ହେଲା ଫାଶୀଦଣ୍ଡ ।
‘ନିର୍ଭୟା’ ରିଭ୍ୟୁ ପିଟିସନରୁ ନିଜକୁ ଦୂରେଇ ରଖିଲେ ପ୍ରଧାନ ବିଚାରପତି, ଜାଣନ୍ତୁ କାହିଁକି ?
ନୂଆଦିଲ୍ଲୀ: ବିଶ୍ୱ ଦରବାରରେ ନିଜର ପ୍ରାଧାନ୍ୟ ବିସ୍ତାର କରୁଛି ଆମାଜନ କମ୍ପାନୀ । ଧିରେ ଧିରେ ବଢିବାରେ ଲାଗିଛି ଏହାର ଲୋକପ୍ରିୟତା । ପୂରା ଦୁନିଆରେ ୧୦୦କୋଟି ଲୋକଙ୍କୁ ଚାକିରି ଦେବାରେ ସକ୍ଷମ ହୋଇଛି ଏହି କମ୍ପାନି ।
ଏହିମଧ୍ୟରେ ଭାରତରେ ୭ଲକ୍ଷ ଲୋକଙ୍କୁ ଚାକିରି ଦେବାରେ ସକ୍ଷମ ହୋଇପାରିଛି ଆମାଜନ ଏବଂ ଆଗାମୀ ୫ ବର୍ଷମଧ୍ୟରେ ୧୦ଲକ୍ଷ ଲୋକଙ୍କୁ ଚାକିରି ଦେବାପାଇଁ ଲକ୍ଷ୍ୟ ରଖିଥିବା ସ୍ପଷ୍ଟ କରିଛନ୍ତି ଆମାଜନ କମ୍ପାନିର ସମ୍ବାଦକ ଜେଫ୍ ବେଜୋସ୍ ।
ସେ କହିଛନ୍ତି, ‘ଆସନ୍ତା ପାଞ୍ଚ ବର୍ଷ ମଧ୍ୟରେ ଭାରତରେ ଆମେ ନିୟୁତ ନିୟୁତ ନୂଆ ନିଯୁକ୍ତି ସୃଷ୍ଟି କରିବା ପାଇଁ ନିବେଶ କରୁଛୁ। ଭାରତରେ ଥିବା ଆମ କର୍ମଚାରୀମାନଙ୍କ ସହାୟତା ଓ ଗ୍ରାହକମାନଙ୍କ ଆଗ୍ରହକୁ ଦୃଷ୍ଟିରେ ରଖି ବ୍ୟବସାୟକୁ ଆହୁରି ଆଗକୁ ନେବା ପାଇଁ ଆମେ ଲକ୍ଷ୍ୟ ରଖିଛୁ।’
ତେବେ ଭାରତରେ ସଫ୍ଟୱେୟାର୍ ଡେଭ୍ଲପମେଣ୍ଟ ଇଞ୍ଜିନିୟରିଂ, କ୍ଲାଉଡ୍ କମ୍ପ୍ୟୁଟିଂ, କଣ୍ଟେଟ୍ କ୍ରିଏସନ ଏବଂ କଷ୍ଟମର୍ ସପୋର୍ଟ ଆଦି କ୍ଷେତ୍ରରେ ଦକ୍ଷତା ଥିବା ଦକ୍ଷ ଭାରତୀୟଙ୍କ ପାଇଁ ଏହା ସୁବର୍ଣ୍ଣ ସୁଯୋଗ ହେବ ।
ଭୁବନେଶ୍ୱର : ଆସନ୍ତା ୫ ଦିନ ପାଇଁ ରାଜ୍ୟରେ ଲାଗି ରହିବ ଘନ କୁହୁଡି । ଏଥିପାଇଁ ୟେଲୋ ଓ୍ବାର୍ଣିଂ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଆସନ୍ତାକାଲି ପାଇଁ ୧୫ଟି ଜିଲ୍ଲାରେ ପ୍ରବଳ ଘନ କୁହୁଡି ହେବ ବୋଲି ପୂର୍ବାନୁମାନ କରିଛି ।
ଭଦ୍ରକ,ଯାଜପୁର, କେନ୍ଦ୍ରାପଡା,ଜଗତସିଂହପୁର, ଖୋର୍ଦ୍ଧା, ଢେଙ୍କାନାଳ, ମାଲକାନଗିରି, ବୌଦ୍ଧ, ଦେବଗଡ ଭଳି ୧୫ଟି ଜିଲ୍ଲାରେ ପ୍ରବଳ ଘନ କୁହୁଡି ହେବ ବୋଲି ପାଣିପାଗ ବୈଜ୍ଞାନିକ ସୂଚନା ଦେଇଛନ୍ତି । ଜାତୀୟ ରାଜପଥ କର୍ତ୍ତୃପକ୍ଷଙ୍କୁ ସତର୍କ କରାଇବା ସହ ଗାଡି ଚଳାଇବା ବେଳେ ସତର୍କ ରହିବାକୁ ପରାମର୍ଶ ଦେଇଛନ୍ତି ବିଶେଷଜ୍ଞ ।
ତେବେ ରାତି ସମୟରେ ୧ରୁ୨ ଡିଗ୍ରୀ ତାପମାତ୍ରା ବୃଦ୍ଧି ପାଇବ ବୋଳି ଆକଳନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ପ୍ରବଳ କୁହୁଡ଼ି ପ୍ରଭାବରେ ୫ଟି ବିମାନ ବିଳମ୍ବରେ ଉଡ଼ାଣ କରୁଥିବା ବେଳେ ବହୁ ଟ୍ରେନର ଗତିପଥ ମଧ୍ୟ ପରିବର୍ତ୍ତନ କରାଯାଇଛି ।
ଯାଜପୁର: ଯାଜପୁର ୧୬ନଂ ଜାତୀୟ ରାଜପଥର କୁଆଖିଆ ଛକ ନିକଟରେ ଦୁର୍ଘଟଣା ପରେ ଜଳିଗଲା ବାଇକ୍ ଓ ଟ୍ରକ୍ । ଅଳ୍ପକେ ବର୍ତ୍ତିଲେ ବାଇକ୍ ଆରୋହୀ ଓ ଟ୍ରକ୍ ଚାଳକ । ସୂଚନା ମୁତାବକ ରାଜପଥରେ ଟ୍ରକ ସହ ବାଇକର ମୁହାଁମୁହିଁ ଧକ୍କା ହେବା ପରେ ଟ୍ରକ ତଳେ ବାଇକଟି ପଶିଯାଇଥିଲା । ଫଳରେ ହଠାତ୍ ବାଇକରେ ନିଆଁ ଲାଗିଯାଇଥିଲା। ପରେ ନିଆଁ ଟ୍ରକକୁ ବ୍ୟାପୀ ଯାଇଥିଲା।
ତେବେ ସୌଭାଗ୍ୟବଶତଃ ଟ୍ରକ ଡ୍ରାଇଭର ଓ ବାଇକ ଆରୋହୀ ଅଳ୍ପକେ ବର୍ତ୍ତି ଯାଇଥିଲେ। ରସୁଲପୁର ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ଦୁର୍ଘଟଣା ପରେ ୧୬ନଂ ଜାତୀୟ ରାଜପଥରେ କିଛି ସମୟ ପାଇଁ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଥିଲା। କୁଆଖିଆ ପୋଲିସ ଦୁର୍ଘଟଣାଗ୍ରସ୍ତ ଗାଡ଼ି ୨ଟିକୁ ଜବତ କରି ତଦନ୍ତ ଚଳାଇଛି।
ପୁରୀ: ଶ୍ରୀମନ୍ଦିରକୁ ସୁନ୍ଦର ରୁପରେ ଗଢିତୋଳିବାକୁ ଅଣ୍ଟାଭିଡ଼ିଛି ପ୍ରଶାସନ । ସଂକ୍ରାନ୍ତି ପାଇଁ ୨ଦିନର ବିରତି ପରେ ପୁଣି ଆରମ୍ଭ ହୋଇଛି ଉଚ୍ଛେଦ ପ୍ରକ୍ରିୟା । ଆଜି ବାଲିସାହି ମୌଜାର କାକୁଡ଼ିଖାଇ ମନ୍ଦିର ଛକରୁ ଦୋକାନ ଉଚ୍ଛେଦ ଆରମ୍ଭ କରାଯାଇଛି ।
ପୁରୀକୁ ବିଶ୍ଵ ଐତିହ୍ୟରେ ଉପସ୍ଥାପନା କରିବା ପାଇଁ ରାଜ୍ୟ ସରକାର ଏହାର ଚତୁଃପାର୍ଶ୍ଵ ସୌନ୍ଦର୍ଯୀକରଣ କରୁଛନ୍ତି। ତେଣୁ ୨ଦିନ ପରେ ଆଜି ଶ୍ରୀମନ୍ଦିର ପୁରୀ ଶ୍ରୀମନ୍ଦିର ୭୫ ମିଟର ସୁରକ୍ଷା ଯୋନ ଉଚ୍ଛେଦ ପ୍ରକ୍ରିୟାକୁ ପ୍ରଶାସନ ଜୋରଦାର କରିଛି। ଆଜି କାକୁଡି ଖାଇ ଛକ ବାଲି ସାହି ରାସ୍ତାରେ ଉଛେଦ ଚାଲିଛି ।
ତେବେ ବର୍ତ୍ତମାନ ୧୦ରୁ ଅଧିକ ଖଜା ଦୋକାନ , ୫ ବଣିଆ ଦୋକାନ ଏବଂ ୧୫ରୁ ଅଧିକ ଘରୋଇ ପ୍ଲଟରେ ଉଚ୍ଛେଦ ପ୍ରକ୍ରିୟା ଜାରି ଅଛି । ଶାନ୍ତି ଶୃଙ୍ଖଳା ପାଇଁ ପୋଲିସ ଫୋର୍ସ ସମେତ ମାଜିଷ୍ଟ୍ରେଟ, ଅତିରିକ୍ତ ଜିଲ୍ଲାପାଳ ଓ ଉପ ଜିଲ୍ଲାପାଳ ଉପସ୍ଥିତ ରହିଛନ୍ତି ।
ଭୁବନେଶ୍ୱର: ପ୍ରଦେଶ କଂଗ୍ରେସ ଭବନରେ ଚାଲିଛି ସମୀକ୍ଷା ବୈଠକ । କଟକ ଜିଲ୍ଲା ଓ ସଦର, ଖୋର୍ଦ୍ଧା ଓ ଭୁବନେଶ୍ୱର ସାଂଗଠନିକ ଜିଲ୍ଲାରେ ଦଳୀୟ ସ୍ଥିତି ନେଇ ସମୀକ୍ଷା କରାଯାଉଛି । ତେବେ ପ୍ରଦେଶ କଂଗ୍ରେସ ପ୍ରଭାରୀ ଜିତେନ୍ଦ୍ର ସିଂ, ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ସମେତ ବହୁ ବରିଷ୍ଠ କର୍ମକର୍ତ୍ତା ବୈଠକରେ ଯୋଗଦେଇଛନ୍ତି ।
