ନନ୍ଦିଘୋଷ ବ୍ୟୁରୋ: ଭାରତ ଓ ପାକିସ୍ତାନ ମଧ୍ୟରେ ଅସ୍ତ୍ରବିରତି ଲାଗୁ । ଆଜି ଅପରାହ୍ନ ୫ଟାରୁ ଲାଗୁ ହୋଇଛି ଅସ୍ତ୍ରବିରତି । ଆସନ୍ତା ୧୨ ତାରିଖ ପର୍ଯ୍ୟନ୍ତ ଏହାକୁ ଲାଗୁ କରାଯାଇଛି । ଖବର ଅନୁସାରେ ଏହି ଅସ୍ତ୍ରବିରତି ଆମେରିକା ପାଖରେ ଜଣେ ପାକିସ୍ତାନୀ ଅଧିକାରୀ କାନ୍ଦି ଥିଲେ । ଏପରିକି, ଆମକୁ ବଞ୍ଚାଇ ଦିଅ, ନହେଲେ ଭାରତ ଆମକୁ ଶେଷ କରି ଦେବ ବୋଲି କହିଥିଲେ । ସୂଚନା ଅନୁସାରେ ଆମେରିକାକୁ ଫୋନ ଲଗାଇ ଥିବା ଏହି ପାକିସ୍ତାନୀ ଜଣଙ୍କ ହେଲେ ଡିଜିଏମଓ । ଏହି ଫୋନ କଲ୍ ପରେ ଅସ୍ତ୍ରବିରତି ନେଇ ପ୍ରକ୍ରିୟା ଆରମ୍ଭ ହୋଇଥିଲା । ଆମେରିକାର ଅଧିକାରୀମାନେ ଶୁକ୍ରବାର ପୂରା ରାତି ଏହି ପ୍ରକ୍ରିୟାରେ ଲାଗିଥିଲେ । ଶେଷରେ ଭାରତ ଅସ୍ତ୍ରବିରତି ପାଇଁ ରାଜି ହୋଇଥିଲା ।

ତେବେ ପ୍ରଶ୍ନ ଉଠୁଛି ଡିଜିଏମଓ ପଦ କ’ଣ ? ଏଥିରେ ବସିଥିବା ଅଧିକାରୀ ଜଣଙ୍କ କ’ଣ କରିଥାନ୍ତି । ସୈନ୍ୟ ସଞ୍ଚାଳନ ମହାନିର୍ଦ୍ଦେଶକ ପଦ ସେନାରେ ଏକ ବରିଷ୍ଠ ନେତୃତ୍ବ ବାଲା ପଦ । ଏମାନେ ସୈନ୍ୟ ଅଭିଯାନର ଦେଖାରଖା ଓ ସମନ୍ବୟ ରକ୍ଷା କରିଥାନ୍ତି । ପାକିସ୍ତାନରେ ଡିଜିଏମଓଙ୍କ କାମ ହେଲା ରଣନୀତି ପ୍ରସ୍ତୁତ କରିବା ଓ ଏହାର ରିପୋର୍ଟ ସେନା ମୁଖ୍ୟଙ୍କୁ ଦେବାକ । ଡିଜିଏମଓ ପରଦା ପଛରେ ରହି କାମ କରିଥାଏ ଓ ପାକିସ୍ତାନର ରହସ୍ୟ ଯେମିତି ପ୍ରଘଟ ନହୁଏ ତାହା ଉପରେ ନଜର ରଖିଥାନ୍ତି ।

ଭାରତର ଆକ୍ରମଣରେ ଡରି ଗଲା ପାକିସ୍ତାନ

ତିନିଦିନ ହେଲା ପାକିସ୍ତାନର ଡ୍ରୋନ ଆକ୍ରମଣ ଉଦ୍ୟମକୁ ଭାରତ ଭଣ୍ଡୁର କରିଥିଲେ ବି, କିଛି ବଡ଼ ଆକ୍ସନ ନେଇ ନଥିଲା । ହେଲେ ଶୁକ୍ରବାର ରାତିରେ ପାକିସ୍ତାନ ଭାରତର ବିଶ୍ବରୂପ ଦେଖିଥିଲା । ଭାରତର ଆକ୍ରମଣରେ ପାକିସ୍ତାନର ୫ଟି ମିଲିଟାରୀ ଓ ୨ଟି  ରାଡର ବେସ ସମ୍ପୂର୍ଣ୍ଣ ଧ୍ବଂସ ହୋଇଯାଇଥିଲା । ଏହି ୭ଟି ବେସ୍ ମଧ୍ୟରୁ ୫ଟି ପାକିସ୍ତାନର ପଞ୍ଜାବ ପ୍ରାନ୍ତରେ ରହିଛି । ଭାରତ ଏମିତି ବି ଆକ୍ରମଣ କରିବ, ତାହା ପାକିସ୍ତାନ କେବ ଭାବି ନଥିଲା । ଆଉ ଯେତେବେଳେ ଭାରତ ତା’ର ଅସଲ ରୂପ ଦେଖାଇଲା ପାକିସ୍ତାନ ସରକାର ଓ ସେନା ମଧ୍ୟରେ ଡର ବସି ଯାଇଥିଲା । ଆଉ ଏହି ଡର ଏତେ ଥିଲା ଯେ, ପାକିସ୍ତାନ ଅସ୍ତ୍ରବିରତି ପାଇଁ ସିଧା ଆମେରିକାକୁ ଫୋନ ଲଗାଇ ଦେଇଥିଲା ।

ତେବେ ପାକିସ୍ତାନର ଦୁଇ ଜଣ ମନ୍ତ୍ରୀ ଅସ୍ତ୍ରବିରତି ନେଇ ସଙ୍କେତ ଦେଉଥିଲେ । ରକ୍ଷାମନ୍ତ୍ରୀ ଖ୍ବାଜା ଆସିଫ, ସାମ୍ବାଦିକଙ୍କ ସହ କଥା ହେବା ବେଳେ କହିଥିଲେ, ଭାରତ ଆକ୍ରମଣ ବନ୍ଦ କରିଦେଲେ ଆମେ ଅସ୍ତ୍ରବିରତି ଉଲ୍ଲଂଘନ କରିବୁ ନାହିଁ । ସେହିପରି ବିଦେଶ ମନ୍ତ୍ରୀ ଇଶାକ ଡାର ମଧ୍ୟ ଏମିତି କିଛି ସଙ୍କେତ ଦେଇଥିଲେ । ସେ ଆଜି ସକାଳେ କହିଥିଲେ, ଭାରତ ପଟୁ କିଛି ନହେଲେ ଆମେ ଯୁଦ୍ଧ ବନ୍ଦ କରିଦେବୁ ।

ନନ୍ଦିଘୋଷ ବ୍ୟୁରୋ: ପାକିସ୍ତାନ ଓ ଭାରତ ମଧ୍ୟରେ ଚାଲିଥିବା ଆକ୍ରମଣ, ପ୍ରତି ଆକ୍ରମଣରେ ଲାଗିଲା ବ୍ରେକ୍ । ଅସ୍ତ୍ରବିରତି ପାଇଁ ରାତି ହେଊେ ଉଭୟ ଦେଶ । ଆସନ୍ତା ୧୨ ତାରିଖ ପର୍ଯ୍ୟନ୍ତ ଅସ୍ତ୍ରବିରତି ଲାଗୁ ପାଇଁ ଦୁଇ ଦେଶ ସହମତି ପ୍ରକାଶ କରିଛନ୍ତି । ତତ୍କାଳ ଅସ୍ତ୍ରବିରତି ଲାଗୁ ହୋଇଛି । ତେବେ ଭାରତର ସର୍ତ୍ତ ଅନୁସାରେ ଏହି ଅସ୍ତ୍ରବିରତି ଲାଗୁ ହୋଇଥିବା ସୂଚନା ମିଳିଛି । ଏନେଇ ବୈଦେଶିକ ସଚିବ ବିକ୍ରମ ମିଶ୍ରି ।

ଭାରତ ପକ୍ଷରୁ ସର୍ତ୍ତରେ କୁହାଯାଇଛି, ଭାରତ ଉପରେ ଯେ କୌଣସି ଆତଙ୍କବାଦୀ ଆକ୍ରମଣକୁ ଯୁଦ୍ଧ ବୋଲି ଧରାଯିବ । ସେହି ଅନୁସାରେ ଭାରତ କଡ଼ା ଜବାବ ଦେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା ଉଚ୍ଚସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଛି । ଏହାସହ ଆତଙ୍କବାଦ ବିରୋଧରେ ଜିରୋ ଟଲରାନ୍ସ ନୀତିକୁ ଗୁରୁତ୍ବ ଦିଆଯାଇଛି । ବୈଠକରେ ସୀମାନ୍ତବର୍ତ୍ତୀ ଅଞ୍ଚଳରେ ରାତିରେ ଟ୍ରେନ ଚଳାଚଳ ବାତିଲ ନେଇ ନିଷ୍ପତ୍ତି ହୋଇଛି । ଟ୍ରେନ ଚଳାଚଳ ସମ୍ପର୍କରେ ରେଳ ମନ୍ତ୍ରାଳୟ ନିଷ୍ପତ୍ତି ନେଇଛି । ଯାତ୍ରୀଙ୍କ ଲାଗି ସ୍ବତନ୍ତ୍ର ଟ୍ରେନର ବ୍ୟବସ୍ଥା କରାଯିବ । ପାକିସ୍ତାନ ଆକ୍ରମଣରେ ଅତିରିକ୍ତ ଜିଲ୍ଲା ଉନ୍ନୟନ କମିଶନର ରାଜ କୁମାର ଥାପ୍ପା ନିହତ ନେଇ ମଧ୍ୟ ଆଲୋଚନା ହୋଇଥିଲା ।

ଭାରତ ଓ ପାକିସ୍ତାନ ଯୁଦ୍ଧ ସ୍ଥିତିକୁ ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ କିଛି ସମୟ ପୂର୍ବରୁ ଟ୍ବିଟ୍ ଆସିଥିଲା । ଏଥିରେ ସେ ଉଲ୍ଲେଖ କରିଥିଲେ, ଦୁଇ ଦେଶ ଅସ୍ତ୍ରବିରତି ପାଇଁ ରାଜି ହୋଇଛନ୍ତି । ଆମେରିକା ପକ୍ଷରୁ ଏହାକୁ ଦୁଇ ଦେଶଙ୍କ ବୁଝାମଣା ଓ ମହାନ ବୁଦ୍ଧିମତାର ପରିଣାମ ବୋଲି କୁହାଯାଇଛି । ଦୁଇ ଦେଶର ଏପରି ନିଷ୍ପତ୍ତି ପାଇଁ ଟ୍ରମ୍ପ ପ୍ରଶାସନ ପକ୍ଷରୁ ଧନ୍ୟବାଦ ଜଣାଯାଇଛି । ଏବେ ସୀମାରେ ଶାନ୍ତି ଫେରିବ ଓ ଦୁଇ ଦେଶ ମଧ୍ୟରେ ବିବାଦ କମ କରିବାକୁ ଉଚିତ ପଦକ୍ଷେପ ନିଆଯିବ ।