ନନ୍ଦିଘୋଷ ବ୍ୟୁରୋ: ପୁଲଓ୍ବାମାର ପାପ ମାନିଲା ପାକିସ୍ତାନ। ପାକିସ୍ତାନ ବାୟୁସେନାର ବରିଷ୍ଠ ଅଧିକାରୀ ପ୍ରେସମିଟରେ ଦେଇଥିବା ଏକ ବୟାନ ସମସ୍ତଙ୍କୁ ଚକିତି କରିଛି। ୨୦୧୯ରେ ଜାମ୍ମୁ କାଶ୍ମୀର ପୁଲୱାମାରେ ହୋଇଥିବା ଆତଙ୍କୀ ଆକ୍ରମଣ କରିଥିବା ନିଜେ ମାନିଛି ପାକିସ୍ତାନ ବାୟୁସେନା। ପ୍ରେସମିଟରେ ପାକିସ୍ତାନୀ ବାୟୁସେନାର ବରିଷ୍ଠ ଅଧିକାରୀ ପୁଲୱାମା ହମଲାକୁ ଟାକ୍ଟିକାଲ ବ୍ରିଲିଆନ୍ସ ବୋଲି ବିବେଚନା କରିଛନ୍ତି। ଏହି ବୟାନ ଏମିତି ସମୟରେଆସିଛି, ଯେଉଁ ସମୟରେ ଭାରତ ପହଲଗାଓଁ ଆକ୍ରମଣକୁ ନେଇ ଅପରେସନ ସିନ୍ଦୂର ଅଭିଯାନ ଚଳାଇଛି। ତେବେ ୨୦୧୯ର ପୁଲୱାମା ଆକ୍ରମଣ ଘଟଣାରେ ସମ୍ପୃକ୍ତିକୁ ସବୁବେଳେ ଅସ୍ଵୀକାର କରିଆସିଛି ପାକିସ୍ତାନ। ଆଉ ପ୍ରେସମିଟରେ ପାକିସ୍ତାନ ବାୟୁସେନା ବରିଷ୍ଠ ଅଧିକାରୀ ନିଜେ ଆକ୍ରମଣ କଥା ସ୍ଵୀକାର କରିଛନ୍ତି।ପାକିସ୍ତାନ ଏୟାରଫୋର୍ସର ଏୟାର ଭାଇସ ମାର୍ଶଲ ଏବଂ ଜନସମ୍ପର୍କ ନିର୍ଦ୍ଦେଶକ ଔରଙ୍ଗଜେବ ଅହମ୍ମଦ ପ୍ରେସ ବିବୃତି ଜାରି କରି ପୁଲୱାମା ହମଲାକୁ ଟାକ୍ଟିକାଲ ବ୍ରିଲିଆନ୍ସ ବା ସେନାର ବୁଦ୍ଧିମତା ବୋଲି କହିଥିଲେ। ଏହି ବୟାନ ପରେ କେବଳ ପୁଲୱାମା ନୁହେଁ ପହଲଗାଓଁ ଆକ୍ରମଣ ଘଟଣାରେ ପାକିସ୍ତାନର ହାତ ନେଇ ସନ୍ଦେହକୁ ଆହୁରି ଦୃ଼ଢୀଭୂତ କରିଛି। ପାକିସ୍ତାନର ବରିଷ୍ଠ ଅଧିକାରୀଙ୍କ ଏହି ବୟାନ ପରେ ପୁଲୱାମା ଘଟଣାରେ ସମ୍ପୃକ୍ତିକୁ ଅସ୍ଵୀକାର କରୁଥିବା ପାକିସ୍ତାନର ଚେହେରା ପଦାରେ ପଡିଛି।

ପାକ ଅଧିକାରୀ ଔରଙ୍ଗଜେବ ଅହମ୍ମଦଙ୍କ ସହ ପାକିସ୍ତାନ ସେନାର ବରିଷ୍ଠ ଅଧିକାରୀ ଏହି ପ୍ରେସମିଟରେ ଉପସ୍ଥିତ ଥିଲେ।.. ୨୦୧୯ ଫେବୃଆରୀ ୧୪ରେ ପୁଲୱାମା ଆକ୍ରମଣ ହୋଇଥଲା। ଆତ୍ମଘାତୀ ହମଲାରେ ୪୦ ସିଆରପିଏଫ ଯବାନ ସହିଦ ହୋଇଥିଲେ। ଆତଙ୍କୀ ସଂଗଠନ ଜୈସ ଏ ମହମ୍ମଦ ଆକ୍ରମଣ ପାଇଁ ନିଜକୁ ଦାୟୀ କରିଥିଲା। ଆନ୍ତର୍ଜାତିକ ସ୍ତରରେ ଘଟଣାକୁ ନେଇ ଅନେକ ପ୍ରମାଣ ସହ ପାକିସ୍ତାନକୁ ଦୋଷ ଦେଇଆସୁଛି ଭାରତ।ତେବେ ପାକିସ୍ତାନ ସବୁବେଳେ ଏହାକୁ ଅସ୍ଵୀକାର କରି ଆସୁଛି। ପୁଲୱାମା ଆକ୍ରମଣ ପରେ ଭାରତ ୨୬ ଫେବୃଆରୀରେ ୨୦୧୯ରେ ଅପରେସନ ବାଲାକୋଟ ଜରିଆରେ ଆତଙ୍କୀ ଟ୍ରେନିଂ କ୍ୟାମ୍ପ ଧ୍ଵସ କରିଥିଲା।….

ନନ୍ଦିଘୋଷ ବ୍ୟୁରୋ: କେଉଁଠି ବି ଲୁଚି ପାରିବେ ନାହିଁ ଆତଙ୍କବାଦୀ । ଖୋଜି ଖୋଜି ମାରିବ ଭାରତ । ଲକ୍ଷ୍ନୌର ବ୍ରହ୍ମୋସ୍ ଉତ୍ପାଦନ କେନ୍ଦ୍ରର ଉଦଘାଟନ ଅବସରରେ ଗର୍ଜିଲେ ରାଜନାଥ ସିଂହ କହିଲେ, ସୀମା ସେପଟେ ବି ସୁରକ୍ଷିତ ରହିପାରିବେନି ଆତଙ୍କବାଦୀ । ଅପରେସନ ସିନ୍ଦୁରରେ ଶକ୍ତି ଓ ଶୌର୍ଯ୍ୟ ଦେଖାଇଛି ଭାରତୀୟ ସେନା । ଅପରେସନ ସିନ୍ଦୁର ହେଉଛି ଇଚ୍ଛା ଶକ୍ତିର ପ୍ରତୀକ । ପୁରା ଦେଶ ସେନାକୁ ଅଭିନନ୍ଦନ ଜଣାଉଛଛି । ରାଉଲପିଣ୍ଡି ଯାଏ ସେନାର ଗର୍ଜନ ଶୁଭିଛି ।

ଅନ୍ୟପଟେ ମୋଦିଙ୍କୁ ଚିଠି ଲେଖିଛନ୍ତି ଖଡ଼ଗେ । ସଂସଦର ସ୍ଵତନ୍ତ୍ର ଅଧିବେଶନ ଡାକିବାକୁ ଅନୁରୋଧ କରିଛନ୍ତି । ପହଲଗାଁଓ ଆକ୍ରମଣ, ଅପରେସନ ସିନ୍ଦୂର ନେଇ ଆଲୋଚନା ହେଉ ବୋଲି ସେ କହିଛନ୍ତି । ଅସ୍ତ୍ରବିରତି ଉଲ୍ଲଂଘନ ନେଇ ମଧ୍ୟ ଆଲୋଚନା ହେଉ । ଏପରି ଅନୁରୋଧ କରି ଖଡ଼କେ ଚିଠି ଲେଖିଛନ୍ତି । ରାହୁଲ ଗାନ୍ଧି ମଧ୍ୟ ମୋଦିଙ୍କୁ ଲେଖଛନ୍ତି ଚିଠି । ସଂସଦର ସ୍ଵତନ୍ତ୍ର ଅଧିବେଶନ ପାଇଁ ଚିଠି ଲେଖିଛନ୍ତି ।

ଲକ୍ଷ୍ନୌ: ଉତ୍ତର ପ୍ରଦେଶ ଲକ୍ଷ୍ନୌରେ ଉଦଘାଟନ ହେଲା ବିଶ୍ବର ସବୁଠାରୁ ଧ୍ବଂସକାରୀ ସୁପରସୋନିକ କ୍ରୁଜ କ୍ଷେପଣାସ୍ତ୍ର ବ୍ରହ୍ମୋସର ଉତ୍ପାଦନ ୟୁନିଟ । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏହି ୟୁନିଟର ଉଦଘାଟନ କରିଛନ୍ତି ।

ଲକ୍ଷ୍ନୌରେ ବ୍ରହ୍ମୋସ୍ ଏରୋସ୍ପେସ୍ ଇଣ୍ଟିଗ୍ରେସନ୍ ଆଣ୍ଡ୍ ପରୀକ୍ଷଣ ସୁବିଧାର ଉଦଘାଟନ ଉତ୍ସବରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି, “ଆଜି ହେଉଛି ଜାତୀୟ ପ୍ରଯୁକ୍ତିବିଦ୍ୟା ଦିବସ। ୧୯୯୮ ମସିହାରେ ଏହି ଦିନ, ଅଟଳ ବିହାରୀ ବାଜପେୟୀଙ୍କ ନେତୃତ୍ୱରେ, ଆମର ବୈଜ୍ଞାନିକମାନେ ପୋଖରାନରେ ପରମାଣୁ ପରୀକ୍ଷଣ କରିଥିଲେ ଏବଂ ବିଶ୍ୱକୁ ଭାରତର ଶକ୍ତି ଦେଖାଇଥିଲେ। ସେହି ପରୀକ୍ଷଣ ଆମର ବୈଜ୍ଞାନିକ, ଇଞ୍ଜିନିୟର, ପ୍ରତିରକ୍ଷା କର୍ମଚାରୀ ଏବଂ ଅନ୍ୟାନ୍ୟ ଅନେକ ଅଂଶୀଦାରଙ୍କ ଅକ୍ଳାନ୍ତ ପ୍ରୟାସର ପରିଣାମ ଥିଲା।”

କ’ଣ ରହିଛି ଏହାର ବିଶେଷତ୍ୱ?

• ଏହି ପ୍ଲାଣ୍ଟ ମହାକାଶ ଏବଂ ପ୍ରତିରକ୍ଷା କ୍ଷେତ୍ର ପାଇଁ ଉଚ୍ଚମାନର ସାମଗ୍ରୀ ଉତ୍ପାଦନ କରିବ, ଯାହା ଚନ୍ଦ୍ରାୟଣ ମିଶନ ଏବଂ ଯୁଦ୍ଧ ବିମାନରେ ବ୍ୟବହୃତ ହେବ।
• ୨୦୧୮ ମସିହାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଘୋଷଣା କରାଯାଇଥିବା ଉତ୍ତର ପ୍ରଦେଶ ପ୍ରତିରକ୍ଷା ଶିଳ୍ପ କରିଡର ଯୋଗୀ ସରକାରଙ୍କ ପ୍ରାଥମିକତା ହୋଇଆସିଛି।
• ପ୍ରତିରକ୍ଷା ଶିଳ୍ପ କରିଡର ନିର୍ମାଣ କରିବାରେ ଉତ୍ତର ପ୍ରଦେଶ ଦ୍ୱିତୀୟ ରାଜ୍ୟ। ଉତ୍ତର ପ୍ରଦେଶ ପୂର୍ବରୁ, ୨୦୧୯ ମସିହାରେ ତାମିଲନାଡୁରେ ଏକ ଶିଳ୍ପ କରିଡର ପ୍ରତିଷ୍ଠିତ ହୋଇଛି।
• ୟୁପି ଏବଂ ତାମିଲନାଡୁ କରିଡର ଉଭୟ ‘ମେକ୍ ଇନ୍ ଇଣ୍ଡିଆ’ ଏବଂ ‘ଆତ୍ମନିର୍ଭର ଭାରତ’ ପଦକ୍ଷେପର ଅଂଶ, ଯାହାର ଲକ୍ଷ୍ୟ ପ୍ରତିରକ୍ଷା ଆମଦାନୀ ଉପରେ ନିର୍ଭରଶୀଳତା ହ୍ରାସ କରିବ, ସ୍ୱଦେଶୀ ଉତ୍ପାଦନକୁ ବୃଦ୍ଧି କରିବ ଏବଂ ନିଯୁକ୍ତି ସୃଷ୍ଟି କରିବ।
• ଲକ୍ଷ୍ନୌରେ ନୂତନ ବ୍ରହ୍ମୋସ କ୍ଷେପଣାସ୍ତ୍ର ଉତ୍ପାଦନ କେନ୍ଦ୍ର ଆରମ୍ଭ ହୋଇଛି, ଯାହା ଭାରତର ସ୍ୱଦେଶୀ ପ୍ରତିରକ୍ଷା କ୍ଷମତାକୁ ସୁଦୃଢ଼ ​​କରିବ। ଏହି ୟୁନିଟ୍ ପ୍ରତିବର୍ଷ ୮୦ ରୁ ୧୦୦ ବ୍ରହ୍ମୋସ୍ କ୍ଷେପଣାସ୍ତ୍ର ନିର୍ମାଣ କରିବ।
  ୩୦୦ କୋଟି ଟଙ୍କା ବ୍ୟୟରେ ନିର୍ମିତ ଏହି ୟୁନିଟ୍ ବ୍ରହ୍ମୋସ କ୍ଷେପଣାସ୍ତ୍ର ନିର୍ମାଣ କରିବ, ଯାହା ୨୯୦-୪୦୦ କିଲୋମିଟର ଦୂରତା ଏବଂ ୨.୮ ମାକ୍ ବେଗ ସହିତ ଏକ ସଠିକ୍ ଆକ୍ରମଣ କରିପାରିବ।

ଏହି କ୍ଷେପଣାସ୍ତ୍ରକୁ ସ୍ଥଳ, ଆକାଶ ଏବଂ ସମୁଦ୍ରରୁ ନିକ୍ଷେପ କରାଯାଇପାରିବ ଏବଂ ଏହା ‘ଫାୟାର ଆଣ୍ଡ ଫରଗେଟ’ ନୀତିରେ କାମ କରେ, ଯାହା ଏହାକୁ ଶତ୍ରୁ ରାଡାରକୁ ଏଡ଼ାଇ ସଠିକ୍ ଭାବରେ ଟାର୍ଗେଟକୁ ଆକ୍ରମଣ କରେ ।

ନନ୍ଦିଘୋଷ ବ୍ୟୁରୋ: ବିପଦରେ ଥିଲା ବିଦେଶୀ ଖେଳାଳୀଙ୍କ ଜୀବନ । ପାକିସ୍ତାନ ସୁପର ଲିଗରେ ଖେଳୁଥିବା ବିଦେଶୀ ଖେଳାଳୀ ଅଳ୍ପକେ ବର୍ତ୍ତି ଯାଇଛନ୍ତି । ଭାରତ ପାକିସ୍ତାନ ଯୁଦ୍ଧ ଭିତରେ ପାକିସ୍ତାନରେ କ୍ଷେପଣାସ୍ତ୍ର ଆକ୍ରମଣରୁ ଅଳ୍ପକେ ବର୍ତ୍ତି ଯାଇଛନ୍ତି ଖେଳାଳୀମାନେ । ଏକ ମିଡିଆ ରିପୋର୍ଟ ଅନୁସାରେ, ସିଆନ୍ ଆବୋଟ୍, ବେନ୍ ଡୋର୍ଣୁଇସ୍, ଆଷ୍ଟନ୍ ଟର୍ନର ଏବଂ ମିଚ୍ ଓଓ୍ବେନ୍ଙ୍କୁ ଏକ ଚାର୍ଟର ବିମାନରେ ଦୁବାଇ ନିଆଯାଇଥିଲା । ସୌଭାଗ୍ୟ ବସତଃ ଆକ୍ରମଣ ହେବା ପୂର୍ବରୁ ସେମାନେ ବର୍ତ୍ତି ଯାଇଥିଲେ । ସେମାନେ ସେହି ସ୍ଥାନରୁ ଚାଲିଯିବା ପରେ ହିଁ ଭାରତୀୟ ସେନା ସାମରିକ ଘାଟିକୁ ଟାର୍ଗଟ କରିଥିଲା ।

ପିଏସଏଲରେ ଖେଳୁଥିବା ଅଷ୍ଟ୍ରେଲିୟ ଖେଳାଳିମାନେ ସୁରକ୍ଷିତ ପାକିସ୍ତାନ ଛାଡ଼ିଛନ୍ତି । ପାକିସ୍ତାନ କ୍ରିକେଟ ବୋର୍ଡ ଖେଳାଳିଙ୍କ ପାଇଁ ଏକ ଚାର୍ଟର ବିମାନ ବ୍ୟବସ୍ଥା କରିଥିଲା । ଯାହା ଗତ ଶୁକ୍ରବାର ଇସଲାମାବାଦରୁ ଦୁବାଇ ଯାତ୍ରା କରିଥିଲା । ଗତକାଲି ସେମାନେ ଦୁବାଇରୁ ଅଷ୍ଟ୍ରେଲିୟା ଯାଇଛନ୍ତି ।

ନନ୍ଦିଘୋଷ ବ୍ୟୁରୋ: ଅପରେସନ ସିନ୍ଦୂରକୁ ନେଇ ବଡ଼ ବୟାନ ଦେଲା ବାୟୁସେନା । ଏ ନେଇ ବାୟୁସେନା କହିଛି ସଫଳତାର ସହିତ ଦିଆଯାଇଥିବା କାମ ସେନା କରିଛି  । ସଠିକ୍ ଭାବେ ଓ ପେସାଦାର ଭାବେ ଅପରେସନ କରାଯାଇଛି । ଜାତୀୟ ଉଦ୍ଦେଶ୍ୟ ଅନୁସାରେ ଅପରେସନ ହୋଇଥିଲା  । ବର୍ତ୍ତମାନ ବି ଅପରେସନ ଜାରି ରହିଥିବାରୁ ପରେ ବିସ୍ତୃତ ସୂଚନା ଦିଆଯିବ । ନିଜେ ନିଜେ କିଛି ନ ଭାବିବାକୁ IAF ଅନୁରୋଧ ମଧ୍ୟ କରିଛି । ଯାଞ୍ଚ ହୋଇନଥିବା ସୂଚନା ସେୟାର ନ କରିବାକୁ ମଧ୍ୟ ବାୟୁସେନାର ଅନୁରୋଧ ।

ଅନ୍ୟପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାସଭବନରେ ଗୁରୁତ୍ଵପୂର୍ଣ୍ଣ ବୈଠକ ବସିଛି। ପାକିସ୍ତାନ ସହିତ ଅସ୍ତ୍ରବିରତି ଘୋଷଣା ହେବା ପରେ ଏହି ବୈଠକ ହୋଇଛି। ଏଥିରେ ଯୋଗ ଦେଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ଏନଏସଏ ଅଜିତ ଡୋଭାଲ, ସିଡିଏସ୍ ଅନୀଲ ଚୌହାନ ଓ ତିନି ସେନା ମୁଖ୍ୟ। ପରିବର୍ତ୍ତିତ ପରିସ୍ଥିତିର ସମୀକ୍ଷା ସହିତ ଆଗାମୀ ରଣନୀତି ନେଇ ଏହି ବୈଠକରେ ଆଲୋଚନା ହୋଇଥିବାର ସୂଚନା ମିଳିଛି। ଅସ୍ତ୍ରବିରତି କରିବା ପାଇଁ ଗତକାଲି ଭାରତ-ପାକିସ୍ତାନ ରାଜି ହୋଇଥିଲେ। ଏପ୍ରିଲ ୨୨ରେ ପହଲଗାଓଁ ଆତଙ୍କବାଦୀ ଆକ୍ରମଣ ପରେ ଦୁଇ ଦେଶ ମଧ୍ୟରେ ଦେଖାଦେଇଥିଲା ଯୁଦ୍ଧ ପରିସ୍ଥିତି। ପ୍ରବଳ ଉତ୍ତେଜନା ହୋଇଥିଲା। ଡ୍ରୋନ୍ ଆକ୍ରମଣ ହୋଇଥିଲା। ଭାରତର ଆକ୍ରମଣରେ ପାକିସ୍ତାନରେ ଥିବା ବହୁ ଆତଙ୍କବାଦୀ ଶିବିର ଧ୍ଵଂସ ପାଇବା ସହିତ ପରେ କେତେକ ସାମରିକ ଭିତ୍ତିଭୂମି ମଧ୍ୟ ନଷ୍ଟ ହୋଇଥିଲା। କିନ୍ତୁ ପାକିସ୍ତାନର ସମସ୍ତ ଡ୍ରୋନ ଆକ୍ରମଣକୁ ପ୍ରତିହତ କରିଥିଲା ଭାରତ। … .

ନନ୍ଦିଘୋଷ ବ୍ୟୁରୋ: ଭାରତର ଆକ୍ରମଣରେ ଛାରଖାର ପାକିସ୍ତାନ । ପାକିସ୍ତାନର ହୋଇଛି ବହୁତ କ୍ଷତି । କ୍ଷତି ହୋଇନି ବୋଲି କହି ସେ ନିଜ ଲୋକଙ୍କୁ ଭୁଆଁ ବୁଲାଇ ପାରେ କିନ୍ତୁ ସାରା ବିଶ୍ବକୁ ନୁହେଁ । କାରଣ ସାଟେଲାଇଟ୍ ଚିତ୍ର ପାକିସ୍ତାନର ସବୁ ମିଛ ଧରା ପକେଇ ଦେଇଛି । ସାଟେଲାଇଟ ଚିତ୍ରରୁ ସ୍ପଷ୍ଟ ଜଣାପଡ଼ୁଛି ଯେ, ପାକିସ୍ତାନ ଏୟାରବେଶ ପ୍ରବଳ ମାତ୍ରାରେ କ୍ଷତିଗ୍ରସ୍ତ ହୋଇଛି । ଭାରତ ପାକିସ୍ତାନର ସରଗୋଧା ଏୟାରବେଶକୁ ଟାର୍ଗେଟ କରି ପ୍ରବଳ କ୍ଷତି ପହଞ୍ଚାଇଛି ।

ସାଟେଲାଇଟରୁ ନିଆଯାଇଥିବା ଏହି ଚିତ୍ରକୁ ଦେଖିଲେ ସ୍ପଷ୍ଟ ଜଣାପଡ଼ୁଛି ଯେ, ଏୟାରବେଶର ରନଓ୍ବେର କ୍ଷତି ହୋଇଛି । ସରଗୋଧା ଏୟାରବେଶର ଏହି ଚିତ୍ର ସାଟେଲାଇଟରୁ ନିଆଯାଇଛି । ଏହି ଚିତ୍ରରେ ରନଓ୍ବେ ଉପରେ ବ୍ଲାଷ୍ଟ ହେବାର ସ୍ପଷ୍ଟ ଜଣାପଡ଼ୁଛି । ରନଓ୍ବେଟି ମଝିରୁ ଭାଙ୍ଗି ଯାଇଛି ।

LANDSAT – a moderate resolution satellite, captured an image over Sargodha Airbase this morning following India’s airstrikes inside Pakistan, while resolution is limited, imagery suggests potential runway damage pic.twitter.com/Sdi85BmcCt

— Damien Symon (@detresfa_) May 10, 2025