ବାଲିଗୁଡ଼ା: ମନ୍ଦିରର ମାର୍କେଟ କମ୍ପ୍ଲେକ୍ସ ପାଇଁ ହୋଇଛି କି ମର୍ଡର । ସୂଚନା ଅଧିକାର କର୍ମୀ ଅଭିମନ୍ୟୁ ପଣ୍ଡା ହତ୍ୟା ଘଟଣାରେ ପୋଲିସ୍ ତନାଘନା ଆରମ୍ଭ କରିଛି । ସଂପର୍କୀୟ ଭାଇ ବିମଳ ସାହୁଙ୍କ ଏତଲାକୁ ଭିତ୍ତି କରି ପୋଲିସ ଆରମ୍ଭ କରିଛି ଛାନଭିନ୍ । ପ୍ରଥମ ଦଫାରେ ବାଲିଗୁଡ଼ାର ଅନ୍ୟତମ ଜଣାଶୁଣା ବ୍ୟବସାୟୀ ପରିବାରର ୪ ଭାଇଙ୍କୁ ଅଟକ ରଖି ପଚରାଉଚରା କରୁଛି । ଅଭିଯୋଗ ହୋଇଛି ୟେ ଚାରି ଭାଇ ମିଶି ସୁପାରୀ କିଲର ସହାୟତାରେ ଅଭିମନ୍ୟୁଙ୍କୁ ଗୁଳି କରି ହତ୍ୟା କରିଛନ୍ତି ।
ବାଲିଗୁଡ଼ାରେ ଚାଞ୍ଚଲ୍ୟ, ଘରୁ ଡାକି ଆଣି ସୂଚନା ଅଧିକାର କର୍ମୀଙ୍କୁ ଗୁଳି
ଚାରି ଭାଇ ବିଶ୍ୱନାଥ ପାତ୍ର, ଗୋପାଳ ପାତ୍ର, ରାମ ପାତ୍ର, ଶ୍ୟାମ ସୁନ୍ଦର ପାତ୍ରଙ୍କୁ ଏବେ ବାଲିଗୁଡା ଥାନାରେ ମାରାଥନ ଜେରା ଚାଲିଛି । କିଛି ମାସ ହେଲା ଜଗନ୍ନାଥ ମନ୍ଦିରକୁ ଲାଗି ରହିଥିବା ମାର୍କେଟ କମ୍ପ୍ଲେକ୍ସକୁ ନେଇ ବିବାଦ ଲାଗି ରହିଥିଲା । ତେବେ ଏହି ବିବାଦର ଏ ହେଉଛି ପରଣାମ ବୋଲି ଚର୍ଚ୍ଚା ଚାଲିଛି ।
ତେବେ, ପୋଲିସ ଏ ନେଇ କୌଣସି ସ୍ପଷ୍ଟ ସୂଚନା ଦେଇନାହିଁ । ବାଲିଗୁଡ଼ା ଏସଡିପିଓ ମାନସ ରଞ୍ଜନ ବାରିକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଘଟଣାର ତଦନ୍ତ କରାଯାଉଛି । ସେପଟେ ଗଲା ୫୦ବର୍ଷ ଭିତରେ ବାଲିଗୁଡାରେ ଗୁଳି କରି କାହାକୁ ମାରି ଦେବା ପ୍ରଥମ ଘଟଣା । ତେଣୁ ସାରା ଅଂଚଳରେ ଏହାକୁ ନେଇ ଆତଙ୍କ ଖେଳି ଯାଇଛି ।
ମୃତ ଅଭିମନ୍ୟୁ ପଣ୍ଡା ବିଭିନ୍ନ ସମୟରେ ବିଭିନ୍ନ ବିଭାଗ ଓ ଅଧିକାରୀଙ୍କୁ ସୂଚନା ଅଧିକାର ଆଇନ୍ ବଳରେ ତଥ୍ୟ ମାଗୁଥିଲେ । ଏଥିଯୋଗୁଁ କେହି ଆକ୍ରୋଶ ରଖି ହତ୍ୟା କରିଥିବା ନେଇ ସାଧାରଣରେ ଚର୍ଚ୍ଚା ହେଉଛି ।
https://nandighoshatv.comrti-activist-attacked-in-baliguda-kandhamal/
ଏଣ୍ଡ୍ରୟଡ୍ ଫୋନର ସୁରକ୍ଷାରେ ତ୍ରୁଟି କାରଣରୁ ହ୍ୟାକର ଏହାର ଫାଇଦା ଉଠାଇଛନ୍ତି । ଡିନାଏଲ ଅଫ୍ ସର୍ଭିସ୍ ଭଳି ଆଟାକ୍ କରି ଫୋନକୁ ପୂରା ଖରାପ କରିଦେଉଛନ୍ତି । ଏହି ତ୍ରୁଟିକୁ ‘CVE-2019-2232’ ନାଁରେ ନାମିତ କରାଯାଇଛି । ଏହା ଦ୍ୱାରା ଲକ୍ଷାଧିକ ଡିଭାଇସ୍ ପ୍ରଭାବିତ ହୋଇପାରେ । ଗୁଗୁଲ ଅନୁଯାୟୀ ଏଣ୍ଡ୍ରୟଡ୍ ୮.୦, ଏଣ୍ଡ୍ରୟଡ୍ ୮.୧, ଅଣ୍ଡ୍ରୟଡ୍ ୯ ଓ ଏଣ୍ଡ୍ରୟଡ୍ ୧୦ ଫୋନ୍ ଉପରେ ‘CVE-2019-2232’ କାମ କରିପାରେ । ତେଣୁ, ଆପଣ ସତର୍କ ହୋଇଯାଆନ୍ତୁ ।
