ଆରମ୍ଭ ହେଲା ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଚାଲିଛି ବୈଠକ । ବିଭିନ୍ନ ବିଭାଗର ମନ୍ତ୍ରୀ ଉପସ୍ଥିତ । ବୈଠକ ୬ ପ୍ରସ୍ତାବକୁ ମିଳିପରେ ମଞ୍ଜୁରୀ । ')}
ଜିଦ୍ରେ ଅଟଳ ଓକିଲ: ନଭେମ୍ବର ପହିଲା ଯାଏଁ ଆନ୍ଦୋଳନ
ଜାରି ରହିବ ଓକିଲଙ୍କ ଆନ୍ଦୋଳନ । ନଭେମ୍ବର ପହିଲା ଯାଏଁ ଆନ୍ଦୋଳନ ଜାରି ରଖିବାକୁ ନିଷ୍ପତ୍ତି ନେଇଛି ହାଇକୋର୍ଟ ବାର ଆସୋସିଏସନ । ଆସନ୍ତା ନଭେମ୍ବର ୧ ଯାଏଁ ହାଇକୋର୍ଟ କାର୍ଯ୍ୟରେ ଯୋଗ ନଦେବାକୁ ବାର୍ ଆସୋସିଏସନ୍ ପକ୍ଷରୁ ସମସ୍ତ ଆଇନଜୀବୀ ମାନଙ୍କୁ ଅନୁରୋଧ କରାଯାଇଛି। ଆଜି ବାର ଆସୋସିଏସନ୍ ପକ୍ଷରୁ ଅନୁଷ୍ଠିତ ଗୁରୁତ୍ୱପୂର୍ଣ୍ଣ ବୈଠକରେ ଏହି ନିଷ୍ପତ୍ତି ନିଆଯାଇଥିବା ଆସୋସିଏସନ୍ ସମ୍ପାଦକ ସଞ୍ଜୟ ଦାସ ସୂଚନା ଦେଇଛନ୍ତି । ଆସନ୍ତା ୧ ତାରିଖରେ ବୈଠକ ବସିବା ପରେ ପରର୍ବତ୍ତୀ ନିଷ୍ପତ୍ତି ନିଆଯିବ। ହାଇକୋର୍ଟର ସମସ୍ତ ଜଜ୍ ପଦବୀ ପୂରଣ ଓ କଲେଜିୟମ ବ୍ୟବସ୍ଥା ଉଚ୍ଛେଦ ଦାବି ଆନ୍ଦୋଳନ ଜାରି ରଖିଛି ବାର୍ ଆସୋସିଏସନ ।
')}
ମାଡ଼ମାରି ବନ୍ଧା ହେଲେ ୨ ଡାକ୍ତର
ମହଙ୍ଗା ପଡ଼ିଲା ରୋଗୀଙ୍କୁ ବସଉଠ୍ କରିବା । ଭିଡିଓ ଭାଇରାଲ ପରେ ହେଲା କାର୍ଯ୍ୟାନୁଷ୍ଠାନ । ବୁର୍ଲା ମେଡିକାଲରେ ୨ ଡାକ୍ତରଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଏସ୍ପି, ଏସଡିପିଓ, ଓଆଇସିଙ୍କ ସହ ୩ ପ୍ଲାଟୁନ୍ ପୋଲିସ ଥିବା ସତ୍ତ୍ୱେ ସାର୍ଟ ଫାଡ଼ି ଦୋଷ ସ୍ୱୀକାର କରିବା ସହ କ୍ଷମା ମଗିବା ପାଇଁ ରୋଗୀଙ୍କ ସମ୍ପର୍କୀୟଙ୍କୁ କହୁଥିବାର ଭିଡିଓରେ ଦେଖିବାକୁ ମିଳିଛି । ଯାହାକୁ ନେଇ ସଚେତନ ନାଗରିକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।
ଡାକ୍ତର ପ୍ରଥମେ ରୋଗୀକୁ ନର୍ସିଂହୋମ ନେବାକୁ ବାଧ୍ୟ କରିଥିବା ଏବଂ ନର୍ସିଂହୋମରେ ଖର୍ଚ୍ଚାନ୍ତ କରାଇବା ସତ୍ତ୍ୱେ ଚିକିତ୍ସା ଠିକ୍ ଭାବେ ହୋଇନଥିବା ପରିବାର ଲୋକ ଅଭିଯୋଗ କରିଛନ୍ତି । ଏହାସହ ରୋଗୀଙ୍କ ପରିବାର ନିଜ ପିଲାଙ୍କୁ ନିର୍ଦ୍ଦେ।ଷ କହିବା ସହ ଡାକ୍ତରଙ୍କ ବିରୋଧରେ ବୁର୍ଲା ଥାନାରେ ଏତଲା ଦେଇଛନ୍ତି । ଅନ୍ୟପଟେ ଭାଇରାଲ ଭିଡିଓ ଯାଞ୍ଚ ଚାଲିଛି ଖୁବଶୀଘ୍ର ପଦକ୍ଷେପ ନିଆ ଯିବ ବୋଲି କହିଛନ୍ତି ସମ୍ବଲପୁର ଏସ୍ପି।
')}
ଭୋଟିଂରେ ଆଗରେ ହରିୟାଣା, ପଛରେ ମହାରାଷ୍ଟ୍ର
ମହାରାଷ୍ଟ୍ରରେ ୨୮୮ ବିଧାନସଭା ଆସନରେ ମତଦାନ ଜାରି ରହିଛି । ସନ୍ଧ୍ୟା ୫ଟା ସୁଦ୍ଧା ମାତ୍ର ୪୫ ପ୍ରତିଶତ ମତଦାନ ହୋଇଛି । ମୁମ୍ବାଇ ସହରରେ ମାତ୍ର ୩୪ ପ୍ରତିଶତ ମତଦାନ ହୋଇଥିବା ବେଳେ ମୁମ୍ବାଇ ସବରବନରେ ୩୬.୩୪ ପ୍ରତିଶତ ମତଦାନ ଅପରାହ୍ନ ୪ଟା ସୁଦ୍ଧା ହୋଇଛି । ଅମରାବତୀରେ ୩୯.୮୭ ପ୍ରତିଶତ ମତଦାନ ହୋଇଛି । ମହାରାଷ୍ଟ୍ରରେ ଭୋଟିଂରେ ସେତେଟା ଉତ୍ସାହ ଦେଖିବାକୁ ମିଳିନାହିଁ । ହରିୟାଣାରେ ୫୦.୯୮ ପ୍ରତିଶତ ମତଦାନ ଅପରାହ୍ନ ୫ଟା ସୁଦ୍ଧା ହୋଇଛି । ')}
ପୁଣି ପିସିସିର ହେବ ନବକଳେବର
ପୁଣି ଓଡ଼ିଶା ପ୍ରଦେଶ କଂଗ୍ରେସ କମିଟିର ହେବ ନବକଳେବର । ୨୩ ସାଂଗଠନିକ ଜିଲା ଗସ୍ତ କରି ରିପୋର୍ଟ ସଂଗ୍ରହ କରିବେ ପର୍ଯ୍ୟବେକ୍ଷକ । ଆସନ୍ତା ୨୪ ତାରିଖରେ ରାଜ୍ୟ କଂଗ୍ରେସ ଭବନରେ ହେବାକୁ ଥିବା ବୈଠକରେ ରିପୋର୍ଟ ପ୍ରଦାନ କରିବେ । ଏହି ରିପୋର୍ଟ ଆଧାରରେ ନୂଆ ପିସିସି ଟିମ୍ ଗଠନ କରିବ ଏ.ଆଇ.ସି.ସି । ୨୦୧୯ ସାଧାରଣ ନିର୍ବାଚନ ପୂର୍ବରୁ ପିସିସିର ନୂଆ ଟିମ୍ ଗଠନ କରାଯିବା ସହ ନିରଞ୍ଜନ ପଟ୍ଟନାୟକଙ୍କୁ ସଭାପତି ଦାୟିତ୍ୱ ଦିଆଯାଇଥିଲା । ')}
ମହଙ୍ଗା ପଡ଼ିଲା ନିୟମ ଉଲଙ୍ଘନ, ନୋଟିସ କଲା ବିଡିଏ
ବେଆଇନ ପାର୍କିଂ ଫି ଆଦାୟକୁ ନେଇ କଡ଼ା ଆଭିମୁଖ୍ୟ ପୋଷଣ କରିଛି ବିଡିଏ । ସହରର ୧୪ଟି ହସ୍ପିଟାଲ ଓ ସପିଂ ମଲକୁ ବିଡିଏ ପକ୍ଷରୁ ନୋଟିସ୍ ଜାରି କରାଯାଇଛି । ଏହି ସବୁ ସଂସ୍ଥା ବିରୋଧରେ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରାନଯିବ ସେ ନେଇ ୭ ଦିନ ମଧ୍ୟରେ ଉତ୍ତର ଦେବାକୁ ବିଡିଏ ପକ୍ଷରୁ ନୋଟିସରେ କୁହାଯାଇଛି ।
ରୁଦ୍ରପୁରର ସିମ୍ଫୋନି ମଲ, ମଧୁସୂଦନ ନଗରରେ ଥିବା ଦି ଓ୍ବାର୍ଲଡ, ଖାରବେଳ ନଗରରେ ଥିବା ଫୋରମ୍ ମାର୍ଟ, ପଟିଆର ମାରୁତି ଇଷ୍ଟେଟ୍ ପ୍ରାଇଭେଟ୍ ଲିମିଟେଡ, ପାହାଳର ପଲ୍ ମନ୍ତ୍ରା, ସହୀଦ ନଗରର ସୁରୁଚି କଣ୍ଟିନେଣ୍ଟାଲ, ଭବାନୀ ମଲ, ସଫାରି ଟିଟ୍ରେଟସକୁ ନୋଟିସ୍ ହୋଇଛି । ସେହିପରି ଲାଇଫ୍ ଲାଇନ, ସେଣ୍ଟ୍ରାଲ୍ ମଲ୍, ଆପୋଲୋ ହସ୍ପିଟାଲ, କଳିଙ୍ଗ ହସ୍ପିଟାଲ, କ୍ବାଲିଟି କେୟାର ଇଣ୍ଡିଆକୁ ନୋଟିସ୍ କରାଯାଇଛି । ସମସ୍ତେ ୭ ଦିନ ମଧ୍ୟରେ ଉତ୍ତର ଦେବାକୁ ନୋଟିରେ ଉଲ୍ଲେଖ ରହିଛି । ଦରକାର ପଡ଼ିଲେ ପ୍ଲାନ୍ ଆପ୍ରୁଭାଲ୍ ଫେରାଇ ନେବାକୁ ଚେତାବନୀ ଦେଇଛି ବିଡିଏ । ଏଥିରେ ଖିଲାପ କଲେ ବିଡିଏ ନିୟମ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ନୋଟିସରେ ସ୍ପଷ୍ଟ ଉଲ୍ଲେଖ ଅଛି। ')}